maṅ pos bkur daṅ lhag g-yos daṅ ||
ba gam rñiṅs daṅ bzaṅ po daṅ ||
’khor daṅ koondina rdzu ’phrul daṅ ||
koo śi ka zos daṅ ba daṅ ||
mnar med lhag gyur phyi ma’o | ||
| sdom ni |
maṅ pos bkur daṅ seṅ ge’i ’gram || legs par rab saṅ de bźin du ||
| dga’ ldan ’dod pa’i ris daṅ ni |’dun pas ’dug daṅ gźoṅ pa daṅ | srin bu go cha bzaṅ len daṅ | lhar bcas pa daṅ de bcu’o |
| yaṅs pa can du bstan pa daṅ | rab sbyin daṅ ni grags ’dzin daṅ | daṅ ba daṅ ni mkhas pa daṅ | sa ’tsho ma ni bstan pa daṅ |
|’dzam bu ri dags naṅ skyes daṅ | rigs bdun ṅan spoṅ bu daṅ ni | rgyal po’i khab daṅ dka’ thub daṅ | riṅ ’phur dka’ spyod dga’ bo daṅ |
|nag po bkra śis de bźin du | bdud gźom pa ni byas pa daṅ | ’khor ni mdo ru bsdus pa’o ||
gru ’dzin du dgra ’dul daṅ brgya tham pa’o || dmag gis mi tshugs su ma rgyal ba las rgyal daṅ lṅa khri bźi stoṅ ṅo |
| bā rā na sīr bzod dka’ daṅ drug khri sum stoṅ ṅo || kim pi lar tshaṅs sbyin daṅ brgyad khri bźi stoṅ ṅo |
| glaṅ po che’i groṅ du glaṅ pos sbyin daṅ sum khri ñis stoṅ ṅo || rdo ’jog tu bal bu can daṅ lṅa stoṅ ṅo |
| braṅ gis ñal du tshan po che ’dul daṅ sum khri ñis stoṅ ṅo || ma rgyal ba las rgyal du rgyal byin daṅ sum khri ñis stoṅ ṅo |
| ka nya kub dzar rgyal sde daṅ sum khri ñis stoṅ ṅo || tsam par klu’i lha daṅ khri brgyad stoṅ ṅo |
|ta la’i phreṅ du mi’i lha daṅ ñi khri lṅa stoṅ ṅo || ta ma lir rgya mtsho’i lha daṅ khri ñis stoṅ ṅo |
| ba so’i groṅ du blo gros bzaṅ po daṅ khri brgyad stoṅ ṅo || rgyal po’i khab tu mun sel daṅ ñi khri lṅa stoṅ ṅo |
| bā rā na sīr dbaṅ phyug chen po’i sde daṅ brgya tham pa’o || rtsva can du rgya mtsho’i sde daṅ brgyad khri bźi stoṅ ṅo |
| gru ’dzin du dka’ thub spyod daṅ stoṅ ṅo || rtsva can du sa’i gdoṅ daṅ brgyad khri bźi stoṅ ṅo |
| bā rā na sīr sa’i bdag po daṅ ’bum mo || dmag gis mi tshugs par sa ’dzin daṅ ’bum mo |
| mi thi lar lha chen po daṅ brgyad khri bźi stoṅ ṅo || yaṅ mi thi lar lha chen po nas bzuṅ ste mu khyud nas śiṅ rta sra ba’i bar brgyad khri bźi stoṅ ṅo |
| kun du snaṅ bar nam mkha’i bdag po daṅ || klu mñam skyoṅ daṅ bdun khri bdun stoṅ ṅo |
| bā rā na sīr kri k’i daṅ legs skyes daṅ brgya tham pa’o || gru ’dzin du rna ba can daṅ bu ram śiṅ pa daṅ brgya tham pa’o |
| gru ’dzin du ’phags skyes po daṅ bu ram śiṅ pa la sogs pas khyim gyi bar brgya tham pa’o || ser skya’i gźir śiṅ rta bcu pa nas bzuṅ ste lṅa khri lṅa stoṅ byuṅ ba la seṅ ge’i ’gram las bźi ste |
| bźi po de rnams las gñis gñis so ||
saṅs rgyas bcom ldan ’das yul ser skya’i gźi nya gro dha’i kun dga’ ra ba na bźugs so ||
de nas ser skya’i gźi na gnas pa’i śākya rab tu maṅ po ’dun khaṅ du tshogs śiṅ ’dus nas bar skabs kyi gtam ’di lta bu dag gleṅ bar byed de |
śes ldan dag śākya rnams ni gaṅ las skyes | thog ma ni gaṅ yin | rgyu ni ci źig yin | śākya rnams kyi sṅon gyi rigs rgyud ni gaṅ yin |
gal te bdag cag gi druṅ du ’ga’ źig ’oṅs nas ’di skad ’dri ste | śes ldan dag śākya rnams ni gaṅ las skyes | thog ma ni gaṅ yin | rgyu ni ci źig yin, śākya rnams kyi sṅon gyi rigs rgyud ni gaṅ yin źes
de skad du ’dri na bdag cag gis ni śākya rnams gaṅ las skyes pa daṅ, thog ma gaṅ yin pa daṅ | rgyu ni ci źig yin pa daṅ | śākya rnams kyi sṅon gyi rigs rgyud gaṅ yin pa yaṅ mi śes na ji skad du luṅ bstan |
tshur bdag cag bcom ldan ’das gaṅ na ba der doṅ la lhags pa daṅ | bcom ldan ’das la don ’di ñid źus nas bcom ldan ’das kyis bdag cag la ji skad du luṅ bstan pa de bźin du gzuṅ bar bya’o ||
de nas ser skya’i gźi na gnas pa’i śākya rab tu maṅ po bcom ldan ’das gaṅ na ba der doṅ ste lhags nas, bcom ldan ’das kyi źabs gñis la mgo bos phyag byas te phyogs gcig tu ’dug go; | phyogs gcig tu ’dug nas bcom ldan ’das la ser skya’i gźi’i śākya rnams kyis ’di skad ces gsol to ||
btsun pa ’dir bdag cag ser skya’i gźi’i śākya rab tu maṅ po ’dun khaṅ du tshogs śiṅ ’dus nas bar skabs kyi bka’ mchid ’di lta bu dag gleṅ ste |
śākya rnams ni gaṅ las skyes | thog ma ni gaṅ yin | rgyu ni ci źig yin, śākya rnams kyi sṅon gyi rigs rgyud ni gaṅ yin | gal te bdag cag gi druṅ du ’ga’ źig ’oṅs nas ’di skad ces ’dri ste | śes ldan dag śākya rnams ni gaṅ las skyes | thog ma ni gaṅ yin, rgyu ni ci źig yin; śākya rnams kyi sṅon gyi rigs rgyud ni gaṅ yin źes de skad ’dri na | bdag cag gis ni śākya rnams ni gaṅ las skyes, thog ma ni gaṅ yin | rgyu ni ci źig yin | śākya rnams kyi sṅon gyi rigs rgyud ni gaṅ yin pa yaṅ mi śes na ji skad du luṅ bstan |
tshur bdag cag bcom ldan ’das gaṅ na ba der doṅ la lhags pa daṅ | bcom ldan ’das la don de ñid źus te | bcom ldan ’das kyis bdag cag la ji skad du luṅ bstan pa de bźin du gzuṅ bar bgyi’o sñam nas | de’i slad du bcom ldan ’das la bdag cag don ’di ñid źu lags na; bcom ldan ’das śākya rnams ni gaṅ las skyes lags | thog ma ni gaṅ lags | rgyu ni ci źig lags | śākya rnams kyi sṅon gyi rigs rgyud ni gaṅ lags |
de nas bcom ldan ’das ’di sñam du dgoṅs te | gal te ṅas śākya rnams kyi sṅon gyi rigs rgyud las brtsams te chos kyi gtam gleṅs na mu stegs can daṅ kun du rgyu gźan dag ’di skad ces dge sbyoṅ goo ta ma ni ci ’dod pa de lta bu ston pas bdag ñid la stod par byed do źes smra ba gaṅ yin pa’i gnas ’di yod pas
