[Pāyantika 49]
saṅs rgyas bcom ldan ’das mñan yod na rgyal byed (4) kyi tshal mgon med zas sbyin gyi kun dga’ ra ba na bźugs so || gaṅ gi tshe tshe daṅ ldan pa maud gal gyi bu chen pos ñe ba ’khor la sogs pa sar pa skyes phran gźon nu bcu bdun sde’i tshogs dag rab tu phyuṅ | rdzogs par bsñen par byed pa de’i tshe na de dag drug sde dag la sten par byed | (5) sñen par byed | bsñen bkur byed do || de nas ’char kas smras pa | bcu bdun sde dag tshur śog | bdag cag la brdeg par gzas so źes phyis gan du ’gyel te ṅu bar brtsams so || dge sloṅ rnams kyis smras pa | tshe daṅ ldan pa ’char ka ci’i phyir gźon nu dag la (6) dag las gcig la brdeg par gzas pa daṅ | de dag thams cad kyis bdag cag la brdeg par gzas so || bdag cag la brdeg par gzas so źes phyis gan du ’grel te ṅu bar brtsams so || dge sloṅ rnams kyis smras pa | tshe daṅ ldan pa ’chas ka ci’i phyir gźon nu dag la (7) brdeg par gzas | ’char kas smras pa | tshe daṅ ldan pa dag kho bos gcig la brdeg par gzas pa daṅ thams cad sa la ’gyel te ṅu’o || dge sloṅ rnams kyis bcu bdun sde dag la smras pa | tshe daṅ ldan pa dag khyed cag las gcig la brdeg bar gzas na ci’i phyir thams cad sa la (184b1) ’gyel te ṅu | de dag gis smras pa | gal te ma ṅus na gaṅ la ci brdeg gtol med do || dge sloṅ don ñuṅ ṅu dag ci’i phyir dge sloṅ dag khros ’khrugs rṅam par gyur te yi ma raṅs nas dge sloṅ la brdeg par gzas par byed ces smod par byed | phyar ka gtoṅ bar byed | kha zer bar byed (2) pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin (3) du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis tshe daṅ ldan pa ’char ka la rmas pa | ’char ka khyod khros ’khrugs rṅam par gyur te yi ma raṅs nas dge sloṅ la brdeg par gzas pa bden nam | btsun pa mad do || saṅs rgyas (4) bcom ldan ’das kyis dge sloṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams (5) la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ (6) gaṅ khros ’khrugs rṅam par gyur te yi ma raṅs nas dge sloṅ la brdeg par gzas na tha na thal mos kyaṅ ruṅ ste ltuṅ byed do || yaṅ dge sloṅ gaṅ źes bya ba ni ’char ka’am | gźan yaṅ de lta bu gaṅ yin pa’o || khrog ’khrugs rṅam par gyur te yi ma raṅs nas źes bya ba ni khrog śiṅ khro ba’i (7) zil gyis non nas so || dge sloṅ la źes bya ba ni chos ’di pa la’o || brdeg par gzas na źes bya ba ni brdeg par bśam na’o || tha na thal mos kyad ruṅ ste źes bya ba ni than thal lcag tsam gzas kyaṅ ruṅ ste’o || ltuṅ byed do źes bya ba ni sems can dmyal ba daṅ | dud ’gro daṅ | yi (185a1) dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || (2) de la ltuṅ bar ji ltar ’gyur źe na | naṅ gis zin pa daṅ | phyi rol du ’phaṅs pa daṅ | de gñi ga daṅ ldan pas so || ji ltar naṅ gis zin pas śe na | dge sloṅ khros ’khrugs rṅam par gyur te yi ma raṅs nas dge sloṅ la sor mo gcig gis brdeg par gzas na ltuṅ byed du ’gyur ro || sor (3) mo gñis daṅ | gsum daṅ | bźi daṅ | sor mo lṅas brdeg par gzas na ltuṅ byed lṅar ’gyur no || khu tshur daṅ | gru mo daṅ | phrag pa daṅ | mgo daṅ | glo daṅ | rgyab daṅ | rked pa daṅ | pus mo daṅ | rje ṅar daṅ | than rkaṅ pa’i mthe bos brdeg par gzas na (4) ltuṅ byed du ’gyur te | de ltar na naṅ gis zin pas so || ji ltar phyi rol du ’phags pas źe na | dge sloṅ khros ’khrugs rṅam par gyur te yi ma raṅs nas dge sloṅ la mda’ ’phen gzo bar byed na ltuṅ byad du ’gyur ro || mda’ ’phen pa gzo ba ji lta ba de bźin du lcags mda’ daṅ | mda’ (5) phyed lcags las byas pa daṅ | mde’u ste’u ka ma daṅ | mde’u be’u so lta bu daṅ | mde’u zur bźi ma daṅ | mde’u kar bī ra’i ’dab ma lta bu daṅ | mde’u bye’u sñiṅ ma daṅ | ’khor lo daṅ | rdo rje rtse gcig daṅ | mda’ bo che daṅ | mtshon rtse gcig daṅ | rgya śug gi tshig (6) gu daṅ | than yuṅs kar spar gaṅ gzas par byed na yuṅs kar ji sñed gzas pa de sñed kyi ltuṅ byed du ’gyur te | de ltar phyi rol du ’phags pas so || ji ltar de gñi ga daṅ ldan pas śe na | dge sloṅ khros ’khrugs rṅam par gyur te yim raṅs nas dge sloṅ la ral gyis gdab par gzas (7) par byed na ltuṅ byed du ’gyur ro || ral gyis ji lta ba de bźin du śaṅ laṅ daṅ | ral gyis so gcig laṅ daṅ | ral gris so gcig pa daṅ | ral gyi so gñis pa daṅ | mduṅ daṅ | ’phaṅs mduṅ daṅ | chu gri daṅ | rtswa’i ñag ma daṅ | than phyags mas brdeg pa gzas par byed na ñag ma ji sñed gzas pa de sñed kyi (185b1) ltuṅ byed du ’gyur ro || phyag mas ji lta ba bźin du thur ma’i chags pa daṅ | thag pa’i chun pos brdeg pa gzas pa yaṅ de bźin te | de ltar gñi ga daṅ ldan pas so || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || (2) gzas pa’i ltuṅ byed de bźi bcu rtsa dgu pa rdzogs s+ho || ||

.