[Pārājika 1]
de’i tshen ka lan da ka’i groṅ na ka lan da ka’i bu bzaṅ byin źes bya ba phyug pa | nor maṅ pa loṅs sbyod che ba | yoṅs su bzuṅ ba yaṅs śiṅ rgya che ba rnams thos kyi (4) bu’i nor daṅ ldan pa | rnam thos kyi bu la nor gyis ’gran pa źig ’dug ste | des rigs mñam pa las chuṅ ma blaṅs nas de de daṅ lhan cig rtse bar byed dga’ bar byed || dga’ mgur spyod par byed do || de dus gźan źig na saṅs rgyas la mṅon par daṅ | chos daṅ dge ’dun (5) la mṅon par daṅ | saṅs rgyas la skyabs su soṅ || chos daṅ dge ’dun la skyabs su soṅ źiṅ || des srog gcod pa spaṅs te | srog gcod pa las phyir log | ma byin par len pa daṅ | ’dod pa la log par g-yem pa daṅ | brdzun du smra ba daṅ || ’bru’i chaṅ daṅ || (6) bcos ba’i maṅ myos par ’gyur ba bag med pa’i gnas spaṅs te || ’bru’i chaṅ daṅ | bcos pa’i chaṅ myos par ’gyur ba bag med pa’i gnas las phyir log go || de dad pa sṅa na de ñid rjes su spel źiṅ skra daṅ kha spu bregs te gos dur smrig dag bgos nas yaṅ dag pa kho (7) nar dad pas khyim nas khyim med par rab tu byuṅ ṅo || de de ltar rab tu byuṅ nas ’di lta ste || sṅon khyim pa bźin du ñe du rnams daṅ lhan cig ’dre źiṅ gnas so || de nas ka lan dka’i bu tshe daṅ ldan pa bzaṅ byin ’di sñam du sems te || bdag legs par gsuṅs pa’i chos ’dul (23a1) ba la rab tu byuṅ nas ’di lta ste | sṅon khyim pa bźin du ñe du rnams daṅ lhan cig ’dre źiṅ gnas pa ni bdag gis ma rñed de rñed pa ma yin źiṅ ñes pa rñed de legs pa rñed pa ma yin gyis || bdag ñe du rnams daṅ ’bral ba’i phyir lhuṅ bzed daṅ chos gos thogs (2) te ljoṅs rgyur ’gro’o sñam mo || de nas ka lan dka’i bu tshe daṅ ldan pa bzaṅ byin ñe du rnams daṅ ’bram ba’i phyir lhuṅ bzed daṅ chos gos thogs ti ljoṅs rgyur soṅ ṅo || de’i tshen mu ge ñam ṅa ba dgon pa sloṅ mo pas zas rñed pa’ dka’ źiṅ pha ma ṅag kyaṅ raṅ gi bu (3) dag la zas sbyin pa daṅ bya bar sems pa dka’ na sloṅ mo pa dag lta la smos kyaṅ ci dgos pa byuṅ ṅo || de nas ka lan dka’i bu tshe daṅ ldan pa bzaṅ byin ’di sñam du sems te | da ltar mu ge ñam ṅa ba dgon pa sloṅ mo pas zas rñed par dka’ źiṅ pha ma dag kyaṅ raṅ gi bu dgal (4) zas sbyin pa daṅ bya bar sems pa dka’ na sloṅ mo pa dag lta la smos kyaṅ ci dgos pa byuṅ la || bdag la ñe du loṅs spyod chen po daṅ ldan pa dag yod pas bdag ka lan da ka’i groṅ du soṅ ste | ñe du rnams kyi gan du soṅ la dge ’dun la zas dag sbyor du gźug ciṅ ṅes (5) ’dun la skyo ma dag daṅ | thug pa’i btuṅ ba dag daṅ | rtag res ’khod dag daṅ | mgron du bos pa dag daṅ | brgyad ston daṅ | bcu bźi ston daṅ | ña ston daṅ | spyan gzigs phran tshegs phran tshegs sbyor du gźug go sñam mo || de nas ka lan da ka’i bu tshe daṅ ldan (6) ba bzaṅ byin ljoṅs su ci dgar ’dug nas lhuṅ bzed daṅ chos gos thogs te | ka lan da ka’i groṅ ga la ba der rgyu źiṅ soṅ ba na mthar gyis rgyu ba’i tshe ka lan da ka’i groṅ du phyin nas ka lan da ka’i groṅ na dgon pa’i sbyil bun gnas so || de nas ka lan da ka’i bu tshe daṅ (7) ldan pa bzaṅ byin ñe du rnams kyi gan du soṅ ste phyin nas de dag gi mdun du saṅs rgyas daṅ | chos daṅ dge ’dun gyi bsṅags pa brjod de | dge ’dun la zas dag sbyor du ’dzud ciṅ | dge ’dun la skyo ma dag daṅ | thug pa’i btuṅ ba dag daṅ | rtag res (23b1) ’khor dag daṅ | mgron du bos pa dag daṅ | mgron du bos pa dag daṅ | brgyad ston daṅ | bcu bźi ston daṅ | ña ston daṅ | spyan gzigs phran tshegs phran tshegs sbyor du ’dzud do || de’i tshe na ka lan da ka’i bu tshe daṅ ldan pa bzaṅ byin dgon pa pa | chos gos gsum pa | phyag dar khrod pa | bsod (2) sñoms pa mthar chags kyis rgyu bar gyur to || de dus gźan źig na daṅ po kho nar dge sloṅ gi dge ’dun thug pa bsod pas tshim par byas nas sṅa dro śam thabs bgos te | lhuṅ bzed daṅ chos gos thogs nas ka lan da ka’i groṅ du bsod sñoms la źugs pa na (3) mthar gyis ka lan da ka’i groṅ du bsod sñoms la rgyu ba’i tshe raṅ gi khyim du phyin to || de raṅ gi phyim nas sbyin pa ma thob | phyir gtoṅ ba ma thob par myur ba myur bar phyir soṅ ṅo || de’i tshe na ka lan da ka’i bu tshe daṅ ldan pa bzaṅ byin gyi ma bya ba ’ga’ źig la phyi rol du soṅ bar (4) gyur to || bran mo rñiṅ pa rgan mo źig gis ka lan da ka’i bu tshe daṅ ldan pa bzaṅ byin raṅ gi khyim nas sbyin pa ma thob | phyir gtoṅ ba ma thob par myur ba myur bar phyir soṅ ba mthoṅ ṅo || mthoṅ nas kyaṅ ka lan da ka’i bu tshe daṅ ldan pa bzaṅ byin gyi ma ga la ba der soṅ ste phyin (5) nas ka lan da ka’i bu tshe daṅ ldan pa bzaṅ byin gyis la ’di skad ces smras so || jo mo mkhyen par mdzod cig | jo co bzaṅ byin ’phyi ba ’phyi bar raṅ gi khab du byon nas | de raṅ gi khab nas sbyin pa ma brñes | slar gtoṅ ba ma brñes par myur ba myur bar slar soṅ ṅo || de nas (6) ka lan dka’i bu tshe daṅ ldan pa bzaṅ byin gyi ma ’di sñam du sems te | kye ma ma la ka lan da ka’i bu bzaṅ byin ’dod ba’am | mṅon par me dga’ ba’am | rnam par ’khyam ’dod par gyur ciṅ dge sbyoṅ gi tshul don du mi gñer ba ’am | dge sbyoṅ gi tshul gyis sgyid lug (7) pa’am | mus byuṅ ba’am | the chos za ba’am | smod pa’am | dge sbyoṅ gi tshul yoṅs su gtoṅ ’dod pa’am | cig tu ma gyur graṅ sñam du sems śiṅ rig nas ka lan da ka’i groṅ nas byuṅ ste || ka