[Pāyantika 59]
saṅs (2) rgyas bcom ldan ’das rgyal po’i khab na bya rgod luṅ po’i ri la bźugs so || de nas bacomana ldan ’das sṅa dro śam thabs gsol | lhuṅ bzed daṅ | chos gos bsnams te | bya rgod kyi phuṅ po’i ri las babs nas ldad bźin ’braṅ ba’i dge sbyoṅ tshe daṅ ldan pa kun dga’ bo daṅ | (3) rgyal po’i khab tu bsod sñoms la gśegs pa daṅ | bcom ldan ’das kyis bskal pa daṅ po’i mi rnams kyis gter spas pa lhas char phab pas phyogs der chu’i ’od pa bab ciṅ de yaṅ lam lam lam ’bar źiṅ ’dug pa gzigs so || gzigs nas kyaṅ tshe daṅ ldan pa kun dga’ (4) po la bka’ stsal pa | kun dga’ bo sbrul dug myur du khyab par byed pa yin no || bcom ldan ’das sbrul dug drag po lags so || kun dga’ bo sbrul dug myur du khyab par bya ba yin no || bde bar gśegs pa sbrul dug drag po lags so || de na ha caṅ thag mi riṅ ba na mi ’bras (5) bu daṅ rtsa ba thu ba źig ’dug pa des de thos nas des bsams pa | bdag gis sbrul dug myur du khyab par byed pa ni mthoṅ na sbrul dug drag po ni ma mthoṅ bas | śākya ’i bu’i dge sbyoṅ rnams kyi sbrul dug drag po ci ’dra | bdag kyaṅ phyogs ’dir ñin mtshan du rgyubs bdag sbrul dug (6) drag pos zin par gyur na mi ruṅ gis ji ltar ’gro’o sñam nas de der soṅ ba daṅ | ji tsam na gter źig lam lam lam ’bar źiṅ ’dug pa mthoṅ nas des bsams pa | śākya ’i bu’i dge sbyoṅ rnams kyi sbrul dug drag po ni mdzes pa yin no || śākya ’i bu’i dge sbyoṅ rnams kyi sbrul dug (7) dug drag po ni śin tu bzaṅ pa yin te | ’di ltar sbrul dug drag po ’di lta bus ni pa daṅ ma sdug pa yaṅ zin kyaṅ sla’o || bu daṅ | chuṅ ma daṅ | bran mo daṅ | las mi daṅ | źo śas ’tsho ba daṅ | mdza’ bśes daṅ | blon po daṅ | ñe du daṅ | snag gi gñen mtshams (231a1) sdug pa yaṅ zin kyaṅ bla’o sñam nas mi des gter de lo ma’i chun po dag gis g-yogs te | khad kyis khad kyis rim gyis raṅ gi khyim du bskyas so || gaṅ gi tshe lus ’phags ma’i bu ma ga d+hāra byuṅ ba’i rgyal po ma skyes dgra sdig pa’i grogs po lha sbyin gyis ñe bar bskor (2) bas pha chos daṅ ldan pa chos kyi rgyal po gzugs can sñiṅ po srog daṅ phral te | raṅ ñid pa na bciṅs nas rgyal srid kyi bdag por bźag pa de’i tshe na des źo śas ’tsho ba rnams la bsgo ba | śes ldan dag soṅ la gaṅ la ’du ba ni ci yod | ’god pa ni ci yod | gaṅ (3) ni ci źig gis ’tsho bar byed pa dag ltos śig | de nas źo śas ’tsho ba’i mi de dag gis lha bka’ bźin ’tshal źes lus ’phags ma’i bu ma ga d+hāra byuṅ ba’i rgyal po ma skyes dgra las mñan nas | rgyal po’i źo śas ’tsho ba’i mi de dag gis phyogs su byul ba na mi de khyim gyi ’byor pa (4) dag byed pa mthoṅ nas | de dag gis de la smras pa | kye naṅ rje khyod dbul po rtsa ba daṅ ’bras bu Ruba rtsa ba daṅ ’bras bu dag btsoṅs śiṅ ’tsho ba dag sbyor bar byed pa yin na | khyod kyi khyim gyi ’byor pa ’di ga las ’oṅs | khyod kyis gter ma rñed dam | des smras pa | bdag (5) gis gter ma rñed de | bdag ñid la ’byor pa ’di lta bu dag yod mod kyis sṅa na chad ni rgyal po chos daṅ mi ldan pa byuṅ ba de’i phyir bdag gis ma phyuṅ ṅo || da ni rgyal po chos daṅ ldan pa byuṅ bas | de’i phyir bdag gis khyim gyi ’byor pa byed de rgyal po gzugs can sñiṅ po la pho braṅ (6) ’khor daṅ ljoṅs kyi mi dag rjes su dga’ bar zad kyi de chos daṅ ldan pa ma yin no || rgyal po ma skyes dgra la ni pho braṅ ’khor daṅ ljoṅs kyi mi dag rjes su mi dga’ yaṅ de chos daṅ ldan pa’i rgyal po yin no || de dag gis smras pa | kye naṅ rje rgyal po gzugs can sñiṅ po chos daṅ (7) ldan pa ma yin na gaṅ chos daṅ ldan pa dze chos daṅ ldan pa ma yin par gyur la | pha gsod pa gaṅ yin pa de chos daṅ ldan par gyur tam | khyod kyis kho bo cag su yin śes sam | des smras pa | śes te rgyal po’i źo śas ’tsho ba dag yin pas khyed kyi mig gis rgyal po mthoṅ ṅo || (231b1) de dag gis smras pa | kye naṅ rje kho bo cag brdzun gyis ma bslu śig | khyod kyis gter rñed kyi phyed ni khyed khyer la phyed ni kho bo cag la byin cig | des smras pa | kho bos gter ma rñed de | ’di kho bo ñid kyi yin mod kyi ’on kyaṅ sum cha sbyin gyi kha rog par deṅs śig | de (2) dag gis de spyos te lag pa gñis phyiṅ ka log tu bciṅs nas gña’ zuṅs rgyud mos rgyal po’i druṅ du khrid de smras pa | lha mi ’dis gter rñed do || rgyal pos smras pa | kwa’i naṅ rjeṅ su yin śes sam | lha ’tshal te ’jig rten skyoṅ ba bźi ni ’jig rten skyoṅ bar bgyid pa lags | (3) khyod ni rgyal po rgyal rigs spyi bor dbaṅ bskur ba lṅa pa lags te skye dgu skyoṅ bar mdzad pa lags so || kwa’i naṅ rje khyod kyis gter rñed kyi ṅa la brdzun gyis ma bslu bar bden pa smros la phyed ni khyod khyer cig | phyed ni ṅa la byin cig | lha bdag gis gter ma rñed do || (4) kwa’i naṅ rje khyod kyis sum cha