[Saṃghāvaśeṣa 5]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de’i tshe na mñan yod na ri dgas ’dzin kyi bu nag po źes bya ba ’dug ste | de mñan yod pa’i bram (4) ze daṅ | khyim bdag rnams kyi gtam ’dre ba phebs par smra ba smos ’drin ’grogs bśes | yid gcugs pa | khyim du ’jug par byed pa yin pas gaṅ yaṅ ruṅ pa dag la bu mo sbyin par bya ba yod pa de dag kyaṅ ri dgas ’dzin gyi bu nag po’i gan du soṅ ste | ’di skad ces nag po khyod kyis (5) khyim che ge mo źig śes sam źes ’dri’o || des śes so źes smras pa daṅ | de dag de la nag po ji lta de na | khye’u de mkhas pa daṅ le lo med pa daṅ | sgrub phoṅ pa daṅ | khye’u de bu mo la bza’ ba daṅ | bgo ba maṅ po sbyin nus pa daṅ | las chuṅ ba yin nam źes ’dri’o || gal te (6) ri dgas ’dzin gyi bu nag pos ’di skad ces khye’u de te por mi mkhas pa daṅ | le lo can daṅ | sgrub mi phod pa daṅ | khye’u de bu mo de la bza’ ba daṅ | bgo pa maṅ po sbyin mi nus pa daṅ | las che ba yin no źes bstan par gyur na des na de dag bu mo de khye’u de la sbyin par mi byed do || gal te (7) ri dgas ’dzin gyi bu nag pos ’di skad ces khye’u de te por mkhas pa daṅ | le lo med pa daṅ | sgrub mi phod pa daṅ | khye’u de bu mo de la bza’ ba daṅ | bgo ba maṅ po sbyin mi nus pa daṅ | las chuṅ ba yin no źes bstan par ’gyur na des na de dag bu mo de khye’u de la sbyin par byed do || gaṅ yaṅ (229a1) ruṅ bdag bu mo sloṅ bar byed pa de dag kyaṅ ri dgas ’dzin gyi bu nag po’i gan du soṅ ste ’di skad ces nag po khyod kyis khyim che ge mo źig śes sam źes ’dri’o || des śes so źes smras pa daṅ | de dag de la nag po ji lta de na bu mo de mkhas pa daṅ | le lo med pa daṅ | sgrub (2) phoṅ po daṅ | bu mo de bag yod par khyim na gnas par nus pa yin nam źes ’dri’o || gal te ri dgas ’dzin gyi bu nag pos ’di skad ces bu mo de te por mi mkhas pa daṅ le lo can daṅ sgrub mi phod pa daṅ | bu mo de bag yod pas khyim na gnas par mi nus pa yin no źes bstan par gyur na (3) des na de dag bu mo de sloṅ bar mi byed do || gal te ri dgas ’dzin gyi bu nag pos ’di skad ces bu mo de te por mkhas pa daṅ | le lo med pa daṅ | sgrub phod pa daṅ | bu mo de bag yod pas khyim na gnas par nus pa yin no źes bstan par gyur na des na de dag bu mo de sloṅ bar byed do || (4) ri dgas ’dzin gyi bu nag pos de ltar bstan nas gaṅ yaṅ ruṅ bdag gi bu mo sbyin ñes par gyur na | de dag ’di skad ces bdag cag gi ri dgas ’dzin gyi bu nag po la dris nas bu mo byin na khye’u de mi mkhas pa daṅ | le lo can daṅ | sgrub mi phod pa daṅ | khye’u de bu mo la bza’ ba daṅ | (5) bgo ba maṅ po sbyin mi nus pa daṅ | las che ba yin pas gaṅ dag la ri dgas ’dzin gyi bu nag po gtam ’dres pa | phebs par smra ba smos ’drin | ’grogs bśes yid gcugs pa | khyim du ’jug par byed par bdog pa de dgas yaṅ ’di ltar ’gyur ro źes mi bsṅags brjod par (6) byed do || gaṅ yaṅ ruṅ bdag gi bu mo sbyin legs par gyur na de dag ’di skad ces bdag cag gis ri dgas ’dzin gyi bu nag po la dris nas bu mo byin na khye’u de