saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na (113b1) bźugs so || mñan yod na dge sloṅ bran pa daṅ | skyoṅ ba źes bya ba phan tshun gtam ’dres pa | phebs par smras pa | ’grogs bśes smos ’drin mthun par brjod pa gñis śig ’khod do || ji tsam dus gźan źig na skyoṅ ba na bar gyur nas de’i nad g-yog bran pa byed (2) pa na skyoṅ bas mtshan mo bsgrags par brtsams pa daṅ | bran pas smras pa | tshe daṅ ldan pa skyoṅ bci’i phyir sgra sgrogs par byed | skyoṅ bas smras pa | kho bo bkres so || skom mo || bran pas smras pa | tshe daṅ ldan pa skyoṅ ba rab tu byuṅ ba’i sems ñe (3) bar gźag par gyis śig | gal ted ltar sman yod du zin kyaṅ re źig byin len stobs pa yaṅ med na khyod la sman lta smos kyaṅ ci dgos te med do || skyoṅ ba de so sor rtog pa mi mṅa’ ba yin pas de kho bo skom mo || bkres so || źes sgra sgrogs bźin pa las nam (4) naṅs pa daṅ | bran pas smras pa | cho daṅ ldan pa skyoṅ ba kho bos sman pa la dris te ’oṅ gi bar du khyod kyis re źig so śiṅ ’or cig | bran pas sman pa’i gan du soṅ ste smras pa | bźin bzaṅs gźon nu źig nan de la ’phrod pa’i sman ston cig | sman pas smras pa | (5) ’phags pa dge sloṅ de’i sman ni ’di daṅ ’di lta bu thu lags so || bran pa sman pa’i gan du ji sriṅ soṅ ba de’i tshe na tshe daṅ ldan pa skyoṅ ba khri las laṅs te śam thabs gyon nas ’dag rdzas daṅ ril pa spyi blugs daṅ | so śiṅ thogs te baṅ rim du byuṅ nas so śiṅ dor (6) bar brtsams pa daṅ | de la dge sloṅ rnams kyis smras pa | tshe daṅ ldan pa skyoṅ ba ci’i phyir mtshan mo te por sgra sgrogs par byed | skyoṅ bas smras pa | tshe daṅ ldan pa dag kho bo te por sgom pa daṅ | bkres par gyur to || de na dge sloṅ źig gis smras pa | (7) tshe daṅ ldan pa skyoṅ ba kho bo la chu’i thug pa yod na ci mi ’thuṅ ṅam | skyoṅ bas smras pa | mnoṅs kyis btuṅ ṅo źes des de ’thuṅs so || dge sloṅ gźan ṅag gis smras pa | kho bo cag la ’o thug daṅ | źo thug daṅ | khur ba daṅ | śa daṅ | spyan gzigs dag yod na (114a1) ci mi za’am | skyoṅ bas dge sloṅ de dag las tshaṅs pa mtshuṅs par spyod pa rjes su bsruṅ ba daṅ brkam chags ñid kyis cuṅ zad cu zad loṅs spyad pa daṅ | ha caṅ zas drags nas de glos phab ste ñal lo || bran pa yaṅ sman pa la dris nas myur (2) ba myur bar ’oṅs te | de nas sman bas ji skad bstan pa’i sman sbyar te smras pa | tshe daṅ ldan pa skyoṅ ba loṅs la so śiṅ ’or cig | skyoṅ bas smras pa | bor zin to || bran pas smras pa | ma ñes so źes des dkyil ’khor byugs śiṅ snod daṅ kha gźar byi dor byas (3) te | loṅs la zo cig ces smras pa daṅ | skyoṅ bas de rjes su sruṅ bas laṅs so || zan pas sman byin len byed du bcug ste phul ba daṅ | skyoṅ bas kha gzar do ’am | gsum bkaṅ ste zos nas glos phab ste ñal lo || bran pas smras pa | tshe daṅ ldan pa skyoṅ bci’i (4) phyir mi za | skyoṅ bas smras pa | kho bo mi ’dod do || bran pas smras pa | khyod kyis mtshan thog thag tu kho bo bkres so || skom mo źes kho bo la tho btsams na | da ni khyod mi ’dod do źes zer na da khyod dus la bab bo || dge sloṅ rnams kyis bran pa la smras pa | tshe daṅ (5) ldan pa bran pa ’di la bag byos śig | ’dis kho bo cag las chu’i thug pa daṅ | ’o thug dag ’thuṅs śiṅ khur ba daṅ | śa daṅ | spyan gzigs dag zos so || bran pas smras pa | tshe daṅ ldan pa skyoṅ ba khyod kyis de lta byas pa bden nam | skyoṅ ba ñes pa daṅ bcas (6) pas yi ge bsgyaṅs te smras pa byas so || bran pas smras pa | kho bo lhuṅ bzed zad zad | chos gos deṅs deṅs | dge ba’i phyogs ñams ñams su khyod kyi nad gayago byed na | khyod de ltar mi mthun pa byed pas khyod kyis dug zos par gyur pa ni bla’i || de ltar mi mthun (7) par zos pa ni ma yin no || skyoṅ ba ṅo tsha nas bdag gi tshaṅs par spyod pa zer ba bzaṅ ste | ’di lhuṅ bzed zad zaṅ | chos gos deṅs deṅs | dge ba’i phyogs ñams ñams su bdag gi nad g-yog byed na | bdag te ltar mi mthun pa byed pas bdag (114b1) gis dug zos pa ni bla’i | de ltar mi mthun pa byed pa ni ma yin pas bdag gis dug bza’o sñam du bsams nas de laṅs te snod du brtag par brtsams pa daṅ | des bar bur snod na dug gi dum bu mthoṅ nas des de zos pa daṅ | de dug gis yoṅs su ’khrugs par (2) gyur pa’i sems kyis ’chi bar brtsams te kha chu ’dzag | mig ’gyur bźin sgyur źiṅ ’di skad ces bran pa kho bo śi’o || kho bo śi’o źes kyaṅ zer ro || bran pas thos nas brtad ciṅ myur ba myur bar smras pa | tshe daṅ ldan pa skyoṅ ba ci’i phyir de skad ku co ’don par byed | (3) skyoṅ bas smras pa | khyod na re tshe daṅ ldan pa skyoṅ ba kho bo lhuṅ bzed zad zad | chos gos deṅs deṅs | dge ba’i phyogs ñams ñams su khyod kyi nad g-yog byed na khyod de ltar mi mthun pa byed pas khyod kyis dug zos par gyur pa ni bla’i | khyod kyis de ltar mi mthun pa (4) zos pa ni ma yin no źes zer bas bdag la bdag gi tshaṅs pa mtshuṅs par spyod pa zer ba bzaṅ ste | ’di lhuṅ bzed zad zad | chos gos deṅs deṅs | dge ba’i phyogs ñams ñams su bdag gi nad g-yog byed na bdag de ltar mi mthun pa byed pas bdag gis (5) dug zos par gyur pa ni bla’i | de ltar mi mthun pa zos pa ni ma yin pas bdag gis dug bza’o sñam pa’i blo skyes nas | bdag gis snod du brtag par brtsams pa daṅ bar bur snod na dug gi dum bu mthoṅ nas bdag gis de zos so || bran pas yi chad pa’i bźin gyis (6) smras pa | tshe daṅ ldan pa khyod kyis ma legs pa byas so źes smras te | sman pa’i druṅ du soṅ ba daṅ | dug de rnon po źig yin pas gzuṅ bar ma nus te de dus la bab bo || bran pas sman pa khrid de ’oṅs pa na de dus la bab pa mthoṅ nas bran pa bdag gis ’chir (7) bcug par ma gyur tam sñam du ’gyod par skyes nas | des skabs de dge sloṅ rnams la brjod do || dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de la ni ltuṅ ba med de | yaṅ dge sloṅ (115a1) gis nad pa la gaṅ thos nas nad pa ’chi ba’i phyir rtsol bar byed pa de lta bu’i gtam ñe bar brjod