Bibliotheca Polyglotta

’dul ba gźi | bam po bcu gcig pa |
saṅs rgyas bcom ldan ’das mñan yod na rgyal byed kyi tshal (3) mgon med bras sbyin gyi kun dga’ ra ba na bźugs so || mñan yod na khyim bdag cig ’dug pa des rigs mñam pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do || rtse bar byed | dga’ bar byed | dga’ (4) mgur spyod par byed pa de’i bu byuṅ nas | de dus gźan źig na ne’u ldaṅs daṅ lhan cig khyim źig gi druṅ du soṅ pa na khyim de’i steṅ na bu mo źig ’dug pa des de’i steṅ du me tog gi chun po ’baṅs pa daṅ | des bu mo de ma thoṅ ṅo || ne’u ldaṅs kyis smras pa | grogs po khyod kyis khyim der brda (5) ma byas sam | des smras pa | de yin te | kho bos brda byas so || des smras pa | grogs po khyi ma ’di ni yaṅ ba yin gyis ma ’jug śig | tshul ma yin pas sdug bsṅal bar gyur ta re źes des ñin thog thag ’phyan du bcug ste pha’i gan du khrid nas smras pa | yab khyod kyi bu ’dis kyim che ge mo źig (6) tu brda byas pa | kho bo ni ñin thog thag tu bsruṅs kyis | da khyo kyis mtshan mo sruṅs śig | khyim de ni yaṅ ba yin gyis ’jug tu ma gźug cig | tshul ma yin pas sdug bsṅal bar gyur ta re | des smras pa | bu khyod kyis kho bo la bsñad pa khyod kyis legs par (7) byas so || des khye’u de khyim gyi naṅ du mal bcas te | gyo mo gñis daṅ | chu daṅ | sa dag bźag nas khyim der bcug ste | bdag ñid sgor khri bcas nas ñal lo || des smras pa | yab sgo phye śig | bu ci’i phyir | gcir ’gro’o || des smras pa | bu ’di ñid du (124b1) kho bos gyo mo bźag gis der gci śig | des yud tsam źig bsdad de smras pa | yab sgo phye śig | bu ci’i phyir | bśaṅ du ’gro’o || des smras pa | bu ’di ñid du kho bos gyo mo daṅ | chu daṅ | sa dag bźag gis ’di ñid du bśaṅ ba byos śig | des yaṅ yud (2) tsam źig bsdad de smras pa | yab sgo phye śig | des smras pa | bu khyod gaṅ du ’gro ’dod pa kho bos mi śes sam ci | kho bos sgo dbye bar mi nus so || yag kho bos khyod bsad do || des smras pa | bu kho bo śi ba ni bla’i | kho bo bu śi ba la lta ni mi phod do || ’dod du (3) pa sten pas ni sdig pa’i las mi bya ba ci yaṅ med pas sñiṅ rje med pa’i sems daṅ ldan pa ’jig rten pha rol btaṅ ba des ral gri śubs nas phyuṅ ste | de’i mgo druṅs nas bcad de sa la bsgyel to || des pha bsad nas soṅ ba daṅ sems can sdig pa’i las byas pa ’dar bas bu mo (4) des de la smras pa | rje’i sras ’di na su yaṅ ma mchis te | bdag bu mo daṅ gñis su bas kyis ma bsñeṅs śig | des bsams pa | de ’di la smras na dga’ bar ’gyur ro sña ma nas | bzad mo kho bos khyod kyi phyir pha bsad do || des smras pa | ci pha ba’am | ’on (5) te skyed pha | des smras pa | skyed pha’o || des bsams pa | ’di yon tan dag mṅon par mi śes te pha gsod par byed pas gaṅ gi tshe bdag la khro ba skyes na | bdag la gnas skabs ci źig ’byuṅ bar ’gyur sñam nas des smras pa | rje’i sras bdag steṅ gi khaṅ thog (6) tu ’dzegs nas slar mchi ba’i bar du re źig gźes śig des smras pa | de na de bźin gyis śig de steṅ gi khaṅ thog tu ’dzegs nas chos rkun pa chom rkun pa źes bya ba sgra phyuṅ ba daṅ | de ’jigs śiṅ skrag nas phros te raṅ gi khyim du soṅ nas sgo drud dur la gri bźag ste chom (7) rkun pa de ni ’di yin te | kho po’i pha bsad nas bros so źes sgra phyuṅ nas | des pha’i ro de bkur sti byas te soṅ ṅo || sems can sdig pa’i las byas pas ni brtan pa mi rñed pas de mu stegs can gyi gnas daṅ dga’ thub kyi nags de daṅ de dag tu soṅ ste dris pa | śes ldan (125a1) dag las ci źig byas na des sdig pa’i las zad par ’gyur | de na kha cig na re mer źugs śig ces zer ro || kha cig na re dug zo śig ces zer ro || kha cig na reg yaṅ sar mchoṅs śig ces zer ro || kha cig na re chur mchoṅs śig ces zer ro || (2) kha cig na re thag pas ’gegs te śi śig ces zer te | thams cad kyaṅ śi ba’i thabs ston par byed kyi | ṅes par ’byuṅ ba’i thabs ston pa ni ’ga’ yaṅ med do || de dus gźan źig na rgyal byed kyi tshal du soṅ ba daṅ | des de na dge sloṅ źig | gaṅ gis sdig pa’i (3) las byas pa || dge ba yis ni ’gog byed de || ñi zla sprin nas byuṅ ba ltar || ’jin rten ’dir ni de snaṅ ’gyur || źes kha ton zer ba thos nas des bsams pa | sdig ba’i las kyaṅ dgag par nus kyis | ’di dag gi naṅ du rab tu ’byuṅ bar bya’o sñam nas | (4) dge sloṅ gi gan du soṅ ste smras pa | ’phags pa bdag rab tu ’byuṅ bar ’tshal lo || des de rab tu byuṅ źiṅ bsñen par rdzogs par byas nas des śin tu brtson ’grus brtsams te bklag par brtsams so || des klog ciṅ kha ton byed pa na sde snod gsum bklags śiṅ sde (5) snod gsum daṅ ldan pa | rigs pa daṅ grol ba’i spobs pa can du gyur to || de la dge sloṅ dag gis smras pa | tshe daṅ ldan pa khyod brtson ’grus ’dis ci źig don du gñer | des smras pa | sdig pa’i las zad par bya’o || khyod kyis sdig pa’i las ci źig byas | (6) pa bsad do ci pha pa’am | ’on te skyed pha yin | des smras pa | skyed pha yin no źes zer ba’i skabs de bcom ldan ’das la dge sloṅ rnams kyis gsol ba daṅ |

