[Pāyantika 40]
saṅs rgyas bcom ldan ’das śākya rnams kyi naṅ du ljoṅs rgyu źiṅ gśegs pa na | ser skya’i gnas su byon nas ser skya’i gnas na n+ya gro d+ha’i kun dga’ ra ba na bźugs (5) so | |śākya miṅ chen gyis bcom ldan ’das śākya rnams kyi naṅ du ljoṅs rgyu źiṅ gśegs pa na ser skya’i gnas su byon nas ser skya’i gnas na n+ya gro d+ha’i kun dga’ ra ba na bźugs so źes thos so || thos nas kyaṅ ser skya’i gnas nas byuṅ nas | bcom ldan ’das ga la ba der (6) soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das śākya miṅ chen la chos daṅ ldan pa’i bka’ mchid kyis yaṅ dag par ston par mdzad | yaṅ dag par ’dzin du ’jud par mdzad (7) yaṅ dag par gzeṅ stod par mdzad | yaṅ dag par rab tu dga’ bar mdzad do || rnam graṅs du mas chos daṅ ldan pa’i bka’ mchid kyis yaṅ dag par bstan | yaṅ dag par ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad (161b1) nas caṅ mi gsuṅ ṅo || de nas śākya miṅ chen stan las laṅs te bla gos phrag pa gcig tu byas nas | bcom ldan ’das ga la ba de logs su thal mo sbyar ba btud de bcom ldan ’das la ’di skad ces gsol to || bcom ldan ’das kyis saṅ bdag gi sdum par dge sloṅ gi dge (2) ’dun daṅ thabs cig tu gdugs tshod gsol bar ci gnaṅ | bcom ldan ’das kyis śākya miṅ chen la caṅ mi gsuṅ bas gnaṅ ṅo || de nas śākya miṅ chen gyis bcom ldan ’das kyis caṅ mi gsuṅ bas gnaṅ bar rig nas | bcom ldan ’das kyi źabs gñis la mgo bos (3) phyag ’tshal te | bcom ldan ’das kyi spyan sṅa nas soṅ nas raṅ gi khyim ga la ba der soṅ ste phyin nas źo śas ’tsho ba dag la smras pa | śes ldan dag bcom ldan ’das daṅ dge sloṅ gi dge ’dun śul gyis mñes te gśegs kyis gdugs tshod sṅa rab tu źal zas bsod pa sta gon (4) gyis śig | drug sde dag naṅ par sṅar laṅs te smras pa | dga’ bo ñe dga’ je khyim du ’gro ba’i khyim dag bltas ’doṅ ṅo || de ltar bya’o źes de dag khyim du ’gro ba’i khyim dag tu doṅ ba daṅ | de dag gis smras pa | ’phags pa dag ’di ñid du gdugs tshod gsol cig | (5) drug sde dag gis smras pa | kho bo cag mgron du bos so || sus | śākya miṅ chen gyis so || ’o na saṅ gdugs tshod gsol cig | de ltar bya’o || de nas śākya miṅ chen naṅ par sṅar laṅs te gdan bśams nas chu ra bźag ste | bcom ldan ’das la spyan (6) ’dren gyis btsun pa gdugs tshod g-yar dgoṅs ’tshal na | bcom ldan ’das kyis da de’i dus la bab par dgoṅs su gsol źes spyan draṅs so || de nas bcom ldan ’das sṅa dro śam thabs gsol la lhuṅ bzed daṅ chos gos bsnams te | dge sloṅ gi tshogs kyis yoṅs su (7) su bskor ciṅ || dge sloṅ gi dge ’dun gyis mdun du bdar nas | śākya miṅ chen gyi bkad sa ga la ba der gśegs te byon nas | dge sloṅ gi dge ’dun gyi goṅ du gdan bśam pa ñid la źugs so || de nas śākya miṅ chen gyis saṅs rgyas la sogs pa dge sloṅ (162a1) gi dge ’dun bde bar bźugs par rig nas bca’ ba daṅ | bza’ ba gtsaṅ źiṅ bsod pas raṅ gi lag nas tshim par byed ciṅ stobs par