lan da ka’i bu tshe daṅ ldan pa bzaṅ byin ga la ba der soṅ ste phyin nas ka (24a1) | lan da ka’i bu tshe daṅ ldan pa bzaṅ byin la ’di skad ces smras so || bu bzaṅ byin gal te khyod ’dod pa’am | mṅon par mi dga’ ba’am | rnam par ’khyam ’dod ciṅ dge sbyoṅ gi tshul don du mi gñer ba’am | dge sbyoṅ gi tshul gyis sgyid lug pa’am | mus byuṅ (2) ba’am | the tshom za ba’am | smod pa’am | khyod dge sbyoṅ gi tshul yoṅs su gtoṅ ’dod pa lta na | bu bzaṅ byin bud med rnams kyi bud med kyi nor źes bya ba’am | bud med kyi bag rdzaṅs źes bya ba’am | bud med dbaṅ ba’i rdzas źes bya ba gaṅ yin pa de ni khyod kyi ma’i dbyig (3) daṅ | gser gyi phuṅ po chen po gaṅ la mtha’ gcig na ’greṅ ba’i mis mtha’ gcig na ’dug pa’i mi mi mthoṅ la | mtha’ gcig na ’dug pa’i mis mtha’ gcig na ’greṅ ba’i mi mi mthoṅ ba yin te | ’di ni khyod kyi ma’i yin no || gźan yaṅ khyod kyi pha’i dbyig daṅ | gser (4) mtshan ma btab pa yaṅ brgya phrag du ma daṅ | stoṅ phrag du ma daṅ | brgya stoṅ phrag du ma dag yod na gźan gźan daṅ pha la lta smos kyaṅ ci dgos | bu bzaṅ byin tshur śog | khyod ’dug la ’dod pa la yaṅ loṅs spyod cig | sbyin pa dag kyaṅ byin cig | bsod nams (5) dag kyaṅ gyis śig | de skad ces smras pa daṅ | ka lan da ka’i bu tshe daṅ ldan pa bzaṅ byin gyis ma la ’di skad ces smras so || yum bdag ni ’dod pa’am | mṅon par mi dga’ ba’am | rnam par ’khyam ’tshal źiṅ dge sbyoṅ gi tshul don du mi gñer ba’am | dge (6) sbyoṅ gi tshul gyis sbyid lug pa’am | mus byuṅ ba’am | the tshom ’tshal ba’am | smod pa’am | bdag dge sbyoṅ gi tshul yoṅs su gtoṅ bar mi byed do || de nas ka lan da ka’i bu tshe daṅ ldan pa bzaṅ byin gyi ma ’di sñam du sems te | bdag gis de skad byas kyaṅ (7) bu bzaṅ byin phyir bzlog par ma nus kyis bdag khyim du soṅ la ’di’i bag ser sbed par bya’o sñam mo || de nas ka lan da ka’i bu tshe daṅ ldan pa bzaṅ byin gyi ma khyim du soṅ ste mna’ ma la ’di skad ces smras so || kye sru khyod gaṅ gi tshe dus la bab ciṅ zla mtshan daṅ ldan (24b1) pa de’i tshe kho mo la spron cig | ka lan da ka’i bu tshe daṅ ldan pa bzaṅ byin gyi sṅon gyi chuṅ mas yul bka’ bźin ’tshal źes sgyug mo las mñan to || de nas dus gźan źig na ka lan da ka’i bu tshe daṅ ldan pa bzaṅ byin gyi sṅon gyi chuṅ ma dus la bab ciṅ zla mtshan daṅ (2) ldan par gyur nas | ka lan da ka’i bu tshe daṅ ldan pa bzaṅ byin gyi ma ga la ba des soṅ ste phyin nas | ka lan da ka’i bu tshe daṅ ldan pa bzaṅ byin gyi mal ’di skad ces smras so || yum ṅan bu dus la bab ciṅ zla mtshan daṅ ldan par gyur na bdag gis ci bgyi ba de mkhyen (3) par mdzod cig | sru de’i phyir khyod kyis bsku mñe ji lta bus bsku mñe byas pa daṅ | khrus ji lta bus khrus byas pa daṅ | dri daṅ | phreṅ ba rgyu daṅ | bdug spos daṅ | phye ma daṅ | gos daṅ | rgyan ji lta bu dag gis brgyan na bu bzaṅ byin sṅon khyim pa ñid na dga’ ba daṅ | (4) yid du ’oṅ bar gyur pa de lta bu’i bsku mñes bsku mñe gyis śig | de lta bu’i khrus kyis khrus gyis śig | de lta bu’i dri daṅ | phreṅ ba rgyu daṅ | bdug spos daṅ | phye ma daṅ | gos daṅ | rgyan dag gis brgyan par gyis śig | de nas ka lan da ka’i bu tshe daṅ (5) ldan pa bzaṅ byin gyi sṅon gyi chuṅ mas sgyug mo las mñan te sku mñe ji lta bus bsku mñe byas pa daṅ | khrus ji lta bus khrus byas pa daṅ | dri daṅ phreṅ ba rgyu daṅ | bdug spos daṅ | phye ma daṅ | gos daṅ | rgyan ji lta bu dag gis brgyan na ka lan da ka’i bu tshe daṅ ldan pa (6) bzaṅ byin sṅon khyim pa ñid na dga’ ba daṅ | yid du ’oṅ bar gyur pa de lta bu’i bsku mñes bsku mñe byas | de lta bu’i khrus kyis khrus byas || de lta bu’i dri daṅ | phreṅ ba rgyu daṅ | bdug spos daṅ | phye ma daṅ | gos daṅ | rgyan dag gis brgyan nas ka lan da ka’i (7) bu tshe daṅ ldan pa bzaṅ byin gyi mag la bder soṅ ste phyin nas | ka lan da ka’i bu tshe daṅ ldan pa bzaṅ byin gyi ma la ’di skad ces smras so || yum ṅan bu ’di ’dra na bdag gis ci źig bgyi | de nas ka lan da ka’i bu tshe daṅ ldan pa bzaṅ byin gyi ma mna’ ma daṅ śiṅ (25a1) rtag cig tu źugs te ka lan da ka’i groṅ nas byuṅ nas ka lan da ka’i bu tshe daṅ ldan pa bzaṅ byin gyi gnas ga la ba der soṅ ste phyin nas bźon pa’i sa ji srid pa de srid du bźon pas soṅ ste | bźon pa las babs nas rkaṅ pa dag kho nas ka lan da ka’i (2) bu tshe daṅ ldan pa bzaṅ byin gyi druṅ du soṅ ṅo || de’i tshe na ka lan da ka’i bu tshe daṅ ldan pa bzaṅ byin gnas kyi phyi rol bla gab med pa’i ’chags na ’chags so || ka lan da ka’i bu tshe daṅ ldan pa bzaṅ byin gyi mas ka lan da ka’i bu tshe daṅ ldan pa bzaṅ byin thag riṅ po kho na (3) nas mthoṅ ṅo || mthoṅ nas kyaṅ ka lan da ka’i bu tshe daṅ ldan pa bzaṅ byin ga la ba der soṅ ste phyin nas ka lan da ka’i bu tshe daṅ ldan pa bzaṅ byin la ’di skad ces smras so || bu bzaṅ byin gal te khyod mi ’dod pa’am | mṅon par mi dga’ ba’am | rnam par ’khyam (4) ’dod par mi ’gyur źiṅ | dge sbyoṅ gi tshul don du mi gñer ba ma yin pa’am | dge sbyoṅ gi tshul gyis sgyid lug pa ma yin pa’am | mus byuṅ ba ma yin pa’am | the tshom za ba ma yin pa’am | smad pa ma yin pa’am | khyod dge sbyoṅ gi tshul yoṅs su gtoṅ (5) ’dod pa ma yin pa lta na | bu khyod kyi bag sar ’di dus la bab ciṅ zla