mkhas pa daṅ | le lo med pa daṅ | sgrub phod pa daṅ | khye’u de bu mo la bza’ ba daṅ | bgo ba maṅ po sbyin nus pa daṅ | (7) las chuṅ ba yin pas gaṅ dag la ri dgas ’dzin gyi bu nag po gtam ’dres pa | phebs par smra ba smos ’drin ’grogs bśes | yid gcugs pa khyim du ’jug par byed par bdog pa de dag la yaṅ ’di ltar ’gyur ro źes bsṅags brjod par byed do || de bźin du gaṅ yaṅ ruṅ bdag gis (229b1) bu mo bslaṅ ñes par gyur na | de dag ’di skad ces bdag cag gis ri dgas ’dzin gyi bu nag po la dris nas bu mo bslaṅs na bu mo de mi mkhas pa daṅ | le lo can daṅ | sgrub mi phod pa daṅ | bu mo de bag yod pas | khyim na gnas par mi nus pa yin pas gaṅ dag la ri dgas ’dzin (2) gyi bu nag po gtam ’dres pa phebs par smra ba smos ’drin | ’grogs bśes | yid gcugs pa khyim du ’jug par byed par bdog pa de dag la yaṅ ’di ltar ’gyur źes mi bsṅags pa rjod par byed do || gaṅ yaṅ ruṅ pa dag gis bu mos bslaṅ legs par gyur na de dag ’di skad ces bdag (3) cag gis ri dgas ’dzin gyi bu nag po la dris na bu mo bslaṅs na bu mo de mkhas pa daṅ | le lo med pa daṅ | sgrub phod pa daṅ | bu mo de bag yod pas khyim na gnas par nus pa yin pas gaṅ dag la ri dgas ’dzin gyi bu nag pos gtam ’dres pa | phebs par smra ba smos ’drin | ’grogs (4) bśes | yid gcugs pa khyim du ’jug par byed par ’dog pa de dag la yaṅ ’di ltar ’gyur ro źes bsṅags pa rjod par byed do || de na ri dgas ’dzin gyi bu nag po la mñan yod na dus gcig tu bsṅags pa daṅ bsṅags pa ma yin pa dag byuṅ bar gyur to || de dus gźan źig na saṅs (5) rgyas la mṅon par dad | chos daṅ dge ’dun la mṅon par dad | saṅs rgyas la skyabs su soṅ | chos daṅ dge ’dun la skyabs su soṅ źiṅ | des srog gcod pa spaṅs te | srog gcod pa las phyir ldog | ma byin par len pa daṅ | ’dod pas log par g-yem pa daṅ | (6) brdzun du sma ba daṅ | ’bru’i chaṅ daṅ bcos pa’i chaṅ myos par ’gyur ba bag med pa’i gnas spaṅs te | ’bru’i chaṅ daṅ bcos pa’i chaṅ myos par ’gyur ba bag med pa’i gnas las phyir ldog go || des dus cuṅ źig khyim par khyim na ’dug nas dad pa sṅa ma de ñid rjes su spel (7) źiṅ skra daṅ ka spu bregs te gos gur smrig dag bgos nas yaṅ dag pa kho nar dad pas legs par gsuṅs pa’i chos ’dul ba la khyim nas khyim med par rab tu byuṅ ṅo || de de ltar rab tu byuṅ nas kyaṅ ma ñan yod pa’i bram ze daṅ khyim bdag rnams daṅ sṅon bśes pa ñid kyis de (230a1) dag gi gtam ’dre ba | phebs par smra ba smos ’drin ’grogs bśes yid gcugs pa | khyi mdu ’jug par byed pa yin pas gaṅ yaṅ ruṅ ba dag la bu mo sbyin par bya ba yod pa de dag kyaṅ ri dgas ’dzin gyi bu nag po’i gan du soṅ ste | ’di skad ces ’phags pa khyod (2) kyi sa khyim che ge mo źig mkhyen tam źes ’dri’o || des śes so źes smras pa daṅ | de dag de la ’phags pa ji lta de na khye’u de mkhas pa daṅ | le lo ma mchis pa daṅ | sgrub phod pa daṅ | khye’u de bu mo la bza’ ba daṅ | bgo ba maṅ po stsol rṅo thog pa daṅ | las chuṅ ba lags (3) sa ma źes ’dri’o || gal te ri dgas ’dzin gyi bu nag pos ’di skad ces