[Saṃghāvaśeṣa 13]
saṅs rgyas bcom ldan ’das kau śām+bī na gdaṅs can gyi kun dga’ (4) ra ba na bźugs so || de’i tshe na tshe daṅ ldan pa ’dun pa ltuṅ ba byuṅ ba chos bźin du phyir mi byed nas de la dge sloṅ don ’dod pa | phan pa ’dod pa | bde ba ’dod pa | bde ba la reg par ’dod pa | grub pa daṅ bde ba ’dod pa rnams kyis tshe daṅ ldan pa ’dun (5) pa khyod ltuṅ ba byuṅ ba de dag chos bźin du phyir gyis śig ces gleṅ bar byed | dran par byed pa na des smras pa | su la ltuṅ ba de phyir byed par ’gyur ro || khyod la ltuṅ ba byuṅ na su źig phyir byed par ’gyur su ’gyod par ’gyur ba’o || khyod la ltuṅ ba byuṅ ba la su (6) ’gyod par ’gyur | de la dge sloṅ rnams kyis phyir źiṅ phyir źiṅ smras pa na der mthun źiṅ smras pa | tshe daṅ ldan pa dag khyed cag dge yaṅ ruṅ sdig kyaṅ ruṅ bdag la ci yaṅ ma smra śig | bdag kyaṅ dge yaṅ ruṅ sdig kyaṅ ruṅ tshe daṅ ldan pa dag la ci yaṅ mi (7) smra’o || tshe daṅ ldan pa dag gis bdag la tshig gi lam thoṅ śig | khyed la yaṅ bdag gis smras pas ci źig bya | ’di ltar khyed cag ni rigs sna tshogs daṅ | rus sna tshogs daṅ | khyim sna tshogs nas rab tu byuṅ ba dag yin te | ’di lta ste | dper (24b1) na śiṅ ljon pa dag gi lo ma sna tshogs rluṅ gis blags pa dag gcig tu lhuṅ źiṅ gcig tu ’dug pa de bźin du khyed cag kyaṅ rigs sna tshogs daṅ | rus sna tshogs daṅ | khyim sna tshogs nas rab tu byuṅ ba dag yin gyi | kho bo’i ’phags pas ni byaṅ chub (2) thugs su chud pa yin no || dge sloṅ don ñuṅ ṅu dag ci’i phyir dge sloṅ dag dge sloṅ rnams kyis gdon par gtogs pa’i bslab pa’i gźi rnams daṅ | bde bar gśegs pa’i mdor gtogs pa rnams kyis chos daṅ mthun pa daṅ | ’dul ba daṅ mthun (3) par smras pa ni bdag ñid brjod par bya ba ma yin par byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | dge sloṅ dag khyed (4) kyis dge sloṅ ’dun pa daṅ | gźan yaṅ de lta bu gaṅ yin pa la bźams te bsgo bar bya’o || ’di skad ces bsgo bar bya ste | tshe daṅ ldan pa ’dun pa khyod dge sloṅ rnams kyis gdon par gtogs pa’i bslab pa’i gźi rnams daṅ | bde bar gśegs pa’i (5) mdor gtogs pa rnams kyis chos daṅ mthun pa daṅ | ’dul ba daṅ mthun par smras pa na bdag ñid brjod par bya ba ma yin par ma byed par tshe daṅ ldan pas bdag ñid brjod par bya ba kho nar gyis śig | dge sloṅ rnams tshe daṅ ldan pa la chos daṅ mthun pa daṅ (6) ’dul ba daṅ mthun par smra ba na tshe daṅ ldan pa yaṅ dge sloṅ rnams la chos daṅ mthun pa daṅ | ’dul ba daṅ mthun par smros śig | ’di lta ste | gcig la gcig brjod par bya ba ñid du byed pa daṅ | gcig la gcig ’doms śiṅ rjes su ston pa daṅ | (7) gcig gis gcig ltuṅ ba las sloṅ ba ñid de lta bus bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas de’i ’khor ’di ’phel bar ’gyur gyis | tshe daṅ ldan pa ’dun pa khyod bdag ñid brjod par bya ba ma yin par byed pa’i (25a1) las kyi mtha’ ’di lta bu ’di thoṅ śig ces bsgo bar bya’o || dge sloṅ rnams kyis btsun pa bka’ bźin ’tshal źes bcom ldan ’das las mñan nas tshe daṅ ldan pa ’dun pa la tshe daṅ ldan pa ’dun pa khyod dge sloṅ rnams kyis gdon par (2) gtogs pa’i bslab pa’i gźi rnams daṅ | bde bar gśegs pa’i mdor gtogs pa rnams kyis chos daṅ mthun pa daṅ | ’dul ba daṅ mthun par smras pa na | bdag ñid brjod par bya ba ma yin par ma byed par tshe daṅ ldan pas bdag ñid brjod par bya (3) ba kho nar gyis śig | dge sloṅ rnams tshe daṅ ldan pa la chos daṅ mthun pa daṅ | ’dul ba daṅ mthun par smra ba na tshe daṅ ldan pa yaṅ dge sloṅ rnams la chos daṅ mthun pa daṅ | ’dul ba daṅ mthun par smros śig | ’di lta ste | gcig la gcig brjod (4) par bya ba ñid du byed pa daṅ | gcig la gcig ’doms śiṅ rjes su ston pa daṅ | gcig gis gcig ltuṅ ba las sloṅ ba ñid de lta bus bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas de’i ’khor ’di ’phel bar (5) ’gyur gyis | tshe daṅ ldan pa ’dun pa khyod bdag ñid brjod par bya ba ma yin par byed pa’i las kyi mtha’ ’di lta bu ’di thoṅ śig ces bźams te bsgo’o || de la dge sloṅ rnams kyis bźams te bsgo ba na gźi de ñid la nan gyis mchog tu bzuṅ źiṅ mṅon par (6) źen nas ’di ñid bden gyi gźan ni brdzun pa’o źes rjes su tha sñad ’dogs par byed pa’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyis bka’ stsal pa | dge sloṅ dag khyed kyis dge sloṅ ’dun pa daṅ | gźan yaṅ de lta (7) bu gaṅ yin pa