[Pārājika 2]
saṅs rgyas bcom ldan ’das rgyal po’i khab na ’oṅ ma’i tshal ka lan da ka’i gnas na bźugs so || de’i tshe na sṅon rdza mkhan dge sloṅ nor can rgyal po’i khab na dgon pa’i spyil bu na gnas so || de nas sṅon rdza mkhan dge sloṅ nor can (6) rgyal po’i khab tu spyoṅ yul du źugs pa daṅ | rgyal po’i khab gyi mi ba laṅ rdzi dag daṅ | phyugs rdzi dag daṅ | rtswa thun dag daṅ | śiṅ thun dag daṅ | lam gyis ’tsho ba dag daṅ | lam go la bas ’tsho ba’i mi dag gis spyil bu bcom źiṅ rnams par dkrugs te | rtswa daṅ | śiṅ thams cad (7) kyaṅ khyer ro || de’i ’og tu sṅon rdza mkhan dge sloṅ nor can ’oṅ ba daṅ | sṅon rdza mkhan dge sloṅ nor can gyis spyil bu bcom źiṅ rnam par dkrugs te | rtswa daṅ | śiṅ thams cad kyad khyer ba mthoṅ ṅo || mthoṅ nas yaṅ rtswa daṅ | śiṅ blaṅs te spyil bu gźan byed do || sṅon rdza mkhan (52a1) dge sloṅ nor can lan gñis lan gsum du rgyal po’i khab tu spyod yul du źugs pa daṅ | rgyal po’i khab kyi mi ba laṅ rdzi dag daṅ | phyugs rdzi dag daṅ | rtswa thun dag daṅ | śiṅ thun dag daṅ | lam gyis ’tshob dag daṅ | lam gol bas ’tsho ba’i mi dag (2) gis spyil bu bcom źiṅ rnam par dkrugs te | rtswa daṅ | śiṅ thams cad kyaṅ khyer ro || de’i ’og tu sṅon rdza mkhan dge sloṅ nor can ’oṅs pa daṅ | sṅon rdza mkhan dge sloṅ nor can gyis spyil bu bcom źiṅ rnam par dkrugs te | rtswa daṅ | śiṅ thams cad kyaṅ khyer ba mthoṅ ṅo || (3) de nas sṅon rdza mkhan dge sloṅ nor can ’di sñam du sems te | ’di ltar bdag rgyal po’i khab tu spyod yul du źugs pa daṅ rgyal po’i khab kyi mi ba laṅ rdzi dag daṅ | phyugs rdzi dag daṅ | rtswa thun dag daṅ | śiṅ thun dag daṅ | lam gyis ’tsho ba dag daṅ | lam gol pas ’tsho (4) ba’i mi dag gis lan gsum gyi bar du spyil bu bcom źiṅ rnam par dkrugs te | rtswa daṅ | śiṅ thams cad kyaṅ khyer ba ni kye ma’o sdug bsṅal | kye ma’o mi bzaṅ de | bdag pha’i bzo’i gnas daṅ | las kyi gnas la mkhas kyis bdag gis gnas khaṅ thams cad sa las byas pa (5) źig bya’o sñam mo || de nas sṅon rdza mkhan dge sloṅ nor can gyis lus kyis sa dag bskyas śiṅ bskyas śiṅ srog chags med pa’i chus sbaṅs te | de gnas khaṅ gi gźi’i rmaṅ daṅ | thog daṅ | ka ba daṅ | steṅ rim rtsig par byed ciṅ | chos gos kyi gdaṅ khuṅ daṅ | chos gos kyi (6) gdaṅ daṅ | stegs daṅ | khri daṅ | khri’u daṅ | an khri’u daṅ | sgo skyes dag kyaṅ byed do de skabs par rig nas kha dog can gyis skud par byed ciṅ kha dog can gyis bskus nas śiṅ daṅ | lci ba daṅ | rtswa skam po dag bcer te so gtoṅ bar byed do || de’i gnas khaṅ de tshos pa śin tu (7) chos ba | grub pa mchog tu grub pa | dmar ba | mdog dmar ba | ’od dmar ba ’di lta ste | dpen na me tog ba na d+hu ji ba ka ’dra’o || de nas sṅon rdza mkhan dge sloṅ nor can ’di sñam du sems te | bdag gi gnas khaṅ tshos pa śin tu chos pa | grub pa mchog tu grub pa | dmar pa | (52b1) mdog dmar ba | ’od dmar ba ’di lta ste | dpen na me tog ban d+hu dzi ba ka ’dras | bdag gis da ni gnas khaṅ gi dus ston bya’o sñam mo || de nas sṅon rdza mkhan dge sloṅ nor can gyis dge sloṅ ñen kor ba dag la gnas khaṅ ltar babacuga ste | lhuṅ bzed daṅ chos gos thogs nas ljoṅs (2) rgyur soṅ ṅo || chos ñid kyis na saṅs rgyas bcom ldan ’das gson źiṅ bźugs te ’tsho źiṅ gźes pa dag ni gdul bar gyur pa’i dbaṅ gis dus daṅ dus su sems can dmyal brgyur gśegs pa daṅ | ṅud ’gro rgyu ba daṅ | yi dgas rgyu ba daṅ | lha rgyu ba daṅ | ljoṅs rgyu ba daṅ | (3) chu kluṅ rgyu