Unde dar umbe, alse für daz guot, daz er nu vernumen hatte in der menschlicher nature, der umbe so dankot er gnade dem vatter, in erkennende für einen ortfrümer, alse ez offenbar ist in Matheo in dem sechs unde zweintzigstein capitele unde in St. Johannis ewangeli in dem einliften capitele, unde ouch, daz er in gewaltigen erkant, den vattere, so hiesche er von im bittende, dez im gebrast nach menschlicher nature, alse ahte die glori dez libes unde ander ding dez gliches.