la gsol ba daṅ bźi’i las kyis bsgo bar bya’o || ’di ltar bsgo bar bya ste | gnas mal bśam pa byas nas gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas dge ’dun thams cad ’dug ciṅ mthun par gyur pa la dge sloṅ (25b1) gcig gis gsol ba byas te las bya’o || dge ’dun btsun pa rnams gsan du gsol | dge sloṅ ’dun pa ’di ltuṅ ba byuṅ ba chos bźin du slar mi bgyid nas | ’dil dge sloṅ rnams kyis gdon par gtogs pa’i bslab pa’i gźi rnams daṅ | bde (2) bar gśegs pa’i mdor gtogs pa rnams kyis chos daṅ mthun pa daṅ | ’dul ba daṅ mthun par smras pa na | tshe daṅ ldan pa dag khyed cag dge yaṅ ruṅ sdig kyaṅ ruṅ bdag la ci yaṅ ma smra śig | bdag kyaṅ dge yaṅ ruṅ sdig kyaṅ ruṅ tshe daṅ ldan pa dag (3) la ci yaṅ mi smra’o || tshe daṅ ldan pa dag gis bdag la tshig gi lam thoṅ śig | khyed la yaṅ bdag gis smras pas ci źig bya źes bdag ñid brjod par bgyi ba ma lags par bgyid nas | ’di la dge sloṅ maṅ pos bźams te bsgo na ’di la dge sloṅ maṅ (4) pos bźams te bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs par bgyid na | gal te dge ’dun gyi dus la bab ciṅ bzod na dge ’dun gyis gnaṅ bar mdzod cig (5) daṅ | dge ’dun gyis dge sloṅ ’dun pa la tshe daṅ ldan pa ’dun pa khyod dge sloṅ rnams kyis gdon par gtogs pa’i bslab pa’i gźi rnams daṅ | bde bar gśegs pa’i mdor gtogs pa rnams kyis chos daṅ mthun pa daṅ | ’dul ba daṅ mthun par smras pa na (6) bdag ñid brjod par bya ba ma yin par ma byed par tshe daṅ ldan pas bdag ñid brjod par bya ba kho nar gyis śig | dge sloṅ rnams tshe daṅ ldan pa la chos daṅ mthun pa daṅ | ’dul ba daṅ mthun par smra ba na | tshe daṅ ldan pa yaṅ dge sloṅ rnams la chos daṅ mthun (7) pa daṅ | ’dul ba daṅ mthun par smros śig | ’di lta ste | gcig la gcig brjod par bya ba ñid du byed pa daṅ | gcig la gcig ’doms śiṅ rjes su ston pa daṅ | gcig gis gcig ltuṅ ba las sloṅ ba ñid de lta bus bcom ldan ’das de bźin (26a1) gśegs pa dgra bcom pa yaṅ dag par rdzogs pa’i saṅs rgyas de’i ’khor ’di ’phel bar ’gyur gyis | tshe daṅ ldan pa ’dun pa khyod bdag ñid brjod par bya ba ma yin par byed pa’i las kyi mtha’ ’di lta bu ’di thoṅ śig ces gsol ba daṅ (2) bźi’i las kyis bsgo ba mdzad do || ’di ni gsol ba’o || las ni ’di ltar bya ste | dge ’dun btsun pa rnams gsan du gsol | dge sloṅ ’dun pa ’di ltuṅ ba byuṅ ba chos bźin du slar mi bgyid nas ’di la dge sloṅ rnams kyis gdon par gtogs (3) pa’i bslab pa’i gźi rnams daṅ | bde bar gśegs pa’i mdor gtogs pa rnams kyis chos daṅ mthun pa daṅ | ’dul ba daṅ mthun par smras pa na | tshe daṅ ldan pa dag khyed cag dge yaṅ ruṅ sdig kyaṅ ruṅ bdag la ci yaṅ ma smra śig | bdag kyaṅ (4) dge yaṅ ruṅ sdig kyaṅ ruṅ tshe daṅ ldan pa dag la ci yaṅ mi smra’o || tshe daṅ ldan pa dag gis bdag la tshig gi lam thoṅ śig | khyed la yaṅ bdag gis smras pas ci źig bya źes bdag ñid brjod par bgyi ba ma lags par bgyid nas | ’di la dge sloṅ maṅ pos (5) bźams te bsgo yaṅ gźi de ñid la nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs par bgyid de | de’i slad du dge ’dun gyis dge sloṅ ’dun pa la tshe daṅ ldan pa ’dun pa khyod dge sloṅ rnams (6) kyis gdon par gtogs pa’i bslab pa’i gźi rnams daṅ | bde bar gśegs pa’i mdor gtogs pa rnams kyis chos daṅ mthun pa daṅ | ’dul ba daṅ mthun par smras pa na bdag ñid brjod par bya ba ma yin par ma byed par tshe daṅ ldan pas bdag ñid (7) brjod par bya ba kho nar gyis śig | dge sloṅ rnams tshe daṅ ldan pa la chos daṅ mthun pa daṅ | ’dul ba daṅ mthun par smra ba na | tshe daṅ ldan pa yaṅ dge sloṅ rnams la chos daṅ mthun pa daṅ | ’dul ba daṅ mthun par smros śig | ’di lta ste | gcig (26b1) la gcig brjod par bya ba ñid du byed pa daṅ | gcig la gcig ’doms śiṅ rjes su ston pa daṅ | gcig gis gcig ltuṅ ba las sloṅ ba ñid de lta bus bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas de’i ’khor (2) ’di ’phel bar ’gyur gyis | tshe daṅ ldan pa ’dun pa khyod bdag ñid brjod par bya ba ma yin par byed pa’i las kyi mtha’ ’di lta bu ’di thoṅ śig ces gsol ba daṅ bźi’i las kyis bsgo ba mdzad na | tshe daṅ ldan pa gaṅ dag dge sloṅ ’dun pa la gsol ba daṅ (3) bźi’i las kyis bsgo ba mdzad par bzod pa de dag ni caṅ ma gsuṅ śig | gaṅ dag mi bzod pa de dag ni gsuṅ śig | ’di ni las brjod pa daṅ po ste | de bźin du lan gñis lan gsum du bzlas | dge ’dun gyis bzod ciṅ gnaṅ nas dge ’dun (4) gyis dge sloṅ ’dun pa la gsol ba daṅ bźi’i las kyis bsgo ba mdzad lags te | ’di ltar caṅ mi gsuṅ bas de de bźin du ’dzin to || dge sloṅ rnams kyis btsun pa bka’ bźin ’tshal źes bcom ldan ’das las mñan nas dge sloṅ ’dun pa la (5) gsol ba daṅ bźi’i las kyis bsgo’o || gsol ba daṅ bźi’i las kyis bsgo ba na gźi de ñid la nan gyis mchog tu bzuṅ źiṅ mṅon par źen nas ’di ñid bden gyi gźan ni brdzun pa’o źes rjes su tha sñad ’dogs par byed pa’i skabs de dge sloṅ rnams (6) kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams (7) ni mkhyen bźin du rmed par mdzad pa ste źes bya ba la sogs pa yaṅ sṅa ma bźin no || saṅs rgyas bcom ldan ’das kyis ’dun pa la rmas pa | ’dun pa khyod dge sloṅ rnams kyis gdon par gtogs pa’i bslab pa’i gźi rnams daṅ | bde bar (27a1) gśegs pa’i mdor gtogs pa rnams kyis chos daṅ mthun pa daṅ | ’dul ba daṅ mthun par smras pa na bdag ñid brjod pa bya ba ma yin par byed pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma (2) yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | (3) dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | ’di (4) na dge sloṅ ’ga’ źig bka’ blo mi bde ba’i raṅ bźin can du gyur la | de la dge sloṅ rnams kyis gdon par gtogs pa’i bslab pa’i gźi rnams daṅ | bde bar gśegs pa’i mdor gtogs pa rnams kyis chos daṅ mthun pa daṅ | ’dul ba daṅ (5) mthun par smras pa na tshe daṅ ldan pa dag khyed cag dge yaṅ ruṅ sdig kyaṅ ruṅ bdag la ci yaṅ ma smra śig | bdag kyaṅ dge yaṅ ruṅ sdig kyaṅ ruṅ tshe daṅ ldan pa dag la ci yaṅ mi smra’o || tshe daṅ ldan pa dag gis bdag la tshig gi lam thoṅ śig | khyed la yaṅ (6) bdag gis smras pas ci źig bya źes bdag ñid brjod par bya ba ma yin par byed na | dge sloṅ de la dge sloṅ rnams kyis ’di skad ces tshe daṅ ldan pa khyod dge sloṅ rnams kyis gdon par gtogs pa’i bslab pa’i gźi rnams daṅ | bde bar gśegs pa’i mdor (7) gtogs pa rnams kyis chos daṅ mthun pa daṅ | ’dul ba daṅ mthun par smras pa na | bdag ñid brjod par bya ba ma yin par ma byed par tshe daṅ ldan pas bdag ñid brjod par bya ba kho nar gyis śig | dge sloṅ rnams tshe daṅ ldan pa la chos daṅ mthun pa (27b1) daṅ | ’dul ba daṅ mthun par smra ba na tshe daṅ ldan pa yaṅ dge sloṅ rnams la chos daṅ mthun pa daṅ | ’dul ba daṅ mthun par smros śig | ’di lta ste | gcig la gcig brjod par bya ba ñid du byed pa daṅ | gcig la gcig ’doms śiṅ rjes su ston pa (2) daṅ | gcig gis gcig ltuṅ ba las sloṅ ba ñid de lta bus bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas de’i ’khor ’di ’phel bar ’gyur gyis | tshe daṅ ldan pa khyod bdag ñid brjod par bya ba ma yin par byed pa’i (3) las kyi mtha’ ’di lta bu ’di thoṅ śig | ces bsgo bar bya’o || dge sloṅ de la dge sloṅ rnams kyis de skad bsgo ba na gal te gźi de gtoṅ na de lta na legs | gal te mi gtoṅ na gźi de gtoṅ bar bya ba’i phyir lan gcig lan gsum du yaṅ dag par bsgo bar (4) bya | yaṅ dag par bstan par bya’o || lan gñis lan gsum du yaṅ dag par bsgo | yaṅ dag par bstan pa na gźi de gtoṅ na de lta na legs | gal te mi gtoṅ na dge ’dun lhag ma’o || ’di na dge sloṅ ’ga’ źig ces bya ba ni ’dun pa’am (5) gźan yaṅ de lta bu gaṅ yin pa’o || bka’ blo mi bde ba’i raṅ bźin can du gyur la źes bya ba la | bka’ blo mi bde ba źes bya ba ni tshig gi lam rjes su mthun pa | rjes su mñan par bya ba | tshul daṅ mthun pa | draṅ por ’jug pa | ’grus skyoṅ gi yan (6) lag gi tshogs dag kun du ’gog pa daṅ | mi ’dzin pa daṅ | mi bya ba daṅ | mi byed pa daṅ | mi mthun par ’dzin pa’o || de la źes bya ba ni ’dun pa la’o || dge sloṅ rnams kyis źes bya ba ni chos ’di pa rnams kyis so || gdon par gtogs (7) pa’i bslab pa’i gźi rnams źes bya ba la | gdon pa źes bya ba ni pham par ’gyur ba’i chos bźi daṅ | dge ’dun lhag ma’i chos bcu gsum daṅ | ma ṅes pa’i chos gñis daṅ | spaṅ ba’i ltuṅ byed kyi chos sum bcu daṅ | ltuṅ byed kyi chos dgu bcu daṅ | (28a1) so sor bśags par bya ba’i chos bźi daṅ | bslab pa’i chos maṅ po daṅ | rtsod pa źi bar bya ba’i chos bdun po dag go || bde bar gśegs pa’i mdor gtogs pa rnams kyis źes bya ba la | bde bar gśegs pa źes bya ba ni ston (2) pa’o || mdo źes bya ba ni des ñe bar sbyar ba’i mdo’am | yaṅ na mdo yaṅ dag par sbyor ba’o || chos daṅ mthun pa źes bya ba ni mdo