byed do || rnam graṅs du mas bca’ ba daṅ bza’ ba gtsaṅ źiṅ bsod pas raṅ gi lag nas tshim par byas śiṅ bstabs (2) nas | bcom ldan ’das gdugs tshod gsol ciṅ phyag bcabs te lhuṅ bzed bźag par rig nas | stan ches dgam ba slaṅs te bcom ldan ’das kyi spyan sṅar chos mñan pa’i phyir ’dug go || de nas bcom ldan ’das kyis śākya miṅ chen la chos daṅ ldan pa’i bka’ (3) mchid kyis yaṅ dag par ston par mdzad | yaṅ dag par ’dzin du ’jud par mdzad | yaṅ dag par gzeṅs stod par mdzad | yaṅ dag par rab tu dga’ bar mdzad do || rnam graṅs du mas chos daṅ ldan pa’i bka’ mchid kyis yaṅ dag par bstan | yaṅ dag par (4) ’dzin du bcug | yaṅ dag par gzeṅs bstod | yaṅ dag par rab tu dga’ bar mdzad nas gdan las bźeṅs te gśegs so || de nas śākya miṅ chen re źig bcom ldan ’das kyi slad bźin du źabs ’briṅ du soṅ nas | bcom ldan kyi źabs (5) gñis la mgo bos phyag ’tshal te | bcom ldan ’das la lan gsum bskor ba byas nas | bcom ldan ’das kyi spyan sṅa nas phyir log ste | de steṅ gi khaṅ bzaṅs kyi gźir gtogs pa na gtoṅ ba rjes su dran pa sgom par byed do || źo śas ’tsho ba dag gis kyaṅ (6) de’i gnas ma la dag brtul ciṅ kha zas dag bsdus so || drug sde dag gis smras pa | dga’ bo ñe dga’ gdugs tshod la bab pas zan chad par gyur na mi ruṅ gis ’doṅ ṅo źes de dag gis khyim du ’gro ba’i khyim dag tu zan drug bcu sbyor du bcug nas śākya miṅ chen gyi khyim du doṅ (7) pa daṅ | ji tsam na de na kha zas sta gon byas pa yaṅ med | gnas mal bśams pa yaṅ med par mthoṅ nas drug sde dag gis źo śas ’tsho ba de dag la smras pa | śes ldan dag saṅs rgyas la sogs pa dge sloṅ gi dge ’dun spyan draṅs nas sñiṅ las chuṅ ṅur ’khod ciṅ (162b1) gdugs tshod kyaṅ sta gon mi byed | gnas mal yaṅ śom par mi byed na | ji saṅs rgyas la sogs pa dge sloṅ gi dge ’dun gyi dge ’dun gyi gdugs tshod gcod par byed dam | de dag gis smras pa | ’phags pa dag khyed cag mnal bar gyur tam ci | saṅs rgyas la sogs (2) pa dge sloṅ gi dge ’dun gadugasatshoda gsol te gśegs lags so || drug sde dag gis smras pa | ci kho bo cag gi zan gcad par bya’am | de dag gis smras pa | ’phags pa dag bdag cag gis śākya miṅ chen la spran gyi bar yud tsam źig gźes śig ces (3) de dag doṅ ste śākya miṅ chen la smras pa | ’phags pa drug sde dag dag zod mchis te ’tshal ma sloṅ ṅo || śākya miṅ chen gyis smras pa | deṅ la lhag rol cuṅ zad ci yod pa de byin cig | de dag doṅ ste smras pa | ’phags pa dag bźugs la gsol cig ces de dag (4) gis brim par brtsams pa daṅ | drug sde dag gis smras pa | śākya sde dag gis smras pa | śākya miṅ chen gyis kha śin tu chen pos bom ldan ’das kyis saṅ bdag gi sdum par dge sloṅ gi dge ’dun daṅ thabs cig gdugs tshod gsol par ci gnaṅ źes saṅs rgyas la sogs pa dge sloṅ gi dge ’dun (5) spyan draṅs na | gal te zan ’di ’dra bas saṅs rgyas la sogs pa dge sloṅ gi dge ’dun spyan draṅ du ruṅ na ni | ñe dga’ sa kyaṅ ñi