mtshan daṅ ldan par gyur gyis ’di la sa bon gyi chos cuṅ źig rjes su byin cig | khyod la bu med pa’i phyir dbaṅ ba’i rdzas thams cad de bźin du’am | ji ltar yaṅ ruṅ bas rgyal pos dbaṅ (6) du byas par gyur na mi ruṅ ṅo || de nas ka lan da ka’i bu tshe daṅ ldan pa bzaṅ byin gyis sṅar bslab pa’i gźi ma bcas śiṅ | ñes pa ma mthoṅ la pud med kyi yul gźon nu kha dog bzaṅ pa chags par ’gyur ba mthoṅ nas ’dod chags kyis sems zil gyis non ciṅ (7) de ’dod chags kyis sems zil gyis non pas yoṅs su gduṅ ba’i lus daṅ | yoṅs su gduṅ ba’i sems daṅ ldan źiṅ | de yoṅs su gduṅ bźin pa’i lus daṅ yoṅs su gduṅ bźin pa’i sems kyis ma la ’di skad ces smras so || yum bdag gis (25b1) de ltar bgyir ruṅ ṅam | bu bzaṅ byin ’di lta ste | so bon gyi chos la brten nas śin tu ruṅ ṅo || de nas ka lan da ka’i bu tshe daṅ ldan pa bzaṅ byin gyis ma las mñan te sṅon gyi chuṅ ma’i lag pa gñis nas bzuṅ ste phyogs gcig tu soṅ nas chos gos (2) dag bźag ste | de daṅ lhan cig tu mi tshaṅs par spyod pa ’khrig pa’i chos lan gñis lan gsum du bsten te || sems can srid pa tha ma pa | sems can srid pa tha ma pa | spyod pa tshol ba | thar pa’i sñiṅ po bzuṅ ba | mya ṅan las ’das pa la phyogs pa | ’khor ba las phyir (3) phyogs pa | srid pa’i ’gro ba thams cad du ’chi ’pho ba daṅ skye ba don du mi gñer ba lus tha ma ’dzin pa źig kyaṅ lha’i ris bzaṅ po źig nas śiṅ ’phos te | de’i skye dgu’i bdag mo’i mṅal du źugs so || bud med kyi yul mkhas pa’i raṅ bźin can (4) la la lam ’dres pa’i chos lṅa yod de || lṅa gaṅ źe na | skyes pa chags par gyur pa śes śiṅ chags pa daṅ bral ba śes pa daṅ | dus śes śiṅ zla mtshan śes pa daṅ | mṅal na gnas pa źugs pa śes pa daṅ | gaṅ las mṅal na gnas pa źugs pa (5) śes pa daṅ | khye’u śes śiṅ bu mo śes pa ste | gal te khye’u yin na dku g-yas par rten ciṅ ’dug la | gal te bu mo yin na dku g-yon par rten ciṅ ’dug pa’o || de yid dga’ źiṅ yid dga’ nas sgyug mo la smras pa | yum mkhyen par mdzod cig || (6) bdag la sems can źugs par gyur pa ni ’di ltar bdag gi dku g-yas par rten ciṅ mchis pas ṅes par khye’ur ’gyur ro || de yaṅ yid dga’ źiṅ yid dga’ nas ’di skad ces | kho mo yun riṅ po nas mṅon par dad pa’i tsha bo ṅo mthoṅ ba daṅ | kho mo daṅ (7) mthun par skye źiṅ mi mthun par mi skye ba daṅ | kho mo’i bya ba dag byed pa daṅ | gsos pas phyir gso ba daṅ | bgo skal la spyod pa daṅ | kho mo’i rigs rgyud yun riṅ du gnas par ’gyur pa daṅ | bdag cag śi źiṅ dus la bab pa dag la ñuṅ du’am | (26a1) maṅ po yaṅ ruṅ ba’i sbyin pa dag sbyin źiṅ bsod nams kyaṅ byas nas | ’di de gñis gaṅ du skyes pa der ’gro źiṅ rjes su ’gro bar gyur cig ces miṅ gis yon bśad pa byed par gyur cig ces ched du brjod pa ched du brjod par byed do || de la sems can (2) źugs par rig nas ’di lta ste | mṅal na gnas pa yoṅs su smin par bya ba’i phyir steṅ gi khaṅ bzaṅs kyi gźir gtogs par graṅ ba na graṅ ba’i yo byad dag daṅ | dro ba na dro ba’i yo byad dag daṅ | sman pas bcas pa’i zas ha caṅ mi kha ba daṅ | ha caṅ mi (3) skyur ba daṅ | ha caṅ lan tshwa mi che ba daṅ | ha caṅ mi mṅar ba daṅ | ha caṅ mi tsha ba daṅ | ha caṅ mi bska ba daṅ | kha ba daṅ | skyur ba daṅ | lan tshwa daṅ | mṅar ba daṅ | tsha ba daṅ | bska ba rnam par spaṅs ba’i zas dag daṅ | do śal daṅ | se mo do daṅ | (4) rgyan gyis bklubs pa’i lus lha’i bu mo dga’ ba’i tshal na rnam par spyod pa lta bu daṅ | khri nas khrir daṅ | khri’u nas khri’u daṅ | śod kyis gźir mi ’bab pa daṅ | des sgra yid du mi ’oṅ ba cuṅ zad kyaṅ mi thos par gnod pa med pa ñid du rim gro byed du ’jug (5) go || de zla ba brgyad dam dgu ’das te btsas pa las khye’u gzugs bzaṅ ba | blta na sdug pa | mdzes pa | gsal ba | gser gyi mdog ’dra ba | mgo gdugs lta bu daṅ ldan pa | lag pa riṅ ba | dpral ba’i dbyes che ba | smin ma ’jar ba | (6) sna’i gzaṅs mtho ba źig byuṅ ṅo || de ñe du dag ’dus śiṅ lhags nas ñi ma bdun gsum ñi śu gcig tu btsas ston rgya cher byas nas khye’u’i miṅ cir gdags źes miṅ ’dogs par byed do || de dag ’di sñam du sems te || gaṅ gi phyir khye’u ’di sa bon (7) gyi chos la brten te rñed pa de’i phyir khye’u’i miṅ sa bon pa źes bya’o źes de’i miṅ sa bon pa źes bya bar btags so || khye’u sa bon pa ma ma brgyad po paṅ na ’tsho ba’i ma ma gñis daṅ | nu ma snun pa’i ma ma gñis daṅ | dri ma ’phyi ba’i ma ma gñis daṅ | rtsen grogs (26b1) kyi ma ma gñis la rjes su gtad do || de ma ma brgyad po dag gis ’o ma daṅ | źo daṅ | mar daṅ | źun mar daṅ | mar gyi sñiṅ khu daṅ | gźan yaṅ yo byad kyi bye brag gtso bo gtso bo dag gis sriṅ bar byed | skyed par byed ciṅ rdziṅ na gnas pa’i pad ma bźin du (2) myur du skyed par byed do || de gaṅ gi tshe chen por gyur pa de’i tshe yi ge daṅ | graṅs daṅ | rtsis daṅ | gal rtsis daṅ | dbyuṅ ba daṅ | gźug pa daṅ | gźag pa la ñe bar źugs nas de yi ge’i mthar phyin ciṅ ’byed pa daṅ | klog pa daṅ | mkhas (3) pa daṅ | spyod pa gsal ba daṅ | brtag pa brgyad po ’di lta ste | rin po che brtag pa daṅ | gźi brtag pa daṅ | gos brtag pa daṅ | śiṅ brtag pa daṅ | glaṅ po che brtag pa daṅ | rta brtag pa daṅ | bud med brtag pa daṅ | skyes pa brtag pa la mkhas par (4) gyur to || de dus gźan źig na saṅs rgyas