ṅa’i ñan thos las śākya rnams kyi sṅon gyi rigs rgyud las brtsams nas chos kyi gtam gleṅ bar nus pa su yod sñam mo || de’i tshe tshe daṅ ldan pa maud gal gyi bu chen po ’khor de ñid du ’dus śiṅ ’dug par gyur to ||
de nas bcom ldan ’das kyis tshe daṅ ldan pa maud gal gyi bu chen po la bka’ stsal pa | maud gal gyi bu ṅa rgyab bsñuṅ bas re źig de bsal gyis | khyod kyis śākya rnams kyi sṅon gyi rigs rgyud las brtsams nas dge sloṅ rnams la chos kyi gtam bya bar spobs par gyis śig | tshe daṅ ldan pa maud gal gyi bu chen pos bcom ldan ’das la caṅ mi smra bas khas blaṅs so ||
de nas bcom ldan ’das kyis tshe daṅ ldan pa maud gal gyi bu chen pos caṅ mi smra bas khas blaṅs par thugs su chud nas | snam sbyar bltab ste sṅas phaṅs su bcug nas glo g-yas pa phab ste | źabs kyi steṅ du źabs bźag nas snaṅ ba’i ’du śes daṅ | dran pa daṅ | śes bźin daṅ ldaṅ ba’i ’du śes kho na yid la mdzad pas mnal to ||
de nas tshe daṅ ldan pa maud gal gyi bu chen po ’di sñam du sems te | ma la bdag gis sems ji ltar mñam par gźag na śākya rnams kyi sṅon gyi rigs rgyud śākya rnams gaṅ las skyes pa daṅ | thog ma gaṅ yin pa daṅ | rgyu ni ci źig yin pa daṅ | śākya rnams kyi sṅon gyi rigs rgyud gaṅ yin pa mthoṅ bar ’gyur ba de lta bu’i tiṅ ṅe ’dzin la sñoms par ’jug par bya’o || sñam nas |
de nas tshe daṅ ldan pa mood gal gyi bu chen pos sems ji ltar mñam par gźag na śākya rnams kyi sṅon gyi rigs rgyud mthoṅ bar ’gyur ba de lta bu’i tiṅ ṅe ’dzin la sñoms par źugs pa daṅ |
tshe daṅ ldan pa mood gal gyi bu chen pos śākya rnams kyi sṅon gyi rigs rgyud śākya rnams gaṅ las skyes pa daṅ | thog ma gaṅ yin pa daṅ | rgyu ni ci źig yin pa daṅ | śākya rnams kyi sṅon gyi rigs rgyud ni gaṅ yin pa mthoṅ ṅo ||
mthoṅ nas tiṅ ṅe ’dzin de las laṅs te | dge sloṅ gi dge ’dun gyi guṅ la stan bśams pa ñid la ’dug go ||
’dug nas tshe daṅ ldan pa mood gal gyi (257b) bu chen pos ser skya’i gźi’i śākya rnams la smras pa |
goo ta ma dag ’jig rten ’di ’jig ciṅ
’jig rten źig na sems can phal cher ’od gsal gyi lha’i ris su skye bar ’gyur te |
de rnams de na yid las byuṅ ba’i gzugs phun sum tshogs pa dbaṅ po ma ñams śiṅ ma tshaṅ ba med pa | yan lag daṅ ñiṅ lag thams cad daṅ ldan pa | kha dog bzaṅ pos gnas pa | raṅ gi ’od can | nam mkha’ la ’gro ba | dga’ ba za źiṅ dga’ ba’i zas kyis tshe riṅ źiṅ yun riṅ du gnas so ||
de’i tshe sa chen po ’di chu ’ba’ źig tu ’gyur źiṅ mtsho gcig tu ’gyur ro ||
sa chen po ’di chu ’ba’ źig gi mtsho gcig tu gyur ba’i steṅ du rluṅ gis pris ma chags pa daṅ, mkhregs pa daṅ | khebs par byed do ||
dper na ’o ma bskol ba graṅs par gyur pa’i steṅ du rluṅ gis pris ma chags pa daṅ | mkhregs pa daṅ | khebs pa
de bźin du | sa chen po ’di chu ’ba’ źig gi mtsho gcig tu gyur pa’i steṅ du rluṅ gis pris ma chags pa daṅ, mkhregs pa daṅ | khebs par byed do ||
sa’i bcud de ni kha dog phun sum tshogs pa | dri phun sum tshogs pa daṅ | ro phun sum tshogs pa yin źiṅ
kha dog phun sum tshogs pa ni ’di lta bu yin te | dper na mar sar lta bu’o ||
ro ni ’di lta bu yin te | dper na sbraṅ ma’i sbraṅ rtsi btsir ba lta bu’i dus gaṅ yin pa de yod do ||
goo ta ma dag ’jig rten gaṅ yin pa de ’chags śiṅ ’jig rten chags na de na sems can kha cig tshe zad | las zad | bsod nams zad nas ’od gsal gyi lha’i ris nas śi ’phos nas ’di lta bur mi rnams daṅ | skal ba mñam par ’oṅ źiṅ
de rnams ’di na yid las byuṅ ba’i gzugs phun sum tshogs pa dbaṅ po ma ñams śiṅ ma tshaṅ ba med pa | yan lag daṅ ñiṅ lag thams cad daṅ ldan źiṅ kha dog bzaṅ pos gnas pa | raṅ gi ’od can | nam mkhar la ’gro ba | dga’ ba za źiṅ dga’ ba’i zas kyis tshe riṅ źiṅ yun riṅ du gnas par ’gyur ro ||
de’i tshe ñi ma daṅ zla ba yaṅ ’jig rten du mi ’byuṅ ste | rgyu skar rnams kyaṅ med | skad cig daṅ | thaṅ cig daṅ | yud tsam yaṅ med, mtshan mo daṅ ñin mo yaṅ med | zla ba daṅ | zla ba phyed daṅ, dus tshigs daṅ | lo rnams kyaṅ ’jig rten du ’byuṅ ba med do ||
skyes pa daṅ bud med du mṅon pa yaṅ med kyi | gźan du na sems can sems can źes bya ba’i graṅs su ’gro’o ||
de nas sems can brkam chags kyi raṅ bźin can źig gis mdzub mo’i rtse mos sa’i bcud myoṅ bar byed do ||
ji lta ji ltar myaṅs pa de lta de ltar sred do || ji lta ji ltar sred pa de lta de ltar kham gyi zas rim gyis za’o ||
sems can gźan dag gis kyaṅ sems can de mdzub mo’i rtse mos sa’i bcud myoṅ bar byed de | ji lta ji ltar myaṅs pa de lta de ltar sred la | ji lta ji ltar sred pa de lta de ltar kham gyi zas rim gyis za ba mthoṅ ṅo ||
mthoṅ nas de rnams kyis kyaṅ mdzub mo’i rtse mos sa’i bcud myoṅ bar rtsom ste | ji lta ji ltar myaṅs pa de lta de ltar sred do || ji lta ji ltar sred pa de lta de ltar kham gyi zas rim gyis za’o || gaṅ gi tshe sems can de rnams kyis sa’i bcud la kham gyi zas rim gyis zos pa de’i tshe de rnams kyi lus la mkhraṅ ba daṅ lci ba źugs par gyur to ||
de rnams kyi kha dog bzaṅ po gsal ba gaṅ yin pa de yaṅ nub par gyur pas ’jig rten du mun pa byuṅ bar gyur to ||
goo ta ma dag chos ñid kyis ’jig rten du mun pa byuṅ na ñi ma daṅ zla ba gñis ’jig rten du ’byuṅ bar ’gyur ro || rgyu skar daṅ | skad cig daṅ | thaṅ cig daṅ | yud tsam daṅ | mtshan mo daṅ | ñin mo daṅ | zla ba daṅ | zla ba phyed daṅ | dus tshigs daṅ | lo ’jig rten du ’byuṅ bar ’gyur ro ||
