kun dga’ bo smad ’tshoṅ ma’i bu mo gser mchog ’od dpal ’di ni bskal pa ’bum phrag dgu bcu rtsa gñis ’das pa’i ’og tu |¹ bskal pa rin chen ’byuṅ ba źes bya ba la | ’jig rten gyi khams rin po che² źes bya bar mṅon par rdzogs par ’tshaṅ rgya ste | de bźin gśegs pa dgra bcom pa yaṅ dag par rdzogs pa’i saṅs rgyas rin chen ’od ces bya bar ’gyur ro || kun dga’ bo ’jig rten gyi khams de’i sems can rnams kyi loṅs spyod daṅ ³ ñe bar spyod pa ni |⁴ sum cu⁵ rtsa gsum gyi lha rnams ⁶ ci ’dra ba de ’dra bar ’gyur ro || de na byaṅ chub sems dpa’ (L42a) rin po che dag ma (Q273a) gtogs par |⁷ rin po che gźan ’byuṅ bar mi ’gyur ro || de bźin gśegs pa de’i tshe’i tshad ni |⁸ dpag tu med par ’gyur ro ||⁹