pa ñe bar brjod par mi bya’o || dge sloṅ gis nad pa la gaṅ thos nas nad pa ’chi ba’i phyir rtsol bar ’gyur ba de lta bu’i gtam ñe bar brjod pa ñe bar rjod (2) par byed na ’gal tshabs can du ’gyur ro || ’di ni re źig byuṅ ba yin gyi saṅs rgyas bcom ldan ’das ’dul ba la ñan thos rnams kyi bslab pa’i gźi ’cha’ bar mi mdzad do || saṅs rgyas bcom ldan ’das mñan yod na rgyal byed kyi tshal mgon med zas sbyin (3) gyi kun dga’ ra ba na bźugs so || mñan yod na dge sloṅ mchu can daṅ | śi ri ka źes bya ba gtam ’dres pa | phebs par smra ba | ’grogs bśes smos ’drin mtshuṅs par brjod pa gñis śig ’khod de | mchu can ni rṅon pa las rab tu byuṅ ba yin la | (4) śi ri ka ni khyim bdag las rab tu byuṅ ba yin no || ji tsam dus gźan źig na mchu can gyi tsha bo gñis śig pha ma daṅ bral pas de daṅ der ’khyam pa na rgyal byed kyi tshal du phyin te sgo na sdod do || mchu can phyir byuṅ ba daṅ des de gñis bźin gzugs las ṅo śes (5) nas des de gñis la smras pa | khyed gñis kyi pha ma gar doṅ | de gñis kyis smras pa | dus la bab bo || de ñe du la mñes gśin pas thos nas mchi ma daṅ bcas pa’i skad kyis ’dug pa daṅ | dge sloṅ rnams kyis de la smras pa | tshe daṅ ldan pa (6) mchu can khye’u ’di gñis su | mchu can gyis smras pa | bdag gi tsha bo gñis yin no || dge sloṅ rnams kyis smras pa | ci’i phyir ’di gñis sdud par mi byed | mchu can gyis smras pa | bdag kyaṅ re źig dka’ bas bsod sñoms sgrub par byed na (7) ’di gñis ci źig gis bsdu bar bya | dge sloṅ dag gis smras pa | ’di gñis ’dod na dge sloṅ rnams la ’dab ma daṅ | me tog daṅ | ’bras bu daṅ | so śiṅ dag ’bul du chug śig daṅ | dge sloṅ dag gis kyaṅ ’di gñis la lhuṅ bzed kyi lhag ma sbyin (115b1) par ’gyur ro || mchu can gyis de gñis blaṅs nas | de gñis kyaṅ grims pa | le lo med pa | sgrub phod pa yin pas dge sloṅ rnams la ’dab ma daṅ | me tog daṅ | ’bras bu daṅ | so śiṅ dag ’bul bar byed nas dge sloṅ rnams kyis kyaṅ de gñis (2) la lhuṅ bzed kyi lhag ma sbyin par byed do || de gñis kyaṅ gos daṅ | zas bzaṅ po dus yun mi riṅ bas pa gas pa da | śa daṅ | khrag rtas śiṅ de gñis stobs daṅ sñems pa daṅ ldan par gyur to || de gñis dus gźan źig na rgyal byed kyi tshal gyi sgo na rtse źiṅ ’khod pa (3) daṅ | de gñis kyi ñe du dag lag na mda’ gźu thogs śiṅ rgyal byed kyi tshal gyi sgo nas ri dgas śor du ’doṅ ba de dag gis de gñis mthoṅ nas de dag gis smras pa | khye’u gñis khyed gñis ga las ’dir ’oṅs | khye’u gñis kyis smras pa | śākya ’i sras kyi dge sbyoṅ (4) gi naṅ ’di na bdag cag gñis kyi źaṅ po rab tu byuṅ ba de’i gnan ’khod do || de dag gis smras pa | khyed gñis kyi źaṅ po de yaṅ re źig śākya ’i sras kyi dge sbyoṅ las med pa’i ṅaṅ tshu.ula can rnams kyi naṅ du rab tu byuṅ ba yin na | ci khyed gñis kyaṅ las med pa’i ṅaṅ (5) tshul can du byed dam | chur śeg pha’i las rjes su sgrubs śig de gñis kyis smras pa | kho bo cag gñis la źaṅ pos phan btags pas je de la dri bar bya’o źes de gñis tshe daṅ ldan pa mchu can gal ba der doṅ ste phyin nas tshe daṅ ldan pa mchu can la ’di skad ces smras (6) so|| źaṅ po bdag cag gñis pha’i las rjes su sgrub tu mchi’o || mchu can gyis smras pa | kho bos khyed gñis dad pas sbyin par bya bas bskyed bskyed na de ci’i phyir ñes par spyod pa’i las ’di lta bu byed | de gñis kyis smras pa | źaṅ po bdag cag gñis mgol (7) gser gyi phreṅ bas bciṅs pa ni ṅo tsha’i | pha’i las rjes su sgrub pas ni de lta ma lags kyi mchi’o źes de gñis kyis de’i tshig tshig ma yin par byas te doṅ nas | de gñis ri dgas gsod ciṅ ’tsho bar byed do || ji tsam dus gźan źig na śi ri ka na bar gyur nas mchu (116a1) can de’i nad g-yog byed pa na śi ri ka sdug bsṅal gyi tshor bdag gis ñen nas bdag re źig tshul khrims daṅ ldan pas bdag yul gźan du soṅ na lo legs śiṅ mtho ris ni dar gyis chod pa tsam | thar ba ni yol bas bsgribs pa tsam ste | lus (2) źig nas yaṅ lha rnams kyi naṅ du skye bar ’gyur bas rnam pa thams cad du bdag ñid gsad par bya’o sñam du sems so || yaṅ bdag ñid gsod par byed pa ni sdug bsṅal ba yin gyis | gsod pa byed pa źig btsal lo sñam du sems śiṅ de bdag gi srog gcod (3) par byed pa su yod sñam du dpyod pa la źugs pa daṅ | de la mchu can gyi tsha bo gñis drag śul can lag pa dmar ba | snun pa daṅ | rab tu snun pa la źugs pa gźan gyi srog ’phrog pa | gźan gyi srog gcod du ’jud pa | gźan gyi srog gcod pas (4) ’tsho bar byed pa yin pas de gñis kyis bdag gsod par nus kyi | gźan sus kyaṅ mi nus so sñal ba’i blo skyes śiṅ rig nas | tshe daṅ ldan pa mchu can la smras pa | tshe daṅ ldan pa mchu can khyod kyi tsha bo de gñis mi snaṅ na gar doṅ | mchu can gyis smras pa | (5) khyod de gñis kyi miṅ ma ’dzin cig | de gñis ni ’di lta bu’i sdig pa byed pa yin te | de gñis kho bos dad pas sbyin par bya bas sbyin par bya bas bskyed bskyed na de gñis da ñes par spyod pa’i las bya ba la źugs śiṅ pha’i las rjes su sgrub par byed de | gźan gyi srog ’phrog par (6) byed | gźan gyi srog gcod pas ’tsho bar byed do || śi ri kas smras pa | de gñis la kun nas mnar sems ma skyed cig | de ni ’du ’dzi’i rig pa yin te | gaṅ gi tshe de gñis rgyal byed kyi tshal na ’khod pa de’i tshe na de gñis kyis grog sdur phra mo’i srog kyaṅ (7) ma bcad do || de gñis de lta bu daṅ lhan cig gnas pas de lta bu’i ñes par spyod pa dag byed na de gñis de dag daṅ śin tu dbral bar bya źiṅ | ’di ltar gaṅ gi tshe khyod ga śed du ’gro ba de’i tshe na kho bo sruṅ bar byed pa ’ga’ yaṅ med pas gal te de gñis snaṅ na (116b1) kho bo’i gan du thoṅ la de gñis kho bo sruṅ du chug śig | ji tsam na mchu can bsod sñoms la źugs pa na de’i tsha bo de gñis tshoṅ ‘dus na śa ’tshoṅ źiṅ ’dug pa des mthoṅ nas | de gñis laṅs te de’i rkaṅ pa gñis la gtugs pa daṅ | des smras pa | khye’u (2) gñis kho bo khyed gñis kyi cir ’oṅ | źaṅ por