Bibliotheca Polyglotta

Pāli Mahāvagga

Complete text

Mahākhandaka

Uposathakkhandhaka

Vassupanāyikakkhandhaka

(137) Tena samayena buddho bhagavā Rājagahe viharati Veḷuvane Kalandakanivāpe. tena kho pana samayena bhagavatā bhikkhūnaṃ vassāvāso apaññatto hoti. te ’dha bhikkhū hemantam pi gimham pi vassam pi cārikaṃ caranti. |1|

. . .

สเจ อาคนฺตุกา พหุตรา โหนฺติ อาวาสิเกหิ อาคนฺตุกานํ อนุวตฺติตพฺพํ. อิธ ปน ภิกฺขเว อาวาสิกานํ ภิกฺขูนํ ปนฺนรโส โหติ อาคนฺตุกานํ จาตุทฺทโส. สเจ อาวาสิกา พหุตรา โหนฺติ อาคนฺตุเกหิ อาวาสิกานํ อนุวตฺติตพฺพํ.

manussā ujjhāyanti khīyanti vipācenti: kathaṃ hi nāma samaṇā Sakyaputtiyā hemantam pi gimham pi vassam pi cārikaṃ carissanti haritāni tiṇāni sammaddantā ekindriyaṃ jīvaṃ viheṭhentā bahū khuddake pāṇe saṃghātaṃ āpādentā. ime hi nāma aññatitthiyā durakkhātadhammā vassāvāsaṃ alliyissanti saṃkāpayissanti, ime hi nāma sakuntakā rukkhaggesu kulāvakāni karitvā vassāvāsaṃ alliyissanti saṃkāpayissanti, ime pana samaṇā Sakyaputtiyā hemantam pi gimham pi vassam pi cārikaṃ caranti haritāni tiṇāni sammaddantā ekindriyaṃ jīvaṃ viheṭhentā bahū khuddake pāṇe saṃghātaṃ āpādentā ’ti. |2|

. .

สเจ สมสมา โหนฺติ อาคนฺตุเกหิ อาวาสิกานํ อนุวตฺติตพฺพํ. สเจ อาคนฺตุกา พหุตรา โหนฺติ อาวาสิเกหิ อาคนฺตุกานํ อนุวตฺติตพฺพํ.

assosuṃ kho bhikkhū tesaṃ manussānaṃ ujjhāyantānaṃ khīyantānaṃ vipācentānaṃ. atha kho te bhikkhū bhagavato etam atthaṃ ārocesuṃ. atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi: anujānāmi bhikkhave vassaṃ upagantun ti. |3|

. . .

อิธ ปน ภิกฺขเว อาวาสิกานํ ภิกฺขูนํ ปาฏิปโท โหติ อาคนฺตุกานํ ปนฺนรโส. สเจ อาวาสิกา พหุตรา โหนฺติ อาวาสิเกหิ อาคนฺตุกานํ นากามา ทาตพฺพา สามคฺคี. อาคนฺตุเกหิ นิสฺสีมํ คนฺตฺวา อุโปสโถ กาตพฺโพ. สเจ สมสมา โหนฺติ อาวาสิเกหิ อาคนฺตุกานํ นากามา ทาตพฺพา สามคฺคี. อาคนฺตุเกหิ นิสฺสีมํ คนฺตฺวา อุโปสโถ กาตพฺโพ.

||1||

สเจ อาคนฺตุกา พหุตรา โหนฺติ อาวาสิเกหิ อาคนฺตุกานํ สามคฺคี วา ทาตพฺพา นิสฺสีมํ วา คนฺตพฺพํ.

atha kho bhikkhūnaṃ etad ahosi: kadā nu kho vassaṃ upagantabban ti. bhagavato etam atthaṃ ārocesuṃ. anujānāmi bhikkhave vassāne vassaṃ upagantun ti. |1|

. . .

อิธ ปน ภิกฺขเว อาวาสิกานํ ภิกฺขูนํ ปนฺนรโส โหติ อาคนฺตุกานํ ปาฏิปโท. สเจ อาวาสิกา พหุตรา โหนฺติ อาคนฺตุเกหิ อาวาสิกานํ สามคฺคี วา ทาตพฺพา นิสฺสีมํ วา คนฺตพฺพํ. สเจ สมสมา โหนฺติ อาคนฺตุเกหิ อาวาสิกานํ สามคฺคี วา ทาตพฺพา นิสฺสีมํ วา คนฺตพฺพํ.

atha kho bhikkhūnaṃ etad ahosi: kati nu kho vassupanāyikā ’ti. bhagavato etam atthaṃ ārocesuṃ. dve ’mā bhikkhave vassupanāyikā purimikā pacchimikā ’ti. aparajjugatāya āsāḷhiyā purimikā upagantabbā, māsagatāya āsāḷhiyā pacchimikā upagantabbā. imā kho bhikkhave dve vassupanāyikā ’ti. |2|

. . . . .

สเจ อาคนฺตุกา พหุตรา โหนฺติ อาคนฺตุเกหิ อาวาสิกานํ นากามา ทาตพฺพา สามคฺคี. อาวาสิเกหิ นิสฺสีมํ คนฺตฺวา อุโปสโถ กาตพฺโพ. (สีโมกฺกนฺติกเปยฺยาลํ นิฏฺฐิตํ.) (๑๐๑. ลิงฺคาทิทสฺสนํ) ๑๗๙. อิธ ปน ภิกฺขเว อาคนฺตุกา ภิกฺขู ปสฺสนฺติ อาวาสิกานํ ภิกฺขูนํ อาวาสิกาการํ อาวาสิกลิงฺคํ อาวาสิกนิมิตฺตํ อาวาสิกุทฺเทสํ สุปญฺญตฺตํ มญฺจปีฐํ ภิสิพิพฺโพหนํ ปานียํ ปริโภชนียํ สูปฏฺฐิตํ ปริเวณํ สุสมฺมฏฺฐํ ปสฺสิตฺวา เวมติกา โหนฺติ “อตฺถิ นุ โข อาวาสิกา ภิกฺขู นตฺถิ นุ โข”ติ. เต เวมติกา น วิจินนฺติ อวิจินิตฺวา อุโปสถํ กโรนฺติ. อาปตฺติ ทุกฺกฏสฺส. เต เวมติกา วิจินนฺติ วิจินิตฺวา น ปสฺสนฺติ อปสฺสิตฺวา อุโปสถํ กโรนฺติ. อนาปตฺติ. เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา เอกโต อุโปสถํ กโรนฺติ. อนาปตฺติ.

||2||

เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา ปาเฏกฺกํ อุโปสถํ กโรนฺติ. อาปตฺติ ทุกฺกฏสฺส.

(138) tena kho pana samayena chabbaggiyā bhikkhū vassaṃ upagantvā antarā vassaṃ cārikaṃ caranti. manussā ujjhāyanti khīyanti vipācenti: kathaṃ hi nāma samaṇā Sakyaputtiyā hemantam pi gimham pi vassam pi cārikaṃ carissanti haritāni tiṇāni sammaddantā ekindriyaṃ jīvaṃ viheṭhentā bahū khuddake pāṇe saṃghātaṃ āpādentā. ime hi nāma aññatitthiyā durakkhātadhammā vassāvāsaṃ alliyissanti saṃkāpayissanti, ime hi nāma sakuntakā rukkhaggesu kulāvakāni karitvā vassāvāsaṃ alliyissanti saṃkāpayissanti, ime pana samaṇā Sakyaputtiyā hemantam pi gimham pi vassam pi cārikaṃ caranti haritāni tiṇāni sammaddantā ekindriyaṃ jīvaṃ viheṭhentā bahū khuddake pāṇe saṃghātaṃ āpādentā ’ti. |1|

. . .

เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา “นสฺสนฺเตเต วินสฺสนฺเตเต โก เตหิ อตฺโถ”ติ เภทปุเรกฺขารา อุโปสถํ กโรนฺติ. อาปตฺติ ถุลฺลจฺจยสฺส. อิธ ปน ภิกฺขเว อาคนฺตุกา ภิกฺขู สุณนฺติ อาวาสิกานํ ภิกฺขูนํ อาวาสิกาการํ อาวาสิกลิงฺคํ อาวาสิกนิมิตฺตํ อาวาสิกุทฺเทสํ จงฺกมนฺตานํ ปทสทฺทํ สชฺฌายสทฺทํ อุกฺกาสิตสทฺทํ ขิปิตสทฺทํ สุตฺวา เวมติกา โหนฺติ “อตฺถิ นุ โข อาวาสิกา ภิกฺขู นตฺถิ นุ โข”ติ. เต เวมติกา น วิจินนฺติ อวิจินิตฺวา อุโปสถํ กโรนฺติ. อาปตฺติ ทุกฺกฏสฺส. เต เวมติกา วิจินนฺติ วิจินิตฺวา น ปสฺสนฺติ อปสฺสิตฺวา อุโปสถํ กโรนฺติ. อนาปตฺติ. เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา เอกโต อุโปสถํ กโรนฺติ. อนาปตฺติ. เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา ปาเฏกฺกํ อุโปสถํ กโรนฺติ. อาปตฺติ ทุกฺกฏสฺส. เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา “นสฺสนฺเตเต วินสฺสนฺเตเต โก เตหิ อตฺโถ”ติ เภทปุเรกฺขารา อุโปสถํ กโรนฺติ. อาปตฺติ ถุลฺลจฺจยสฺส.

assosuṃ kho bhikkhū tesaṃ manussānaṃ ujjhāyantānaṃ khīyantānaṃ vipācentānaṃ. ye te bhikkhū appicchā te ujjhāyanti khīyanti vipācenti: kathaṃ hi nāma chabbaggiyā bhikkhū vassaṃ upagantvā antarā vassaṃ cārikaṃ carissantīti. atha kho te bhikkhū bhagavato etam atthaṃ ārocesuṃ. atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi: na bhikkhave vassaṃ upagantvā purimaṃ vā temāsaṃ pacchimaṃ vā temāsaṃ avasitvā cārikā pakkamitabbā. yo pakkameyya, āpatti dukkaṭassā ’ti. |2|

. . . . .

อิธ ปน ภิกฺขเว อาวาสิกา ภิกฺขู ปสฺสนฺติ อาคนฺตุกานํ ภิกฺขูนํ อาคนฺตุกาการํ อาคนฺตุกลิงฺคํ อาคนฺตุกนิมิตฺตํ อาคนฺตุกุทฺเทสํ อญฺญาตกํ ปตฺตํ อญฺญาตกํ จีวรํ อญฺญาตกํ นิสีทนํ ปาทานํ โธตํ อุทกนิสฺเสกํ ปสฺสิตฺวา เวมติกา โหนฺติ “อตฺถิ นุ โข อาคนฺตุกา ภิกฺขู นตฺถิ นุ โข”ติ. เต เวมติกา น วิจินนฺติ อวิจินิตฺวา อุโปสถํ กโรนฺติ. อาปตฺติ ทุกฺกฏสฺส. เต เวมติกา วิจินนฺติ วิจินิตฺวา น ปสฺสนฺติ อปสฺสิตฺวา อุโปสถํ กโรนฺติ. อนาปตฺติ. เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา เอกโต อุโปสถํ กโรนฺติ. อนาปตฺติ. เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา ปาเฏกฺกํ อุโปสถํ กโรนฺติ. อาปตฺติ ทุกฺกฏสฺส. เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา “นสฺสนฺเตเต วินสฺสนฺเตเต โก เตหิ อตฺโถ”ติ เภทปุเรกฺขารา อุโปสถํ กโรนฺติ. อาปตฺติ ถุลฺลจฺจยสฺส. อิธ ปน ภิกฺขเว อาวาสิกา ภิกฺขู สุณนฺติ อาคนฺตุกานํ ภิกฺขูนํ อาคนฺตุกาการํ อาคนฺตุกลิงฺคํ อาคนฺตุกนิมิตฺตํ อาคนฺตุกุทฺเทสํ อาคจฺฉนฺตานํ ปทสทฺทํ อุปาหนปปฺโผฏนสทฺทํ อุกฺกาสิตสทฺทํ ขิปิตสทฺทํ สุตฺวา เวมติกา โหนฺติ “อตฺถิ นุ โข อาคนฺตุกา ภิกฺขู นตฺถิ นุ โข”ติ. เต เวมติกา น วิจินนฺติ อวิจินิตฺวา อุโปสถํ กโรนฺติ. อาปตฺติ ทุกฺกฏสฺส. เต เวมติกา วิจินนฺติ วิจินิตฺวา น ปสฺสนฺติ อปสฺสิตฺวา อุโปสถํ กโรนฺติ. อนาปตฺติ. เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา เอกโต อุโปสถํ กโรนฺติ. อนาปตฺติ. เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา ปาเฏกฺกํ อุโปสถํ กโรนฺติ. อาปตฺติ ทุกฺกฏสฺส. เต เวมติกา วิจินนฺติ วิจินิตฺวา ปสฺสนฺติ ปสฺสิตฺวา “นสฺสนฺเตเต วินสฺสนฺเตเต โก เตหิ อตฺโถ”ติ เภทปุเรกฺขารา อุโปสถํ กโรนฺติ. อาปตฺติ ถุลฺลจฺจยสฺส (ลิงฺคาทิทสฺสนํ นิฏฺฐิตํ.) (๑๐๒. นานาสํวาสกาทีหิ อุโปสถกรณํ) ๑๘๐. อิธ ปน ภิกฺขเว อาคนฺตุกา ภิกฺขู ปสฺสนฺติ อาวาสิเก ภิกฺขู นานาสํวาสเก.