bźin bzaṅs dag khye’u de te por mi mkhas pa daṅ | le lo can daṅ | sgrub mi phod pa daṅ | khye’u de bu mo la bza’ ba daṅ | bgo ba maṅ po sbyin mi nus pa daṅ | las che ba yin no źes bstan par gyur na des na de (4) dag bu mo de khye’u de la sbyin par mi byed do || gal te ri dgas ’dzin gyi bu nag pos ’di skad ces bźin bzaṅs dag khye’u de te bor mkhas pa daṅ | le lo med pa daṅ | sgrub phod pa daṅ | khye’u de bu mo la bza’ ba daṅ | bgo ba maṅ po sbyin nus pa daṅ | las chuṅ ba yin no źes bstan (5) par gyur na des na de dag bu mo de khye’u de la sbyin par byed do || gaṅ yaṅ ruṅ ba dag bu mo sloṅ bar byed pa de dag kyaṅ ri dgas ’dzin gyi bu nag po’i gan du soṅ ste ’di skad ces ’phags pa khyod kyis khyim che ge mo źig mkhyen tam źes ’dri’o || des śes so źes smras pa daṅ | de dag de la (6) ’phags pa ji lta de na bu mo de mkhas pa daṅ | le lo ma mchis pa daṅ | sgrub phod pa daṅ | bu mo de bag yod pas khyim na gnas par rṅo thog pa lags sam źes ’dri’o || gal te ri dgas ’dzin gyi bu nag pos ’di skad ces bźin bzaṅs dag bu mo de te bor mi mkhas pa daṅ | le (7) lo can daṅ | sgrub mi phod pa daṅ | bu mo de bag yod pas khyim na gnas par mi nus pa yin no źes bstan par gyur na des na de dag bu mo de sloṅ bar mi byed do || gal te ri dgas ’dzin gyi bu nag pos ’di skad ces bźin bzaṅs dag bu mo de te por mkhas pa daṅ | le lo med pa daṅ | (230b1) sgrub phod pa daṅ | bu mo de bag yod pas khyim na gnas par nus pa yin no źes bstan par gyur na des na de dag bu mo de sloṅ bar byed do || ri dgas ’dzin gyi bu nag pos de ltar bstan nas gaṅ yaṅ ruṅ ba dag gis bu mo sbyin ñes par gyur na de dag ’di skad ces bdag cag gis ri dgas (2) ’dzin gyi bu nag po la dris nas bu mo byin na khye’u de mi mkhas pa daṅ | le lo can daṅ | sgrub mi phod pa daṅ | khye’u de bu mo la bza’ ba daṅ | bgo ba maṅ po sbyin mi nus pa daṅ | las che ba yin pas gaṅ dag la ri dgas ’dzin gyi bu nag po gtam ’dres pa | phebs par smra ba smos ’drin | (3) ’grogs bśes yid gcugs pa | khyim du ’jug par byed par bdog pa de dag la yaṅ ’di ltar ’gyur ro źes mi bsṅags pa rjod par byed do || gaṅ yaṅ ruṅ ba dag gis bu mo sbyin legs par gyur na de dag ’di skad ces bdag cag gis ri dgas ’dzin gyi bu nag po la dris nas bu mo byin na (4) khye’u de mkhas pa daṅ | le lo med pa daṅ | sgrub phod pa daṅ | khye’u de bu mo la bza’ ba daṅ | bgo ba maṅ po sbyin nus pa daṅ | las chuṅ ba yin pas gaṅ dag la ri dgas ’dzin gyi bu nag tho gtam ’dres pa | phebs par smra ba smos ’drin | ’grogs bśes yid gcugs pa | (5) khyim du ’jug par byed par bdog pa de dag la yaṅ ’di ltar ’gyur ro źes bsṅags brjod par byed do || de bźin du gaṅ yaṅ ruṅ ba dag gis bu mo bslaṅ ñes par gyur na de dag ’di skad ces bdag cag gis ri dgas ’dzin gyi bu nag po la dris nas bu mo de bslaṅs na bu mo de mi mkhas pa (6) daṅ | le lo can daṅ | sgrub mi phod pa daṅ | bu mo de bag yod pas khyim na gnas par mi nus pa yin pas gaṅ dag la ri dgas ’dzin gyi bu nag po gtam ’dre