mchi’o || śi ri ka cir ’oṅ | de yaṅ źaṅ por mchi’o || de dus de srid du na na khyed gñis de la ltar ma doṅ ṅam | źaṅ po bdag cag gis ma ’tshal to || da deṅ śig | bdag cag gñis kyis bgyi ba ci mchis (3) de ci zer ba de bźin du gyis śig | de gñis tshe daṅ ldan pa śi ri ka ga la ba der soṅ ste phyin nas de’i rkaṅ pa gñis la phyag ’tshal te mtha’ gcig tu ’khod do || śi ri kas smras pa | khye’u gñis mchu can khyed gñis kyi cir ’oṅ | źaṅ por mchi’o || kho bo cir (4) ’oṅ | źaṅ por mchi’o || kho bo dus de srid du na na khyed gñis kyis kho bo lan ’ga’ yaṅ ma bltas so || źaṅ po bdag cag gñis kyis ma ’tshal te | bdag cag gñis kyis da gzoṅ thos nas de’i slad du bdag cag gñis mchis so || tsha bo gñis khyed gñis (5) kho bo lha rnams kyi naṅ du skye bar ’dod dam | źaṅ po bdag cag gñis gźan yaṅ lha rnams kyi naṅ du skye bar ’tshal na źaṅ po lta smos kyaṅ ci ’tshal | tsha bo gñis gal te de lta na kho bo yu la gźan du soṅ na lo legs śiṅ mtho ris ni dar gyis chod pa tsam | thar (6) pa ni yol bas bsgribs pa tsam ste | lus źig na yaṅ lha rnams kyi naṅ du skye bar ’gyur na | bdag la rtsom par byed pa sdug bsṅal ba yin gyis | khyed gñis kyis kho bo sod cig | źaṅ po gal te gźan ’ga’ źig gis khyod dgroṅs par bgyid na yaṅ (7) bdag cag gñis kyis de dgum par bgyi na bdag cag gñis kyis źaṅ po bkroṅs pa lta smos kyaṅ ci ’tshal | mchu can gyis khyed gñis la ji skad bsgo | źaṅ po ci gsuṅ ba de bźin gyis śig ces so || tsha bo gñis gal te de lta na kho bo ’di skad zer te | (117a1) kho bo sdug bsṅal gyi tshor bas ñen gyis kho bo sod cig | de gñis kyis ’di daṅ źaṅ po sṅar bgros par gyur gor mchag ste | des na źaṅ pos bdag cags gñis ’di’i gan du btaṅ ṅo sñam du bsams nas | de gñis las gcig ches drag (2) śul can yin pa des mtshon rnon pos de’i mgo bcad nas de’i ’og tu ras kyis g-yogs te ’khod do || mchu can spyod yul nas phyir ’oṅs te | des de ras kyis g-yogs pa mthoṅ nas des smras pa | tsha bo gñis khyed gñis ’khod bźin du yaṅ ’di ñal (3) lam | źaṅ po ’di ltar nam yaṅ ldaṅ bar mi ’gyur ba de ltar ñal lo || mchu can gyis ’di gñis sṅon ma byuṅ ba’i tshig smra na | dri’o sñam du bsams nas | des de gñis la dris pa daṅ | de gñis kyis skabs de rgyas par mchu can la brjod do || (4) mchu can yid mi bde ba skyes pas ras de bśus pa daṅ | de mthoṅ nas de bdag gis mtshon thogs pa gñer bar ma gyur tam sñam du ’gyod pa yaṅ skyes | bśes pa daṅ bral bas ’gyod pas gduṅs pa’i sems gyis yid mi bde bar gyur nas | des (5) skabs de dge sloṅ rnams la rgyas par brjod do || dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de la ni ltuṅ ba med de | yaṅ dge sloṅ gis nad pa’i naṅ g-yog mi mkhas pa bźag (6) ste ’gro bar mi bya’o || gal te ’gro dgos pa’i rkyen de lta bu źig byuṅ na nad g-yog mi mkhas pa la gal te ’di mer mchoṅ ṅam | dug za’am | mtshon ’byin tam | bdag ñid g-yaṅ sar mchoṅ ṅam | thag pas ’chiṅ ṅam | gźan yaṅ mi ’phrod (7) pa za bar byed na bzlog par bya’o źes bsgo ste ’gro bar bya’o || dge sloṅ gis nad g-yog mi mkhas pa la ma bsgo bar de bźin du ’gro na ’gal tshabs can du ’gyur ro || ’di yaṅ byuṅ ba yin gyi re źig saṅs rgyas bcom ldan ’das ’dul ba la ñan thos (117b1) rnams kyi bslab pa’i gźi ’cha’ bar ni mi mdzad do || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na dge sloṅ źig ’dug pa de’i lhuṅ bzed la btsa’ źugs nas | dge (2) sloṅ rnams kyis de la smras pa | tshe daṅ ldan pa khyod kyi lhuṅ bzed ’di btsa’ źugs na ci’i phyir mi sreg | des smras pa | ’di la rdza bo daṅ | lci ba daṅ | til gyi tshigs ma daṅ | yo byad gźan yaṅ maṅ du dgos so || dge sloṅ rnams kyis smras (3) pa | tshe daṅ ldan ba ci lhuṅ bzed med pas ’grub par ’gyur ram | des smra pa | kho bo lhuṅ bzed med pas ’grub par mi ’gyur te | ’di ltar khaṅ khyim che ge mo źig na dge sloṅ źig nad kyis btab ciṅ sdug bsṅal ba na tshabs che ba yun mi riṅ bar (4) dus byed par ’gyur ba de’i lhuṅ bzed gsal ba | zlum pa loṅs spyod par bzod pa de blaṅ bar bya’o || dge sloṅ rnams kyis smras pa | tshe daṅ ldan pa khyod lhuṅ bzed kyi phyir gdol pa daṅ ’dra bar drag śul gyi sems ’di lta bu bskyed du ruṅ ṅam | dge (5) sloṅ de ṅo tsha bar gyur nas caṅ mi smra bar ’dug go | skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag dge sloṅ de la ni ltuṅ ba med de | yaṅ dge sloṅ gis lhuṅ bzed kyi phyir (6) gdol pa daṅ ’dra bar drag śul gyi sems de lta bu bskyed par mi bya’o || dge sloṅ gis lhuṅ bzed kyi phyir gdol pa daṅ ’dra bar drag śul gyi sems de lta bu skyed par byed na ’tshal tshabs can du ’gyur ro || gźan yaṅ dge sloṅ gis lhuṅ bzed mig bźin (7) du yoṅs su bskyaṅ bar bya ste | glan par ’os pa ni glan par bya’o || bsreg par ’os pa ni bsreg par bya’o || dge sloṅ gis lhuṅ bzed glan par ’os pa glan par mi byed dam | bsreg par ’os pa sreg par mi byed na ’gal tshabs can du ’gyur ro || ’di (118a1) yaṅ byuṅ ba yin gyi re źig saṅs rgyas bcom ldan ’das ’dul ba la ñan thos rnams kyi bslab pa’i gźi ’cha’ bar ni mi mdzad do || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ban bźugs so || (2) mñan yod na dge sloṅ źig ’dug pa de’i snam sbyar rñiṅs śiṅ dri mas gos la | rdol bar gyur nas dge sloṅ rnams kyis de la smras pa | tshe daṅ ldan pa khyod kyi snam sbyar ’di rñigs śiṅ dri mas gos la | rdol bar gyur na ci’i phyir ’di mi khru | mi ’tshem | kha (3) sbyur bar mi byed | des smras pa | ’di la zaṅs daṅ | chu daṅ | śiṅ daṅ | skud pa daṅ | tshon daṅ | yo byad gźan yaṅ maṅ du dgos so || dge sloṅ rnams kyis smras pa | tshe daṅ ldan pa ci snam sbyar med pas ’grub par ’gyur ram | des smras pa | kho bo snam (4) sbyar med pas ’grub par mi ’gyur te | ’di ltar khaṅ khyim che ge mo źig na dge sloṅ źig nad kyis btab ciṅ sdug bsṅal ba na tshabs che ba | yun mi riṅ bar dus byed par ’gyur ba de’i snam