||3||

เต สมานสํวาสกทิฏฺฐึ ปฏิลภนฺติ สมานสํวาสกทิฏฺฐึ ปฏิลภิตฺวา น ปุจฺฉนฺติ อปุจฺฉิตฺวา เอกโต อุโปสถํ กโรนฺติ. อนาปตฺติ.

tena kho pana samayena chabbaggiyā bhikkhū na icchanti vassaṃ upagantuṃ. bhagavato etam atthaṃ ārocesuṃ. {na} bhikkhave vassaṃ na upagantabbaṃ. yo na upagaccheyya, āpatti dukkaṭassā ’ti. |1|

. . . .

เต ปุจฺฉนฺติ ปุจฺฉิตฺวา นาภิวิตรนฺติ อนภิวิตริตฺวา เอกโต อุโปสถํ กโรนฺติ. อาปตฺติ ทุกฺกฏสฺส. เต ปุจฺฉนฺติ ปุจฺฉิตฺวา นาภิวิตรนฺติ อนภิวิตริตฺวา ปาเฏกฺกํ อุโปสถํ กโรนฺติ. อนาปตฺติ. อิธ ปน ภิกฺขเว อาคนฺตุกา ภิกฺขู ปสฺสนฺติ อาวาสิเก ภิกฺขู สมานสํวาสเก. เต นานาสํวาสกทิฏฺฐึ ปฏิลภนฺติ นานาสํวาสกทิฏฺฐึ ปฏิลภิตฺวา น ปุจฺฉนฺติ อปุจฺฉิตฺวา เอกโต อุโปสถํ กโรนฺติ. อาปตฺติ ทุกฺกฏสฺส.

tena kho pana samayena chabbaggiyā bhikkhū tadahu vassupanāyikāya vassaṃ anupagantukāmā sañcicca āvāsaṃ atikkamanti. bhagavato etam atthaṃ ārocesuṃ. na bhikkhave tadahu vassupanāyikāya vassaṃ anupagantukāmena sañcicca āvāso atikkamitabbo. yo atikkameyya, āpatti dukkaṭassā ’ti. |2|

. . . .

เต ปุจฺฉนฺติ ปุจฺฉิตฺวา อภิวิตรนฺติ อภิวิตริตฺวา ปาเฏกฺกํ อุโปสถํ กโรนฺติ. อาปตฺติ ทุกฺกฏสฺส. เต ปุจฺฉนฺติ ปุจฺฉิตฺวา อภิวิตรนฺติ อภิวิตริตฺวา เอกโต อุโปสถํ กโรนฺติ. อนาปตฺติ. อิธ ปน ภิกฺขเว อาวาสิกา ภิกฺขู ปสฺสนฺติ อาคนฺตุเก ภิกฺขู นานาสํวาสเก. เต สมานสํวาสกทิฏฺฐึ ปฏิลภนฺติ สมานสํวาสกทิฏฺฐึ ปฏิลภิตฺวา น ปุจฺฉนฺติ อปุจฺฉิตฺวา เอกโต อุโปสถํ กโรนฺติ. อนาปตฺติ. เต ปุจฺฉนฺติ ปุจฺฉิตฺวา นาภิวิตรนฺติ อนภิวิตริตฺวา เอกโต อุโปสถํ กโรนฺติ. อาปตฺติ ทุกฺกฏสฺส. เต ปุจฺฉนฺติ ปุจฺฉิตฺวา นาภิวิตรนฺติ อนภิวิตริตฺวา ปาเฏกฺกํ อุโปสถํ กโรนฺติ. อนาปตฺติ.

tena kho pana samayena rājā Māgadho Seniyo Bimbisāro vassaṃ ukkaḍḍhitukāmo bhikkhūnaṃ santike dūtaṃ pāhesi, yadi pan’ ayyā āgame juṇhe vassaṃ upagaccheyyun ti. bhagavato etam atthaṃ ārocesuṃ: anujānāmi bhikkhave rājūnaṃ anuvattitun ti. |3|

. .

อิธ ปน ภิกฺขเว อาวาสิกา ภิกฺขู ปสฺสนฺติ อาคนฺตุเก ภิกฺขู สมานสํวาสเก. เต นานาสํวาสกทิฏฺฐึ ปฏิลภนฺติ นานาสํวาสกทิฏฺฐึ ปฏิลภิตฺวา น ปุจฺฉนฺติ อปุจฺฉิตฺวา เอกโต อุโปสถํ กโรนฺติ. อาปตฺติ ทุกฺกฏสฺส. เต ปุจฺฉนฺติ ปุจฺฉิตฺวา อภิวิตรนฺติ อภิวิตริตฺวา ปาเฏกฺกํ อุโปสถํ กโรนฺติ. อาปตฺติ ทุกฺกฏสฺส. เต ปุจฺฉนฺติ ปุจฺฉิตฺวา อภิวิตรนฺติ อภิวิตริตฺวา เอกโต อุโปสถํ กโรนฺติ. อนาปตฺติ. (นานาสํวาสกาทีหิ อุโปสถกรณํ นิฏฺฐิตํ.)

||4||

(139) atha kho bhagavā Rājagahe yathābhirantaṃ viharitvā yena Sāvatthi tena cārikaṃ pakkāmi. anupubbena cārikaṃ caramāno yena Sāvatthi tad avasari. tatra sudaṃ bhagavā Sāvatthiyaṃ viharati Jetavane Anāthapiṇḍikassa ārāme. tena kho pana samayena Kosalesu janapadesu Udenena upāsakena saṃghaṃ uddissa viharo kārāpito hoti. so bhikkhūnaṃ santike dūtaṃ pāhesi, āgacchantu bhaddantā, icchāmi dānañ ca dātuṃ dhammañ ca sotuṃ bhikkhū ca passitun ti. |1|

. . . . .

(๑๐๓. นคนฺตพฺพวาโร) ๑๘๑. น ภิกฺขเว ตทหุโปสเถ สภิกฺขุกา อาวาสา อภิกฺขุโก อาวาโส คนฺตพฺโพ อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อาวาสา อภิกฺขุโก อนาวาโส คนฺตพฺโพ อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อาวาสา อภิกฺขุโก อาวาโส วา อนาวาโส วา คนฺตพฺโพ อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อนาวาสา อภิกฺขุโก อาวาโส คนฺตพฺโพ อญฺญตฺร สงฺเฆน อญฺญตฺร อนฺตรายา.

bhikkhū evaṃ āhaṃsu: bhagavatā āvuso paññattaṃ na vassaṃ upagantvā purimaṃ vā temāsaṃ pacchimaṃ vā temāsaṃ avasitvā cārikā pakkamitabbā ’ti. āgametu Udeno upāsako yāva bhikkhū vassaṃ vasanti, vassaṃ vutthā gamissanti. sace pan’ assa accāyikaṃ karaṇīyaṃ, tatth’ eva āvāsikānaṃ bhikkhūnaṃ santike vihāraṃ patiṭṭhāpetū ’ti. |2|

. . .

น ภิกฺขเว ตทหุโปสเถ สภิกฺขุกา อนาวาสา อภิกฺขุโก อนาวาโส คนฺตพฺโพ อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อนาวาสา อภิกฺขุโก อาวาโส วา อนาวาโส วา คนฺตพฺโพ อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อาวาสา วา อนาวาสา วา อภิกฺขุโก อาวาโส คนฺตพฺโพ อญฺญตฺร สงฺเฆน อญฺญตฺร อนฺตรายา.

Udeno upāsako ujjhāyati khīyati vipāceti: kathaṃ hi nāma bhaddantā mayā pahite na āgacchissanti, ahaṃ hi dāyako kārako saṃghupaṭṭhāko ’ti. assosuṃ kho bhikkhū Udenassa upāsakassa ujjhāyantassa khīyantassa vipācentassa. atha kho te bhikkhū bhagavato etam atthaṃ ārocesuṃ. |3|

. . .

น ภิกฺขเว ตทหุโปสเถ สภิกฺขุกา อาวาสา วา อนาวาสา วา อภิกฺขุโก อนาวาโส คนฺตพฺโพ อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อาวาสา วา อนาวาสา วา อภิกฺขุโก อาวาโส วา อนาวาโส วา คนฺตพฺโพ อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อาวาสา สภิกฺขุโก อาวาโส คนฺตพฺโพ ยตฺถสฺสุ ภิกฺขู นานาสํวาสกา อญฺญตฺร สงฺเฆน อญฺญตฺร อนฺตรายา.

atha kho bhagavā etasmiṃ nidāne dhammiṃ kathaṃ katvā bhikkhū āmantesi: anujānāmi bhikkhave sattannaṃ sattāhakaraṇīyena pahite gantuṃ, na tv eva appahite, bhikkhussa bhikkhuniyā sikkhamānāya sāmaṇerassa sāmaṇeriyā upāsakassa upāsikāya. anujānāmi bhikkhave imesaṃ sattannaṃ sattāhakaraṇīyena pahite gantuṃ, na tv eva appahite. sattāhaṃ sannivaṭṭo kātabbo. |4|

. . .

