dge sloṅ ma’i phyir rgyal po’am | blon po chen po’am | bram ze’am (6) khyim bdag gam | groṅ rdal gyi mi’am | yul gyi mi’am | nor can nam | tshog dpon nam | ded dpon gyi pho ña’i lag tu gos kyi rin dag bskur bar gyur la | de las pho ña des gos kyi rin de dag khyer nas dge sloṅ ma ga la ba der soṅ ste | dge sloṅ ma de la ’di skad ces (7) ’phags ma mkhyen par mdzod cig | khyod la rgyal po’am | blon po chen po’am | bram ze’am | khyim bdag gam | groṅ rdal gyi mi’am | yul gyi mi’am | nor can nam | tshog dpan nam | ded dpon nam | ded dpon che ge mos gos kyi rin ’di dag bskur gyis (11b1) ’phags ma thugs brtse ba’i slad du de dag bźes śig ces zer na | dge sloṅ ma des pho ña de la ’di skad ces tshe daṅ ldan pa pho ña dge sloṅ ma dag ni gos kyi rin dag len du mi ruṅ ste | bdag cag gos ruṅ ba dus su rñed na len to źes brjod par bya’o || gal te pho ñad (2) dge slaṅ ma de la ’di skad ces ’phags ma rnams kyi źal ta bgyid pa ’phags ma rnams kyi źal ta ñams su len pa gaṅ lags pa ’ga’ mchis sam źes zer na | dge sloṅ ma gos ’dod pas pho ña ’di ni dge sloṅ ma rnams kyi źal ta byed pa ste | ’di ni dge sloṅ ma (3) rnams kyi źal ta ñams su len pa’o źes kun dga’ ra pa’am | dge ba sñen źal ta byed pa bstan par bya’o || de nas pho ña des gos kyi rin dag khyer nas źal ta byed pa ga la ba der ’gro bar bya źiṅ phyin nas źal ta byed pa ga la ba der ’gro bar bya źiṅ phyin nas źal ta byed pa de la ’di skad ces tshe daṅ ldan pa źal ta byed pa śes (4) | par gyis śig | khyed kyis gos kyi rin ’di dag gis gos ’di dag ’di lta bu źig ños la dge sloṅ ma miṅ ’di źes bya ba ’oṅs pa daṅ | de la gos ruṅ ba dus su ruṅ ba dus su skon cig ces brjod par bya’o || de nas pho ña des źal ta byed ba de la śin tu legs par yaṅ dag par bsgo (5) źiṅ yaṅ dag par bstan nas | dge sloṅ ma ga la ba der ’gro bar bya źiṅ phyin nas dge sloṅ ma de la ’di skad ces | ’phags mas źal ta bgyid pa bstan pa gaṅ lags pa de la bdag gis yaṅ dag par bstan lags kyis de’i gan du bźud cig daṅ | des khyod la (6) gos ruṅ ba dus su skon par ’gyur ro źes brjod par bya’o || dge sloṅ ma gos ’dod pas źal ta byed pa’i gan du soṅ la tshe daṅ ldan pa źal ta byed pa bdag gos ’dod do || tshe daṅ ldan pa źal ta byed pa bdag gos ’dod do || źes lan gñis lan gsum du bskul bar (7) bya dran phar bya’o || lan gñis lan gsum du bskul źiṅ dran par byus pa na gal te gos de grub na de lta na legs | gal te ma grub na lan bźi lan lṅa lan drug gi bar du phyogs su caṅ mi smra bar bsdaṅ par bya’o || lan bźi lan lda lan drug gi bar du phyogs su cad (12a1) mi smra par bsdad pa na gal te gos grub na de lta na legs | gal te ma grub na de’i ’og tu gos sgrub pa’i phyir rtsal te gos grub na spaṅ ba’i ltuṅ byed do ||