sbyar ñi rim dmar ser tshon sar pas kha bsgyur ba | loṅs spyad par bzod (5) pa de blaṅ bar bya’o || dge sloṅ rnams kyis smras pa | tshe daṅ ldan pa khyod snam sbyar gyi phyir gdol pa daṅ ’dra bar drag śul gyi sems ’di lta bu bskyed du ruṅ ṅam | de ṅo tsha bar gyur nas caṅ mi smra bar ’dug go | skabs de dge sloṅ rnams kyis bcom ldan (6) ’das la gsol ba daṅ | bcom ldan ’das kyis bka’ stsal pa | dge sloṅ dag dge sloṅ de la ni ltuṅ ba med de | yaṅ dge sloṅ gis snam sbyar gyi phyir gdol pa daṅ ’dra bar drag tshul gyis sems te lta bu bskyed par mi bya’o || dge sloṅ gis snam sbyar gyi phyir gdol pa daṅ (7) ’dra bar drag śul gyi sems de lta bu skyed par byed na ’gal tshabs can du ’gyur ro || gźan yaṅ dge sloṅ gis snam sbyar pags pa bźin du yoṅs su bskyaṅ bar bya ste | bkru bar ’os pa ni bkru bar bya | btsem par ’os pa ni btsem par bya | kha bsgyur bar ’os pa ni (118b1) kha bsgyur bar bya’o || dge sloṅ gis snam sbyar bkru bar ’os pa ’khru bar mi byed dam | btsem par ’os pa ’tshem par mi byed dam | kha bsgyur bar ’os pa kha bsgyur bar mi byed na ’gal tshabs can du ’gyur ro || ’di yaṅ byuṅ ba yin gyi re źig saṅs rgyas bcom ldan ’das (2) ’dul ba la ñan thos rnams kyi bslab pa’i gźi ’cha’ bar ni mi mdzad do || saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na khyim bdag stobs sde źes bya ba phyug pa | nor maṅ ba | (3) loṅs spyod che bźig ’dug pa des rigs mñam pa las chuṅ ma blaṅs nas | de de daṅ lham cig rtse bar byed | dga’ bar byed | dga’ mgur spyod par byed do || rtse bar byed | dga’ bar byed | dga’ mgur spyod par byed pa de’i chuṅ ma la dus gźan źig na sems can (4) źugs par gyur nas | de zla ba brgyad dam | dgu ’das te btsas pa las khye’u gzugs bzaṅ ba | blta na sdug pa | mdzes pa źig byuṅ ṅo || ñi ma bdun gsum ñi śu gcig tu de’i btsas pa’i btsas pa’i gtsas ston rgya cher byas nas khye’u’i miṅ cir gdags źes miṅ (5) ’dogs par byed daṅ ñe du rnams kyis smras pa | gaṅ gi phyir khye’u ’di khyim bdag stobs sde’i bu yin pa de’i phyir khye’u sde pa źes bya’o źes de’i miṅ sde pa źes bya’o źes de’i miṅ sde pa źes bya bar btags so || khyim bdag stobs sde de yaṅ rtse bar byed | dga’ bar byed | dga’ mgur spyod (6) par byed pa las bu źig btsas nas de’i miṅ ni ñe sde źes bya bar btags so || ji tsam dus gźan źig na khyim bdag stobs sde’i chuṅ ma dus la bab nas de de dag gis gos sṅon po daṅ | ser po daṅ | dmar po daṅ | dkar po dag gis khyogs brgyan te | (7) dur khrod du bskyel nas bsregs te mya ṅan bsaṅ ba byas te ’khod do || khyim bdag sto de’i śiṅ dag byas nas gal te bdag gis chuṅ ma gźan blaṅs par gyur na khye’u gñis sdug bsṅal bar ’gyur gyis | bdag gis sde pa’i khyim dbub par bya’o sñam du (119a1) bsams nas | des de’i khyim phub po | ji tsam dus gźan źig na khyim bdag stobs sde na bar gyur nas | de la rtsa ba daṅ | sdoṅ bu daṅ | ’dab ma daṅ | me tog daṅ | ’bras bu’i sman dag gis bsñen bkur byas kyaṅ nad de ñe bar źi bar ma gyur (2) ciṅ ñam dmas nas des sde pa daṅ | ñe sde gñis la sñiṅ bźos nas | bsags pa kun gyi mtha’ zad cig | mthon po rnams kyi mtha’ ltuṅ ’gyur || phrad pa’i mtha’ ni ’bral ba ste || gson po’i mtha’ ni ’chi ba yin || źes bya ba yin pas dus kyi (3) chos daṅ ldan par gyur to || de khye’u gñis kyis gos sṅon po daṅ | ser po daṅ | dmar po daṅ | dkar po dag gis khyogs sbyil brgyan te dur khrod du bskyal nas bsregs te | de’i ’og tu mya ṅan bsaṅ ba byas nas śid dag byas te ’khod do || sde pas bsams pa | (4) gaṅ gi tshe bdag cag pha gson pa de’i tshe na ni gźan gyis srog gso bar byed na | da ni de dus la bab pas khyim gyi bya ba sbyar bar bya dgos te | gal te khyim gyi bya ba dmas pa yal bar bor na ñe du rnams kyis khrel bar ’gyur bas bdag zoṅ thogs te yul gźan (5) du ’gro’o sñam du rig nas | ñe sde la smras pa | nu bo gaṅ gi tshe bdag cag pha gson pa de’i tshe na ni gźan gyis srog gso bar byed na da de dus la bab pas khyim gyi bya ba sbyar bar bya dgos te | gal te khyim gyi bya ba dmas pa yal bar bor na ñe du rnams kyis khrel bar (6) ’gyur gyis | khyod ni ’di ñid na khyim gyi bya ba gyis śig | kho bo ni zoṅ thogs te yul gźan du ’gro’o || ñe sdes smras pa | de ltar mdzod cig sde pa zoṅ maṅ po thogs te yul gźan du soṅ ba daṅ | des der khe spogs maṅ po grub nas sde pas nu bo ñe sde la (7) nu bo kho bos khe spogs maṅ po gru ba ste riṅ por mi thogs par ’oṅ gis brtan pa daṅ | spuṅs daṅ spro ba chen por gyis śig ces spriṅ yig bskur ro || sde pas phyir źiṅ yaṅ khe spogs maṅ po grub nas des phyis kyaṅ de kho na bźin du spriṅ yig bskur ro || yaṅ sde pas (119b1) phyi phyir źiṅ yaṅ khe spogs maṅ po grub nas | des yaṅ de kho na bźin du spriṅ yig bskur te | sde pa de de bźin du dus daṅ mthun pa’i dus su spriṅ yig bskur bar byed do || chos ñid kyis na | gaṅ phyir rñed pa de phyir chags || rñed la chags pa skye (2) bar ’gyur || chags pas zil non mi yis ni || bya daṅ bya min rtogs mi ’gyur | źes bya ba yin pas sde pa de śin tu thag riṅ por soṅ nas phyin chad spriṅ yig skur bar mi byed do || de nas sde pa’i chuṅ ma gos daṅ zas bzaṅ bas ñon moṅs pa (3) dag gis gnon par gyur nas | des ñe sde la mtshan ma ston par byed pa daṅ | ñe sdes dbaṅ po rnams phyir blan te ’dug go || sde pa’i chuṅ ma de ṅo tsha med par gyur nas yaṅ smras pa | ñe sde tshur spyon | ’di daṅ ’di lta bu bgyi’o || ñe sdes rna ba bkab ste smras (4) pa | khyod kho bo’i ma daṅ ’dras phyin cad de skad ma zer cig | bud med kyi yul ni ma bslabs par mkhas pa yin pas sde pa’i chuṅs de ñe du’i khyim du soṅ nas | gos dri ma can dag bgos te | khri źig pa la ’dug cig ’dug go || de la ma daṅ | naṅ gi mi dag (5) gis smras pa | khyod ci’i phyir ’di ltar ’dug | sde pa’i chuṅ mas smras pa | ci bud med kyi yul la gaṅ gnod pa de mi śes sam | kho bo