น ภิกฺขเว ตทหุโปสเถ สภิกฺขุกา อาวาสา สภิกฺขุโก อนาวาโส คนฺตพฺโพ ยตฺถสฺสุ ภิกฺขู นานาสํวาสกา อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อาวาสา สภิกฺขุโก อาวาโส วา อนาวาโส วา คนฺตพฺโพ ยตฺถสฺสุ ภิกฺขู นานาสํวาสกา อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อนาวาสา สภิกฺขุโก อาวาโส คนฺตพฺโพ ยตฺถสฺสุ ภิกฺขู นานาสํวาสกา อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อนาวาสา สภิกฺขุโก อนาวาโส คนฺตพฺโพ ยตฺถสฺสุ ภิกฺขู นานาสํวาสกา อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อนาวาสา สภิกฺขุโก อาวาโส วา อนาวาโส วา คนฺตพฺโพ ยตฺถสฺสุ ภิกฺขู นานาสํวาสกา อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อาวาสา วา อนาวาสา วา สภิกฺขุโก อาวาโส คนฺตพฺโพ ยตฺถสฺสุ ภิกฺขู นานาสํวาสกา อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อาวาสา วา อนาวาสา วา สภิกฺขุโก อนาวาโส คนฺตพฺโพ ยตฺถสฺสุ ภิกฺขู นานาสํวาสกา อญฺญตฺร สงฺเฆน อญฺญตฺร อนฺตรายา. น ภิกฺขเว ตทหุโปสเถ สภิกฺขุกา อาวาสา วา อนาวาสา วา สภิกฺขุโก อาวาโส วา อนาวาโส วา คนฺตพฺโพ ยตฺถสฺสุ ภิกฺขู นานาสํวาสกา อญฺญตฺร สงฺเฆน อญฺญตฺร อนฺตรายา. (นคนฺตพฺพวาโร นิฏฺฐิโต.) (๑๐๔. คนฺตพฺพวาโร) ๑๘๒. คนฺตพฺโพ ภิกฺขเว ตทหุโปสเถ สภิกฺขุกา อาวาสา สภิกฺขุโก อาวาโส ยตฺถสฺสุ ภิกฺขู สมานสํวาสกา ยํ ชญฺญา “สกฺโกมิ อชฺเชว คนฺตุ”นฺติ.

idha pana bhikkhave upāsakena saṃghaṃ uddissa vihāro kārāpito hoti. so ce bhikkhūnaṃ santike dūtaṃ pahiṇeyya, āgacchantu bhaddantā, icchāmi dānañ ca dātuṃ dhammañ ca sotuṃ bhikkhū ca passitun ti, gantabbaṃ bhikkhave sattāhakaraṇīyena pahite, na tv eva appahite. sattāhaṃ sannivaṭṭo kātabbo. |5|

. . .

คนฺตพฺโพ ภิกฺขเว ตทหุโปสเถ สภิกฺขุกา อาวาสา สภิกฺขุโก อนาวาโสฯเปฯ สภิกฺขุโก อาวาโส วา อนาวาโส วา ยตฺถสฺสุ ภิกฺขู สมานสํวาสกา ยํ ชญฺญา “สกฺโกมิ อชฺเชว คนฺตุ”นฺติ. คนฺตพฺโพ ภิกฺขเว ตทหุโปสเถ สภิกฺขุกา อนาวาสา สภิกฺขุโก อาวาโสฯเปฯ สภิกฺขุโก อนาวาโสฯเปฯ สภิกฺขุโก อาวาโส วา อนาวาโส วา ยตฺถสฺสุ ภิกฺขู สมานสํวาสกา ยํ ชญฺญา “สกฺโกมิ อชฺเชว คนฺตุ”นฺติ. คนฺตพฺโพ ภิกฺขเว ตทหุโปสเถ สภิกฺขุกา อาวาสา วา อนาวาสา วา สภิกฺขุโก อาวาโสฯเปฯ สภิกฺขุโก อนาวาโสฯเปฯ สภิกฺขุโก อาวาโส วา อนาวาโส วา ยตฺถสฺสุ ภิกฺขู สมานสํวาสกา ยํ ชญฺญา “สกฺโกมิ อชฺเชว คนฺตุ”นฺติ. (คนฺตพฺพวาโร นิฏฺฐิโต.)

idha pana bhikkhave upāsakena saṃghaṃ uddissa aḍḍhayogo kārāpito hoti, pāsādo kārāpito hoti, hammiyaṃ kārāpitaṃ h., guhā kārāpitā h., pariveṇaṃ kārāpitaṃ h., koṭṭhako kārāpito h., upaṭṭhānasālā kārāpitā h., aggisālā kārāpitā h., kappiyakuṭī kārāpitā h., vaccakuṭī kārāpitā h., caṅkamo kārāpito h., caṅkamanasālā kārāpitā h., udapāno kārāpito h., udapānasālā kārāpitā h., jantāgharaṃ kārāpi (140) [III.5.6-9.taṃ h., jantāgharasālā kārāpitā h., pokkharaṇī kārāpitā h., maṇḍapo kārāpito h., ārāmo kārāpito h., ārāmavatthuṃ kārāpitaṃ hoti. so ce bhikkhūnaṃ santike dūtaṃ pahiṇeyya, āgacchantu bhaddantā, icchāmi dānañ ca dātuṃ dhammañ ca sotuṃ bhikkhū ca passitun ti, gantabbaṃ bhikkhave sattāhakaraṇīyena pahite, na tv eva appahite. sattāhaṃ sannivaṭṭo kātabbo. |6|

. . . .

(๑๐๕. วชฺชนียปุคฺคลสนฺทสฺสนา) ๑๘๓. น ภิกฺขเว ภิกฺขุนิยา นิสินฺนปริสาย ปาติโมกฺขํ อุทฺทิสิตพฺพํ. โย อุทฺทิเสยฺย อาปตฺติ ทุกฺกฏสฺส. น สิกฺขมานายฯเปฯ น สามเณรสฺส ฯเปฯ น สามเณริยาฯเปฯ น สิกฺขาปจฺจกฺขาตกสฺสฯเปฯ น อนฺติมวตฺถุํ อชฺฌาปนฺนกสฺส นิสินฺนปริสาย ปาติโมกฺขํ อุทฺทิสิตพฺพํ. โย อุทฺทิเสยฺย อาปตฺติ ทุกฺกฏสฺส.

idha pana bhikkhave upāsakena sambahule bhikkhū uddissa --la-- ekaṃ bhikkhuṃ uddissa vihāro kārāpito h., aḍḍhayogo k. h., pāsādo k.h., ...(= 6) ...sattāhaṃ sannivaṭṭo kātabbo. |7|

. .

น อาปตฺติยา อทสฺสเน อุกฺขิตฺตกสฺส นิสินฺนปริสาย ปาติโมกฺขํ อุทฺทิสิตพฺพํ. โย อุทฺทิเสยฺย ยถาธมฺโม กาเรตพฺโพ.

idha pana bhikkhave upāsakena bhikkhunīsaṃghaṃ uddissa --la-- sambahulā bhikkhuniyo uddissa --la-- ekaṃ bhikkhuniṃ uddissa --la-- sambahulā sikkhamānāyo uddissa --la-- ekaṃ sikkhamānaṃ uddissa -- la -sambahule sāmaṇere uddissa --la-- ekaṃ sāmaṇeram uddissa --la-- sambahulā sāmaṇeriyo uddissa --la-- ekaṃ sāmaṇeriṃ uddissa vihāro kārāpito hoti, aḍḍhayogo k. h., pāsādo k.h., hammiyaṃ k.h., guhā k.h., pariveṇaṃ k.h., koṭṭhako k.h., upaṭṭhānasālā k.h., aggisālā k.h., kappiyakuṭī k.h., caṅkamo k.h., caṅkamanasālā k.h., udapāno k.h., udapānasālā k.h., pokkharaṇī k.h., maṇḍapo k.h., ārāmo k.h., ārāmavatthuṃ k. hoti. so ce bhikkhūnaṃ santike dūtaṃ pahiṇeyya, āgacchantu bhaddantā, icchāmi dānañ ca dātuṃ dhammañ ca sotuṃ bhikkhū ca passitun ti, gantabbaṃ bhikkhave sattāhakaraṇīyena pahite, na tv eva appahite. sattāhaṃ sannivaṭṭo kātabbo. |8|

. . . .

น อาปตฺติยา อปฺปฏิกมฺเม อุกฺขิตฺตกสฺส นิสินฺนปริสายฯเปฯ น ปาปิกาย ทิฏฺฐิยา อปฺปฏินิสฺสคฺเค อุกฺขิตฺตกสฺส นิสินฺนปริสาย ปาติโมกฺขํ อุทฺทิสิตพฺพํ. โย อุทฺทิเสยฺย ยถาธมฺโม กาเรตพฺโพ. น ปณฺฑกสฺส นิสินฺนปริสาย ปาติโมกฺขํ อุทฺทิสิตพฺพํ. โย อุทฺทิเสยฺย อาปตฺติ ทุกฺกฏสฺส.

idha pana bhikkhave upāsakena attano atthāya nivesanaṃ kārāpitaṃ hoti --la-- sayanigharaṃ k.h., uddosito k.h., aṭṭo k.h., mālo k.h., āpaṇo k.h., āpaṇasālā k.h., pāsādo k.h., hammiyaṃ k.h., guhā k.h., pariveṇaṃ k.h., koṭṭhako k.h., upaṭṭhānasālā k.h., aggisālā k.h., rasavatī k.h., vaccakuṭī k.h., caṅkamo k.h., caṅkamanasālā k.h., udapāno k.h., udapānasālā k.h., jantāgharaṃ k.h., jantāgharasālā k.h., pokkharaṇī k.h., maṇḍapo k.h., ārāmo k.h., ārāmavatthuṃ k.h., puttassa vā vāreyyaṃ hoti, dhītuyā vā vāreyyaṃ hoti, gilāno vā hoti, abhiññātaṃ vā suttantaṃ bhaṇati. so ce bhikkhūnaṃ santike dūtaṃ pahiṇeyya, āgacchantu bhaddantā imaṃ suttantaṃ pariyāpuṇissanti pur’ āyaṃ su-(141)ttanto palujjatīti. aññataraṃ vā pan’ assa kiccaṃ hoti karaṇīyaṃ vā. so ce bhikkhūnaṃ santike dūtaṃ pahiṇeyya, āgacchantu bhaddantā, icchāmi dānañ ca dātuṃ dhammañ ca sotuṃ bhikkhū ca passitun ti, gantabbaṃ bhikkhave sattāhakaraṇīyena pahite, na tv eva appahite. sattāhaṃ sannivaṭṭo kātabbo. |9|

. . . . .

น เถยฺยสํวาสกสฺสฯเปฯ น ติตฺถิยปกฺกนฺตกสฺสฯเปฯ น ติรจฺฉานคตสฺสฯเปฯ น มาตุฆาตกสฺสฯเปฯ น ปิตุฆาตกสฺสฯเปฯ น อรหนฺตฆาตกสฺสฯเปฯ น ภิกฺขุนิทูสกสฺสฯเปฯ น สงฺฆเภทกสฺสฯเปฯ น โลหิตุปฺปาทกสฺสฯเปฯ น อุภโตพฺยญฺชนกสฺส นิสินฺนปริสาย ปาติโมกฺขํ อุทฺทิสิตพฺพํ. โย อุทฺทิเสยฺย อาปตฺติ ทุกฺกฏสฺส. น ภิกฺขเว ปาริวาสิกปาริสุทฺธิทาเนน อุโปสโถ กาตพฺโพ อญฺญตฺร อวุฏฺฐิตาย ปริสาย. น จ ภิกฺขเว อนุโปสเถ อุโปสโถ กาตพฺโพ อญฺญตฺร สงฺฆสามคฺคิยาติ. (วชฺชนียปุคฺคลสนฺทสฺสนา นิฏฺฐิตา.)

idha pana bhikkhave upāsikāya saṃghaṃ uddisa vihāro kārāpito hoti. sā ce bhikkhūnaṃ santike dūtaṃ pahiṇeyya, āgacchantu ayyā, icchāmi dānañ ca dātuṃ dhammañ ca sotuṃ bhikkhū ca passitun ti, gantabbaṃ bhikkhave sattāhakaraṇīyena pahite, na tv eva appahite. sattāhaṃ sannivaṭṭo kātabbo. |10|

. . .