de rnams de za źiṅ zas su za ba la tshe riṅ źiṅ yun riṅ du gnas so ||
de rnams las kha zas la ches ñuṅ zad du za ba gaṅ yin pa de ni kha dog daṅ ldan bar ’gyur ro || kha zas la ches maṅ du za ba gaṅ yin pa de ni kha dog ṅan par ’gyur te, kha zas kyi tshad gñis la brten nas kha dog rnam pa gñis mṅon te |
kha dog rnam pa gñis yod pas | kye sems can kho bo ni kha dog daṅ ldan no || khyod ni kha dog ṅan ba can yin no źes sems can gyis sems can la khyad du gsod par byed do || kha dog gi mṅon pa’i ṅa rgyal can de rnams sdig pa mi dge ba’i chos de dag ñid blaṅs pa’i rgyus sa’i bcud de nub par gyur to ||
goo ta ma dag sa’i bcud de nub pa na sems can de rnams tshogs śiṅ ’dus nas ’di skad ces kyi hud bro ba kyi hud bro ba źes smra źiṅ smre sṅags ’don la mya ṅan daṅ sdug bsṅal bar gyur to ||
dper na da ltar gyi mi rnams kyis zas źim po cuṅ zad cig zos nas sṅon gyi yi ge daṅ | tshig daṅ | tshig ’bru de ñid rjes su dran nas ’di skad ces kyi hud bro ba kyi hud bro ba źes smra ba
de bźin du sems can de rnams sa’i bcud de nub pa na tshogs śiṅ ’dus nas ’di skad ces kyi hud bro ba kyi hud bro ba źes smra źiṅ smre sṅags ’don la mya ṅan daṅ sdug bsṅal bar gyur kyaṅ
smras pa ’di’i don ni ’di yin | smas pa ’di’i don ni ’di yin no źes de’i don ni mi śes so ||
goo ta ma dag sems can de rnams kyi sa’i bcud de nub pa na sa źag kha dog phun sum tshogs pa | dri phun sum tshogs pa | ro phun sum tshogs pa ’byuṅ bar ’gyur te | kha dog ni ’di lta bu yin te | dper na doṅ ka’i me tog lta bu’o || ro ni ’di lta bu yin te | dper na sbraṅ ma’i sbraṅ rtsi btsir ba lta bu’o ||
de rnams de za źiṅ zas su za ba la tshe riṅ źiṅ yun riṅ du gnas so ||
de rnams las kha zas la ches ñuṅ du za ba gaṅ yin pa de ni kha dog daṅ ldan par gyur to || kha zas la ches maṅ du za ba gaṅ yin pa de ni kha dog ṅan par gyur to || zas kyi tshad gñis la brten nas kha dog rnam pa gñis mṅon te |
kha dog rnam pa gñis yod pas kye sems can kho bo ni kha dog daṅ ldan la | khyod ni kha dog ṅan pa yin no źes sems can gyis sems can la khyad du gsod par byed do || kha dog gi mṅon pa’i ṅa rgyal can de rnams sdig pa mi dge ba’i chos de dag ñid blaṅs pa’i rgyus sa źag nub par gyur to ||
goo ta ma dag sa źag de nub par gyur pa na sems can de rnams tshogs śiṅ ’dus nas ’di skad ces kyi hud bro ba kyi hud bro ba źes smra źiṅ smre sṅags ’don la mya ṅan gyis sdug bsṅal bar byed do ||
dper na da ltar mi rnams sdug bsṅal ba daṅ | yid mi bde ba ’ga’ źig gis reg pa na sṅon gyi yi ge daṅ | tshig daṅ, tshig ’bru de ñid rjes su dran nas ’di skad ces e ma’o kyi hud e ma’o kyi hud ces smra ba de bźin du | sems can de rnams sa źag de nub pa na tshogs śiṅ ’dus nas ’di skad ces kyi hud bro ba kyi hud bro ba źes smra źiṅ smre sṅags ’don la mya ṅan daṅ sdug bsṅal bar gyur kyaṅ smras pa’i ’di’i don ’di yin | smras pa ’di’i don ni ’di yin no źes bya bar de’i don ni mi śes so |
goo ta ma dag sems can de rnams kyi sa źag de nub pa na myu gu’i tshal kha dog phun sum tshogs pa | dri phun sum tshogs pa | ro phun sum tshogs pa ’byuṅ bar ’gyur źiṅ kha dog ni ’di lta bu yin te | dper na śiṅ ka dam pa ka’i me tog lta bu’o || ro ni ’di lta bu yin te | dper na sbraṅ ma’i sbraṅ rtsi btsir ba lta bu’o ||
de rnams de za źiṅ de zas su za ba las tshe riṅ źiṅ yun riṅ du gnas so ||
de rnams las kha zas la ches ñuṅ bar za ba gaṅ yin pa de ni kha dog daṅ ldan par gyur to || kha zas la ches maṅ du za ba gaṅ yin pa de ni kha dog ṅan par gyur to || zas kyi tshad gñis la brten nas kha dog rnam pa gñis yin no ||
kha dog rnam pa gñis yod pas kye sems can kho bo ni kha dog daṅ ldan la | khyod ni kha dog ṅan pa yin no źes sems can gyis sems can la khyad du gsod par byed do || kha dog gi mṅon pa’i ṅa rgyal can de rnams sdig pa mi dge ba’i chos de dag ñid blaṅs pa’i rgyus myu gu’i tshal de nub par gyur to ||
goo ta ma dag myu gu’i tshal de nub par gyur pa na sems can de rnams tshogs śiṅ ’dus nas ’di skad ces | mdun nas phar soṅ mdun nas par soṅ źes (b1) smra źiṅ smre sṅags ’don la mya ṅan daṅ sdug bsṅal bar gyur to ||
dper na da ltar mi rnams ’ga’ źig la tshig drag po’i tshar gcad pas tshar gcad par ’dod pa na sṅon gyi yi ge daṅ | tshig daṅ | tshig ’bru de dag ñid rjes su bzlas śiṅ ’di skad ces | mdun nas phar soṅ mdun nas phar soṅ źes smra ba de bźin du sems can de rnams myu gu’i tshal nub pa daṅ tshogs śiṅ ’dus nas ’di skad ces | mdun nas phar soṅ mdun nas phar soṅ źes smra źiṅ smre sṅags ’don la mya ṅan daṅ sdug bsṅal bar gyur kyaṅ smras pa’i ’di’i don ni ’di yin | smras pa ’di’i don ni ’di yin no źes bya bar de’i don ni mi śes so ||
goo ta ma dag sems can de rnams kyi myu gu’i tshal nub nas ma rmos ma btab pa’i ’bras sā lu’i ’bras bu tshon bźi pa phub ma med pa sbun ma med pa śun pa med pa dag pa gtsaṅ ma skyes te |
de nub brṅas na naṅ skye źiṅ smin par ’gyur | naṅ brṅas na nub skye źiṅ smin par ’gyur bas brṅas śiṅ brṅas kyaṅ slar skyes pas brṅas par yaṅ mi mṅon no ||
de rnams de za źiṅ de zas su za ba la tshe riṅ źiṅ yun riṅ du gnas so |
