de nas bcom ldan ’das kyis ’jam dpal gźon nur gyur pa la ’di skad ces bka’ stsal to || ’jam dpal khye’u rin chen byin ’di bskal pa sum cu na bla na med pa yaṅ dag par rdzogs pa’i byaṅ chub mṅon par rdzogs par ’tshaṅ rgya bar ’gyur te | de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul ba’i kha lo sgyur ba bla na med pa | lha daṅ mi rnams kyi ston pa | saṅs rgyas bcom ldan ’das stobs daṅ grags pa don yod pa źes bya bar ’jig rten du ’byuṅ bar gyur ro || de’i ’khor du ’dus pa yaṅ mtha’ yas par ’gyur te | thams cad kyaṅ phyir mi ldog pa’i byaṅ chub sems dpa’ śa stag go | de dag kyaṅ ’od mtha’ yas pa daṅ | tshe dpag tu med par ’gyur ro ||