dge sloṅ gis mi tshaṅs par spyod pa ’khrig pa’i chos bsten na pham par ’gyur ro || ṅage sloṅ gis gnas gsum gyis mi tshaṅs par spyod pa ’khrig pa’i chos bsñen pham par (34a1) | ’gyur ro || zag byed zag byed dam | kha’am | bśaṅ ba’i lam du ’juṅ na bcug ma thag tu pham par ’gyur ro || dge sloṅ gi bud med daṅ | skyes pa daṅ | ma niṅ gsum daṅ lhan cig mi tshaṅs par spyod pa ’khrig pa’i chos sten na pham par (2) ’gyur ro || dge sloṅ gi sems sten pa la gźol ba daṅ | sten pa la ’bab pa daṅ | sten pa la bab par gyur ciṅ | de sems sten pa la gźol ba daṅ | sten pa la ’abapa pa daṅ | sten pa la bab pas mi’i bud med gson po mñams pa la zag byed bar (3) daṅ bcas pas bar chad daṅ bcas pa daṅ | bar daṅ bcas pas bar chad med pa daṅ | bar med pas bar chad daṅ bcas pa daṅ | bar med pas bar chad med pa zag byed dam | kha’am | bśaṅ ba’i lam du ’jud na bcug mthag tu pham par ’gyur ro || dge sloṅ gi (4) sems sten pa la gźol ba daṅ | sten pa la ’bab pa daṅ | sten pa bab par gyur ciṅ de sems sten pa la gźol ba daṅ | sten pa la ’bab pa daṅ | sten pa la bab pas | mi’i bud med gson po ñams pa la zag byed bar daṅ bcas pas bar chad daṅ bcas pa (5) daṅ | bar daṅ bcas pas bar chad med pa daṅ | bar med pas bar chad daṅ bcas pa daṅ | bar med pas bar chad med pa zag byed dam | kha’am | bśaṅ ba’i lam du ’jug na bcug ma thag tu ñes pa sbom por ’agyu.ura ro || dge sloṅ gi sems ste pa la gźol ba (6) daṅ | sten pa la ’bab pa daṅ | sten pa ’khab par gyur ciṅ | de sems sten pa la gźol ba daṅ | sten pa la ’bab pa daṅ | sten pa la bab pas mi’i bud med śi ba mñams pa la zag byed bar daṅ bcas pas bar chad daṅ bcas pa daṅ | bar daṅ bcas pas bar (7) chad med pa daṅ | bar med pas bar chad daṅ bcas pa daṅ | bar med pas bar chad med pa zag byed dam | kha’am | bśaṅ ba’i lam du ’jud na bcug mthag tu pham par ’gyur ro || dge sloṅ gi sems sten pa la gźol ba daṅ | sten pa la ’bab pa daṅ | sten pa (34b1) la bab par gyur ciṅ | de sems sten pa la gźol ba daṅ | sten pa la ’bab pa daṅ | sten pa la bab pas mi’i bud med śi ba ñams pa la zag byed bar daṅ bcas pas bar chad med pa daṅ | bar med pas bar chad (2) daṅ bcas pa daṅ | bar med pas bar chad med pa zag byed dam | kha’am | bśaṅ ba’i lam du ’jug na bcug ma thag tu ñes pa sbom por ’gyur ro || mi’i bud med gson po daṅ śi ba la ji lta ba de mi ma yin pa mo gson po daṅ | śi ba daṅ | dud ’gro’i (3) skyes gnas su skyes pa mo gson po daṅ | śi ba la yaṅ de bźin no || skyes pa gson po daṅ | śi ba la rma’i sgo gñis su yaṅ de bźin no || skyes pa gson po daṅ | śi ba la rma’i sgo gñis su ji lta ba de bźin du mi ma yin pa pho gson po daṅ | śib la (4) rma’i sgo gñis su daṅ | dud ’gro’i sgyes gnas su skyes pa pho gson po daṅ | śi ba la rma’i sgo gñis su yaṅ de bźin no || skyes pa la ji lta ba de bźin du mi’i ma niṅ pho gson po daṅ | śi ba la rma’i sgo gñis su daṅ | mi ma yin pa’i ma nig pho gson (5) po daṅ | śi ba la rma’i sgo gñis su daṅ | dud ’gro’i skyes gnas su skyes pa’i ma niṅ pho gson po daṅ | śi ba la rma’i sgo gñis su yaṅ de bźin no || dge sloṅ gi dge sloṅ ñal ba la rtsol bar byed ciṅ | gal te dge sloṅ gis de daṅ por yaṅ ma śes | bar du yaṅ (6) ma śes | tha mar yaṅ ma śes na gaṅ rtsol bar byed pa de bsñil bar bya’o || dge sloṅ gis dge sloṅ ñal ba la rtsol bar byed ciṅ | gal te dge sloṅ gis de daṅ por śes śiṅ bar du yaṅ ma śes | tha mar yaṅ ma śes na gaṅ rtsol bar byed pa de bsñil bar bya’o || (7) dge sloṅ gis dge sloṅ ñal ba la rtsol par byed ciṅ | gal te dge sloṅ ñal ba la rtsol bar byed ciṅ | gal te dge sloṅ gis de daṅ por yaṅ śes | bar du yaṅ śes śiṅ tha mar ma śes na gaṅ rtsol bar byed pa de bsñil bar bya’o || dge sloṅ gis dge sloṅ ñal ba la rtsol bar byed ciṅ | gal te dge sloṅ gis (35a1) de daṅ por yaṅ śes | bar du yaṅ śes | tha mar yaṅ śes la śes nas kyaṅ bdag gir mi byed na gaṅ rtsol 000byed pa de bsñil bar bya’o || dge sloṅ gis dge sloṅ ñal pa la rtsol bar byed ciṅ | gal te dge sloṅ gis de daṅ por yaṅ śes | bar du yaṅ śes (2) tha mar yaṅ śes la śes nas kyaṅ bdag gir byed na gñig bsñil bar bya’o || dge sloṅ gis dge sloṅ la ji ltab bźin du dge sloṅ gis dge sloṅ ma daṅ | dge slob ma daṅ | dge tshul daṅ | dge tshul ma daṅ | dge tshul mas dge (3) sloṅ daṅ | dge tshul la daṅ | dge tshul gyis dge sloṅ daṅ | dge sloṅ ma daṅ | dge slob ma daṅ | dge tshul daṅ | dag chul mal yaṅ de bźin no || dge sloṅ gis dge sloṅ ’bru’i chaṅ gis myos par byed du bcug ste rtsol bar byed ciṅ | gal te dge sloṅ gis de daṅ por yaṅ ma (4) śes | bar du yaṅ ma śes | tha mar yaṅ ma śes na gaṅ rtsol bar byed pa de bsñil bar bya’o || dge sloṅ gis dge sloṅ ’bru’i chaṅ gis myos par byed du bcug ste rtsol bar byed ciṅ | gal te dge sloṅ gis de daṅ por śes śiṅ bar du yaṅ ma śes | tha mar yaṅ ma śes na gaṅ rtsol (5) bar byed pa de bsñil bar bya’o || dge sloṅ gis dge sloṅ ’bru’i chaṅ gis myos par byed du bcug ste rtsol bar byed ciṅ | gal te dge sloṅ gis de daṅ por yaṅ śes || bar du yaṅ śes | tha mar yaṅ śes la śes nas kyaṅ bdag gir byed na gñis bsñil bar (6) bya’o || dge sloṅ gis dge sloṅ ’apru’i chaṅ gis myos par byed du bcug ste rtsol bar byed ciṅ | gal te dge sloṅ gis de daṅ por yaṅ śes | bar du yaṅ śes | ma thar yaṅ śes la śes nas kyaṅ bdag gir byed na gñig bsñil bar bya’o || dge sloṅ gis dge sloṅ la ji lta ba (7) bźin du dge sloṅ gis dge sloṅ ma daṅ | dge slob ma daṅ | dge tshul daṅ | dge tshul ma daṅ | dge sloṅ mas dge sloṅ daṅ | dge tshul daṅ | dge slob mas dge sloṅ daṅ | dge tshul daṅ | dge tshul mas dge sloṅ daṅ | dge tshul ma la yaṅ de bźin no || (35b1) ’bru’i chaṅ gis ji lta ba bźin du bcos pa’i chaṅ daṅ | sbyar ba’i chaṅ daṅ | rtsa ba’i btuṅ ba daṅ | sṅoṅ bu’i btuṅ ba daṅ | ’dab ma’i btuṅ ba daṅ | me tog gi btuṅ ba daṅ | ’bras bu’i btuṅ bas sam | gsaṅ sṅags dag daṅ | rig sṅags daṅ | sman gyis (2) sems ’khrugs par byas pa’am | gñid log bar byas te yaṅ de bźin no || dge sloṅ gis dge sloṅ gya tshom du mthus bzuṅ ste rtsom bar byed ciṅ | gal te dge sloṅ gis de ’jud pa na bdag gir byed na gñi ga bsñil bar bya’o || ’jud pa na mi byed kyaṅ bcug pa na bdag gir (3) byed na gñi ga bsñil bar bya’o || ’jud pa na yaṅ mi byed | bcug pa na yaṅ mi byed mod kyi ’byin pa na bdag gir byed na gñi ga bsñil bar bya’o || ’jud pa na yaṅ bdag gir mi byed | bcug pa na yaṅ mi byed | ’byin pa na yaṅ mi byed na gaṅ rtsol ba de bsñil bar (4) bya’o || dge sloṅ gis dge sloṅ la ji lta ba bźin du dge sloṅ gis dge sloṅ ma daṅ | dge slob ma daṅ | dge tshul daṅ | dge tshul ma daṅ | dge sloṅ mas dge sloṅ daṅ | dge tshul daṅ | dge slob mas dge sloṅ daṅ | dge tshul daṅ | dge tshul mas dge sloṅ daṅ | (5) dge tshul daṅ | dge tshul gyis dge sloṅ daṅ | dge slob ma daṅ | dge tshul daṅ | dge tshul ma la yaṅ de bźin no || || ’dul ba rnam par ’byed pa | bam po gñis pa | sdom la |
rgyab mñen daṅ ni ’phyaṅ ba can ||
mdzes dga’ tshogs can (6) rgan mo daṅ ||
dge sloṅ gñis kyis log pa la ||
lci thun mas btsal ñes med pa’o || saṅs rgyas bcom ldan ’das mñan yod na | rgyal byed kyi tshal mgon med zas sbyin gyi kun dga’ rab na bźugs so || mñan yod na khyim bdag cig ’dug pa des rigs mñam pa las (7) chud ma blaṅs nas | de de daṅ lhan cig rtse bar byed | dga’ bar byed | dga’ mgur spyod par byed do || dus gźan źig na rtse bar byed | dga’ bar byed | dga’ mgur spyod par byed pa de’i chul ma la sems can źugs par gyur nas | de zla ba brgyad dam dgu ’das te btsas (36a1) pa las khye’u źig byuṅ ba de’i rgyal ’di lta ste | dpen ri boṅ ṅam | byi la’i ltar mñen pa daṅ | śin du mñen par gyur to || de’i ñe du dag ’dus śiṅ lhags nas ñi bdun gsum ñi śu gcig tu btsaṅ pa’i btsas ston ch+ya cher byas nas | khye’u’i miṅ cir (2) gdags źes miṅ ’dogs par byed do || de dag ’di sñam du sems te | gaṅ gi phyi’u ’di’i rgyab ’di lta ste | dpar na ri boṅ ṅam | byi la’i ltar mñen pa daṅ | śiṅ tu mñen pa de’i phyir | khye’u’i miṅ rgyab mñes źes bya (3) bar btags so || de ’o ma daṅ | źo daṅ | mar daṅ | źun mar daṅ | mar gyi sñiṅ khu daṅ | gźan yaṅ yo byad kyi bye brag gtso bo gtso bo dag gis sriṅ bar byed | skyed par byed ciṅ rdziṅana gnas pa’i pad ma bźin du myur du skyed par byed do || de gaṅ gi tshe chen (4) por gyur pa de’i tshe legs par gsuṅs pa’i chos ’dul ba la rab tu byuṅ ṅo || de de ltar rab tu byuṅ nas de sṅa dro śam thabs bgos | chos gos daṅ lhuṅ bzed thogs te | groṅ ṅam | groṅ rdal gaṅ na ñe bar rten ciṅ gnas pa’i groṅ ṅam | groṅ rdal de ñid du lus ma (5) bsruṅs | dbaṅ po dag ma bsdams | dran pa ñe bar ma bźag par bsod sñoms la źugs so || des groṅ dam | groṅ rdal de ñid du bsod sñoms la brgyus nas zas kyi bya ba byas te | phyi ma’i zas kyi bsod sñoms las phyir log par lhuṅ bzed daṅ chos gos mkhos (6) su phab nas rkaṅ pa gñis bkrum te | naṅ du yaṅ dag ’jog gi phyir gnas su źugs so || de’i sems gaṅ gi tshe ’dod pa la ’dod chags kyis kun nas dkris par gyur pa de’i tshe des raṅ gi yan lag gi rnam pa las su ruṅ bar byas te | raṅ gi khar bcug nas rtsol bar byed (7) do|| de nas dus gźan źig na dge sloṅ rab tu maṅ po gnas ñul źiṅ rgyu ba dag dge sloṅ de’i gnas ga la ba der phyin pa daṅ | dge sloṅ de dag gis dge sloṅ de de ltar byed pa mthoṅ ṅo || mthoṅ nas kyaṅ yid mi dga’ źiṅ mṅon par ma mgu nas dge sloṅ de la ’di skad ces smras so || (36b1) tshe daṅ ldan pa ci byed | reg pa bdag gir byed do || tshe daṅ ldan pa ’o na bcom ldan ’das kyis mi tshaṅs par spyod pa ’khrig pa’i chos ma bkag gam | tshe daṅ ldan pa dag bkag gam | tshe daṅ ldan pa dag bkag ste | de ni gźan gyi la yin gyi raṅ gi la ni ma yin no || dge sloṅ de dag de la mṅon par bstod par yaṅ (2) mi byed | phyir zlog par yaṅ mi byed ciṅ | mṅon par bstod pa yaṅ ma byas | phyir zlog pa yaṅ ma byas par doṅ nas | bcom ldan ’das ga la ba der doṅ ste phyin pa daṅ | bcom ldan ’das kyi źabs gñis la mgo bos phyag ’tshal te mtha’ gcig tu ’khod do || mtha’ gcig (3) tu ’khod nas bcom ldan ’das la dge sloṅ rab tu maṅ po dag gis skabs de rgyas par gsol pa daṅ | bcom ldan ’das kyis bka’ stsal pa | dge sloṅ dag ṅas re źig gźan gyi la yaṅ bkag na Raṅa gi la lta smos kyaṅ ci dgos te mi gti mug can de ni pham par gyur to || (4) dge sloṅ gi sems sten pa la gźol ba daṅ | sten pa la ’bab pa daṅ | sten pa la bab par gyur ciṅ | de sems sten pa la gźol ba daṅ | sten pa la ’bab pa daṅ | sten pa la bab pas raṅ gi yan lag gi rnam pa las su ruṅ bar byas te raṅ gi’am | gźan gyi khar (5) gcug nas rtsol bar byed na bcug ma thag tu pham par ’gyur ro || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ba ra na bźugs so || mñan yod na khyim bdag cig ’dug pa des rigs mñam pa las chuṅ ma blaṅs (6) nas | de de daṅ lhan cig rtse bar byed | dga’ bar byed | dga’ mgur spyod par byed do || dus gźan źig na rtse bar byed | dga’ bar byed | dga’ mgur spyod par byed pa de’i chuṅ ma la sems can źugs par gyur nas | de zla ba brgyad dam | dgu ’das te btsas (7) pa las khye’u yan lag gi rnam pa tshad las śin tu ’das pa źig byuṅ ṅo || de’i ñe du dag ’dus śiṅ lhags nas ñi ma bdun gsum ñi śu gcig tu btsas pa’i btsas ston rgya cher byas nas | khye’u’i miṅ cir gdags źes miṅ ’dogs par byed do || de dag ’di sñam du (37a1) | sems te | gaṅ gi phyir khye’u ’di’i yan lag gi rnam pa tshad las śin tu ’das pa de’i phyir khye’u ’di ’phyaṅ ba can źes bya’o źes de’i miṅ ’phyaṅ ba can źes bya bar btags so || de ’o ma daṅ | źo daṅ | mar daṅ | źun mar gyi sñiṅ khu daṅ | gźan yaṅ yo byaṅ (2) kye bye brag gtso bo gtso bo dag gis sriṅ bar byed || skyed par byed ciṅ rdziṅ na gnas pa’i pad ma bźin du myur du skyed par byed do || de gaṅ gi tshe chen por gyur pa de’i tshe legs par gsuṅs pa’i chos ’dul ba la rab tu byuṅ ṅo || de de ltar rab tu byuṅ nas de sṅa do śam thabs bgos lhuṅ (3) bzed daṅ chos gos thogs te | groṅ ṅam | groṅ rdal gaṅ na ñe bar rten ciṅ gnas pa’i groṅ ṅam | groṅ rdal de ñid du lus ma bsruṅs dbaṅ po dag ma bsdams | dran pa ñe bar ma bźag par bsod sñoms la źugs so || des groṅ ṅam | groṅ rdal de ñid du bsod sñoms la (4) brgyus nas zas kyi bya ba byas te | phyi ma’i zas kyi bsod sñoms las phyir log pas lhuṅ bzed daṅ chos gos mkhos su phab nas rkaṅ pa gñis bkrus te naṅ du yaṅ dag ’jog gi phyir gnas su źugs so || de’i sems gaṅ gi tshe ’dod pa la ’dod chags kyis kun nas dkris (5) par gyur pa de’i tshe des raṅ gi yan lag gi rnam pa las su ruṅ bar byas te raṅ gi bśaṅ ba’i lam du bcug nas rtsol bar byed do || de nas dus gźan źig na dge sloṅ rab tu maṅ po gnas ñul źiṅ rgyu ba dag dge sloṅ de’i gnas gal ba der phyir pa daṅ | dge sloṅ de dag gis (6) dge sloṅ de de ltar byed pa mthoṅ ṅo || mthoṅ nas kyaṅ yid mi dga’ źiṅ mṅon par ma mgu nas dge sloṅ de la ’di skad ces smras so || tshe daṅ ldan pa ci byed | reg pa bdag gir byed do | tshe daṅ ldan pa ’on bcom ldan ’das kyis mi tshaṅs par spyod pa ’khrig pa’i chos ma bkag (7) gam | tshe daṅ ldan pa dag bkag ste | de ni gźan gyil yin gyi raṅ gi la ni ma yin no || dge sloṅ de dag de la mṅon par bston par yaṅ mi byed | phyir zlog par yaṅ mi byed ciṅ | mṅon par bstod pa yaṅ ma byas phyir bzlog pa yaṅ ma byas par dod nas bcom ldan ’das (37b1) ga la ba der soṅ ste phyin pa daṅ | bcom ldan ’das kyi źabs gñis la mgo bos phyag ’tshal te mtha’ gcig tu ’khod do || mtha’ gcig tu ’khod nas | bcom ldan ’das la dge sloṅ rab tu maṅ po dag gis skabs de rgyas par gsol ba daṅ | bcom ldan ’das kyis (2) bka’ stsal pa | dge sloṅ dag ṅas re źig gźan gyi la yaṅ bkag na raṅ gil lta smos kyaṅ ci dgos te | mi gti mug can de ni pham par gyur to || dge sloṅ gi sems sten pa la gźol ba daṅ | sten pa la ’bab pa daṅ | sten pa la bab par gyur ciṅ || de sems (3) sten pa la gźol ba daṅ | sten pa la ’bab pa daṅ | sten pa la bab pas raṅ gi yan lag gi rnam pa las su ruṅ bar byas te | Raṅa gi’am | gźan gyi bśaṅ ba’i lam du bcug nas rtsol bar byed na bcug ma thag tu pham par ’gyur ro || saṅs rgyas bcom (4) ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na ’phags rgyal na ded dpon dga’ bo źes bya ba phyug pa | nor maṅ ba | loṅs spyod che ba | yoṅs su gzuṅ ba | yaṅs śiṅ rgya che ba | rnam thos kyi bu’i nor (5) daṅ ldan pa rnam thos kyi bu la nor gyis ’gran pa źig ’dug ste | des rigs mñam pa las chuṅ ma blaṅs nas | de de daṅ lhan cig rtse bar byed | dga’ bar byed | dga’ mgur spyod par byed do || rtse bar byed | dga’ bar byed | dga’ mgur spyod par byed pa de la bu (6) yaṅ med bu mo yaṅ med nas | de bu med ciṅ bu mṅon par ’dod pas źi ba daṅ | chu lha daṅ | lus ṅan daṅ | brgya byin daṅ | tshaṅs pa la sogs pa dag la gsol ba ’debs śiṅ | lha’i bye brag gźan ’di lta ste | kun dga’ ra ba’i lha dag daṅ | tshal gyi lha dag (7) daṅ | bźi mdo’i lha dag daṅ | sum mdo’i lha dag daṅ | gtor ma len pa’i lha dag daṅ | lhan cig skyes pa dag daṅ | chos mthun pa dag daṅ | rtag tu rjes su ’braṅ ba’i lha dag la yaṅ gsol ba ’debs so || ’jig rten na gaṅ gsol ba ’debs pa’i rgyu las (38a1) bu daṅ | bu mo dag skye’o źes bya ba’i gtam de lta bu yod de || de ni de lta ma yin te | gal te de ltar ’gyur du zin na re re la yaṅ ’di lta ste | dper na ’khor los sgyur ba’i rgyal po bźin du bu stoṅ yod par ’gyur ro || ’di ltar gnas gsum po dag mṅon (2) du sbyur pa las bu daṅ | bu mo dag skye bar ’gyur te | gsum po de dag gaṅ źe na | pha daṅ ma gñis chags par gyur ciṅ ’dus pa daṅ | mdus la bab ciṅ zla mtshan daṅ ldan pa daṅ | dri za ñe bar gnas śiṅ ’jug ’dod pa ste | gnas gsum po de dag mṅon du gyur pa (3) las bu daṅ bu mo dag skye bar ’gyur ro || de de ltar gsol ba ’debs pa lhur len ciṅ ’dug pa na sems can źig kyaṅ lha’i ris nas śi ’phos te de’i skye dgu’i bdag mo’i mṅal du źugs so || bud med kyi yul mkhas pa’i raṅ bźin can la la la ma ’dres pa’i chos lṅa (4) yod de || lṅa gaṅ źe na | skyes pa chags par gyur pa śes śiṅ chags pa daṅ bral ba śes pa daṅ | dus śes śiṅ za mtshan śes pa daṅ | mṅal na gnas pa źugs pa śes pa daṅ | gaṅ las mṅal na gnas pa źugs pa | de śes pa daṅ | khye’u śes śiṅ bu mo (5) śes pa ste | gal te khye’u yin na dku g-yas par rten ciṅ ’dug la | gal te bu mo yin na ni dku g-yon par rten ciṅ ’dug pa’o || de yid dga’ źiṅ yid dga’ nas khyim thab la smras pa | rje’i sras bdag la sems can źugs par gyur pa ni ’di ltar bdag gi (6) dku g-yas bar rten ciṅ mchis pas ṅes par khye’ur ’gyur gyis dgyes pa bskyed du gsol | de yaṅ yid dga’ źiṅ yid dga’ nas ro stod bsraṅ ste | lag pa g-yas pa brkyaṅ nas ’di skad ces kho bo yun riṅ po nas mṅon par ’dod pa’i bu’i ṅo mthoṅ ba daṅ | kho (7) bo daṅ mthun par skye źiṅ mi mthun par mi skye ba daṅ | kho bo’i bya ba dag byed pa daṅ | gsos pas phyir gsob daṅ | bgo skal la spyod pa daṅ | kho bo’i rigs rgyuṅ yun riṅ du gnas par ’gyur ba daṅ | bdag cag śi źiṅ dus la bab pa dag la ñuṅ du’am maṅ (38b1) po yaṅ ruṅ ba’i sbyin pa dag sbyin źiṅ bsod nams dag byas nas | ’di de gñis gaṅ du skyes pa der ’gro źiṅ rjes su ’gro bar gyur cig ces miṅ gis yon bśad pa byed par gyur cig ces ched du brjod pa ched du brjod par byed