de nas bcom ldan ’das kyis byuṅ ba ’di dag źes bya ba nas bslab pa (4) bca’ ba mdzad pa’i bar du ste | yaṅ dge sloṅ ma gaṅ źig dge sloṅ ma gaṅ dag ’dres par gnas śiṅ | dgod pa daṅ | rtse ba daṅ | lus kyis rtsa ba hral byed par śes bźin du de dag tha dad du gnas pa la ’di skad ces phu nu mo khyed tha dad du ma gnas (5) par khyed ’dres par gnos śig | khyed ’dres par gnas na dge ba’i chos rnams ’phel ba kho nar ’gyur gyi ’grib pa ni ma yin par rig par bya’o źes zer na | dge sloṅ ma de la dge sloṅ ma rnams kyis ’di skad ces brjod par bya ste | dge sloṅ ma ’dres (6) par gnas śiṅ | dgod pa daṅ | rtse ba daṅ | lus kyis rtsab hral byed pa las tha dad du gnas pa rnams la ’di skad ces khyed ’dres par gnos la tha dad du ma gnas śig ces ma zer cig | de la dge sloṅ ma rnams kyis de skad ces brjod pa na gal te gźi de (7) gtoṅ na de ltan legs | gal te mi gtoṅ na gźi de gtaṅ bar bya ba’i phyir lan gñis lan gsum du yaṅ dag par bsgo bar bya | yaṅ dag par bstan par bya’o ||