de nas bcom ldan ’das kyis dge sloṅ rnams la bka’ stsal pa | dge sloṅ dag ’di ni gaṅ zag pha bsad pa (7) bsñil bar ’os pa yin te | dge sloṅ dag gaṅ zag bsad pa ni chos ’dul ba ’di la mi skye ba’i chos can yin pas dge sloṅ dag khyed kyis gaṅ zag pha bsad pa chos ’dul ba ’di las bsñen bar bya’o || ’ga’ źig gi gan du rab tu ’byuṅ bar ’dod par ’oṅs na | des (125b1) del pha bsad pa ma yin nam źes dri bar bya’o || ma dris par rab tu ’byin par byed na ’gal tshabs can du ’gyur ro || des bsams pa | ci de ’babs par bya’am | mtha’ ’khob cig tu ’gro bar bya sñam nas | des mtha’ ’khob tu soṅ ste khyim bdag ceg rjes su (2) ’jug par byas so || des mṅon par daṅ pas de’i phyir gtsug lag khaṅ rtsig tu bachuga ste | der phyogs daṅ yul tha daṅ pa na ’khod pa’i dge sloṅ dag gnas śiṅ de’i gdams ṅag gis maṅ po dag gis dgra bcom pa ñid mṅon du byas so || de dus gźan źig na na (3) bar gyur nas rtsa ba daṅ | sṅoṅ bu daṅ | lo ma daṅ | me tog daṅ | ’bras bu’i sman dag gis rim gro byas na ñam dmas pa ñid du gyur nas | des lhan cig gnas pa rnams la smras pa | tsho daṅ ldan pa dag kho bo’i phyir dge ’dun la bsro khaṅ gyis śig | de rnams (4) kyis de’i phyir bsro khaṅ byas so || bsags pa kun gyi mtha’ zad ciṅ || mthon po rnams kyi mtha’ ltuṅ ’gyur || phrad pa’i mtha’ ni ’bral ba ste || gson pa’i mtha’ ni ’chib yin || źes bya ba yin pas de śi śiṅ dus la bab nas sems can dmya la ba chen po (5) mnar med par skyes so || de’i ltan cig gnas pa dgra bcom pa źig gis bdag gi mkhan po gaṅ du skyes źes sems pa la źugs nas | des lha rnams kyi naṅ du rnam par blta bar brtsams nam mthoṅ źiṅ me daṅ | dud ’gro daṅ | yi dgas rnams kyi naṅ du rnam par blta (6) bar brtsams na | sems can dmyal ba chen po mnar med par skyes par mthoṅ nas des bsams pa | mkhan po ni tshul khrims daṅ ldan pa | maṅ du thos pa | chos kyi ’khor sdud sdud pa yin na des las ci źig byas na | des sems can dmyal ba chen po mnar med par (7) skyes sñam nas bsams na | pha bsad pa yin par mthoṅ ṅo || de mnar med pa’i ’od zer dag gis phog pa daṅ smras pa | kye ma bsro khaṅ ’di me re tsha źes smras pa daṅ | sems can dmyal ba’i sruṅ mas tho ba blaṅs te mgor bsnun nas skal chad khyod la bsro khaṅ gal yod | (126a1) ’di ltar ’di ni sems can dmyal ba chen po mnar med pa yin no źes smras so || de dge ba’i sems kyis dus byas nas rgyal chen bźi’i ris kyi lha rnams kyi naṅ du skyes so || lha’i bu’am lta’i bu mo’i chos ñid ni skyes nas riṅ po ma lon pa la sems gsum skye (2) ste | gaṅ nas si ’phos pa daṅ | gaṅ du skyes pa daṅ | las gaṅ gis skyes pa’o || des sems can dmyal ba rnams kyi naṅ nas śi ’phos pa daṅ | rgyal chen bźi’i ris kyi lha rnams kyi naṅ du skyes pa daṅ | dge ’dun la bsro khaṅ gi khrus byas pas skyes pa mthoṅ (3) ṅo ||

