yaṅ dge sloṅ ma gaṅ ’di skad ces ji ltar bcom ldan ’das kyis bar du gcod pa’i chos su gsuṅs pa gaṅ dag yin pa de dag bsten kyaṅ bar du gcod par mi ’gyur te | de ltar bcom (4) ldan ’das kyis chos bstan pa bdag gis śes so źes zer na | dge sloṅ ma de la dge sloṅ ma rnams kyis ’di skad ces ’phags ma dag ji ltar bcom ldan ’das kyis bar du gcod pa’i chos su gsuṅs pa gaṅ dag yin pa de dag bsten kyaṅ bar du gcod (5) par mi ’gyur te | de ltar bcom ldan ’das kyis chos bstan pa bdag gis śes so źes de skad ma zer cig | bcom ldan ’das la skur pa ma ’debs śig | bcom ldan ’das la skur pas legs par mi ’gyur ro || bcom ldan ’das ni de skad mi (6) gsuṅ ṅo || ’phags ma bar du gcod pa’i chos rnams ni bar du gcod pa ñadi do źes bcom ldan ’das kyis rnam graṅs du mar gsuṅs te | de dag bsten na bar du gcod par ’gyur gyis ’phags ma khyod sdig pa can gyi lta ba’i rnam pa ’di lta bu ’di thoṅ śig ces (7) bsgo bar bya’o || dge sloṅ ma de la dge sloṅ ma rnams kyis de skad bsgo ba na gal te gźi de gtoṅ na de lta na legs | gal te mi gtoṅ na gźi de gtaṅ bar bya ba’i phyir lan gñis lan gsum du yaṅ dag par bsgo bar bya | yaṅ dag bar bstan par bya’o || (16a1) lan gñis lan gsum du yaṅ dag par bsgo | yaṅ dag par bstan pa na gźi de gtoṅ na de lta na legs | gal te mi gtoṅ na ltuṅ byed do ||