do || de la sems can źugs par rig nas (2) ’di lta ste | mṅal na gnas pa yoṅs su smin par bya ba’i phyir steṅ gi khaṅ bzaṅs kyi gźir gtogs pa na graṅ ba na graṅ ba’i yo byad dag daṅ | dro ba na dro ba’i yo byad dag daṅ | sman pas bcas pa’i zas ha caṅ mi kha ba daṅ | ha caṅ mi skyur ba daṅ | ha caṅ lan tshwa (3) mi che ba daṅ | ha caṅ mi mṅar ba daṅ | ha caṅ mi tsha ba daṅ | ha caṅ mi bska ba daṅ | kha ba daṅ | skyur ba daṅ | lan tshwa daṅ | mṅar ba daṅ | tsha ba daṅ | bska ba rnam par spaṅs pa’i zas dag daṅ | do śal daṅ | se mo do daṅ | rgyan gyis bklubs pa’i lus lha’i (4) bu mo dga’ ba’i tshal na rnam par spyod pa lta bu daṅ | khri nas khrir daṅ | khri’u nas khri’ur rgyu źiṅ śod kyi sa gźir mi ’bab pa daṅ | des sgra yid du mi ’oṅ ba cuṅ zad kyaṅ mi thos par gnod pa med pa ñid du rim gro byed du ’dzud do || de zla ba brgyad dam | dgu ’das (5) te btsas pa las khye’u gzugs bzaṅ ba | bltan sdug pa | mdzes pa | gsal ba | gser gyi mdog ’dra ba | mgo gdugs lta bu daṅ ldan pa | lag pa riṅ ba | ’phral ba’i dbyes che ba | smin ma ’jar ba | sna’i gzaṅs mtho bźig byuṅ ṅo || de’i (6) ñe du dag ’dus śiṅ lhags nas ñi ma bdun gsum ñi śu gcig tu btsas pa’i btsas ston rgya cher byas nas khye’u’a meṅ cir gdags źes miṅ ’dogs par byed do || yul dbus na gaṅ gzugs bzaṅ ba | blta na sdug pa | mdzes pa de la mdzes pa źes bya’o źes kun (7) tu spyod pas de dag ’di sñam du sems te | gaṅ gi phyir khye’u ’di bzugs bzaṅ ba | blta na sdug pa | mdzes pa yin la | ded dpon dga’ bo’i bu yin pa de’i phyir khye’u’i miṅ mdzes dga’ źes bya’o || źes de’i miṅ mdzes dga’ źes bya bar btags so || (39a1) khye’u mdzes dga’ ma ma brgyad po | paṅ na ’tsho ba’i ma ma gñis daṅ | num snun pa’i ma ma gñis daṅ | dri ma ’phyi ba’i ma ma gñis daṅ | rtsen grogs kyi ma ma gñis la rjes su gtad do || de ma ma brgyad po de dag gis ’o ma daṅ | źo daṅ (2) mar daṅ | źun mar daṅ | mar gyi sñiṅ khu daṅ | gźan yaṅ yo byad kyi bye brag gtso bo gtso bo dag gis sriṅ bar byed | skyed par byed ciṅ rdziṅ na gnas pa’i pad ma bźin du myur du skyed par byed do || gaṅ gi tshe chen por gyur pa de’i tshe yi ge daṅ | graṅs daṅ | (3) rtsis daṅ | lag rtsis daṅ | dbyuṅ ba daṅ | gźug pa daṅ | gźag pa la ñe bar źugs nas | de yi ge’i mthar phyin ciṅ ’byed pa daṅ | klog pa daṅ | mkhas pa daṅ | spyod pa gsal ba daṅ | brtag pa brgyad po ’di lta ste | rin po che brtag pa daṅ | gźi brtag pa daṅ | gos (4) brtag pa daṅ | śiṅ brtag pa daṅ | glaṅ po che brtan pa daṅ | rtab rtag pa daṅ | bud med brtag pa daṅ | skyes pa brtag pa la mkhas par gyur to || phas de’i chuṅ ma’i ’khor gsum po rab daṅ | ’briṅ daṅ | tha ma ṅag rnam par gźag go || ’dug pa’i gnas gsum po dgun gyi (5) daṅ | dpyid kyi daṅ | dbyar gyi dag byed du bcug go || skyed mos tshal gsum po dgun gyi daṅ | dpyid kyi daṅ | dbyar gyi dag byed du bcug go || de steṅ gi khaṅ bzaṅs kyi gźir gtogs pa na skyes pa med par sil sñan gyis rtse bar byed | dga’ bar byed | dga’ mgur spyod (6) phar byed do || ded dpon dga’ bo rtag tu rtsis la chags śiṅ ’du ba daṅ | ’god pa dag kyaṅ sbyoṅ bar byed nas mdzes daga’asa smras pa | yab khyod ci’i slad du rtag tu rtsis la chags śiṅ bźugs | des smras pa | bu ci steṅ gi khaṅ bzaṅs kyi gźir gtogs pa na rtse ba ñid kyis (7) nor bsgrub par byar nus sam | ṅas khyim gyi bya ba los kyaṅ bsam dgos so || mdzes daga’asa don gyis ’dis bdag la bskul to sñam du rig nas des de’i rkaṅ pa gñis la gtugs te smras pa | yab gal te de ltar rjes su gnaṅ na yul gźan du mchis la nor bsgrub par (39b1) bgyi’o || des smras pa | bu nor gyi rnam pa maṅ po yod na ci’i phyir yul gźan du ’gro | ’dug śig des smras pa | yab ṅan bu gor ma bkum par mchi’o || ded dpon dga’ bos ’di ’dod pa la bab par bya’o sñam du bsams nas | des lde mig daṅ | lde mig kyog po la (2) sogs pa blaṅs te | dbyig daṅ | gser byas pa daṅ ma byas pa de’i mdzod gaṅ ba bdun phye ste bstan nas smras pa | bu mdzes dga’ nor gyi rnam pa ’di sñed yod kyis khyod ’di ñid du ’dug la ’dod pa la yaṅ loṅs spyod cig | sbyin pa dag kyaṅ byin cig | bsoṅ nams dag kyaṅ gyis (3) śig | yul gźan du ’gro mi dgos so || des smras pa | yab khyod ṅan bul ston par mdzad na | ṅan bus bu rnams la ci źig bstan par bgyi | ded dpon dga’ bos de zer ba bzaṅ ste | bdag ’das nas ’dis khyim gyi bya ba sbyoṅ bar ’gyur bas de’i phyir ji srid bdag gson pa (4) de sriṅ du zoṅ mnos śiṅ yul gźan du ’gro la rag ste | yul gźan du ’di la pha’i grogs dag kyaṅ mṅon du gyur pas de lta na bdag ’das nas ’di’i ’gro ba’i phyogs mun pa med par ’gyur ro sñam du śes śiṅ rig nas chuṅ ma la smras pa | bzaṅ mo kho bo ’das nas mdzes daga’asa (5) khyim gyi bya ba sbyoṅ bar ’gyur bas de’i phyir ji srid kho bo gson pa de srid du zoṅ mnos śiṅ yul gźan du ’gro la rag ste | yul gźan du ’di la pha’i grogs kyaṅ mṅon du gyur pas de lta na kho bo ’das nas ’di ’gro ba’i phyogs mun pa med par ’gyur ro || des smras pa | rje’i sras (6) mnoṅs te de bźin mchil rag go || de nas ded dpon dga’ bos mdzes dga’ bos te smras pa | bu khyod kyis zoṅ mnos te yul gźan du ’gro’o sñam du sems bskyed pa mñes te | kho bo ’das nas khyod kyis khyim gyi bya ba sbyoṅ bar ’gyur bas de’i phyir ji srid kho bo gson pa de (7) sriṅ du zoṅ mnos śiṅ yul gźan du ’gro la rag ste | yul gźan du khyod la pha’i grogs dag kyaṅ mṅon du gyur bas de lta na kho bo ’das nas khyod kyi ’gro ba’i phyogs mun pa med par ’gyur ro || mdzes daga’asa smras pa | yab bka’ bźin ’tshal mchi’o || de nas ded dpon (40a1) dga’ bos ’phags rgyal du dril bsgrag pa byed du bcug ste | ’phags rgyal na gnas pa daṅ | phyogs tha dad pa nas lhags pa’i tshoṅ pa rnams la śes ldan dag ñon cig | ded dpon mdzes daga’asa zoṅ mnos śiṅ yul gźan du ’gros | khyed cag (2) las ded dpon mdzes dga’ daṅ lhan cig tu śo gam med pa daṅ | la gcan med pa daṅ | gru btsas med par yul gźan du ’gro bar spro ba gaṅ yin pa des yul gźan du ’gro ba daṅ mthun pa’i zoṅ bsdogs śig | tshoṅ pa lṅa brgyas yul gźan du ’gro ba daṅ | mthun pa’i (3) zoṅ bsdogs so || ded dpon dga’ bos tshoṅ pa de dag mgron du bos te zas byin nas smras pa | śes ldan dag ji ltar mdzes dga’ ’di kho bo’i bu yin pa de kho na bźin du khyed kyi yaṅ yin gyis | tshoṅ pa yul gźan du doṅ ba rnams kyi bar chad ni gsum yod de | rgyan po daṅ || (4) ’jud mthun ma daṅ | chaṅ gi gnas so || khyed cag gi ’di gnod pa las ṅes par bzlog par bya źiṅ phan pa la yaṅ dag par sbyor bar bya’o || gal te gnod pa las ṅes par bzlog ciṅ phan pa la yaṅ dag par sbyor bar byed pa na rab tu gnas par gyur na de lta na legs | (5) gal te rab tu mi gnas par gyur na khyed kyis zoṅ rnam par spoṅs śiṅ rin mnos te ’gro bar bya’o || mdzes dga’ la yaṅ smras pa | bu mdzes dga’ ji ltar khyod kho bo’i bu yin pa de kho na bźin du tshoṅ pa ’di dag gi yaṅ yin gyis | khyod kyis ’di dag gi tshig daṅ bas mñan (6) ciṅ bya bar sems śig | ded dpon mdzes daga’asa yab bka’ bźin ’tshal źes ded dpon dga’ bo las mñan nas dge mtshan daṅ | bkra śis daṅ | bde legs su ’gyur ba byas te | śiṅ rta dag daṅ | khur dag daṅ | spyad dag daṅ | gle ba dag daṅ | rṅa mo dag daṅ | ba (7) laṅ dag daṅ | boṅ bu dag gis zos maṅ po blaṅs te | tshoṅ pa lṅa brgya daṅ lhan cig yul gźan du ’phags so || de mthar gyis groṅ daṅ | groṅ rdal daṅ | yul ’khor daṅ | rgyal po’i pho braṅ gi gnas dag tu khad kyis rgyu ba na mñan yod du phyin nas mñan yod du mdzod (40b1) cig tu zoṅ btsuṅ de ’dug go || de’i tse na mñan yod na gzugs ’tshoṅ ma bzaṅ po źes bya ba gzugs bzaṅ ba | blta na sdug pa | mdzes pa | skyes bu dga’ bźig ’dug ste | de kār ṣā pa ṇa lṅa brgyas skyes pa daṅ lhan cig dga’ mgur spyod par byed do || des ’phags rgyal na (2) ded dpon dga’ bo źes bya ba ’dug pa de’i bu mdzes dga’ źes bya ba gzugs bzaṅ ba | blta na sdug pa | mdzes pa de tshoṅ pa lṅa brgya daṅ lhan cig tu ’dir phyin nas mdzod che ge mo źig tu zoṅ mkhos su phab ste ’dug go źes thos so || thos nas kyaṅ de ’di sñam du sems te | gal (3) de bdag gis de’i zoṅ thams cad ma phrogs na bzaṅ mo źes bya ba’i miṅ mi gzuṅ ṅo sñam mo || des bu mo mṅag gźug ma la smras pa | bu mo ded dpon mdzes dga’ źes bya ba ’byor pa rgya chen po daṅ ldan pas | zoṅ khyer te ’oṅs nas mdzod che ge mo źig tu btsud kyis | dri daṅ | phreṅ (4) ba rgyu thogs te de’i druṅ du soṅ la ’di skad ces jo mo bzaṅ mo khyod kyi źabs la phyag ’tshal źiṅ | rje’i sras kyis ci’i slad du raṅ gi pho braṅ spaṅs te mi phal pa bźin du mdzod na bźugs | ’di ni khyod ñid kyi pho braṅ lags kyis tshur sbyon cig ces kyaṅ mchi’o źes gyis śig | jo mo (5) bka’ bźin ’tshal źes bu mo mṅag gźug ma des gzugs ’tshoṅ ma bzaṅ mo las mñan te | dri daṅ | phreṅ ba rgyu thogs nas ded dpon mdzes dga’ ga la ba der soṅ ste phyin nas ded dpon mdzes dga’ la ’di skad ces smras so || jo mo bzaṅ mo khyod kyi źabs la phyag (6) ’tshal źiṅ | dri daṅ | phreṅ ba rgyu ’di yaṅ bskur | rje’i sras kyis ci’i slad du pho braṅ spaṅs te mi phal pa bźin du mdzod na bźugs | ’di ni khyod kyi pho braṅ lags kyis tshur spyon cig ces kyaṅ mchi’o || mdzes daga’asa smras pa | bu mo soṅ śig daṅ | kho bo dri daṅ | (7) phreṅ ba rgyu ’di btags te ’oṅ ṅo || de nas bu mo mṅag gźug ma de gzugs ’tshoṅ ma bzaṅ mo ga la ba der soṅ ste phyin nas | des ded dpon mdzes dga’ daṅ lhan cig skabs kyi gtam ji sñed byas par gyur pa de dag thams cad gzugs ’tshoṅ ma bzaṅ mo la bsñad do || de (41a1) nas gzugs ’tshoṅ ma bzaṅ mos bu mo mṅag bźug ma las thos nas dga’ ba daṅ yid bde ba skyes te | khyim byug pas bskus śiṅ byi dor byed du bcug nas me tog sna tshogs bkram źiṅ bdug spos źiṅ bdug spos źi ma pos bdugs te | bla re bres pa daṅ bcas pa’i (2) mal bśams nas gtso cher ded dpon mdzes dga’ la stod ciṅ ’dug go || ded dbon mdzes dga’ yaṅ dri daṅ | phreṅ ba rgyu daṅ | rgyan gyis bklubs te bźon pa la źon nas khye’u mṅag gźug pas yoṅs su bskor ciṅ laṅ tsho’i gzugs mchog tu sbug pas rnam par mdzes (3) śiṅ gzugs ’tshoṅ ma bzaṅ mo’i gnas ga la ba der soṅ ṅo || gzugs ’tshoṅ ma bzaṅ mos ded dpon mdzes dga’ laṅ tsho’i gzugs mchog tu sdug pas rnam par mdzes pa mthoṅ ṅo || mthoṅ nas kyaṅ bran mo maṅ ga gźug ma la dris pa | bu mo ’di ded dpon mdzes dga’ (4) yin nam | des smras pa | jo mo ded dpon mdzes dga’ ni ’di kho na lags so || de nas gzugs ’tshoṅ ma bzaṅ mo dga’ ba daṅ | yid bde ba skyes nas tshigs su bcad pa smras pa | rigs skyes rigs min skyes pa ’am ||
nor ñams nor gyis ’byor pa’aṅ ruṅ ||
gzugs (5) kyis phyug pa mthoṅ bas ni ||
bud med rnams kyi yid ’phrog byed || de bźon pa’i sa ji srid pa de srid du bźon pas soṅ nas bźon pa las babs te rkaṅ pa dag kho nas gzugs ’tshoṅ ma bzaṅ mo’i khyim du ’jug par brtsams pa daṅ | des myur ba myur bar khaṅ thog nas babs (6) te de bsu nas yaṅ lag thams cad kyis ’khyud de | khyim gyi naṅ du khrid nas bud med kyi khri la bźag ste smras pa | rje’i sras kyi mtshan ci | des smras pa | mdzes dga’o || des smras pa | e ma khyod kyi mtshan ni gzugs daṅ ’dra la | gzugs kyaṅ mtshan daṅ ’dra ste | (7) gal te yab yum dag gis khyod kyi mtshan mdzes dga’ źes bgyi par ma gsol bar gyur na | deṅ bdag gis khyod kyi mtshan mdzes dga’ źes bgyi bar gsol bar ’gyur ro || des smras pa | khyod kyi mtshan ci | des smras pa | bzaṅ mo’o || des smras pa | e ma’o || khyod kyi (41b1) mtshan ni gzugs daṅ ’dra la | gzugs kyaṅ mtshan daṅ ’dre ste | gal te yab yum dag gis khyod kyi mtshan bzaṅ mo źes bgyi bar ma gsol bar gyur na deṅ bdag gis khyod kyi mtshan bzaṅ mo źes bgyi bar gsol bar ’gyur ro || mdzes daga’asa smras pa | bzaṅ mo dguṅ (2) gcig gi gla ci tsam | des smras pa | rje’i sras kyis mi phal pa bźin du mi gśa’ ba źig bka’ stsal to || de’i bu mo mṅag gźug mas smras pa | dguṅ red źig kār ṣā pa ṇa lṅa brgya lṅa brgya’o || des mi la khyod kyis ñin re źiṅ kār ṣā pa ṇa lṅa brgya lṅa brgya bskur bar (3) bya’o źes bsgo nas | de de daṅ lhan cig rtse bar byed | dga’ bar byed | dga’ mgur spyod par byed do || ’dod pa dag ni bsten pa na ldog pa’am | ṅoms pa’am | mthar thug pa med pa de ñi ma maṅ po ’das kyaṅ ṅoms par ma gyur ciṅ | mis kyaṅ ñin re źiṅ kār ṣā (4) pa ṇa lṅa brgya lṅa brgya ’bul ba kho nar byed do || tshoṅ pa dag gis smras pa | śes ldan dag ded dpon mdzes dga’ mi snaṅ na | de bdag cag la grogs pos gtad pas kun tu btsal bar bya’o || tshoṅ pa dag gis de’i g-yog dag la dris pa | ded dpon gar bźud | de dag (5) gis smras pa | ded dpon ñi ma gaṅ kho na la mñan yod du phyin pa’i ñi ma de ñid la ’jud mthun ma’i khyim du źugs te ’dug na khyed cag gis deṅ gzod dran nam | tshoṅ pa dag gis smras pa | śes ldan dag yu bu cag gis ded dpon mdzes dga’ yal bar bor ba ni ma legs pa byas te | (6) ’di’i phas yu bu cag la klan kar ’gyur ro || tshoṅ pa dag gis mdzes dga’ la don mthun rnams kyi mchid nas tshur spyod cig ces mchi’o źes bar chen btaṅ ṅo || baṅ chen des mdzes dga’ la bsgo nas mdzes dga’ ’byuṅ bar brtsams pa daṅ | bzaṅ mos gos kyi mtha’ nas bzuṅ ste (7) smras pa | rje’i sras ’dod pa dag ni rgyu gñis kyis bsten par bgyi ste | gzugs bzaṅ ba ñid daṅ | laṅ tsho ñid kyis so || khyod ni gzugs bzaṅ ba daṅ | laṅ tsho la bab pa lags na gźon pa’i gnas skabs su re źig rtse ba daṅ | dga’ ba daṅ | dga’ mgur spyod pa mdzod la ’gres pa’i (42a1) gnas skabs su nor sgrub pa mdzod cig | mdzes daga’asa baṅ chen de la smras pa | kye khyod soṅ śig daṅ ’oṅ ṅo || baṅ chen de soṅ ste tshoṅ pa rnams la smras pa | ded dpon gyi źal nas soṅ śig daṅ ’oṅ ṅo źes gsuṅ ṅo || tshoṅ pa de dag ’dus te | sdod pa na mdzes (2) dga’ thogs nas | tshoṅ pa de dag thams cad ’dus te ’jud mthun ma’i khyim du doṅ nas tshoṅ pa de dag gis sgor bsdad de | mi la smras pa | kye khyo gsoṅ la ded dpon la tshoṅ pa’i tshogs rnams sgo na sdod ciṅ ded dpon blta bar ’tshal lo || źes gyis śig | mi des soṅ ste mdzes (3) dga’ la brjod nas mdzes daga’asa ’byuṅ bar brtsams pa daṅ | yaṅ gzugs ’tshoṅ ma bzaṅ mos gos kyi mtha’ nas bzuṅ ste smras pa | rje’i sras tshoṅ pa de dag kyaṅ bdag daṅ lhan cig dga’ mgur spyod ’tshal te | de dag daṅ lhan cig dga’ mgur spyad du ga la ruṅ bźugs (4) śig | ’dod pa dag ni bsten pa na kun du sbyor ba dag ’phel bar byed pa yin pas mdzes daga’asa smras pa | gaṅ gi tshe kho bo kun nas dkris pa daṅ bral bar gyur pa de’i tshe ’byuṅ bar ’gyur ro || mi des soṅ ste tshoṅ pa’i tshogs rnams la smras pa | ded dpon gyi źal nas (5) gaṅ gi tshe kho bo kun nas dkris pa daṅ bral bar gyur pa de’i tshe ’byuṅ ṅo źes gsuṅ ṅo || tshoṅ pa dag gis smras pa | kye ma mdzes dga’ ’di bya ba ma yin pa la źugs kyis ’doṅ ṅo źes de dag gis zoṅ rnam par spaṅs nas rin blaṅs te ’phags so || de nas mi gaṅ gis ñi ma (6) re re źiṅ bzaṅ mo la kār ṣā pa ṇa lṅa brgya lṅa brgya phul bar gyur pa ṅes phyin chad ’bul bar mi byed do || de nas dus gźan źig na bzaṅ mos mi de la dris śiṅ smras pa | kye khyo ga ci’i phyir phyir chad kār ṣā pa ṇa dag ’bul bar mi byed | des smras pa | don mthun dag doṅ bas (7) bdag gis ga las dbul | ci don mthun dag gis mdzes dga’i zoṅ yaṅ khyer ram | khyer ro || bzaṅ mos mdzes dga’ daṅ lhan cig ñi ma gñis sam | gsum dga’ mgur spyad nas smras pa | rje’i sras bdag la źiṅ yaṅ ma mchis | las kyi mtha’ bgyid pa dag kyaṅ (42b1) ma mchis | groṅ mi zoṅ mnos te yul gźan du mchi ba dag kyaṅ ma mchis te | khyod lta bu dag gi druṅ nas gaṅ thob pa des bdag ’tsho bar ’gyur ba kho na rabs na yaṅ na ni kār ṣā pa ṇa dag stsol cig | yaṅ na ni skyes pa gźan gyis skabs dbye ba mdzod cig | mdzes daga’asa (2) smras pa | bzaṅ mo khyod la sdug pa ’ga’ yaṅ med dam | bzaṅ mos smras pa | rje’i sras khyod kyis | tshogs can rnams la sdug pa med || de dag raṅ bźin riṅ mi gnas || bya rnams ’bras med ljon pa bźin || de dag rñiṅ pa rnam par spoṅ || źes bgyi ba ma gsan (3) tam | mdzes daga’asa smras pa | bzaṅ mo khyod la ji srid du nor sbyin par byed pa de srid du khyod skyes pa’i dbaṅ du ’gyur ram | bzaṅ mos smras pa | rje’i sras khyod kyis | ji srid brgya byin char ’bebs pa || de srid ri kluṅ chu ’bebs ltar || ji srid nor ni sbyin byed pa || de (4) srid ’jud mthun skyes bu dbaṅ || źes bgyi ba ma gsan tam | mdzes daga’asa smras pa | bzaṅ mo khyod su la yaṅ yid ’bebs par mi byed dam | bzaṅ mos smras pa | rje’i sras khyod kyis | ’jud mthun dgoṅs kar raṅ lus bźin || gcugs daṅ gtam gyis (5) dga’ bar byed || de nas nam phyed dbus gnas śiṅ || nam naṅs phan chad rtswa bźin spoṅ || źes bgyib ma gsan tam | mdzes daga’asa smras pa | bzaṅ mo khyod nor daṅ bcas pa’i mi dag la spyod par byed dam || bzaṅ mos smras pa | rje’i sras khyod kyis | nor (6) daṅ bcas pa’i mi dag daṅ || nor ma spyad pa rnams la yaṅ || sar pa’i rtswa la ba laṅ bźin || bdag cag rnams kyis spyad par bya || źes bgyi ba ma gsan tam | mdzes daga’asa ’byuṅ bar brtsams pa daṅ | bzaṅ mos bsams pa | mdzes dga’ ’di ni (7) gzugs bzaṅ ba | blta na sdug pa | mdzes pa yin pas śin tu thag riṅ par soṅ yaṅ skyes bu ’di lta bu daṅ lhan cig rtse bar bya | dga’ bar bya | dga’ mgur spyad par bya ba yin pas de’i phyir ji srid du gźan kār ṣā pa ṇa dag thogs