ba | phebs par smra ba smos ’drin ’grogs bśes | yid gcugs pa | khyim du ’jug par byed par bdog pa de dag la yaṅ (7) ’di ltar ’gyur ro źes mi bsṅags brjod par byed do || gaṅ yaṅ ruṅ ba dag gis bu mo bslaṅ legs par gyur na de dag ’di skad ces bdag cag gis ri dgas ’dzin gyi bu nag po la dris nas bu mo bslaṅs na bu mo de mkhas pa daṅ | le lo med pa daṅ | sgrub phod pa daṅ | bu mo de bag (231a1) yod pas khyim na gnas par nus pa yin pas gaṅ dag la ri dgas ’dzin gyi bu nag po gtam ’dre ba | phebs par smra ba smos ’drin | ’grogs bśes | yid gcugs pa khyim du ’jug par byed par bdog pa de dag la yaṅ ’di ltar ’gyur ro źes bsṅags pa rjod par byed (2) do || de na ri dgas ’dzin gyi bu nag po la mñan yod na dus gcig na bsṅags pa daṅ bsṅags pa ma yin pa dag byuṅ bar gyur to || de ni re źig byuṅ ba yin gyi saṅs rgyas bcom ldan ’das kyis re źig ’dul ba la ñan thos rnams kyi bslab pa’i gźi bca’ ba ni mdzad do || saṅs (3) rgyas bcom ldan ’das mñan yod na rgyal byed kyi tshal dgon med zas sbyin gyi kun dga’ ra ba na bźugs so || de’i tshe na dge sloṅ drug sde dag bud med la skyes pa’i tshig daṅ | skyes pa la bud med kyi tshig gis chuṅ ma ñid dam | mdza’ na mo ñid du smyan byed nas mu stegs can dag (4) śes ldan dag śākya ’i bu’i dge sloṅ ’di dag ni bud med la skyes pa’i tshig daṅ | skyes pa la bud med kyi tshig gis chuṅ ma ñid daṅ | mdza’ na mo ñid du smyan byed de | bram ze daṅ | khyim bdag bslab pa’i gźi yaṅ dag par ma blaṅs pa gźan dag kyaṅ bud med la skyes pa’i tshig (5) daṅ | skyes pa la bud med kyi tshig gis chuṅ ma ñid dam | mdza’ na mo ñid du smyan byed na | śes ldan dag śākya ’i bu’i dge sloṅ rnams daṅ | bram ze daṅ | khyim bdag bslab pa’i gźi yaṅ dag par ma blaṅs pa rnams la bye brag ni ci yod | bsam pa ni ci yod | tha dad du bya (6) ba ni ci yod | dge sbyoṅ mgo reg ’di dag la su źig bsod sñoms sbyin pa daṅ bya bar sems źes smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | (7) gliṅ gźi ’di daṅ | skabs ’a di la dge sloṅ gi dge ’dun bsdu ba mdzad do || de bźin gśegs pa ni don gyi dbaṅ gñis gzigs pa na dge sloṅ gi dge ’dun sdud par mdzad de | ’di lta ste | ṅa’i ñan thos rnams kyis kun śes pa ñid du bya ba’i phyir daṅ | ṅas ’dul ba (231b1) la bslab pa’i gźi legs par bcas par ’gyur ba’o || saṅs rgyas bcom ldan ’das rnams ni mkhyen bźin du rmed par mdzad pa ste | mkhyen bźin du rmed pa | mkhyen kyaṅ mi rmed pa | dus su rmed pa | dus las yol bar mi rmed pa | don daṅ ldan pa rmed pa | don daṅ mi (2) ldan par mi rmed pas saṅs rgyas bcom ldan ’das rnams ni don daṅ mi ldan pa rmed pa la chu lon gyis zlog par mdzad pa yin no || de la saṅs rgyas bcom ldan ’das rnams ni don daṅ mi ldan pa rmed pa la dus mkhyen pa yin pas | saṅs rgyas bcom ldan ’das kyis drug sde rnams la (3) rmas pa | dge sloṅ dag khyed kyis mi mdzes pa de lta bu de byas par gyur pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba (4) ma yin no źes bya ba la sogs pas rnam par smad