sde daṅ | ma mo daṅ ṅo || ’dul ba daṅ mthun pa źes bya ba ni ’dul ba ñid daṅ ṅo || smras pa na źes bya ba ni bzlog pa na ste | (3) chos ji lta ba daṅ | ’dul ba ji lta ba daṅ | ston pa’i bstan pa ji lta ba de ltar bsgo ba na’o || tshe daṅ ldan pa dag khyed cag dge yaṅ ruṅ sdig kyaṅ ruṅ ba dag la ci yaṅ ma smra śig ces bya ba ni dge ba la sbyor bar yaṅ ma byed la sdig pa las zlog par yaṅ ma byed cig (4) ces pa’o || bdag kyaṅ dge yaṅ ruṅ sdiṅ kyaṅ ruṅ tshe daṅ ldan pa dag la ci yaṅ mi smra’o źes bya ba ni dge ba la sbyor bar yaṅ mi byed la sdig pa las zlog par yaṅ mi byed do || źes pa’o || tshe daṅ ldan pa dag gis bdag la tshig gi lam thoṅ śig | khyed (5) la yaṅ bdag gis smras pas ci źig bya źes bya ba ni rgya cher bdag ñid brjod par bya ba ma yin pa ñid du ’jog par byed pa’o || bdag ñid brjod par bya ba ma yin par byed na źes bya ba ni bdag ñid brjod par bya ba ma yin pa ñid du ’jog par byed na’o || dge sloṅ (6) de la źes bya ba ni ’dun pa la’o || dge sloṅ rnams kyis źes bya ba ni chos ’di pa rnams kyis so || ’di skad ces źes bya ba ni bźams te bsgo ba ji skad sṅar bstan pa ltar bsgo bar bya ba’o || dge sloṅ de la dge sloṅ rnams kyis ’di skad bsgo ba źes bya ba ni (7) bźams te bsgo bas bzlog pa na’o || gal te gźi de źes bya ba ni bka’ blo mi bde ba ñid do || gtoṅ na źes bya ba ni yoṅs su gtod na’o || de lta na legs źes bya ba ni de lta na bzaṅ ba’o || gal te mi gtoṅ na źes bya ba ni yoṅs su mi gtoṅ na’o || lan (28b1) gñis lan gsum du yaṅ dag par bsgo bar bya | yaṅ dag par bstan par bya’o źes bya ba ni gsol ba daṅ bźi’i las kyis bsgo ba ji skad sṅar bstan pa ltar bsgo bar bya ste | yaṅ dag par bsgo ba de ni de yin no || yaṅ dag par bstan pa de ni de yin no || dge ’dun (2) lhag ma’o źes bya ba ni sṅa ma bźin du ltuṅ ba de dge ’dun la rag las pa yin te | des na dge ’dun lhag ma’o źes gsuṅs so || de la ltuṅ bar ji ltar ’gyur źe na | dge sloṅ gis cuṅ zad ji tsam du dge sloṅ rnams kyis gdon par gtogs pa’i bslab pa’i gźi rnams (3) daṅ | bde bar gśegs pa’i mdor gtogs pa rnams kyis chos daṅ mthun pa daṅ | ’dul ba daṅ mthun par smras pa na bdag ñid brjod par bya ba ma yin par byed na thams cad du ñes byas su ’gyur ro || dge sloṅ gis bźams te bsgo ba na gźi de gtoṅ na de lta na (4) legs | gal te mi gtoṅ na ñes pa sbom por ’gyur ro || gsol ba daṅ bźi’i las kyis bsgo ba na gźi de gtoṅ na de lta na legs | gal te mi gtoṅ na gsol ba byas pa na ñes pa sbom por ’gyur ro || las brjod pa daṅ po brjod pa na ma rdzogs (5) par gźi de gtoṅ na de lta na legs | gal te mi gtoṅ na rdzogs par brjod pa na ñes pa sbom por ’gyur ro || las brjod pa gñis pa brjod pa na ma rdzogs par gźi de gtoṅ na de lta na legs | gal te mi gtoṅ na rdzogs par brjod pa na ñes pa sbom por ’gyur ro || (6) las brjod pa gsum pa brjod pa na ma rdzogs par gźi de gtoṅ na de lta na legs | gal te mi gtoṅ na ñes pa sbom por ’gyur ro || rdzogs par brjod pa na gal te mthun pa daṅ chos ma yin pas bsgo bar byed na ltuṅ ba med do || mi mthun pa daṅ chos kyis (7) bsgo bar byed na ltuṅ ba med do || mthun pa daṅ chos ltar bcos pas bsgo bar byed na ltuṅ ba med do || mi mthun pa daṅ | chos ma yin pa ltar bcos pas bsgo bar byed na ltuṅ ba med do || chos ji lta ba daṅ | ’dul ba ji lta ba daṅ | ston pa’i bstan pa ji (29a1) lta ba de ltar bsgo bar mi byed na ltuṅ ba med do || chos ji lta ba daṅ | ’dul ba ji lta ba daṅ | ston pa’i bstan pa ji lta ba de ltar mthun pas bsgo bar byed na rdzogs par brjod pa na dge ’dun lhag mar ’gyur ro || dge sloṅ des stan de la ’dug bźin (2) du ’di skad ces tshe daṅ ldan pa dag bdag la dge ’dun lhag ma’i ltuṅ ba byuṅ ṅo źes brjod par bya ste | gal te de skad brjod na de lta na legs | gal te mi brjod na de phyin cad nas de la ’chab pa’i ñes pa ’byuṅ bar ’gyur ro || de bas na dge sloṅ gis ji tsam du gźi (3) de ma bśags śiṅ so sor ma bśags par gsol ba daṅ | gsol ba daṅ gñis daṅ | gsol ba daṅ bźi’i las ñams su myoṅ bar byed na thams cad du ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ | tshor (4) ba dag gis ñen pa la ltuṅ ba med do || || ’dul ba rnam par ’byed pa | bam po ñi śu bźi pa | dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa tshe daṅ ldan pa ’dun pa ’di tshaṅs (5) pa mtshuṅs par spyod