ñon moṅs pa dag gis śin tu gnod par gyur to || de dag gis smras pa | khyod kyi skud pho ñe sde gzugs bzaṅ ba | blta (6) na sdug pa | mdzes pa yin na ci’i phyir de la ’chol bar mi byed | sde pa’i chuṅ mas smras pa | bdag gis de la bcol na ma grub po || de dag gis smras pa | bud med gźan gaṅ dag khyim thab dag ches yun riṅ nas doṅ ste | dus su ma ’khor ba de dag ches dka’ (7) ba byed pa yin no || sde pa’i chuṅ mas smras pa | de dag la ni khyim thab dag gis dus daṅ mthun pa’i dus su gtam rmed par byed de | kho mo la yaṅ gaṅ gi tshe khyim thab gson par gyur pa de’i tshe na ni dus daṅ mthun pa’i dus su spriṅ yig skur bar yaṅ gyur na | da skur (120a1) bar mi byed pas dus la bab gor ma chag go || de dag gis sde pa’i chuṅ ma de la thabs du ma dag gis yid bźos kyaṅ khri las ldaṅ bar mi byed ciṅ | des smras pa | gal te kho mo gźan la mi sbyin na kho mos ṅes par rigs gñig la mi sñan pa (2) ’byuṅ bar bya’o || de nas sde pa’i chuṅ ma’i pha ma daṅ | ñe du daṅ rtsa lag gi tshogs dag gis gros bya bar brtsams te | ’di de ltar zlog tu ma btub pas ṅes par rigs gñig la mi sñan pa ’byuṅ bar byed kyis ñe sde mgron du pos te zan byin la de la ’di sbyin par bya (3) ba ni ’dir dus la bab pa yin no źes gros byas nas | de dag gis ñe sde mgron du bos te zan byin nas smras pa | ñe sde khyod kyi phu bo’i chuṅ ma ’di ñon moṅs pa kun tu spyod pas śin tu g-yen spyo bar gyur pas ṅes par rigs gñi gal mi sñan pa ’byin par byed na | (4) gal te khyod ’di daṅ lhan cig tu kun tu spyod par byed na de lta na legs | gal te mi byed na bdag cag gis ’di gźan la sbyin par bya’o || ñe sdes bsams pa | ’di bdag cag gis byis pa nas bskyed pa yin pas gal te gźan du ’gro bar ’gyur źiṅ rigs gñi (5) ga la mi sñan pa ’byin par gyur na ma legs kyis | bdag gis ’di bdag gir bya’o sñam du rig nas | des daṅ du bluṅ bas khas blaṅs so || de nas ñe sdes sde pa’i chuṅ ma raṅ gi khyim du khrid nas de de daṅ lhan cig rtse bar byed | dga’ bar byed | dga’ mgur (6) spyod par byed do || de la mṅal na gnas pa’i mtshan ma dag byuṅ bar gyur nas | de lan zla dag gis smras pa | ’di ga las ’oṅs | sde pa’i chuṅ mas smras pa | kho mo tshul khrims daṅ ldan pa kho na yin gyis khyed cag brdzun gyi skur pas kho mo la kun du ma (7) spyod cig | de’i grogs mo ches mdza’ ba źig yod pa des smras pa | ci’i phyir gsaṅ bar byed | ’di gdon mi za bar grags par ’gyur gyis smros śig sde pa’i chuṅ mas smras pa | ñe sde las so || legs te khyim thab las sam | skud po las kyaṅ ruṅ (120b1) ’dil ñes pa ’ga’ yaṅ med do || sde pa’i chuṅ ma de sems can daṅ ldan par gyur pa na | sde pas ñe sde la nu po brtan pa daṅ | spuṅs daṅ | spro ba cher gyis śig | kho bo yaṅ yi ge’i rjes bźin kho nar ’oṅ ṅo źes spriṅ yig bskur ro || ñe sdes thos nas (2) ñam ṅa bar gyur te bsams pa | gaṅ gi tshe bdag phu bo de la sprin bźin du lta bar ’dod pa de’i tshe na ni de ma ’oṅs la | da bdag gis ñes par spyad pa ’di lta bus byas na de ’oṅ bar gyur te khon rnams kyi naṅ na ’di lta ste | bud med kyi khon tha chad yin pas bdag la (3) gnod pa byed par ’gyur ba gaṅ yin pa de lta bu’i gnas yod kyis bros te ’gro’o sñam mo || yaṅ bsams pa | yul yoṅs su gtoṅ bar byed pa ni sdug bsṅal ba yin te | śākya ’i sras kyi dge sbyoṅ ’di dag gis kos lar byuṅ ba’i rgyal po gsal rgyal las (4) gźon nu’i yoṅs su spaṅ ba thob pas de dag gi naṅ du rab tu byuṅ nas des der ci źig bya bar ’gyur sñam nas | ñe sde rgyal byed kyi tshal du soṅ ste dge sloṅ gi gan du phyin nas smras pa | ’phags pa bdag rab tu ’byuṅ bar ’tshal lo || dge sloṅ des smras pa | bźin (5) bzaṅs legs te loṅs spyod dag ni ’gyur ba yin gyis rab tu byuṅ śig | dge sloṅ des ñe sde rab tu phyuṅ rdzogs par bsñen pa byas nas de’i ’og tu ñi ma gazañisa sam | gsum du kun tu spyod pa’i chos dag slob du bcug nas smras pa | bźin bzaṅs ri dgas (6) kyis ri dgas mi sos | mñan yod rgya che la raṅ gi spyod yul daṅ yab kyi yul yin gyis bsod sñoms rgyus la ’tsho bar gyis śig | ñe sde mkhan pos de skad bsgo nas mkhan po bka’ bźin ’tshal źes smras te | sṅa dro śam thabs bgos lhuṅ bzed (7) daṅ chos gos thog sate | mñan yod du bsod sñoms la źugs so || de spyod yul la mi mkhas pas groṅ rim gyis raṅ gi khyim du źugs pa daṅ | sde pa’i chuṅ mas ñe sde mthoṅ nas des braṅ brduṅs te smras pa | ñe sde ci’i slad du khyod kyis kho mo spaṅs (121a1) te rab tu byuṅ | ñe sdes smras pa | khyod kyaṅ de skad ces ci’i sladadu | khyod kyis kho mo spaṅs te rab tu byuṅ źes zer ram | gaṅ gi tshe bdag phu bo de la sprin bźin du lta bar ’dod pa de’i tshe na ni de ma ’oṅs la | da bdag gis ñes par spyad (2) pa ’di lta bu byas na de ’oṅ bar ’gyur te | khon rnams kyi naṅ na ’di lta ste | bud med kyi khon tha chad yin pas bdag la gnod par byed par ’gyur ba gaṅ yin pa de lta bu’i gnas yod do || sde pa’i chuṅ mas smras pa | khyod kyis ni re źig bdag ñid thar bar bgyis (3) na | kho mos ji ltar bsgrub par bgyi | ñe sdes smra pa | de ni khyod ñid kyis ñon moṅs pa’i dbaṅ gis rnam par bsams pa yin gyi kho ba ni mi ’dod bźin byed du bcug pa yin pas khyod ñid śes so źes smras te soṅ ṅo || ñe sde’i chuṅ po grogs sṅon sman pa (4) spos ’tshoṅ gi khye’u źig yod pa de sde pa’i chuṅ ma’i khyim du soṅ ste | ñe sde gar soṅ źes dris pa daṅ | sde pa’i chuṅ mas smras pa | ñe sde lam lam por byas te rab tu byuṅ ṅo || gaṅ du śākya ’i sras kyi dge sbyoṅ rnams kyi naṅ du’o || gal te yid mi ches na (5) rgyal byed kyi tshal du soṅ la ltos śig | de rgyal byed kyi tshal du soṅ ba na rab tu byuṅ ba thams cad ma chugs ’dra bas de gaṅ yin mi śes nas | des dge sloṅ źig la dris pa | ’phags pa mñan yod pa’i khyim bdag gi bu ñe sde źes bgyi ba ’dir rab tu byuṅ (6) na ga la mchis | dge sloṅ des bstan nas | spos ’tshoṅ gi khye’u de ñe sde’i druṅ du soṅ ste smras pa | ñe sde khyod kyis ci źig rjes su bsgrubs na kho bo la yaṅ ma dris par rab tu byuṅ | ñe sdes smras pa | khyod kyaṅ de skad ces khyod ci źig rjes su bsgrubs na kho (7) bo la yaṅ ma dris par rab tu byuṅ źes zer ram | gaṅ gi tshe bdag phu bo de la sprin bźin du lta bar ’dod pa de’i tshe na ni ṅe ma ’oṅs la | da bdag gis ñes par sbyaṅ pa ’di lta bu byas na de ’oṅ bar ’gyur te | khon rnams kyi naṅ na ’di lta ste | bud med kyi khon (121b1) tha chad yin pas bdag la gnod par byed par ’gyur ba gaṅ yin pa de lta bu’i gnas yod do || spos ’tshoṅ gi khye’us smras pa | kho bo cag spos ’tshoṅ gi khye’u dag ni sman pa’i phyir yin pas kho bos re źig mṅal na gnas pa blugs par bya ba de lta bu dag (2) byin par gyur na des mṅal na gnas pa de dum bu dum bur źig par ’gyur bźin na | khyod kyis kho bo la ci’i phyir ma smras | ’di ltar da yaṅ sbyin par bya’o || ñe sdes daṅ du blaṅs so || de nas spos ’tshoṅ gi khye’u des rdzas rnon po dag phye mar byas (3) te bu mo źig gi lag tu byin nas smras pa | khyod soṅ la sde pa’i khyim du soṅ ste | sde pa’i chuṅ ma la ñe sde na re phye ma ’di chu dron mo daṅ sbyor la ’thuṅ śig daṅ khyod sos par ’gyur źes zer ro źes gyis śig | bu mo des jo bo bka’ bźin ’tshal źes spos ’tshoṅ (4) gi khye’u las mñan nas sde pa’i khyim ga la ba der soṅ ste phyin nas | sde pa’i chuṅ ma la smras pa | ñe sde’i źal nas phye ma ’di chu dron mo daṅ sbyor la ’thuṅ śig daṅ phyod soṅs par ’gyur źes gsuṅ ṅo || sde pa’i chuṅ ma des phye ma de chu dron mo daṅ sbyar te ’thuṅs (5) pa daṅ | de nas de’i mṅal na gnas pa de dum bu du ma bur źig par gyur ciṅ mṅal na gnas pa’i mtshan ma dag kyaṅ med par gyur to || yaṅ na zla dag gis mthoṅ nas de dag gis smras pa | khyod kyi mṅal na gnas pa de gar soṅ | sde pa’i chuṅ mas smras (6) pa | kho mos daṅ po ñid nas kho mo tshul khrims daṅ ldan pa ñid yin gyis khyed cag brdzun gyi skur pas kho mo la kun tu ma spyod cig ces ma smras sam | de’i grogada mo ches mdza’ ba de de’i gan du soṅ ste smras pa | khyod kyis sṅar ’di skad ces ñe sde las so źes (7) kho mo la smras pa’i mṅal na gnas pa de da gar soṅ | sde pa’i chuṅ mas smras pa | gaṅ kho na las ’oṅs pa de kho nar soṅ ṅo || ji ltar gyur | ñe sdes phye ma rnon po de lta bu byin bas des na mṅal na gnas pa de dum bu dum bur źig par gyur to || de śākya ’i (122a1) sras kyi dge sbyoṅ rnams kyi dge sbyoṅ gi tshul ni tshig go || bram ze’i tshul ni tshig ste | ’di ltar mṅal na gnas pa yaṅ blugs par byed do || źes smod par byed | phyar ka gtor bar byed | kha zer bar byed do || ñe sdes sdig pa’i las ’di (2) daṅ ’di lta bu byas so źes bya ba’i sgra de yaṅ mñan yod kun du grags pa’i skabs de dge sloṅ rnams kyis bcom ldan ’das la gsol to || de nas saṅs rgyas bcom ldan ’das kyis tshe daṅ ldan pa ñe sde la rmas pa | ñe sde khyod kyis sdig pa’i las de lta bu de (3) byas pa bden nam | btsun pa ma bgyis te | ’di ltar bdag gis rjes su yi raṅs par ni bgyis so || bcom ldan ’das kyis bka’ stsal pa | dge sloṅ dag dge sloṅ ñe sde la ni ltuṅ ba med do || yaṅ dge sloṅ gis gnas te lta bu la rjes su yi (4) raṅs par mi bya’o || dge sloṅ gnas te lta bu la rjes su yi riṅs par byed na ’gal tshabs can du ’gyur ro || de’i bar skabs su sde pa don legs par grub ste mñan yod daṅ ñe bar phyin to || ’jig rten ni ’byor pa ’dod la | rgud pa daṅ mi mthun pa yin (5) pas kha cig gis myur ba myur bar doṅ ste sde pa’i chuṅ ma la smras pa | khyod kyi khyim thab don legs par grub ste mñan yod daṅ ñe bar ’oṅs kyis spro ba skyed cig | bud med kyi yul ni ma bslabs par mkhas pa yin pas sde pa’i chuṅ ma de yi chad pa’i sems (6) kyis gos dri ma can dag bgos te | khri źig pa la dug ciṅ ’dug go || ci tsam na sde pa mñan yod du źugs nas zoṅ mdzod du mkhos su phab ste raṅ gi khyim du ’oṅs pa daṅ | khyim ma byugs | byi dor ma byas | gsal ba med pa mthoṅ nas des bu mos mṅag (7) gźug ma la dris pa | khyim bdag gi chuṅ ma gar soṅ | bu mos smras pa | rje’i sras spyod lam bcad de khri źig pa la mchis śiṅ mchis so || de nas sde pa yid mi bde ba skyes te chuṅ ma’i gan du soṅ nas smras pa | bzaṅ mo khyod kho bo ’oṅs pas mi bde’am | (122b1) rje’i sras bdag khyod byon pas mi bde ba ma mchis te | ’di ltar rje’i sras kyi sruṅ ma gaṅ lags pa de dag ñid rkun ma dag lags so || ci źig byas | bkag bźin du ñe sdes nan gyis kho mo bdag gir bgyis so || bzaṅ mo de ni des khyod zin gyis mnan pa ma yin (2) gyis kho bo za’ila gyis mnan pa yin gyis loṅs śig daṅ kho bos de la mtshams gcad par bya’o || bzaṅ mo ñe sde ga la ’dug | rje’i sras khyod byon pa thos nas rab tu byuṅ ṅo || gaṅ du rgyal byed kyi tshal du śākya ’i sras kyi dge sbyoṅ rnams kyi naṅ du’o || bzaṅ mo ci (3) de ’digs pa med pa’i groṅ khyer yin nam | kho bo der soṅ la de la mtshams chen po gcad par bya’o || ’jig rten ni mdza’ bśes daṅ | dgra bo daṅ | bar ma yin pas kha cig ñe sde’i druṅ du soṅ ste smras pa | ñe sde khyod kyi phu po ’oṅs so || ñe sdes smras pa ji skad (4) zer | de dag gis smras pa | ci de ’jigs pa med pa’i groṅ khyer yin nam | kho bo der yaṅ soṅ la de la mtshams chen po gcad par bya’o źes zer ro || ñe sdes de thos nas ñam ṅa bar gyur te bsams pa | bdag ’jig pa gaṅ gis rab tu byuṅ ba de ’dir yaṅ (5) ’byuṅ bar mi ’gyur ram | ’di ltar bdag cag rgyal pos gźon nu’i yoṅs su spaṅ ba byin mod kyi ’on kyaṅ bdag ñes pa daṅ bcas pa yin pas gal te bdag la ’dir yaṅ gnod pa byed par ’gyur ba’i gnas yod kyis bros te ’gro’o sñam nas | des mkhan po (6) la mkhan po bdag ’jigs pa gaṅ gis rab tu byuṅ ba de ’dir yaṅ rjes su ’brel par gyur to źes byuṅ ba’i mtha’ de rgyas par brjod do || mkhan pos smras pa | bu ci ñes mkhan po bdag gi phu bo de mchis nas te por mchid ’bo źiṅ ji de ’jigs pa med pa’i (7) groṅ khyer yin nam | kho