pa mdzad do || de nas bcom ldan ’das kyis rnam graṅs dums rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi (5) bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ bud med la skyes pa’i tshig daṅ | skyes pa la bud med kyi tshig gis chuṅ ma ñid dam | mdza’ na mo ñid du smyan byed na tha na thaṅ (6) ’ga’ phrad pa la yaṅ ruṅ ste dge ’dun lhag ma’o || yaṅ dge sloṅ gaṅ źes bya ba ni drug sde’am gźan yaṅ de daṅ ’dra ba gaṅ yin pa’o || bud med la skyes pa’i tshig daṅ źes bya ba ni skyes pa’i kun tu spyad pa’i bsam pa’i tshig gaṅ yin pa de bud med la rjod par byed pas so || skyes pa la (7) bud med kyi tshig gis śes bya ba ni bud med kyi kun tu spyad pa’i bsam pa’i tshig gaṅ yin pa de skyes pa la rjod par byed pas so || chuṅ ma ñid dam mdza’ na mo ñid du źes bya ba ni chuṅ ma bdun daṅ | mdza’ na mo bcu ñid du’o || chuṅ ma bdun gaṅ źe na | chu tshigs kyis byin pa daṅ | rin (232a1) chas ños pa daṅ | btsan phrogs su thob pa daṅ | daṅ sam du ’dus pa daṅ | gos zas kyis ’tshos pa daṅ | kha dum pa daṅ | thaṅ ’ga’ phrad pa ni bdun pa’o || de la chu tshigs kyis byin pa’i chuṅ ma gaṅ źe na | bud med dam gźon nu ma gaṅ pha ma dag gis skyes (2) ba la byin nas | khyod kyi chuṅ ma skye dgu’i bdag mo byos śig ces chu tshigs kyis byin źiṅ de de’i chuṅ ma skye dgu’i bdag mor gyur nas | des ’di la gźan dag ’dod pa dag gis phyir spyod par ma gyur cig ces bsruṅs pa śin tu bsruṅs pa | sbas pa śin tu sbas pa de ni chu tshigs kyis (3) byin pa’i chuṅ ma źes bya’o || rin chas ños pa’i chuṅ ma gaṅ źe na | bud med dam gźon nu ma gaṅ skyes pas ’di bdag gi chuṅ ma skye dgu’i bdag mo bya’o źes pha ma dag las rin chas ños śiṅ de de’i chuṅ ma skye dgu’i bdag mor gyur nas des ’di la gźan dag ’dod pa dag gi phyir spyod (4) par ma gyur cig ces bsruṅs pa śin tu bsru ṅas pa | sbas pa śin tu sbas pa de ni rin chas ños pa’i chuṅ ma źes bya’o || btsan phrogs su thob pa’i chuṅ ma gaṅ źe na | ’di lta ste | rgyal po rgyal rigs spyi bor dbaṅ bskur bas dpuṅ gi tshogs yan lag bźi pa go bskon te | pha (5) rol gyi yul ’khor daṅ | pha rol gyi yul du soṅ nas ma phebs pa phab ciṅ | phebs par gnas nas thob rgyal du sgrogs par byed pa’i tshe de na skyes pas rgyal po rgyal mtshan du byas nas bud med daṅ gźon nu ma gaṅ yin pa ’di dag gi chuṅ ma skye dgu’i bdag mo bya’o źes phrogs (6) śiṅ de de’i chuṅ ma skye dgu’i bdag mor gyur nas des ’di la gźan dag ’dod pa dag gi phyir spyod par ma gyur cig ces bsruṅs pa śin tu bsruṅs pa | sbas pa śin tu sbas pa | de ni btsan phrogs su thob pa’i chuṅ ma źes bya’o || gźan yaṅ btsan phrogs su thob pa’i chuṅ ma gaṅ (7) źe na | ’di lta ste | chom rkun pa dag gis groṅ gźom pa’am | groṅ khyer gźom pa’am | ljoṅs gźom pa’am | ljoṅs gźom pa byas te | raṅ gi mgo rgyal mtshan du byas nas | bud med dam gźon nu ma gaṅ yin pa ’di bdag gi chuṅ ma skye dgu’i bdag mo bya’o źes phrogs śiṅ de de’i chuṅ ma skye dgu’i (232b1) bdag mor gyur nas | des ’di la gźan dag ’dod pa