[Saṃghāvaśeṣa 11]
de nas bcom ldan ’das kyis gdan de ñid la bźugs bźin du ’dul ba la ñan thos rnams kyi bslab pa’i gźi gñis pa bca’ bar bźed nas dge sloṅ rnams la bka’ stsal pa | dge sloṅ dag dge ’dun gyis (7) bya ba cuṅ źig yod kyis re źig stan las ma ldaṅ śig | saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa sṅa ma bźin no || saṅs rgyas macoma ldan ’das kyis ko ka li ka daṅ | khan da dra bya daṅ | ka (11b1) ṭa mo ra ka ti ś+ya daṅ | rgya mtshos byin rnams la rmas pa | ko ka li ka | khan da dra bya | ka ṭa mo ra ka ti ś+ya | rgya mtshos byin khyed śes bźin du dge sloṅ gaṅ dge ’dun mthun pa dbye ba’i phyir rtul bar byed ciṅ dbyen byed par ’gyur ba’i rtsod pa yaṅ dag par (2) blaṅs nas rab tu bzuṅ ste ’dug pa de’i grogs byed ciṅ mi mthun par smra ba’i rjes su phyogs nas dge sloṅ rnams la ’di skad ces tshe daṅ ldan pa dag khyed cag dge yaṅ ruṅ sdig kyaṅ ruṅ dge sloṅ ’di la ci yaṅ ma smra śig | de ci’i phyir źe na | tshe daṅ ldan pa dag dge sloṅ (3) ’di ni chos smra ba | ’dul ba smra ba | dge sloṅ ’di ni chos daṅ | ’dul ba yaṅ dag par blaṅs nas rab tu bzuṅ ste rjes su tha sñad ’dogs par byed pa dge sloṅ ’di ni śes bźin du smra’i mi śes par ma yin pa’i phyir te | dge sloṅ ’di gaṅ la ’dod ciṅ bzod pa (4) de la bdag cag kyaṅ ’dod ciṅ bzod do źes smras pa bden nam | btsun pa mad do || saṅs rgyas bcom ldan ’das kyis dge sloṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba (5) ma yin no źes bya ba la sogs pas rnam par smad pa sṅa ma bźin no || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par rjes su gzigs pas ’dul ba (6) la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | dge sloṅ de’i grogs byed pa’i dge sloṅ mi mthun par smra ba ñid kyi rjes su phyogs pa (7) gcig gam | gñis sam | maṅ po dag yod ciṅ | gal te de dag dge sloṅ rnams la ’di skad ces tshe daṅ ldan pa dag khyed cag dge yaṅ ruṅ sdig kyaṅ ruṅ dge sloṅ ’di la ci yaṅ ma smra śig | de ci’i phyir źe na | tshe daṅ ldan pa dag dge sloṅ ’di ni chos (12a1) smra ba | ’dul ba smra ba | dge sloṅ ’di ni chos daṅ ’dul ba yaṅ dag par blaṅs nas rab tu bzuṅ ste rjes su tha sñad ’dogs par byed pa dge sloṅ ’di ni śes bźin du smra’i mi śes par ma yin pa’i phyir te | dge sloṅ ’di gaṅ la ’dod (2) ciṅ bzod pa de la bdag cag kyaṅ ’dod ciṅ bzod do źes zer na dge sloṅ de dag la dge sloṅ rnams kyis ’di skad ces tshe daṅ ldan pa dag khyed cag de skad ces dge sloṅ ’di ni chos smra ba | ’dul ba smra ba | dge sloṅ ’di ni chos daṅ | ’dul ba yaṅ dag par (3) blaṅs nas rab tu bzuṅ ste rjes su tha sñad ’dogs par byed pa | dge sloṅ ’di ni śes bźin du smra’i mi śes par ma yin pa’i phyir te | dge sloṅ ’di gaṅ la ’dod ciṅ bzod pa de la bdag cag kyaṅ ’dod ciṅ bzod do źes ma zer cig | (4) de ci’i phyir źe na | tshe daṅ ldan pa dag dge sloṅ ’di ni chos smra ba ma yin | ’dul ba smra ba ma yin gyi | tshe daṅ ldan pa dag dge sloṅ ’di ni chos ma yin pa smra ba | ’dul ba ma yin pa smra ba | dge sloṅ ’di ni chos ma yin pa daṅ | ’dul ba ma yin pa yaṅ (5) dag par blaṅs nas rab tu bzuṅ ste rjes su tha sñad ’dogs par byed pa | dge sloṅ ’di ni mi śes bźin du smra’i śes par ma yin pa’i phyir te | dge sloṅ ’di gaṅ la ’dod ciṅ bzod pa de la tshe daṅ ldan pa dag ’dod ciṅ bzod par ma byed cig | tshe daṅ ldan pa dag khyed dge (6) ’dun ’byed ’dod par ma byed par tshe daṅ ldan pa dag dge ’dun mthun pa ñid du ’dod par gyis śig | tshe daṅ ldan pa dag dge ’dun daṅ mthun par gyis śig | dge ’dun mthun mi phyed kun du dga’ mi rtsod | mchog gcig ’don pa gcig ciṅ chu daṅ ’o ma gcig tu (7) ’dres pa lta bur gyur la | ston pa’i bstan pa gsal bar byed na bde ba la reg par gnas par ’gyur gyis | tshe daṅ ldan pa dag dge ’dun ’byed pa’i rjes su phyogs śiṅ mi mthun par smra ba ’di lta bu ’di thoṅ śig ces bsgo bar bya’o || dge sloṅ de dag la dge sloṅ rnams (12b1) kyis de skad bsgo ba na gal te gźi de gtoṅ na de lta na legs | gal te mi gtoṅ na gźi de gtaṅ bar bya ba’i phyir lan gñis lan gsum du yaṅ dag par bsgo bar bya | yaṅ dag par bstan par bya’o || lan gñis lan gsum du yaṅ dag par bsgo | yaṅ dag par bstan pa na (2) gźi de gtoṅ na de lta na legs | gal te mi gtoṅ na dge ’dun lhag ma’o || dge sloṅ de’i źes bya ba ni lhas byin gyi’o || grogs byed pa’i dge sloṅ źes bya ba ni ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin dag go || mi mthun par smra (3) ba ñid kyi rjes su phyogs pa źes bya ba ni lta ba de dag daṅ | ’dod pa de dag daṅ | bsam pa de dag daṅ ldan pa’o || gcig gam | gñis sam | maṅ po dag yod ciṅ źes bya ba ni gñis las lhag pa ni maṅ ba’o || gal te de dag ces bya ba ni rjes su phyogs pa de (4) dag go || dge sloṅ rnams la źes bya ba ni chos ’di pa rnams la’o || ’di skad ces źes bya ba ni ’di skad ces zer na’o || dge yaṅ ruṅ źes bya ba ni dge ba la sbyor par yaṅ ma byed cig ces pa’o || sdig kyaṅ ruṅ źes bya ba ni sdig pa las zlog par yaṅ ma byed cig ces (5) bya ba’o || dge sloṅ ’di la źes bya ba ni lhas byin la’o || ci yaṅ ma smra śig ces bya ba ni cuṅ zad kyaṅ ma smra śig pa’o || de’i phyir źe na | tshe daṅ ldan pa dag dge sloṅ ’di ni chos smra ba | ’dul ba smra ba | dge sloṅ ’di ni chos daṅ | ’dul ba yaṅ dag par blaṅs (6) nas rab tu bzuṅ ste rjes su tha sñad ’dogs par byed pa źes bya ba ni chos ji lta ba daṅ | ’dul ba ji lta ba daṅ | ston pa’i bstan pa ji lta ba de ltar rjes su tha sñad ’dogs par byed pa’o || dge sloṅ ’di ni śes bźin du smra’i mi śes par ma yin pa’i phyir te | źes bya (7) ba ni don rtogs pa yin gyi | don ma rtogs pa ma yin pa’i phyir ro || dge sloṅ ’di gaṅ la ’dod ciṅ bzod pa de la bdag cag kyaṅ ’dod ciṅ bzod do || źes zer na źes bya ba ni dge sloṅ lhas byin ’di gźi gaṅ ’dod pa de bdag cag kyaṅ ’dod do źes zer na’o || (13a1) dge sloṅ de dag la źes bya ba ni ko ka li ka daṅ | khan da dra bya daṅ | ka ṭa mo ra ka ti ś+ya daṅ | rgya mtshos byin dag la’o || dge sloṅ rnams kyis źes bya ba ni chos ’di pa rnams kyis so || ’di skad ces źes bya ba ni bźams te bsgo ba ji (2) skad