tshe daṅ ldan pa dag bdag gis so sor thar pa’i mdo gdon pa’i gleṅ gźi bton zin to ||
pham par gyur pa’i chos bźi daṅ || (2) dge ’dun lhag ma’i chos bcu gsum daṅ | ma ṅes pa’i chos gñis daṅ | spaṅ ba’i ltuṅ byed kyi chos sum bcu daṅ | ltuṅ byed kyi chos dgu bcu daṅ | so sor bsags par bya ba’i chos bźi daṅ | bslab pa’i chos maṅ po daṅ rtsod pa źi bar bya ba’i chos bdun po dag bton zin to || (3) bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas de’i mdor gtogs śiṅ mdor bsdus pa ni ’di dag go || gaṅ gźan nas ’byuṅ ba’i chos kyi rjes su ’thun pa’i chos de la yaṅ khyed rnams ’dun pa daṅ mthun pa daṅ dga’ ba daṅ | (4) mi rtsod par sems kun tu sruṅ ba daṅ dran pa daṅ bag yod pas rnal ’byor du bya’o ||