la mṅon par dad | chos daṅ dge ’dun la mṅon par dad | saṅs rgyas la skyabs su soṅ | chos daṅ | dge ’dun la skyabs su soṅ źiṅ des srog gcod pa spaṅs te | srog gcod pa las phyir log | ma byin (5) par len pa daṅ | ’dod pas log par g-yem pa daṅ | brdzun du smra ba daṅ | ’bru’i chaṅ daṅ | bcos pa’i chaṅ myos par ’gyur ba bag med pa’i gnas spaṅs te | ’bru’i chaṅ daṅ | bcos pa’i chaṅ myos par ’gyur ba bag med pa’i gnas las phyir log (6) go || de pha las byuṅ ba’i dad pa sṅa ma de ñid rjes su spel źiṅ legs par gsuṅs pa’i chos ’dul ba la skra daṅ kha sbu bregs te | gos dur smrig dag bgos nas yaṅ dag pa kho nar dad pas | khyim nas khyim med par rab tu byuṅ ṅo || de de ltar rab tu (7) byuṅ nas gcig pu dben pa bag yod pa brtun pa daṅ ldan pa bdag ñid btaṅ bar gnas so || gcig pa dben pa bag yod pa brtun pa daṅ ldan pa bdag ñid btaṅ bar gnas pa na | rigs kyi bu dag gaṅ gi phyir skrad daṅ kha spu bregs te gsos dur smrig dag (27a1) bgos nas yaṅ dag pa kho nar dad pas khyim nas khyim med par rab tu ’byuṅ bar byed pa tshaṅs par spyod pa’i mtha’ bla na med pa de tshe de ñid la raṅ gi mṅon par śes pas mṅon sum du byas te bsgrubs nas bdag gi skye ba zad do || tshaṅs par (2) spyod pa sbyad do || bya ba byas so || srid pa ’di las gźan mi śes so źes go bar byed ciṅ dgra bcom pa khams gsum pa las ’dod chags daṅ bral ba | boṅ ba daṅ gser du mñam pa | nam mkha’ daṅ lag mthil du mtshuṅs pa’i sems daṅ ldan pa | tsan dad (3) bźag pa lta bu rig pas sgo ṅa’i sbrubs dral bar gyur ciṅ | rig pa daṅ | mṅon bar śes pa daṅ | so so yaṅ dag par rig pa thob pa | srid pa daṅ | ’dod pa’i rñed pa daṅ | bkur sti la rgyab kyis phyogs pa | dbaṅ po daṅ | ñe dbaṅ daṅ bcas pa’i lha (4) rnams kyis mchod par bya ba daṅ | rjed par bya ba daṅ | mṅon du smra bar bya bar gyur to || de nas tshe daṅ ldan pa sa bon pas dgra bcom pa thob ciṅ rnam par grol ba’i dga’ ba daṅ bde bso sor yaṅ dag par rig pa na | de’i tshe tshigs su bcad pa smras pa | chos (5) rnams las ni skal ba thob ||
yab kyi dkon gyis bdag mi stod ||
bdag gis ha caṅ ’phyi nas śes ||
bdag ni chuṅ dus śin tu ’das || de’i tshe na bcom ldan ’das dge sloṅ gi ’khor brgya phrag du ma’i mdun na bźugs śiṅ ñan thos rnams la | ’dod (6) chags ’dod chags daṅ bral bar bya ba’i phyir sems rnam par grol ba daṅ | śes rab rnam par grol ba’i chos ston to || źe sdaṅ ’dod chags daṅ bral bar bya ba daṅ | gti mug ’dod chags daṅ bral bar bya ba’i phyir sems rnam par grol ba daṅ | śes (7) rab rnam par grol ba’i chos ston to || de’i tshe na ka lan da ka’i bu tshe daṅ ldan pa bzaṅ byin ’khor de ñid du ’dug ciṅ mthun par gyur to || bcom ldan ’das ji lta ji ltar ’dod chags ’dod chags daṅ bral bar bya ba’i phyir sems rnan par grol ba daṅ | śes rab (27b1) rnam par grol ba’i chos ston pa daṅ | źe sṅaṅ ’dod chags daṅ bral bar bya ba daṅ | gti mug ’dod chags daṅ bral bar bya ba’i phyir sems rnam par grol ba daṅ | śes rab rnam par grol ba’i chos ston pa de lta de ltar ka lan da ka’i bu tshe daṅ ldan pa bzaṅ byin (2) cuṅ zad ’gyor par gyur | rnan par ’gyod par gyur || rab tu ’gyod par gyur ciṅ ’dug la | ’gyod pa daṅ ldan | ’gyod pa thob caṅ mi smra bar gyur | phrag pa klod | gdoṅ smad | spobs pa med | sems khoṅ du chud ciṅ ’dug (3) go || de nas dus gźan źig na dge sloṅ rab tu maṅ po dag gnas ñul źiṅ rgyu ba na ka lan da ka’i bu tshe daṅ ldan pa bzaṅ byin gyi gnas ga la ba der doṅ ste phyin nas ka lan da ka’i bu tshe daṅ ldan pa bzaṅ byin daṅ lhan cig mṅon du yaṅ dag par dga’ bar ’gyur (4) ba daṅ | yaṅ dag par mgu bar ’gyur ba’i gtam sna tshogs byas te mtha’ gcig tu ’khod do || mtha’ gcig tu ’khod nas dge sloṅ rab tu maṅ po dag gis ka lan da ka’i bu tshe daṅ ldan pa bzaṅ byin la ’di skad ces smras so || tshe daṅ ldan pa bzaṅ byin khyod (5) sṅon chad dge sloṅ glo bur du lhags pa dag mthoṅ na bśes pa daṅ bcas pa ñid kyis tshig gis bsu nas lhuṅ bzed daṅ | chos gos daṅ | khar ba daṅ | gtur bu daṅ | ril ba spyi blugs daṅ | ’bru mar snod daṅ | źwa daṅ | lham sgrog gu can daṅ | mchil (6) lham dag len par byed na | khyod da ltar dge sloṅ glo bur du lhags pa dag mthoṅ na cuṅ zad ’gyod par gyur | rnam par ’gyod par gyur | rab tu ’gyod par gyur ciṅ ’dug la | ’gyod pa daṅ ldan | ’gyod pa thob caṅ mi smra bar gyur | yul yul por gyur || (7) phrag pa klod | gdoṅ smad | spobs pa med | sems khoṅ du chud ciṅ ’dug na | tshe daṅ ldan pa bzaṅ byin da ltar khyod la lus kyi gnod pa’am | sems kyi yoṅs su gduṅ ba ’ga’ źig med graṅ | tshe daṅ ldan pa dag bdag la da ltar lus kyis gnod pa ni (28a1) | ’ga’ yaṅ med mod kyi | ’on kyaṅ bdag la sems kyi yoṅs su gduṅ ba yod do || tshe daṅ ldan pa khyod kyi sems kyi yoṅs su gduṅ ba gaṅ yin | des skabs de dge sloṅ rnams la rgyas par brjod pa daṅ | dge sloṅ de dag de las mṅon par (2) bstod par yaṅ mi byed | phyir zlog bar yaṅ mi byed ciṅ mṅon par bstod pa yaṅ ma byas | phyir zlog par yaṅ ma byas par stan dag las laṅs nas | bcom ldan ’das ga la ba der doṅ ste phyin nas | bcom ldan ’das kyi źabs gñis la mgo bos phyag (3) ’tshal te mtha’ gcig tu ’khod do || mtha’ gcig tu ’khod nas bcom ldan ’das la dge