ṅal byin cig | lha bdag gis gtar ma rñed do || rgyal po khros te blon po rnams la smras pa | śes ldan gaṅ gi rgyal po rgyal rigs spyi bor dbaṅ bskur ba’i bka’ lan gsum gyi bar du bcag pa de la chad pa ci yod | de dag gis smras (5) pa | lha dgum pa la thug pa’i chad pa mchis so || rgyal pos smras pa | śes ldan dag ṅas mi ’di yoṅs su btaṅ gis | ’di’i ñe du rnams kyaṅ phyag sbal du cug la | ’di’i nor thams cad kyaṅ rgyal po’i pho braṅ du phul cig | de nas blon po rnams kyis lha bka’ (6) bźin ’tshal źes lus ’phags ma’i bu ma ga d+hāra byuṅ ba’i rgyal po ma skyes dgra las mñan nas mi de’i ñe du rnams kyaṅ btson rar bcug | de’i nor thams cad kyaṅ rgyal po’i phoṅ braṅ du phul | mi de ñid kyaṅ mi gos sṅon po gyon pa | lag na ral gyi thogs pa dag gis kar bī ra’i me (7) tog dmar po dag gis mgrin pa bciṅs te gsad sar khrid pa daṅ | mi de byuṅ rgyal du smras pa | kun dga’ bo sbrul dug myur du khyab par byed pa yin no || bcom ldan ’das sbrul dug drag po lags so || kun dga’ bo sprul dug myur du khyab par byed pa yin no || bde bar (232a1) gśegs pa sbrul dug drag po lags so || rgyal po de’i chos ñid ni gsad par bya ba’i mi gaṅ gźan dris pa la lan gźan ’debs par byed de | ji srid du rgyal po la ma źus kyi bar du re źig gsod par mi byed pas blon po rnams kyis rgyal po la smras pa | lha mi de (2) gźan dris na lan gźan ’debs par bgyid do || rgyal pos smras pa | khrid de śog śig | blon po rnams kyis khrid de soṅ nas | rgyal pos dris pa | kwa’i naṅ rje khyod ci zer | des smras pa | kun dga’ bo sbrul dug myur du khyab par byed pa yin no || bcom ldan ’das (3) sbrul dug drag po lags so || kun dga’ bo sbrul dug myur du khyab par byed pa yin no || bde bar gśegs pa sprul dug drag po lags so || rgyal pos smras pa | kwa’i naṅ rje smras pa de’i don cig | lṅa je mi ’jigs pa stsal du gsol || byin no || des skabs de rgyas par (4) brjod nas ’di skad ces smras so || gal te sbrul dug myur du khyab par bgyid pas bdag zin par gyur nas bdag gcig pu dus la bab par ’gyur pa źig na | sbrul dug drag pos bdag zin pas de’i slad du bdag daṅ | ñe du daṅ | nor thams cad kyaṅ tshul ma lags pas sdug (5) bsṅal bar gyur to || de’i tshe na lus ’phags ma’i bum gad+hāra byuṅ ba’i rgyal po ma skyes dgras bcom ldan ’das la dad pa thob nas riṅ po ma lon pas des smras pa | kwa’i naṅ rje khyod bcom ldan ’das la mṅon par dad dam | lha mṅon par dad do || de nas lus ’phags ma’i (6) bu ma ga d+hāra byuṅ ba’i rgyal po ma skyes dgra mchi mas bsnaṅs par gyur nas | des smras pa | kwa’i naṅ rje de khyod kyis yin gyi soṅ śig | de nas rgyal pos źo śas ’tsho ba rnams la bsgo ba | mi ’di’i ne du rnams kyaṅ thoṅ la la ’di’i nor thams cad kyaṅ phyir byin cig | źo śas ’tsho (7) ba rnams kyis de’i ñe du rnams kyaṅ btaṅ | de’i nor thams cad kyaṅ phyir byin no || de nas mi de ’di sñam du sems te | bdag gi khyim na dpal daṅ skal ba bzaṅ po phun sum tshogs pa kaṅ cuṅ zad ci yod pa de thams cad bcom ldan ’das la bsten pa yin pas bdag gyis saṅs rgyas (232b1) la sogs pa dge sloṅ gi dge ’dun khyim gźan du spyan draṅs te gdugs tshod gsol lo sñam nas | de nas mi de bcom ldan ’das ga la ba der soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas (2) bcom ldan ’das mi de la chos daśaga ldan pa’i bka’ mchid kyis yaṅ dag par ston par mdzad | yaṅ dag par ’tshin du ’dud par mdzad | yaṅ dag par gzeṅs stod par mdzad | yaṅ dag par gzeṅs stod par mdzad | yaṅ dag par rab tu dga’ bar mdzad do || rnam graṅs du mar chos daṅ ldan pa’i bka’ mchid kyis kyis yaṅ (3) dag par bstan | yaṅ dag par ’dzin du bcug | yaṅ dag par gzeṅs bstod || yaṅ dag par rab tu dga’ bar mdzad nas caṅ mi gsuṅ ṅo || de nas mi de stan las laṅs te bcom ldan ’das ga la ba de logs su thal mo sbyar ba btud nas | bcom ldan ’das la ’di (4) skad ces gsol to || bcom ldan ’das kyis sasaṅa bdag gi sdum par dge sloṅ gi dge ’dun daṅ thabs cig tu gdugs tshod gsol bar ci gnaṅ | bcom ldan ’das kyis mi de la caṅ mi gsuṅ bas gnaṅ ṅo || de nas mi des bcom ldan ’das kyis caṅ mi gsuṅ bas gnaṅ bar rig (5) nas | bcom ldan ’das kyi źabs gñis la mgo bos phyag ’tshal te | bcom ldan ’das kyis spyan sṅa nas soṅ ṅo || de nas mi des de ñid kyi mtshan mo bca’ ba daṅ | bza’ ba gtsaṅ źiṅ bsod pa sta gon byas nas naṅ par sṅar laṅs te gdan bśams nas chu ra bźag ste | (6) bcom ldan ’das la spyan ’dren gyis btsun pa gdugs tshod g-yar dgoṅs ’tshal na bcom ldan ’das kyis da de’i das la bab par dgoṅs su gsol źes spyan draṅs so || de nas bcom ldan ’das sṅa dro śam thabs gsol | ltuṅ bzed daṅ chos gos bsnums te dge sloṅ gi tshogs kyis (7) yoṅs su bskor źiṅ | dge