ba daṅ | dgon par rgyu ba daṅ | dur khroṅ rgyu ba daṅ | ri rgyu ba daṅ | gtsug lag khaṅ rgyur gśegs so || don ’dir ni saṅs rgyas bcom ldan ’das gtsug lag khaṅ rgyur gśegs par bźed nas | tshe daṅ ldan pa kun dga’ bo la bka’ stsal pa | kun dga’ bo soṅ (4) la dge sloṅ rnams la dge sloṅ dag de bźin gśegs pa da gtsug lag khaṅ rgyur gśegs kyis khyed cag las gaṅ de bźin gśegs pa daṅ | thabs cig gtsug lag khaṅ rgyur ’gro bar spro ba des chos gos dag loṅ śig ces bsgo śig | tshe daṅ ldan pa kun dga’ (5) bos bcom ldan ’das bka’ bźin ’tshal źes bcom ldan ’das las mñan nas | lde mig kyog po thogs te kun dga’i ra ba nas kun dga’ ra bar gtsug lag khaṅ nas gtsug lag khaṅ du | khaṅ khyim nas khaṅ khyim du ’chags nas ’chag sar gol bar ’gro źiṅ draṅ por ’gro ba (6) na dge sloṅ de dag mthoṅ nas ’di skad ces smras so || tshe daṅ ldan pa dag bcom ldan ’das de gtsug lag khaṅ rgyur gśegs kyis khyer cag las gaṅ bcom ldan ’das daṅ thabs cig gtsug lag khaṅ rgyur ’gro bar spro ba des chos gos dag loṅ śig | dge sloṅ de dag gis tshe daṅ ldan (7) pa bka’ bźin ’tshal źes tshe daṅ ldan pa kun dga’ bo las mñan nas chos gos blaṅs te | bcom ldan ’das ga la ba der doṅ ṅo || de nas bcom ldan ’das dge sloṅ rab tu maṅ po dag daṅ thabs cig gtsug lag khaṅ rgyur gśegs te | mthar gyis gtsug lag khaṅ (53a1) rgyu źiṅ gśegs pa na sṅon rdza mkhan dge sloṅ nor can gyi gtsug lag khaṅ ga la ba der gśegs pa daṅ | bcom ldan ’das kyis sṅon rdza mkhan dge sloṅ nor can gyi gnas khaṅ tshos pa śin tu tshos pa | grub pa mchog tu grub pa | dmar ba | mdog dmar ba | ’od (2) dmar ba ’di lta ste | dper na me tog ban d+hu dzi ba ka ’dra ba gzigs so || gzigs nas dge sloṅ rnams la bka’ stsal pa | dge sloṅ dag gnas khaṅ ’di su’i yin | btsun pa sṅon rdza mkhan dge sloṅ nor can gyi lags so || dge sloṅ dag ṅa la gźi ’dis mu stegs can dag dge (3) sbyoṅ gau ta ma ’dug bźin du ñan thos rnams la zag pa’i gnas lta bu’i chos kha cig byuṅ bar gyur to || źes kha zer bar ’gyur gyis gnas khaṅ śig gig rnam par dkrugs śig | dge sloṅ de dag gis ’di lta ste | ston pa’i bka’ luṅ gis gnas khaṅ bśig ciṅ rnam par dkrugs (4) so|| bcom ldan ’das kyaṅ gnas khaṅ bśig ciṅ rnam par dkrugs nas gśegs so || sṅon rdza mkhan dge sloṅ nor can ’oṅs pa daṅ | sṅon rdza mkhan dge sloṅ nor can gyis gnas khaṅ bśig ciṅ rnam par dkrugs pa mthoṅ ṅo || mthoṅ nas dge sloṅ ñen kor ba rnams la (5) smras pa | tshe daṅ ldan pa dag kho bo’i gnas khaṅ sus bśig ciṅ rnam par dkrugs | tshe daṅ ldan pa’i lta ste | ston pa’i bka’ luṅ gis dge sloṅ dag gis so || gal te bcom ldan ’das chos kyi rje bde bar gśegs pa chos kyi rjes bśig na bśig pa legs so || de’i tshe na (6) groṅ khyer rgyal po’i khab na | śiṅ sduṅ ba’i mi sna chen po la gtogs pa sṅon rdza mkhan dge sloṅ nor can gyi gtam ’dres pa | phebs par smra ba | smos ’drin ’grogs bśes śig ’dug go || de nas sṅon rdza mkhan dge sloṅ nor can ’di sñam du sems te || groṅ khyer rgyal po’i (7) khab na śiṅ sruṅ ba’i mi sna chen po la gtogs pa bdag gi gtam ’dres pa | phebs par smra ba | smos ’drin ’grogs bśes śig yoṅ kyis bdag gis gnas khaṅ thams cad śiṅ las byas pa źig bya’o sñam du śes śiṅ rig nas | śiṅ sruṅ ba’i mi sna chen po la gtogs pa ga la (53b1) ba der soṅ ste phyin nas śiṅ sruṅ ba’i mi sna chen po la gtogs pa la ’di skad ces smras so || kye naṅ po śes par gyis śig | lus ’phags ma’i bu ma ga d+hāra byuṅ ba’i rgyal po ma skyes dgras bdag la śiṅ dag byin pa de dag ’dren par ’dod kyis bdag la byin cig | ’phags (2) pa gal te lhas khyod la źugs śiṅ dag gsol na gsol ba legs kyis khyod co bder snoms śig | de nas sṅon rdza mkhan dge sloṅ nor can gyis lus ’phags ma’i bu ma ga d+hāra byuṅ ba’i rgyal po ma skyes dgra’i śiṅ dag dag groṅ khyer rgyal po’i khab ral pa daṅ ’drums pa bcos pa’i (3) phyir brel ba’i don du bźag pa | spas pa śin tu sbas pa | bsruṅs pa śin tu bsruṅs pa gaṅ yin pa su la yaṅ ster bar sla ba ma yin pa de dag las śiṅ kha cig phyuṅ ste bcad ciṅ gśags nas ’dren par byed do || groṅ khyer sruṅ ba’i mi sna chen po la gtogs bźig groṅ khyer (4) rgyal po’i khab kyi mkhan phyi’i lam ñul ba na lus ’phags ma’i bum ga d+hā ra byuṅ ba’i rgyal po ma skyes dgra’i śiṅ gaṅ dag groṅ khyer rgyal po’i khab ral ba daṅ ’drums ba bcos pa’i phyir brel ba’i don du bźag pa | sbas pa śin tu sbas pa | bsruṅs pa śin tu bsruṅs pa gaṅ yin pa (5) sul yaṅ ster bar sla ba ma yin pa de dag las śiṅ kha cig phyuṅ ste bcad ciṅ gśags nas draṅs pa mthoṅ ṅo || mthoṅ nas de ’di ltar lus ’phags ma’i bu ma ga d+hāra byuṅ ba’i rgyal po ma skyes dgra’i groṅ khyer rgyal po’i khab ral ba daṅ ’drums pa bcos pa’i phyir brel (6) ba’i don du bźag pa | sbas pa śin tu sbas pa | bsruṅs pa śin tu bsruṅs pa gaṅ yin pa su la yaṅ ster bar sla ba ma yin pa de ṅag las śiṅ kha cig phyuṅ ste bcad ciṅ gśags nas draṅs pa las na | lus ’phags ma’i bu ma ga d+hāra byuṅ ba’i rgyul po ma skyes dgra’i groṅ khyer (7) rgyal po’i khab tu thoṅ mi pa’am | chom rkun pa’am | dgra bo ’ga’ źig źugs par ma gyu.ura ta ma sñam du ’jigs par gyur | sṅags par gyur | spu ziṅ źes byed par gyur to || de nas śiṅ sruṅ ba’i mi sna chen po la gtogs pa ga la ba der soṅ ste phyin nas śiṅ sruṅ ba’i mi sna (54a1) chen po la gtogs pa de la ’di skad ces smras so || kye naṅ po śes par gyis śig | bdag ’di na groṅ khyer rgyal po’i khab kyi mkhar phyi’i lam ñul pa na lus ’phags ma’i bu ma ga d+hāra byuṅ ba’i rgyal po ma skyes dgra’i śiṅ gaṅ dag groṅ khyer rgyal po’i khab ral daṅ (2) ’drums pa bcos pa’i phyir brel ba’i don du bźag pa | sbas pa śin tu sbas pa | bsruṅs pa śin tu bsruṅs pa gaṅ yin pa su la yaṅ ster bar sla ba ma yin pa de dag las śiṅ kha cig phyuṅ ste bcad ciṅ gśags nas draṅs pa mthoṅ ṅo || mthoṅ nas bdag ’di ltar lus ’phags (3) ma’i bu ma ga d+hāra byuṅ ba’i rgyal po ma skyes dgra’i śiṅ gaṅ dag groṅ khyer rgyal po’i khab ral ba daṅ ’drums pa bcos pa’i phyir brel ba’i don du bźag pa | sbas pa śi na tu sbas pa | bsruṅs pa śin tu bsruṅs pa gaṅ yin ba su la yaṅ ster bar sla ba ma yin pa de dag las śiṅ kha cig (4) phyuṅ ste bcad ciṅ gśags nas draṅs pa las na | lus ’phags ma’i bu ma ga d+d+hara byuṅ ba’i rgyal po ma skyes dgra’i groṅ khyer rgyal po’i khab tu thoṅ mi pa’am | chom rkun pa’am | dgra bo ’ga’ źig źugs par ma gyur ta ma sñam du ’jigs par gyur | daṅ ṅas par gyur | spu (5) ziṅ źes byed par gyur na | kye naṅ po khyod kyis śiṅ dag su la yaṅ ma byin nas | kye naṅ po su la yaṅ ma byin te ’on kyaṅ sṅon rdza mkhan dge sloṅ nor can ’oṅs nas de ’di skad ces kye naṅ po śes par gyis śig | lus ’phags ma’i bu ma ga d+d+hara byuṅ ba’i rgyal po ma skyes dgras (6) bdag la śiṅ dag byin pa de dag ’dren par ’dod kyis bdag la byin cig ces zer nas | bdag gis de la ’di skad ces ’phags pa gal te lhas khyod la źugs śiṅ dag gsol na | gsol ba legs