bor der yaṅ soṅ la de la mtshams chen po gcad par bya’o źes mchi’o || ’di ltar bdag cag rgyal pos gźon nu’i yoṅs su spaṅ ba stsal mod kyi ’on kyaṅ bdag noṅs pa daṅ bcas pa lags pas gal te na ’dir yaṅ bdag la gnod (123a1) pa bgyid par ’gyur ba’i gnas mchis kyis bros te mchi’o || bu gaṅ du ’gro mkhan po rgyal po’i khab tu’o || bu de na kho bo’i mdza’ bśes dge sloṅ źig ’dug gis de la spriṅ yig bskur gyis | de’i druṅ na ’dug śig daṅ | de khyod la byams (2) pas rjes su skyoṅ bar ’gyur ro || mkhan po legs so || des dge sloṅ de la sṅar bro rma ba bris te || bdag gi lhan cig gnas pa ’di bdag gis khyod kyi gan du btaṅ ste ’oṅ gis | de’i slad du ji ltar ’din mṅon par dga’ ba bźin du byams pas rjes (3) su skyoṅ śig ces spriṅ yig bris nas | ñe sdes spriṅ yig de mnos te bag tshab yid mi bde źiṅ phyogs su rnam par lta bźin du rgyal po’i khab tu ’phags te mthar gyis rgyal po’i khab tu soṅ nas thos pa brgyud pas dge sloṅ de’i gan du phyin nas rkaṅ ba gñis la (4) mgo bos phyag ’tshal te spriṅ yig phul nas mtha’ gcig tu ’dug go || de nas dge sloṅ des spriṅ yig blags te smras pa | tshe daṅ ldan pa ’oṅs pa legs so ’oṅs pa legs so || ji ltar khyod de’i ñe gnas yin pa de bźin du kho bo’i yaṅ yin gyis bslab (5) pa la gus par gyis śig daṅ | kho bos khyod lhuṅ bzed daṅ | chos gos daṅ | dra ba daṅ | phor bu daṅ | ska rags kyis mi brel bar bya’o || gźan yaṅ dge sloṅ gi las ni gñis te | bsam gtan daṅ | klog pa yin na khyod bsam gtan daṅ | klog (6) pa gaṅ ’dod | bsam gtan ’tshal lo || bu legs so || des de la gdams ṅag byin nas ñe sde bsil ba tshal gyi dur khrod du soṅ ste brtson pa daṅ | ’bad pa daṅ | brtsal bas ñon moṅs pa thams cad spaṅs nas dgra bcom pa ñid mṅon du byas te | (7) dgra bcom pa khams gsum pa las ’dod chags daṅ bral ba | boṅ pa daṅ gser du mñam pa | nam mkha’ daṅ lag mthil du mtshuṅs pa’i sems ldan pa | tsan dan bźag pa lta bu | rig pas sgo ṅa’i sbubs dral bar gyur ciṅ | rig pa daṅ | mṅon pa (123b1) śes pa daṅ | so sor yaṅ dag par rig pa thob pa | srid pa daṅ | ’dod pa’i rñed pa daṅ | bkur sti la rgyab kyis phyogs pa | dbaṅ po daṅ | ñe dbaṅ daṅ bcas pa’i lha rnams kyis mchod par bya ba daṅ | rjed par bya ba daṅ | mṅon du smra bar bya bar gyur to || de’i (2) bar skabs su sde pa yaṅ rgyal byed kyi tshal du soṅ ste dge sloṅ rnams la dris pa | ’phags pa dag ’di na mñan yod pa’i khyim bdag gi bu rab tu byuṅ ba źig mchis sam | rab tu byuṅ ṅo || de ga la mchis | rgyal po’i khab tu soṅ ṅo || de khyod kyi cir ’oṅ | nu bor (3) mchi’o || sde pas dge sloṅ de dag gi rkaṅ pa la phyag ’tshal te soṅ nas bsams pa | rgyal po’i khab kyaṅ ’jigs pa med pa’i groṅ khyer ma yin gyis bdag der yaṅ soṅ la de la mtshams chen po gcad par bya’o sñam nas | de lam brgyags maṅ po daṅ | kār (4) śā pa ṇa dag khyer te rgyal po’i khab tu soṅ ṅo || de ’od ma’i tshal du soṅ nas dge slod rnams la dris pa | ’phags pa dag ’di na mñan yod pa’i khyim bdag gi bu rab tu byuṅ ba źig mchis sam | ’dir ’oṅs so || de khyod kyi cir ’oṅ | nu bor mchi’o || (5) de ga la mchis | bsil ba tshal gyi dur khrod na’o || sde pa de bsil ba tshal gyi dur khrod du soṅ ba daṅ | des ñe sde byis pa’i gnas skabs na mthoṅ ba chen por gyur pas mkhas pa daṅ | rnam par gnon pa las ṅo mi śes mod kyi te por brtags pa daṅ | bźin (6) gzugs las ṅo śes par gyur nas | des bsams pa | gal te ’dis bdag ṅo śes par gyur na ṅes par ’dis bdag gsod par byed pas de’i thabs sbyar bar bya’o sñan nas | de mtha’ gcig tu soṅ ste phyogs su rnam par lta źiṅ ’dug go || ji tsam na lam (7) der rṅon pa lag na mda’ gźu thogs pa źig ri dgas śor ba’i phyir ’oṅs pa daṅ | sde pa de’i gan du soṅ ste smras pa | kye grogs po khyod lag na mda’ gźu thogs te gar ’gro | des smras pa | grogs po ri dgas śor du’o || de las khyod kyis rñed pa ji tsam (124a1) ’grub | grogs po lan ’ga’ ni ’grub | lan ’ga’ ni mi ’grub bo || gaṅ gi tshe ’grub pa de’i tshe na maṅ ñuṅ ji tsam grogs po kār ṣā pa ṇa lṅa brgya tsam mo || sde pas smras pa | grogs po gal te de lta na rab tu byuṅ ba ’di sod cig (2) daṅ kho bos khyod la kār ṣā pa ṇa lṅa brgya sbyin no || rṅon pa de ’dod pas draṅs pa’i yid daṅ ldan pas des sde pa las kār ṣā pa ṇa lṅa brgya blaṅs nas de’i ’og tu bsams pa | rab tu byuṅ ba ’di dag ni rgyal po gzugs can sñiṅ pos gźon nu’i yoṅs su spaṅ ba byin pa yin (3) la | bdag ni phyogs ’dir rtag tu rgyub yin pas gal te bdag gis rab tu byuṅ ba ’di bsad par gyur na bdag kyaṅ bu daṅ | rtsa lag daṅ | phyugs daṅ bcas te ṅes par btson rar bcug ciṅ bsad par ’gyur ro || ’di ltar khyim bdag ’di ni na le śam (4) dkar po ’byuṅ ba daṅ ’dra bar ’di ga las ’oṅs pa sus kyaṅ mi śes pa yin gyis | rnam pa thams cad du ’di gsad par bya’o sñam nas rṅon pa des mda’ dug can gyis gźu rṅa’i dbyibs ltar rna druṅ du thug par bkaṅ ste sṅe pa’i gnad du bsnun to || sde pa de sdug (5) bsṅal gyi tshor ba dag gis ñen pas bdag bsad par gyur pa gaṅ yin pa de thams cad ṅes par rab tu byuṅ ba ’dis rṅon pa ’di daṅ lhan cig brda byas pa yin gyis gaṅ du ’di gsod par ’agyu.ura ba der skye ba blaṅ ṅo sñam du sems dag gos bar byed ciṅ des smon lam (6) log par btab nas | ñe sde’i gnas khaṅ gi sgo glegs ’drud pa’i ’og tu sbrul dug myur du khyab par byed pa źig tu skyes so || dgra bcom pa dag ni ma bsams par śes pa daṅ mthoṅ ba mi ’jug pas ñe sdes sgo glegs phye bas sbrul dug myur du khyab par byed (7) pa de śi bar gyur to || de nas sgo glegs ’drud pa’i steṅ tu skyes nas ṅer yaṅ śi bar gyur to || de nas khri’i rkaṅ rten gcig gi ’og tu skyes nas der yaṅ śi bar gyur to || de bźin du lan gñis lan gsum lan bźir ’og tu skyes nas der yaṅ śi bar gyur (124b1) to|| ji lta ji ltar ’chi bar ’gyur ba | de lta de ltar dug śin tu rno ba daṅ | lus śin tu phra bas ñiṅ mtshams