sloṅ gi dge ’dun gyis mdun du bdar te mi de’i bkad sa ga la ba der gśegs byon nas | dge sloṅ gi dge ’dun gyi goṅ du gdan bśams pa ñid la bźugs so || de nas mi des saṅs rgyas la sogs pa dge sloṅ gi dge ’dun bde bar bźugs (233a1) par rig nas bca’ ba daṅ | bza’ ba gtsaṅ źiṅ bsod pas raṅ gi lag nas tshim par byed | stob par byed do || rnam graṅs du mar bca’ ba daṅ | bza’ ba gtsaṅ źiṅ bsod pas riṅ gi lag nas bstabs śiṅ tshim par byas nas bcom ldan (2) ’das gdugs tshod gsol źiṅ phyag bcabs te lhuṅ bzed bźag par rig nas | stan ches dma’ ba źig blaṅs te chos mñan pa’i phyir bcom ldan ’das kyis spyan sṅar ’dug go || de nas bcom ldan ’das kyis mi de’i bsam pa daṅ | bag la ñal daṅ | khams daṅ | raṅ (3) bźig thugs su chud pas | ’di ltar mi de chuṅ ma daṅ bcas pas stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste rgyun du źugs pa’i ’bras bu mṅon sum du byas pa de ltar chos bstan pa mdzad do || des bden pa mthoṅ nas gsol (4) pa | btsun pa bdag gis dge ba’i bśes gñen bcom ldan ’das la brten nas bcom ldan ’das kyis bdag la gaṅ mdzad pa ’di lta bu ’di bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis | lha rnams kyis kyaṅ ma bgyis | sṅon gyi pha mes (5) dag gis kyaṅ ma bgyis | dge sbyoṅ daṅ bram ze dag gis kyaṅ ma bgyis | byams pa daṅ | mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri bo dag las ni bsgral | ṅan soṅ gi sgo dag ni bkum | mtho (6) ris daṅ thar pa’i sgo dag ni phye | sems can dmyal ba daṅ | yi dgas daṅ | duṅ ’gro dag nas ni rkaṅ pa phyuṅ | lha daṅ mi rnams kyi naṅ du ni bźag | ’khor ba ni mthar bgyis | thog ma ma mchis pa’i dus nas bsags pa’i ’jig tshogs la lta ba’i ri’i rtse mo śu mtho ba (7) ye śes kyi rdo rjes bcom ste | rgyun du źugs pa’i ’bras bu thob ste btsun pa bdag ni mṅon par bźugs pa lags | btsun pa bdag ni mṅon par źugs pa lags te | btsun pa bdag bcom ldan ’das daṅ | chos daṅ dge sloṅ gi dge ’dun la skyabs su mchis | bdag (233b1) dge bsñen du gzuṅ du gsol | deṅ slan chad ji srid ’tsho’i bar du glo ba thag pa nas dad pas skyabs su mchi’o || de nas bcom ldan ’das kyis mi de la chos daṅ ldan pa’i bka’ mchid kyis yaṅ dag par bstan | yag dag par ’dzin du bcug | yaṅ dag par gzeṅ bstod | (2) yaṅ dag par rab tu dga’ bar mdzad nas gdan las bźeṅs te gśegs so || ’di ni re źig byuṅ ba yin te | saṅs rgyas bcom ldan ’das re źig ’dul ba la ñan thos rnams kyi bslab pa’i gźi ’cha’ bar ni mi mdzad do || saṅs rgyas bcom ldan ’das rgyal po’i khab na ’od ma’i (3) tshal ka lan da ka’i gnas na bźugs so || tshe daṅ ldan pa ’char kas dro śam thabs bgos | lhuṅ bzed daṅ chos gos thogs te rgyal po’i khab tu bsod sñoms la źugs pa daṅ | ji tsam na des bsod sñoms brgyus nas ’phoṅ gi dpoṅ sa mthog nas de der źugs pa daṅ | (4) ’phoṅ gi slob dpon ni med | khye’u dag ’khod nas des dris pa | khye’u dag ci byed | de dag gis smras pa | lhuṅ bzed daṅ chos gos thogs te rgyal po’i khab tu bsod sñoms la źugs pa daṅ | ji tsam na des bsod sñoms brgyus nas ’phoṅ gi dpoṅs mthoṅ nas de der źugs pa daṅ (5) ’phoṅs daṅ | gom stabs dag | khye’u dag ’khod nas des dris pa | khye’u dag ci byed | mda’ bo che ’phaṅ ba daṅ | gcad pa daṅ || dral ba daṅ | dbug pa daṅ | rdo rjo rtse gcig pa daṅ | mtshon rtse gcig ’phaṅ ba gyis śig | de dag gis g-yon ’phoṅs daṅ || (6) g-yas ’phos dag | gom stabs daṅ | źags pa gad ba pa daṅ | mda’ bo che ’phaṅ ba daṅ | gcad pa daṅ | dral ba daṅ | dbug pa daṅ | rdo rje rtse gcig pa daṅ | mtshon rtse gcig ’phag bar brtsams pa daṅ | ’char ka lag pa gñis (7) ’dril bar byed | bźin sgyur bar byed nas de dag gis smras pa | ’phags pa ci’i slad du phyag gñis ’dril bar mdzad | źal sgyur bar mdzad | ’acara kas smras pa | da duṅ khyed cag gi slob dpon gyis kyaṅ mi śes na | khyed cag gis lta źes par ’gyur te skan | de (234a1) dag gis smras pa | ’phags pa ’di la cuṅ zad mkhyen pa mṅa’ ’am | ’char kas smras pa | khye’u dag sa’i steṅ na gaṅ kho bos mi śes pa’i las kyi gnas daṅ | bzo’i gnas de gaṅ yin | de dag gis smras pa | ’phags pa g-yar sṅa brim gyis g-yon (2) ’a ’oṅs daṅ || g-yas ’boṅs daṅ | gom stabs daṅ | ’dzin stabs daṅ | źags pa gdab pa daṅ | mda’ po che ’phaṅ ba daṅ | gcad pa daṅ | dral ba daṅ | dbug pa daṅ | rdo rje rtse gcig pa daṅ | mtshon rtse gcig pa ’phaṅ pa mdzad du gsol | ’char (3) kas g-yon ’phoṅs daṅ | g-yas ’phoṅs daṅ | gom stabs daṅ | ’dzin stabs daṅ | źags pa gdab pa daṅ | mda’ bo che ’phaṅ ba sus kyaṅ byed mi nus pa byas śiṅ rked chiṅs kyis bciṅs te phub zlum thogs nas gcad pa daṅ | dral ba daṅ | dbug pa yaṅ byas (4) pa daṅ | de dag ya mtshan skyes nas smras pa daṅ | ’phags pa legs so legs