dge tshul ma źig kyaṅ ’di skad ces | ’di ltar bcom ldan (3) ’das kyi ’dod pa rnams ni bar du gcod pa’o źes gsuṅs pa gaṅ dag yin pa de dag bsten kyaṅ bar du gcod par mi ’gyur te | de ltar bcom ldan ’das kyis chos bstan pa bdag gis śes so źes zer na | dge tshul ma de la dge sloṅ ma rnams kyis ’di skad (4) ces dge tshul ma khyod ji ltar bcom ldan ’das kyis ’dod pa dag ni bar du gcod pa’o źes gsuṅs pa gaṅ dag yin pa de dag bsten kyaṅ bar du gcod par mi ’gyur te || de ltar bcom ldan ’das kyis chos bstan pa bdag gis śes so źes ma zer cig | (5) bcom ldan ’das la skur pa ma ’debs śig | bcom ldan ’das la skur pas legs par mi ’gyur ro || bcom ldan ’das ni de skad mi gsuṅ ṅo || dge tshul ma ’dod pa bar du gcod pa dag ni bar du gcod pa ñid do źes bcom ldan ’das kyis rnam (6) graṅs du mar gsuṅs te | de dag bsten na bar du gcod par ’gyur gyis dge tshul ma khyod sdig pa can gyi lta ba’i rnam pa ’di lta bu ’di thod śig ces bsgo bar bya’o || dge tshul ma de la dge sloṅ ma rnams kyis de skad bsgo ba na gal te bźi de gtoṅ na de lta na(7) legs | gal te mi gtoṅ na gźi de gtaṅ bar bya ’bi phyir lan gñis lan gsum du yaṅ dag par bsgo bar bya | yaṅ dag bar bstan par bya’o || lan gñis lan gsum du yaṅ dag par bsgo | yaṅ dag par bstan pa na gźi de gtoṅ na de lta na legs | (16b1) gal te mi gtoṅ na dge tshul ma de la dge sloṅ ma rnams kyis deṅ phyin chad dge tshul ma khyod bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas de la ston pa’o źes ma zer cig | tshaṅs pa mtshuṅs par spyod pa mkhas pa (2) bla ma’i gnas lta bu gaṅ yaṅ ruṅ ba’i phyi bźin du’aṅ ma ’gro śig | dge spoṅ ma rnams daṅ | dge tshul ma lhan cig nub gñis tshul chad gnas gcig tu ñal du dbaṅ ba gaṅ yin pa deṅ tshun chad khyod la med de bud med gti mug can khyod bsñil gyis gźan du (3) sor śig ces bsgo bar bya’o || yaṅ dge sloṅ ma gaṅ śes bźin du de ltar bsñil ba’i dge tshul ma ñe bar ’jog bar byed dam | ñe bar ston par byed dam | kun tu loṅs spyod par byed dam | kun tu gnas par byed dam | de daṅ lhan cig gnas (4) gcig tu ñal na ltuṅ byed do ||
