[Pāyantika 25]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || dge sloṅ ma sbed ma’i chos gos lṅa ṅan ciṅ snam sbyar yaṅ (5) rñiṅs nas | des ras yug chen cig rñed pa daṅ de su źig bdag gi chos gos tshem par ’gyur sñam du sems khauṅa du chud ciṅ ’dug pa na | dge sloṅ ma rnams kyis de la smras pa | sbed ma khyod ci’i phyir sems khoṅ du chud ciṅ ’dug | phu nu mo dag kho mo dag kho mo chos gos lṅa ṅan ciṅ (6) snam sbyar yaṅ rñiṅs nas kho mos ras yug chen źig rñed na | kho mo’i chos gos su ’drub par ’gyur mi śes so || sbed ma khyod gser gyi snod kyis sloṅ mo la rgyu’am | khyod kyi dge sloṅ ’phags pa ’char ka rab tu bśes pa yin no || sbed mas smras pa | des kho mo’i chos gos (7) dru bas par mi ’gyur ro || khyod kyis de la lan ’ga’ bcol ba yod dam | lan ’ga’ yaṅ bcol ba med do || ci khyod chu sgra grags pas lham ’bu dam | soṅ la chol cig daṅ ’drub par ’gyur ro || sbed ma ’char ka’i gan du soṅ ste | de’i rkaṅ pa gñis la mgo bos phyag (93b1) ’tshol nas mdun du ’jug pa daṅ | tshe daṅ ldan pa ’char kas de’i ras yug chen mthoṅ nas de la smras pa | sbed ma gaṅ la ras yug chen ’di lta bu yod pa des ras sar ba las snam sbyar ñi rim byas te sñiṅ las chuṅ dus dge ba’i phyogs la tron byas par ’gyur ro || sbed mas (2) smras pa | ’phags pa bdag khyod la ras yug chen mi ’bul ba ni ma lags na ’di ltar bdag gi chos gos lṅa ṅan ciṅ snam sbyar yaṅ rñiṅs pas khyod kyis bdag gi snam sbyar yaṅ rñiṅs pas khyod kyis bdag gi snam sbyar tshems te stsol cig | ’char kas bsams pa | gal te re źig btsem par byar yaṅ bcu gñis sde dab (3) las gaṅ daṅ dag la chos gos btsem par bya ba byuṅ bar gyur pa de dag thams cad kyaṅ bdag gi gan du khyer te ’oṅ bas de sñed cig btsem par yaṅ ji ltar nus | gal te mi btsem du ni tshig pa’i g-yar tshus kyaṅ mi ster bar ’gyur bas ’di ltar ci nas kyaṅ śiṅ gi snod du bskol (4) ba bźin du daṅ po gaṅ yin pa de ñid tha mar ’gyur ba de ltar btsem par bya’o sñam nas des de la smras pa | źog la soṅ śig | sbed mas bźag ste soṅ ba daṅ | drug sde dag der dog nas de dag gis ras yug chen de mthoṅ nas smras pa | btsun pa ’char ka ras yug chen (5) ’di su’i | las bdag gir bya ba de’i’o || gaṅ gi sbed ma’i’o || źog la soṅ śig | de dag gis ras yug chen de brgyaṅs te dras śiṅ drubs nas ’char kas snam sbyar de daṅ tshon lṅa’i skud pa khyer te ’chag tu soṅ nas | des (6) der soṅ ste snam sbyar de la tshon sna lṅa’i skud pas bdag ñid sbed ma’i mgul nas ’khyud de ’dug pa źig skud ris su btsem nas de gtsug lag khaṅ du ’oṅs te snam sbyar de bltab nas chos gos kyi gdaṅ la bkal te bźag pa daṅ | sbred ma yaṅ ’oṅs nas ’char kas smras pa | (7) sbed ma kho bos kyaṅ snam sbyar btsems na khyod kyaṅ ’oṅs so || des snam sbyar de bltab bźin du sbed ma’i phrag pa la bkal te smras pa | re źig ji srid du tshon gyis ma btsal ba de srid du ma dbye śig | ltuṅ ba daṅ bcas par gyur ta re | sbed mas snam sbyar de de bźin blta ba (94a1) bźin kho nar dbyar khaṅ du ’phags pa daṅ | de la dge sloṅ ma khrims zlas smras pa | sbed ma ’phags pa ’char kas snam sbyar ji ltar btsems pa bltas ’on cig | sbed mas de la smras pa | ’phags pa ’char ka