de nas bcom ldan ’das kyi thugs kyis tshe daṅ ldan pa śā ri’i bu’i sems mkhyen nas | tshe daṅ ldan pa śā ri’i bu la bka’ stsal pa | śā ri’i bu khyod saṅs (4) rgyas kyi yul la lag ’jug par ma khyed cig | ’di ni ’di nas ñan thos daṅ raṅ saṅs rgyas kyi ye śes kyi yul las ’das pa’i dus na de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa skyes bu (5) ’dul ba’i kha lo sgyur ba | bla na med pa lha daṅ mi rnams kyi ston pa | saṅs rgyas bcom ldan ’das thams cad zil gyis gnon pa źes bya ba’i ston pa ’byuṅ bar ’gyur te | de’i bstan pa la ’di rab tu byuṅ nas ñon moṅs pa thams cad spaṅs te dgra bcom pa ñid mṅon sum du byed par ’gyur ro ||

.