yaṅ dge sloṅ ma gaṅ dge ’dun ’thun pa dbye ba’i phyir rtul bar byed ciṅ dbyen byed par ’gyur ba’i rtsod pa yaṅ (7) dag par blaṅs nas rab tu bzuṅ ste ’dug dge sloṅ ma de la dge sloṅ ma rnams kyis ’di skad ces ’phags ma khyod dge ’dun mthun pa dbye ba’i phyir rtul bar ma byed cig | dbyen byed par ’gyur ba’i rtsod pa yaṅ dag par blaṅs nas rab tu bzuṅ ste ma ’dug śig | dge ’dun (8a1) mthun par gyis śig | dge ’dun mthun mi phyed | kun tu dga’ mi rtsod | mchog gcig ’don pa gcig | chu daṅ ’o ma gcig tu ’dres pa lta bur gyur la | ston pa’i bstan pa gsal bar byed na bde ba la gnas par ’gyur gyis ’phags ma khyod (2) dge ’dun ’byed pa’i gźi ’di lta bu ’di thoṅ śig ces bsgo bar bya’o || dge sloṅ ma de la dge sloṅ ma rnams kyis de skad bsgo ba na gal te gźi de gtoṅ na de lta na legs | gal te mi gtoṅ na gźi de gtoṅ bar bya ba’i phyir lan gñis lan gsum gyi bar du yaṅ dag par (3) bsgo bar bya | yaṅ dag par bstan par bya’o || lan gñis lan gsum du yaṅ dag par bsgo | yaṅ dag par bstan pa na gźi de gtoṅ na de lta na legs | gal te mi gtoṅ na chos ’di yaṅ lan gsum gyi bar gyis lhuṅ bar ’gyur la ’byuṅ ba daṅ ba cas pa ste dge ’dun (4) lhag ma’o ||