kyis khyos ci bder snoms śig ces brjod pas ṅes draṅs pa’am cig tu (7) ma gyur tam | de nas groṅ khyer sruṅ ba’i mi sna chen po la gtogs pa lus ’phags ma’i bu ma ga d+hāra byuṅ ba’i rgyal po ma skyes dgra ga la ba der soṅ ste phyin nas | lus ’phags ma’i bu ma ga d+hāra byuṅ ba’i rgyal po ma skyes dgra la ’di skad ces smras so || lha mkhyen par (54b1) mdzod cig | bdag ’di na groṅ khyer rgyal po’i khab kyi mkhar phyi’i śul ñul ba na lha’i źugs śiṅ gaṅ dag groṅ khyer rgyal po’i khab ral ba daṅ | ’dum sa pa bcos pa’i slad du thugs brel ba’i don du bźag pa | sbas pa śin tu sbas pa | bsruṅs pa śin tu bsruṅs (2) pa gaṅ lags pa su la yaṅ stsal bar sla ba ma lags pa de dag las źugs śiṅ kha cig phyuṅ ste bcad ciṅ gśams nas draṅs pa mthoṅ ṅo || mthoṅ nas bdag ’di ltar lha’i źugs śiṅ gaṅ dag groṅ khyer rgyal po’i khab ral ba daṅ | ’drums pa bcos pa’i slad (3) du thugs brel ba’i don du bźag pa | sbas pa śin tu sbas pa | bsruṅs pa śin tu bsruṅs pa | gaṅ lags pa sul yaṅ stsal bar sla ba ma lags pa de dag las źugs śiṅ kha cig phyuṅ ste bcad ciṅ gśags nas draṅs pa las na | lha’i groṅ khyer rgyal (4) po’i khab tu thoṅ mi pa’am | chom rkun pa’am | dgra bo ’ga’ źig źugs par ma gyur tam sñam du ’jigs par gyur | da ṅaṅs par gyur | sbu ziṅ źes bgyid par gyur nas | źugs śiṅ sruṅ ba’i mi sna chen po la gtogs pa ga la ba der mchis te mchis nas (5) źugs śiṅ sruṅ ba’i mi sna chen po la gtogs pa la ’di skad ces kye naṅ po śes par gyis śig | bdag ’din groṅ khyer rgyal po’i khab kyi mkhar phyi’i lam ñul ba na lta’i śiṅ gaṅ dag groṅ khyer rgyal po’i khab ral ba daṅ | ’dru mas pa bcos pa’i phyir brel ba’i don (6) du bźag pa | sṅas pa śin tu sbas pa | bsruṅs pa śin tu bsruṅs pa gaṅ yin pa su la yaṅ ster bar slab ma yin pa de dag las śiṅ kha cig phyuṅ ste bcad ciṅ gśags nas draṅs pa mthoṅ na | kye naṅ po khyod kyis śiṅ dag su la yaṅ ma byin nam źes bgyis (7) na | de ’di skad ces kye naṅ po su la yaṅ ma byin te | ’on kyaṅ sṅon rdza mkhan dge sloṅ nor can ’oṅs nas | de ’di skad ces kye naṅ po śes par gyis śig | lus ’phags ma’i bu ma ga d+hāra byuṅ ba’i rgyal po ma skyes dgras bdag la śiṅ dag byin pa de dag ’dren (55a1) par ’dod kyis bdag la byin cig ces zer nas | bdag gis de la ’di skad ces ’apagasa pa gal te lhas khyod la źugs śiṅ dag gsol na | gsol ba legs kyis khyod ci bder snoms śig | ces brjod pas des draṅs pa’am cig tu (2) ma gyur tam źes mchin | lhas źugs śiṅ dag su la stsal tam | kā’e naṅ rjesu la yaṅ ma byin no || lha źugs śiṅ sruṅ ba’i mi sna chen po la gtogs pa de skad mchi’o || de nas lus ’phags ma’i bu ma ga d+hāra byuṅ ba’i rgyal po ma skyes dgras mi źig la smras (3) pa | kwa’e naṅ rje tshur śog | śiṅ sruṅ ba’i mi sna chen po la gtogs pa ga la ba der soṅ la phyin nas | śiṅ sruṅ ba’i mi sna chen po la gtogs pa la ’di skad ces | kwa’e naṅ rje khyod la lus ’phags ma’i bu ma ga d+hāra byuṅ ba’i rgyal po ma skyes dgra gsuṅ ṅo || źes (4) gyis śig | mi des lha bka’ bźin ’tshal źes lus ’phags ma’i bu mag d+hāra byuṅ ba’i rgyal po ma skyes dgra las mñan nas śiṅ sruṅ ba’i mi sna chen po la gtogs pa ga la ba der soṅ ste phyin nas | śiṅ sruṅ ba’i mi sna chen po la gtogs pa la ’di skad ces (5) smras so || kye naṅ po śes par gyis śig | khyod la lus ’phags ma’i bu ma ga d+hāra byuṅ ba’i rgyal po ma skyes dgra gsuṅ ṅo || śiṅ sruṅ ba’i mi sna chen po la gtogs pas kye naṅ po bka’ bźin ’tshal źes mi de las mñan nas lus ’phags ma’i bu ma ga (6) d+hāra byuṅ ba’i rgyal po ma skyes dgra’i druṅ du ’phags so || de’i tshe na sṅon rdza mkhan dge sloṅ nor can bya ba ’ga’ źig la rgyal po’i khab tu ’phags par gyur pa daṅ | śiṅ sruṅ ba’i mi sna chen po la gtogs pas | sṅon rdza mkhan dge sloṅ nor can thag riṅ po (7) kho na nas mthoṅ ṅo || mthoṅ nas sṅon rdza mkhan dge sloṅ nor can la ’di skad ces smras so || ’phags pa mkhyen par mdzod cig | bdag ni źugs śiṅ de dag gi slad du bkug go || kye naṅ po khyod soṅ śig daṅ bdag kyaṅ ’oṅ ṅo || de nas śiṅ sruṅ ba’i mi (55b1) sna chen po la gtogs pa daṅ | sṅon rdza mkhan dge sloṅ nor can daṅ | mi de yaṅ lus ’phags ma’i bu ma ga d+hāra byuṅ ba’i rgyal po ma skyes dgra’i gnas ga la ba der doṅ ste phyin nas rgyal po’i sgor bsdad do || de nas mi de lus ’phags ma’i bu ma ga d+hāra byuṅ ba’i (2) rgyal po ma skyes dgra ga la ba der soṅ ste phyin nas | lus ’phags ma’i bu ma ga d+hāra byuṅ ba’i rgyal po ma skyes dgra la ’di skad ces smras so || lha źugs śiṅ sruṅ ba’i mi sna chen po la gtogs pa de chab sgo na sdod do || rab tu byuṅ ba de yaṅ ma sbran pa ñid du mchis ([55b3) so|| kwa’e naṅ rje śiṅ sruṅ ba’i mi sna chen po la gtogs pa re źig źog la rab tu byuṅ ba de ’jug tu chug śig | mi des lha bka’ bźin ’tshal źes lus ’phags ma’i bu ma ga d+hā ra byuṅ ba’i rgyal po ma skyes dgra las mñan nas sṅon rdza mkhan dge sloṅ nor can ga (4) la ba der soṅ ste phyin nas | sṅon rdza mkhan dge sloṅ nor can la ’di skad ces smras so || ’phags pa mkhyen par mdzod cig | khyod la lus ’phags ma’i bu ma ga d+hāra byuṅ ba’i rgyal po ma skyes dgra gsuṅ ṅo || sṅon rdza mkhan dge sloṅ nor can gyis kye (5) naṅ po bka’ bźin ’tshal źes mi de las mñan nas lus ’phags ma’i bu ma ga d+hāra byuṅ ba’i rgyal po ma skyes dgra ga la ba der soṅ ste phyin nas | lus ’phags ma’i bu ga ga d+hāra byuṅ ba’i rgyal po ma skyes dgra la a rog gya źes byas te mtha’ gcig tu ’dug (6) go || sṅon rdza mkhan dge sloṅ nor can mtha’ gcig tu ’dug pa la | lus ’phags ma’i bu ma ga d+hāra byuṅ ba’i rgyal po ma skyes dgras ’di skad ces smras so || ’phags pas śiṅ ma byin pa dag blaṅ du ruṅ ṅam | lha mi ruṅ ṅo || ’o na khyod kyis ci’i phyir blaṅs || (7) lhas stsal ba dag go || ’phags pa mi dran no || bdag gis lhas dgoṅs par bgyi’o || lhas yab kyis rgyal srid kyi dbaṅ phyug mṅa’ bdag tu mṅa’ bźes par gyur nas riṅ po ma lags par ṅa’i mṅa’ ris na dge sbyoṅ daṅ | bram ze Raṅa bźin bzaṅ (56a1) bar grags pa rtswa daṅ | śiṅ daṅ | chu ma byin pa yoṅs su mi sbyed pa gaṅ dag ’khod pa de dag deṅ phyin chad ci bder spyod cig ces de lta bu’i khyu mchog gi bka’ rgya chen po btags te | gcig tu daṅ du bźes śiṅ ’khor gyi naṅ du yaṅ dag par seṅ (2) ge’i sgra bsgrags pa lhas dgoṅs śig | ’phags pa de ni kho bos yoṅs su ma bzuṅ ba las bas mas te smras kyi | ’di ni yoṅs su bzuṅ ba daṅ bcas pa yin no || lha re źig yoṅs su ma bzuṅ ba gaṅ lags pa de la lhas ci źig bgyir mchis | de (3) skad ces smras pa daṅ | lus ’phags ma’i bu ma ga d+hāra byuṅ ba’i rgyal po ma skyes dgra khros ’khrugs rṅam par gyur ciṅ yid mi dga’ nas dga’ nas dpral bar dpral rtsa gsum bsgreṅ źiṅ khro gñer bsdus | bźin bsgyur | mig bgrad de lag mthil gñis ’dril źiṅ (4) ’di skad ces smras so || dge sbyoṅ bsad pa’i rigs pa khyod soṅ la phyin chad de lta ma byed cig | de nas ’khor des śes ldan dag lus ’phags ma’i bu ma ga d+hāra