na re re źig ji srid du tshon gyis ma bcal (2) ba de srid du ma dbye śig | ltuṅ ba daṅ bcas par gyur ta re źes zer ro źes ltar ma ster ro || sbed ma dbyar khad du soṅ ba daṅ | de la dge slob ma rnams kyis smras pa | sbed ma ’phags pa ’char kas snum sbyar ji ltar btsems pa bltas ’on cig | sbed mas smras pa | ’phags (3) pa ’char ka na re re źig ji srid du tshon gyis ma bcal ba de srid du ma dbye śig | ltuṅ ba daṅ bcas par gyur ta re źes zer ro || dge sloṅ ma grogs mo dag gis ’di la ltuṅ bar ’gyur ba ci yod ces de’i rgyab logs su ’dug ste snam sbyar hur ces phrogs nas phye ste bltas pa daṅ | (4) dge sloṅ ma rnams kyis de la tshon sna lṅa’i skud pas ’char ka sbed ma’i mgul nas ’khyud de ’dug pa skud ris su bcoms pa mthoṅ nas rta gad kyis btab ste smras pa | sbed ma khyod la ’phags pa ’char kas yun riṅ mo źig gis gzod ’khyud do || skye dgu’i bdag mo chen mo gau ta (5) mīsa thos nas des smras pa | nu mo dag khyed mgo phyi źiṅ mchan khuṅ spun pa yin na ci dgod | de dag gis smras pa | ’phags ma ji lta ji ltar ’phags pa ’char kas mi mjos pa bgyis pa la gzigs | nu mo dag drug sde gnas ṅan len kun du spyod pa dag gis ’drums pa (6) ltuṅ bas bcom ldan ’das kyi bstan pa ’jig par byed do źes zer ba’i skabs de dge sloṅ ma rnams kyis dge sloṅ rnams la brjod nas | dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la (7) dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa ’char ka la rmas pa | ’char (94b1) ka khyod dge sloṅ ma ñe du ma yin pa’i gos byed pa bden nam | btsun pa mad do || saṅs rgyas bcom ldan ’das kyis sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par (2) smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs (3) pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ dge sloṅ mñe du ma yin pa’i gos byed na ltuṅ byed do || yaṅ dge sloṅ gaṅ źes bya ba ni ’char ka’am | gźan yaṅ de lta bu gaṅ yin pa’o || dge sloṅ (4) ma źes bya ba ni chos ’di pa’o | ñe du ma yin pa’i źes bya ba ni phyi mo dag | mes po daṅ | phrugs kyi bdun pa tshun chad ni ñe du yin la | de phan chad ni ñe du ma yin no || gos źes bya ba ni bdun po bal gos daṅ | śa na’i gos daṅ | zar ma’i gos daṅ | du gu la’i gos (5) daṅ | ras bal gyi gos daṅ | ko tam pa’i gos dag las gaṅ yaṅ ruṅ ba’o || byed na źes bya ba ni ’tshem na’o || ltuṅ byed do źes bya ba ni sems can dmyal ba daṅ | dud ’gro daṅ | yi dag ṅan soṅ daṅ | ṅan ’gro daṅ | log par ltuṅ ba (6) dag tu sreg par byed | ’tshod par byed ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltug byed do źes gsuṅs so | de la ltuṅ bar ji ltar ’gyur ba źe na | dge sloṅ gis dge sloṅ ma (7) ñe du ma yin pa la ñe du ma yin par ’du śes pas gos byed na ltuṅ byed na ltuṅ byed du ’gyur ro || dge sloṅ gis dge s+l+loṅa ma ñe du ma ñe du ma yin pa la yid gñis za bas gos byed na ltuṅ byed du ’gyur ro || dge sloṅ gis dge sloṅ mñe du la ñe du ma yin par ’du śes pas gos byed na ñes byas su (95a1) ’gyur ro || dge sloṅ gis dge sloṅ ma ñe du la yid gñis za bas gos byed na ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || gos byed pa’i ltuṅ byed de ñi śu lṅa (2) pa rdzogs s+ho || ||

.