so || ’char kas smras pa | khye’u dag bzo’i gnas de ltar bslab par bya ba’am | yaṅ na slob dpon gźan btsal bar bya’i ’byas bu med pa’i spun pa ’phyar źiṅ ’khod de cir ruṅ źes smras te (5) soṅ ṅo || ji tsam na de dag gi slob dpon ’oṅs nas des smras pa | khye’u dag ’khod de ci ruṅ | g-yon ’phoṅs daṅ | g-yas ’phoṅs daṅ | gom stabs daṅ | ’dzin stabs daṅ | źags pa gdab pa daṅ | mda’ bo che ’phaṅ pa daṅ | gcad pa daṅ | dral ba daṅ | (6) dbug pa daṅ | rdo rje rtse gcig daṅ | mtshon rtse gcig ’phaṅ ba gyis | de dag las pa gñis ’dril bar byed | bźin sgyur bar byed ciṅ smras pa | slob dpon yaṅ da duṅ ci yaṅ mi mkhyen bdag cag gis lta ’tshal bar ’gyur re skan | slob dpon gyis smras pa | (7) khye’u dag sṅon ma byuṅ ba’i rnam par ’gyur ba ’di lta bu byuṅ na ’ga’ źig ’dir ’oṅs par ma gyur tam | de dag gis smras pa | mchis so | su | ’phags pa ’char ka ste | des g-yon ’phoṅs daṅ | g-yas ’phoṅs daṅ | gom stabs daṅ | ’dzin stabs daṅ | źags (234b1) pa gdab pa daṅ | mda’ bo che ’phaṅ ba daṅ | dral ba daṅ | dbug pa daṅ | rdo rje rtse gcig daṅ | mtshon rtse gcig ’phaṅ ba sus kyaṅ bgyi bar rṅo mi thog pa de lta bu bgyis so || des de dag la smras pa | byaṅ chub sems dpa’ ’phoṅ gi dpoṅs gaṅ du ’phoṅ bslab (2) pa de’i druṅ du des kyaṅ bslabs so || gal te de rab tu byuṅ bar mgyur na ’dzam bu’i gliṅ mtha’ dag tu ’phoṅ gi slob dpon gyi mchog tu ’gyur ro || ’on kyaṅ kho bos las slobs la | lhag ma gźan las slobs śig | slob dpon des bsams pa | de yaṅ daṅ (3) yaṅ du bdag la tho ’tsham par ’gyur gyis de bltar ’gro’o sñam nas | de ’char ka’i gan du soṅ ste smras pa | ’phags pa ’char ka bdag cag gi ’phoṅ gi dpoṅs byon pas gyur tam | ’char kas smras pa | son to || ’apagasa pas khye’u dag cuṅ zad tshar bkum mam | ’char (4) kas smyas pa | tshar bcad do || des smras pa | ’phags pa de ni bdag gi ’tsho ba lags kyis khye’u dag tshar dagumaśiga | bkren pa khyon kho bo cag gi sgyu rtsal gyis ’tsho la | kho bo cag la bca’ ba’i rin cuṅ zad kyaṅ mi sbyin nam | des smras pa | ’phags pa bdag ni (5) dbul po lags so || ’char kas smras pa | bkren pa gal te mi sbyin na yaṅ daṅ yaṅ du kho bo soṅ la tshar gcad par bya’o || des bsams pa | ’di la bca’ ba’i rin ma byin yaṅ daṅ yaṅ du soṅ ste khye’u dag tshar gcod par ’gyur ro sñam nas | de ’phoṅ gi yo byad thams cad (6) btsoṅs te de la bca’ ba’i rin gyis nas sems khoṅ du chud ciṅ ’dug go || ji tsam na de’i chuṅ po grogs ’oṅs nas des dris pa | grogs po ci’i phyir sems khoṅ du chud ciṅ ’dug | des smras pa | kho bo chad pas bcad do || sus | śākya ’i bu’i dge sbyoṅ dag gis so || ci’i phyir || des (7) skabs de rgyas par brjod pa daṅ | des śākya ’i bu’i dge sbyoṅ rnams kyi dge sbyoṅ gi tshul ni tshig ste | ’di ltar ’phoṅ gi slob dpon dag kyaṅ chad pas gcod par byed do źes smod par byed | phyar ka gtoṅ bar byed | kha zer bar byed do || ’di yaṅ re źig byuṅ ba yin te | saṅs (235a1) rgyas bcom ldan ’das re źig ’dul ba la ñan thos rnams kyi bslab pa’i gźi ’cha’ bar ni mi mdzad do || saṅs rgyas bcom ldan ’das rgyal po’i khab na ’od ma’i tshal ka lan dka’i gnas na bźugs so || tshe daṅ ldan pa ’char kas sṅa dro śam thabs bgos | lhuṅ bzed (2) daṅ chos thogs te | rgyal po’i khab tu bsod sñoms la źugs pa daṅ | ji tsam na des bsod sñoms brgyus nas rol mo’i dpoṅ sa mthoṅ nas de der źugs pa daṅ | rol mo’i slob dpon ni med | khye’u dag ’khod nas des dris pa | khye’u dag ci byed | de dag gis smras pa | (3) ’phags pa rol mo slob bo || ’char kas smras pa | bu dag legs te khyed cag gis sgyu rtsal mchog las rgal to || bu dag bltas drug ldan daṅ || draṅ sroṅ pa daṅ | sa ’dzin pa daṅ | blo gsal daṅ | ’khor ñan daṅ | bar ma pa daṅ | ke śi ka gyis śig | de dag gis (4) drug ldan daṅ || draṅ sroṅ pa daṅ | sa ’dzin pa daṅ | blo gsal daṅ | ’khor ñan daṅ | bar ma pa daṅ | ke śi ka bya bar brtsams pa daṅ | ’char ka lag pa gñis ’dril bar byed | bźin bsgyur bar byas nas || de dag gis smras pa | ’phags pa ci’i slad du phyag gñis ’dril bar (5) mdzad | źal sgyur bar mdzad | da duṅ khyed cag gi slob dpon gyis kyaṅ ma śes na khyed cag gis lta ses par ’gyur te skan | de dag gis smras pa | ’phags pa ’di la cuṅ zad makhyedana pa mṅa’ ’am | ’char kas smras pa | khye’u dag sa’i steṅ na gaṅ kho bos mi (6) śes pa’i bzo’i gnas daṅ | las kyi gnas de gaṅ yin | de dag gis smras pa | ’phags pa g-yar sṅa brim gyis drug ldan daṅ | draṅ sroṅ pa daṅ | sa ’dzin pa daṅ | blo gsal daṅ | ’khor ñan daṅ || bar ma pa daṅ | ke śi ka mdzod cig | ’char kas drug ldan daṅ || (7) draṅ sroṅ pa daṅ | sa ’dzin pa daṅ | blo gsal daṅ | ’khor ñan daṅ | bar ma pa daṅ | ke śi ka sus