byuṅ ba’i rgyal po ma skyes dgra ’di tsam du gtum pa ’di tsam du rtun ṅas pa | ’di tsam du drag (5) śul che ba | ’di tsam du tsham tshom med pa des dge sbyoṅ bsad pa’i rigs pa khyod ces bya ba’i tshig sñiṅ po med pas spyos te btaṅ ba ni ṅo mtshar to źes skad po ches skad phyuṅ źiṅ sgra mthon po daṅ | sgra chen po phyuṅ bar gyur to || ṅe nas sṅon rdza mkhan dge sloṅ (6) nor can gtsug lag khaṅ du soṅ ste dge sloṅ rnams la smras pa | tshe daṅ ldan pa dag lus ’phags ma’i bu ma ga d+hāra byuṅ ba’i rgyal po ma skyes dgras kho bo gyod la | skrin ciṅ srog daṅ bral bar de’u byas so || dge sloṅ dag gis ci’i phyir źes dris daṅ | des (7) skabs de dge sloṅ rnams la brjod dam | dge sloṅ rnams kyis bcom ldan ’das la gsol to || de nas bcom ldan ’das kyis tshe daṅ ldan pa kun dga’ bo la bka’ stsal pa | kun dga’ bo snam sbyar gyon te dge sloṅ phyi bźin ’braṅ ba’i dge sbyoṅ źig daṅ (56b1) soṅ la rgyal po’i khab tu źugs te groṅ khyer rgyal po’i khab kyi lam po che daṅ | sraṅ daṅ | bźi mdo daṅ | sum mdo dag daṅ | bka’ ’dogs pa’i gnas dag tu ’dug la | daṅ pa can dag daṅ | ma dad pa dag daṅ | bram ze daṅ | khyim bdag dag (2) daṅ | groṅ rdal pa dag daṅ | yul mi dag daṅ | nor can dag daṅ | tshoṅ dpon dag daṅ | ded dpon dag la śes ldan dag lus ’phags ma’i bu ma ga d+hāra byuṅ ba’i rgyal po ma skyes dgras ji tsam ma byin par blaṅs pas | gyod la skrin ciṅ srog daṅ bral bar byed (3) ces dris śig | tshe daṅ ldan pa kun dga’ bos btsun pa bka’ bźin ’tshal źes bcom ldan ’das las mñan nas rgyal po’i khab tu źugs te groṅ khyer rgyal po’i khab kyi lam po che daṅ | sraṅ daṅ | bźi mdo dag daṅ | bka’ ’dogs pa’i (4) gnas dag tu ’dug nas daṅ pa can dag daṅ | ma dad pa dag daṅ | bram ze daṅ | khyim bdag dag daṅ | groṅ rdal pa dag daṅ | yum mi dag daṅ | nor can dag daṅ | tshoṅ dpon dag dag | ded dpon dag la rmas pa | śes ldan dag lus ’phags ma’i bu (5) ma ga d+hāra byuṅ ba’i rgyal po ma skyes dgras ji tsam ma byin par blaṅs pas gyod la sgrin ciṅ srog daṅ bral bar byed | de dag gis smras pa | btsun pa kun dga’ bo ma śa ka lṅa’am | ma śa ka lṅa las lhag pas so || de nas tshe daṅ ldan pa kun dga’ bo rgyal po’i khab (6) nas byuṅ nas | bcom ldan ’das gal ba der soṅ ste phyin nas bcom ldan ’das kyi źabs gnis la mgo bos phyag ’tshal te mtha’ gcig tu ’grog go || mtha’ gcig tu ’dug nas bcom ldan ’das la tshe daṅ ldan pa kun dga’ bos ’di skad ces gsol to || (7) btsun pa bdag da gzod snam sbyar ’tshal te dge sloṅ slad bźin ’braṅ ba’i dge sloṅ źig daṅ | rgyal po’i khab tu źugs na groṅ khyer rgyal po’i khab kyi lam po che daṅ | sraṅ daṅ | bźi mdo daṅ | sum mdo dag daṅ | bka’ ’dogs pa’i gnas dag tu (57a1) mchis te | dad pa can dag daṅ | ma dad ba dag daṅ | bram ze daṅ | khyim bdag dag daṅ | groṅ rdal pa dag daṅ | yum mi dag daṅ | nor can dag daṅ | tshod dpon dag daṅ | ded dpon dag la śes ldan dag lus ’phags ma’i bu ma ga (2) d+hāra byuṅ ba’i rgyal po ma skyes dgras ji tsam ma byin par blaṅs pas gyod la sgrin ciṅ srog daṅ ’bral bar bgyid ces rmas na | de dag gi mchid nas btsun pa kun dga’ bo ma śa ka lṅa’am | ma śa ka lṅa las lhag pas so źes mchi’o || de nas bcom ldan ’das (3) kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do || de bźin gśeg pa ni don gyi dbaṅ gñis gzigs pa na | dge sloṅ gi dge ’dun sdud par mdzad de | ’di lta ste | ṅa’i ñan thos rnams kyis kun śes pa (4) ñid du bya ba’i