[Aniyata 1]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || de nas tshe daṅ ldan pa ’char ka sṅa dro śam thabs bgos lhuṅ bzed daṅ chos gos thogs te mñan yod du du bsod sñoms la (7) źugs nas mthar gyis mñan yod du bsod sñoms la rgyu ba na | khyim bdag gi chuṅ ma sbed ma’i khyim ga la ba der soṅ ṅo || khyim bdag gi chuṅ ma sbed mas tshe daṅ ldan pa ’char ka thag riṅ po kho na nas mthoṅ ste | mthoṅ nas kyaṅ tshe daṅ ldan pa ’char ka’i phyir stan (34a1) śom par byed ciṅ ’di skad ces kyaṅ smras so || btsun pa ’char ka tshur spyon | btsun pa ’char ka byon pa legs so || btsun pa ’char ka gdan bśams pa ñid la bźugs śig | tshe daṅ ldan pa ’char ka stan bśams pa de la ’dug go || de nas (2) khyim bdag gi chuṅ ma sped mas | tshe daṅ ldan pa ’char ka’i rkaṅ pa gñis la mgo bos phyag ’tshal te pus mo gñis la pus mo gñis gtad de chos ñan pa’i phyir ’dug go || tshe daṅ ldan pa ’char kas de la chos sñan pa sñan pa dag bstan par brtsams so || de’i tshe na ri (3) dgas ’dzin gyi ma sa ga khyim de’i ñen kor na ’gro bas ri dgas ’dzin gyi ma sa gas khyim bdag gi chuṅ ma sbed ma’i khyim na | tshe daṅ ldan pa ’char ka’i skad kyi gdaṅs grags pa thos so || thos nas kyaṅ de ’di sñam du sems te | kye ma ’phags pa ’char ka skad kyi (4) gdaṅs kyis khyim bdag gi chuṅ ma sbed ma la sbraṅ bu sbraṅ rtsi ’byin pa daṅ ’dra bar chos sñan pa sñan pa dag ston par byed kyis bdag kyaṅ gźan la brtsams pa’i chos mñan pa’i phyir ’gro’o sñam mo || de nas ri dgas ’dzin gyi ma sa ga khyim bdag gi chuṅ ma sbed ma’i khyim (5) ga la ba der soṅ ba daṅ | ri dgas ’dzin gyi ma sa gas khyim bdag gi chuṅ ma sbed ma tshe daṅ ldan pa ’char ka’i pus mo gñis la pus mo gñis gtad de chos mñan pa’i phyir ’dug pa mthoṅ ṅo || mthoṅ nas kyaṅ de ’di sñam du sems te | gal te khyim bdag gam | khyim (6) bdag gi chuṅ ma’am | khyim bdag gi bu ma dad pa ’ga’ źig gis ’di mthoṅ bar gyur na | ’phags pa ’char ka ’dis khyim bdag gi chuṅ ma sbed ma daṅ lhan cig dben pa skyabs yod par dge sbyoṅ gi tshul ma yin pa sdig pa’i las cuṅ źig byas sam byed par sems so (7) sñam du gdon mi za bar mthar thug par ’gro bar ’gyur bas de’i phyir ’di ni bdag gi bya ba yin no sñam nas | de nas ri dgas ’dzin gyi ma sa ga bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te | mtha’ gcig (34b1) tu ’dug go || mtha’ gcig tu ’dug nas bcom ldan ’das la ri dgas ’dzin gyi ma sa gas ’di skad ces gsol to || btsun pa bdag gis khyim bdag gi mchis braṅ sbed ma’i sdum pa na | tshe daṅ ldan pa ’char ka’i skad kyi gdaṅs grags pa thos te | thos nas bdag ’di (2) sñam bgyid de | kye ma ’phags pa ’char ka khyim bdag gi mchis braṅ sbed ma la sbraṅ bu sbraṅ rtsi ’byin pa daṅ ’dra bar chos sñan pa sñan pa dag ston par bgyid kyis | bdag kyaṅ gźan la brtsams pa’i chos mñan pa’i slad du mchi’o sñam nas | bdag khyim bdag gi mchis (3) braṅ sbed ma’i sdum pa ga la ba der mchis pa daṅ | bdag gis khyim bdag gi mchis braṅ sbed ma tshe daṅ ldan