pa des pa des pa rnams kyi mdun du bcom ldan ’das ñe du lags par ston cig bdag ñid smra ba daṅ rnam par smra bar bgyid pa la gzigs | bcom ldan ’das kyis bka’ stsal pa | dge sloṅ dag da ltar du ma zad de | ’di ltar ’das pa’i (6) dus na yaṅ ’dis bram ze daṅ | khyim bdag ṅes pa ṅe pa rnams kyi mdun du ṅa ñe du yin par bstan ciṅ bdag ñid smra ba daṅ rnam par smra bar byas pa de ñon cig | dge sloṅ dag sṅon byuṅ ba ’das pa’i dus na rdo ’jog na bram ze zla grags źes bya ba źig ’dug pa des rigs (7) mñam pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do || rtse bar byed | dga’ bar byed | dga’ mgur spyod par byed pa de’i bu btsas nas de’i miṅ ñi zla źes bya bar btags te de bsriṅs bskyed nas chen por gyur (29b1) to || ji tsam dus gźan źig na bram ze zla grags na bar gyur nas | de chuṅ ma daṅ bus yal bar bor źiṅ na ba ma sos nas de la bu mo mṅag gźug ma źig yod pa des bsams pa | bram ze zla grags kyis khrus gźal ba brgya dag gis loṅs spyod dag bsgrubs te ’di na (2) bar gyur na chuṅ ma daṅ bus yal bar bor źiṅ na ba ma sos pas bdag gis rje bo yal bar dor ba ni bdag la tshul daṅ mthun pa ma yin no sñam nas de dge ba’i bsam pa dad rje bo la sñiṅ ñe bas sman pa’i gan du soṅ ste smras pa | bźin bzaṅs khyod kyis bram ze zla grags (3) źes bya ba de śes sam | śes te de ci ñes | de na bar gyur nas chuṅ ma daṅ bus yal bar bor nas na ba ma sos kyis de’i sman ston cig | sman pas smras pa | bu mo gal te de chuṅ ma daṅ bus yal bar bor na g-yog sus byed | bźin bzaṅs sman ston cig daṅ (4) bdag gis g-yog bya’o || sman pa des de la nad ci las gyur pa dris nas sman bstan to || de nas bu mo des bram ze zla grags kyi g-yog byas nas des nad de las sos so || bram ze zla grags kyis bsams pa | bdag nad de lta bus btab na chuṅ ma daṅ bus yal (5) bar bor nas srog dag daṅ cuṅ zad ma bral ba gaṅ yin pa de ni bu mo ’di’i mthu yin pas bdag gis ’di la dal ba ’bras bu daṅ bcas pa bskyed par bya’o sñam du rig nas bu mo de bos te smras pa | bu mo kho bo nad de lta bus btab na chuṅ ma daṅ bus yal bar bor nas khyod kyi (6) mthus srog dag daṅ ma bral bar kho bos śes kyis khyod la dam pa ci źig sbyin par bya ba de smros śig | jo bo gal te khyod bdag la dgyes na bdag khyod daṅ lhan cig mjal bar ’tshal lo || bu mo khyod la kho bo daṅ lhan cig phrad pas ci bya | kho bos khyod kār ṣā pa ṇa lṅa (7) brgya sbyin źiṅ bran mo las gtaṅ ṅo || jo bo bdag śin tu riṅ du mchis su lags kyaṅ bran mo ñid lags kyis | gal te khyod bdag la dgyes na bdag khyod daṅ lhan cig mjal bar ’tshal lo || des de gdon mi za bar daṅ na dus byed par rig nas smras pa | bu mo (30a1) gaṅ gi tshe khyod dus la bab ciṅ zla mtshan daṅ ldan par gyur pa de’i tshe khyod kho bo’i gan du śog śig | bu mo de de’i tshig gis sñiṅ dga’ bar gyur nas | zla mtshan ’dzag pa’i ñi ma bgraṅ źiṅ ’dug nas gaṅ gi tshe zla mtshan daṅ ldan par gyur pa de’i tshe (2) bram ze de’i gan du soṅ ba daṅ | des de daṅ lhan cig dga’ mgur spyad nas de la sems can źugs par gyur to || de’i chuṅ ma bram ze mos bram ze ’di bu mo ’di daṅ lhan cig dga’ mgur spyad do sñam du ri gnas de phrag dog gi kun nas dkris pa kun du spyod pas mi bzod pa (3) skyes nas bu mo de la rtag tu khu tshur daṅ thal lcag gis rdeg ciṅ zas ṅan pa daṅ | gos ṅan pa srel du ’jud do || bu mo des bsams pa bdag gi mṅal du źugs pa’i sems can skal chad ’di su źig yin na ’di mṅal du źugs pa’i dus tshun cad nas bdag rtag tu (4) khu tshur daṅ thal lcag dag gis rdeg ciṅ zas ṅan pa daṅ | gos ṅan pa srel du bcug go sñam nas de bdag ñid mya ṅan byed ciṅ ’dug go || ji tsam na zla ba dgu tshaṅ nas btsas pa las khye’u źig byuṅ nas des bsams pa | sems can skal chad ’di bdag gi mṅal (5) du źugs nas bdag gis de ’dra ba’i gnas skabs thob par gyur pas gal te ’di skyes par gyur na bdag thams cad kyi thams cad du med par ’gyur ro sñam du rig nas de chol zaṅs su bźag ste dor bar brtsams pa daṅ | de’i tshe bram ze des mthoṅ nas smras pa | bu (6) mo de ci yin | des smras pa | caṅ ma lags so || des chol zaṅs de bltas pa daṅ | ji tsam na khye’u źig mthoṅ nas des smras pa | bu mo ci’i phyir ’di ’dor bar byed | jo bo gaṅ tshun chad nas sems can ska la chad ’di bdag gi mṅal du źugs par gyur pa de (7) tshun chad nas bdag bram ze mo ’dis rtag