kyaṅ bya bar mi nus pa byas pa daśaṅa | de dag ya mtshan skyes nas smras pa | ’phags pa legs so legs so || ’acharakasa smras pa | khye’u dag bzo’i gnas de ltar bslab par (235b1) bya ba’am | yaṅ na slob dpon gźan btsal bar bya’i ’bas bu med pa’i sbun pa ’phyal źiṅ ’khod de ci ruṅ źes smras te soṅ ṅo || ji tsam na de dag gi slob dpon ’oṅs nas des smras pa | khye’u dag ’khod de ci ruṅ drug ldan daṅ | draṅ sroṅ pa daṅ | sa ’dzin pa daṅ | blo gsal daṅ | ’khor ñan (2) daṅ | bar ma pa daṅ | ke śi ka gyis śig | de dag lag pa gñis ’dri bar byed | bźin sgyur bar byed ciṅ smras pa | slob dpon yaṅ da duṅ ci yaṅ mi mkhyen na bdag cag gis lta ’tshal bar ’gyur re skan | slob dpon gyis smras pa | khye’u dag sṅon ma byuṅ ba’i rnam par ’gyur ba ’di lta bu (3) byuṅ na ’ga’ źig ’dir ’oṅs par ma gyur tam | de dag gis smras pa | mchis so || su | ’phags pa ’char ka ste | des glu daṅ gar sus kyaṅ brjod par rṅo mi thog pa de lta bu bgyis so || des de dag la smras pa | byaṅ chub sems dpa’ rol mo’i dpoṅs gaṅ du rol mo bslabs pa de’i druṅ du des (4) kyaṅ bslabs te | gal te de rab tu byuṅ bar ma gyur na ’dzam bu’i gliṅ mtha’ dag tu rol mo mkhan gyi slob dpon gyi mchog tu ’gyur ro || ’on kyaṅ kho bos ci śes pa de je kho bo las slobs la lhag ma gźan las slobs śig | slob dpon des bsams pa | de yaṅ daṅ yaṅ du bdag la tho ’tsham par (5) ’gyur gyis de ltar ’gro’i ltam nas de ’char ka’i gan du soṅ ste smras pa | ’phags pa ’char ka bdag cag gi rol mo’i dpoṅ sar byon par gyur tam | ’char kas smras pa | son to || ’phags pas khye’u dag cuṅ zad tshar bkum mam | ’char kas smras pa | tshar bcad do || des smras pa | ’phags (6) pa de ni bdag gi ’tsho ba lags kyis khye’u dag tshar ma dgum śig | bkren pa khyod kho bo cag gis sgyu rtsal gyis ’tsho la | kho bo cag la bca’ ba’i rin cuṅ zad kyaṅ mi sbyin nam | des smras pa | ’phags pa bdag ni dbul po lags so || ’char kas smras pa | bkren pa gal te mi (7) sbyin na yaṅ daṅ yaṅ du kho bo soṅ la tshar gcad par bya’o || des bsams pa | ’di la bca’ ba’i rin ma byin na yaṅ daṅ yaṅ du soṅ ste khye’u dagatshara gcod par ’gyur ro sñam nas | des rol mo’i yo byad thams cad btsoṅs te de la bca’ ba’i rin byin nas sems khoṅ du chud ciṅ ’dug (236a1) go || ji tsam na de’i chuṅ po grogs ’oṅs nas des dris pa | grogs po ci’i phyir sems khoṅ du chud ciṅ ’dug | des smras pa | kho bo chad pas bcad do || sus | śākya ’i bu’i dge sbyoṅ dag gis so || ci’i phyir | des skabs de rgyas par brjod pa daṅ | de śākya ’i bu’i (2) dge sbyoṅ gi tshul ni tshig go || bram ze’i tshul ni tshig ste | ’di ltar rol mo mkhan gyi slob dpon dag kyaṅ chad pas gcod par byed do źes smod par byed | phyar ka gtoṅ bar byed | kha zer bar byed do || ’di yaṅ re źig byuṅ ba yin te | saṅs rgyas bcom ldan ’das re źig ’dul ba la (3) ñan thos rnams kyi bslab pa’i gźi ’cha’ bar ni mi mdzad do || de nas bcom ldan ’das rgyal po’i khab tu ci dgyes par bźugs nas yaṅ pa can ga la ba de logs su ljoṅs rgyu źiṅ gśegs te mthar gyis rgyu źiṅ gśegs pa na yaṅs pa can du byon nas yags pa can na spre’u rdziṅ gi ’gram khaṅ (4) pa brtsegs pa’i baṅ bzaṅs na bźugs so || ñe dga’ sṅa dro sam tabs bgos | lhuṅ bzed daṅ chos gos thogs te yaṅs pa can du bsod sñoms la źugs pa daṅ | lits+tsha bī’i khye’u rab tu maṅ po dag kyaṅ yaṅs pa can nas byuṅ ste | yaṅs pa can gyi phyi rol du rgyan thams cad phyogs gcig tu (5) bźag ste rtse bar brtsams so || ñe dga’ de mthoṅ nas des de gnod sbyin gyi nor yin no źes rgyan de dag thams cad khyer te soṅ ba daṅ | yaṅs pa can gyi lits+tsha bī’i khye’u de dag gis ñe dga’ la las ni lag pa pa nas bzuṅ | la las ni rkaṅ pa nas bzuṅ | la las ni chos gos nas bzuṅ ste (6) ’phags pa ci’i phyir kho bo cag gi rgyan ’phrog par byed ces zer ro || lits+tsha bī chen pos yaṅs pa can gyi lits+tsha bī’i khye’u dag gis ñe dga’ bzuṅ ste tho ’tsham pa mthoṅ nas | des smras pa | khye’u dag ci’i phyir ’apagasa pa ñe dga’ la tho ’tsham par byed | de dag gis smras pa | ’dis bdag cag (7) gi rgyan dag phrogs so || des smras pa | ’phags pa ñe dga’ ci’i slad du khye’u dag gi rgyan ’phrog par mdzad | ñe dga’ sa smras pa | kho bo gnod sbyin gyi nor ’di rñed do || des smras pa | ’di ’dra ba gnod sbyin gyi nor lags re skan | gźon nu dag gi rgyan lags kyis ma ’phrog par (236b1) ’or cig | ñe dga’ sa te rdul gyis gos pa’i chos gos dag gis gtsug lag khaṅ du soṅ ba daṅ | dge sloṅ rnams kyis de la smras pa | btsun pa ñe dga’ ci’i phyir rdul gyi tshogs kyis gos | ñe dga’ sa smras pa | lits+tsha bī chen po naṅ med par gyur cig | kho bos gnod sbyin gyi (2) nor thob par des ’dor du bcug go | ’di