de nas sṅon sems can dmyal ba’i lha’i bu de ’di sñam du sems te | gaṅ gi phyir bdag źag lon par gnas te bcom ldan ’das la blta ba daṅ | bsñen bkur bya ba’i phyir ñe par ’gro ba ni bdag gi tshul daṅ mthun pa ma yin gyis | bdag źag lon par ma gnas (4) pha kho nar bcom ldan ’das la blta ba daṅ | bsñen bkur bya ba’i phyir ñe bar ’gro’o sñam mo ||

de nas sṅon sems can dmyal ba’i lha’i bu rna cha gdub kor g-yo źiṅ dri ma med pa thogs te | do śal daṅ se mo dos brgyan pa’i lus kyis lha’i utpala daṅ | par ma (5) daṅ | ku mud daṅ | bad ma dkar po dag gis thu ba bkaṅ ste | kha dog śin tu ’das pas mtshan mo la bab pa daṅ | bcom ldan ’das gal ba der soṅ ste phyin nas bcom ldan ’das la me tog gis mṅon par gtor te | bcom ldan ’das kyi źabs kyi gñis la mgo (6) pos phyag ’tshal nas mtha’ gcig tu ’dug pa daṅ | ’di ltar sṅon sems can dmyal ba’i lha’i bu’i kha dog gi mthus rgyal byed kyi tshal thams cad snaṅ ba rgya chen pos khyab par gyur to ||

de nas bcom ldan ’das kyis sṅon sems can dmyal ba’i lha’i bu’i bsam pa daṅ | bag (7) la ñal ba daṅ | khams daṅ | raṅ bźin thugs su tshud nas gaṅ thos nas sṅon sems can dmyal ba’i lha’i bus stan de ñid la ’dug bźin du ’jig tshogs la lta ba’i ri’i rtse mo ñi śu mtho ba ye śes kyi rdo rjes bcom ste | rgyun du źugs pa’i ’bras bu mṅon sum du byas pa de lta (126b1) bur ’phags pa’i bden pa bźi yaṅ dag par so sor rtogs par byed pa’i chos bstan par mdzad do || des bden pa mthoṅ nas btsun pa bcom ldan ’das kyis bdag la gaṅ mdzad pa ’di lta bu ni bdag la phas kyaṅ ma bgyis | mas kyaṅ ma bgyis | rgyal pos kyaṅ ma bgyis (2) lha rnams kyis kyaṅ ma bgyis | sṅon gyi pha mes dag gis kyaṅ ma bgyis | dge spyod daṅ bram ze dag gis kyaṅ ma bgyis | byams pa daṅ | mdza’ bśes daṅ | rtsa lag gi tshogs kyis kyaṅ ma bgyis te | khrag daṅ mchi ma’i rgya mtsho ni bskams | rus pa’i ri dag (3) las ni bskral | ṅan soṅ gi sgo dag ni bkum | mtho ris daṅ thar pa’i sgo dag ni phye | sems can dmyal ba daṅ | dud ’gro daṅ | yi dgas dag nas ni rkaṅ pa phyuṅ | lha daṅ mi rnams kyi naṅ du ni bźag go źes lan gsum ched du brjod ba ched du brjod do ||

yaṅ smras (4) pa |
khyod mthus rab drag ñes pa maṅ ldan pa’i || ṅan soṅ śul bkag bsod nams rab ldan pa’i ||
mtho ris ’gro ba phye źiṅ bdag gis ni || mya ṅan ’das pa’i śul yaṅ thob par gyur ||