gaṅ nas sems can de dag rnams kyis ma rmos ma btab pa’i ’bras sā lu’i ’bras bu la kham gyi zas su rim gyis zos pa de nas de rnams kyis (?) dbaṅ po tha dad pa byuṅ bar gyur to ||
kha cig la ni skyes pa’i dbaṅ po’o || kha cig la ni bud med kyi dbaṅ po’o ||
de na bud med kyi dbaṅ po can gaṅ yin pa rnams daṅ | skyes pa’i dbaṅ po can gaṅ yin pa rnams gcig la gcig mig gis mig tshugs su lta’o ||
ji lta ji ltar gcig la gcig mig gis mig tshugs su lta ba de lta de ltar kun du chags so || ji lta ji ltar kun du chags pa de lta de ltar źen to || ji lta ji ltar źen pa de lta de ltar log par źugs so ||
sems can gźan dag gis kyaṅ sems can gyis sems can la log par źugs pa mthoṅ ṅo || mthoṅ nas kyaṅ sa daṅ | boṅ ba daṅ | gseg ma daṅ | gyo mos gtor nas
’di skad ces sems can (260a1) || ṅan pa tha chad rnams ni bya ba ma yin pa byed do || sems can ṅan pa tha chad rnams ni bya ba ma yin pa byed pa yin gyis | kva’i sems can khyod kyis da ji ltar sems can sun dbyuṅ źes smra’o ||
dper na da ltar mi rnams bag ma blaṅs pa na phye ma daṅ | dri daṅ | phreṅ ba daṅ | gos daṅ | ’bras yos kyis gtor nas ’di skad ces bag ma bde bar gyur cig ces zer ba
de bźin du sems can rnams kyis sems can gyis sems can la log par źugs pa mthoṅ nas sas gtor źiṅ boṅ ba daṅ | gseg ma daṅ | gyo mo (3) rnams kyis kyaṅ gtor nas ’di skad ces sems can ṅan pa tha chad rnams ni bya ba ma yin pa byed do || sems can ṅan pa tha chad rnams ni bya ba ma yin pa byed pa yin gyis | kva’i sems can khyod kyis da ji ltar sems can sun dbyuṅ źes smra ba’i dus gaṅ yin pa de yod do ||
goo ta ma dag de ltar na sṅon chos ma yin par ’dod pa gaṅ yin pa daṅ | sṅon gyi ’dul ba ma yin par ’dod pa gaṅ yin pa de ni da ltar chos su ’dod | ’dul bar ’dod do || sṅon smad par bya bar ’dod pa gaṅ yin pa de ni da ltar bsṅags par bya bar ’dod do ||
de rnams kyis de źag gcig spaṅs pa nas źag gñis daṅ | gsum daṅ | bdun du yaṅ spaṅs so ||
gaṅ nas sems can de rnams sdig pa can dam pa ma yin pa’i chos de la lhag par sdig pa can gyi brtul źugs spyod pa de nas de rnams khaṅ pa rtsig pa la brtson par byed de | ’dir bdag cag bya ba ma yin pa spyad do || ’dir bdag cag bya ba ma yin pa spyad do źes zer bas khyim khyim źes bya bar grags te |
goo ta ma dag ’di ni ’jig rten du khaṅ pa’i las kyi mtha’ rnams byuṅ ba’i rtsom pa daṅ po yin no ||
de rnams nub bza’ ba don du gñer ba yaṅ dgoṅs ka sā lu’i ched du ’dod bar byed do || naṅ bza’ ba don du gñer ba yaṅ naṅ bar (260b1) sā lu’i ched du ’doṅ bar byed do ||
de nas sems can sñom las kyi raṅ bźin can źig gis naṅ par gyi sā lu nub mo blaṅs so ||
de nas sems can źig gis sems can de la ’di skad ces smras so || kye sems can khyod tshur sā lu’i phyir ’doṅ | de nas sems (2) can des sems can de la ’di skad ces smras so || kye sems can khyod raṅ gi sā lu la soms śig | kho pos ni naṅ par gyi sā lu do nub blaṅs so ||
de nas sems can de ’di sñam du sems te, kye ma de ni legs so || kye ma de ni śin tu legs kyis | ma la (3) bdag gis źag gñis kyi daṅ | źag gsum gyi daṅ | źag bdun gyi bar gyi sā lu blaṅ ṅo sñam du sems nas | des źag gñis kyi daṅ | źag gsum gyi daṅ | źag bdun gyi bar gyi sā lu blaṅs so || de nas sems can źig gis sems can de la ’di skad (4) ces smras so || kye sems can khyod tshur sā lu’i phyir ’doṅ | de nas sems can des sems can de la ’di skad ces smras so || kye sems can khyod raṅ gi sā lu la soms śig | kho bos ni źag gñis kyi daṅ | gsum gyi daṅ | źag bdun gyi bar gyi sā lu (5) blaṅs zin no || de nas sems can de ’di sñam du sems te | kye ma de ni legs so || kye ma de ni śin tu legs kyis | ma la bdag gis zla ba phyed daṅ | zla ba gcig gi sā lu blaṅ ṅo sñam nas, des zla ba phyed daṅ | zla ba gcig gi sā lu blaṅs so ||
gaṅ (6) nas sems can de rnams kyis ma rmos ma btab pa’i ’bras sā lu’i ’bru sogs ’jog gi yoṅs su loṅs spyad pas zos pa de nas sā lu de’i ’bras bu phub ma daṅ | sbun pa daṅ | śun pas yog par gyur to || brṅas śiṅ brṅas na yaṅ phyir mi skye bas brṅas par (7) yaṅ mṅon la | sā lu yaṅ sbubs sam yal ga’i sbubs la yod par gyur to ||
de nas sems can de rnams tshogs śiṅ ’dus nas śes ldan dag bdag cag sṅon yid las byuṅ ba’i gzugs phun sum tshogs pa | dbaṅ po ma ñams śiṅ ma tshaṅ ba med pa | yan (261a1) lag daṅ ñiṅ lag thams cad daṅ ldan pa | kha dog bzaṅ pos gnas pa | raṅ gi ’od daṅ ldan pa | nam mkha’ la ’gro źiṅ dga’ ba za źiṅ dga’ ba’i zas kyis tshe riṅ źiṅ yun riṅ du gnas la |
bdag cag sa’i bcud kha dog phun sum tshogs (2) pa; dri phun sum tshogs pa | ro phun sum tshogs pa byuṅ bar gyur to ||
bdag cag sa’i bcud la kham gyi zas kyi rim gyis zos te, gaṅ gi tshe bdag gis sa’i bcud la kham gyi zas kyi rim gyis zos pa de’i tshe bdag cag gi lus la rtsub pa ñid daṅ lci ba ñid dag (3) źugs par gyur te | kha dog bzaṅ po’i gsal ba gaṅ yin pa de nub par gyur pas ’jig rten du mun pa byuṅ bar gyur to ||
bdag cag de za źiṅ zas su za ba la tshe riṅ źiṅ yun riṅ du gnas par gyur to || bdag cag las kha zas ches ñuṅ du za ba gaṅ yin pa de ni kha (4) dog bzaṅ por gyur | kha zas ches maṅ du za ba gaṅ yin pa de ni kha dog ṅan par gyur te | kha zas kyi tshad gñis la brten nas kha dog rnam pa gñis mṅon te |