tu khu tshur daṅ thal lcag dag gis rdeg ciṅ | ’tshal ma ṅan pa daṅ rad pa ṅan pa srel du stsal bas gal te ’di skyes par gyur na bdag thams cad kyi thams cad du ma mchis par ’gyur ba’i slad du’o || des smras pa | bu mo de ni (30b1) des ma ñes kyi kho bos ñes kyis ’di skyed cig daṅ ’di la kho bos dus śes par bya’o || des de bsñod par brtsams pa daṅ | bram zes kyaṅ bram ze mo la smras pa | gaṅ gi tshe kho bo de ltar na bar gyur pa na khyod daṅ bus yal bar bor ba de’i tshe na bu mo ’dis sman daṅ g-yog (2) gis legs par gsos par kho bos śes kyis | de’i phyir gal te ’di la mkho ba stobs par byed na de lta na legs | gal te mi byed na kho bos ’di khyim bdag mor gźag ciṅ khyod ’di’i bran mor bsko’o || bram ze mo de skrag ste bsams pa | bram ze ’di gtum pas (3) gal te de ltar ma byas na de lta byed par ’gyur ba’i gnas yod do sñam du rig nas des smras pa | bram ze khyod kyis bu mo mṅag gźug ma la dga’ mgur spyad pa daṅ | khye’u ’di khyod kyi sras lags par yaṅ bdag gis ma ’tshal te da slan cad cuṅ zad kyaṅ tho ’tsham (4) par mi byed do || khye’u de chol zaṅs su bcug pas de’i miṅ chos zaṅs pa źes bya bar chags so || bram ze de chol zaṅs pa la ’di’i mas bdag gi g-yog byas śiṅ ’di yaṅ bdag las byuṅ ba yin no sñam pas śin tu byams pa daṅ ldan par gyur te | de de daṅ lhan (5) cig gcig tu za źiṅ gaṅ du mgron du bos par ’gro ba der yaṅ de daṅ lhan cig ’gro’o || ji tsam dus gźan źig na bram ze de yaṅ na bar gyur nas de rtsa ba daṅ | sdoṅ bu daṅ | ’dab ma daṅ | me tog daṅ | ’bras bu’i sman dag gis gso bar byed de | gso (6) bar byed pa na nad pa kho nar gyur nas gaṅ gi tshe de ’chi ba la thug pa’i tshor ba byuṅ źiṅ riṅ po mi thogs par dus byed par ’gyur ba de’i tshe na des bu thu bo ñi zla bkug ste smras pa | bu kho bo ’das nas khyod ni mya ṅan bya ba ma yin gyi | khyod kyi nu bo chol zaṅs pa ’di mya ṅan bya (7) bar ’gyur bas khyod kyis ’di la mkho ba bstabs par bya’o źes smras nas | bsags pa kun gyi mtha’ zad ciṅ || mthon po rnams kyi mtha’ ltuṅ ’gyur || phrad pa’i mtha’ ni ’bral ba ste || gson pa’i mtha’ ni ’chi ba yin || źes bya ba yin pas de (31a1) dus kyi chos daṅ ldan par gyur nas de ñi zla daṅ | chos zaṅs pa daṅ | sñiṅ du sdug ciṅ ’brel ba’i rtsa lag gźan dag gis dur khrod du khyer te bsregs nas de’i ’og tu mya ṅan bsaṅ ba byas te ’khod do || ji tsam dus gźan źig na ñi zlas zan gyi (2) dus su chol zaṅs pa tshur śog ’dir zan zo źig ces bos pa daṅ | de la mas smras pa | bu khyod bran mo’i bu daṅ ji ltar lhan cig zan za bar byed | ma bdag gis dus thams cad du nu bo ’di daṅ lhan cig zos śiṅ ’thuṅs na da ji ltar bran mo’i bu źes bya | mas (3) smras pa | bu khyod kyi pha gtum par gyur bas de la cuṅ zad smra bar sus nus ’di ni bran mo’i bu kho na yin no || chol zaṅs pas thos nas de ma’i gan du soṅ ste smras pa | ma bdag bran mo’i bu yin pa bden nam | bu ’jig rten ni raṅ gi las kyi ’bras bu la spyod (4) pa yin pas su źig su’i bran yin | bu yul gźan du soṅ la thos pa ’dzin ciṅ ’dug śig | de yul gźan du soṅ nas de yul gźan du raṅ gi miṅ chol zaṅs pa źes bya ba btaṅ ste | zla ba źi ba źes bya bar bsgrags nas ji tsam na mthar gyis mñan yod (5) du phyin nas | de na bram ze mdun na ’don źig ’dug nas | de gcig nas gcig tu de’i gan du soṅ ste cha lugs dul ba daṅ spyod lam źi bas gus par smra ba byas te mtha’ gcig tu ’dug go || de nas bram ze des ’oṅs pa legs so źes bya ba’i tshig kun du (6) brjod pa rab tu dga’ bar byas te dris pa | kye bram ze’i khye’u khyod ga las ’oṅs | rdo ’jog nas mchis so || khyod kyis rdo ’jog na ’khod pa’i skye bo’i tshogs dag śes sam ’tshal to || de na bram ze zla grags de’i gtam ci grag | bram ze’i khye’u des (7) ṅu bar brtsams pa daṅ | des smras pa | bram ze’i khye’u ci’i phyir ṅu | de bdag gi pha lags so || ’o na ci’i phyir du | de gum mo || bram ze’i khye’u skyes pas ni gdon mi za bar ’chi bar bya dgos kyis kho bo khyod kyi pha’i chuṅ po grogs yin gyis bag phob (31b1) śig daṅ thams cad bya’o || des smras pa | mkhan po re źig bgyi ba gźan btaṅ ste | je rig byed bklag par bgyi’o || bu ma ñes te | bram ze raṅ gi rigs sgrogs pas bya ba ni de yin no || des de’i druṅ du rig byed bklag par brtsams pa daṅ | de blo rno (2) ba daṅ | brtan pa daṅ | brtson ’grus brtsams pa