de ’dod chags daṅ bral ba yin yaṅ byams pa’i bag chags kyis bsgos (5) pas tshe daṅ ldan pa gaṅ po bcom ldan ’das gdul ba’i don du ’jig rten gźan du ma gśegs sam | dge sloṅ gi dge ’dun ’thab pa daṅ | rtsod pa daṅ | ’gyed pa daṅ | mtshaṅ mi ’dru’am | de bźin gśegs pas chos kyi ’khor lo bskor ba mu (6) stegs kyis kun du ma bzlog gam de dag ’dus nas de bźin gśegs pa’i ñan thos kyi dge ’dun la gnod pa ma byas sam | de bźin gśegs pa ñim daṅ ’dra ba la ñon moṅs pas dkris ba’i dbaṅ du gyur pa dge sgyoṅ daṅ | bram ze daṅ | spyod pa ga (7) daṅ | kun du rgyu dag gis brñas par ma gyur tam | ma rig pa’i mun pas yog pa’i blo gros can dag gis dge ’dun ’dus pa’i dbyen ma byas sam | gaṅ de bźin gśegs pas gsuṅs pa’i chos daṅ ’dul ba la chos daṅ ’dra ba’i tshig daṅ yi ge daṅ lta (302b1) ba’i du ma byuṅ ṅam | tshaṅs pa mtshuṅs par spyod pa dag klog pa daṅ | ’don pa daṅ | yid la byed pa dag las blo bsgyur nas ’dus śiṅ bre mo’i gtan byed par ma gyur tam | gaṅ the tshom daṅ | yid gñis la źugs pa’i sems kyis chos ma yin pa la ni chos su (2) chos ni chos ma yin par ’dul ba ma yin pa la ni ’dul bar | ’dul ba la ni ’dul ba ma yin par ma bśad dam | dge sloṅ dag ser sna’i dri mas yog pas tshaṅs pa mtshuṅs pa glo bur du ’oṅs pa rnams la kun du dga’ bar bya ba’i chos drug la sogs pa mi byed (3) ciṅ khyad du gsod par mi byed dam | gaṅ rab tu byuṅ ba ṅan pa dag gis bram ze daṅ khyim bdag dad pa can dag bstan pa la ma dad par byas nas mu stegs can la rten par ma gyur tam | gaṅ dag log par ’tsho ba kun du spyod pa źiṅ rmo ba daṅ | ño tshoṅ byed pa daṅ | (4) rgyal po la rten ciṅ ’tsho ba ltos par mgyur tam | gaṅ dag sbyaṅs pa’i yon tan yaṅ dag par blaṅs nas bas mtha’i gnas mal du brten pa las sbyaṅs pa’i yon tan de dag bor bar ma gyur tam | dge sbyoṅ ma yin pa dge sbyoṅ du khas ’ches nas tshaṅs pa mtshuṅs (5) par sbyod pa ’khrug par mi byed dam | de lta mod kyi jo bo gaṅ po saṅs rgyas la sogs pa dge sloṅ gi dge ’dun źes smras pa’i rigs na ’od sruṅ la sogs pa źes smra’am | thugs rje chen po la goms par gnas pa kun du spyod pa la źugs pa’i ston pa phuṅ po lhag ma (6) med pa’i mya ṅan las ’das pa’i dbyiṅs su mya ṅan las ’das pa la ma źugs sam | ’gro ba’i ru skya ’dzin pa med pas ’jig rten ’khrugs par ma gyur tam | stobs bcu daṅ ldan pa mi rtag pa’i stobs kyis non par ma gyur tam | sems can (7) thams cad kyi ston pa bdag cag sad par byed pa’i mgon po ma gzims sam | saṅs rgyas ñin byed ma nub bam | thub pa’i dbaṅ po zla ba sgra can gyis bcom snaṅ ba med par ma gyur tam | sum bcu rtsa gsum na dbaṅ phyug dpag bsam gyi śiṅ dri źim po (303a1) byaṅ chub kyi yan lag gi me tog gis mdzes par byas pa dge sbyoṅ gi ’bras bu bzaṅ po bźi daṅ ldan pa mi rtag pa’i glaṅ po che smyon pas ma bcom mam | ye śes kyi sgro na ma mi rtag pa’i rluṅ gis bdas nas yoṅs su mya ṅan las ma ’das sam źes smras so ||

.