ตติยภาณวาโร นิฏฺฐิโต. อุโปสถกฺขนฺธโก ทุติโย.

idha pana bhikkhave upāsikāya saṃghaṃ uddissa aḍḍhayogo kārāpito ...(= 6) ...ārāmavatthuṃ kārāpitaṃ hoti.sā ce bhikkhūnaṃ ...(= 10) ...sattāhaṃ sannivaṭṭo kātabbo. |11|

๑๐๖. ตสฺสุทฺทานํ ติตฺถิยา พิมฺพิสาโร จ สนฺนิปติตุํ ตุณฺหิกา. ธมฺมํ รโห ปาติโมกฺขํ เทวสิกํ ตทา สกึฯ

idha pana bhikkhave upāsikāya sambahule bhikkhū uddissa -- la -ekaṃ bhikkhuṃ uddissa --la-- bhikkhunīsaṃghaṃ uddissa --la-- sambahulā bhikkhuniyo uddissa --la-- ekaṃ bhikkhuniṃ uddissa --la-- sambahulā sikkhamānāyo uddissa, ekaṃ sikkhamānaṃ uddissa, sambahule sāmaṇere uddissa, ekaṃ sāmaṇeraṃ uddissa, sambahulā sāmaṇeriyo uddissa, ekaṃ sāmaṇeriṃ uddissa --la-- attano atthāya nivesanaṃ kārāpitaṃ hoti --la-- sayanigharaṃ kārāpitaṃ hoti ...(= 9) ...gilānā vā hoti, abhiññātaṃ vā suttantaṃ bhaṇati. sā ce bhikkhūnaṃ santike dūtaṃ pahiṇeyya, āgacchantu ayyā imaṃ suttantaṃ pariyāpuṇissanti pur’ āyaṃ suttanto palujjatīti. aññataraṃ vā pan’ assā kiccaṃ hoti karaṇīyaṃ vā. sā ce bhikkhūnaṃ santike dūtaṃ pahiṇeyya, āgacchantu ayyā, icchāmi dānañ ca dātuṃ dhammañ ca sotuṃ bhikkhū ca passitun ti, gantabbaṃ bhikkhave sattāhakaraṇīyena pahite, na tv eva appahite. sattāhaṃ sannivaṭṭo kātabbo. |12|

. . . . .

ยถาปริสา สมคฺคํ สามคฺคี มทฺทกุจฺฉิ จ. สีมา มหตี นทิยา อนุ ทฺเว ขุทฺทกานิ จฯ นวา ราชคเห เจว สีมา อวิปฺปวาสนา. สมฺมนฺเน ปฐมํ สีมํ ปจฺฉา สีมํ สมูหเนฯ อสมฺมตา คามสีมา นทิยา สมุทฺเท สเร. อุทกุกฺเขโป ภินฺทนฺติ ตเถวชฺโฌตฺถรนฺติ จฯ กติ กมฺมานิ อุทฺเทโส สวรา อสตีปิ จ. ธมฺมํ วินยํ ตชฺเชนฺติ ปุน วินยตชฺชนาฯ โจทนา กเต โอกาเส อธมฺมปฺปฏิกฺโกสนา. จตุปญฺจปรา อาวิ สญฺจิจฺจ เจปิ วายเมฯ

idha pana bhikkhave bhikkhunā saṃghaṃ uddissa, bhikkhuniyā saṃghaṃ uddissa, sikkhamānāya saṃghaṃ uddissa, sāmaṇerena saṃghaṃ uddissa, sāmaṇeriyā saṃghaṃ uddissa, sambahule bhikkhū uddissa, ekam bhikkhuṃ uddissa, bhikkhunīsaṃghaṃ uddissa, sambahulā bhikkhuniyo uddissa, ekaṃ bhikkhuniṃ uddissa, sambahulā sikkhamānāyo uddissa, ekaṃ sikkhamānaṃ uddissa, sambahule sāmaṇere uddissa, ekaṃ sāmaṇeraṃ uddissa, (142) sambahulā sāmaṇeriyo uddissa, ekaṃ sāmaṇeriṃ uddissa, attano atthāya vihāro kārāpito hoti ...(= 8) ... ārāmāvatthuṃ kārāpitaṃ hoti. sā ce bhikkhūnaṃ santike dūtaṃ pahiṇeyya, āgacchantu ayyā, icchāmi dānañ ca dātuṃ dhammañ ca sotuṃ bhikkhū ca passitun ti, gantabbaṃ bhikkhave sattāhakaraṇīyena pahite, na tv eva appahite. sattāhaṃ sannivaṭṭo kātabbo ’ti. |13|

. . .

สคหฏฺฐา อนชฺฌิฏฺฐา โจทนมฺหิ น ชานติ. สมฺพหุลา น ชานนฺติ สชฺชุกํ น จ คจฺฉเรฯ กติมี กีวติกา ทูเร อาโรเจตุญฺจ นสฺสริ. อุกฺลาปํ อาสนํ ทีโป ทิสา อญฺโญ พหุสฺสุโตฯ สชฺชุกํ วสฺสุโปสโถ สุทฺธิกมฺมญฺจ ญาตกา. คคฺโค จตุตโย ทฺเวโก อาปตฺติสภาคา สริฯ

||5||

สพฺโพ สงฺโฆ เวมติโก น ชานนฺติ พหุสฺสุโต. พหู สมสมา โถกา ปริสา อวุฏฺฐิตาย จฯ

tena kho pana samayena aññataro bhikkhu gilāno hoti. so {bhikkhūnaṃ} santike dūtaṃ pāhesi, ahaṃ hi gilāno, āgacchantu bhikkhū, icchāmi bhikkhūnaṃ āgatan ti. bhagavato etam atthaṃ ārocesuṃ. anujānāmi bhikkhave pañcannaṃ sattāhakaraṇīyena appahite pi gantuṃ, pag eva pahite, bhikkhussa bhikkhuniyā sikkhamānāya sāmaṇerassa sāmaṇeriyā. anujānāmi bhikkhave imesaṃ pañcannaṃ sattāhakaraṇīyena appahite pi gantuṃ, pag eva pahite. sattāhaṃ sannivaṭṭo kātabbo. |1|

. . . . . .

เอกจฺจา วุฏฺฐิตา สพฺพา ชานนฺติ จ เวมติกา. กปฺปเตวาติ กุกฺกุจฺจา ชานํ ปสฺสํ สุณนฺติ จฯ อาวาสิเกน อาคนฺตุ จาตุปนฺนรโส ปุน. ปาฏิปโท ปนฺนรโส ลิงฺคสํวาสกา อุโภฯ ปาริวาสานุโปสโถ อญฺญตฺร สงฺฆสามคฺคิยา. เอเต วิภตฺตา อุทฺทานา วตฺถุวิภูตการณาติฯ (อิมสฺมึ ขนฺธเก วตฺถูนิ ฉอสีติ. อุโปสถกฺขนฺธโก นิฏฺฐิโต.) (๓. วสฺสูปนายิกกฺขนฺธโก ๑๐๗. วสฺสูปนายิกานุชานนา) ๑๘๔. เตน สมเยน พุทฺโธ ภควา ราชคเห วิหรติ เวฬุวเน กลนฺทกนิวาเป. เตน โข ปน สมเยน ภควตา ภิกฺขูนํ วสฺสาวาโส อปญฺญตฺโต โหติ.

idha pana bhikkhave bhikkhu gilāno hoti. so ce bhikkhūnaṃ santike dūtaṃ pahiṇeyya, ahaṃ hi gilāno, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā, upaṭṭhahissāmi vā ’ti. sattāhaṃ sannivaṭṭo kātabbo. |2|

. . .

เตอิธ ภิกฺขู เหมนฺตมฺปิ คิมฺหมฺปิ วสฺสมฺปิ จาริกํ จรนฺติ. มนุสฺสา อุชฺฌายนฺติ ขิยฺยนฺติ วิปาเจนฺติ “กถญฺหิ นาม สมณา สกฺยปุตฺติยา เหมนฺตมฺปิ คิมฺหมฺปิ วสฺสมฺปิ จาริกํ จริสฺสนฺติ หริตานิ ติณานิ สมฺมทฺทนฺตา เอกินฺทฺริยํ ชีวํ วิเหเฐนฺตา พหู ขุทฺทเก ปาเณ สงฺฆาตํ อาปาเทนฺตา. อิเม หิ นาม อญฺญติตฺถิยา ทุรกฺขาตธมฺมา วสฺสาวาสํ อลฺลียิสฺสนฺติ สงฺกสายิสฺสนฺติ. อิเม หิ นาม สกุนฺตกา รุกฺขคฺเคสุ กุลาวกานิ กริตฺวา วสฺสาวาสํ อลฺลียิสฺสนฺติ สงฺกสายิสฺสนฺติ . อิเม ปน สมณา สกฺยปุตฺติยา เหมนฺตมฺปิ คิมฺหมฺปิ วสฺสมฺปิ จาริกํ จรนฺติ หริตานิ ติณานิ สมฺมทฺทนฺตา เอกินฺทฺริยํ ชีวํ วิเหเฐนฺตา พหู ขุทฺทเก ปาเณ สงฺฆาตํ อาปาเทนฺตา”ติ.

idha pana bhikkhave bhikkhussa anabhirati uppannā hoti. so ce bhikkhūnaṃ santike dūtaṃ pahiṇeyya, anabhirati me uppannā, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, anabhiratiṃ vūpakāsessāmi vā vūpakāsāpessāmi vā dhammakathaṃ vāssa karissāmīti. sattāhaṃ sannivaṭṭo kātabbo. |3|

. . .

อสฺโสสุํ โข ภิกฺขู เตสํ มนุสฺสานํ อุชฺฌายนฺตานํ ขิยฺยนฺตานํ วิปาเจนฺตานํ. อถ โข เต ภิกฺขู ภควโต เอตมตฺถํ อาโรเจสุํ. อถ โข ภควา เอตสฺมึ นิทาเน เอตสฺมึ ปกรเณ ธมฺมึ กถํ กตฺวา ภิกฺขู อามนฺเตสิ “อนุชานามิ ภิกฺขเว วสฺสํ อุปคนฺตุ”นฺติ.

idha pana bhikkhave bhikkhussa kukkuccaṃ uppannaṃ hoti. so ce bhikkhūnaṃ santike dūtaṃ pahiṇeyya, kukkuccaṃ me uppannaṃ, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, kukkuccaṃ vinodessāmi vā vinodāpessāmi vā dhammakathaṃ vāssa karissāmīti. sattāhaṃ sannivaṭṭo kātabbo. |4|

. . .

อถ โข ภิกฺขูนํ เอตทโหสิ “กทา นุ โข วสฺสํ อุปคนฺตพฺพ”นฺติ?

idha pana bhikkhave bhikkhussa diṭṭhigataṃ uppannaṃ hoti. so ce (143) bhikkhūnaṃ santike dūtaṃ pahiṇeyya, diṭṭhigataṃ me uppannaṃ, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, diṭṭhigataṃ vivecessāmi vā vivecāpessāmi vā dhammakathaṃ vāssa karissāmīti. sattāhaṃ sannivaṭṭo kātabbo. |5|

. . .

ภควโต เอตมตฺถํ อาโรเจสุํ. อนุชานามิ ภิกฺขเว วสฺสาเน วสฺสํ อุปคนฺตุนฺติ. อถ โข ภิกฺขูนํ เอตทโหสิ “กติ นุ โข วสฺสูปนายิกา”ติ?

idha pana bhikkhave bhikkhu garudhammaṃ ajjhāpanno hoti parivāsāraho. so ce bhikkhūnaṃ santike dūtaṃ pahiṇeyya, ahaṃ hi garudhammaṃ ajjhāpanno parivāsāraho, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, parivāsadānaṃ ussukkaṃ karissāmi vā, anussāvessāmi vā, gaṇapūrako vā bhavissāmīti. sattāhaṃ sannivaṭṭo kātabbo. |6|

. . .

ภควโต เอตมตฺถํ อาโรเจสุํ. ทฺเวมา ภิกฺขเว วสฺสูปนายิกา ปุริมิกา ปจฺฉิมิกา. อปรชฺชุคตาย อาสาฬฺหิยา ปุริมิกา อุปคนฺตพฺพา มาสคตาย อาสาฬฺหิยา ปจฺฉิมิกา อุปคนฺตพฺพา

idha pana bhikkhave bhikkhu mūlāya paṭikassanāraho hoti. so ce bhikkhūnaṃ santike dūtaṃ pahiṇeyya, ahaṃ hi mūlāya paṭikassanāraho, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, mūlāya paṭikassanaṃ ussukkaṃ karissāmi vā, anussāvessāmi vā, gaṇapūrako vā bhavissāmīti. sattāhaṃ sannivaṭṭo kātabbo. |7|

. . .