te mi ’oṅ ba de srid du ’di daṅ lhan (43a1) cig rtse bar bya | dga’ bar bya | dga’ mgur spyad par bya’o sñam du śes śiṅ rig nas | bzaṅ mos mdzes dga’i gos kyi mtha’ nas bzuṅ ste ’dzin ciṅ smras pa | rje’i sras khyod la khab na bźad gad mi bgyid dam | de ni bdag gis bźad gad bgyid (2) pa lags kyis gźes śig | ma bźud cig | mdzes dga’ ’dod chags śas chen po ’dug pa daṅ | skyes pa gźan źig kār ṣā pa ṇa lṅa brgya thogs te der źugs nas | des bzaṅ mo dga’ mgur spyad kyis bźud ces smras pa daṅ | bzaṅ mos mdzes dga’ ñid kyi (3) mdun du yol bas bcad de dga’ mgur spyad par brtsams nas | mdzes daga’asa ’di bdag kho na’i mdun du skyes pa ’di daṅ lhan cig dga’ mgur spyod par byed do sñam du śes śiṅ rig nas soṅ ṅo || mdzes dga’ lam po che la mi mkhas pas gaṅ du ’gro bar bya ba (4) mi śes nas | ji tsam na dge sloṅ źig mñan yod du bsod sñoms la brgyus nas phyir byuṅ ba de mdzes daga’asa mthoṅ nas dge sloṅ de’i phyir thog thag rjes su soṅ ṅo || de nas dge sloṅ de gtsug lag khaṅ du soṅ ste | lhuṅ bzed daṅ chu tshags mtha’ gcig tu bźag nas snam (5) sbyar sbrugs te | rkaṅ pa gñis bkrus nas lag pa gñis bsñal te | chu btsags nas lo ma lhags pa ṅag blaṅs te | ’dug nas zas kyi bya ba bya bar brtsams pa daṅ | mdzes dga’ de’i mdun na ’greṅ ṅo || dge sloṅ des mdzes dga’ la smras pa | bźin bzaṅs (6) lhuṅ bzed kyi lhag ma ’dod dam | mdzes daga’asa gal te ma zos na bkres pas ’chi bar ’gyur bar śes śiṅ rig nas smras pa | ’phags pa ’tshal lo || dge sloṅ des mdzes dga’ la lhuṅ bzed kyi lhag ma byin pa daṅ | mdzes daga’asa zos so || bros nas dris pa | (7) bźin bzaṅs khyod ga las ’oṅ | mdzes daga’asa smras pa | ’phags pa bdag ni yul sruṅ byed dag na groṅ khyer ’phags rgyal źes bgyi ba de na deṅ dpon dga’ bo źes bgyi ba mchis pa de’i bu mdzes dga’ źes bgyi ba lags te | bdag zoṅ maṅ po ’tshal te mchis (43b1) ba las ’jud mthun mas tshul ma lags pas gnod pa bsgrubs par gyur to || dge sloṅ des smras pa | bźin bzaṅs ci’i phyir rab tu mi ’byuṅ | mdzes daga’asa gal te bdag ’phags rgyal du soṅ bar gyur na su źig mchil ma dag sa la ’dor bar ’gyur te | bdag (2) kho na’i steṅ ’ba’ źig du ’o sñam du śes śiṅ rig nas smras pa | ’phags pa bdag rab tu ’byuṅ ṅo || dge sloṅ des mdzes dga’ rab tu phyuṅ bsñen par rdzogs par byas nas de’i ’og tu ñi ma gñis sam | gsum du kun du spyad pa’i chos dag slob du bcug nas smras pa | (3) bźin bzaṅs ri dgas kyis ri dgas mi sos | mñan yod rgya che la raṅ gi spyod yul daṅ | yab kyi yul yin gyis bsod sñoms sgrubs la ’tsho bar gyis śig | mdzes dga’ sṅa dro śam thabs bgos lhuṅ bzed daṅ chos gos thogs te mñan yod du bsod sñoms la (4) źugs so || gzugs ’tshoṅ ma bzaṅ mo yaṅ ’gyod pa skyes te | bdag gis kār ṣā pa ṇa ’dod pa’i rgyus ded dpon mdzes dga’ de tsam du mdzes śiṅ laṅ tsho la bab pa de bskrad pa ni ma legs par byas te | śin tu thag riṅ bar soṅ yaṅ skyes bu de lta bu daṅ lhan cig dga’ (5) mgur spyad par bya ba yin par śes śiṅ rig nas | bu mo mṅag gźug ma la bu mo gal te ded dpon mdzes dga’ mthoṅ na yaṅ ’jug tu chug śig ces bsgo’o || mdzes dga’ spyod yul la mi mkhas pas bsod sñoms sgrub pa na ’jud mthun ma’i khyim de ñid du phyin pa daṅ | (6) bu mo mṅag gźug ma des mthoṅ nas yoṅs su dga’ bas bzaṅ mo la jo mo mdzes dga’ khab sgor mchis so źes sbran to || bzaṅ mos smras pa | ’jug tu chug śig | bu mos smras pa | rab tu byuṅ ṅo || bzaṅ mos smras pa | rab tu byuṅ yaṅ ’jug tu chug śig | (7) mṅag gźug ma des mdzes dga’ ’jug tu bcug nas gzugs ’tshoṅ ma bzaṅ mo mthoṅ ba daṅ | bzaṅ mos braṅ brduṅs te smras pa | mdzes dga’ khyod kyis ci’i slad du ṅan bu spaṅs te rab tu byuṅ | mdzes daga’asa smras pa | skal chad ma khyod kho bo kho na’i mdun du (44a1) skyes pa gźan daṅ lhan cig dga’ mgur spyod par byed na kho bo ji ltar rab tu mi ’byuṅ | bzaṅ mos smras pa | rje’i sras bud med kyi yul ni rtag tu noṅs pa mchis pas bdag la noṅs pa mchis pa de bzod par mdzod cig | da ni bdag gi rdzas kyaṅ khyod (2) lags kyis tshur spyon bdag daṅ lhan cig dga’ mgur spyad du gsol | mdzes daga’asa smras pa | de’i tshe yaṅ khyod kyis kho bo re źig nor daṅ don mthun dag la yoṅs su ñams par byas na | ci da tshul khrims las kyaṅ yoṅs su ñams par byed ’dod dam | bzaṅ mos (3) smras pa | ’phags pa slad rol du druṅ ciṅ naṅ du pho la | naṅ du drud ciṅ slad rol du pho źig daṅ ’dis tshul khrims ’chal pa ci mchis | mdzes daga’asa dge sloṅ gnas brtan no cog ’dir bsod sñoms la ’jug pa de dag kyaṅ gor ma chag par ’di ltar byed pas des na ’di skad (4) ces zer ro sñam du śes śiṅ rig nas | mdzes daga’asa lhuṅ bzed daṅ chos gos mtha’ gcig tu bźag ste | phyi rol du drug ciṅ naṅ du pho || naṅ du druṅ ciṅ phyi rol du pho nas ya mtshan daṅ bral bar gyur to || de nas bzaṅ mos bca’ ba daṅ bza’ ba gtsaṅ ma bsod pas (5) lhuṅ bzed ’geṅs su bcug ste byin nas | ’phags pa gal te yaṅ bźed par gyur na spyod cig ces kyaṅ smras so || mdzes daga’asa bsod sñoms blaṅs te soṅ ṅo || ji tsam na bcom ldan ’das ’dod chags ’dod chags daṅ bral bar bya ba’i phyir sems rnamana par grol (6) ba daṅ | śes rab rnam par grol ba’i chos ston to || źe sdaṅ ’dod chags daṅ bral bar bya ba’i phyir daṅ | gti mug ’dod chags daṅ bral bar bya ba’i phyir sems rnam par grol ba daṅ | śes rab rnam par grol ba’i chos ston to || bcom ldan ’das ji ltar ’dod (7) chags ’dod chags daṅ bral bar bya ba’i phyir sems rnam par grol ba daṅ | śes rab rnam par grol ba’i chos ston pa daṅ | źe sdaṅ ’dod chags daṅ bral bar bya ba’i phyir daṅ | gti mug ’dod chags daṅ bral bar bya ba’i phyir sems rnam par grol ba daṅ | śes (44b1) rab rnam par grol ba’i chos ston pa de ltar tshe daṅ ldan pa mdzes dga’ cuṅ zad ’gyod par gyur rnam par ’gyod par gyur | rab tu ’gyod par gyur ciṅ ’dug la | ’gyod pa daṅ ldan | ’gyod pa thob ciṅ caṅ mi smra bar gyur | yul yul por gyur | phrag pa klod | gdoṅ (2) smrad | sbobs pa med | sems khoṅ du chud ciṅ ’dam bu sṅon por brdas pa rñiṅs par ’gyur | skam par ’gyur ba ltar ’dug go || dge sloṅ rnams kyis de la smras pa | tshe daṅ ldan pa mdzes dga’ khyod la lus kyi gnod pa’am | sems kyi yoṅs su gduṅ ba ’ga’ (3) źig med dam | de ṅo tshabs smra bar mi byed ciṅ ’ga’ yaṅ med do źes zer ro || sman pa źig phyogs der ’oṅs pa de la dge sloṅ rnams kyis smras pa | bźin bzaṅs gźon nu ’di nad ci yin pa de ltos śig | sman pa des de brtag par brtsams pa daṅ | dbaṅ po (4) gsal ba mthoṅ nas smras pa | ’phags pa dag ’di’i dbaṅ po dag gsal bas ’di la lus kyi nad ni ’ga’ yaṅ ma mchis kyi | ’di la sems kyi yoṅs su gduṅ ba ni gor ma bkum par mchis so || dge sloṅ rnams kyis smras pa | bźin bzaṅs ’di’i sems kyi (5) yoṅs su gduṅ ba ji lta bu yin | sman pas smras pa | ’phags pa dag bdag cag sman pa dag ni lus gso bar bgyid pa lags kyi sems gso bar bgyid pa ma lags te | ’di ltar ’phags pa dag ñid sems gso bar mdzad pa lags pas ’phags pa dag ñid kyis (6) mkhyen par ’gyur ro źes smras te soṅ ṅo || dge sloṅ rnams kyis mdzes dga’ la smras pa | tshe daṅ ldan pa ’di na khyod kyi pha yaṅ med | ma yaṅ med | rtsa lag gźan yaṅ med de || tshaṅs pa mtshuṅs par spyod pa ṅed cag kho na ra zad pas ṅed kyis khyod kyi bsñen bkur (7) byas ji ltar gyur pa smros śig | mdzes daga’asa dge sloṅ de la skabs de dag rgyas par brjod do || dge sloṅ de dag gis smras pa | tshe daṅ ldan pa ni ’bras bu kho nas tsha bar gyur te | tshe daṅ ldan pas rab tu byuṅ ba tsam ñid kyis bstan pa la chu bur phyuṅ bar gyur to źes dge (45a1) sloṅ de dag mdzes daga’asa smras pa la mṅon bar bstod par yaṅ mi byed | phyir bzlog par yaṅ mi byed ciṅ mṅon par bstod par ma byas | phyir bzlog pa yaṅ ma byas par doṅ nas bcom ldan ’das gal ba der doṅ ste phyin pa daṅ | bcom (2) ldan ’das kyi źabs gñis la mgo bos phyag ’tshal te mtha’ gcig tu ’khod do || mtha’ gcig tu ’khod nas bcom ldan ’das la dge sloṅ de dag gis skabs de rgyas par gsol pa daṅ | bcom ldan ’das kyis bka’ stsal pa | dge sloṅ dag des kyaṅ mi gti (3) mug can de pham par gyur to || dge sloṅ gis sems sten pa la gźol ba daṅ | sten pa la ’bab pa daṅ | sten pa la bab par gyur ciṅ de sems sten pa la gźol ba daṅ | sten pa la ’bab pa daṅ | sten pa la bab pas zag byed zag byed kyi phyi rol du drud ciṅ naṅ du (4) ’bob daṅ | naṅ du druṅ ciṅ phyi rol du ’bo bar byed na pham par ’gyur ro || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ rab bźugs so || mñan yod na khyim bdag cig ’dug pa des rigs mñam pa las chuṅ ma blaṅs pa (5) daṅ | chuṅ ma de raṅ gi las dag gis dus la bab po || gñis