dge (3) sloṅ rnams the tshom skyes nas the tshom thams cad gcod par mdzad pa saṅs rgyas bcom ldan ’das la źus pa | btsun pa tshe daṅ ldan pa dga’ bos las ci źig bgyis na las de’i rnam par smin bas ’di’i lus kyi mdog gser gyi kha dog lta bur grub ciṅ skyes bu chen (4) po’i mtshan sum bcus ni brgyan | bcom ldan ’das pas ni sor bźis thuṅ la | ’dod pa dag la lhag par chags pa las bcom ldan ’das kyis nan gyis phral nas ’khor ba’i dgon pa las bsgral te | śin tu mthar thug pa’i grub pa daṅ bde ba mya ṅan las (5) ’das pa la bźag lags | bcom ldan ’das kyis bka’ stsal pa | dge sloṅ dag dga’ bo ñid kyis las byas śiṅ bsags pa | tshogs rñed pa | rkyen yoṅs su bsgyur ba | dpa’ rgal bźin ñe bar gnas pa | ṅes par gyur ba yin te | dga’ bo ñid kyis (6) las byas śiṅ bsags pa gźan su źig gis myoṅ bar ’gyur | dge sloṅ dag las byas śiṅ bsags pa dag ni phyi rol gyi sa’i khams la rnam par smin par mi ’gyur | chu’i khams la ma yin | me’i khams la ma yin | rluṅ gi khams la ma yin gyi | ’on kyaṅ las (7) dge ba daṅ mi dge ba byas śiṅ bsags pa rnams ni zin pa’i phuṅ po daṅ khams daṅ skye mched dag kho na la rnam par smin par ’gyur te | bskal pa brgya phrag rnams su yaṅ | las rnams chud zar mi ’gyur te | tshogs śiṅ dus la bab ba na | lus can rnams la (153b1) ’bras bur smin | dge sloṅ dag sṅon byuṅ ba skye dgu rnams kyi tshe lo brgyad khri thub pa na ston pa saṅs rgyas bcom ldan ’das rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul ba’i kha lo sgyur ba bla na med pa | lha daṅ mi rnams (2) kyi ston pa rnam par gzigs źes bya ba mi’i ’jig rten du byuṅ ste | de ’khor dge sloṅ ’gum phrag drug bcu rtsa gñis daṅ ljoṅs rgyu źiṅ gśegs pa na rgyal po’i pho braṅ gñen ldan du byon nas gñen ldan gyi tshal na bźugs so ||

.