dag gi phyir spyod par ma gyur cig ces bsruṅs pa śin tu bsruṅs pa | sbas pa śin tu sbas pa | de ni btsan phrogs su thob pa’i chuṅ ma źes bya’o || daṅ sam du ’dus pa’i chuṅ ma gaṅ źe na | bud med dam gźon nu ma gaṅ (2) raṅ gi dad pa daṅ | gcugs pa daṅ | dga’ bas skyes pa’i gan du ’oṅs te | ’di skad ces rje’i sras tshur spyon khyod bdag gi khyim thab mdzod cig daṅ bdag gis khyod kyi btsun mo skye dgu’i bdag mo bgyi’o źes zer źiṅ de de’i chuṅ ma skye dgu’i bdag mor gyur nas des ’di la gźan dag (3) ’dod pa dag gi phyir spyod par ma gyur cig ces bsruṅs pa śin tu bsruṅs pa | sbas pa śin tu sbas pa | de ni daṅ sam du ’dus pa’i chuṅ ma źes bya’o || gos zas kyis ’tshos pa’i chuṅ ma gaṅ źe na | bud med dam gźon nu ma gaṅ skyes pa’i gan du ’oṅs te ’di skad ces rje’i sras tshur (4) sbyon | khyod kyis bdag la gos daṅ zas stsol cig daṅ | bdag gis khyod kyi btsun mo skye dgu’i bdag mo bgyi’o || źes zer źiṅ de de’i chuṅ ma skye dgu’i bdag mor gyur nas des ’dil gźan dag ’dod pa dag gi phyir spyod par ma gyur cig ces bsruṅs pa śin tu bsruṅs pa | sbas (5) pa śin tu sbas pa | de ni gos zas kyis ’tshos pa’i chuṅ ma źes bya’o || kha dum pa’i chuṅ ma gaṅ źe na | bud med dam gźon nu ma gaṅ skyes pa’i gan du ’oṅs te ’di skad ces rje’i sras tshur sbyon | khyod kyi nor gaṅ lags pa de daṅ bdag gi nor gaṅ lags bde dag gcig tu bsdus (6) te | bdag cag gñis mñam du ’tsho bar bgyi źiṅ | bdag cag gñis las khye’u ’am | bu mo gaṅ dag mchis par ’gyur ba de dag kyaṅ bdag cag śi źiṅ dus la bab pa dag la ñuṅ ṅu ’am | maṅ po yaṅ ruṅ ba’i sbyin pa dag byin źiṅ bsod nams dag bgyis nas ’di de gñis (7) gaṅ du skyes pa der ’gro źiṅ rjes su ’gro bar gyur cig ces miṅ gis yon bśad pa bgyi bar ’gyur bar bgyi’o źes zer źiṅ de de’i chuṅ ma skye dgu’i bdag mor gyur nas | des ’dil gźan dag ’dod pa dag gi phyir spyod par ma gyur cig ces bsruṅs pa śin tu bsruṅs pa | (233a1) smras pa śin tu sbas pa | de ni kha dum pa’i chuṅ ma źes bya’o || thaṅ bga’ phrad pa’i chuṅ ma gaṅ źe na | bud med dam gźon nu ma gaṅ skyes pas deṅ bdag ’di daṅ lhan cig dga’ mgur spyad par bya’o sñam nasasa de’i dus su glas śiṅ yud tsam phrad par gyur nas des (2) ’di la gźan dag ’dod pa dag gi phyir spyod par ma gyur cig ces bsruṅs pa śin tu bsruṅs pa | sbas pa śin tu sbas pa | de ni thaṅ ’ga’ phrad pa’i chuṅ ma źes bya’o || mdza’ na mo bcu gaṅ źe na | mas bsruṅs pa daṅ | phas bsruṅs pa daṅ | miṅ pos bsruṅs pa daṅ | (3) phu nu mos bsruṅs pa daṅ | sgyug mos bsruṅs pa daṅ | gyos pos bsruṅs pa daṅ | ñe dus bsruṅs pa daṅ | rigs kyis bsruṅs pa daṅ | rus chags kyis bsruṅs pa daṅ | rnam par ’khrug pa med pa ni bcu pa’o || de la mas bsruṅs pa’i mdza’ na mo gaṅ źe na | bud (4) med dam gźon nu ma gaṅ gi khyim thab śi źiṅ dus la bab par gyur tam | rgyal pos bciṅs sam | bsad dam | rgyal po’i ’jigs pas yul ’khor gźan daṅ | yul gźan du bros par gyur tam | smyos pa daṅ | sems ’khrugs pa daṅ | tshor ba dag gis ñen par (5) gyur nas | de ma’i gan na gnas śiṅ mas de ’di la gźan dag ’dod pa dag gi phyir spyod par ma gyur cig ces bsruṅs pa śin tu bsruṅs pa | sbas pa śin tu sbas pa | de ni mas bsruṅs pa’i mdza’ na mo źes bya’o || phas bsruṅs pa’i mdza’ na mo gaṅ źe na | bud med dam (6) gźon nu ma gaṅ gi khyim thab śi źiṅ dus la bab par gyur tam | rgyal pos bciṅs sam | bsad dam | rgyal po’i ’jigs pas yul ’khor gźan daṅ | yul gźan du bros par gyur tam | smyos pa daṅ | sems ’khrugs pa daṅ | tshor ba dag gis ñen par gyur nas | (7) de ba’i gan na gnas śiṅ bas de ’di la gźan dag ’dod pa dag gi phyir spyod par ma gyur cig ces bsruṅs ba śin tu bsruṅs pa | spas pa śin tu sbas pa | de ni phas bsruṅs pa’i mdza’ na mo źes bya’o || miṅ pos bsruṅs pa’i mdza’ na mo gaṅ źe na | bud med dam gźon nu (233b1) ma gaṅ gi pha ma daṅ | khyim thab śi źiṅ dus la bab par gyur tam | rgyal pos bciṅs sam | bsad dam | rgyal po’i ’jigs pas yul ’khor gźan daṅ | yul gźan du bros par gyur tam | sems ’khrugs pa daṅ | tshor bdag gis ñen par (2) gyur nas | de miṅ po’i gan na gnas śiṅ miṅ pos de ’di la gźan dag ’dod pa dag gi phyir spyod par ma gyur cig ces bsruṅs pa śin tu bsruṅs pa | sbas pa śin tu sbas pa | de ni miṅ bos bsruṅs pa’i mdza’ na mo źes bya’o || phu nu mos bsruṅs pa’i mdza’ na mo gaṅ źe na | (3) bud med dam gźon nu ma gaṅ gi pha ma daṅ | khyim thag śi źiṅ dus la bab par gyur tam | rgyal pos bciṅs sam | bsad dam | rgyal po’i ’jigs pas yul ’akhoragaźana nam | yul gźan du bros par gyur tam | smyos pa daṅ | sems ’khrugs pa daṅ | tshor ba (4) dag gis ñen par gyur nas | de phu nu mo’i gan na gnas śiṅ phu nu mos de ’di la gźan dag ’dod pa dag gi phyir spyod par ma gyur cig ces bsruṅs pa śin tu bsruṅs pa | sbas pa śin tu sbas pa | de ni phu nu mos bsruṅs pa’i mdza’ na mo źes bya’o || sgyug mos bsruṅs pa’i mdza’ (5) na mo gaṅ źe na | bud med dam gźon nu ma gaṅ gi pha ma daṅ khyim thab śi źiṅ dus la bab par gyur tam | rgyal pos bciṅs sam | bsad dam | rgyal po’i ’jigs pas yul ’khor gźan daṅ | yul gźan du bros par gyur tam | smyos pa daṅ | sems ’khrugs pa daṅ | (6) tshor ba dag gis ñen par gyur nas | de sgyug mo’i gan na gnas śiṅ sgyug mos de la ’di skad ces kho mo’i bu mthoṅ ba gaṅ yin pa de ni khyod mthoṅ ba yin la | khyod mthoṅ ba gaṅ yin pa de yaṅ kho mo’i bu mthoṅ ba yin pas kho mo’i zas daṅ | gos kyis mna’ ma gnas par gyis (7) śig | mna’ ma dga’ bar gyis śig ces smras nas | sgyug mos de ’di la gźan dag ’dod pa dag gi phyir spyod par ma gyur cig ces gsuṅs pa śin tu bsruṅs pa | sbas pa śin tu sbas pa | de ni sgyug mos bsruṅs pa’i mdza’ na mo źes bya’o || gyos pos bsruṅs pa’i (234a1) mdza’ na mo gaṅ źe na | bud med dam gźon nu ma gaṅ gi pha ma daṅ | khyim thab śi źiṅ dus la bab par gyur tam | rgyal pos bciṅs sam | bsad dam | rgyal po’i ’jigs pas yul ’khor gźan daṅ | yul gźan du bros par gyur tam | smyos pa daṅ | (2) sems ’khrugs pa daṅ | tshor bdag gis ñen par gyur nas | de gyos po’i gan na gnas