sloṅ rab tu maṅ po dag gis skabs de rgyas par gsol to || de skad ces gsol pa daṅ | bcom ldan ’das kyis dge sloṅ rab tu maṅ po dag la ’di skad ces bka’ stsal (4) to || dge sloṅ dag zag pa’i gnas lta bu’i chos maṅ po rnams kyi daṅ po ni ka lan da ka’i bu bzaṅ byin gyis ’di lta ste | mi tshaṅs par spyod pa’i rkyen gyis byas par gyur to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la (5) dge sloṅ gi dge ’dun bsdu ba mdzad do || de bźin gśegs pa ni don gyi dbaṅ gñis gzigs pa na dge sloṅ gi dge ’dun sdud par mdzad de | ’di lta ste | ṅa’i ñan thos rnams kyi kun śes pa ñid du bya ba’i phyir daṅ | ṅas ’dul ba la bslab pa’i gźi legs (6) par bcas par ’gyur ba’o || saṅs rgyas bcom ldan ’das rnams ni mkhyen bźin du rmed par mdzad pa ste | mkhyen bźin du rmed pa | mkhyen kyaṅ mi rmed pa | dus su rmed pa | dus las yol bar mi rmed pa | don daṅ mi ldan pa mi (7) rmed pas | saṅs rgyas bcom ldan ’das rnams ni don daṅ mi ldan pa rmed pa la chu lon gyis zlog par mdzad pa yin no || de la saṅs rgyas bcom ldan ’das rnams ni don daṅ ldan pa rmed pa la dus mkhyen pa yin pas saṅs rgyas bcom ldan ’das kyis ka lan da ka’i (28b1) bu tshe daṅ ldan pa bzaṅ byin la rmas pa | bzaṅ byin khyod kyis mi mdzes pa de lta bu de byas par gyur pa bden nam | btsun pa mad do || saṅs rgyas bcom ldan ’das kyis dge sloṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa (2) ma yin pa de ni rab tu byuṅ bas bya ba ma yin no || bzaṅ byin ṅas ’dod chags ’dod chags daṅ bral bar bya ba’i phyir sems rnam par grol ba daṅ | śes rab rnam par grol ba’i chos bstan pa daṅ | źe sdaṅ ’dod chags daṅ bral bar bya ba daṅ | gti mug ’dod chags (3) daṅ bral bar bya ba’i phyir sems rnam par grol ba daṅ | śes rab rnam par grol ba’i chos bstan pa la khyod kyis ci’i phyir mi mdzes pa de lta bu de byas par gyur mi gti mug can khyod kyis sbrul nag po dug myur du khyab pa | dug drag pa | dug rno ba’i khar raṅ gi yan (4) lag gi rnam pa bcug par gyur ba ni bla’i | de ltar gyur pas bud med kyi yul la ni ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na (5) phan yon bcu yaṅ dag par gzigs pas ’dul ba la ñan tho rnams kyi bslab pa’i gźi bca’ bar bya ste | ’di lta ste | dge ’dun bsdu ba’i phyir daṅ | dge ’dun legs par bya ba’i phyir daṅ | dge ’dun bde bar gnas par bya ba’i phyir daṅ | gnoṅ (6) mi bkur ba’i gaṅ zag rnams tshar gcad pa’i phyir daṅ | ṅo tsha śes pa rnams bde bar gnas par bya ba’i phyir daṅ | mṅon par ma dad pa rnams mṅon par dad par bya ba’i phyir daṅ | mṅon par dad pa rnams phyir źiṅ ’byuṅ bar bya ba’i phyir daṅ | tshe ’di’i (7) zag pa rnams bsdams par bya ba’i phyir daṅ | tshe rabs phyi ma’i rnams bzlog par bya ba’i phyir daṅ | ṅa’i tshaṅs par spyod pa skye bo maṅ po la phan pa yaṅs par gyur pa lha daṅ mi’i bar dag la yaṅ dag par rab tu bstan pa yun riṅ du gnas par bya ba’i phyir ṅa’i ñan thos (29a1) rnams kyis ’dul ba la bslab pa’i gźi ’di ltar gdon par bya ste || yaṅ dge sloṅ gaṅ sloṅ rnams daṅ lhan cig bslab pa mtshuṅs par gyur pas bslab pa ma phul | bslab pa ñams par ma byas par mi tshaṅs par sbyod pa ’khrig pa’i chos bsten (2) na dge sloṅ de pham par gyur pa yin gyis gnas par mi bya’o || źes bcom ldan ’das kyis ’dul ba la ñan thos rnams kyi bslab pa’i gźi bca’ ba mdzad do || saṅs rgyas bcom ldan ’das rgyal po’i khab na ’od ma’i tshal bya ka lan da ka’i gnas na bźugs so || (3) de’i tshe na dge sloṅ źig rgyal po’i khab na dgon pa’i spyil bu na ’dug go || de nas dge sloṅ des dgon pa’i spra mo źig zas kyis brṅod brṅod nas de daṅ lhan cig mi tshaṅs par spyod pa ’khrig pa’i chos bsten to || de nas dge sloṅ rab tu maṅ po dag gnas ñul źiṅ rgyu ban (4) dge sloṅ de’i spyil bu ga la ba der doṅ ste phyin nas dge sloṅ de daṅ lhan cig mṅon du yaṅ dag par dga’ bar ’gyur ba daṅ | yaṅ dag par mgu bar ’gyur ba’i gtam sna tshogs byas te | mtha’ gcig tu ’khod do || de nas spra mo de sṅon gyi sdig pa can dam pa ma yin (5) pa’i chos de ñid rjes su dran nas dge sloṅ de ga la ba der soṅ ste phyin nas | dge sloṅ de’i gdoṅ du rnam par lta bar byed | ro smad stobs par byed nas dge sloṅ de ’di lta ste | dge sloṅ de dag la ṅo tsha bas de zlog par byed do || spra mo de lan gñis lan gsum du dge (6) sloṅ de’i gdoṅ du rnam par lta bar byed | ro smad stobs par byed nas dge sloṅ de ’di lta ste | dge sloṅ de dag la ṅo tsha bas lan gñis lan gsum du de zlog par byed do || de nas spra mo de khros ’khrugs rṅam par gyur ciṅ yid mi dga’ nas | dge sloṅ de’i gdoṅ daṅ | (7) sna daṅ chos gos rkaṅ pa’i sen mo dag gis mṅon par brad de mtha’ gcig tu soṅ nas du ru ru zer źiṅ khyi tshugs su ’dug go || de nas dge sloṅ de dag gis dge sloṅ de la ’di skad ces smras so || tshe daṅ ldan pa ci’i phyir dgon pa’i spra mo ’di khyod kyi gdoṅ du rnam par (29b1) lta bar byed | ro smad stobs par byed nas khyod ’di lta ste | kho bo cag la ṅo tshabs de zlog par byed | ci’i phyir dgon pa’i spra mo ’di lan gñis lan gsum du khyod kyi gdoṅ du rnam par lta bar byed | ro smad stobs par byed nas khyod ’di lta ste | kho bo cag la ṅo tsha bas de (2) zlog par byed | ’on kyaṅ dgon pa’i spra mo ’di khyod la