ma re re źiṅ saṅs rgyas la sogs pa dge sloṅ dge ’dun spyan ’dren par ’gyur ro || ’di ltar bkren pa ’di la ci bdog gis deṅ la khyim bdag (6) che ge mo’i khyim nas ’o ma loṅ śig | che ge mo’i khyim nas źo loṅ śig | che ge mo’i khyim nas mar loṅ śig | che ge mo’i khyim nas ña śa loṅ śig | che ge mo’i khyim nas śa loṅ śig | che ge mo’i khyim nas śa skam dag loṅ śig ces de dag gis bdag ñid (7) kyi phyir zas bsod pa de lta bu dag gźan gyi khyim dag nas bslaṅs te der zos nas doṅ ste gtsug lag khaṅ du doṅ ba daṅ | dge sloṅ rnams kyis de dag la smras pa | tshe daṅ ldan pa dag khyed kyis gaṅ du zan zos | de ñid du’o || khyed cag de na ma mthoṅ ṅo | drug sde dag (163a1) gis smras pa | kho bo cag phyis lhags so || khyed cag gis zan ji lta bu zos | drug sde dag gis smras pa | ’o ma daṅ | źo daṅ | mar daṅ | ña śa daṅ | śa daṅ | śa skam dag go || dge sloṅ rnams kyis smras pa | kho bo cag gis zas de lta bu (2) ma thob bo || drug sde dag gis smras pa | bkren pa de la zas de lta bu ga la yod | kho bo cag gis khyim du ’gro ba’i khyim dag nas blaṅs te der zos so || khyed cag bdag ñid kyi phyir zas bsod pa de lta bu dag gźan gyi khyim dag nas bslaṅs te zar ruṅ ṅam | ruṅ yaṅ (3) srid mi ruṅ yaṅ srid de | ci kho bo cag gis ltogs te ’chi bar bya’am | dge sloṅ don ñuṅ ṅu dag ci’i phyir dge sloṅ dag bdag ñid kyi phyir zas bsod pa de lta bu dag gźan gyi khyim bdag nas bslaṅs te ’cha’ ba daṅ | za bar byed ces smod par byed | phyar ka gtoṅ bar byed | (4) kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom (5) ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag ṅas dge sloṅ rnams kyi zas bsod pa gaṅ dag gsuṅs pa ’di lta ste | ’o ma daṅ | źo daṅ | (6) mar daṅ | ña śa daṅ | śa daṅ | śa skam dag ste | khyed kyis bdag ñid kyi phyir zas bsod pa de lta bu dag gźan gyi khyim dag nas bslaṅs te zos pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su (7) mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na (163b1) phan yon bcu yaṅ dag par gzigs pas | ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | bcom ldan ’das kyis dge sloṅ (2) rnams kyi zas bsod pa gaṅ dag gsuṅs pa ’di lta ste | ’o ma daṅ | źo daṅ | mar daṅ | ña śa daṅ | śa daṅ | śa skam dag ste | yaṅ dge sloṅ dag bdag ñid kyi phyir zas bod pa de lta bu gźan gyi khyim dag nas blaṅs te ’cha’ ’am | za na ltuṅ byed do (3) źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad do || dge sloṅ na ba źig gis sman pa la dris pa | bźin bzaṅs je kho bo la sman ston cig | ’phags pa ’o ma gsol cig | bźin bzaṅs kho bo la ’o ma sus sbyin par gyur | (4) ’phags pa khyim dag nas sloṅ śig | bźin bzaṅs bcom ldan ’das kyis bslab pa’i gźi bca’ ba mdzad do || ’phags pa khyod kyi ston pa thugs rtse can lags pas | de ñid rkyen du mdzad nas gnaṅ bar gyur pa gaṅ lags pa de lta bu’i gnas mchis par ’gyur ro