gzugs med tshor ba med cing ’du shes sems pa (4) med || de la rnam shes gnas ni rdul tsam yod ma yin ||
de chos kun la mi gnas gnas pa med par spyod || yongs su gzung med bde gshegs rnams kyi byang chub ’thob ||

gal te mi shes bzhin du gzugs su ’du shes shing || tshor ba sems pa rnam shes phung por spyod byed cing ||
phung ’di stong zhes rtog na’ang byang chub sems (2b1) dpa’ ni || mtshan ma la spyod skye med gnas la dad ma yin ||

gang zhig gzugs la mi gnas tshor la mi gnas shing || gang zhig ’du shes mi gnas sems par mi gnas la ||
rnam shes gang mi gnas pa chos nyid (3) gnas pa ste || ’di ni shes rab pha rol phyin mchog spyod pa yin ||

gzugs ni shes rab ma yin gzugs la shes rab med || rnam shes ’du shes tshor dang sems pa ’di dag ni ||
shes rab ma yin ’di dag la yang shes rab med || ’di ni nam mkha’i khams dang mtshungs te tha dad med ||

spyod pa yongs dag gang zhig gzugs la mi spyod cing || rnam shes ’du shes tshor ba sems par mi spyod na ||
de ltar spyod pa chags pa thams cad yongs spong zhing || chags las rnam grol bde gshegs rnams (7) kyi shes rab spyod ||

gzugs dang (3) tshor dang ’du shes sems pa rnam shes rnams || zab ste rang bzhin mtshan ma med cing rab zhi ba ||
dper na mda’ yis rgya mtsho’i gting thug tshol ba ltar || shes rab kyis ni brtags na phung po’i gting mi rnyed ||

bsam gtan dang po dang, bsam gtan gnyis pa dang, bsam gtan gsum pa dang, bsam gtan bzhi pa dang, nam mkha’ mtha’ yas skye mched dang, rnam shes mtha’ yas skye mched dang, ci yang med pa’i skye mched dang, ’du shes med ’du shes med min skye mched dang, ’du shes dang tshor ba ’gog pa mthar gyis snyoms par ’jug pa dgu po ’di dag ni zhi gnas shes bya’o.