[Pāyantika 16]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ rab na bźugs so || de’i tshe na tshe daṅ ldan pa ’char kas dge sloṅ gsar bu gsar bu (7) dag la tshe daṅ ldan pa dag tshur śog | ljoṅs rgyur ’dod daṅ der bdag cag gis rgol ba dag kyaṅ tshar gcad par bya | raṅ gi grags pa yaṅ bsgrag par bya | rñed pa yaṅ bsgrub par bya źiṅ khyed cag kyaṅ lhuṅ bzed daṅ | chos gos daṅ | dra ba daṅ | phor bu daṅ | ska rags daṅ | (26a1) luṅ dpog pa daṅ | bklag pa daṅ | kha ton daṅ | rnal ’byor daṅ | yid la bya bas byel ba med par bya’o źes spro bar byas pa daṅ | de dag gis slob dpon daṅ | mkhan po dag la źus pa | mkhan po bdag cag ljoṅs rgyur mchi’o || su daṅ lhan cig tu | (2) btsun pa ’char ka daṅ ṅo || tshe daṅ ldan pa dag de ni gnas ṅan len kun du spyod pa yin pas khyed la mtho ’tsham par ’gyur ro || mkhan po btsun pa ’char ka ni bdag cag gi pha ma lta bur rnam par gnas pa lags pas ci’i slad du de bdag cag la mtho ’tsham par ’gyur źes de dag gis (3) de dag gi tshig tshig ma yin par byas te de daṅ lhan cig ljoṅs rgyur ’phags so || ’char kas gaṅ gi tshe phyi rol gyi mtshams ’das pa de’i tshe na smras pa | tshe daṅ ldan pa dag khyed ci’i phyir gnas ma bcas par ljoṅs rgyur ’doṅ bar byed | tshur śog gnas chos śig ces des ṅe (4) dag mdun du tsog bur ’dug du bcug ste gnas ’char bcug go || des de dag la la la gtur bu gtad la la la lhuṅ bzed kyi stod gtad | la la la bar bur snod gtad | la la la phor bu gtad | la la la ril ba spyi blugs gtad nas | de lag pa gñis brkyaṅ ste | rdul gzan (5) las gźan med par ’jig rten la mtho ’tsham źiṅ ’gro ba na | de dag ri brags śig tu phyin nas de dag der khron pa źig gi druṅ du ṅal so bar byed pa na | de na ri brags kyi gtsug lag khaṅ źig yod pa der gaṇ+ḍī brduṅs pa daṅ | de dag gis thos nas smras pa | slob dpon gtsug lag (6) khaṅ du gaṇ+ḍī brduṅs kyis bźud do || ’char kas smras pa | lhuṅ bzed nag po can las med bdag gis las kyi gaṇ+ḍā brduṅs śiṅ bdag cag ṅal bdag gis las bya dgos par ’gyur ba de lta bu’i gnas yod par ’gyur ro || slob dpon rñed pa’i gaṇ+ḍī ma lags sam | de yin na bdag (7) cag mtshams su phyin na ’thob bo || slob dpon ni grags pa bsod nams che ba lags pas ’thob kyi bdag cag sus stsol bar ’gyur | deṅ lag la te rñed pa yod na kho bo’i yaṅ nos śig | de dag doṅ ba daṅ ji tsam na der gnas mal gyi gaṇ+ḍī brduṅs nas dge sloṅ rnams (26b1) kyis smras pa | tshe daṅ ldan pa dag gnas mal nos śig | de dag gis smras pa | bdag cag las ches rgan pa yaṅ yod do || su yin | slob dpon ’char ka’o || de’i yaṅ nos śig | de dag gis gnas mal mnos so || tshe daṅ ldan pa ’char ka yaṅ de na ’du ’dzi’i gtam (2) gyis ’dug ste | ri brags ’di su’i | gtsug lag khaṅ ’di su’i || lta khaṅ ’di su’i | skyed mos tshal ’di su’i | kun dga’ ra ba ’di su’i || khron pa ’di su’i || źiṅ ’di su’i || bala’a ’di dag su’i || ma he ’di dag su’i źes ’du ’dzi’i gtam gyis ’dug go || de dag gis (3) kyaṅ bsams pa | slob dpon ’char ka yun riṅ du thogs par ’gyur ro sñam nas de dag gis gcig la gcig źus te | tshe daṅ ldan pa ’char ka’i mal bśams nas rkaṅ pa bsku ba mtha’ gcig tu bźag ste | rkaṅ pa gñis bkrus nas me khaṅ du źugs te ñal lo || tshe daṅ ldan pa ’char (4) ka yaṅ ji srid du de’i ’du ’di’i gtam gyi zla yod pa de srid du ’dug ’dug nas | gaṅ gi tshe de’i ’du ’dzi’i gtam gyi zla med pa de’i tshe na mig lam chad pa’i dus kyi tshe gtsug lag khaṅ du ’oṅs te | tshe daṅ ldan pa dag tshe daṅ ldan pa dag ces bor bar brtsams pa daṅ | dge sloṅ rnams kyis de la (5) smras pa | tshe daṅ ldan pa ’char ka ’dam bu thibs po’i gseb tu źugs pa bźin du ci ’bod | ’char kas smras pa | ’di na kho bo’i gźon nu dag cig ’khod na de dag las ’ga’ źig na bar ma gyur tam | de dag gis de thos nas smras pa | slob dpon ma ’bod cig | gnas khaṅ ’o (6) nir gzims mal bśams te | źabs kyi chab daṅ | źabs bsku ba yaṅ bźag gis der gzims śig | ’char kas smras pa | tshe daṅ ldan pa dag khyed kyis su la źus te rkaṅ pa dag bkrus | slob dpon yun riṅ du thogs par gyur nas gcig la gcig źus te sug pa dag (7) bkrus so || ’char kas spyos te smras pa | gtsug lag khaṅ nas phyir byuṅ la | gaṅ ’di ltar gus pa med pa daṅ | rjes med pa dag la gnas sbyin par byed pa de’i gan du soṅ la gnas chos śig ces des de dag gtsug lag khaṅ nas phyi rol du bskrad do || de dag de na mtshan (27a1) thog thag bla gab med par lhags pas ñen par gyur to || de dag naṅs par sdar laṅs te smras pa | slob dpon phyag ’tshal lo || bdag cag mchi’o || gal ’doṅ | mñan yod du’o || sdod cig daṅ kho bos khyed cag na brnams kyi nad g-yog bya’o || slob (2) dpon khyod kyis bdag cag min pa yaṅ na bar byas pas na brnams kyi nad g-yog byas re skan źes de dag mñan yod du doṅ pa daṅ | dge sloṅ rnams kyis de dag la smras pa | tshe daṅ ldan pa dag ’oṅs pa legs so || ’oṅs pa legs so || ji lta bde bar brgyus sam | ji ltar (3) bde bar brgyus | bdag cag slob dpon ’char kas mtshan thog thag lhags pas tho bcams so || ci’i phyir | de dag gis skabs de rgyas par brjod pa | dge sloṅ don ñuṅ du dag ci’i phyir dge sloṅ dag dge ’dun gyi gtsug lag khaṅ nas dge sloṅ skrod par byed ces smod par byed (4) phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || (5) saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis ’char ka la rmas pa | ’char ka khyod dge ’dun gyi gtsug lag khaṅ nas dge sloṅ skrod pa bden nam | btsun pa mad do || (6) saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rib tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnams par smad nas (7) dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab ba’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon (27b1) par bya ste | yaṅ dge sloṅ gaṅ khros ’khrugs rṅam par gyur te | yi ma raṅs nas dge ’dun gyi gtsug lag khaṅ nas dge sloṅ skrod du ’jud na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ bar mdzad do || saṅs rgyas (2) bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na sa’i gtsug lag khaṅ źig yod pa de na dge sloṅ nad pa źig ’dug nas | ji tsam na sbrin kha dog lṅa pa ’dus nas dge sloṅ rnams kyis de la smras pa | tshe daṅ ldan pa sbrin pa dog lṅa pa (3) ’dus pas gtsug lag khaṅ rdi par ’gyur srid kyis phyir byuṅ źig | kho bo raṅ ’byuṅ mi nus so || dge sloṅ rnams ’gyod pas ma phyuṅ nas char ba bste gtsug lag khaṅ rdib nas des dge sloṅ de non te dus la bab pa’i skabs de dge sloṅ rnams kyis bcom ldan ’das la gsol to || de nas bcom (4) ’das kyis bslab pa ’dod pa daṅ | bslab pa la gus pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod nas dge sloṅ rnams la de daṅ mthun pa daṅ | de’i śas che ba daṅ | de daṅ ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ (5) dag de lta bas na sṅa ma ni bcas pa yin la | ’di ni gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ khros ’khrugs rṅam par gyur te | yi ma raṅs nas dge ’dun gyi gtsug lag khaṅ nas dge sloṅ skrod du ’jug mdo (6) ’dra ba’i rkyen ma gtogs te ltuṅ byed do || yaṅ dge sloṅ gaṅ źes bya ba ni ’char ka ’am | gźan yaṅ de lta bu gaṅ yin pa’o || khros ’khrugs rṅam par gyur te | yi ma raṅs nas źes bya ba ni khros śiṅ khro ba’i zil gyis non nas so || dge ’dun gyi źes bya ba ni de bźin gśegs pa’i ñan thos kyi (7) dge ’dun gyi’o || gtsug lag khaṅ nas źes bya ba ni gaṅ du spyod lam bźi po ’gro ba daṅ | ’greṅ ba daṅ | ’dug pa daṅ | ñal bdag byar ruṅ ba nas so || dge sloṅ źes bya ba ni chos ’di pa’o || skrod dam źes bya ba ni bdag ñid kyis so || skrod du ’jud na źas na źas ba ba ni gźan no || de ’dra ba’i rkyen ma gtogs te źes bya ba (28a1) ni de ’dra ba’i rkyen bźag ste’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ bdag tu sreg par byed | ’chod par byed | ltuṅ bar byed pa’o || gźan yaṅ (2) ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des nas ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis ji tsam du khros ’khrugs rṅam par gyur te | yi ma raṅs nas dge ’dun gyi gtsug lag (3) khaṅ nas dge sloṅ skrod dam skrod du ’jud na thams cad du ltuṅ byed du ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || skrod pa’i ltuṅ byed de bcu drug pa rdzogs s+ho || ||

.