śin tu rnam dag khyod brten bdag gis ni || de riṅ spyon bral dag (5) pa’i mig thob ciṅ ||
go ’phaṅ źi ba ’phags pa dgyes thob ste || sdug bsṅal rgya mtsho’i pha rol rgal bar gyur ||

’gro bar lha min mi daṅ lhas mchod pa || skye daṅ rga daṅ na ’chi bral ba po ||
srid pa stoṅ du mthoṅ bar rab dkon pa || thub pa de riṅ khyod mthoṅ ’bras bu (6) mchis ||

de nas ’dud byas do śal rab ’phyaṅ bas || źabs la phyag ’tshal raṅs pa skyes gyur nas ||
dgra thul g-yas nas yoṅs su bskor byas te || lha yi ’jig rten mṅon phyogs mkha’ la soṅ ||

de nas sṅon sems can dmyal ba’i lha’i bu tshoṅ khe spogs (7) rñed pa lta bu daṅ | źiṅ pa lo tog ’byor pa lta bu daṅ | dpa’ bo g-yul las rnam par rgyal blta bu daṅ | nad pa nad thams cad las yoṅs su thar pa lta bur gyur te | cha lugs gaṅ gis bcom ldan ’das kyi spyan sṅar ’oṅs pa’i cha lugs de ñid kyis raṅ gi gnas su (127a1) soṅ do || de’i lhan cig gnas pa dge ’dun gyi gnas brtan dgra bcom pa zas kyi gral du ’dug ste de’i lhan cig gnas pa gźan źig dge ’dun la chu ’grim par byed do || ji tsam na dge ’dun gyi gnas brtan des chu kha por du blugs nas sor mo’i rtse mos reg (2) na śin tu graṅs nas des bsams pa | bdag cag ni chu śin tu graṅ mo ’di lta du ’thuṅ na mkhan po ni sems can dmyal ba chen po mnar med pa na zaṅs khu bskol pa ’thuṅ ṅo sñam nas | des sems can dmyal ba chen po mnaṅ med par rnam par blta bar brtsams na mi snaṅ ṅo | (3) dud bgro daṅ | yi dgas daṅ | mi daṅ | sems can dmyal ba gźan rnams su yaṅ rnam par bltas na de rnams na yaṅ mi snaṅ nas | lha rnams kyi naṅ du rnam par blta par brtsams na | rgyal chen bźi’i ris kyi lha rnams kyi naṅ du skyes te | lhar gyur pas bcom ldan ’das (4) kyi spyan sṅar bden pa mthoṅ bar byas te | lha rnams kyi naṅ na ’dug pa mthoṅ nas ’dzum pa sdon du btaṅ ste | bcom ldan ’das la daṅ pa thob nas | kye ma saṅs rgyas | kye ma chos | kye ma dge ’dun | kye ma chos kyi legs par gsuṅs pa ñid | ’di ltar sdig pa byed pa | (5) log par ltaṅ bar soṅ ba de lta bu dag gis kyaṅ yon tan gyi tshogs ’di lta bu thob po źes ched du brjod pa ched du brjod do || mkhan po gcig pa des de raṅs śiṅ mgu ba daṅ mchog tu dga’ bar mthoṅ nas smras pa | tshe daṅ ldan pa khyod mkhan po dus la bab pas bdag ni (6) dge ’dun gyi gnas brtan du gyur to sñam nas raṅs śiṅ mgu ba daṅ mchog tu dga’ bar gyur tam | des smras pa | tshe daṅ ldan pa re źig khyod kyi dri ba’i lan gdab pa’i dus ma yin gyis | dge ’dun gyi naṅ du dris śig daṅ | der khyod kyi dri ba’i lan gdab pa’i dus la (7) bab par ’gyur ro || ji tsam na dus gźan źig na dge sloṅ gi dge ’dun tshogs śiṅ ’khod pa na dge ’dun gyi gnas brtan gyis mkhan po gcig pa de la dris pa | tshe daṅ ldan pa khyod kyis de’i tshe ci smras | des smras pa | khyod la kho bos khyod mkhan po dus la bab pas bdag dge (127b1) ’dun gyi gnas brtan du gyur to sñam nas raṅs śiṅ mgu ba daṅ mchog tu dga’ bar gyur tam źes smras so || des skabs de dge ’dun gyi naṅ du de la rgya cher brjod pa daṅ de yaṅ yi raṅs śiṅ dge sloṅ rnams kyaṅ kye ma saṅs rgyas | kye ma chos | kye ma dge ’dun | kye ma chos (2) kyi legs par gsuṅs pa ñid | ’di ltar sdig pa byed pa | log par ltuṅ bar seṅ bde lta bu dag gis kyaṅ yon tan gyi tshogs de lta bu thob po źes ched du brjod pa ched du brjod do || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=0c64bbe2-d14c-11e4-bbf3-001cc4ddf0f4

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