źes (5) zer ba’i skabs de dge sloṅ rnams de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de lta bas na na ba’i dus ma gtogs so || de bźin du dge sloṅ gźan la ’o ma daṅ | źo daṅ | mar daṅ | ña śa daṅ | śa daṅ | śa skam dag (6) khyim dag nas sloṅ du gnaṅ ba’i bar du sṅa ma bźin no || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod nas dge sloṅ rnams la de daṅ mthun pa daṅ | de’i śas che ba daṅ | de daṅ (7) ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la ’di ni gnaṅ ba yin te | ṅa’i ñan thos rnams kyis ’dul ba la bslab pa’i gźi ’di ltar gdon par bya ste | bcom ldan ’das kyis (164a1) dge sloṅ rnams kyi zas bsod pa gaṅ dag gsuṅs pa ’di lta ste | ’o ma daṅ | ’o ma daṅ | źo daṅ | mar daṅ | ña śa daṅ | śa daṅ | śa skam dag ste | yaṅ dge sloṅ gaṅ mi na bar bdag ñid kyi phyir zas bsod pa de lta bu dag gźan gyi khyim bdag nas bslaṅs te ’cha’ ’am za na (2) ltuṅ byed do || bcom ldan ’das kyis źes bya ba ni de bźin gśegs pa dgra bcom pa yaṅ dag par rdzogs pa’i saṅs rgyas bcom kyis so || dge sloṅ rnams kyi źes bya ba ni chos ’di pa rnams kyi’o || zas bsod pa gaṅ dag bsod pa źes bya ba ni rab tu bstan pa’o || ’di lta ste | (3) ’o ma daṅ | źo daṅ | mar daṅ | ña śa daṅ | śa daṅ | śa skam dag ste źes bya ba ni ba zas bsod pa dag go || yaṅ dge sloṅ gaṅ źes bya ba ni drug sde ’am | gźan yaṅ de lta bu gaṅ yin pa’o || min par źes bya ba ni na pa ma gtogs par ro || bdag ñid kyi phyir (4) źes bya ba ni bdag ñid la bsṅos te’o || zas bsod pa de lta bu dag ces bya ba ni ’o ma daṅ | źo daṅ | mar daṅ | ña śa daṅ | śa daṅ | śa skam dag go | gźan gyi khyim dag nas źes bya ba ni bram ze daṅ | khyim bdag gi khyim dag nas so || bslaṅs te źes bya ba (5) ni gsol te’o || ’cha’ ’am za na źes bya ba ni mgul du mid na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan (6) yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ gis mi na bas sloṅ źiṅ min pas za na de sloṅ ba la ñes byas su ’gyur la | za (7) ba la ltuṅ byed du ’gyur ro || dge sloṅ gis min pas sloṅ źiṅ na bas za na de sloṅ ba la ñes byas su ’gyur la | za ba la ltuṅ ba med do || dge sloṅ gis na bas sloṅ źiṅ mi na bas za na de sloṅ ba la ltuṅ ba med la za ba la ltuṅ byed du ’gyur ro || dge sloṅ gis na bas sloṅ źiṅ na (164b1) bas za na gñis ka la ltuṅ ba med do || dge sloṅ bsod sñoms la rgyu źiṅ khyim dag tu ’gro ba na bud med kyi yul zas thogs te phyir ’byuṅ ba’i tshe dge sloṅ caṅ mi smra bar sdod pa na | bud med kyi yul na re ’phags pa ci bźed ces ’dri na bstabs par brjod par bya ste | ji ’dod pa de bslad (2) bar bya ba ltuṅ ba med do || sbyin bdag gis ci bder byas pa la ltuṅ ba med do || źo sbyin pa na chur khu daṅ | dar ba sloṅ ba la ltuṅ ba med do || smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || bsod pa (3) sloṅ ba’i ltuṅ byed de bźi bcu pa rdzogs s+ho || ||

.