sbyor ba len par byed do || ji tsam dus gźan źig na de steṅ gi spaṅ leb kyi bar du skyes nas tshe daṅ ldan pa ñe sde gcig bu dben par soṅ ste naṅ du yaṅ (2) dag ’jog la źugs pa’i lus la lhuṅ bar gyur to || de na tshe daṅ ldan pa ñe sdes dge sloṅ rnams la smras pa | tshe daṅ ldan pa dag kho bo’i lus la sbrul dug myur du khyab par byed pa | ’bar ba | rno ba | dug drag pa ’di lta ste | dper na mig sman gyi thur ma (3) ltar phra ba lhuṅ gis | kye tshe daṅ ldan pa dag lus kyi thag kor nas zuṅ la ’di ñid du ’di lta ste | dper na sbun pa’i chaṅ bu ltar źigs par mi ’gyur bar gtsug lag khaṅ gi phyi rol du phyuṅ śig | de’i tshe na tshe daṅ ldan pa śā ri’i bu tshe daṅ ldan pa ñe sde daṅ ha caṅ mi riṅ (4) ba’i śiṅ druṅ źig na rten ciṅ ñin mo gnas pa’i phyir ’dug go || tshe daṅ ldan pa śā ri’i bus tshe daṅ ldan pa ñe sde’i tshig brjod pa rnam pa de lta bu de thos so || thos nas kyaṅ tshe daṅ ldan pa ñe sde ga la ba der soṅ ste phyin nas tshe daṅ ldan pa ñe sde la ’di skad ces smras so || bdag (5) gis tshe daṅ ldan pa ñe sde’i bźin gźan du gyur pa’am | dbaṅ po rnams sna tshogs su gyur par ma mthoṅ na | ’on kyaṅ tshe daṅ ldan pa ñe sde ’di skad ces tshe daṅ ldan pa dag kho bo’i lus la sbrul dug myur du khyab par byed pa | ’bar ba | rno ba | dug drag pa ’di lta ste | dper (6) na mig sman gyi thur ma ltar phra ba lhuṅ gis | kyi tshe daṅ ldan pa dag lus kyi than kor nas zuṅ la ’di ñid du ’di lta ste | dper na sbun pa’i chaṅ bu ltar źigs par mi ’gyur bar gtsug lag khaṅ gi phyir rol du phyuṅ śig ces zer | tshe daṅ ldan pa śā ri’i bu gaṅ la ’di ltar (7) mig bdag yin no || mig bdag gi yin no || rna ba daṅ | sna daṅ | lce daṅ | lus daṅ | yid bdag yin no || yid bdag gi yin no || gzugs bdag yin no || gzugs bdag gi yin no || sgra daṅ | dri daṅ | ro daṅ | reg bya daṅ | chos bdag yin (125a1) no|| chos bdag gi yin no || sa’i khams bdag yin no || sa’i khams bdag gi yin no || chu’i khams daṅ | me’i khams daṅ | rluṅ gi khams daṅ | rnam par śes pa’i khams bdag yin no || rnam par śes pa’i (2) khams bdag gi yin no || gzugs kyi phuṅ po bdag yin no || gzugs kyi phuṅ po bdag gi yin no || tshor ba’i phuṅ po daṅ | ’du śes kyi phuṅ po daṅ | rnam par śes pa’i phuṅ po bdag yin no || rnam par śes pa’i phuṅ po bdag (3) gi yin no zes bya ba yod pa de la ni bźin gźan du gyur pa’am | dbaṅ po rnams sna tshogs su gyur par ’gyur gyi || tshe daṅ ldan pa śā ri’i bu kho bo la ni ’di ltar mig bdag yin no || mig bdag gi yin no || rna ba daṅ | sna daṅ | lce daṅ | lus daṅ | yid (4) bdag yin no || yid bdag gi yin no || gzugs bdag yin no || gzugs bdag gi yin no || sgra daṅ | dri daṅ | ro daṅ | reg bya daṅ | chos bdag yin no || chos bdag gi yin no || sa’i khams bdag yin no || sa’i khams bdag gi yin (5) no|| chu’i khams daṅ | me’i khams daṅ | rluṅ gi khams daṅ | nam mkha’i khams daṅ | rnam par śes pa’i khams bdag yin no || rnam par śes pa’i khams bdag gi yin no || gzugs kyi phuṅ po bdag yin no || gzugs kyi phuṅ po (6) bdag gi yin no || tshor ba’i phuṅ po daṅ | ’du śes kyi phuṅ po daṅ | ’du śes kyi phuṅ po daṅ | ’du byed kyi phuṅ po daṅ | rnam par śes pa’i phuṅ po bdag yin no || rnam par śes pa’i phuṅ po bdag gi yin no || źes bya ba med pas kho bo’i bźin gźan du gyur pa’am | dbaṅ (7) po rnams sna tshogs su gyur par ga la ’gyur | tshe daṅ ldan pa ñe sdes yun riṅ po nas bdag tu ’dzin pa daṅ | bdag gir ’dzin pa daṅ | ṅa’o sñam pa’i ṅa rgyal daṅ | mṅon par źen pa daṅ | bag la ñams dag spaṅs śiṅ yoṅs su śes la | ta la’i (125b1) mgo bźin du druṅs nas bcad ciṅ gźi mi snaṅ la phyis kyaṅ mi skye ba’i chos can du gyur pas khyod la bźin gźan du gyur pa’am | dbaṅ po rnams sna tshogs su gyur par ga la ’gyur | de nas tshe daṅ ldan pa śā ri’i bu dge sloṅ rab tu maṅ po dag daṅ bcas pas | (2) cho daṅ ldan pa ñe sde’i lus kyi than kor nas bzuṅ ste gtsug lag khaṅ gi phyi rol du bskyal nas | tshe daṅ ldan pa ñe sde’i lus ’di lta ste | dper na sbun pa’i chaṅ bu ltar rnam pa brgyar źigs so || de nas tshe daṅ ldan pa śā ri’i bus de’i tshe tshigs su bcad pa smras pa | (3) tshaṅs spyod legs par spyad pa daṅ || lam ñid legs par bsgoms pa ni ||
tshe zad dga’ bar ’gyur ba ste || nad daṅ bral ba ji bźin no || tshaṅs spyod legs par spyad pa daṅ || lam ñid legs par bsgoms pa ni ||
tshe zad dga’ bar ’gyur ba ste || dug (4) snod sbaṅs ba ji bźin no || tshaṅs spyod legs par spyad pa daṅ || lam ñid legs par bsgoms pa ni ||
’bar ba’i khyim nas thar ba ltar || ’chi ba’i mthar ni mya ṅan med || tshaṅs spyod legs par spyad pa daṅ || lam ñid legs par bsgoms pa ni ||
(5) gaṅ tshe ’jig rten śes rab kyis || rtswa daṅ śiṅ ’drar mthoṅ gyur pa ||
de tshe ñid mtshams sbyor med las || gźan pa ’dod par mi byed do || de nas tshe daṅ ldan pa śā ri’i bus tshe daṅ ldan pa ñe sde’i lus la lus kyi mchod pa byas nas | bcom ldan ’das gal ba (6) der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das la tshe daṅ ldan pa śā ri’i bus ’di skad ces gsol to || btsun pa tshe daṅ ldan pa ñe sde’i lus la sbul dug (7) myur du khyab par bgyid pa | ’bar ba | rno ba | dug drag pa ’di lta ste | dper bgyi na | mig sman gyi thur ma ltar phra ba lhuṅ nas | de’i lus ’di lta ste | dper bgyi na sbun pa’i chaṅ bu ltar źigs par gyur to || śā ri’i bu tshe daṅ ldan pa ñe sde la gal te de’i (126a1) tshe tshigs su bcad pa ’di dag daṅ | gsaṅ sṅags kyi tshig ’di dag snaṅ bar gyur na de’i lus sbrul dug myur du khyab par byed pa | ’bar ba | rno ba | dug drag pas tshugs par mi ’gyur źiṅ | de’i lus ’di lta ste | dper na sbun pa’i chaṅ (2) bu ltar źigs par yaṅ mi ’gyur ro || btsun pa tshigs su bcad pa de dag daṅ | gsaṅ sṅags kyi tshig de dag gaṅ lags | de nas bcom ldan ’das kyis de’i tshe tshigs su bcad pa bka’ stsal pa |

.