khros ’khrugs rṅam par gyur ciṅ yid mi dga’ nas khyod kyi gdoṅ daṅ | sna daṅ chos gos rkaṅ pa’i sen mo dag gis mṅon par brad de mtha’ gcig tu soṅ nas du ru ru zer źiṅ khyi tshugs su ’dug | des skabs (3) de dge sloṅ de dag la rgyas par brjod do || de skad ces smras pa daṅ | dge sloṅ de dag gis dge sloṅ de la ’di skad ces smras so || tshe daṅ ldan pa ’on bcom ldan ’das kyis mi tshaṅs par spyod pa ’khrig pa’i chos ma bkag gam | tshe daṅ ldan pa dag bkag (4) ste | de yaṅ mi ñid la yin gyi dud ’gror skyes pa la ni ma yin no || dge sloṅ de dag mṅon par bston par yaṅ mi byed | phyir zlog par mi byed ciṅ mṅon par bstod par yaṅ ma byas | phyir bzlog par yaṅ ma byas par stan dag las laṅs nas bcom ldan ’das gal bder (5) doṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’khod do || mtha’ gcig tu ’khod nas bcom ldan ’das la dge sloṅ rab tu maṅ po dag gis skabs de rgyas par gsol to || bcom ldan ’das kyis bka’ stsal pa | dge sloṅ dag (6) ṅas re źig mi la yaṅ bkag na dud ’gror skyes pa la lta ci smos te | dge sloṅ dag mi gti mug can de ni pham par gyur te | de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad po || (7) saṅs rgyas bcom ldan ’das rnams ni mkhyen bźin du rmed par mdzad pas źes bya ba nas saṅs rgyas bcom ldan ’das kyis dge sloṅ de la rmas pa źes bya ba’i bar du sṅa ma bźin no || dge sloṅ khyod kyis mi mdzes pa de lta bu de byas par gyur pa bden nam || btsun (30a1) pa meṅ do || saṅs rgyas bcom ldan ’das kyis dge sbyoṅ gi tshul ma yin bźes bya ba nas | mi gti mug can khyod kyis sbrul nag po dug myur du khyab pa | dug drag pa | dug rno ba’i khar raṅ gi yan lag gi rnam pa bcug par gyur pa ni bla’i | de (2) ltar gyur pas dud ’gro’i skyes gnas su skyes pa la ni ma yin no źes bya ba’i bar du rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa’o || ’di ni (3) rjes su bcas pa’o || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge sloṅ rnams daṅ lhan cig bslab pa mtshuṅs par gyur pas bslab pa ma phul | bslab pa ñams par ma byas par mi tshaṅs par spyod pa ’khrig pa’i (4) chos bsten na than dud ’gro’i skyes gnas su skyes pa daṅ lhan cig kyaṅ ruṅ ste dge sloṅ de pham par gyur pa yin gyis gnas par mi bya’o || yaṅ dge sloṅ gaṅ źes bya ba ni dge sloṅ rnam pa bźi po miṅ gi dge sloṅ daṅ | khas ’che ba’i dge sloṅ daṅ | sloṅ ba’i phyir dge (5) sloṅ daṅ | ñon moṅs pa bcom pa’i phyir dge sloṅ las miṅ gi dge sloṅ gaṅ źe na | gaṅ gi miṅ daṅ | miṅ du brjod pa daṅ | tshig gñis pa daṅ | tshig bla dgas daṅ | ’du śes daṅ | bod pa daṅ | gdags pa daṅ | tha sñad dge sloṅ źe’am | dge sloṅ (6) gi rigs źe’am | dge sloṅ daṅ ’dra bar gyur pa źes bya ba de ni miṅ gi dge sloṅ źes bya’o || khas ’che ba’i dge sloṅ gaṅ źe na | gaṅ dge sloṅ ma yin bźin du bdag ñid dge sloṅ ṅo źes khas ’che bar byed pa daṅ | rku thabs su gnas śiṅ dge sloṅ du dam (7) ’cha’ bar byed pa de ni khas ’che ba’i dge sloṅ źes bya’o || sloṅ ba’i phyir dge sloṅ gaṅ źen | gaṅ chos daṅ ldan pas sloṅ mo spyod pas ’tsho bar byed pa de ni sloṅ ba’i phyir dge sloṅ źes bya’o || ñon moṅs pa bcom pa’i phyir dge sloṅ gaṅ źe na | gaṅ gis zag (30b1) ba kun nas ñon moṅs pa byed pa | yaṅ sriṅ par byed pa | yaṅ srid par byed pa | rims nad daṅ bcas pa | rnam par smin pa sdug bsṅal ba | phyi ma la skye ba daṅ | rga ba daṅ | ’chi bar ’gyur ba gaṅ dag yin pa de dag spaṅs pa daṅ | yoṅs su śes pa daṅ | rtsa ba nas bcad (2) pa daṅ | śiṅ ta la’i mgo bźin du gźi mi snaṅ ba daṅ | phyi ma la mi skye ba’i chos can du gyur pa de ni ñon moṅs pa bcom pa’i phyir dge sloṅ źes bya’o || don ’dir ni gsol ba daṅ | bźi’i las mi g-yo ba gźag par mi ’os pas bsñen par rdzogs pa gaṅ (3) yin pa de dge sloṅ du dgoṅs te | des na yaṅ dge sloṅ gaṅ źes gsuṅs so || dge sloṅ rnams daṅ lhan cig ces bya ba ni de las gźan pa chos mthun pa tshaṅs pa mtshuṅs par spyod pa rnams daṅ ṅo || bslab pa mtshuṅs par gyur pas źes bya ba ni bslab pa (4) gaṅ la bsñen par rdzogs nas lo brgya lon pa’i dge sloṅ gis bslab par bya ba de la deṅ bsñen par rdzogs pas kyaṅ | deṅ bsñen par rdzogs pas gaṅ la bslab par bya ba de la bsñen par rdzogs nas lo brgya lon pas kyaṅ ṅo źes ’di la tshul khrims ñid kyis (5) mñam pa daṅ | bslab pa ñid kyis mñam pa daṅ | so sor thar pa’i mdo ’don pa ñid kyis mñam pa gaṅ yin pa de ni bslab pa mtshuṅs par gyur pas źes bya ste || de na bslab pa mtshuṅs par gyur pas źes gsuṅs so || bslab pa ma phul źes bya ba la | (6) ji tsam gyis na bslab pa ma phul ba yin źe na | ’di lta ste | dge sloṅ khros śiṅ khro ba’i zil gyis non pas bslab pa ’bul na bslab pa ma phul bar brjod par bya’o || smyon pa daṅ | sems ’khrugs pa daṅ | tshor ba dag gis ñen pas bslab pa ’bul na bslab (7) pa ma phul bar brjod par bya’o || smyon pa la bslab pa ’bul na bslab pa ma phul bar brjod par bya’o || sems ’khrugs pa daṅ | tshor ba dag gis ñen pa la bslab pa ’bul na bslab pa ma phul bar brjod par bya’o || glen pa daṅ | lkugs pa daṅ | ’on pa (31a1) la bslab pa ’bul na bslab pa ma phul bar brjod par bya’o || dben par dben par ’du śes pas bslab pa ’bul na bslab pa ma phul bar brjod par bya’o || dben par mi dben bar ’du