อิมา โข ภิกฺขเว ทฺเว วสฺสูปนายิกาติ. (วสฺสูปนายิกานุชานนา นิฏฺฐิตา.)

idha pana bhikkhave bhikkhu mānattāraho hoti. so ce bhikkhūnaṃ santike dūtaṃ pahiṇeyya, ahaṃ hi mānattāraho, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, mānattadānaṃ ussukkaṃ karissāmi vā, anussāvessāmi vā, gaṇapūrako vā bhavissāmīti. sattāhaṃ sannivaṭṭo kātabbo. |8|

. . .

(๑๐๘. วสฺสาเน จาริกาปฏิกฺเขปาทิ) ๑๘๕. เตน โข ปน สมเยน ฉพฺพคฺคิยา ภิกฺขู วสฺสํ อุปคนฺตฺวา อนฺตราวสฺสํ จาริกํ จรนฺติ. มนุสฺสา ตเถว อุชฺฌายนฺติ ขิยฺยนฺติ วิปาเจนฺติ “กถญฺหิ นาม สมณา สกฺยปุตฺติยา เหมนฺตมฺปิ คิมฺหมฺปิ วสฺสมฺปิ จาริกํ จริสฺสนฺติ หริตานิ ติณานิ สมฺมทฺทนฺตา เอกินฺทฺริยํ ชีวํ วิเหเฐนฺตา พหู ขุทฺทเก ปาเณ สงฺฆาตํ อาปาเทนฺตา. อิเม หิ นาม อญฺญติตฺถิยา ทุรกฺขาตธมฺมา วสฺสาวาสํ อลฺลียิสฺสนฺติ สงฺกสายิสฺสนฺติ. อิเม หิ นาม สกุนฺตกา รุกฺขคฺเคสุ กุลาวกานิ กริตฺวา วสฺสาวาสํ อลฺลียิสฺสนฺติ สงฺกสายิสฺสนฺติ. อิเม ปน สมณา สกฺยปุตฺติยา เหมนฺตมฺปิ คิมฺหมฺปิ วสฺสมฺปิ จาริกํ จรนฺติ หริตานิ ติณานิ สมฺมทฺทนฺตา เอกินฺทฺริยํ ชีวํ วิเหเฐนฺตา พหู ขุทฺทเก ปาเณ สงฺฆาตํ อาปาเทนฺตา”ติ.

idha pana bhikkhave bhikkhu abbhānāraho hoti. so ce bhikkhūnaṃ santike dūtaṃ pahiṇeyya, ahaṃ hi abbhānāraho, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, abbhānaṃ ussukkaṃ karissāmi vā, anussāvessāmi vā, gaṇapūrako vā bhavissāmīti. sattāhaṃ sannivaṭṭo kātabbo. |9|

. . .

อสฺโสสุํ โข ภิกฺขู เตสํ มนุสฺสานํ อุชฺฌายนฺตานํ ขิยฺยนฺตานํ วิปาเจนฺตานํ. เย เต ภิกฺขู อปฺปิจฺฉาฯเปฯ เต อุชฺฌายนฺติ ขิยฺยนฺติ วิปาเจนฺติ “กถญฺหิ นาม ฉพฺพคฺคิยา ภิกฺขู วสฺสํ อุปคนฺตฺวา อนฺตราวสฺสํ จาริกํ จริสฺสนฺตี”ติ? อถ โข เต ภิกฺขู ภควโต เอตมตฺถํ อาโรเจสุํ.

idha pana bhikkhave bhikkhussa saṃgho kammaṃ kattukāmo hoti tajjaniyaṃ vā nissayaṃ vā pabbājaniyaṃ vā paṭisāraṇiyaṃ vā ukkhepaniyaṃ vā. so ce bhikkhūnaṃ santike dūtaṃ pahiṇeyya, saṃgho me kammaṃ kattukāmo, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, kin ti (144) nu kho saṃgho kammaṃ na kareyya lahukāya vā pariṇāmeyyā ’ti. sattāham sannivaṭṭo kātabbo. |10|

. . .

อถ โข ภควา เอตสฺมึ นิทาเน เอตสฺมึ ปกรเณ ธมฺมึ กถํ กตฺวา ภิกฺขู อามนฺเตสิ “น ภิกฺขเว วสฺสํ อุปคนฺตฺวา ปุริมํ วา เตมาสํ ปจฺฉิมํ วา เตมาสํ อวสิตฺวา จาริกา ปกฺกมิตพฺพา. โย ปกฺกเมยฺย อาปตฺติ ทุกฺกฏสฺสา”ติ.

kataṃ vā pan’ assa hoti saṃghena kammaṃ tajjaniyaṃ vā ...ukkhepaniyaṃ vā. so ce bhikkhūnaṃ santike dūtaṃ pahiṇeyya, saṃgho me kammaṃ akāsi, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, kin ti nu kho sammāvatteyya lomaṃ pāteyya netthāraṃ vatteyya, saṃgho taṃ kammaṃ paṭippassambheyyā ’ti. sattāhaṃ sannivaṭṭo kātabbo. |11|

. . .

๑๘๖. เตน โข ปน สมเยน ฉพฺพคฺคิยา ภิกฺขู น อิจฺฉนฺติ วสฺสํ อุปคนฺตุํ. ภควโต เอตมตฺถํ อาโรเจสุํ.

idha pana bhikkhave bhikkhunī gilānā hoti. sā ce bhikkhūnaṃ santike dūtaṃ pahiṇeyya, ahaṃ hi gilānā, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, {pucchissāmi} vā, upaṭṭhahissāmi vā ’ti. sattāhaṃ sannivaṭṭo kātabbo. |12|

. . .

น ภิกฺขเว วสฺสํ น อุปคนฺตพฺพํ. โย น อุปคจฺเฉยฺย อาปตฺติ ทุกฺกฏสฺสาติ. เตน โข ปน สมเยน ฉพฺพคฺคิยา ภิกฺขู ตทหุ วสฺสูปนายิกาย วสฺสํ อนุปคนฺตุกามา สญฺจิจฺจ อาวาสํ อติกฺกมนฺติ.

idha pana bhikkhave bhikkhuniyā anabhirati uppannā hoti. sā ce bhikkhūnaṃ santike dūtaṃ pahiṇeyya, anabhirati me uppannā, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, anabhiratiṃ vūpakāsessāmi vā vūpakāsāpessāmi vā dhammakathaṃ vāssā karissāmīti. sattāhaṃ sannivaṭṭo kātabbo. |13|

. . .

ภควโต เอตมตฺถํ อาโรเจสุํ. น ภิกฺขเว ตทหุ วสฺสูปนายิกาย วสฺสํ อนุปคนฺตุกาเมน สญฺจิจฺจ อาวาโส อติกฺกมิตพฺโพ. โย อติกฺกเมยฺย อาปตฺติ ทุกฺกฏสฺสาติ.

idha pana bhikkhave bhikkhuniyā kukkuccaṃ uppannaṃ hoti. sā ce bhikkhūnaṃ santike dūtaṃ pahiṇeyya, kukkuccaṃ me uppannaṃ, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, kukkuccaṃ vinodessāmi vā vinodāpessāmi vā dhammakathaṃ vāssā karissāmīti. sattāhaṃ sannivaṭṭo kātabbo. |14|

. . .

เตน โข ปน สมเยน ราชา มาคโธ เสนิโย พิมฺพิสาโร วสฺสํ อุกฺกฑฺฒิตุกาโม ภิกฺขูนํ สนฺติเก ทูตํ ปาเหสิ ยทิ ปนายฺยา อาคเม ชุณฺเห วสฺสํ อุปคจฺเฉยฺยุนฺติ. ภควโต เอตมตฺถํ อาโรเจสุํ. อนุชานามิ ภิกฺขเว ราชูนํ อนุวตฺติตุนฺติ. (วสฺสาเน จาริกาปฏิกฺเขปาทิ นิฏฺฐิตา.)

idha pana bhikkhave bhikkhuniyā diṭṭhigataṃ uppannaṃ hoti. sā ce bhikkhūnaṃ santike dūtaṃ pahiṇeyya, diṭṭhigataṃ me uppannaṃ, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, diṭṭhigataṃ vivecessāmi vā vivecāpessāmi vā dhammakathaṃ vāssā karissāmīti. sattāhaṃ sannivaṭṭo kātabbo. |15|

. . .

(๑๐๙. สตฺตาหกรณียานุชานนา) ๑๘๗. อถ โข ภควา ราชคเห ยถาภิรนฺตํ วิหริตฺวา เยน สาวตฺถิ เตน จาริกํ ปกฺกามิ. อนุปุพฺเพน จาริกํ จรมาโน เยน สาวตฺถิ ตทวสริ.

idha pana bhikkhave bhikkhunī garudhammaṃ ajjhāpannā hoti mānattārahā. sā ce bhikkhūnaṃ santike dūtaṃ pahiṇeyya, ahaṃ hi (145) garudhammaṃ ajjhāpannā mānattārahā, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, mānattadānaṃ ussukkaṃ karissāmīti. sattāhaṃ sannivaṭṭo kātabbo. |16|

. . .

ตตฺร สุทํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเม. เตน โข ปน สมเยน โกสเลสุ ชนปเท อุเทเนน อุปาสเกน สงฺฆํ อุทฺทิสฺส วิหาโร การาปิโต โหติ. โส ภิกฺขูนํ สนฺติเก ทูตํ ปาเหสิ “อาคจฺฉนฺตุ ภทนฺตา อิจฺฉามิ ทานญฺจ ทาตุํ ธมฺมญฺจ โสตุํ ภิกฺขู จ ปสฺสิตุ”นฺติ.

idha pana bhikkhave bhikkhunī mūlāya paṭikassanārahā hoti. sā ce bhikkhūnaṃ santike dūtaṃ pahiṇeyya, ahaṃ hi mūlāya paṭikassanārahā, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, mūlāya paṭikassanaṃ ussukkaṃ karissāmīti. sattāhaṃ sannivaṭṭo kātabbo. |17|

. . .

ภิกฺขู เอวมาหํสุ “ภควตา อาวุโส ปญฺญตฺตํ ‘น วสฺสํ อุปคนฺตฺวา ปุริมํ วา เตมาสํ ปจฺฉิมํ วา เตมาสํ อวสิตฺวา จาริกา ปกฺกมิตพฺพา’ติ. อาคเมตุ อุเทโน อุปาสโก ยาว ภิกฺขู วสฺสํ วสนฺติ. วสฺสํวุฏฺฐา อาคมิสฺสนฺติ. สเจ ปนสฺส อจฺจายิกํ กรณียํ ตตฺเถว อาวาสิกานํ ภิกฺขูนํ สนฺติเก วิหารํ ปติฏฺฐาเปตู”ติ.

idha pana bhikkhave bhikkhunī abbhānārahā hoti. sā ce bhikkhūnaṃ santike dūtaṃ pahiṇeyya, ahaṃ hi abbhānārahā, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, abbhānaṃ ussukkaṃ karissāmīti. sattāhaṃ sannivaṭṭo kātabbo. |18|

. . .

อุเทโน อุปาสโก อุชฺฌายติ ขิยฺยติ วิปาเจติ “กถญฺหิ นาม ภทนฺตา มยา ปหิเต น อาคจฺฉิสฺสนฺติ. อหญฺหิ ทายโก การโก สงฺฆุปฏฺฐาโก”ติ. อสฺโสสุํ โข ภิกฺขู อุเทนสฺส อุปาสกสฺส อุชฺฌายนฺตสฺส ขิยฺยนฺตสฺส วิปาเจนฺตสฺส. อถ โข เต ภิกฺขู ภควโต เอตมตฺถํ อาโรเจสุํ.

idha pana bhikkhave bhikkhuniyā saṃgho kammaṃ kattukāmo hoti tajjaniyaṃ vā nissayaṃ vā pabbājaniyaṃ vā paṭisāraṇiyaṃ vā ukkhepaniyaṃ vā. sā ce bhikkhūnaṃ santike dūtaṃ pahiṇeyya, saṃgho me kammaṃ kattukāmo, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, kin ti nu kho saṃgho kammaṃ na kareyya lahukāya vā pariṇāmeyyā ’ti. sattāhaṃ sannivaṭṭo kātabbo. |19|

. . .

