[Pāyantika 64]
saṅs rgyas bcom ldan ’das mñan yod na rgyal byed kyi tshal mgon med zas (2) sbyin gyi kun dga’ ra ba na bźugs so || gaṅ gi tshe bcu bdun sde dag las tshe daṅ ldan pa ñe ba ’khor gyis ñon moṅs pa thams cad spaṅs pas dgra bcom pa ñid mṅon sum du byas pa de’i tshe na des bsams pa | bdag gi tshaṅs pa mtshuṅs par spyod pa ’di dag la dge ba’i (3) rtsa ba cuṅ zad yod dam sñam na des yod par mthoṅ ṅo || su la rag las sñam na bdag ñid la rag las par mthoṅ nas de bcu drug po gźan dag gdul ba la ltos pas de dag gi phyi bźin rjes su ’braṅ ba na de dag gis smras pa | tshe daṅ ldan pa dag chu kluṅ (4) gnas can gyi ṅogs su chu’i don du ’doṅ źiṅ der khrus kyaṅ bya’o źe de dag chu tshags daṅ | chu bum thogs te chu kluṅaganasa can gal ba der doṅ nas | de dag gis smras pa | tshe daṅ ldan pa dag ji lta je khrus bya’am | ’on te chu btsag par bya | de dag gis smras (5) pa | je chu btsag par bya ste | de’i ’og tu khrus bya’o || źes de dag gis chu btsags nas gos dag mtha’ gcig tu phud de khrus bya bar brtsams nas chur źugs te de dag steṅ du ’byuṅ bar yaṅ byed | ’og tu nub par yaṅ byed | tshu rol gyi ’gram nas pha (6) rol gyi ’gram du ’gro bar yaṅ byed | pha rol gyi ’gram nas tshu rol gyi ’gram du ’oṅ bar yaṅ byed | rgyun phyogs su ’gro bar yaṅ byed | rgyun las zlog phyogs su ’gro bar yaṅ byed | chu la rṅa po che’i sgra ’byin par yaṅ byed | rdza rṅa kha gcig pa’i sgra ’byin (7) par yaṅ byed | chu la gse gam ’khrab pa daṅ | ’phen par yaṅ byed | chul khor yug daṅ rdo rje lta bu yaṅ byed | chu la khron pa daṅ || dpa’ kloṅ daṅ || dpa’ kloṅ daṅ | chu srubs ’dren pa yaṅ byed | chul rgod bag daṅ || phyag g-ye ma daṅ | lus sgyur ba dag kyaṅ byed do || (256a1) tshe daṅ ldan pa ñe ba ’khor yaṅ śes bźin du khrus byas te chu kluṅ gnas can rgal nas chos gos dag bgos te sdod do || de’i tshe na ko sa lar byuṅ ba’i rgyal po gsal rgyal steṅ gi khaṅ bzaṅs kyi gźir gtogs pa na btsun mo phreṅ ldan ma daṅ lhan (2) cig ’dug pas ji tsam na bcu bdun sde dag chu la rtse bas rtse ba mthoṅ ṅo || mthoṅ nas kyaṅ des btsun mo phreṅ ldan ma la smras pa | phreṅ ldan ma yon gnas dag gi mdzes pa la ltos śig ltos śig | phreṅ ldan mas smras pa | lha de ni ṅo mtshar mi che ste | laṅ tsho gsar du (3) gyur nas tshaṅs par spyad pa spyod pa lags kyi | lha bgres pa’i gnas skabs su gyur kyaṅ da duṅ thugs ma byuṅ ba ṅo mtshar che lags so || rgyal po skyeṅs nas caṅ mi smra bar ’dug go || tshe daṅ ldan pa ñe ba ’khor gyis la la źig mi dga’ bar sems par ma gyur (4) tam sñam du bsams na | de ji tsam na ko sa lar byuṅ ba’i rgyal po gsal rgyal steṅ gi kaṅ bzaṅs kyi gźir gtogs pa na mi dga’ bar sems pa mthoṅ ṅo || mthoṅ nas kyaṅ des de dag la smras pa | tshe daṅ ldan pa dag ko sa lar byuṅ ba’i rgyal po gsal rgyal mi dga’ (5) bar sems kyis byuṅ śig daṅ de dga’ bar bya’o || de nas de dag byuṅ ste gos dag gyon pa na tshe daṅ ldan pa ñe ba ’khor