phyir daṅ | ṅas ’dul ba la bslab pa’i gźi legs par bcas par ’gyur ba’o || saṅs rgyas bcom ldan ’das rnams ni mkhyen bźin du rmed par mdzad pa ste | mkhyen bźin du rmed pa | mkhyen kyaṅ mi rmed pa | dus su rmed pa | dus las yol (5) bar mi rmed pa | don daṅ lden pa rmed pa | don daṅ mi ldan pa mi rmed pas | saṅs rgyas bcom ldan ’das rnams ni don daṅ mi ldan pa rmed pa la chu lon gyis zlog par mdzad pa yin no || de la saṅs rgyas bcom ldan ’das rnams ni don daṅ ldan pa rmed pa la dus mkhyen pa (6) yin pas saṅs rgyas bcom ldan ’das kyis sṅon rdza mkhan dge sloṅ nor can la rmas pa | nor can khyod kyis mi mdzes pa de lta bu de byas par gyur pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa (7) ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no || nor can ṅas ’dod chags ’dod chags daṅ bral bar bya ba’i phyir sems rnam par grol ba daṅ | śes rab rnam par grol ba’i chos bstan pa daṅ | źe sṅaṅ (57b1) ’dod chags daṅ bral bar bya ba daṅ | gti mug ’dod chags daṅ bral bar bya ba’i phyir sems rnam par grol ba daṅ | śes rab rnam par grol bar bya ba’i chos bstan pa la khyod kyis ci’i phyir mi mdzes pa | de lta bu de byas par gyur ces rnam par smad pa mdzad (2) do || de nas bcom ldan ’das kyis rnam graṅs du mas rnam par smad nas | dge sloṅ rnams la bka’ stsal pa | dge sloṅ dag de lta bas na | phan yon bcu yaṅ dag par gzigs pas ’dul ba ñan thos rnams kyi bslab pa’i gźi bca’ bar bya ste | ’di (3) lta ste | dge ’dun bsdu ba’i phyir daṅ | dge ’dun legs par bya ba’i phyir daṅ | dge ’dun bde bar gnas par bya ba’i phyir daṅ | gnog mi bkur ba’i gaṅ zag rnams tshar gcad par bya’i phyir dag | ṅo tsha śes pa rnams bde bar gnas par bya ba’i phyir daṅ || (4) mṅon par ma dad pa rnams mṅon par dad par bya ba’i phyir daṅ | mṅon par dad pa rnams phyir źig ’byuṅ bar bya ba’i phyir daṅ | tshe ’di’i zag pa rnams bsṅam par bya ba’i phyir daṅ | tshe rabs phyi ma’i rnams bzlog par bya ba’i phyir daṅ | ṅa’i tshaṅs par (5) spyod pa skye bo maṅ po la phan pa yaṅs par gyur pa lha daṅ mi’i bar dag la yaṅ dag par rab tu bstan pa yun riṅ du gnas par ’gyur ba’o || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ gźan dag gi groṅ (6) na ’dug pa’am | dgon pa na ’dug pa ma byin pa rku ba’i graṅs su gtogs pa | blaṅs na ji tsam ma byin par blaṅs pas | de rgyal po’am | blon po chen pos bzuṅ nas | de la ’di skad ces kye mi khyod ni rkun ma’o || byis pa’o || blun pa’o || rku ba’o ||(7) źes zer źig gsod dam | ’chiṅ ṅam | sbyugs kyaṅ ruṅ ste | dge sloṅ de ltar ma byin par len na | dge sloṅ de yaṅ pham par gyur pa yin gyis gnas par mi bya’o || yaṅ dge sloṅ gaṅ źes bya ba ni dge sloṅ bźi po miṅ gi dge sloṅ daṅ | khas ’che ba’i (58a1) dge sloṅ daṅ | sloṅ ba’i phyir dge sloṅ daṅ | ñon moṅs pa bcom pa’i phyir dge sloṅ las źes bya ba nas | don ’dir ni gsol ba daṅ | bźi’i las mi g-yo ba gźag par mi ’os pas bsñen par rdzogs pa gaṅ yin pa de dge sloṅ du dgoṅs (2) te źes bya ba’i bar du sṅam bźin te | des na yaṅ dge sloṅ gaṅ źes gsuṅs so || gźan dag gi źes bya ba ni skyes pa daṅ | bud med daṅ | ma niṅ dag gi’o || groṅ na ’dug pa’am źes bya ba ni ra ba’i naṅ na ’dug pa’o || dgon pa na ’dug pa źes bya ba ni (3) ra ba’i phyir rol na ’dug pa’o || ma byin pa źes bya ba ni de la skyes pa’ ma | bud med dam | ma niṅ gaṅ gis kyaṅ ma byin pa’o || rku ba’i graṅs su gtogs pa źes bya ba ni ma byin pa gaṅ yin