[Pāyantika 77]
saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || gaṅ gi tshe tshe dad ldan pa ’chad kas ni ñon moṅs pa thams cad spaṅs pas dgra bcom pa ñid mṅon du byas | tshe daṅ ldan pa ’dun pa ni kau śām+bīra soṅ ste (2) sñiṅ las chuṅ ṅur ’dug | ’gro mgyogs daṅ | nab so gñis ni dus la bab | dga’ bo daṅ ñe dga’ gñis ni dge ’dun gyi naṅ na ’dug pa de’i tshe na bcu bdun sde’i tshogs dag gdug ciṅ pha rol gnon pa daṅ | mdo sde ’dzin pa daṅ | ’dul ba ’dzin pa daṅ | ma mo ’dzin (3) par gyur nas de dag gis smras pa | tshe daṅ ldan pa dag bdag cag yun riṅ po nas drug sde dag gis tho btsams te | ji ltar dga’ bo daṅ ñe dga’ gñis kyis tho btsams pa ltar yaṅ gźan gyis ma btsams la | ji ltar ñe dga’ sa tho btsams pa ltar yaṅ dga’ bos ma btsams kyis (4) de gnas nas dbyuṅ ba’i las bya’o || de na kha cig gis smras pa | ’di’i phu bo dga’ bo rtsod pa la mkhas pa yin pas bdag cag gis ’di gnas nas dbyuṅ ba’i las bya bar mi nus so || kha cig gis smras pa | gcig smra ba na gñis kyis mñan par mi bya bar tshogs smra na tshogs ni (5) rgyal po daṅ ’dra bas gal te de cuṅ zad smra bar gyur na de’i tshe gnas nas dbyuṅ ba’i las bya’o źes de dag gis gnas mal bśams nas | gaṇ+ḍī brduṅs te dris pa’i tshig gis dge sloṅ rnams la yaṅ dag par bsgo nas dge ’dun thams cad ’dug ciṅ mthun par gyur pa na | gleṅ ba (6) po rgan pa’i mtha’ logs su ’dug ste smras pa | btsun pa ñe dga’ khyod kyis bcu bdun sde’i tshogs dag gi lto dral te rgyu ma dag gis rgyal byed kyi tshal bskor bar bya’o źes bya ba de lta bu’i tshig smras pa gaṅ yin pa de dran nam | ñe dga’ sa smras pa | tshe daṅ ldan pa dag de ni don (7) ’das pa yin na rma sos pa gleṅs te ci bya | de dag gis smras pa | bcom ldan ’das ni ’das pa’i don kho na la brten te ’dul ba la ñan thos rnams kyi bslab ba’i gźi ’cha’ bar mdzad do || dga’ bos phyir bzlog par brtsams pa daṅ | de dag gis smras pa | gaṅ gcig (16a1) phyir zlog par byed pa de yaṅ gnas nas dbyuṅ ba’i las bya’o | dga’ bos bsams pa | ’di dag gi byed staṅs las na bdag la yaṅ gnas nas ’byin pa’i las byed par ’gyur na ma legs par ’gyur ro sñam nas | de dgun gyi dus la bab pas la ba źig (2) gyon te des la bde rtsig druṅ du bslaṅ ste bźag nas cad mi smra bar stan las laṅs te soṅ ṅo || de dag gis smras pa | tshe daṅ ldan pa dag ’dod pa smros śig ces de dag gis gya tshom du ñe dga’ gnas nas dbyuṅ ba’i las byas so || de gnas nas dbyuṅ ba’i las byas pa na du źiṅ phu (3) bo’i gan du soṅ ba daṅ | dga’ bos smras pa | ñe dga’ ci’i phyir du | lhuṅ bzed nag po can dag gis bdag gnas nas dbyuṅ ba’i las byas so || dga’ bos smras pa | gaṅ dag gis kho bo’i nu bo gnas nas dbyuṅ ba’i las byas pa de dag groṅ daṅ | groṅ khyer (4) daṅ | khams gsum nas gnas nas phyuṅ bar gyur cig | ’on kyaṅ gnas nas dbyuṅ ba’i las byas pa dag la groṅ daṅ | groṅ khyer med dam ci | sdod la phyis bzod pa gsol cig | ’di ltar de dag gis mi mthun pa kho nar las byas so || su źig der ma ’oṅs | dga’ bos (5) smras pa | kho bo’o || bdag gis de na rgan pa’i mtha’ logs na slob dpon gyi sgra thos so || dga’ bos smras pa | gaṅ gi tshe de dag na re gaṅ gcig phyir zlog par byed pa de yaṅ gnas nas dbyuṅ ba’i las bya’o źes zer ba de’i tshe na kho bos bsams pa | ’di dag gi byed staṅs (6) las na bdag la yaṅ gnas nas ’byin pa’i las byed par ’gyur na ma legs par ’gyur ro sñam nas | kho bo dgun gyi dus la bab pas la ba źig gyon te kho bos la ba de rtsig druṅ du bslaṅ ste bźag nas caṅ mi smra bar stan las laṅs te soṅ ṅo || dge sloṅ don ñuṅ du dag ci’i (7) phyir dge sloṅ dag dge ’dun gyi chos daṅ ldan pa’i gtam rnam par gtan la ’bebs par byuṅ ba na caṅ mi smra bar stan las laṅs te ’gro bar byed ces smod par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to | (16b1) de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin (2) te | saṅs rgyas bcom ldan ’das kyis śākya ’i bu dga’ bo la mas pa | dga’ bo khyod dge ’dun gyi chos daṅ ldan pa’i gtam rnam par gtan la ’bebs pa byuṅ ba na caṅ mi smra bar stan las laṅs te ’gro ba bden nam | btsun pa mad do || saṅs rgyas bcom ldan ’das kyis (3) dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa ma yin pa de ni rab tu byuṅ bas bya bam yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | (4) dge sloṅ dag de lta bas na phan yon bcu yaṅ dag par gzigs pas ’dul ba la ñan thos rnams kyi bslab pa’i gźi bca’ bar bya źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste || yaṅ dge sloṅ gaṅ dge ’dun gyi (5) chos daṅ ldan pa’i gtam rnam par gtan la ’bebs pa byuṅ ba na caṅ mi smra bar stan las laṅs te ’gro na ltuṅ byed do źes bcom ldan ’das kyis ’dul ba la ñan thos rnams kyi bslab pa’i gźi de ltar bca’ ba mdzad do || dge sloṅ nad ṅan can dag ’khod par de dag gis yun riṅ du (6) ’dug par mi nus pa na dge sloṅ nad g-yog dag gis kyaṅ naṅ pa dag gi bya ba ñams par byed | dge sloṅ źal ta byed pa dag gis kyaṅ dge ’dun gyi bya ba ñams par byed pa’i skabs de dge sloṅ rnams kyis bcom ldan ’das la gsol ba daṅ | bcom ldan ’das kyis bka’ stsal pa | (7) de lta bas na dge sloṅ ’dug pa la smras te ’gro bar bya’o || bcom ldan ’das kyis dge sloṅ ’dug pa la smras te ’gro bar bya’o źes bka’ stsal nas dge sloṅ źig gis khyim gźan du lhuṅ bzed daṅ chos gos bźag nas ji tsam na der me śor nas dge sloṅ des der ’gro bar brtsams te de (17a1) lam gyi phyed du phyin pa daṅ | bdag gis dge sloṅ ’dug pa lam smras so sñam pa’i dran pa skyes nas de phyir log ste ji srid du dge sloṅ ’dug pas smra bar byed pa de srid du de’i lhuṅ bzed daṅ chos gos tshig nas de der soṅ ba daṅ khyim bdag gis smras pa | ’phags pa khyod (2) ci’i slad du ’phyis te byon | des na khyod kyi lhuṅ bzed daṅ chos gos tshig gi | gal te khyod myur du byon par gyur na khyod kyi lhuṅ bzed daṅ chos gos tshig par mi ’gyur ro źes zer źiṅ dge sloṅ de yaṅ phoṅs par gyur pa’i skabs de dge sloṅ rnams kyis bcom ldan ’das la gsol (3) pa daṅ | bcom ldan ’das kyis bka’ stsal pa | de lta bas na de ’dra ba’i rkyen ma gtogs so || de nas bcom ldan ’das kyis bslab pa ’dod pa daṅ | bslab pa la gus pa daṅ | bslab pa la yo byad bsñuṅs pa’i bsṅags pa brjod nas dge sloṅ rnams la de daṅ mthun pa (4) daṅ | de’i śas che ba daṅ | de daṅ ’tsham pa’i chos daṅ ldan pa’i bka’ mchid mdzad nas dge sloṅ rnams la bka’ stsal pa | dge sloṅ dag de lta bas na sṅa ma ni bcas pa yin la | ’di ni gnaṅ ba yin te | ṅa’i ñan thos rnams kyis ’dul ba la bslab pa’i gźi ’di (5) ltar gdon par bya ste | yaṅ dge sloṅ gaṅ dge ’dun gyi chos daṅ ldan pa’i gtam rnam par gtan la ’bebs pa byuṅ ba na caṅ mi smra bar stan las laṅs te ’gro źiṅ dge sloṅ ’dug pa la mi smra na de ’dra ba’i rkyen la gtogs te ltuṅ byed do || yaṅ dge sloṅ gaṅ źes bya ba ni śākya ’i bu (6) dga’ bo’am | gźan yaṅ de lta bu gaṅ yin pa’o | dge ’dun gyi źes bya ba ni de bźin gśegs pa’i ñan thos kyi dge ’dun gyi’o || chos daṅ ldan pa’i gtam rnam par gtan la ’bebs pa byuṅ ba na źes bya ba ni gsol ba daṅ | gsol ba daṅ gñis daṅ | gsol ba (7) daṅ bźi’i las byuṅ ba na’o || caṅ mi smra bar stan las laṅs te ’gro źiṅ źes bya ba ni thos pa’i ñen kor las ’das te ’gro źiṅ ṅo || dge sloṅ ’dug pa la mi smra na źes bya ba ni de na dge sloṅ gaṅ ’dug pa la’o || de ’dra ba’i rkyen ma gtogs te źes bya ba ni de ’dra ba’i rkyen bźag (17b1) ste’o || ltuṅ byed ṅo źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ ba dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags śiṅ so sor ma bśags na dge ba’i (2) chos rnams la sgrib par byed pa ste des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ ji tsam cuṅ zad dge ’dun gyi chos daṅ ldan pa’i gtam rnam par gtan la ’bebs par byuṅ ba na caṅ mi smra bar stan las laṅs te ’gro źiṅ dge sloṅ ’dug pa la mi smra na ji (3) srid thos pa’i ñen kor las ma ’das kyi bar du ñes byas su ’gyur la | thos pa’i ñen kor las ’das na ltuṅ byed du ’gyur ro || las daṅ po pa daṅ | smyos pa daṅ | sems ’khrugs pa daṅ | tshor ba dag gis ñen pa la ltuṅ ba med do || mi smra bar ’gro ba’i ltuṅ byed de bdun bcu rtsa (4) bdun pa rdzogs so | [(bm :: 3 :: Pāyantika 78)]saṅs rgyas bcom ldan ’das rgyal po’i khab na ’od ma’i tshal kha lan da ka’i gnas na bźugs so || de’i tshe na glaṅ chen lhas kyi bdag po’i bu nag pa dge sloṅ rab tu maṅ po dag ’di lta ste | ’di ni chos so || ’di ni ’dul ba’o || ’di ni (5) ston pa’i bstan pa’i źes rtsod pa ñe bar źi bar bya ba ’ga’ źiṅ gi phyir dpoṅ sa’i khaṅ pa ’dug ciṅ mthun par gyur par gyur pa na gcig pus dge ’dun zlog par byed | gcig pus dge ’dun mi mthun par byed ciṅ | rtsod pa bzuṅ ste rtsod ciṅ ’dug la gtam gyi mjug sdoṅ par mi byed | (6) gus par mi byed | rjes mi byed ciṅ phyir smra bar bya’o sñam du sems nas dge sloṅ don ñuṅ du dag ci’i phyir dge sloṅ dag dge sloṅ rab tu maṅ po dag ’di lta ste | ’di ni chos so || ’di ni ’dul ba’o || ’di ni ston pa’i bstan pa’o źes rtsod pa ñe bar źi bar bya ba ’ga’ źig gi phyir dpoṅ (7) sa’i khaṅ par ’dug ciṅ mthun par gyur pa na gcig pus dge ’dun zlog par byed | gcig pus dge ’dun mi mthun par byed ciṅ | rtsod pa bzuṅ ste rtsod ciṅ ’dug la gtam gyi mjug sdoṅ par mi byed | gus par mi byed | rjes mi byed ciṅ phyir smra bar bya’o sñam du sems źes smod (18a1) par byed | phyar ka gtoṅ bar byed | kha zer bar byed pa’i skabs de dge sloṅ rnams kyis bcom ldan ’das la gsol to | de nas bcom ldan ’das kyis byuṅ ba ’di daṅ | gleṅ gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa (2) sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das kyis glaṅ chen lhas kyi bdag po’i bu nag pa