pa blaṅs pa daṅ de yaṅ dus la bab bo || de bźin du chuṅ ma bdun pa’i bar du blaṅs pa daṅ de yaṅ dus la bab po || khyim bdag de yaṅ skur ba gdab par ’gyur ba’i las dag gis chuṅ ma gsod pa chuṅ ma gsod (6) pa źes bya ba’i miṅ du gyur to || khyim bdag des yaṅ bu mo bslaṅs pa daṅ | mi ster ciṅ ṅed kyis ci’i phyir bu mo yoṅs su gtaṅ mi sbyin no źes kyaṅ zer ro || khyim bdag des yugs sa mo dag bslaṅs pa daṅ | yugs sa mo de dag kyaṅ kho mo cag gis ci’i phyir bdag yoṅs (7) su gtaṅ na khyod kyi khyim du ’jug ces zer ro || khyim bdag de rnam pa thams cad du yi chad nas raṅ ñid kyis khyim gyi so tshis dag bya bar brtsam pa daṅ | dus gźan źig na khyim bdag de’i chuṅ po grogs śig ’oṅs nas des khyim bdag de mthoṅ nas dris pa daṅ | khyod ci byed (45b1) khyim gyi so tshis dag byed do || des smras pa | khyod ci’i phyir raṅ ñid kyis khyim gyi so tshis byed | khyim bdag gis smras pa | kho bos chuṅ ma gcig blaṅs pa daṅ de raṅ gi las dag gis dus la bab po || gñis pa blaṅs pa daṅ de yaṅ dus la bab po || de bźin du chuṅ ma bdun (2) pa’i bar du blaṅs pa daṅ de yaṅ dus la bab po || des smras pa | gźan dag ci’i phyir mi sloṅ | khyim bdag gis smras pa | bslaṅs na mi ster ciṅ ṅed kyis ci’i phyir bu mo yoṅs su gtaṅ mi sbyin no źes zer ro || des smras pa | yugs sa mo dag ci’i phyir mi sloṅ || (3) khyim bdag gis smras pa | bslaṅ te de dag kyaṅ kho mo cag gis ci’i phyir bdag yoṅs su gtaṅ na khyod kyi khyim du ’jug ces zer ro || khyim bdag de’i khyim gyi ha caṅ yaṅ mi riṅ ba na tshogs can ma rgan mo źig ’dug nas chud po grogs des khyim bdag la smras pa | (4) tshogs can ma rgan mo de ci’i phyir ’jug tu mi gźug | khyim bdag gis smras pa | ci kho bos ’jud mthun ma’i khyim bya’am | des smras pa | tshogs can ma de sdig pa can dam pa ma yin pa’i chos de las phyir log gis ’jug tu chug śig | khyim bdag de chuṅ po grogs des nan (5) gyis mnan pa na tshogs can ma de’i gan du soṅ ste bde legs bde legs źes smras pa daṅ | rgan mos smras pa | byon pa legs so ci bźed | khyim bdag gis smras pa | khyod ’tshal na khyod su’i | rgan mos smras pa | bdag la zas daṅ gos sbyin pa gaṅ lags pa’i ’o || (6) khyim bdag gis smras ba | khyod sṅon gyi ñon moṅs pa dag kun du mi spyod dam | rgan mos smras pa | ci bdag gis skyes pa mi mthoṅ ṅam | bdag sdig pa can dam pa ma lags pa’i chos de las ni phyir log go || khyi ma bdag gis smras pa | tshur spyon bźud bdag gis khyod kyi na (7) bza’ daṅ bśos gsol gyis | khyod kyis bdag gi khyim gyi tso tshis dag mdzod cig | khyim bdag des tshogs can ma rgan mo de khyim du bcug ste | lde mig daṅ lde mig khyog po dag gtad nas smras pa | ’di khyod kyi khyim yin gyis khyod kyis byin pas kho bo bya ba byed do || tshogs (46a1) can ma rgan mo des khyim gyi so tshis dag bya bar brtsams nas | de’i ’og tu gos daṅ bzaṅ pos dus yun mi riṅ bźig gis pags pa daṅ | śa daṅ | khrag dag brtas par gyur to || de’i sgo’i ñen kor nas bu mo rab tu maṅ po dag cig rgyal (2) byed gyi tshal du ’doṅ ba tshogs can ma rgan mos mthoṅ nas gar ’doṅ źes dris pa daṅ | bu mo dag gis smras pa | rgyal byed kyi tshal du ’doṅ ṅo || rgan mos smras pa | kho mo gos daṅ rgyan thogs kyi bar du re źig sdod cig | rgan mos gos daṅ rgyan thogs pa de’i bar du bu mo (3) dag thal te doṅ ṅo || rgan mo yaṅ gos daṅ rgyan thogs nas phyi bźin myur ba myur bar ’phags so || ji tsam na bu mo de dag gtsug lag khaṅ du źugs pa na | gtsug lag khaṅ de na dge sloṅ źiṅ gnas khaṅ sgo ma bcad pa na gñid log par gyur pa de’i gos rnam par ’thor (4) bar gyur ciṅ | de’i yan lag gi rnam pa yaṅ las su ruṅ bar gyur pa bu mo de dag gis mthoṅ nas bu mo de dag dgod ciṅ gtsug lag khaṅ nas phyir byuṅ ṅo || tshogs can ma rgan mo yaṅ ’jug ciṅ rgan mos bu mo de dag mthoṅ nas smras pa | khyed cag cil dgoṅ gaṅ bsti (5) gnas su dgod pa de so sto mar ’gyur ro źes bya ba khyed kyis ma thos sam | bu mo de dag caṅ mi smra ba ñid du byuṅ ste doṅ ṅo || tshogs can ma rgan mos bu mo de dag gis ’dir bya gag gam | spre’u źig mthoṅ bar gyur gor ma chag sñam du śes śiṅ rig nas sems gtod ciṅ ṅes (6) par rtog bźin du źugs pa daṅ | ji tsam na dge sloṅ de de ltar rnam par gyur pa mthoṅ ṅo || mthoṅ nas kyaṅ de la ’dod pa’i chos skyes nas tshogs can ma rgan mo des dge sloṅ de’i steṅ du bgrad de brtsal bar brtsams pa daṅ | dge sloṅ de gñid stug pos non pas phyir (7) ma sad do || tshogs can ma rgan mos bdag cag tshogs can ma dag gis ni sgyu rtsal drug bcu rtsa bźi mṅon par śes na rab tu byuṅ ba ’dis ko sgyu rtsal drug bcu rtsa lṅa śes te ’di ltar reg pa ni bdag gir byed la tshig ni mi ster to sñam du śes śeṅ rig nas | gaṅ gi tshe tshogs (46b1) can ma rgan mo de kun nas dkris pa daṅ bral bar gyur pa de’i tshe dge sloṅ de sad par byas te smras pa | ’phags pa bdag gi sdum pa phyogs ga ge mo źig na mchis kyis | gal te yaṅ bźed par gyur na spyon cig | dge sloṅ des smras pa | skal chad ma bsti gnas sun par byed pa de yaṅ (2) re źig kho bo bdag gir mi byed na | khyod kyi khyim du ’oṅ bar ’gyur re skan | dge sloṅ de bdag la pham par ’gyur ba’i ltuṅ ba ma byuṅ ṅam sñam du ’gyod pa skyes nas des dge sloṅ rnams la skabs de rgyas par brjod do || dge sloṅ rnams kyis bcom ldan ’das la gsol pa daṅ | (3) de nas bcom ldan ’das kyis dge sloṅ de la bka’ stsal pa | dge sloṅ khyod kyis reg pa bdag gir ma byas sam | des gsol pa | btsun pa bdag gis reg pa bdag gir ma bgyis te | bdag daṅ po ñid nas gñid stug pos non pas reg pa bdag gir bgyid (4) par gal ’gyur || de nas bcom ldan ’das kyis dge sloṅ rnams la bka’ stsal pa | dge sloṅ dag dge sloṅ reg pa bdag gir ma byas pa ’di la ni ltuṅ ba med kyi | ’on kyaṅ ṅas dge sloṅ groṅ mtha’ pa’i kun du spyod pa’i chos dag bca’ bar bya ste | dge sloṅ groṅ mtha’ (5) pa ñin par glog phab ste gñid log pas sgo sgo gtan gyis gcad par bya pa’am | sruṅ ma dge sloṅ gźag par bya ba’am | gos bciṅ bar bya’o || sgo sgo gtan gyis gcod par mi byed dam | sruṅ ma dge sloṅ ’jog par mi byed dam gos ’chiṅ bar mi byed par ñin par (6) de bźin du glos phab ste gñid log par byed na ’gal tshabs can du ’gyur ro || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ rab na bźugs so || mñan yod na dge sloṅ dgon pa pa bsam gtan bźi pa thob pa źig ’dug (7) pa de yaṅ daṅ yaṅ du bcom ldan ’das daṅ | dge sloṅ gnas brtan gnas brtan rnams kyi źabs la phyag bya ba’i phyir ñe bar ’gro bas de dge sloṅ gsar bu gsar bu dag gis ṅo śes par byas so || de la dus gźan źig na g-yan pa’i nad byuṅ nas de la dge sloṅ gsar bu (47a1) gsar bu de dag gis smras pa | gnas brtan khyod la g-yan pa’i sñun byuṅ ṅam | des smras pa | bźin bzaṅs dag de de bźin no || de dag gis smras pa | gnas brtan ci’i slad du sman pa la rmas te bya ba mi mdzad | des smras pa | bźin bzaṅs dag skye bo (2) maṅ po mi ’dod pa daṅ | skye bo maṅ po mi dga’ ba daṅ | skye bo maṅ po la mi sdug pa daṅ | skye bo maṅ po’i yid du mi ’oṅ ba ’jig rten thams cad daṅ thun moṅ ba ’di lta ste | ’chi ba źes bya ba’i chos de ’oṅ bar ’gyur źiṅ des naṅ ’di daṅ kho bo yaṅ ’jig rten ’di nas ’jig rten (3) pha rol du khrid par ’gyur bas bya ba byar ci yod | de dag gis smras pa | gnas brtan ’o na bcom ldan ’das kyis skyes bu gaṅ zag tshul khrims daṅ ldan pa yun riṅ po ji srid du ’tsho ba de srid du bsod nams maṅ po ’phel źiṅ ji srid du bsod nams maṅ po ’phel ba de srid du (4) yun riṅ por mtho ris dag tu dga’ bar ’gyur ro źes ma gsuṅs sam | bźud la bya ba mdzod cig | de de dag gis na na gyis mnan pa na sman pa’i gan du soṅ ba daṅ | sman pas de mthoṅ nas smras pa | ’phags pa khyod la g-yan pa’i sñun byuṅ ṅam | des smras pa | bźin bzaṅs (5) de bźin te | de’i don kho nar kho bo ’oṅs kyis bdag la sman ston cig ’phags pa bśos bsod pa gsol la yuṅs mar gyis sku dag bskus te gdugs la bźugs śig daṅ khyod sos par ’gyur ro || bźin bzaṅs kho bo la yuṅs mar stsol cig | ’phags pa bdag cag sman (6) pa dag ni sman ston pa lags kyi ’bul ba ni ma lags te | gal te re re la yaṅ ’bul na bdag cag la ’tshal ma yaṅ ma mchis | rad pa yaṅ ma mchis par ’gyur ro || ’di ltar khyim bdag che ge mo źig la bro nad ’di lta bu byuṅ bar gyur nas | bdag gis de’i g-yan pa’i (7) nad rab tu źi bar ’gyur ba’i yuṅs mar bskol gyis de’i gan du bźud la sloṅs śig | bźin bzaṅs mi ster bar ’gyur ro || ’phags pa bźud cig daṅ de dad pa can lags pas ’bul bar ’gyur ro || bźin bzaṅs a rog gya don gyis na khyod ñid kyis byin no źes smras (47b1) te soṅ nas khyim bdag de’i khyim gal ba de’i khyim ga la bad der soṅ ba daṅ | khyim bdag des de thag riṅ po nas mthoṅ nas smras pa | ’phags pa khyod la g-yan pa’i sñun byuṅ ṅam | bźin bzaṅs de de bźin no || ’phags pa yuṅs mar gyis sku dag bskus te gdugs la bźugs śig daṅ khyod (2) sos par ’gyur ro || bźin bzaṅs de’i don kho nar kho bo ’oṅs te kho bos khyod la g-yan pa’i nad rab tu źi bar ’gyur ba’i yuṅs mar yod par śes kyis de byin cig daṅ | khyod la bsod nams su ’gyur ro || ’phags pa dam tshig la dbul bar bgyid de || gal te (3) bdag las bsod sñoms gsol bar ’gyur na’o || bźin bzaṅs bza’ bar bya’o || khyim bdag des de zas bsod pas tshim par byas nas g-yan pa’i nad rab tu źi bar ’gyur ba’i yuṅs mar gyis lhuṅ bzed chuṅ du ’geṅs su bcug ste byin no || dge sloṅ des a rog gya (4) źes brjod de soṅ nas dgon pa’i gnas su soṅ ste dam dum dag gyon nas yuṅs mar ṅes lus bskus te ñi ma la ’dug pa daṅ de la bde ba’i ’du śes skyes par gyur nas gñid log pa daṅ de’i yan lag gi rnan pa srog chags ud tsa tiṅ gas zin ciṅ las su ruṅ bar gyur nas (5) de’i gos kyaṅ ’thor bar gyur pa daṅ | ji tsam na gźon nu mchen mo źig lci ba thu ba na phyogs der son pa daṅ | dge sloṅ de de ltar rnam par gyur pa mthoṅ ṅo || mthoṅ nas de la ’dod pa la ’dod chags kyi kun nas dkris pa skyes nas des dge sloṅ de’i steṅ du brtsal bar brtsams pa (6) daṅ | dge sloṅ de sad na ñam chuṅ bas phyir bzlog par ma nus so || gaṅ gi tshe de kun nas dkris pa daṅ bral bar gyur pa de’i tshe smras pa | ’phags pa bdag gi sdum pa phyogs ga ge mo źig na mchis kyi gal te yaṅ bźed par gyur na spyon cig | dge sloṅ des smras pa | skal (7) chad ma bstig nas sun par byed pa kho bor źig de yaṅ bdag gir mi byed na | khyod kyi khyim du ’oṅ bar ’gyur re skan | dge sloṅ de bdag la pham par ’gyur ba’i ltuṅ ba ma byuṅ ṅam sñam du ’gyod pa skyes nas des dge sloṅ rnams la skabs de rgyas par brjod pa daṅ | dge sloṅ rnams (48a1) kyis bcom ldan ’das la gsol nas | de nas bcom ldan ’das kyis dge sloṅ de la bka’ stsal pa | dge sloṅ khyod kyis reg pa bdag gir ma byas sam | des gsol pa | btsun pa bdag gis reg pa bdag gir ma bgyis te | bdag daṅ po ñid nas (2) ’dod pa las ’dod chags daṅ bral bas bdag reg pa bdag gir ga la bgyid | de nas bcom ldan ’das kyis dge sloṅ rnams la bka’ stsal pa | dge sloṅ dag dge sloṅ reg pa bdag gir mi byed pa ’di la ni ltuṅ ba med mod kyi ’on kyaṅ ṅas dge sloṅ dgon pa pa’i kun du spyod (3) pa’i chos dag bca’ bar bya ste | dge sloṅ dgon pa pa ñin par glos phab ste | gñid log pas phyogs de yal ga dag gam | seg dag gam | re lde dag gis bskor bar bya ba’am | sruṅ ma dge sloṅ gźag par bya ba’am | gos bciṅ bar bya’o || phyogs de yal ga dag (4) gam | seg dag gam | re lde dag gis bskor bar mi byed dam | sruṅ ma dge sloṅ ’jog par mi byed dam | gos ’chiṅ bar mi byed par de bźin du glos phab ste | gñid log par byed na ’gal tshabs can du ’gyur ro || dge sloṅ rnams the tshom skyes nas the tshom thams cad (5) gcod pa saṅs rgyas bcom ldan ’das la źus pa | btsun pa gal te dge sloṅ ’di re źig ’dod pa las ’dod chags daṅ bral ba lags na ci’i slad du de’i yan lag gi rnam pa las su ruṅ bar gyur | bcom ldan ’das kyis bka’ stsal pa | dge sloṅ dag ’dod chags daṅ ma bral (6) ba’i yan lag gi rnam pa ni rgyu lṅas las su ruṅ bar ’gyur la | ’dod chags daṅ bral ba’i ni rgyu bźis so || ’dod chags daṅ ma bral ba’i rgyu lṅa gaṅ źe na | bśaṅ bas ñe bar non pa daṅ | gci bas ñe par non pa daṅ | rluṅ gis ñe bar non pa daṅ | srog chags ud tsa tiṅ gas zin pa (7) daṅ | ’dod pa la ’dod chags kyis kun nas dkris pa ñid ni lṅa pa ste | ’dod chags daṅ ma bral ba’i rgyu lṅa po de dag gis so || ’dod chags daṅ bral ba’i rgyu bźi po gaṅ źe na | bśaṅ bas ñe bar non pa daṅ | gci bas ñe bar non pa daṅ | rluṅ gis ñe bar non pa daṅ | srog chags (48b1) ud tsa tiṅ gas zin pa ste | ’dod chags daṅ bral ba’i ni rgyu bźi po de dag gis so || dge sloṅ ’di’i yan lag gi rnam pa ni de’i tshe srog chags ud tsa tiṅ gas zin pas des na ’di’i las su ruṅ bar gyur ro || || ’dul ba rnam par ’byed pa | bam po gsum pa | (2) dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa ka lan da ka’i bu tshe daṅ ldan pa bzaṅ byin gyis dge sloṅ gi dge ’dun skyon ma mchis śiṅ chu bur ma mchis pa la de’i daṅ por ’di lta ste | mi tshaṅs par spyod pa’i rkyen gyis (3) chu bur phyuṅ ba la gzigs | bcom ldan ’das kyis bka’ stsal pa | dge sloṅ dag da ltar du ma zad kyi ’di ltar ’das pa’i dus na yaṅ ’dis ’jig rten skyon med ciṅ chu bur med pa la de’i daṅ por ’di lta ste | mi tshaṅs par spyod pa’i rkyen gyis chu bur phyuṅ ba ste de ñon cig | dge sloṅ dag ’jig (4) rten ’di ’jig pa’i dus gaṅ yin pa de yaṅ yod de || ’jig rten ’jig pa na sems can dag phal cher ’od gsal gyi lha’i ris su skye’o || de dag de na gzugs can yid las byuṅ ba | ma tshaṅ ba med pa | dbaṅ po mñams pa | yan lag daṅ ñiṅ lag thams cad daṅ ldan pa | bzaṅ (5) ba | kha dog daṅ ldan pa | raṅ las ’od ’byuṅ ga | nam mkha’ la ’gro ba | dga’ ba za ba | dga’ ba’i zas daṅ ldan pa | tshe riṅ źiṅ yun riṅ du gnas so || de’i tshe nas chen po ’di chu ’ba’ źig daṅ rgya mtsho ’ba’ źig tu gyur te | sa chen po chu ’ba’ źig daṅ | rgya mtsho ’ba’ (6) źig tu gyur pa’i steṅ du rluṅ gis bris ma kun du ’chags par byed | kun du ’thas par byed | kun du khyab par byed de ’di lta ste | dpen na ’o ma bskol ba braṅs par gyur pa’i steṅ du rluṅ gis bris ma kun du ’chags par byed | kun du ’thas par byed | kun du khyab par byed pa de bźin du (7) sa chen po chu ’ba’ źig daṅ | rgya mtsho ’ba’ źig tu gyur pa’i steṅ du yaṅ rluṅ gis pris ma kun du ’chags par byed | kun du ’thas par byed | kun du khyab par byed do || de ni sa’i bcud kha dog phun su mtshogs pa | dri phun su mtshogs pa yin te | ro phun sum tshogs pa yin te | kha dog (49a1) gis ni ’di lta bu ste | ’di lta ste | dpen na mar lta bu’o || ros ni ’di lta bu ste | ’di lta ste | dper na sbraṅ bu’i spraṅ rtsi ma bskol ba lta bu’o || dge sloṅ dag ’jig rten ’di ’chags pa’i dus gaṅ yin pa de yaṅ yod de | ’jig rten ’chags pa (2) na ’od gsal gyi lha’i ris de nas sems can kha cig tshe zad las zad bsod nams zad pas śi ’phos te | ’di lta bu ñid du mi rnams daṅ skal ba mthun pa ñid du ’oṅ źiṅ ’dir yaṅ gzugs can yid las byuṅ ba | ma tshaṅ ba med pa | dbaṅ po mñams pa | yan (3) lag daṅ ñid lag thams cad daṅ ldan pa | bzaṅ ba | kha dog daṅ ldan pa | raṅ las ’od ’byuṅ ba | nam mkha’ la ’grog | dga’ ba za ba | dga’ ba’i zas daṅ ldan pa | tshe riṅ źiṅ yun riṅ du gnas so || de’i tshe na ’jig rten du ñi ma daṅ | zla ba dag kyaṅ ma byuṅ ṅo || ’jig (4) rten du rgyu skar dag kyaṅ ma byuṅ | mtshan mo daṅ ñin mo dag kyaṅ ma byuṅ | skad cig daṅ | yud tsam dag kyaṅ ma byuṅ | zla ba daṅ | zla ba phyed daṅ | dus tshigs daṅ | lo dag kyaṅ ma byuṅ ṅo || bud med kyaṅ med | skyes pa yaṅ med de | sems can sems can źes bya ba (5) ’ba’ źig gi grags su ’gro’o || de nas sems can brkam pa’i raṅ bźin can źig sor mo’i rtse mos sa’i bcud myoṅ bar byed do || ji lta ji ltar myoṅ bar byed pa de lta de ltar ’dod par byed do || ji lta ji ltar ’dod par byed pa de lta de ltar kham gyi zas kyi rtsom pas zos par gyur to || (6) sems can gźan dag gis kyaṅ sems can de sor mo’i rtse mos sa’i bcud myoṅ bar byed pa na | ji lta ji ltar myoṅ bar byed pa de lta de ltar ’dod par byed pa daṅ | ji lta ji ltar ’dod par byed pa de lta de ltar kham gyi zas kyi rtsom pas zos par gyur pa mthoṅ ṅo || mthoṅ nas sems can de (7) dag kyaṅ sor mo’i rtse mos sa’i bcud myoṅ bar byed do || ji lta ji ltar myoṅ bar byed pa de lta de ltar ’dod par byed do || ji lta ji ltar ’dod par byed pa de lta de ltar kham gyi zas kyi rtsom pas zos par gyur to || gaṅ gi phyir sems can de dag gis sa’i bcud kham gyi zas kyi rtsom bas zos (49b1) par gyur pa de’i phyir de dag gi lus la sra ba ñid daṅ lci ba ñid byuṅ źiṅ de dag gi kha dog gsal ba bzaṅ po gaṅ yin pa de yaṅ med par gyur | ’jig rten du mun pa yaṅ byuṅ bar gyur to || dge sloṅ dag chos ñid kyis na ’jig rten du mun pa byuṅ na ’jig rten du ñi ma daṅ zla ba dag kyaṅ (2) ’byuṅ bar ’gyur ro || ’jig rten du sgyu skar dag daṅ | mtshan mo daṅ | ñin mo dag daṅ | skad cig daṅ | thaṅ cig daṅ | yud tsam dag daṅ | zla ba daṅ | zla ba phyed daṅ | dus tshigs daṅ | lo dag kyaṅ ’byuṅ bar ’gyur ro || de dag de za źiṅ zas de daṅ lṅan la tshe riṅ źiṅ yun riṅ (3) du gnas so || de dag las gaṅ zas ches chuṅ du za ba de ni kha dog daṅ ldan bar ’gyur la | gaṅ zas ches cher zab de ni kha do gaṅ na par ’gyur ro || de ltar zas rnam gñis ñid la brten