pa ’char ka’i pus mo gñis la pus mo gñis gtad de mchis pa mthoṅ ṅo || mthoṅ nas kyaṅ bdag ’di sñam bgyid de | gal te da khyim bdag gam | khyim bdag (4) gi mchis braṅ ṅam | khyim bdag gi bu ma dad pa ’ga’ źig gis ’di mthoṅ bar gyur na | ’phags pa ’char ka ’dis khyim bdag gi mchis braṅ sbed ma daṅ lhan cig dben pa skyabs mchis par dge sbyoṅ gi tshul ma lags pa sdig pa’i las cuṅ źig bgyis sam bgyid par (5) sems so sñam du gadasona mi ’tshal bar mthar thug par mchi bar ’gyur bas de’i slad du ’di ni bdag gi bgyi ba lags so sñam bgyid na | btsun pa de’i slad du bcom ldan ’das kyis thugs brtse ba’i slad du | gaṅ gis ’phags pa dag bud med kyi yul daṅ lhan cig gcig (6) bu gcig daṅ dben pa skyabs mchis pa na stan la mchis par mi ’gyur bar ’phags pa rnams la dran pa ba cuṅ źig bca’ ba mdzad na legs so legs so || bcom ldan ’das kyis ri dgas ’dzin gyi ma sa ga la caṅ mi gsuṅ bas gnaṅ ṅo || de nas ri dgas ’dzin (7) gyi ma sa gas bcom ldan ’das kyis caṅ mi gsuṅ bas gnaṅ bar rig nas | bcom ldan ’das kyi źabs gñis la mgo bos phyag ’tshal te stan las laṅs nas soṅ ṅo || de nas bcom ldan ’das kyis byuṅ ba ’di daṅ | gleṅ gźi daṅ | skabs ’di la dge sloṅ gi dge (35a1) ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa ’char ka la rmas pa | (2) ’char ka khyod kyis mi mdzes pa de lta bu de byas par gyur pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin (3) no źes bya ba la sogs pas rnam par smad pa mdzad do || de nas bcom ldan ’das kyis rnam graṅs du mas rnam par smad nas | dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab (4) pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ bud med kyi yul daṅ lhan cig gcig pu gcig daṅ dben pa skyabs yod pa na ’dod pa byar ruṅ bar stan la ’dug (5) par byed ciṅ | de la gal te dge bsñen ma yid ches pa’i tshig daṅ ldan pa chos gsum po pham par ’gyur ba’am | dge ’dun lhag ma’am | ltuṅ byed las chos gaṅ yaṅ ruṅ bas smras bar gyur la dge sloṅ gis ’dug par khas blaṅs na chos gsum po pham par ’gyur ba’am | (6) dge ’dun lhag ma’am | ltuṅ byed las chos gaṅ yaṅ ruṅ bas byed du gźug ciṅ | dge sloṅ de la dge bsñen ma yid ches pa’i tshig daṅ ldan pas chos gaṅ daṅ gaṅ gis smras par gyur pa’i chos de daṅ des dge sloṅ de byed du gźug ste de ni ma ṅes pa’i chos so || yaṅ dge sloṅ gaṅ źes bya ba ni ’char ka’am gźan yaṅ de lta bu gaṅ yin pa’o || bud med kyi yul daṅ źes bya ba ni bud med dam gźon nu ma mi tshaṅs par spyad pa las byuṅ ba’i chos sten nus pa daṅ ṅo || lhan cig ces bya ba ni de daṅ lhan cig go || gcig pu gcig daṅ źes bya ba ni de de daṅ ṅo || (35b1) dben pa źes bya ba ni gaṅ na bud med daṅ skyes pa daṅ ma niṅ gźan ’ga’ yaṅ med pa’o || skyabs yod pa na źes bya ba ni lṅas bskyabs pa ste | rtsig pas bskyabs pa daṅ | rib mas bskyabs pa daṅ | yol bas bskyabs pa daṅ | thibs pos bskyabs pa daṅ | mtshan (2) mos bskyabs pa na’o || ’dod pa byar ruṅ bar źes bya ba ni mi tshaṅs par spyod pa byar ruṅ bar ro || stan la źes bya ba ni gźi la’o || ’dug par byed ciṅ źes bya ba ni ’dom gaṅ gi naṅ du rkub tshos ’jog par byed ciṅ ṅo || de la gal te dge bsñen ma yid ches (3) ba’i tshig daṅ ldan pas źes bya ba la yid ches pa źes bya ba ni saṅs rgyas la mṅon par dad pa daṅ | chos daṅ dge ’dun la mṅon par dad pa daṅ | saṅs rgyas la skyabs su soṅ ba daṅ | chos daṅ dge ’dun la skyabs su soṅ ba daṅ | saṅs rgyas la gcig tu (4) gyur pa daṅ | chos daṅ dge ’dun la gcig tu gyur pa daṅ | saṅs rgyas la nem nur med ciṅ the tshom med pa daṅ | chos daṅ dge ’dun daṅ | sdug bsṅal daṅ | kun ’byuṅ daṅ | ’gog pa daṅ | lam la nem nur med ciṅ the tshom med pa daṅ | bden pa mthoṅ ba daṅ | (5) ’bras bu thob pa daṅ | mṅon par rtogs pa daṅ ldan pa daṅ | gaṅ gi raṅ gi srog gi phyir yaṅ śes bźin du brdzun gyi tshig smra bar mi nus pa’o || chos gsum po źes bya ba la | gsum po źes bya ba ni graṅs bstan pa’o || pham par ’gyur ba’am | dge ’dun (6) lhag ma’am | ltuṅ byed las chos gaṅ yaṅ ruṅ bas źes bya ba la | pham par ’gyur ba źes bya ba ni bźi po dag las gaṅ yaṅ ruṅ bas so || dge ’dun lhag ma źes bya ba ni bcu gsum po dag las gaṅ yaṅ ruṅ bas so || ltuṅ byed ces bya ba ni dgu bcu po dag las gaṅ (7) yaṅ ruṅ bas so || ’di ltar dge bsñen ma yid ches pa’i tshig daṅ ldan pa ni ltuṅ ba la mi mkhas pa daṅ | ltuṅ ba’i gleṅ gźi la mi mkhas pa daṅ | ltuṅ ba kun nas sloṅ ba la mi mkhas pa yin pas | ’di ltar des dge sloṅ mi’i chos bla ma smra ba’am | bud med kyi (36a1) yul daṅ lhan cig stan gcig la lus kyis reg par byed pa’am | snod gcig tu za bar byed pa’am | phor bu gcig tu myos par ’gyur ba’i btuṅ ba sna tshogs ’thuṅ ba’am | sa rko ba’am | rtswa sṅon po gcod pa’am | dus ma yin par za (2) ba’am | gźan yaṅ raṅ bźin daṅ bcas pa’i kha na ma tho ba daṅ bcas pa’i las gaṅ byed par mthoṅ ba de dag las gaṅ khas blaṅs pa de byed du gźug pa’o || byed du gźug ces bya ba ni ’chags su gźug pa’o || de ni ma ṅes pa’i chos so źes bya ba ni de ni rnam par ma bźag (3) pa’i chos yin pa’o || de la ltuṅ bar ji ltar ’gyur źe na | dge sloṅ gis dge bsñen ma yid ches pa’i tshig daṅ ldan pa’i tshig gis ’gro ba khas len ciṅ ’greṅ ba yaṅ mi len ’dug pa yaṅ mi len ñal ba yaṅ mi len na | gaṅ khas len pa de byed du gźug go || dge sloṅ gis dge (4) bsñen ma yid ches pa’i tsheg daṅ ldan pa’i tshig gis ’gro ba daṅ | ’gred pa khas len ciṅ ’dug pa yaṅ mi len | ñal ba yaṅ mi len na gaṅ khas len pa de byed du gźug go || dge sloṅ gis dge bsñen ma yid ches pa’i tshig daṅ ldan pa’i tshig gis ’gro ba daṅ | ’greṅ ba (5) daṅ | ’dug pas khas len ciṅ ñal ba mi len na gaṅ khas len pa de byed du gźug go || dge sloṅ gis dge bsñen ma yid ches pa’i tshig daṅ ldan pa’i tshig gis ’gro ba daṅ | ’greṅ ba daṅ | ’dug pa daṅ | ñal ba khas len na thams cad byed du gźug go || gal (6) te dge sloṅ gis dge bsñen ma yid ches pa’i tshig daṅ ldan pa’i tshig gis ’gro ba yaṅ khas mi len ciṅ ’greṅ ba yaṅ mi len ’dug pa yaṅ mi len | ñal ba yaṅ mi