mos pa las byuṅ ba’i tiṅ ṅe ‘dzin la sñoms par źugs nas | ’di ltar de dag thams cad chu tshags daṅ chu bum daṅ bcas te steṅ gi nam mkha’ la (6) ṅaṅ pa’i rgyal po ’dab ma brkyaṅ ba ltar ’phags te doṅ ṅo || de dag steṅ gi nam mkha’ la ’doṅ ba’i grib ma ko sa lar byuṅ ba’i rgyal po gsal rgyal gyi staṅ gi khaṅ bzaṅs kyi gźir bab nas btsun mo phreṅ ldan mas de dag steṅ gi nam mkha’ la ṅaṅ pa’i rgyal po (7) ’dab ma brkyaṅ pa ltar ’phags te ’doṅ ba mthoṅ nas des ko sa lar byuṅ ba’i rgyal po gsal rgyal la smras pa | lha yon gnas dag gi mdzes pa la gzigs śig gzigs śig | rgyal pos smras pa | phreṅ ldan ma dgra bcom pa zag pa zad pa dag chu la phyar g-yeṅ (256b1) gis rtse bar ’gyur ba de ni gnas ma yin skabs ma yin te | de ni gnas med do || phreṅ ldan mas smras pa | lhas de ni gsan na bcom ldan ’das kyis ’di na ṅas dge sloṅ ’dug pa na ’dod chags daṅ bcas | źe sdaṅ daṅ bcas | gti mug daṅ bcas par mthoṅ la | (2) de ñid laṅs pa na ’dod chags daṅ bral | źe sdaṅ daṅ bral | gti mug daṅ bral bar yaṅ mthoṅ ṅo || dge sloṅ dag de lta bas na sems ni glog daṅ ’dra la | tiṅ ṅe ‘dzin ni rdo rje daṅ ’dra bas ñon moṅs pa rnams ni yes śes kyis ’joms so źes gsuṅs pa de ma (3) gsan tam | rgyal po thos pa ñuṅ bas de caṅ mi smra bar ’dug go || phreṅ ldan mas kyaṅ bsams pa | dgra bcom pa zag pa zad pa dag chu la phyar g-yeṅ gis rtse ba de ni gnas ma yin skabs ma yin te | de ni gnas med do sñam nas | de nas btsun mo phreṅ ldan (4) mas mi źig la smras pa | kye naṅ rje khyod tshur śog | bcom ldan ’das ga la ba der soṅ la phyin pa daṅ | kho mo’i tshig gis bcom ldan ’das kyi źabs gñis la mgo bos phyag ’tshal la | ’di skad ces btsun mo phreṅ ldan ma’i mchid nas | btsun pa (5) ’phags pa ’di dag chab la phyar g-yeṅ gis rtse bar bgyid pas rgyal po glo ba mi dga’ bar sems na | kye ma bcom ldan ’das kyis gaṅ gis ’phags pa dag chab la phyar g-yeṅ gis rtse bar mi ’gyur ba dran par bgyi ba cuṅ źig bca’ ba mdzad na legs so || (6) źes mchi’o źes gsol cig | mi des kho mo bka’ bźin ’tshal źes btsun mo phreṅ ldan ma las mñan nas bcom ldan ’das ga la ba der soṅ ste phyin nas bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ (7) gcig tu ’dug nas bcom ldan ’das la ’di skad ces gsol to || btsun pa btsun mo phraṅ ldan ma bcom ldan ’das kyi źabs gñis la mgo bos phyag ’tshal lo || btsun mo phreṅ ldan ma daṅ | khyod bde bar gyur cig | btsun pa btsun mo phreṅ ldan ma’i (257a1) mchid nas ’phags pa ’di dag chab la phyar g-yeṅ gis rtse bar bgyid pas rgyal po glo ba mi dga’ bar sems na | kye ma bcom ldan ’das kyis gaṅ gis ’phags pa dag chab la phyar g-yeṅ gis rtse bar mi ’gyur ba’i dran par bgyi ba cuṅ źig bca’ (2) ba mdzad na legs so źes mchi’o || bcom ldan ’das kyis mi de la caṅ mi gsuṅ bas gnaṅ ṅo || de nas mi des bcom ldan ’das kyis caṅ mi gasuṅabasa gnaṅ bar rig nas bcom ldan ’das kyi źabs gñis la mgo bos phyag ’tshal te bcom ldan ’das kyi (3) spyan sṅa nas soṅ ṅo || de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa (4) ste źes bya ba la sogs pa yaṅ sṅa ma bźin te | saṅs rgyas bcom ldan ’das gyis bcu bdun sde dag la rmas pa | dge sloṅ dag khyed chu la phyar g-yeṅ gis rtse ba bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes (5) su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ daṅ (6) de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | chu la rtse na ltuṅ byed (7) do|| chu la rtse na źes bya ba ni chu la rtse ba’i bsam pas lus kyi las daṅ | lus kyi spyod pa daṅ | lus kyi g-yo ba byed na’o || ltuṅ byed do || źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ (257b1) bdag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | gźi dag (2) las te | rtse bar bya’o || rtser gźug par bya’o || rtsed mo byed du gźug go || dga’ bar bya’o || dga’ bar byed du gźug go || rgod bag bya’o | ’phyar ge yaṅ bya’o || lus bsgyur bar bya’o sñam pa’i bsam bras so || de la ji ltar rtse bar bya’o (3) sñam pa’i bsam pas śe na | dge sloṅ gis chu la rtse ba’i bsam pas khri las ldaṅ bar byed | śam thabs gyon par byed | chos gos gyon par byed | ’gro bar byed ciṅ chos gos dag bźag nas khrus ras gyon par byed | chur ’jug par byed ciṅ ’og tu nub (4) par byed pa na ltuṅ byed du ’gyur ro || steṅ du ’byuṅ bar byed du ’gyur ro || sim par ’dod pa’i bsam pas ni ltuṅ ba med do || tshu rol gyi ’gram nas pha rol gyi ’gram du ’gro bar byed na ltuṅ byed du ’gyur ro || pha rol gyi ’gram nas tshu rol gyi (5) ’gram du ’oṅ na ltuṅ byed du ’gyur ro || rgal ba’i bsam pas ni ltuṅ ba med do || rgyun phyogs su rtsol na ltuṅ byed du ’gyur ro || rgyun las zlog phyogs su rtsol na ltuṅ byed du ’gyur ro || slob pa’i bsam pas ni ltuṅ byed du ’gyur ro || slob pa’i bsam pas ni ltuṅ ba med do || chu la rṅa bo che rduṅ ṅam | chu la rdza (6) rṅa kha gcig pa rduṅ ṅam | chu la gseg ma ’khrab bam | chu la khor yug byed dam | chu la rdo rje byed dam | chu la chu srubs ’dren na ltuṅ byed du ’gyur ro || tha na chu la bem tol gyis rdeg na ñes byas su ’gyur ro || dge sloṅ gis bum pa daṅ | phru ba (7) daṅ | ril ba daṅ | kham phor du chu la rṅa bo che rduṅ bar byed dam | chu la rdza rda kha gcig pa rduṅ bar byed dam | tha na bem tol gyis rdeg na nes byas su ’gyur ro || dge sloṅ gis sran tshod daṅ | ’u śa daṅ || thaṅ tsha bar chu la rṅa bo che rduṅ bar byed dam | (258a1) rdza rṅa kha gcig pa rduṅ bar byed dam | tha na bem tol gyis rdeg na ñes byas su ’gyur ro || graṅs par ’dod pa’i bsam pas ni ltuṅ ba med do || de ltar rtse bar bya’o sñam pa’i bsam pas so || rtser gźug go sñam pa’i bsam pa la sogs pa lhag ma rnams (2) la yaṅ de bźin no || las daṅ po pa daṅ | smyos pa daṅ || sems ’khrugs pa daṅ | tshor ba dag gis ñen pa la ltuṅ ba med do || chu la rtse ba’i ltuṅ byed de drug bcu rtsa bźi pa rdzogs so || || ’dul ba rnam par ’byed pa | bam po drug bcu rtsa gcig pa |

.