śes pas bslab pa ’bul na bslab pa ma phul bar brjod par bya’o || (2) mi dben par dben par ’dus śes pas bslab pa ’bul na bslab pa ma phul bar brjod par bya’o || dbus pas mtha’ ’khob pa’i tshig gis dbus pa la bslab pa ’bul bar byed la | dbus pas gal te mtha’ ’khob pa’i tshig smras pa de ma śes na bslab pa ma phul (3) bar brjod par bya’o || mtha’ ’khob pas dbus pa’i tshig gis mtha’ ’khob pa la bslab pa ’bul bar byed la | mtha’ ’khob pas gal te dbus pa’i tshig smras pa de ma śes na bslab pa ma phul bar brjod par bya’o || mtha’ ’khob pas mtha’ ’khob pa’i (4) tshig gis dbus pa la bslab pa ’bul bar byed la | dbus pas gal te mtha’ ’khob pa’i tsheg smras pa de ma śes na bslab pa ma phul bar brjod par bya’o || dbus pas dbus pa’i tshig gis mtha’ khob pa la bslab pa ’bul bar byed la | mtha’ ’khob (5) pas gal te | dbus pa’i tshig smras pa de ma śes na bslab pa ma phul bar brjod par bya’o || mi gñid log pa daṅ | sñoms par źugs pa daṅ | lha daṅ | sprul ba daṅ | dud ’gro daṅ | gzugs brñan la bslab pa ’bul na bslab pa ma phul bar brjod par (6) bya’o || klag cor can gyis klag cor can la bslab pa ’bul na bslab pa ma phul bar brjod par bya’o || gtoṅ ba’i sems med pa daṅ | dge sbyoṅ gi tshul ’dod pa daṅ | khyim na gnas pa mi ’dod pa daṅ | mi raṅ bźin du gnas pa śes pa ’ga’ la yaṅ (7) rnam par rig par mi byed na bslab pa ma phul bar brjod par bya ste | des na bslab pa ma phul ba źes gsuṅs so || bslab pa ñams par ma byas par źes bya ba la bslab pa phul la bslab pa ñams par ma byas pa yaṅ yod || bslab pa ñams par byas la (31b1) bslab pa ma phul ba yaṅ yod | bslab pa ñams par yaṅ byas la bslab pa phul ba yaṅ yod | bslab pa ma phul źiṅ bslab pa ñams par ma byas pa yaṅ yod do || de la re źig bslab pa phul la bslab pa ñams par ma byas pa ni ’di lta ste || dge sloṅ (2) ’dod pa’am | mṅon par mi dga’ ba’am | rnam par ’khyam ’dod ciṅ | dge sbyoṅ gi tshul don du mi gñer ba’am | dge sbyoṅ gi tshul gyis sbyid lug pa’am | mus byuṅ ba’am | the tshom za ba’am | smod pa’am | dge sbyoṅ gi tshul yoṅs su gtoṅ ’dod (3) pa na dge sloṅ gi druṅ du soṅ ste | ’di skad ces tshe daṅ ldan pa dgoṅs su gsol | bdag miṅ ’di źes bgyi ba bslab pa ’bul lo źes zer na bslab pa phul bar brjod par bya’o || saṅs rgyas daṅ | chos daṅ | dge ’dun ’bul lo źes zer na bslab pa phul (4) bar brjod par bya’o || mdo sde daṅ | ’dul ba daṅ | ma mo ’bul lo źes zer na bslab pa phul bar brjod par bya’o || mkhan po daṅ | slob dpon ’bul lo źes zer na bslab pa phul bar brjod pa bya’o || bdag khyim pa’am | dge tshul lam | za ma ’am | ma niṅ (5) ṅam | dge sloṅ ma sun phyuṅ ba’am | ma bsad pa’am | pha bsad pa’am | dgra bcom pa bsaṅ pa’am | dge ’dun gyi dbyen byas pa’am | de bźin gśegs pa la ṅan sems kyis khrag phyuṅ ba’am | mu stegs can nam | mu stegs can źugs pa’am | (6) rku thabs su gsan pa’am | tha dad par gnas pa’am | gnas par mi bya bar gzuṅ du gsol źe’am | tha na ’di skad ces bdag khyed lta bu chos mthun pa tshaṅs pa mtshuṅs par spyod pa dag gis chog go źes zer na bslab pa phul bar brjod par bya ste | de ltar na bslab (7) pa phul la bslab pa ñams par ma byas pa yin no || ji ltar na bslab pa ñams par byas la bslab pa ma phul ba yin źe na | ’di lta ste | dge sloṅ ’dod pa’am | mṅon par mi dga’ ba’am | rnam par ’khyam ’dod ciṅ dge sbyoṅ gi tshul mi ’dod pa’am | dge (32a1) sbyoṅ gi tshul gyis skyid lug pa’am | mus byuṅ ba’am | the tshom za ba’am | smod pa’am | dge sbyoṅ gi tshul yoṅs su gtoṅ ’dod ba na dge sloṅ gi druṅ du soṅ ste | ’di skad ces tshe daṅ ldan pa mkhyen par mdzod cig | tshaṅs par spyod pa spyad dka’o || (2) rab tu dben pa bya dka’o || gcig pu ñid la mṅon par dga’ bar dka’o || gnas mal dgon pa nags khrod daṅ | ri druṅ daṅ | bas mtha’ dag tu gnas pa khor du chud par dka’o || gcig pu dgon par gnas pa sdug bsṅal lo || pha ma daṅ | phu nu daṅ | bu sriṅ (3) dran no || bdag bzo dge sloṅ tu chug śig bdag gi las kyi mtha’ dag tshol cig | bdag khyim bzaṅ po dag tu gtod cig ces de ltar de la ’dod pa’am | mṅon par mi dga’ ba’am | rnam par ’khyam ’dod ciṅ dge sbyoṅ gi tshul mi ’dod pa’am | dge sbyoṅ gi tshul (4) gyis sbyiṅ lug pa’am | mus byuṅ ba’am | the tshom za ba’am | smod pa’am | dge sbyoṅ gi tshul yoṅs su gtoṅ ’dod pa’i dag daṅ | tshig daṅ | tha sñad daṅ | skad daṅ | ṅes pa’i tshig daṅ | tshig gi lam daṅ | tshig gi sgra daṅ | ṅag gi las daṅ | (5) ṅag gi rnam par rig byed gaṅ yin pa dag ni rjod par byed la | ’di skad ces tshe daṅ ldan pa dgoṅs su gsol | bdag miṅ ’di źes bgyi ba bslab pa ’bul lo źe’am | saṅs rgyas daṅ | chos daṅ | dge ’dun ’bul lo źe’am | mdo sde daṅ | ’dul ba daṅ | ma mo (6) ’bul lo źe’am | mkhan po daṅ | slob dpon ’bul lo źe’am | bdag khyim pa’am | dge tshul lam | za ma’am | ma niṅ ṅam | dge sloṅ ma sun phyu.uṅa ba’am | ma bsad pa’am | pha bsad pa’am | dgra bcom pa bsad pa’am | dge ’dun gyi dbyen byas pa (7) ’am | de bźin gśegs pa la ṅan sems kyi khrag phyuṅ ba’am | mu stegs can nam | mu stegs can źugs pa’am | rku thabs su gnas pa’am | tha dad par gnas pa’am | gnas par mi bya bar gzuṅ du gsol źe’am | tha na ’di skad ces bdag khyed (32b1) lta