kha dog rnam pa gñis yod pas kva’i sems can kho bo ni kha dog daṅ ldan la | khyod ni kha dog (5) ṅan pa yin no źes sems can gyis sems can la khyad du gsod par byed do || bdag cag kha dog gi mṅon pa’i ṅa rgyal can rnams sdig pa mi dge ba’i chos de dag ñid blaṅs pa’i rgyus sa’i bcud de nub par gyur to ||
sa’i bcud de nub pa na sa źag kha dog (6) phun sum tshogs pa | dri phun sum tshogs pa | ro phun sum tshogs pa byuṅ bar gyur te |
bdag cag de za źiṅ de zas su za ba la tshe riṅ źiṅ yun riṅ du gnas so || bdag cag las kha zas ches ñuṅ du za ba gaṅ yin pa de ni kha dog daṅ ldan par gyur | kha zas ches maṅ (7) du za ba gaṅ yin pa de ni kha dog ṅan par gyur te | zas kyi tshaṅ gñis la brten nas kha dog gi rnam pa gñis mgon no || kha dog rma pa gñis yod pas kā’i sems can kho bo ni kha dog daṅ ldan la | khyod ni kha dog ṅan pa yin no źes sems can gyis sems can (261b1) la khyad du gsod par byed do || bdag cag kha dog gi mgon pa’i ṅa rgyal can rnams sdig pa mi dge ba’i chos de dag nid blaṅs pa’i rgyus sa źag de nub par gyur to ||
sa źag de nub pa na myu gu’i tshal kha dog phun sum tshogs pa | dri phun sum tshogs pa | ro (2) phun sum tshogs ba byuṅ bar gyur te | bdag cag de za źiṅ de zas su za ba la tshe rig źiṅ yun riṅ du gnas so || bdag cag rnams las kha zas ches ñuṅ du za ba gaṅ yin ba de ni kha dog daṅ ldan par gyur | kha zas ches maṅ du za ba gaṅ yin pa de ni kha dog ṅan par gyur te | (3) zas kyi tshad gñis la brten sa kha dog rnam pa gñis mṅon no || kha dog rnam pa gñis yod pas kwa’i sems can kho bo ni kha dog daṅ ldan la | khyod ni kha dog ṅan pa yin no źes sems can gyis sems can la khyad du gsod par byed do || bdag cag kha dog gi mṅon (4) ba’i ṅa rgyal can rnams sdig pa mi dge ba’i chos de dag ñid blaṅs pa’i rgyus myu gu’i tsha de nub par gyur to ||
myu gu’i tsha de nub pa na ma rmos ma btab pa’i ’bras sā lu’i ’bru tshon bźi pa phub ma med pa | sbun pa med pa | śun pa med pa | dag pa | gtsaṅ ma skyes (5) te |
de nub brṅas na naṅ skye źiṅ smin par ’gyur | naṅ brṅas na nub skye źiṅ smin par ’gyur bas brṅas śiṅ brṅas kyaṅ slar yaṅ skye bas brṅas bar yaṅ mi mṅon te | bdag cag de za źiṅ zas su za ba la tshe riṅ źiṅ yun riṅ du gnas so ||
gaṅ nas bdag cag gis (6) ma rmos ma btab pa’i ’bras sā lu’i ’bru sog ’jog gis yoṅs su loṅs spyad pas zos pa de nas sā lu de’i ’bras bu phub ma daṅ | sbun pa daṅ | śun pas yog par gyur to || brṅas śiṅ brṅas ba yaṅ slar mi skye bas brṅas par yaṅ mṅon la | sā lu yaṅ sbubs (7) sam yal ga’i sbubs la yod par gyur pas
ma la bdag cag tshogs śiṅ ’dus la źiṅ gźal te mtshams bcad la ’di ni kyed kyi’o || ’di ni ṅa’i ’o źes mu thug bre bar bya’o źes
de rnams tshogs śiṅ ’dus nas źiṅ dgoṅ de mtshams bcad mu thug bres so ||
gau ta (262a1) ma dag ’di ni ’jig rten du mu thug bre ba’i las kyi mtha’ rnams byuṅ ba’i rtsom pa daṅ po yin no | de yaṅ chos kyis yin gyi chos ma yin pas ma yin te | de la rgyal ba’i dbaṅ po’i chos la ’di ni chos kyi gtso bo yin no ||
de nas sems can źig gis (2) raṅ gi sā lu yod bźin du gźan gyi sā lu ma byin par blaṅs so |
sems can gźan źig gis sems can des raṅ gi sā lu yod bźin du gźan gyi sā lu lam byin par blaṅs pa mthoṅ ṅo | mthoṅ nas sems can de la ’di skad ces smras so | kwa’i sems can (3) khyod raṅ gi sā lu yod bźin du gźan gyi sā lu la ma byin bar ci’i phyir blaṅ | kwa’i sems can soṅ la khyod phyin cad de ltar ma byed cig |
sems can des lan gñis lan gsum du yaṅ raṅ gi sā lu yod bźin du gźan gyi sā lu la ma byin par blaṅs so | sems can (4) des sems can de lan gñis lan gsum du yaṅ raṅ gi sā lu yod bźin du gźan gyi sā lu la ma byin par len pa mthoṅ ṅo | mthoṅ nas sems can de la ’di skad ces smras so | kwa’i sems can khyod raṅ gi swa lu la ma byin par ci’i phyir (5) blaṅ źes
des de phar draṅs tshur draṅs nas | ci tsam na ’khor gyi naṅ du yaṅ khrid de | śes ldan dag sems can ’di raṅ gi sā lu yod bźin du lan gñis sam gsum gyi bar du gźan gyi sā lu lam byin par len to źes spyos so |
de nas sems can des sems can de rnams la ’di skad ces smras so | (7) śes ldan dag sems can ’dis bdag la sā lu’i phyir phar draṅs tshur draṅs te | ji tsam na ’khor gyi naṅ du yaṅ byuṅ nas spyos so |
de nas sems can de rnams kyis sems can de la ’di skad ces smras so | kwa’i sems can khyod kyis sems can la sā lu’i phyir phar draṅs (262b1) tshur draṅs nas | ji tsam na ’khor gyi naṅ du yaṅ byuṅ nas ci’i phyir spyo | kwa’i sems can khyod soṅ la phyin chad de ltar ma byed cig |
de nas sems can de rnams ’di sñam du sems te | śes ldan dag sā lu’i phyir phar ’dren tshur ’dren źiṅ ji tsam na ’khor gyi naṅ du (2) spyo pa yaṅ snaṅ bas |
ma la bdag cag tshogs śiṅ ’dus la bdag cag gi naṅ na sems can lhag par gzugs bzaṅ ba | lhag par ba lta na sdug pa | lhag par mdzes pa | lhag par bsod nams che bar grags pa gaṅ yin pa de bdag cag gi źiṅ rnams kyi (3) bdag por bskos daṅ | des bdag cag chad pas gcad par bya ba rnams la ni chad pas gcod par ’gyur | phan gdags par bya ba rnams la ni phan ’dogs par ’gyur te |
bdag cag gi źiṅ dag las ’khruṅs pa gaṅ yin bde la chos bźin du thog śas sbyin (4) par bya’o sñam nas | de rnams tshogs śiṅ ’dus te de rnams kyi naṅ nas sems can lhag par gzugs bzaṅ ba | lhag par ba lta na sdug pa | lhag par mdzes pa | lhag par bsod nams che bar grags pa gaṅ yin pa de źiṅ rnams kyi bdag por bskos te