อถ โข ภควา เอตสฺมึ นิทาเน เอตสฺมึ ปกรเณ ธมฺมึ กถํ กตฺวา ภิกฺขู อามนฺเตสิ “อนุชานามิ ภิกฺขเว สตฺตนฺนํ สตฺตาหกรณีเยน ปหิเต คนฺตุํ น ตฺเวว อปฺปหิเต. ภิกฺขุสฺส ภิกฺขุนิยา สิกฺขมานาย สามเณรสฺส สามเณริยา อุปาสกสฺส อุปาสิกาย อนุชานามิ ภิกฺขเว อิเมสํ สตฺตนฺนํ สตฺตาหกรณีเยน ปหิเต คนฺตุํ น ตฺเวว อปฺปหิเต. สตฺตาหํ สนฺนิวตฺโต กาตพฺโพ”.

kataṃ vā pan’ assā hoti saṃghena kammaṃ tajjaniyaṃ vā ...ukkhepaniyaṃ vā. sā ce bhikkhūnaṃ santike dūtaṃ pahiṇeyya, saṃgho me kammaṃ akāsi, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, kin ti nu kho sammāvatteyya lomaṃ pāteyya netthāraṃ vatteyya, saṃgho taṃ kammaṃ paṭippassambheyyā ’ti. sattāhaṃ sannivaṭṭo kātabbo. |20|

. . .

๑๘๘. อิธ ปน ภิกฺขเว อุปาสเกน สงฺฆํ อุทฺทิสฺส วิหาโร การาปิโต โหติ. โส เจ ภิกฺขูนํ สนฺติเก ทูตํ ปหิเณยฺย “อาคจฺฉนฺตุ ภทนฺตา อิจฺฉามิ ทานญฺจ ทาตุํ ธมฺมญฺจ โสตุํ ภิกฺขู จ ปสฺสิตุ”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต. สตฺตาหํ สนฺนิวตฺโต กาตพฺโพ.

idha pana bhikkhave sikkhamānā gilānā hoti. sā ce bhikkhūnaṃ santike dūtaṃ pahiṇeyya, ahaṃ hi gilānā, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena apahite pi, pag eva pahite, gilānabhattaṃ vā pariyesissāmi gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā, upaṭṭhahissāmi vā ’ti. sattāhaṃ sannivaṭṭo kātabbo. |21|

. . .

อิธ ปน ภิกฺขเว อุปาสเกน สงฺฆํ อุทฺทิสฺส อฑฺฒโยโค การาปิโต โหติฯเปฯ ปาสาโท การาปิโต โหติ… หมฺมิยํ การาปิตํ โหติ… คุหา การาปิตา โหติ… ปริเวณํ การาปิตํ โหติ… โกฏฺฐโก การาปิโต โหติ… อุปฏฺฐานสาลา การาปิตา โหติ… อคฺคิสาลา การาปิตา โหติ… กปฺปิยกุฏิ การาปิตา โหติ… วจฺจกุฏิ การาปิตา โหติ… จงฺกโม การาปิโต โหติ จงฺกมนสาลา การาปิตา โหติ… อุทปาโน การาปิโต โหติ … อุทปานสาลา การาปิตา โหติ… ชนฺตาฆรํ การาปิตํ โหติ… ชนฺตาฆรสาลา การาปิตา โหติ… โปกฺขรณี การาปิตา โหติ… มณฺฑโป การาปิโต โหติ… อาราโม การาปิโต โหติ… อารามวตฺถุ การาปิตํ โหติ. โส เจ ภิกฺขูนํ สนฺติเก ทูตํ ปหิเณยฺย “อาคจฺฉนฺตุ ภทนฺตา อิจฺฉามิ ทานญฺจ ทาตุํ ธมฺมญฺจ โสตุํ ภิกฺขู จ ปสฺสิตุ”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต.

idha pana bhikkhave sikkha-(146)mānāya anabhirati uppannā hoti --la-- sikkhamānāya kukkuccaṃ uppannaṃ hoti, sikkhamānāya diṭṭhigataṃ uppannaṃ hoti, {sikkhamānāya} sikkhā kupitā hoti. sā ce bhikkhūnaṃ santike dūtaṃ pahiṇeyya, sikkhā me kupitā, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, sikkhāsamādānaṃ ussukkaṃ karissāmīti. sattāhaṃ sannivaṭṭo kātabbo. |22|

. . .

สตฺตาหํ สนฺนิวตฺโต กาตพฺโพ. อิธ ปน ภิกฺขเว อุปาสเกน สมฺพหุเล ภิกฺขู อุทฺทิสฺสฯเปฯ เอกํ ภิกฺขุํ อุทฺทิสฺส วิหาโร การาปิโต โหติ… อฑฺฒโยโค การาปิโต โหติ… ปาสาโท การาปิโต โหติ หมฺมิยํ การาปิตํ โหติ… คุหา การาปิตา โหติ… ปริเวณํ การาปิตํ โหติ… โกฏฺฐโก การาปิโต โหติ… อุปฏฺฐานสาลา การาปิตา โหติ… อคฺคิสาลา การาปิตา โหติ… กปฺปิยกุฏิ การาปิตา โหติ… วจฺจกุฏิ การาปิตา โหติ… จงฺกโม การาปิโต โหติ… จงฺกมนสาลา การาปิตา โหติ… อุทปาโน การาปิโต โหติ… อุทปานสาลา การาปิตา โหติ… ชนฺตาฆรํ การาปิตํ โหติ… ชนฺตาฆรสาลา การาปิตา โหติ… โปกฺขรณี การาปิตา โหติ… มณฺฑโป การาปิโต โหติ… อาราโม การาปิโต โหติ… อารามวตฺถุ การาปิตํ โหติ. โส เจ ภิกฺขูนํ สนฺติเก ทูตํ ปหิเณยฺย “อาคจฺฉนฺตุ ภทนฺตา อิจฺฉามิ ทานญฺจ ทาตุํ ธมฺมญฺจ โสตุํ ภิกฺขู จ ปสฺสิตุ”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต. สตฺตาหํ สนฺนิวตฺโต กาตพฺโพ.

idha pana bhikkhave sikkhamānā upasampajjitukāmā hoti. sā ce bhikkhūnaṃ santike dūtaṃ pahiṇeyya, ahaṃ hi upasampajjitukāmā, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, upasampadaṃ ussukkaṃ karissāmi vā, anussāvessāmi vā, gaṇapūrako vā bhavissāmīti. sattāhaṃ sannivaṭṭo kātabbo. |23|

. . .

อิธ ปน ภิกฺขเว อุปาสเกน ภิกฺขุนิสงฺฆํ อุทฺทิสฺสฯเปฯ สมฺพหุลา ภิกฺขุนิโย อุทฺทิสฺสฯเปฯ เอกํ ภิกฺขุนึ อุทฺทิสฺสฯเปฯ สมฺพหุลา สิกฺขมานาโย อุทฺทิสฺสฯเปฯ เอกํ สิกฺขมานํ อุทฺทิสฺสฯเปฯ สมฺพหุเล สามเณเร อุทฺทิสฺสฯเปฯ เอกํ สามเณรํ อุทฺทิสฺสฯเปฯ สมฺพหุลา สามเณริโย อุทฺทิสฺสฯเปฯ เอกํ สามเณรึ อุทฺทิสฺส วิหาโร การาปิโต โหติฯเปฯ อฑฺฒโยโค การาปิโต โหติ… ปาสาโท การาปิโต โหติ… หมฺมิยํ การาปิตํ โหติ… คุหา การาปิตา โหติ… ปริเวณํ การาปิตํ โหติ… โกฏฺฐโก การาปิโต โหติ… อุปฏฺฐานสาลา การาปิตา โหติ… อคฺคิสาลา การาปิตา โหติ กปฺปิยกุฏิ การาปิตา โหติ… จงฺกโม การาปิโต โหติ… จงฺกมนสาลา การาปิตา โหติ… อุทปาโน การาปิโต โหติ… อุทปานสาลา การาปิตา โหติ… โปกฺขรณี การาปิตา โหติ… มณฺฑโป การาปิโต โหติ… อาราโม การาปิโต โหติ… อารามวตฺถุ การาปิตํ โหติ. โส เจ ภิกฺขูนํ สนฺติเก ทูตํ ปหิเณยฺย “อาคจฺฉนฺตุ ภทนฺตา อิจฺฉามิ ทานญฺจ ทาตุํ ธมฺมญฺจ โสตุํ ภิกฺขู จ ปสฺสิตุ”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต.

idha pana bhikkhave sāmaṇero gilāno hoti. so ce bhikkhūnaṃ santike dūtaṃ pahiṇeyya, ahaṃ hi gilāno, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā, upaṭṭhahissāmi vā ’ti. sattāhaṃ sannivaṭṭo kātabbo. |24|

. . .

สตฺตาหํ สนฺนิวตฺโต กาตพฺโพ. ๑๘๙. อิธ ปน ภิกฺขเว อุปาสเกน อตฺตโน อตฺถาย นิเวสนํ การาปิตํ โหติฯเปฯ สยนิฆรํ การาปิตํ โหติ… อุโทสิโต การาปิโต โหติ… อฏฺโฏ การาปิโต โหติ… มาโฬ การาปิโต โหติ… อาปโณ การาปิโต โหติ… อาปณสาลา การาปิตา โหติ… ปาสาโท การาปิโต โหติ… หมฺมิยํ การาปิตํ โหติ… คุหา การาปิตา โหติ… ปริเวณํ การาปิตํ โหติ… โกฏฺฐโก การาปิโต โหติ… อุปฏฺฐานสาลา การาปิตา โหติ… อคฺคิสาลา การาปิตา โหติ… รสวตี การาปิตา โหติ… จงฺกโม การาปิโต โหติ… จงฺกมนสาลา การาปิตา โหติ… อุทปาโน การาปิโต โหติ… อุทปานสาลา การาปิตา โหติ… โปกฺขรณี การาปิตา โหติ… มณฺฑโป การาปิโต โหติ… อาราโม การาปิโต โหติ อารามวตฺถุ การาปิตํ โหติ… ปุตฺตสฺส วา วาเรยฺยํ โหติ… ธีตุยา วา วาเรยฺยํ โหติ… คิลาโน วา โหติ… อภิญฺญาตํ วา สุตฺตนฺตํ ภณติ. โส เจ ภิกฺขูนํ สนฺติเก ทูตํ ปหิเณยฺย ‘อาคจฺฉนฺตุ ภทนฺตา อิมํ สุตฺตนฺตํ ปริยาปุณิสฺสนฺติ ปุรายํ สุตฺตนฺโต น ปลุชฺชตี’ติ.

idha pana bhikkhave sāmaṇerassa anabhirati uppannā hoti --la-- sāmaṇerassa kukkuccaṃ uppannaṃ hoti, sāmaṇerassa diṭṭhigataṃ uppannaṃ hoti, sāmaṇero vassaṃ pucchitukāmo hoti, so ce bhikkhūnaṃ santike dūtaṃ pahiṇeyya, ahaṃ hi vassaṃ pucchitukāmo, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, pucchissāmi vā ācikkhissāmi vā ’ti. sattāhaṃ sannivaṭṭo kātabbo. |25|

. .

