de nas bcom ldan ’das la ’jam dpal gźon nur gyur pas ’di skad ces gsol to || bcom ldan ’das dran pa ñe bar gźag pa bźi rnams ji ltar blta bar bgyi | bcom ldan ’das kyis bka’ stsal pa | ’jam dpal ma ’oṅs pa’i dus na dge sloṅ dag ’byuṅ ste | de dag mi sdug pa’i rnam pas lus la lus kyi rjes su lta ba’i dran pa ñe bar gźag pa ston to || skye ba daṅ ’gag pa’i rnam pas tshor ba la tshor ba’i rjes su lta ba’i dran pa ñe bar gźag pa ston to || sems skye ba daṅ | ’gag pa’i chos can du lta’o źes sems la sems kyi rjes su lta ba’i dran pa ñe bar gźag pa ston to || gaṅ la ril po’i ’du śes med pa de la chos kyi ’du śes med do źes chos la chos kyi rjes su lta ba’i dran pa ñe bar gźag pa ston to ||
de skad ces bka’ stsal pa daṅ | bcom ldan ’das la ’jam dpal gźon nur gyur pas ’di skad ces gsol to ||
bcom ldan ’das ’o na dran pa ñe bar gźag pa bźi rnams ji ltar blta bar bgyi | bcom ldan ’das kyis bka’ stsal pa | ’jam dpal chog mod | de bźin gśegs pa rnams kyi ldem po dag ni śes par dka’o || ’jam dpal gyis gsol pa | bcom ldan ’das ’on kyaṅ dran pa ñe bar gźag pa bsgom pa bstan du gsol | bcom ldan ’das kyis bka’ stsal pa | ’jam dpal gaṅ gis lus nam mkha’ daṅ mñam par mthoṅ na | de ni lus la lus kyi rjes su lta ba’i dran pa ñe bar gźag pa’o || ’jam dpal gaṅ gis tshor ba naṅ daṅ | phyi daṅ | gñis ka med par yaṅ mi dmigs na | de ni tshor ba la tshor ba’i rjes su lta ba’i dran pa ñe bar gźag pa’o ||
’jam dpal gaṅ gis sems miṅ tsam du śes na | de ni sems la sems kyi rjes su lta ba’i dran pa ñe bar gźag pa’o ||
’jam dpal gaṅ gis dge ba daṅ mi dge ba’i chos ma dmigs na | de ni chos la chos kyi rjes su lta ba’i dran pa ñe bar gźag pa’o ||
’jam dpal dran pa ñe bar gźag pa bźi ni de ltar blta’o ||
When this had been said, the crown prince Mañjuśrī addressed himself to the Lord:
That by means of which the mind is known to be only a designation, this is the practice of awareness which consists in considering the mind as the mind.
That by means of which no good or bad moment of existence is apprehended, this is the practise of awareness which consists in considering the moment of existence as moment of existence.