sṅar bstan pa ltar bsgo bar bya pa’o || dge sloṅ de dag la dge sloṅ rnams kyis de skad bsgo ba na źes bya ba ni bźams te bsgo ba na’o || gal te gźi de gtoṅ na źes bya ba ni lta ba de yoṅs su gtoṅ na’o || de lta na legs źes bya ba ni de lta na bzaṅ ba’o || (3) gal te mi gtoṅ na źes bya ba ni yoṅs su mi gtoṅ na’o || lan gñis lan gsum du yaṅ dag par bsgo bar bya | yaṅ dag par bstan par bya’o źes bya ba ni gsol ba daṅ bźi’i las kyis bsgo ba ji skad sṅar bstan pa ltar bsgo bar bya ba ste | yaṅ dag par bsgo (4) ba de ni de yin | yaṅ dag par bstan pa de ni de yin no || dge ’dun lhag ma’o źes bya ba ni sṅa ma bźin du ltuṅ ba de dge ’dun la rag las pa yin te | des na dge ’dun lhag ma’o źes gsuṅs so || de la ltuṅ bar ji ltar ’gyur źe na | dge sloṅ gis cuṅ zad ji tsam (5) du dge sloṅ gaṅ dge ’dun mthun pa dbye ba’i phyir rtul bar byed ciṅ dbye na byed par ’gyur ba’i rtsod pa yaṅ dag par blaṅs nas rab tu bzuṅ ste ’dug pa de’i grogs byed ciṅ mi mthun pa smra ba’i rjes su phyogs par byed na thams cad du ñes byas su ’gyur ro || dge sloṅ gis bźams (6) te bsgo ba na gźi de gtoṅ na de lta na legs | gal te mi gtoṅ na ñes pa sbom por ’gyur ro || gsol ba daṅ bźi’i las kyis bsgo ba na gźi de gtoṅ na de lta na legs | gal te mi gtoṅ na gsol ba byas pa na ñes pa sbom por ’gyur ro || las brjod pa daṅ po brjod (7) pa na ma rdzogs par gźi de gtoṅ na de lta na legs | gal te mi gtoṅ na rdzogs par brjod pa na ñes pa sbom por ’gyur ro || las brjod pa gñis pa brjod pa na ma rdzogs par gźi de gtoṅ na de lta na legs | gal te mi gtoṅ na rdzogs par brjod pa na ñes pa sbom por (13b1) ’gyur ro || las brjod pa gsum pa brjod pa na ma rdzogs par gźi de gtoṅ na de lta na legs | gal te mi gtoṅ na ñes pa sbom por ’gyur ro || rdzogs par brjod pa na gal te mthun pa daṅ | chos ma yin pas bsgo bar byed na ltuṅ ba med do || mi mthun pa daṅ (2) chos kyis bsgo bar byed na ltuṅ ba med do || mthun pa daṅ | chos ltar bcos pas bsgo bar byed na ltuṅ ba med do || mi mthun pa daṅ | chos ma yin pa ltar bcos pas bsgo bar byed na ltuṅ ba med do || chos ji lta ba daṅ | ’dul ba ji lta ba daṅ | ston pa’i (3) bstan pa ji lta ba de ltar bsgo bar mi byed na ltuṅ ba med do || chos ji lta ba daṅ | ’dul ba ji lta ba daṅ | ston pa’i bstan pa ji lta ba de ltar mthun pas bsgo bar byed na rdzogs par brjod pa na dge ’dun lhag mar ’gyur ro || dge sloṅ des stan de la ’dug bźin du ’di (4) skad ces tshe daṅ ldan pa dag bdag la dge ’dun lhag ma’i ltuṅ ba byuṅ ṅo źes brjod par bya ste | gal te de skad brjod na de lta na legs | gal te mi brjod na de phyin cad nas de la ’chab pa’i ñes pa ’byuṅ bar ’gyur ro || de bas na dge sloṅ gis ji tsam du gźi des ma (5) bśags śiṅ so sor ma bśags par gsol ba daṅ | gsol ba daṅ gñis daṅ | gsol ba daṅ bźi’i las ñams su myoṅ bar byed na thams cad du ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis (6) ñen pa la ltuṅ ba med do || rjes su phyogs pa’i dge ’dun lhag ma ste bcu gcig pa rdzogs so || ||

.