len na de la chad pa’i las ’os pa yin pas dge bsñen ma yid ches pa’i tshig daṅ ldan pa’i tshig gis de’i ṅo bo (7) ñid tshol du gźug pa sbyin par bya’o || ’di ltar sbyin par bya ste | gnas mal bśam pa byas nas gaṇ+ḍī brduṅs te dris pa’i tshig gis dge ’dun thams cad la yaṅ dag par bsgo nas | dge ’dun thams cad ’dug ciṅ mthun par gyur pa la dge sloṅ gcig gis gsol ba byas (36b1) te las bya’o || dge ’dun btsun pa rnams gsan du gsol | tshe daṅ ldan pa ’char ka ’di dge bsñen ma yid ches pa’i tshig daṅ ldan pa’i tshig gis ’gro ba yaṅ mchid kyis mi ’tshal | ’greṅ ba yaṅ mi ’tshal | ’dug pa yaṅ mi ’tshal | ñal ba yaṅ mi ’tshal na | (2) gal te dge ’dun gyi dus la bab ciṅ bzod na dge ’dun gyis gnaṅ par mdzod cig daṅ | dge ’dun gyis tshe daṅ ldan pa ’char ka la dge bsñen ma yid ches pa’i tshig daṅ ldan pa’i tshig gis de’i ṅo bo ñid tshol du gźug pa stsol to || ’di ni gsol ba’o || las ni ’di ltar bya ste | (3) dge ’dun btsun pa rnams gsan du gsol | tshe daṅ ldan pa ’char ka ’di dge bsñen ma yid ches pa’i tshig daṅ ldan pa’i tshig gis ’gro ba yaṅ mchid kyis mi ’tshal | ’greṅ ba yaṅ mi ’tshal | ’dug pa yaṅ mi ’tshal | ñal bayaṅa mi ’tshal te | de’i slad du (4) dge ’dun gyis tshe daṅ ldan pa ’char ka la dge bsñen ma yid ches pa’i tshig daṅ ldan pa’i tshig gis de’i ṅo bo ñid chol du gźug pa stsol na | tshe daṅ ldan pa gaṅ dag tshe daṅ ldan pa ’char ka la dge bsñen ma yid ches pa’i tshig daṅ ldan pa’i tshig gis de’i ṅo bo ñid chol du gźug pa stsal (5) bar bzod pa de dag ni caṅ ma gsuṅ śig | gaṅ dag mi bzod pa de dag ni gsuṅ śig | ’di ni las brjod pa daṅ po ste | de bźin du lan gñis len gsum du bzlas | dge ’dun gyis bzod ciṅ gnaṅ nas dge ’dun gyis tshe daṅ ldan pa ’char ka la dge bsñen ma yid ches (6) pa’i tshig daṅ ldan pa’i tshig gis de’i ṅo bo ñid tshol du gźug stsal lags te ’di ltar caṅ mi gsuṅ bas de de bźin du ’dzin to || dge sloṅ dag ṅas dge sloṅ de’i ṅo bo ñid tshol du gźug pa byin pa’i kun tu spyod pa’i chos dag bca’ bar bya ste | dge sloṅ de’i ṅo bo ñid tshol du gźug (7) pa byin pas rab tu dbyuṅ bar mi bya | bsñen par rdzogs par mi bya | gnas sbyin par mi bya | dge tshul ñe bar gźag par mi bya’o || des dge sloṅ la tshul khrims ñams pa daṅ | lta ba ñams pa daṅ | cho ga ñams pa daṅ | ’tsho ba ñams pas gleṅ bar mi bya | dran (37a1) par mi bya’o || dge sloṅ ma la ston par bsko bar mi bya’o || sṅar bskos na yaṅ des dge sloṅ ma la bstan par mi bya’o || des gdams ṅag gźag par mi bya | gso sbyoṅ gźag par mi bya | dgag dbye gźag par mi bya’o || des gsol ba mi bya gsol (2) ba daṅ gñis daṅ | gsol ba daṅ bźi’i las mi bya’o || des dge ’dun gyi naṅ du gaṅ zag ’dul ba ’dzin pa gźan dag yod na so sor thar pa’i mdo gdon par mi bya’o || dge sloṅ de’i ṅo bo ñid tshol du gźug pa phyin pas kun tu spyad par bya ba’i chos ji ltar bcas pa yaṅ dag (3) par blaṅs te ’jug par mi byed na ’jal tshabs can du ’gyur ro || ma ṅes pa’i chos daṅ po rdzogs s+ho || ||

.