nas kha dog rnam gñis ñid du mṅon la | kha dog rnam gñis ñid du gyur pa na sems can (4) gyis sems can la kwa’e sems can ṅa ni kha dog daṅ ldan pa yin la | khyod ni kha dog ṅan pa yin no źes khyad du gsod par byed do || de dag kha dog gis mṅon pa’i ṅa rgyal can du gyur pa na sdig pa can mi dge ba’i chos de dag ñid yaṅ dag par blaṅs pa’i rgyus sa’i bcud med par (5) gyur to || dge sloṅ dag sems can de dag sa’i bcud med par gyur pa na ’dus śiṅ lhags nas mya ṅan byed | sgyid lug par byed | smre sṅags ’don par byed ciṅ ’di skad ces kye ma’o bcud | kye ma’o bcud sems kyaṅ zer te | ’di lta ste | dpen na deṅ saṅ mi dag zas źim (6) pa bzaṅ po cuṅ źig rñed nas yi ge daṅ sbyar ba daṅ tshig rñid pa de dag ñid kyis rjes su tha sñad ’dogs śiṅ ’di skad ces kye ma’o bcud | kye ma’o bcud ces kyaṅ zer ba de bźin du | sems can de dag kyaṅ sa’i bcud med par gyur pa na ’dus śiṅ lhags nas mya ṅan byed | sgyid (7) lug par byed | smre sṅags ’don par byed ciṅ ’di skad ces kye ma’o bcud | kye ma’o bcud ces zer yaṅ smras pa ’di’i don ni ’di’o || smras pa ’di’i don ni ’di ’o źes smras pa’i don ni mi śes so || dge sloṅ dag sems can de dag gi sa’i bcud med par gyur pa nas źag kha dog phun sum tshog (50a1) pa | dri phun tshum tshogs pa | ro phun tshum tshogs pa byuṅ bar gyur te | kha dog gis ni ’di lta bu ste | ’di lta ste | dper na doṅ ka’i me tog lta bu’o || ros ni ’di lta bu ste | ’di lta ste | dper na sbraṅ bu’i sbraṅ rtsim bskol ba lta bu’o || de dag de za źiṅ zas de daṅ ldan la tshe (2) riṅ źiṅ yun riṅ du gnas so || de dag las gaṅ zas ches chuṅ du za ba de ni kha dog daṅ ldan par ’gyur la | gaṅ zas ches cher za ba de ni kha dog ṅan par ’gyur ro || de ltar zas rnam gñis ñid la brten nas kha dog rnam gñis ñid du mṅon la | kha dog rnam pa gñis ñid du gyur (3) pa na sems can gyis sems can la kwa’i sems can ṅa ni kha dog daṅ ldan pa yin la khyod ni kha dog ṅan pa yin no źes khyad du gsod par byed do || de dag kha dog gis mṅon pa’i ṅa rgyal can du gyur pa na sdig pa can mi dge ba’i chos de dag ñid yaṅ dag par blaṅs pa’i rgyus sa źag med par (4) gyur to || dge sloṅ dag sems can de dag sa źag med par gyur pa na ’dus śiṅ lhags nasasa mya ṅan byed | sbyid lug par byed | smre sṅags ’don par byed ciṅ ’di skad ces kye ma’o || kye ma’o źes kyaṅ zer ro || ’di lta ste | dper na deṅ saṅ mi dag sdug bsṅal daṅ | yid mi bde ba ’ga’ (5) źig gis reg pa na yi ge daṅ sbyar ba daṅ tshig rñiṅ pa de dag ñid kyis rjes su tha sñad ’dogs śiṅ ’di skad ces kye ma’o || kye ma’o źes kyaṅ zer ba de bźin du | sems can de dag kyaṅ sa źag med par gyur pa na ’dus śiṅ lhags nas mya ṅan byed | sgyid lug par byed | smre sṅags ’don (6) par byed ciṅ ’di skad ces kye ma’o || kye ma’o źes zer yaṅ | smras pa ’di’i don ni ’di’o || smras pa ’di’i don ni ’di’o źes smras pa de’i don ni mi śes so || dge sloṅ dag sems can de dag gis źag med par gyur pa na myu gu’i tshal kha dog phun sum tshogs pa | dri phun sum (7) tshogs pa daṅ | ro phun sum tshogs pa byuṅ bar gyur te | kha dog gis ni ’di lta bu ste | ’di lta ste | dper na ka dam bu ka’i me tog lta bu’o || ros ni ’di lta bu ste ’di lta ste || dper na sbraṅ bu’i sbraṅ rtsi ma bskol ba lta bu’o || de dag de za źiṅ zas de daṅ ldan la tshe riṅ źiṅ yun riṅ du gnas (50b1) so|| de dag las gaṅ zas ches chuṅ du za ba de ni kha dog daṅ ldan par ’agyu.ura la | gaṅ zas ches cher za ba de ni kha dog ṅan par ’gyur ro || de ltar zas rnam gñis ñid la brten nas kha dog rnam gñis ñid du mṅon la | kha dog rnam gñis ñid du gyur pa na sems can gyis sems (2) can la kwa’e sems can | ṅa ni kha dog daṅ ldan pa yin la | khyod ni kha dog ṅan pa yin no źes khyad du gsod bar byed do || de dag kha dog gis mṅon pa’i ṅa rgyal can du gyur pa na sdig pa can mi dge ba’i chos de dag ñid yaṅ dag par blaṅs pa’i rgyus myu gu’i tshal med par gyur to || dge (3) sloṅ dag sems can de dag myu gu’i tshal med par gyur pa na ’dus śiṅ lhags nas mya ṅan byed | skyid lug bar byed | smre sṅags ’don par byed ciṅ ’di skad ces phar soṅ phar soṅ źes kyaṅ zer te | ’di lta ste | dpen na deṅ saṅ mi dag smad pa rnon po ’ga’ źig gis sman pa na yi ge (4) daṅ sbyar ba daṅ tshig rñiṅ pa de dag ñid kyis rjes su tha sñaṅ ’dogs śiṅ | ’di skad ces phar soṅ phar soṅ źes kyaṅ zer bde bźin du | sems can de dag kyaṅ myu gu’i tshal med par gyur pa na ’dus śiṅ lhags nas mya ṅan byed | sgyid lug par byed | smre sṅags ’don par byed ciṅ (5) ’di skad ces phar soṅ phar soṅ źes zer yaṅ smras pa ’di’i don ni ’di’o || smras pa ’di’i don ni ’di’o źes smras pa de’i don ni mi śes so || dge sloṅ dag sems can de dag gi myu gu’i tshal mad par gyur pa na ma rmos ma btab pa’i ’bras sā lu’i ’bru so ba med pa | sbun pa med (6) ba | dag pa gtsaṅ ba | sor bźi pa kun nas ma dkris pa nub brṅas na naṅ rgyal źiṅ phyir skye la naṅ brṅas na nub rgyal źiṅ phyir skyeb | brṅas so cog phyir skye ba | brṅas par yaṅ mi mṅon par byuṅ bar gyur te | de dag de za źiṅ zas de daṅ ldan la tshe riṅ źiṅ yun riṅ du gnas so || gaṅ (7) gi phyir sems can de dag gis ma rmos ma btab pa’i ’bras sā lu’i ’bru kham gyi zas kyi rtsom pas zos par gyur pa de’i phyir de dag la dbaṅ po tha dad pa byuṅ bar gyur te | kha cig ni pho’i dbaṅ po daṅ ldan | kha cig ni mi’o dbaṅ po daṅ ldan no || de na gaṅ dag pho’i dbaṅ po daṅ ldan pa daṅ | (51a1) gaṅ dag mo’i dbaṅ po daṅ ldan pa de dag gcig la gcig mig gis mig la brten te lta bar byed do || ji lta ji ltar gcig la gcig mig gis mig la brten te lta bar byed pa de lta de ltar kun du chags so || ji lta ji ltar kun du chags pa de lta de ltar (2) dral to || ji lta ji ltar dral ba de lta de ltar log par źugs so || sems can gźan dag gis kyaṅ sems can sems can la log par źugs pa mthoṅ ṅo || mthoṅ nas sas kyaṅ ’thor bar byed | boṅ ba daṅ | gseg ma daṅ | gseg ma daṅ | gyo mo daṅ | gyo dum dag kyaṅ ’phen par byed ciṅ (3) ’di skad ces sems can ṅan pa groṅ ba bya ba ma yin pa byed pa | sems can ṅan pa groṅ ba bya ba ma yin pa byed pa | kwa’e sems can khyod ci’i phyir sems can sun par byed ces kyaṅ zer te | ’di lta ste | dper na deṅ sapa sems can dag bag sar bag mar len pa na phye mas kyaṅ ’thor (4) bar byed | dri daṅ | me tog daṅ | ’bras yos dag gis kyaṅ ’thor bar byed ciṅ | ’di skad ces sru bde bar gyur cig ces kyaṅ zer ba de bźin du sems can de dag gis kyaṅ sems can sems can la log par źugs pa mthoṅ nas sas kyaṅ ’thor bar byed | boṅ ba daṅ | gseg ma (5) daṅ | gyo mo daṅ | gyo dum dag kyaṅ ’phen par byed ciṅ ’di skad ces sems can ṅan pa groṅ pa bya ba ma yin pa byed pa | sems can ṅan pa groṅ ba bya ba ma yin pa byed pa | kwa’e sems can khyod ci’i phyir sems can sun par byed ces kyaṅ zer ro || dge sloṅ dag de ltar na sṅon chos ma yin (6) par grags pa gaṅ yin pa de ni deṅ saṅ chos su grags la | sṅon ’dul ba ma yin par grags pa gaṅ yin pa de ni ṅeṅ saṅ ’dul bar grags | sṅon smad par bya ba gaṅ yin pa de ni deṅ saṅ bstod par bya ba yin no || de ñi ma gcig tsam spoṅ bar byed | ñi ma gñis sam | gsum mam | (7) bdun tsam spoṅ bar byed do || gaṅ gi phyir sems can de dag sdig pa can dam pa ma yin ba’i chos de la śin du sṅaṅ bar byed pas brtul źugs la źugs pa de’i phyir de dag khyim rtsig pa la źugs te | bdag cag gis ’dir bya ba ma yin pa bya’o || bdag cag gis ’dir bya ba ma yin pa (51b1) bya’o || źes zer ba las khyim khyim źes bya ba’i miṅ byu.uṅa ṅo || dge sloṅ dag ’di ni khyim gyi las kyi mtha’ dag ’jig rten du ’byuṅ ba’i daṅ po rtsom pa yin te | de yaṅ chos kyis yin gyi chos ma yin pas ni ma yin no || de la chos ni ’di yin te rgyal ba dbaṅ po rnams kyi chos mchog (2) yin no || dge sloṅ dag de la de’i tshe de’i dus na gaṅ gis de’i daṅ por sems can sun phyuṅ par gyur pa’i sems can gaṅ yin pa de ni ka la na da ka’i bu bzaṅ byin yin te | ’dis de’i tshe yaṅ ’jig rten skyen med ciṅ chu bur med pa la de’i daṅ por ’di lta ste | mi tshaṅs par spyod pa’i (3) rkyen gyis chu bur phyuṅ ṅo || ’dis da ltar yaṅ dge sloṅ gi dge ’dun skyon med ciṅ chu bur med pa la de’i daṅ por ’di lta ste | mi tshaṅs par spyod pa’i rkyen gyis chu bur phyuṅ ṅo || dge sloṅ dag de lta bas na ’di ltar bslab par bya ste | ’dod chags spaṅ ba’i phyir ’bad par bya’o || (4) źe sdaṅ spaṅ ba’i phyir daṅ | gti mug spaṅ ba’i phyir ’bad par bya ste | dge sloṅ dag khyed kyis de ltar bslab par bya’o || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ni ltuṅ ba med do || pham par ’gyur ba daṅ po (5) rdzogs sto || ||

.