dge ’dun gyi naṅ na spyod pa’i dge sloṅ gis dge ’dun gyi druṅ du ’gro ba na chos rnam pa lṅas dran pa naṅ du ñe par gźag(30b1) ste! dge ’dun gyi naṅ du ’gro bar bya’o ||
lṅa gaṅ źen na | rim gror bcas pa daṅ | bsti staṅ du bcas pa daṅ | ’jigs pa’i dbaṅ du ’gyur bar bcas pa daṅ | dman pa’i yid du bcas pa daṅ | phyag dar ba daṅ mñam pa’i sems daṅ stan la ’dug par mkhas (2) pa’o! | dge ’dun gyi naṅ na spyod pa’i dge sloṅ gi gźan yaṅ chos rnam pa lṅas naṅ du dran pa ñe bar gźag ste | dge ’dun gyi naṅ du ’gro bar bya’o ||
lṅa gaṅ źe na | byams pa’i sems daṅ | phan pa’i sems daṅ | sñiṅ brtse ba’i sems daṅ | sñan (3) par smra ba daṅ | tshig rtsub po mi smras pa rnams so | dge ’dun gyi naṅ na chos ma yin par rtsod pa’aṅ yod de | de la dge ’dun gyi naṅ na spyod pa’i dge sloṅ gis chos daṅ mthun pa’i phyogs la brten par bya’o ||
yaṅ na raṅ gi lta ba brjod nas stan las laṅs te (4) ’gro bar bya ste | de’i gleṅ gźi mi dkrug bar rnal ’byor du brtson par gnas par bya’o ||
chos rnam pa lṅa daṅ ldan pa’i gnas brtan gyi dge sloṅ ni bsdigs par bya’o || tshar gcad par bya’o || spaṅ bar bya’o || phyogs med par bya’o ||smad bas par bya’o || (5) spa goṅ bra bya’o ||dogs pa daṅ | the tshom daṅ | ’gyod pa rnams skye bar bya’o ||
dam de ma du bcas | ’jebs par bcas | gsog tu dbyuṅ bar bcas par bya ste | lṅa gaṅ źe na | tshul khrims ṅan pa yin | tshul khrims la ñes pa byu źiṅ log par lta ba yin | (6) phyin ci log tu lta źig ṅo tsha med pa yin | ’khor ṅo tsha med ciṅ rgol ba daṅ | slar grol ba’i dge sloṅ rnams ’thab pa daṅ | mtshaṅ ’dru ba daṅ | ’khon pa daṅ | ’khrugs pa rnams su bskul pa yin | rgol ba daṅ | slar rgol ba’i dge sloṅ rnams chos ma yin pa (7) la sten du ’jug pa’o ||
cho rnam ba lṅa daṅ ldan pa’i dge sloṅ ni dge bsñen ma rnams kyis ma daṅ pa chor bar bya bar rigs te | lṅa gaṅ źe na | khyim pa rnams la kha zer ba daṅ | khyim pa rnams la mi sñan par smra ba daṅ | khyim pa rnams kyis skyon nas brjod pa daṅ | khyim (31a1) pa rnams la don ma yin pa daṅ | mi phan pa’i rñed pa la źugs pa yin no ||