bsñen par rdzogs (7) par ’os pa gaṅ źe na | khas blaṅs nas grub pas na bsñen par rdzogs pa ste | bsñen par rdzogs par ’os pa la rnam pa bcu’o || de bźin gśegs pa raṅ byuṅ daṅ rab saṅs rgyas ni slob dpon med pas bsñen par rdzogs pa daṅ | lṅa po rnams ye śes mṅon du chud (235a1) pas bsñen par rdzogs pa daṅ | tshe daṅ ldan pa ’oṅ sruṅ chen po ston par khas blaṅs pas bsñen par rdzogs pa daṅ | tshe daṅ ldan pa ’char ldan dris nas luṅ bstan pas bsñen par rdzogs pa daṅ | dge sloṅ tshur śog ces gsuṅs pas bsñen par (2) rdzogs pa daṅ | skyabs su ’gro ba’i tshig gsum gyis bsñen par rdzogs pa daṅ | yul mtha’ ’khob na ’dul ba ’dzin pa daṅ | lṅa’i dge ’dun las bsñen par rdzogs pa daṅ | yul gyi dbus su bcu ’dus pa daṅ de las lhag pa las bsñen par rdzogs pa (3) daṅ | bla ma’i chos khas blaṅs pa daṅ | pho ñas bsñen par rdzogs pa daṅ | dge ’dun sde gñis las bsñen par rdzogs pa’o || de la gaṅ gsol ba daṅ bźi’i las kyis ma bcas pa na skyabs su ’gro ba’i tshig gsum gyis bsñen par rdzogs pa ni legs par bsñen (4) par rdzogs pa źes bya’o || gaṅ gis gsol ba daṅ bźi’i las bcas pa de ni skyabs su ’gro ba’i tshig gsum gyis bsñen par rdzogs pa ni bsñen par ma rdzogs pa’o || dge sloṅ tshur śog ces pas ni thog ma daṅ tha mar ’dra ste | bsñen par rdzogs pa de ni legs (5) par bsñen par rdzogs pa’o || de ci’i phyir źe na | u pā li dge sloṅ tshur śog ces bya ba ni || ṅas mṅon sum du bsñen par rdzogs pa ste | dge sloṅ tshur śog ces bya ba de thams cad kyaṅ srid pa tha ma pa ste | dge sloṅ tshur śog ces bya ba dag ni slob bźin du dus (6) ’da’ ba ma yin te | de lta bas na de dag legs par bsñen par rdzogs pa źes bya’o || de las dge sloṅ ma daṅ ni rnam pa gsum gyis bsñen par rdzogs par ’os pa ste | bla ma’i chos khas blaṅs pa daṅ | phrin pa daṅ | dge ’dun sde gñis las so || bla ma’i chos khas (7) blaṅs pa ni ji ltar skye dgu’i bdag mo chen mo la sogs pa ste | rgyas par ni mdo las ’byuṅ ba bźin brjod do || phrin ni skye bo’i dge ba can ma daṅ ’dra ba gaṅ phyir byuṅ na bar chad du ’gyur ba de la yaṅ pho nas las su bya’o || phrin gyis bslab pa pa ñan te de dag la zlos la che źe (235b1) khyod legs par bsñen par rdzogs pa ni chos sbyin ma daṅ ’dra’o || luṅ bsgo ba ni rgyas par sbyar te | ji ltar ’dul ba las ’byuṅ ba bźin no || de las thu ba dag ni dge ’dun sde gñis kyis bsñen par rdzogs par gyis śig | skyo ba med | gźag pa med par (2) gsol ba daṅ bźi’i las kyis bsñen par rdzogs pa de ni bsñen par rdzogs pa źes ni bya ste | gźan yaṅ gsuṅ rab ’di la bsñen nas len ciṅ śin tu khas blaṅs nas thob ste bde ba myoṅ nas mṅon du byed pa ste || de lta bas na bsñen par rdzogs pa’o || źes (3) gsuṅs so ||

*upasampadārha