bu chos mthun pa tshaṅs pa mtshuṅs par spyod pa dag gis chog go źes ni mi zer bste | de ltar na bslab pa ñams par byas la bslab pa ma phul ba yin no || ji ltar na bslab pa ñams par yaṅ byas la bslab pa phul ba yaṅ yin źe na | ’di lta ste | dge sloṅ (2) ’dod pa’am | mṅon par mi dga’ ba’am | rnam par ’khyam ’dod ciṅ dge sbyoṅ gi tshul mi ’dod pa’am | dge sbyoṅ gi tshul gyis sgyid lug pa’am | mus byuṅ ba’am | the tshom za ba’am | smod pa’am | dge sbyoṅ gi tshul yoṅs su gtoṅ ’dod pa na dge sloṅ (3) gi druṅ du soṅ ste | ’di skad ces tshe daṅ ldan pa mkhyen par mdzod cig | tshaṅs par spyod pa spyad dka’o || rab tu dben pa bya dka’o || gcig pu ñid la mṅon par dga’ bar dka’o || gnas mal dgon pa nags khrod daṅ | ri druṅ daṅ | bas mtha’ dag tu (4) gnas pa khoṅ du chud par dka’o || gcig pu dgon par gnas pa sdug bsṅal lo || pha ma daṅ | phu nu daṅ | bu srid dag dran no || bdag bzo dag slob tu chug śig | bdag gi las kyi mtha’ dag tshol cig | bdag khyim bzaṅ po dag tu gtod cig ces (5) de ltar de la ’dod pa’am | mṅon par mi dga’ ba’am | rnam par ’khyam ’dod par gyur ciṅ dge sbyoṅ gi tshul mi ’dod pa’am | dge sbyoṅ gi tshul gyis sgyid lug pa’am | mus byuṅ ba’am | the tshom za ba’am | smon pa’am | dge sbyoṅ gi tshul yoṅs gtoṅ (6) ’dod pa’i ṅag daṅ | tshig daṅ | tha sñad daṅ | skad daṅ | rjod pa daṅ | ṅes pa’i tshig daṅ | tshig gi lam daṅ | tshig gi lam daṅ | tshig gi sgra daṅ | ṅag gi las daṅ | ṅag gi rnam par rig par byed pa gaṅ yin pa dag kyaṅ rjod par byed la | ’di skad ces tshe daṅ ldan pa dag dgoṅs (7) su gsol | bdag miṅ ’di źes bgyi ba bslab pa ’bul lo źe’am | saṅs rgyas daṅ | chos daṅ | dge ’dun ’bul lo źe’am | mdo sde daṅ | ’dul ba daṅ | ma mo ’bul lo źe’am | mkhan po daṅ | slob dpon ’bul lo źe’am | bdag khyim (33a1) dpa’am | dge tshul lam | zama’ama | ma niṅ ṅam | dge sloṅ ma sun phyuṅ ba’am | ma bsad pa’am | pha bsad pa’am | dgra bcom pa bsad pa’am | dge ’dun gyi dbyen byas pa’am | de bźin gśegs pa la ṅan sems kyis khrag phyuṅ ba’am | mu (2) stegs can nam | mu stegs can źugs pa’am | rku thabs su gnas pa’am | tha dad par gnas pa’am | gnas par mi bya bar gzuṅ du gsol źe’am | tha na ’di skad ces bdag khyed cag lta bu chos mthun pa tshaṅs pa mtshuṅs par spyod pa dag gis chog go źes kyaṅ (3) zer na bslab pa phul bar brjod bya ste || de ltar na bslab pa ñams par yaṅ byas la bslab pa phul ba yaṅ yin no || ji ltar na bslab pa ma phul źiṅ bslab pa ñams par ma byas pa yaṅ yin źe na | rnam pa de dag ma gtogs pa ste | des na bslab pa ñams par ma (4) byas pa źes gsuṅs so || mi tshaṅs par sbyod pa źes bya ba ni gñis kyis gñis sprod pa’o || ’khrig pa źes bya ba ni mi tshaṅs par spyod pa gaṅ yin pa de ’khrig pa yaṅ yin no || chos źes bya ba ni chos ma yin pa de chos kyi sgrar gsuṅs pa’o || bsten na źes bya (5) ba ni lhag par sbyad na’o || tha na duṅ ’gro’i skye gnas su skyes pa daṅ | lhan cig kyaṅ ruṅ ste źes bya ba ni spra mo’am | spra mo daṅ ’dra bar gtogs pa daṅ ṅo || dge sloṅ źes bya ba ni gaṅ la dge sloṅ gi dṅos po yod pa gaṅ yin pa’o || dge sloṅ gi dṅos po gaṅ źe na (6) bsñen par rdzogs pa gaṅ yin pa’o || bsñen par rdzogs pa gaṅ źe na | gsol ba daṅ bźi’i las kyi bya ba byed pa ñid daṅ | rtog pa ñid daṅ | yaṅ dag par rtog pa ñid daṅ ma | mthar phyin par byed pa ñid daṅ | yaṅ dag par mthar phyin par byed pa ñid gaṅ yin (7) pa daṅ | gaṅ thag de’i khas len pa daṅ | mṅon par khas len pa daṅ | phyir mi ldog pa daṅ | phyir mi ’gog pa ñid daṅ | ṅag daṅ | tshig daṅ | tha sñad daṅ | skad daṅ | rjod pa daṅ | ṅes ba’i tshig daṅ | tshig gi lam daṅ | mig gi sgra daṅ | ṅag gi (33b1) las daṅ | ṅag gi rnam par rig byed gaṅ yin pa’o || de źes bya ba ni ñe bar bstan pa daṅ | kun tu bstan pa’i tshig bla dgas de’o || pham bar gyur pa yin gyis źes bya ba ni de mthar gyur ba daṅ | ltuṅ ba daṅ | dman pa daṅ | mjug na ’dug pa daṅ | tha chad daṅ (2) yid daṅ mi mthun pa yin pa’o || yaṅ gaṅ gis ltuṅ ba de byas na byas ma thag tu dge sloṅ du mi ruṅ bar ’gyur || dge sbyoṅ du mi ruṅ | śākya ’i sras kyir mi ruṅ | dge sloṅ gi dṅos po las ñams par ’gyur te | de’i dge sbyoṅ gi tshul źig par ’gyur źiṅ | ñams (3) pa | bcom pa | ltuṅ pa | gyur pa ste | de’i dge sbyoṅ gi tshul phyir bslaṅ du med par ’gyur ro || ’di lta ste | dpen na śiṅ ta la’i mgo bcad na sṅon por ’gyur du mi ruṅ la | ’phel źiṅ rgyas pa daṅ | yaṅs par ’gyur du mi ruṅ ba de bźin du dge sloṅ (4) gis gnas de lta bu byas na byas ma thag tu dge sloṅ du mi ruṅ bar ’gyur | dge sbyoṅ du mi ruṅ | śākya ’i sras kyir mi ruṅ | dge sloṅ gi dṅos po las ñams par ’gyur te | de’i dge sbyoṅ gi tshul źig par ’gyur źiṅ ñams pa | bcom pa | ltuṅ ba | pham par gyur (5) pa ste | de’i dge sbyoṅ gi tshul phyir bslaṅ du med par ’gyur pas | de na pham par gyur pa yin gyis źes gsuṅs so || gnas par mi bya’o źes bya ba ni dge sloṅ rnams kyis de daṅ gso sbyoṅ daṅ | dgag dbye daṅ | gsol ba daṅ | gsol ba daṅ gñis daṅ | gsol ba daṅ (6) bźi’i las la gnas par mi bya’o || gaṅ zag bcu gñis po dag tu bsko bas bsgo bar mi bya ba ste | de na gnas par mi bya’o źes gsuṅs so || de ltuṅ bar ji ltar ’gyur źe na || ||

.