yin pas des dus cuṅ źig gis rig byed bźi po dag bklags so || bram ze de mṅon par dga’ nas de’i bu mo rgyan thams cad kyis brgyan te de’i chuṅ mar byin źiṅ bdag dbaṅ ba’i nor maṅ po dag kyaṅ byin no || (3) de bram ze mdun na ’don gyi dmag par gyur ciṅ rig byed bźi daṅ ldan pa źes ’jig rten thams cad la rnam par grags śiṅ | sbyin pa daṅ | mchod pa daṅ | bsñen bkur dag gis khyim gyi ’byor pa ñe bar bsags par gyur to || ji tsam dus gźan źig na (4) rdo ’jog na gnas pa’i skye bo’i tshogs dag zoṅ thogs te mñan yod du lhags nas | de dag gis chol zaṅs pa ji ltar bram ze mdun na ’don gyi dmag par gyur ciṅ | rig byed bźi daṅ ldan pa | sbyin pa daṅ | mchod pa daṅ | bsñen bkur dag gis khyim (5) gyi ’byor ba ñe bar bsags par gyur pa thos so || thos nas kyaṅ gros bya bar brtsams pa | bdag cag ’dod źiṅ de mṅon sum du byas te rdo ’jog na ñi zla bde ba’i gtam bya’o sñam nas de dag de’i gan du soṅ ste | de dag gis de ṅo śes nas caṅ ma smras (6) par de nas zoṅ bsgyur te rin blaṅs nas rdo ’jog tu doṅ ṅo || de dag gis lam gyi ṅal ba bso ste ñi zla la smras pa | mñan yod na khyod kyi nu bo chol zaṅs pa bram ze mdun na ’don gyi dmag par gyur ciṅ | rig byed bźi daṅ ldan par ’jig rten thams cad la rnam par (7) grags te | sbyin pa daṅ | mchod pa daṅ | bsñen bkur dag gis khyim gyi ’byor pa ñe bar bsags par gyur to || de yid dga’ ba skyes nas ma la smras pa | ma chol zaṅs pa de mñan yod na bram ze mdun na ’don gyi dmag par gyur ciṅ | rig byed bźi (32a1) daṅ ldan par ’jig rten thams cad la grags te | sbyin pa daṅ | mchod pa daṅ | bsñen bkur dag gis khyim gyi ’byor pa ñe bar bsags źes grag go || mas smras pa | bu de ltar ga la ’gyur te | bran mo’i bu de la su źig sbyin pa daṅ | (2) mchod pa daṅ | bsñen bkur dag gis bsñen bkur byed par ’os na de la bsñen bkur byed par ’gyur | de nas de caṅ mi smra bar ’dug go || ji tsam dus gźan źig na ñi zla loṅs spyod srabs par gyur nas mas de la smras pa | bu nu bo de’i gan du soṅ śig daṅ (3) gal te na de khyod la loṅs spyod dag gis bgo bśa’ byed par ’gyur ro || des smras pa | ma de’i tshe na de bran mo’i bu yin na da ji ltar nu bor ’gyur | mas smras pa | bu gal te de lta na yaṅ soṅ la de las blaṅ ba ma zlog śig | de mas nan gyis mnan pa na don (4) mthun btsal te mñan yod du soṅ ṅo || chol zaṅs pas ji ltar bdag gi phu bo ñi zla de don mthun daṅ lhan cig ’dir ’oṅs te phyogs ga ge mo źig na ’dug go źes thos so || thos nas kyaṅ bsu nas des de la ’oṅs pa legs so źes bya ba’i tshig gis kun du spyad nas (5) smras pa | bdag gis ’dir zla bźi ba źes bya ba’i miṅ btags kyis | bdag la khyod chol zaṅs pa źes ma ’bod cig | ñi zlas smras pa | khyod zla ba źi ba yin na su źig gźan du ’bod par ’gyur des ñi zla khyim du khrid de bkur sti chen pos mkhos su phab nas (6) zan byin te | bram ze mo la smras pa | khyod śes par gyis śig | ’di ni kho bo’i pho bo ñi zla źes bya ba yin gyis khyod kyis ’di la mkho ba thams cad bstab par bya źiṅ tshig mi gcig pa daṅ | rtag tu gus pa daṅ bcas par gyis śig | des kyaṅ khas (7) blaṅs so || ñi zla ni des śiṅ ’grogs na bde ba yin la | chol zaṅs pa ni gtum źiṅ gzu lums daṅ | drag śul can yin pas de chuṅ ma de la ñes pa cuṅ zad tsam gyis kyaṅ khu tshur daṅ thal lcag dag gis rdeg par byed do || bram ze mo des ñi zla la smras pa | jo (32b1) bo byed gñis nu ma gcig la gsol gsol ba’i mched lags na gaṅ gi slad du khyod ni des śiṅ ’grogs na bde ba lags la | khyod kyi gcuṅ po ’di ni gtum źiṅ gzu lums daṅ | drag śul can lags pa ’di la rgyu ci mchis | ñi zlas smras pa | sru ’dis khyim gyi rig (2) pa ma bklags so || jo bo bdag la khyim gyi rig pa de stsol cig | ñi zlas tshigs su bcad pa smras pa | rig pa su la’aṅ sbyin bya min ||
rig daṅ bcas te ’chi bar bya ||
rig pa rig daṅ gus pa daṅ ||