’di skad (5) ces kye sems can khyod tshur śog | kho bo cag la chad pas gcad par bya ba rnams la ni chad pas chod cig | phan gdags par bya ba rnams la ni phan thogs śig | kho bo cag gi źiṅ dag las ’khruṅs pa gaṅ yin pa de las khyod la kho bo cag gis chos bźin (6) zog śas sbyin no |
de de rnams la chad pas gcad par bya ba rnams la ni chad pas gcod | phan gdags par bya ba rnams la phan ’dogs par byed ciṅ | de la de rnams kyi źiṅ dag las ’khruṅs pa gaṅ yin pa de las chos bźin du thog śas ’bul te |
skye bo’i tshogs (7) chen pos bkur ciṅ maṅ pos bkur bas maṅ pos bkur ba maṅ pos bkur ba źes grags so |
źiṅ rnams kyi bdag por gyur ba na ñams pa las skyob par byed pas rgyal rigs rgyal rigs źes bya bar grags so |
chos kyis skye dgu mgu bar byed ciṅ tshul (263a1) khrims ñams su blaṅs te gnas | śes rab ñams su blaṅs te gnas pas rgyal po źes bya bar grags so |
gau ta ma dag rgyal po maṅ pos bkur gyi tshe mi rnams kyi miṅ sems can sems can źes bya bar gyur to |
gau ta ma dag rgyal po maṅ (2) pos bkur ba’i bu ’od mdzes źes bya ste | gau ta ma dag rgyal po ’od mdzes kyi tshe mi rnams kyi miṅ tshur śog tshur śog ces bya bar gyur to |
’od mdzes kyi bu dge bźes bya ste | gau ta ma dag rgyal po dge ba’i tshe mi rnams kyi miṅ sme ba can sme ba can źes bya bar gyur to |
gau ta (3) ma dag rgyal po dge ba’i bu dge mchog ces bya ste | gau ta ma dag rgyal po dge mchog gi tshe mi rnams kyi miṅ sprin mgrin sprin mgrin źes bya bar gyur to |
dge mchog gi bu gso sbyoṅ ’phags źes bya ste | gau ta ma dag rgyal po gso sbyoṅ ’phags kyi tshe mi rnams kyi miṅ ta la’i rkaṅ ta la’i (4) rkaṅ źes bya bar gyur to |
rgyal po gso sbyoṅ ’phags kyi spyi bor śa rmen źig skyes pa ’jam źiṅ śin tu mñen te | dper na śiṅ bal gyi ’dab ma’am | ras bal gyi ’dab ma bźin du cuṅ zad kyaṅ gnod pa mi skyed do |
de smin nas brtol ba daṅ khye’u gzugs bzaṅ (5) ba | bltan sdug pa | mdzes pa | skyes bu chen po’i mtshan sum bcu rtsa gñis kyis kun nas brgyan pa źig byuṅ ste | spyi bo las skyes pas spyi bo skyes spyi bo skyes źes bya bar gyur to |
gźon nu byuṅ ma thag tu rgyal po gso sbyoṅ ’phags kyi btsun mo drug khri’i naṅ du bkri ba daṅ | (6) de thams cad kyi nu ma las ’o ma zags nas
re re saṅs sa ṅa las nu ṅa las nu źes smras bas ṅa las nu ṅa las nu źes bya bar grags so |
gau ta ma dag rgyal poṅ las nu gaṅ gi tshe rgyal srid byed pa de’i tshe mi rnams sems par byed | ’jal bar byed | ñe bar rtog par byed do | (7) de rnams bsams | gźal | ñe bar brtags nas bzo’i gnas daṅ las kyi gnas tha dad pa dag byed du ’jug pas des na | de rnams yid las skyes yid las skyes źes bya bar grags so
gau ta ma dag rgyal po drug po ’di dag ni tshe tshad med tsiṅ tshe dpag tu med (263b1) ba yin no |
bar sdom la |
sems can tshur śog sme ba can ||
sprin mgrin daṅ ni de bźin du ||
ta la’i rkaṅ daṅ yid las skyes ||
sṅon gyi de drug bsdus pa yin ||
gau ta ma dag rgyal po ṅa las nu’i brla g-yas par śa rmen źig skyes pa ’jam źiṅ śin (2) tu mñen te | dper na śiṅ bal gyi ’dab ma’am | ras bal gyi ’dab ma bźin du cuṅ zad kyaṅ gnod pa mi skyed do |
de smin nas brtol ba daṅ khye’u gzugs bzaṅ źiṅ blta na sdug pa mdzes pa | skyes bu chen po’i mtshan sum bcu rtsa gñis kyis kun du brgyan pa źig byuṅ (3) ste | brla g-yas pa las skyes pas miṅ mdzes pa mdzes pa źes bya bar gyur to |
gźon nu de rdzu ’phrul tshe źiṅ mthu tshe ba yin pas
da duṅ yaṅ gliṅ bźi la rgyal srid kyi dbaṅ phyug la dbaṅ byed du ’jug go |
gau ta ma dag rgyal po mdzes pa’i brla g-yon par śa rmen (4) cig skyes pa ’jam źiṅ śin tu mñen te | dper na śiṅ bal gyi ’dab ma’am | ras bal gyi ’dab ma bźin du cuṅ zad kyaṅ gnod pa mi skyed do |
de smin nas brtol ba daṅ khye’u gzugs bzaṅ źiṅ blta na sdug pa mdzes pa | skyes bu chen po’i mtshan sum bcu rtsa (263b5) gñis kyis kun nas brgyan pa źig byuṅ ste | brla g-yon pa las skyes pas miṅ ñe mdzes ñe mdzes źes bya bar gyur to |
gźon nu de rdzu ’phrul che źiṅ mthu che ba yin pas da duṅ yaṅ gliṅ gsum la rgyal srid kyi dbaṅ phyug la dbaṅ byed du ’jug go |
gau ta ma dag (6) rgyal po ñe mdzes kyi rkaṅ ba g-yas par śa rmen źig skyes pa ’jam źiṅ śin tu mñen te | dper na śiṅ bal gyi ’dab ma’am | ras bal gyi ’dab ma bźin du cuṅ zad kyaṅ gnod pa mi skyed do |
de smin nas brtol ba daṅ khye’u gzugs bzaṅ ba | blta na sdug pa | (7) mdzes pa | skyes bu chen po’i mtshan sum bcu rtsa gñis kyis kun nas brgyan pa źig byuṅ ste | rkaṅ pa g-yas pa las skyes pas miṅ mdzes ldan mdzes ldan źes bya bar gyur to |
gźon nu de rdzu ’phrul che źiṅ mthu che ba yin pas da duṅ yaṅ gliṅ gñis la rgyal srid kyi (264a1) dbaṅ phyug la dbaṅ byed du ’jug go |
gau ta ma dag rgyal po mdzes ldan gyi rkaṅ pa g-yon par śa rmen źig skyes pa ’jam źiṅ śin tu mñen te | dper na śiṅ bal gyi ’dab ma’am | ras bal gyi ’dab ma bźin du cuṅ zad kyaṅ gnod pa mi skyed do |
(2) de smin nas brtol ba daṅ | khye’u gzugs bzaṅ ba | bltan sdug pa | mdzes pa | skyes bu chen po’i mtshan sum bcu rtsa gñis kyis kun nas brgyan pa źig byuṅ ste | rkaṅ pa g-yon pa las skyes pas miṅ ñe mdzes ldan ñe mdzes ldan źes bya bar gyur to |