yaṅ re źig byuṅ ba yin te | saṅs rgyas bcom ldan ’das re źig ’dul ba la ñan thos rnams kyi bslab pa’i gźi ’char bar ni mi mdzad do || saṅs rgyas bcom ldan ’das yaṅs pa can na spre’u rdziṅ gi ’gram khaṅ pa brtsegs pa’i khaṅ bzaṅs (3) na bźugs so || drug sde dag sṅa dro śam thabs bgos | lhuṅ bzed daṅ chos gos thogs te yaṅs pa can du bsod sñoms la źugs so || lam gyi bar na yaṅs pa can gyi lits+tsha bī rnams kyi skyed mos tshal dag yod nas de dag gis smras pa | dga’ bo ñe dga’ bcom ldan ’das kyis (4) yaṅs pa can gyi lits+tsha bī dag gi dpe sum rtsa gsum pa’i lha rnams las blaṅs kyis de dag gi skyed mos tshal dag ci ’dra ba bltas ’doṅ ṅo źes de dag der źugs pa daṅ | ji tsam na de na yo byad rnam pa sna tshogs ’di lta ste | khrus kyi tshald ga daṅ | so phag dag daṅ | (5) bsku ba dag daṅ | phrug spyaṅ dag daṅ | sa gar dag daṅ | sku ru ra dag daṅ | mgo bkru ba dag daṅ | pi baṅ daṅ | ’od ma daṅ | ma ha ti daṅ | bal la ri daṅ | su g+ho śa ka dag bźag pa dag mthoṅ nas de dag gis smras pa | dga’ bo ñe dga’ je daṅ por khrus bya’am | (6) ’on te glu blaṅ źiṅ bro brduṅ bar bya | de dag gis smras pa | bdag cag gis yun riṅ po nas glu blaṅs śiṅ bro brduṅ bar bya’o źes de dag gis glu blaṅ źiṅ bro brduṅ bar bartsam+sa so || rgyal po zas gtsaṅ gi skyed mos tshal du spyad pa’i rol mo’i sgra gaṅ (7) yin pa de ni lus ’phags ma’i bum ga d+hāra byuṅ ba’i rgyal po ma skyes dgra’i g-yul ṅor spyad rol mo’i sgra yin pas de dag gis rol mo’i sgra dbyuṅ bar brtsams pa daṅ | yaṅs pa can gyi lits+tsha bī dag gis thos so || thos nas de dag dṅaṅs te smras pa | śes ldan dag pha gsod (237a1) bsam sbran par dmag draṅs te ’oṅs so źes de dag go bgos te phyir ’byuṅ bar brtsams so || drug sde dag kyaṅ skyed mos tshal de nas phyir byuṅ ba daṅ | de dag gis yaṅs pa can gyi lits+tsha bī dag dag go bgos te phyir byuṅ ba mthoṅ nas drug sde dag gis de dag la dris pa | śes (2) ldan dag gar ’doṅ | de dag gis smras pa | ’dir pha gsod pa ’oṅs pas de daṅ g-yul dgye ba’i phyir sur ’doṅ ṅo || de ga la ’dug | de dag gis smras pa | ’dir lus ’phags ma’i bum ga d+hāra byuṅ ba’i rgyal po ma skyes dgra’i g-yul ṅor spyad pa’i rol mo’i sgra byuṅ ṅo || (3) śes ldan dag de ni kho bo cag gis bźad gad byas pa yin na khyed cag de ltar bred ṅas sam | de dag gis smras pa | ’phags pa dag khyed kyi rol mo’i sgra’i yo byad de dag sgra phyuṅ de dag sgra phyuṅ ṅam | drug sde dag gis smras pa | kho bo cag gis sgra phyuṅ ṅo || de dag gis smras pa | ’phags pa (4) dag yaṅs pa can gyi lits+tsha bī dag sṅaṅs pas khyed la gnod pa byed na mi ruṅ gis slar log śig | de dag phyir log pa daṅ | dge sloṅ rnams kyis de dag la smras pa | tshe daṅ ldan pa dag khyed cag ji ste phyir log | drug sde dag gis smras pa | tshe daṅ ldan pa dag kho bo cag de’u (5) gsaṅ ṅo || sus | yaṅs pa can gyi lits+tsha bī dag gis so || ci’i phyir | de dag gis skabs de rgyas par brjod pa daṅ | dge sloṅ don ñuṅ ṅu dag ci’i phyir dag dge sloṅ dag mi mdzes pa de lta bu de byed ces smod par byed || phyar ka gtoṅ bar byed | kha zer bar byed pa’i skabs de dge sloṅ rnams (6) kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen du rmed par mdad pa ste źes bya ba la (7) sogs pa yaṅ sṅa ma bźin te | saṅs rgyas bcom ldan ’das kyis drug sde dag la rmas pa | dge sloṅ dag khyed kyis mi mdzes pa de lta bu byas pa bden nam | btsun pa mad do || saṅs rgyas bcom ldan ’das kyis dge sloṅ gi tshul ma yin pa | rjes su mthun pa ma yin pa | ruṅ (237b1) ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs (2) pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ rin po che’am | rin po cher smos pa raṅ gi lag gis len tam | len (3) du ’jud na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ bar mdzad do || de nas bcom ldan ’das yaṅs pa can du ci dgyes par bźugs nas mñan yod ga la de logs su ljoṅs rgyu źiṅ gśegs nas mthar gyis rgyu źiṅ gśegs (4) pa na mñan yod du byon nas mñan yod na śar gyi kun dga’ ra ba na ri dgas ’dzin gyi ma’i khaṅ bzaṅs na bźugs so || ri dgas ’dzin gyi ma sa gas bcom ldan ’das ko sa la dag tu ljoṅs rgyu źiṅ gśegs pa na mñan yod du byon nas mñan yod na bdag gi khaṅ bzaṅs na bźugs (5) źes thos so || thos nas kyaṅ rgyan thams cad kyis brgyan te mñan yod nas byuṅ nas bcom ldan ’das ga la ba der soṅ ṅo || de ṅo tsha daṅ ldan pa yin pas des rgyan bkrol te | thum por bciṅs nas bu mo’i lag tu byin te | bcom ldan ’das kyi spyan sṅar soṅ nas | bcom ldan (6) ’das kyi źabs gñis la mgo bos phyag ’tshal te mtha’ gcig tu ’dug go || de na ha caṅ thag mi riṅ ba na sna ma’i yal ga me tog rgyas pa źig ’dug nas bu mo de mthoṅ nas