pa de rku ba’i graṅs su gtogs pa yaṅ yin no || blaṅs na źes bya (4) ba ni len na’o || ji tsam ma byin par blaṅs pas źes bya ba ni ma śa ka lṅa’am | ma śa ka lṅa las lhag pas so || de rgyal po’am źes bya ba ni ’di lta ste | bud med rgyal srid la dbaṅ bskur bas dbaṅ bskur bar gyur na de yaṅ rgyal po rgyal rigs spyi bor dbaṅ bskur ba (5) yin la | rgyal rigs daṅ | bram ze daṅ | rje’u rigs daṅ | dmaṅs rigs rgyal srid la dbaṅ bsgur bas dbaṅ bskur bar gyur na de yaṅ chul po rgyal rigs spyi bor dbaṅ bskur ba yin no || blon po chen pos źes bya ba ni de las gźan pa blon po daṅ | rtsis mkhan (6) daṅ | sna chen po la gtogs pa rgyal srid byed pa gsaṅ tshig mthun pas ’tsho ba gaṅ dag de la brten nas ’tsho bar byed pa dag gis so || brnuṅ nas źes bya ba ni blaṅs nas so || de la ’di skad ces kye mi khyod ni rkun ma’o || byis pa’o || blun pa’o || rku ba’o (7) źes bya ba de dag ni spyo ba’i tshig go || zer źiṅ źes bya ba ni rjod ciṅ ṅo || gdod dam źes bya ba ni srog daṅ bral bar byed pa’o || ’chiṅ ṅam źes bya ba ni chiṅs ma gsum po lcags las byas pa daṅ | śiṅ las byas pa daṅ | rtswa las byas pa dag gis so || (58b1) spyugs kyaṅ ruṅ ste źes bya ba ni yul med par byed kyaṅ ruṅ ste’o || dge sloṅ źes bya ba ni gaṅ la dge sloṅ gi dṅos po yod pa gaṅ yin pa’o || dge sloṅ gi dṅos po gaṅ źe na | bsñen par rdzogs pa gaṅ yin pa’o || bsñen par rdzogs pa gaṅ źe na | gsol (2) ba daṅ bźi’i las kyi bya ba byed pa ñid daṅ | rtog pa ñid daṅ | yaṅ dag par rtog pa ñid daṅ | mthar phyin par byed pa ñid daṅ | yaṅ dag par mthar phyin par byed pa gaṅ yin pa daṅ | gaṅ zag de’i khas len pa daṅ | mṅon par khas len ba daṅ | (3) phyir mi zlog pa daṅ | phyir mi zlog pa ñid daṅ | ṅag daṅ | tshig daṅ | tha sñad daṅ | skad daṅ | rjod pa daṅ | ṅes pa’i tshig daṅ | tshig gi lam daṅ | tshig gi sgra daṅ | ṅag gi las daṅ | ṅag gi las daṅ | ṅag gi rnam par rig byed gaṅ yin pa’o || de yaṅ źes bya ba ni ñe (4) bar bstan pa daṅ | kun du bstan pa’i tshig bla dgas de yaṅ ṅo || pham par gyur pa yin gyis źes bya ba ni | de mthar gyur pa daṅ | ltuṅ ba daṅ | dman pa daṅ | ’jug na ’dug pa daṅ | tha chad daṅ | yid daṅ mi mthun pa gaṅ yin pa’o || yaṅ gaṅ (5) gis ltuṅ ba de byas na byas mthag tu dge sloṅ du mi ruṅ bar ’gyur | dge sbyoṅ du mi ruṅ | śākya ’i sras kyir mi ruṅ | dge sloṅ gi dṅos po las ñams par ’gyur te | de’i dge sbyoṅ gi tshul źig par ’gyur źiṅ | ñams pa bcom pa | ltuṅ ba | pham (6) par ’gyur ba ste | de’i dge sbyoṅ gi tshul phyir bslaṅ du med par ’gyur ro || ’di lta ste | dper na źiṅ ta la’i mgo bcad na sṅon por ’gyur du mi ruṅ la ’phel źiṅ rgyas pa daṅ yaṅs par ’gyur du mi ruṅ ba de bźin du | dge sloṅ gis gnas de lta bu byas (7) na byas ma thag tu dge sloṅ du mi ruṅ bar ’gyur | dge sbyoṅ du mi ruṅ | śākya ’i sras kyir mi ruṅ | dge sloṅ gi dṅos po las ñams par ’gyur te | de’i dge sbyoṅ gi tshul źig par ’gyur źiṅ | ñams pa | bcom pa | ltuṅ ba | pham par gyur pa ste | (59a1) de’i dge sbyoṅ gi tshul phyir bslaṅ du med par ’gyur bas des na pham par gyur pa yin gyis źes gsuṅs so || gnas par mi bya’o źes bya ba ni dge sloṅ rnams kyis de daṅ gso sbyoṅ daṅ | dgag dbye daṅ | gsol ba daṅ | gsol ba (2) daṅ gñis daṅ | gsol ba daṅ bźi’i las la gnas par mi bya ba’o || yaṅ gaṅ zag bcu gñis po dag tu sko bas bsko bar mi bya ste | ṅes na gnas par mi bya’o źes gsuṅs so || de la ltuṅ bar ji ltar ’gyur źe na || ||

.