gźon nu (3) de rdzu ’phrul che źiṅ mthu che ba yin bas da duṅ yaṅ gliṅ gcig la rgyal srid kyi dbaṅ phyug la dbaṅ byed du ’jug go |
gau ta mdag de ltar na rgyal po maṅ pos bkur ba’i bu ’od mdzes so | ’od mdzes kyi dge ba’o | dge ba’i dge mchog go | dge mchog gi gso (4) spyoṅ ’phags so | gso sbyoṅ ’phags kyi ṅa las nu’o | ṅa las nu’i mdzes pa’o | mdzes pa’i ñe mdzes so | ñe mdes kyi mdzes ldan daṅ | mdzes ldan kyi ñe mdzes ldan daṅ | bzaṅ po daṅ | legs bzaṅ daṅ | btaṅ ba daṅ | btaṅ bzuṅ daṅ | (5) yan lag daṅ | yan lag śiṅ rta daṅ | ṅan spoṅ daṅ | skal ldan śiṅ rta daṅ rgya mtsho daṅ | rgya mtsho’i bu daṅ | rgya mtsho chen po daṅ | śa ku ni daṅ | śa ku ni chen po daṅ | ku śa daṅ | ñe ba’i ku śa daṅ | ku śa chen po daṅ | legs mthoṅ daṅ | legs (6) mthoṅ chen po daṅ | rab thob daṅ | rab thob chen po daṅ | rab tu sgra bsgrags daṅ | rab tu sgra bsgrags chen po daṅ | ’od byed pa daṅ | ’od byed pa daṅ | rtul phod daṅ | ltun po ldan daṅ | lhun po ldan daṅ | lhun po yod daṅ | lhun po yod daṅ | ’od zer daṅ | ’od zer ldan daṅ | ’od zer yod daṅ | (7) kun nas ’od zer ro |
gau ta ma dag kun nas ’od zer gyi bu daṅ | tsha bo daṅ | yaṅ tsha daṅ | sum tsha’i rgyud rgyal bo brgya tham pa yul gru ’dzin du byuṅ ste | de rnams kyi tha ma ni rgyal po dgra ’dul źes bya ba byuṅ ste | dgra ’dul bar byed pas dgra ’dul dgra ’dul (264b1) źes bya bar gyur to |
gau ta ma dag rgyal po dgra ’dul gyi bu daṅ | tsha bo daṅ | yaṅ tsha daṅ | sum tsha’i rgyud rgyal po lṅa khri bźi stoṅ yul dmag gis mi tshugs bar byuṅ ṅo | de rnams kyi tha ma ni rgyal po ma rgyal ba las rgyal ba źes bya ba byuṅ ste | ma rgyal (2) ba las rgyal bar byed pas na ma rgyal ba las rgyal ba las rgyal ba źes bya bar grags so |
gau ta ma dag rgyal po ma rgyal ba las rgyal ba’i bu daṅ | tsha bo daṅ | yaṅ tsha daṅ | sum tsha’i rgyud rgyal po drug khri sum stoṅ yul bā rā ṇa sīra byuṅ ste | de rnams kyi (3) tha ma ni rgyal po bzod dka’ źes bya ba byuṅ ṅo |
gau ta ma dag rgyal po bzod dka’i bu daṅ | tsha bo dag | yaṅ tsha daṅ | sum tsha’i rgyud rgyal bo brgyad khri bźi stoṅ ki ma bi la’i groṅ khyer du byuṅ ste | de rnams kyi tha ma ni rgyal po tshaṅs byin źes bya ba byuṅ ṅo |
gau ta (4) ma dag rgyal bo tshaṅs byin gyi bu daṅ | tsha bo daṅ | yaṅ tsha daṅ | sum tsha’i rgyud rgyal po sum khri ñis stoṅ glaṅ po che’i groṅ khyer du byuṅ ste | de rnams kyi tha ma ni rgyal po glaṅ pos sbyin źes bya ba byuṅ ṅo |
gau ta ma dag rgyal po glaṅ pos sbyin gyi bu daṅ | tsha bo daṅ | (5) yaṅ tsha daṅ | sum tsha’i rgyud rgyal po lṅa stoṅ yul rdo ’jog tu byuṅ ste | de rnams kyi tha ma ni rgyal po bal bu can źes bya ba byuṅ ṅo |
gau ta ma dag rgyal po bal bu can gyi bu daṅ | tsha bo daṅ | yaṅ tsha daṅ | sum tsha’i rgyud rgyal po sum khri ñis stoṅ groṅ khyer (6) braṅ gis ñal du byuṅ ste | de rnams kyi tha ma ni rgyal po tshan po che ’dul źes bya ba byuṅ ṅo |
gau ta ma dag rgyal po tshan po che ’dul gyi bu daṅ | tsha bo daṅ | yaṅ tsha daṅ | sum tsha’i rgyud rgyal po sum khri ñis stoṅ groṅ khyer ma rgyal ba las rgyal bar byuṅ ste | de (7) rnams kyi tha ma ni rgyal po rgyal byin źes bya ba byuṅ ṅo |
gau ta ma dag rgyal po rgyal byin gyi bu daṅ | tsha bo daṅ | yaṅ tsha daṅ | sum tsha’i rgyud rgyal po sum khri ñis stoṅ groṅ khyer ku nya ku ba dzar byuṅ ste | de rnams kyi tha ma ni rgyal po rgyal sde źes bya ba byuṅ ṅo |
(265a1) gau ta ma dag rgyal po rgyal sde’i bu daṅ | tsha bo daṅ | yaṅ tsha daṅ | sum tsha’i rgyud rgyal po khri brgyad stoṅ groṅ khyer tsham par byuṅ ste | de rnams kyi tha ma ni rgyal po klu’i lha źes bya ba byuṅ ṅo |
gau ta ma dag rgyal po klu’i lha’i bu daṅ | tsha bo daṅ | yaṅ tsha daṅ | (2) sum tsha’i rgyud rgyal po ñi khri lṅa stoṅ groṅ khyer ta la’i phreṅ du byuṅ ste | de rnams kyi tha ma ni rgyal po mi’i lha źes bya ba byuṅ ṅo |
gau ta ma dag rgyal po mi’i lta’i bu daṅ | tsha bo daṅ | yaṅ tsha daṅ | sum tsha’i rgyud rgyal po khri ñis stoṅ groṅ khyer ta ma lir byuṅ ste | de (3) rnams kyi tha ma ni rgyal po rgya mtsho’i lha źes bya ba byuṅ ṅo |
gau ta ma dag rgyal po rgya mtsho’i lha’i bu daṅ | tsha bo daṅ | yaṅ tsha daṅ | sum tsha’i rgyud rgyal po khri brgyad stoṅ groṅ khyer ba so’i groṅ du byuṅ ste | de rnams kyi tha ma ni rgyal po blo gros bzaṅ po źes bya ba byuṅ ṅo |
gau ta (4) ma dag rgyal po blo gros bzaṅ po’i bu daṅ | tsha bo daṅ | yaṅ tsha daṅ | sum tsha’i rgyud rgyal po ñi khri lṅa stoṅ groṅ khyer rgyal po’i khab tu byuṅ ste | de rnams kyi tha ma ni rgyal po mun sel źes bya ba byuṅ ṅo |
gau ta ma dag rgyal po mun sel gyi bu daṅ | tsha bo daṅ | yaṅ tsha (5) daṅ | sum tsha’i rgyud rgyal po brgya tham pa yaṅ groṅ khyer bā rā ṇa sīra byuṅ ste | de rnams kyi tha ma ni rgyal po dbaṅ phyug chen po’i sde źes bya ba byuṅ ṅo |
gau ta ma dag rgyal po dbaṅ phyug chen po’i sde’i bu daṅ | tsa bo daṅ | yaṅ tsha daṅ | sum tsha’i rgyud rgyal po brgyad (6) khri bzi stoṅ groṅ khyer rtswa can du byuṅ ste | de rnams kyi tha ma ni rgyal po rgya mtsho’i sde źes bya ba byuṅ ṅo |
gau ta ma dag rgyal po rgya mtsho’i sde’i bu daṅ | tsa bo daṅ | yag tsha daṅ | sum tsha’i rgyud rgyal po stoṅ yaṅ groṅ khyer gru ’dzin du byuṅ ste | de rnams kyi tha ma ni (7) rgyal po dka’ thub spyod ces bya ba byuṅ ṅo |