bsams pa | ’di las me tog dag btogs te bcom ldan ’das la me tog sil ma dag gis (7) gtor gyis ’thog tu ’gro’o sñam nas des rgyan de mtha’ gcig tu bźag ste | sna ma’i yal ga de las me tog dag btogs nas | bcom ldan ’das la me tog sil ma dag gis gtor te mtha’ gcig tu ’dug go || bcom ldan ’das kyis de la yun riṅ du chos bstan nas des (238a1) bcom ldan ’das kyi źabs la phyag ’tshal te soṅ ba daṅ | rgyan gyi thum po de de ñid du brjed de lus so || tshe daṅ ldan pa kun dga’ bos des rgyan de bor te soṅ ba mthoṅ nas des bsams pa | ’di ltar bcom ldan ’das kyis ma gnaṅ mod kyis ’di ñid rkyen du (2) mdzad de gnaṅ bar ’gyur ba gaṅ yin pa de lta bu’i gnas yod par ’gyur ro sñam nas | de nas tshe daṅ ldan pa kun dga’ bos rgyan de sbed du bcug nas | bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ (3) gcig tu ’dug go || mtha’ gcig tu ’dug nas bcom ldan ’das la tshe daṅ ldan ldan pa kun dga’ bos ’di skad ces gsol to || btsun pa ri dgas ’dzin gyi ma sa gas rgyan bskyud de de mchis nas bdag la blo skyes pa | ’di ltar bcom ldan ’das kyis ma gnaṅ mod kyi (4) ’di ñid rkyen du mdzad de gnaṅ bar ’gyur ba gaṅ lags pa de lta bu’i gnas mchis par ’gyur ro sñam nas bdag gis rgyan de sbed du stsal to || kun dga’ bo ’di ltar ṅas gnaṅ bar ’gyur ba gaṅ yin pa de khyod kyis śes pa legs so || legs so || kun dga’ bo de lta (5) bas na kun dga’i ra bar gtogs pa na ’dug pa’am | gnas khaṅ du gtogs pa na ’dug pa ma gtogs so || bud med kyi yul ni rgyan la ñe bar spyod pa yin pas sa gas phyi de ñin par rgyan de dran nas | des bu mo de la smras pa | bu mo rgyan ga re | bu mos smras pa | (6) jo mo de ñid du bskyud do || des smras pa | soṅ la loṅ śig | de’i bu dag gis de thos nas | de dag gis smras pa | yum mdzod khaṅ du bźag par mkhyen nam | cig las blaṅs te mchi bar ’gyur | sa gas bu rnams la smras pa | bu dag kho mo ni nor chud (7) mi za ba yin do || de nas bu mo de tshe daṅ ldam pa kun dga’ bo’i gan du soṅ ba daṅ | tshe daṅ ldan pa kun dga’ bos smras pa | bu mo ci la ’oṅs | bu mos smras pa | ’phags pa dze mo’i rgyan bsgyud do || tshe daṅ ldan pa kun dga’ bos smras pa | ’di na ’dug gis (238b1) khyer te soṅ śig | bu mo des de khyer te soṅ nas sa ga la smras pa | jo mo rgyan de ’tshal te mchis pa ’di lags so || sa gas bu rnams la smras pa | bu dag rgyan de khyer te ’oṅs pa ’di yin te | kho mos kho mo ni nor chuṅ mi za ba yin no źes ma smras sam | bu (2) de dag gis bu mo de la dris pa | bu mo ’phags pa gaṅ gis sbed du bcug par gyur | bu mos smras pa | ’phags pa kun dga’ bos so || de dag gis smras pa | ’phags pa kun dga’ bos gzigs pas des na thob par zad kyi | gal te drug sde dag (3) gis mthoṅ bar gyur du zin na | de dag gis bca’ ba’i rin du byin gyis bslabs par ’gyur ba gaṅ yin pa de lta bu’i gnas yod par ’gyur ro || de dag gis da bdag cag gis ma ’di nor chud za ba yin nam ma yin pa brtags na śes par ’gyur ro sñam nas | de (4) dag gis ma’i sor gdub rgya blaṅs te | khron pa’i naṅ du bcug pa daṅ | sa gas bu mo mṅag gźug ma la smras pa | bu mo chu chus śig daṅ khrus bya’o || bu mo des chu bcu bar brtsams pa daṅ | de’i bum pa’i naṅ du sor gdub rgya de chud nas | sa ga khrus (5) byed pa na sor gdub rgya de paṅ par lhuṅ nas | sa gas bu rnams la bstan te smras pa | bu dag kho mos kho mo ni nor chud mi za ba yin no źes ma smras sam | yaṅ de dag gis sor gdub rgya de chu kluṅ gnas can gyi naṅ du ’phags pa daṅ | de na bo ches mid nas ña bo (6) che da ña pa dag gis rgya mos bcus te phyuṅ ṅo || sa ga’i bu mo mṅag gźug ma ña śa’i phyir tshor dus su soṅ nas | des ña pa las ña bo che de ños de bśas pa daṅ | ji tsam na de’i lto nas sor gdub rgya de byuṅ ba mthoṅ nas | des sa ga la smras pa | jo mo sor gdub (7) ra de ’di lags so || sa gas bu rnams la de bstan te smras pa | bu dag kho mos kho mo ni nor chud mi za ba yin no źes ma smras sam | bu de dag gis smras pa | yum nor chud mi za ba lags sam ma lags pa da duṅ yaṅ brtag par bgyi’o źes de dag gis de’i (239a1) di na ra dag gis sre mo lta bu’i rkyal bu bkaṅ ste lam po che’i bźi mdor bor ba daṅ | skye bo phal po che de nas ’gro bas mthoṅ nas sbrul dug myur du khyab par byed pa yin no źes yoṅs su spaṅs te ’gro źiṅ ’ga’ yaṅ len par mi byed nas | de dag gis smras (2) pa | ’di na sre mo lta bu’i rkyal bu di nar dag gis gaṅ ba ’dug na mi len tam | de dag gis smras pa | ’di ni sbrul dug myur du khyab par byed pa yin gyi sre mo lta bu’i rkyal bu di na ra dag gis gaṅ ba ma yin gyis mi len to || de nas bu de dag lhags de ma la smras pa || (3) yum khyod ni nor chud mi za ba lags mad do || thams cad du yaṅ ri dgas ’dzin