อญฺญตรํ วา ปนสฺส กิจฺจํ โหติ กรณียํ วา โส เจ ภิกฺขูนํ สนฺติเก ทูตํ ปหิเณยฺย “อาคจฺฉนฺตุ ภทนฺตา อิจฺฉามิ ทานญฺจ ทาตุํ ธมฺมญฺจ โสตุํ ภิกฺขู จ ปสฺสิตุ”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต.

idha pana bhikkhave sāmaṇero upasampajjitukāmo hoti. so ce bhikkhūnaṃ santike dūtaṃ pahiṇeyya, ahaṃ hi upasampajjitukāmo, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, upasampadaṃ ussukkaṃ karissāmi vā, anussāvessāmi vā, gaṇapūrako vā bhavissāmīti. sattāhaṃ sannivaṭṭo kātabbo. |26|

. . .

สตฺตาหํ สนฺนิวตฺโต กาตพฺโพ. ๑๙๐. อิธ ปน ภิกฺขเว อุปาสิกาย สงฺฆํ อุทฺทิสฺส วิหาโร การาปิโต โหติ. สา เจ ภิกฺขูนํ สนฺติเก ทูตํ ปหิเณยฺย “อาคจฺฉนฺตุ อยฺยา อิจฺฉามิ ทานญฺจ ทาตุํ ธมฺมญฺจ โสตุํ ภิกฺขู จ ปสฺสิตุ”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต.

idha pana bhikkhave sāmaṇerī gilānā hoti. sā ce bhikkhūnaṃ santike dūtaṃ pahiṇeyya, ahaṃ hi gilānā, āgacchantu ayyā, icchāmi ayyānaṃ āgatan (147) ti, gantabbaṃ bhikkhave sattāhakaraṇīyena appahite pi, pag eva pahite, gilānabhattaṃ vā pariyesissāmi, gilānupaṭṭhākabhattaṃ vā pariyesissāmi, gilānabhesajjaṃ vā pariyesissāmi, pucchissāmi vā, upaṭṭhahissāmi vā ’ti. sattāhaṃ sannivaṭṭo kātabbo. |27|

. . .

สตฺตาหํ สนฺนิวตฺโต กาตพฺโพ. อิธ ปน ภิกฺขเว อุปาสิกาย สงฺฆํ อุทฺทิสฺส อฑฺฒโยโค การาปิโต โหติฯเปฯ ปาสาโท การาปิโต โหติ… หมฺมิยํ การาปิตํ โหติ… คุหา การาปิตา โหติ… ปริเวณํ การาปิตํ โหติ… โกฏฺฐโก การาปิโต โหติ… อุปฏฺฐานสาลา การาปิตา โหติ… อคฺคิสาลา การาปิตา โหติ… กปฺปิยกุฏิ การาปิตา โหติ… วจฺจกุฏิ การาปิตา โหติ… จงฺกโม การาปิโต โหติ… จงฺกมนสาลา การาปิตา โหติ… อุทปาโน การาปิโต โหติ… อุทปานสาลา การาปิตา โหติ… ชนฺตาฆรํ การาปิตํ โหติ… ชนฺตาฆรสาลา การาปิตา โหติ… โปกฺขรณี การาปิตา โหติ… มณฺฑโป การาปิโต โหติ… อาราโม การาปิโต โหติ… อารามวตฺถุ การาปิตํ โหติ. สา เจ ภิกฺขูนํ สนฺติเก ทูตํ ปหิเณยฺย “อาคจฺฉนฺตุ อยฺยา อิจฺฉามิ ทานญฺจ ทาตุํ ธมฺมญฺจ โสตุํ ภิกฺขู จ ปสฺสิตุ”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต. สตฺตาหํ สนฺนิวตฺโต กาตพฺโพ. อิธ ปน ภิกฺขเว อุปาสิกาย สมฺพหุเล ภิกฺขู อุทฺทิสฺสฯเปฯ เอกํ ภิกฺขุํ อุทฺทิสฺสฯเปฯ ภิกฺขุนิสงฺฆํ อุทฺทิสฺสฯเปฯ สมฺพหุลา ภิกฺขุนิโย อุทฺทิสฺสฯเปฯ เอกํ ภิกฺขุนึ อุทฺทิสฺสฯเปฯ สมฺพหุลา สิกฺขมานาโย อุทฺทิสฺสฯเปฯ เอกํ สิกฺขมานํ อุทฺทิสฺสฯเปฯ สมฺพหุเล สามเณเร อุทฺทิสฺสฯเปฯ เอกํ สามเณรํ อุทฺทิสฺสฯเปฯ สมฺพหุลา สามเณริโย อุทฺทิสฺสฯเปฯ เอกํ สามเณรึ อุทฺทิสฺสฯเปฯ. ๑๙๑. อิธ ปน ภิกฺขเว อุปาสิกาย อตฺตโน อตฺถาย นิเวสนํ การาปิตํ โหติฯเปฯ สยนิฆรํ การาปิตํ โหติ… อุโทสิโต การาปิโต โหติ… อฏฺโฏ การาปิโต โหติ… มาโฬ การาปิโต โหติ… อาปโณ การาปิโต โหติ… อาปณสาลา การาปิตา โหติ… ปาสาโท การาปิโต โหติ… หมฺมิยํ การาปิตํ โหติ… คุหา การาปิตา โหติ… ปริเวณํ การาปิตํ โหติ… โกฏฺฐโก การาปิโต โหติ… อุปฏฺฐานสาลา การาปิตา โหติ… อคฺคิสาลา การาปิตา โหติ… รสวตี การาปิตา โหติ… จงฺกโม การาปิโต โหติ… จงฺกมนสาลา การาปิตา โหติ… อุทปาโน การาปิโต โหติ อุทปานสาลา การาปิตา โหติ… โปกฺขรณี การาปิตา โหติ… มณฺฑโป การาปิโต โหติ… อาราโม การาปิโต โหติ… อารามวตฺถุ การาปิตํ โหติ… ปุตฺตสฺส วา วาเรยฺยํ โหติ… ธีตุยา วา วาเรยฺยํ โหติ… คิลานา วา โหติ… อภิญฺญาตํ วา สุตฺตนฺตํ ภณติ.

idha pana bhikkhave sāmaṇeriyā anabhirati uppannā hoti --la-- sāmaṇeriyā kukkuccaṃ uppannaṃ hoti, sāmaṇeriyā diṭṭhigataṃ uppannaṃ hoti, sāmaṇerī vassaṃ pucchitukāmā hoti. sā ce bhikkhūnaṃ santike dūtaṃ pahiṇeyya, ahaṃ hi vassaṃ pucchitukāmā, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, pucchissāmi vā ācikkhissāmi vā ’ti. sattāhaṃ sannivaṭṭo kātabbo. |28|

. . .

สา เจ ภิกฺขูนํ สนฺติเก ทูตํ ปหิเณยฺย “อาคจฺฉนฺตุ อยฺยา อิมํ สุตฺตนฺตํ ปริยาปุณิสฺสนฺติ ปุรายํ สุตฺตนฺโต ปลุชฺชตี”ติ. อญฺญตรํ วา ปนสฺสา กิจฺจํ โหติ กรณียํ วา สา เจ ภิกฺขูนํ สนฺติเก ทูตํ ปหิเณยฺย “อาคจฺฉนฺตุ อยฺยา อิจฺฉามิ ทานญฺจ ทาตุํ ธมฺมญฺจ โสตุํ ภิกฺขู จ ปสฺสิตุ”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต.

idha pana bhikkhave sāmaṇerī sikkhaṃ samādiyitukāmā hoti. sā ce bhikkhūnaṃ santike dūtaṃ pahiṇeyya, ahaṃ hi sikkhaṃ samādiyitukāmā, āgacchantu ayyā, icchāmi ayyānaṃ āgatan ti, gantabbaṃ bhikkhave sattāhakaraṇīyena appahite pi, pag eva pahite, sikkhāsamādānaṃ ussukkaṃ karissāmīti. sattāhaṃ sannivaṭṭo kātabbo ’ti. |29|

. . .

สตฺตาหํ สนฺนิวตฺโต กาตพฺโพ. ๑๙๒. อิธ ปน ภิกฺขเว ภิกฺขุนา สงฺฆํ อุทฺทิสฺสฯเปฯ ภิกฺขุนิยา สงฺฆํ อุทฺทิสฺส… สิกฺขมานาย สงฺฆํ อุทฺทิสฺส… สามเณเรน สงฺฆํ อุทฺทิสฺส… สามเณริยา สงฺฆํ อุทฺทิสฺส … สมฺพหุเล ภิกฺขู อุทฺทิสฺส… เอกํ ภิกฺขุํ อุทฺทิสฺส… ภิกฺขุนิสงฺฆํ อุทฺทิสฺส… สมฺพหุลา ภิกฺขุนิโย อุทฺทิสฺส… เอกํ ภิกฺขุนึ อุทฺทิสฺส… สมฺพหุลา สิกฺขมานาโย อุทฺทิสฺส… เอกํ สิกฺขมานํ อุทฺทิสฺส… สมฺพหุเล สามเณเร อุทฺทิสฺส… เอกํ สามเณรํ อุทฺทิสฺส… สมฺพหุลา สามเณริโย อุทฺทิสฺส… เอกํ สามเณรึ อุทฺทิสฺส… อตฺตโน อตฺถาย วิหาโร การาปิโต โหติฯเปฯ อฑฺฒโยโค การาปิโต โหติ… ปาสาโท การาปิโต โหติ… หมฺมิยํ การาปิตํ โหติ… คุหา การาปิตา โหติ… ปริเวณํ การาปิตํ โหติ โกฏฺฐโก การาปิโต โหติ… อุปฏฺฐานสาลา การาปิตา โหติ… อคฺคิสาลา การาปิตา โหติ… กปฺปิยกุฏิ การาปิตา โหติ… จงฺกโม การาปิโต โหติ… จงฺกมนสาลา การาปิตา โหติ… อุทปาโน การาปิโต โหติ… อุทปานสาลา การาปิตา โหติ… โปกฺขรณี การาปิตา โหติ… มณฺฑโป การาปิโต โหติ… อาราโม การาปิโต โหติ… อารามวตฺถุ การาปิตํ โหติ. สา เจ ภิกฺขูนํ สนฺติเก ทูตํ ปหิเณยฺย… “อาคจฺฉนฺตุ อยฺยา อิจฺฉามิ ทานญฺจ ทาตุํ ธมฺมญฺจ โสตุํ ภิกฺขู จ ปสฺสิตุ”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต.

||6||

สตฺตาหํ สนฺนิวตฺโต กาตพฺโพติ. (สตฺตาหกรณียานุชานตา นิฏฺฐิตา.)

tena kho pana samayena aññatarassa bhikkhuno mātā gilānā hoti. sā puttassa santike dūtaṃ pāhesi, ahaṃ hi gilānā, āgacchatu me putto, icchāmi puttassa āgatan ti. atha kho tassa bhikkhuno etad ahosi: bhagavatā paññattaṃ sattannaṃ sattāhakaraṇīyena pahite gantuṃ, na tv eva appahite, pañcannaṃ sattāhakaraṇīyena appahite pi gantuṃ, pag eva pahite, ayañ ca me mātā gilānā sā ca anupāsikā. kathaṃ nu kho mayā paṭipajjitabban ti. bhagavato etam atthaṃ ārocesuṃ. |1|

. . . . .

(๑๑๐. ปญฺจนฺนํ อปฺปหิเตปิ อนุชานนา) ๑๙๓. เตน โข ปน สมเยน อญฺญตโร ภิกฺขุ คิลาโน โหติ. โส ภิกฺขูนํ สนฺติเก ทูตํ ปาเหสิ “อหญฺหิ คิลาโน อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ. ภควโต เอตมตฺถํ อาโรเจสุํ.

anujānāmi bhikkhave sattannaṃ sattāhakaraṇīyena appahite pi gantuṃ, pag eva pahite, bhikkhussa bhikkhuniyā sikkhamānāya sāmaṇerassa sāmaṇeriyā mātuyā ca pitussa ca. anujānāmi bhikkhave imesaṃ {sattannaṃ} sattāhakaraṇīyena appahite pi gantuṃ, pag eva pahite. sattāhaṃ sannivaṭṭo kātabbo. |2|

. . .