gau ta ma dag rgyal po dka’ thub spyod kyi bu daṅ | tsa bo daṅ | yaṅ tsha daṅ | sum tsha’i rgyud rgyal po brgyad khri bźi stoṅ yaṅ groṅ khyer rtswa can du byuṅ ste | de rnams kyi tha ma ni rgyal po sa’i gdoṅ źes bya ba byuṅ ṅo |
gau ta (265b1) ma dag rgyal po sa’i gdoṅ gi bu daṅ | tsha bo daṅ | yaṅ tsha daṅ | sum tsha’i rgyud rgyal po ’bum yaṅ groṅ khyer bā rā ṇa sīra byuṅ ste | de rnams kyi tha ma ni rgyal po sa’i bdag po źes bya ba byuṅ ṅo |
gau ta ma dag rgyal po sa’i bdag po’i bu daṅ | tsha bo daṅ | yaṅ (2) tsha daṅ | sum tsha’i rgyud rgyal po ’bum yaṅ groṅ khyer dmag gis mi tshugs par byuṅ ste | de rnams kyi tha ma ni rgyal po sa ’dzin źes bya ba byuṅ ṅo |
gau ta ma dag rgyal po sa ’dzin gyi bu daṅ | tsha bo daṅ | yaṅ tsha daṅ | sum tsha’i rgyud rgyal po brgyad khri bźi stoṅ (3) groṅ khyer mi thi lar byuṅ ste | de rnams kyi tha ma ni rgyal po lha chen po źes bya ba byuṅ ṅo |
gau ta ma dag rgyal po lha chen po’i bu daṅ | tsha bo daṅ | yaṅ tsha daṅ | sum tsha’i rgyud rgyal po brgyad khri bźi stoṅ yaṅ groṅ khyer mi thi lar draṅ sroṅ gi tshaṅs par spyod pa la spyad (4) de | de rnams kyi tha ma ni rgyal po bu khyud ces bya ba byuṅ ṅo |
mu khyud las ’byiṅ ba daṅ | sra ba’i mu khyud daṅ | rko ba daṅ | ñe bar rko ba daṅ | rko ba yod ba daṅ | kun nas rko daṅ | gya no ma snaṅ daṅ | thos pa’i sde daṅ | chos kyi (5) sde daṅ | rtogs pa daṅ | rtogs pa chen po daṅ | rtogs pa’i sde daṅ | mya ṅan med daṅ | mya ṅan bral daṅ | brtan pa’i sde daṅ | dga’ bas sbyar daṅ | glen gsal daṅ | skya reṅ daṅ | phyogs kyi bdag po daṅ | rdul can daṅ | bde byed daṅ | (6) kun dga’ daṅ | me loṅ gdoṅ daṅ | skyed pa daṅ | kun nas skyed ba daṅ | skye bo’i khyu mchog daṅ | bza’ btuṅ can daṅ | bza’ btuṅ maṅ po can daṅ | mi thub pa daṅ | gźan gyis mi thub pa daṅ | gnas pa daṅ | śin tu gnas pa daṅ | (7) stobs chen daṅ | stobs chen źon daṅ | legs pa’i blo gros daṅ | brtan pa źon daṅ | gźu bcu pa daṅ | gźu brgya pa daṅ | gźu dgu bcu pa daṅ | gźu rgyal daṅ | gźu bkra daṅ | gźu sra daṅ | śiṅ ta bcu pa daṅ | śiṅ rta brgya pa [(ga266a1)] daṅ | śiṅ rta dgu bcu pa daṅ | śiṅ rta khra bo daṅ | śiṅ rta rgyal daṅ | śiṅ rta sra ba’o |
gau ta ma dag rgyal po śiṅ rta sra ba’i bu daṅ | tsha bo daṅ | yaṅ tsha daṅ | sum tsha’i rgyud rgyal po bdun khri bdun stoṅ groṅ khyer kun du snaṅ bar byuṅ ste | (2) de rnams kyi tha ma ni rgyal ṅo mkha’i bdag po źes bya ba byuṅ ṅo |
gau ta ma dag rgyal po nam mkha’i bdag po’i gu klu mñam skyoṅ ṅo | gau ta ma dag rgyal po klu mñam skyoṅ gi bu daṅ | tsha bo daṅ | yaṅ tsha daṅ | sum tsha’i rgyud rgyal po brgya tham pa yaṅ groṅ khyer bā (3) rā ṇa sīra byuṅ ste | de rnams kyi tha ma ni rgyal po kr-i kī źes bya ba byuṅ ṅo |
de’i tshe ston pa de bźin gśegs pa dag bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul (4) ba’i kha lo sgyur ba | bla na med pa | mi rnams kyi ston pa | saṅs rgyas bcom ldan ’das ’od sruṅ źes bya ba ’jig rten du byuṅ ste |
de’i spyan sṅar bcom ldan ’das byaṅ chub sems dpas ma ’oṅs pa na byaṅ chub par bya ba’i phyir sṅon smon lam btab nas (5) tshaṅs par spyod pa spyad de | dga’ ldan gyi lha’i ris su skyes so |
gau ta ma dag rgyal po legs skyes kyi bu daṅ | tsha bo daṅ | sum tsha’i rgyud rgyal po brgya tham pa yaṅ groṅ khyer gru ’dzin na du byuṅ (6) ste | de rnams kyi tha ma ni rgyal po rna ba can źes bya ba byuṅ ṅo |
gau ta ma dag rgyal po rna ba can la bu gñis te | gau ta ma daṅ | ba ra dwa dza’o |
de gñis las gau ta ma ni mṅon par ’byuṅ bar dga’o | bar dwa dza ni rgyal srid la mṅon par dga’o |
des (7) pa chos daṅ chos ma yin pas rgyal srid byed pa mthoṅ nas | des bsams pa | bdag yab ’das nas rgyal por gyur te | bdag gis kyaṅ chos daṅ chos ma yin pas rgyal srid byas nas sems can dmyal bar gźol bar ’gyur bas ’dir ci’i dus (266b1) la bab ce na | khyim nas khyim med par rab tu ’byuṅ bar bya’o sñam du bsams nas | rgyal po rna ba can gaṅ na ba der soṅ ste
phyin pa daṅ rkaṅ pa gñis la gtugs te gsol ba btab pa | yab mkhyen par mdzod cig | bdag ni dad pas khyim nas khyim ma (2) mchis par rab tu ’byuṅ ṅo |
des smas pa | bu gaṅ gi phyir mchod sbyin mchod par byed pa daṅ | sbyin sreg sreg par byed pa daṅ | dka’ thub spyod pa de dag ni ’di’i ched yin te | ṅa ’das na rgyal srid lag mthil du ’oṅs te rgyal po byed par ’gyur na ci’i phyir rab tu (3) ’byuṅ |
des smras pa | yab bdag gis chos daṅ chos ma yin pas rgyal srid bgyid rdo mi thog go | de lta bas na mkhyen par mdzod cig rab tu ’byuṅ ṅo |
de nas rgyal pos gal gyis gcu bar śes nas gnaṅ ṅo |
de’i tshe bsti gnas źig na draṅ sroṅ mdog gnag (4) ces bya ba gnas so |
de nas gźon nu gau ta ma rgyal pos gnaṅ nas dga’ źiṅ mgu la dga’ ba rgya chen po daṅ yid bde ba skyes nas draṅ sroṅ mdog gnag gaṅ na ba der soṅ ste
phyin ba daṅ spyod lam dul khas rkaṅ ba gñis la phyag byas nas smras pa | draṅ sroṅ chen po bdag rab (5) tu ’byuṅ par ’dod kyis bdag rab tu phyuṅ śig |
:::
des ni ’di ltar khus btab kyaṅ | ’di ltar lha rnams byin rlabs kyis | dgon par ’o dod pos pa bźin ’ga’ yaṅ sad par ma gyur to |