gyi ma sa ga ni nor chud mi za ba yin | bden no źes sgra grags par gyur to || dge sloṅ gis kun dga’i ra bar gtogs par sre mo lta bu’i rkyal bu di nar dag gis gaṅ ba źig lhuṅ ba mthoṅ nas (4) phyogs der mi źig ’oṅs pa daṅ | dge sloṅ des mi de la smras pa | kye naṅ rje sre mo lta bu’i rgyal bu rkyal bu ’di khyod kyi ma yin nam | ’phags pa lags so || khyer te soṅ śig | des de khyer re myur ba myur bar soṅ ba daṅ | mi gźan źig mog rdul gyis gaṅ ste ṅu źiṅ (5) bsṅal bar gyur pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de bźin du gya tshom du smra bar mi bya bar de la sre mo lta bu’i rkyal bu de ma rñed pa na smyos śiṅ sems ’khrugs pas de daṅ der tshol ba na tshul ma yin pas sdug (6) bsṅal bar gyur pa’i skabs de dge sloṅ rnams kyis bcom ldan ’das la gsol pa daṅ | bcom ldan ’das kyis bka’ stsal pa | de bźin du gya tshom du smya bar mi bya bar de la sre mo lta bu’i rkyal bu ci ’dra ba źig | sraṅ du pa źig ces dri bar bya’o || gal te rtags la bab (7) par smra na sbyin par bya’o || gal te rtags la ma bab par smra na sbyin par mi bya’o || de dag gis der bor ta doṅ ba na de gźan dag gis brkus nas | bcom ldan ’das kyis bka’ stsal pa | de bźin du bor te ’doṅ bar mi bya bar ’gro ba’i lam logs su sa’am | lo ma’i (239b1) tshogs dag gis g-yog par bya’o || de dag gis de yal kha kho nar bor nas | bcom ldan ’das kyis bka’ stsal pa | de yal bar doṅ bar mi bya bar źag bdun nam brgyad du der soṅ ste bsdad par bya’o || gal te bdag po ’oṅs śiṅ rtags la bab pa smra na sbyin par bya’o || (2) gal gal te ma ’oṅs na de’i ’og tu dge ’dun gyi mdzod du bcug ste gźag par bya’o || gal te bdag po zla ba drug ’das nas ’oṅs śiṅ | rtags la bab par smra na sbyin par bya’o || gal te ma ’oṅs na de’i ’og tu dṅos po brtan por btsoṅs te gźag par bya’o || gal te (3) de’i tshe bdag po ’oṅs par gyur na de la de dṅos po ’dir btsoṅs kyis | rjes su yi raṅ bar gyis śig brjod par bya’o || gal te rjes su yi raṅ na de lta na legs | gal te rjes su yi raṅ bar mi byed na sbyin par bya’o || gal te skyed sloṅ na kho bo cag gis yoṅs (4) su bskyaṅs pa gaṅ yin pa de ñid drin che bar mi sems sam | khyer te soṅ śig ces brjod par bya’o || de lta bas na kun dga’i ra bar gtogs pa na ’dug pa’am | gnas khaṅ du gtogs pa na ’dug pa ma gtogs so || de nas bcom ldan ’das kyis bslab pa ’dod pa daṅ | (5) bslab pa la gus pa daṅ | bslab pa la yo byad bsñuṅs pa’i bsṅags pa brjod nas | dge sloṅ rnams la de daṅ mthun pa daṅ | de’i śas che ba daṅ | de daṅ ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ (6) dag de lta bas na sṅa ma ni bcas pa yin la | ’di ni gnaṅ ba yin te | ṅa’i nan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gaṅ rin po che’am | rin po cher smos pa raṅ gi lag gis len tam | lan du ’jud na (7) kun dga’i bar gtogs pa na ’dug pa’am | gnas khaṅ du gtogs pa na ’dug pa ma gtogs te ltuṅ byed do || dge sloṅ gis kun dga’i ra bar gtogs pa’am | gnas khaṅ du g-yogs pa na rin po che’am | rin po cher smos pa ’dug pa la ’di su’i (240a1) yin pa de len par ’gyur graṅ snam pa de lta bu’i sems kyis blaṅ bar bya ste | de la de ni cho ga yin no || gaṅ dge sloṅ gaṅ źes bya ba ni drug sde’am | gźan yaṅ de lta bu gaṅ yin pa’o || rin po che’am źes bya ba la | rin po che źes bya ba ni nor bu (2) daṅ | mu tig daṅ | baiḍūr+Ya daṅ | man śel dkar po daṅ | byi ru daṅ | gser daṅ | dṅul daṅ | rdo’i sñiṅ po daṅ | spug daṅ | g-yas su ’khyil pa’o || rin po cher smos pa źes bya ba la | rin po cher smros pa źes bya ba ni (3) g-yul ṅor spyad pa’i mtshon tha thams cad daṅ | rol mor spyad pa’i yo byad thams cad do || raṅ gi lag gis źes bya ba ni lag pas lag par ro || len tam źes bya ba ni bdag ñid kyis so || len du ’jud na źes bya ba ni gźan no || kun dga’i ra bar g-yogs pa na (4) ’dug pa źes bya ba ni kun dga’i ra ba’i phyi rol na’o || gnas khaṅ du gtogs pa na ’dug pa źes bya ba ni kun dga’i ra ba’i naṅ na’o || ma gtogs te źes bya ba ni kun dga’i ra bar gtogs pa na ’dug pa’am | gnas khaṅ du gtogs pa na ’dug pa bźag ste’o || (5) ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags (6) naṅ ge ba’i chos rnams la sgrib par byed pa ste | des na ltuṅ byed do źes gsuṅs so || dge sloṅ gis źes bya ba ni chos ’di pas so || kun dga’i ra bar gtogs pa daṅ | gnas khaṅ du gtogs pa na rin po che’am | rin po cher smos pa ’dug pa la ’di su’i yin pa (7) de len par ’gyur graṅ sñam pa de lta bu’i sems kyis blaṅ bar bya ste | de la de ni cho ga yin no źes bya ba la | de la de ni cho ga yin no źes bya ba ni de la de ni rjes su mthun pa’i chos yin pa’o || de la ltuṅ bar ji ltar ’gyur źe na || ||

.