la rmas pa | dge sloṅ khyod dge sloṅ rab tu maṅ po dag ’di lta ste | ’di (3) ni chos so || ’di ni ’dul ba’o || ’di ni ston pa’i bstan pa’o źes rtsod pa ñe bar źi bar bya ba ’ga’ źig gi phyir dpod sa’i khaṅ par ’dug ciṅ mthun par gyur pa na gcig pus dge ’dun zlog par byed | gcig pus dge ’dun mi mthun par byed ciṅ rtsod pa bzuṅ ste rtsod ciṅ ’dug la (4) gtam gyi mjug sdod par mi byed | gus par mi byed | rje sa mi byed ciṅ | phyir smra bar bya’o sñam du sems pa bden nam | btsun pa mad do || saṅs rgyas bcom ldan ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ mthun pa (5) ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs par ’dul ba la ñan thos rnams kyi (6) bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | gus par mi byed na ltuṅ byed do || gus par mi byed na źes bya ba ni gñis ka la gus par mi byed na ste | dge ’dun la daṅ | gaṅ (7) zag la’o || de la dge ’dun ni de bźin gśegs pa’i ñan thos kyi dge ’dun daṅ | dge ’dun gyi tha sñad pa’o || gaṅ zag ni mkhan po daṅ | slob dpon dag go | ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | (18b1) log par ltuṅ ba dag tu sreg par byed | ’tshod par byed | ltuṅ bar byed pa’o | gźan yaṅ ji srid du ltuṅ ba de ma bśags śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || de la ltuṅ bar ji ltar ’gyur źe na | dge sloṅ (2) dge ’dun gyis ’dug śig ces bsgo ba na mi ’dug na ltuṅ byed du ’gyur ro || ma ’dug śig ces bsgo ba na ’dug na ltuṅ byed du ’gyur ro || soṅ śig ces bsgo ba na mi ’gro na ltuṅ byed du ’gyur ro || ma ’gro śig ces bsgo ba na ’gro na ltuṅ byed du ’gyur ro || gnas mal loṅ śiṅ ces bsgo (3) ba na mi len na ltuṅ byed du ’gyur ro || gnas mal ma len cig ces bsgo ba na len na ltuṅ byed du ’gyur ro || gtsug lag khaṅ loṅ śig ces bsgo ba na mi len na ltuṅ byed du ’gyur ro || gtsug lag khaṅ ma len cig ces bsgo ba na len na ltuṅ byed du ’gyur ro || smros śig ces bsgo ba na mi smra (4) na ltuṅ byed du ’gyur ro || ma smra śig ces bsgo ba na smra ba ltuṅ byed du ’gyur ro || chos daṅ ldan par śad kyis sbyaṅ ba sbyin par byed na ltuṅ ba med do | dge ’dun gyi tha sñad pas bsgo ba la yaṅ de bźin du sbyar ro || dge sloṅ mkhan pos ’dug śig ces bsgo ba na mi ’dug na ñes byas su ’gyur ro || (5) ma ’dug śig ces bsgo ba na ’dug na ñes byas su ’gyur ro || soṅ śig ces bsgo ba na mi ’gro na ñes byas su ’gyur ro || ma ’gro śig ces bsgo ba na ’gro na ñes byas su ’gyur ro || gnas mal loṅ śig ces bsgo ba na mi len na ñes byas su ’gyur ro || gnas mal ma len cig ces bsgo (6) ba na len na ñes byas su ’gyur ro || gtsug lag khaṅ loṅ śig ces bsgo ba na mi len na ñes byas su ’gyur ro || gtsug lag khaṅ ma len cig ces bsgo ba na len na ñes byas su ’gyur ro || smros śig ces bsgo ba na mi smra na ñes byas su ’gyur ro || ma smra śig ces bsgo ba na smra na ñes byas (7) su ’gyur ro || chos daṅ ldan par śad kyis sbyaṅ ba sbyin par byed na ltuṅ ba med do | slob dpon rnams kyis bsgo ba la yaṅ de bźin du sbyar ro | las daṅ po pa daṅ | smyos pa daṅ | sems ’khrugs pa daṅ | tshor ba dag gis ñon pa la ltuṅ ba med do || ma gus pa’i tshul gyis ltuṅ byed de bdun bcu (19a1) rtsa brgyad pa rdzogs so || ||

.