nor gyis sbyin par bya ba yin || bram ze mos smras pa | jo (3) bo nor ji tsam gyis stsol bar mdzad | sru kār ṣā pa ṇa lṅa brgyas so || des kār ṣā pa ṇa lṅa brgya thogs te de’i rkaṅ pa gñis la gtugs nas smras pa | jo bo khyim gyi rig pa de stsol cig | ñi zlas smras pa | sru je kho bo rdzoṅs śig daṅ nam ’gro ba’i tshe sbyin no || bram (4) ze mo de khyim thab kyi gan du soṅ ste smras pa | rje’i sras khyod kyi gcen ’di khyim gyi bya ba sems pas mi dga’ bar ’gyur gyis ’di slar thoṅ śig | des smras pa | bzaṅ mo gal te de lta na khyod kyis je ’di’i lam rgyags sta gon gyis śig daṅ | kho bos don mthun btsal (5) bar bya’o || des rdo ’jog tu ’gro ba’i don mthun btsal bar brtsams nas | bram ze mo des de’i lam rgyags sta gon byas nas | kār ṣā pa ṇa lṅa brgya thogs te ñi zla’i rkaṅ pa gñis la gtugs nas smras pa | jo bo khyod brdzaṅ ba’i dus ’di lags kyis khyim gyi rig pa (6) stsol cig | ñi zlas smras pa | sru gaṅ gi tshe zla ba źi ba khyod la rdeg par byed pa de’i tshe khyod kyis rig pa ’di bklag par bya’o || skye bo maṅ po gźan dag daṅ || gźan gyi khyim du’aṅ śes gyur ciṅ || groṅ sruṅ rigs kyis śes gyur gyis || kha rog ’dug (7) śig chol zaṅs pa || gal te smras pa ’di don ci źes zer na de la gal te rdeg par byed na don yaṅ bśad par bya’o źes brjod par bya’o || sru gsaṅ sṅags kyi tshig don daṅ ldan pa ’di dag ni brjod pa tsam kho nas ’bras bu daṅ bcas par ’gyur ba yin gyis phyir ’gyod (33a1) bar mi ’gyur bar legs par zuṅ śig | bram ze mo des yi ge de dag legs par bzuṅ nas zla ba źi bas kyaṅ rdo ’jog tu ’gro ba’i don mthun btsal nas ñi zla la kār ṣā pa ṇa dag gis bgo bśa’ byas te lam rgyags byin nas de skyel du soṅ ṅo || bu mo des (2) bsams pa | ci gsaṅ sṅags kyi tshig ’di dag bden nam brdzun pa sad par bya’o sñam nas | des zla ba źi bas ñi zla bskyal te phyir log pa’i tshe bza’ ba daṅ | btuṅ ba daṅ | khrus bya ba ci yaṅ sta gon ma byas so || de nas zla bźi pas smras pa | bzaṅ mo chu khyer te (3) śog | khrus bya’o || chuṅ mas smras pa | rje’i sras chab sta gon ma bgyis so || bzaṅ mo gal te de lta na zas khyer te śog bza’o || rje’i sras de yaṅ sta gon ma bgyis so || de khros te smras pa | ṅa’i phu bo ’dug pa de’i tshe naṅs re źig khyod btaṅ sñoms su bźag (4) par zad kyi | khyod kyi raṅ bźin ni ma brdegs kyi bar du byed du mi btub pa yin no źes des bsnun pa gzas te brdeg par brtsams pa daṅ | chuṅ mas smras pa | rje’i sras re źig gźes śig daṅ khyim gyi rig pa je gsan par bgyi’o || des smras pa | thos par gyis śig | (5) chuṅ mas skye bo maṅ po gźan dag daṅ | gźan gyi khyim du’aṅ śes gyur ciṅ || groṅ sruṅ rigs kyis śes gyur gyis || kha rog ’dug śig chol zaṅs pa || źes smras pa daṅ | des smras pa | bzaṅ mos smras pa de’i don ci yin | chuṅ mas smras pa | gal te (6) rdeg par mdzad na don yaṅ khyod la brjod par bgyi’o || de ri dgas gnad du phog pa ltar zug rṅus zug nas smras pa | mi rdeg gis thoṅ la don ma smra śig ces zer ro || dge sloṅ dag de’i tshe de’i dus na bram ze zla grags źes bya ba gaṅ yin pa de ni ṅa ñid yin no || de’i tshe de’i dus na (7) chol zaṅs pa źes bya ba gaṅ yin pa de ni ’dun pa ’di yin no || dge sloṅ dag de’i tshe yaṅ ’dis bram ze daṅ | khyim bdag des pa dag gi mdun duṅ ñe dur brjod ciṅ bdag ñid smra ba daṅ | rnam par smra ba byas so || da ltar yaṅ ’dis tshaṅs mtshuṅs par spyod pa des pa des pa (33b1) rnams kyi mdun duṅ ñe dur brjod ciṅ bdag ñid smra ba daṅ | rnam par smra bar byed do || dge sloṅ dag de lta bas na ṅa la ñe dur brjod pa rnams kyis tshaṅs pa mtshuṅs par spyod pa gnas brtan rnams daṅ | bar ma rnams daṅ | gsar bu rnams la yaṅ gus pa daṅ bcas pa daṅ | rje (2) sa daṅ bcas pa daṅ | ’jigs pa daṅ bcas pa’i dbaṅ du ’gyur ba dag gis gnas par bya’o || bka’ blo mi bde ba’i dge ’dun lhag ma ste | bcu gsum pa rdzogs s+ho || || tshe daṅ ldan pa dag bdag gi dge ’dun lhag ma’i chos bcu gsum po dag bton (3) zin no || de dag las dgu ni ltuṅ ba daṅ po dag ñid kyis so || bźi ni lan gsum gyi bar gyis so || dge sloṅ gis de dag las ltuṅ ba gaṅ yaṅ ruṅ ba źig byas la ji srid du śes bźin du ’chab par byed pa de srid du des mi ’dod bźin du sbob bya’o || dge sloṅ gis mi (4) ’dod bźin du sbo ba byas nas ’og tu źag drug gi bar du dge ’dun mgu bar bya ba spyad par bya’o || dge sloṅ gis mgu bar bya ba spyad nas dbyuṅ ba la thogs te chos daṅ mthun par byas la dge sloṅ gi dge ’dun gyi sems mgu bar byas na | gaṅ na dge sloṅ ñi śu’i tshogs kyi dge (5) ’dun yod pa der dge sloṅ de dbyuṅ bar bya’o || gal te dge sloṅ ñi śur gcig gis ma tshaṅ ba’i tshogs kyi dge ’dun gyis dge sloṅ de ’byin par byed na dge sloṅ de yaṅ ma phyin la | dge sloṅ de dag kyaṅ smad par bya ba yin te | de la de ni cho ga yin no || dge ’dun lhag (6) ma rnams rdzogs s+ho || ||

.