śiṅ gyos pos de la ’di skad ces kho bo’i bu mthoṅ ba gaṅ yin pa de ni khyod mthoṅ ba yin la khyod mthoṅ ba yin pas kho bo’i zas daṅ gos kyis mna’ (3) ma gnas par gyis śig | mna’ ma dga’ bar gyis śig | ces smras nas gyos pos de ’di la gźan dag ’dod pa dag gi phyir spyod par ma gyur cig ces bsruṅs ba śin tu bsruṅs pa | sbas pa śin tu sbas pa | de ni gyos pos bsruṅs pa’i mdza’ na mo źes bya’o || ñe dus (4) bsruṅs pa’i mdza’ na mo gaṅ źe na | ñe du źes bya ba ni khyim bdun pa tshun chad las brten pa ni ñe du yin la de phan cad ni ñe du ma yin te | bud med dam gźon nu ma gaṅ gi pha ma daṅ | khyim thab śi źiṅ dus la bab par gyur tam | rgyal pos bciṅs sam | bsad dam | rgyal (5) po’i ’jigs pas yul ’khor gźan daṅ | yul gźan du bros par gyur tam | smyos pa daṅ | sems ’khrugs pa daṅ | tshor bdag gis ñen par gyur nas | de ñe du’i gan na gnas śiṅ ñe dus de ’di la gźan dag ’dod pa dag gi phyir spyod par ma gyur cig ces bsruṅs pa (6) śin tu bsruṅs pa | sbas pa śin tu sbas pa | de ni ñe dus bsruṅs pa’i mdza’ na mo źes bya’o || rigs kyis bsruṅs pa’i mdza’ na mo gaṅ źe na | rigs źes bya ba ni bram ze daṅ | rgyal rigs daṅ | rje’u rigs daṅ | dmaṅs rigs te | bud med dam gźon nu ma gaṅ gi pha (7) ma daṅ khyim thab śi źiṅ dus la bab par gyur tam | rgyal pos bciṅs sam | bsad dam | rgyal po’i ’jigs pas yul ’khor gźan daṅ | yul gźan du bros par gyur tam | smyos pa daṅ | sems ’khrugs pa daṅ | tshor ba dag gis ñen par gyur nas | de (234b1) rigs gcig pa’i gan na gnas śiṅ rigs gcig pas de ’di la gźan dag ’dod pa dag gi phyir spyod par ma gyur cig ces bsrugs pa śin tu bsruṅs pa | sbas pa śin tu sbas pa | de ni rigs kyis bsruṅs pa’i mdza’ na mo źes bya’o || rus cags kyis bsruṅs pa’i mdza’ (2) na mo gaṅ źe na | rus źes bya ba ni ku sa’i rigs daṅ | bad sa’i rigs daṅ | śan di la’i rigs daṅ | b+ha ra dwa dza’i rigs daṅ | lṅa pa’i rigs daṅ | ñe lṅa’i rigs daṅ | gau ta ma’i rigs te | bud med dam gźon nu ma gaṅ gi pha ma daṅ khyim thab śi źiṅ dus la bab par gyur (3) tam | rgyal pos bciṅs sam | bsad dam | rgyal po’i ’jigs pas yul ’khor gźan daṅ | yul gźan du bros par gyur tam | smyos pa daṅ | sems ’khrugs pa daṅ | tshor ba dag gis ñen par gyur nas | de rus chags kyi gan na gnas śiṅ rus chags kyis de ’di (4) la gźan dag ’dod pa dag gi phyir spyod par ma gyur cig ces bsruṅs pa śin tu bsruṅs pa | sbas pa śin tu sbas pa de ni rus chags kyis bsruṅs pa’i mdza’ na mo źes bya’o || rnam par ’khrugs pa med pa’i mdza’ na mo gaṅ źe na | dge sloṅ ma daṅ | spyod can mo daṅ | kun tu (5) rgyu mo daṅ | khyim thab kyi lam gyi rjes su ’jug pa daṅ | chos bźin spyod pa de ni rnam par ’khrug pa med pa’i mdza’ na mo źes bya’o || smyan źes bya ba ni phrin byed pa’o || byed na źes bya ba ni byed par gyur na’o || tha na thaṅ ’ga’ phrad pa la yaṅ ruṅ ste źes bya ba ni tha na yud tsam la (6) yaṅ ruṅ ste’o || dge ’dun lhag ma’o źes bya ba ni sṅa ma bźin no || de la ltuṅ bar ji ltar ’gyur źe na || ||

.