อนุชานามิ ภิกฺขเว ปญฺจนฺนํ สตฺตาหกรณีเยน อปฺปหิเตปิ คนฺตุํ ปเคว ปหิเต. ภิกฺขุสฺส ภิกฺขุนิยา สิกฺขมานาย สามเณรสฺส สามเณริยา อ นุชานามิ ภิกฺขเว อิเมสํ ปญฺจนฺนํ สตฺตาหกรณีเยน อปฺปหิเตปิ คนฺตุํ ปเคว ปหิเต. สตฺตาหํ สนฺนิวตฺโต กาตพฺโพ.

idha pana bhikkhave bhikkhussa mātā gilānā hoti. sā ce puttassa santike dūtaṃ pahiṇeyya, ahaṃ hi gilānā, āgacchatu me putto, icchāmi puttassa āgatan ti, gantabbaṃ ...(= III.6.2) ...sattāhaṃ sannivaṭṭo kātabbo. |3|

. .

อิธ ปน ภิกฺขเว ภิกฺขุ คิลาโน โหติ. โส เจ ภิกฺขูนํ สนฺติเก ทูตํ ปหิเณยฺย “อหญฺหิ คิลาโน อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “คิลานภตฺตํ วา ปริเยสิสฺสามิ คิลานุปฏฺฐากภตฺตํ วา ปริเยสิสฺสามิ คิลานเภสชฺชํ วา ปริเยสิสฺสามิ ปุจฺฉิสฺสามิ วา อุปฏฺฐหิสฺสามิ วา”ติ.

idha pana bhikkhave bhi-(148)kkhussa pitā gilāno hoti. so ce puttassa santike dūtaṃ pahiṇeyya, ahaṃ hi gilāno, āgacchatu me putto, icchāmi puttassa āgatan ti, gantabbaṃ ...(= III.6.2) ...sattāhaṃ sannivaṭṭo kātabbo. |4|

. .

สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุสฺส อนภิรติ อุปฺปนฺนา โหติ.

idha pana bhikkhave bhikkhussa bhātā gilāno hoti. so ce bhātuno santike dūtaṃ pahiṇeyya, ahaṃ hi gilāno, āgacchatu me bhātā, icchāmi bhātuno āgatan ti, gantabbaṃ bhikkhave sattāhakaraṇīyena pahite, na tv eva appahite. sattāhaṃ sannivaṭṭo kātabbo. |5|

. . .

โส เจ ภิกฺขูนํ สนฺติเก ทูตํ ปหิเณยฺย “อนภิรติ เม อุปฺปนฺนา อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “อนภิรตํ วูปกาเสสฺสามิ วา วูปกาสาเปสฺสามิ วา ธมฺมกถํ วาสฺส กริสฺสามี”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุสฺส กุกฺกุจฺจํ อุปฺปนฺนํ โหติ.

idha pana bhikkhave bhikkhussa bhaginī gilānā hoti. sā ce bhātuno santike dūtaṃ pahiṇeyya, ahaṃ hi gilānā, āgacchatu ...(= 5) ...sattāhaṃ sannivaṭṭo kātabbo. |6|

. .

โส เจ ภิกฺขูนํ สนฺติเก ทูตํ ปหิเณยฺย “กุกฺกุจฺจํ เม อุปฺปนฺนํ อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “กุกฺกุจฺจํ วิโนเทสฺสามิ วา วิโนทาเปสฺสามิ วา ธมฺมกถํ วาสฺส กริสฺสามี”ติ. สตฺตาหํ สนฺนิวตฺโต กาตพฺโพ.

idha pana bhikkhave bhikkhussa ñātako gilāno hoti. so ce bhikkhussa santike dūtaṃ pahiṇeyya, ahaṃ hi gilāno, āgacchatu bhaddanto, icchāmi bhaddantassa āgatan ti, gantabbaṃ bhikkhave sattāhakaraṇīyena pahite, na tv eva appahite. sattāhaṃ sannivaṭṭo kātabbo. |7|

. . .

อิธ ปน ภิกฺขเว ภิกฺขุสฺส ทิฏฺฐิคตํ อุปฺปนฺนํ โหติ. โส เจ ภิกฺขูนํ สนฺติเก ทูตํ ปหิเณยฺย “ทิฏฺฐิคตํ เม อุปฺปนฺนํ อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “ทิฏฺฐิคตํ วิเวเจสฺสามิ วา วิเวจาเปสฺสามิ วา ธมฺมกถํ วาสฺส กริสฺสามี”ติ. สตฺตาหํ สนฺนิวตฺโต กาตพฺโพ.

idha pana bhikkhave bhikkhugatiko gilāno hoti. so ce bhikkhūnaṃ santike dūtam pahiṇeyya, ahaṃ hi gilāno, āgacchantu bhikkhū, icchāmi bhikkhūnaṃ āgatan ti, gantabbaṃ bhikkhave sattāhakaraṇīyena pahite, na tv eva appahite. sattāhaṃ sannivaṭṭo kātabbo ’ti. |8|

. . .

อิธ ปน ภิกฺขเว ภิกฺขุ ครุธมฺมํ อชฺฌาปนฺโน โหติ ปริวาสารโห. โส เจ ภิกฺขูนํ สนฺติเก ทูตํ ปหิเณยฺย “อหญฺหิ ครุธมฺมํ อชฺฌาปนฺโน ปริวาสารโห อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “ปริวาสทานํ อุสฺสุกฺกํ กริสฺสามิ วา อนุสฺสาเวสฺสามิ วา คณปูรโก วา ภวิสฺสามี”ติ. สตฺตาหํ สนฺนิวตฺโต กาตพฺโพ.

||7||

อิธ ปน ภิกฺขเว ภิกฺขุ มูลาย ปฏิกสฺสนารโห โหติ.

tena kho pana samayena saṃghassa vihāro udriyati. aññatarena upāsakena araññe bhaṇḍaṃ chedāpitaṃ hoti. so bhikkhūnaṃ santike dūtaṃ pāhesi, sace bhaddantā taṃ bhaṇḍaṃ avahareyyuṃ, dajjāhaṃ taṃ bhaṇḍan ti. bhagavato etam atthaṃ ārocesuṃ. anujānāmi bhikkhave saṃghakaraṇīyena gantuṃ. sattāhaṃ sannivaṭṭo kātabbo ’ti. |1|

. . . . . .

โส เจ ภิกฺขูนํ สนฺติเก ทูตํ ปหิเณยฺย “อหญฺหิ มูลาย ปฏิกสฺสนารโห อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “มูลาย ปฏิกสฺสนํ อุสฺสุกฺกํ กริสฺสามิ วา อนุสฺสาเวสฺสามิ วา คณปูรโก วา ภวิสฺสามี”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุ มานตฺตารโห โหติ. โส เจ ภิกฺขูนํ สนฺติเก ทูตํ ปหิเณยฺย “อหญฺหิ มานตฺตารโห อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “มานตฺตทานํ อุสฺสุกฺกํ กริสฺสามิ วา อนุสฺสาเวสฺสามิ วา คณปูรโก วา ภวิสฺสามี”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุ อพฺภานารโห โหติ.

||8||

โส เจ ภิกฺขูนํ สนฺติเก ทูตํ ปหิเณยฺย “อหญฺหิ อพฺภานารโห อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “อพฺภานํ อุสฺสุกฺกํ กริสฺสามิ วา อนุสฺสาเวสฺสามิ วา คณปูรโก วา ภวิสฺสามี”ติ.

vassāvāsabhāṇavāraṃ niṭṭhitaṃ. tena kho pana samayena Kosalesu janapadesu aññatarasmiṃ āvāse vassupagatā bhikkhū vāḷehi ubbāḷhā honti, gaṇhiṃsu pi paripātiṃsu pi. bhagavato etam atthaṃ ārocesuṃ. idha pana bhikkhave vassupagatā bhikkhū vāḷehi ubbāḷhā honti, gaṇhanti pi paripātenti pi. es’ eva antarāyo ’ti pakkamitabbaṃ. anāpatti vassacchedassa. idha pana bhikkhave vassupagatā bhikkhū siriṃsapehi ubbāḷhā honti, ḍasanti pi paripātenti pi. es’ eva ...vassacche (149) dassa. |1|

. . . . . . . .

สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุสฺส สงฺโฆ กมฺมํ กตฺตุกาโม โหติ ตชฺชนียํ วา นิยสฺสํ วา ปพฺพาชนียํ วา ปฏิสารณียํ วา อุกฺเขปนียํ วา. โส เจ ภิกฺขูนํ สนฺติเก ทูตํ ปหิเณยฺย “สงฺโฆ เม กมฺมํ กตฺตุกาโม อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “กินฺติ นุ โข สงฺโฆ กมฺมํ น กเรยฺย ลหุกาย วา ปริณาเมยฺยา”ติ. สตฺตาหํ สนฺนิวตฺโต กาตพฺโพ. กตํ วา ปนสฺส โหติ สงฺเฆน กมฺมํ ตชฺชนียํ วา นิยสฺสํ วา ปพฺพาชนียํ วา ปฏิสารณียํ วา อุกฺเขปนียํ วา. โส เจ ภิกฺขูนํ สนฺติเก ทูตํ ปหิเณยฺย “สงฺโฆ เม กมฺมํ อกาสิ อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “กินฺติ นุ โข สมฺมา วตฺเตยฺย โลมํ ปาเตยฺย เนตฺถารํ วตฺเตยฺย สงฺโฆ ตํ กมฺมํ ปฏิปฺปสฺสมฺเภยฺยา”ติ. สตฺตาหํ สนฺนิวตฺโต กาตพฺโพ. ๑๙๔. อิธ ปน ภิกฺขเว ภิกฺขุนี คิลานา โหติ.

idha pana bhikkhave vassupagatā bhikkhū corehi ubbālha honti, vilumpanti pi ākoṭenti pi. es’ eva ...vassacchedassa. idha pana bhikkhave vassupagatā bhikkhū pisācehi ubbāḷhā honti, āvisanti pi ojam pi haranti. es’ eva ...vassacchedassa. |2|

. . . .

สา เจ ภิกฺขูนํ สนฺติเก ทูตํ ปหิเณยฺย “อหญฺหิ คิลานา อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “คิลานภตฺตํ วา ปริเยสิสฺสามิ คิลานุปฏฺฐากภตฺตํ วา ปริเยสิสฺสามิ คิลานเภสชฺชํ วา ปริเยสิสฺสามิ ปุจฺฉิสฺสามิ วา อุปฏฺฐหิสฺสามิ วา”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุนิยา อนภิรติ อุปฺปนฺนา โหติ. สา เจ ภิกฺขูนํ สนฺติเก ทูตํ ปหิเณยฺย “อนภิรติ เม อุปฺปนฺนา อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “อนภิรตํ วูปกาเสสฺสามิ วา วูปกาสาเปสฺสามิ วา ธมฺมกถํ วาสฺสา กริสฺสามี”ติ.

idha pana bhikkhave vassupagatānaṃ {bhikkhūnaṃ} gāmo agginā daḍḍho hoti, bhikkhū piṇḍakena kilamanti. es’ eva ...vassacchedassa. idha pana bhikkhave vassupagatānaṃ bhikkhūnaṃ senāsanaṃ agginā daḍḍhaṃ hoti, bhikkhū senāsanena kilamanti. es’ eva ...vassacchedassa. |3|

. . . .

สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุนิยา กุกฺกุจฺจํ อุปฺปนฺนํ โหติ. สา เจ ภิกฺขูนํ สนฺติเก ทูตํ ปหิเณยฺย “กุกฺกุจฺจํ เม อุปฺปนฺนํ อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “กุกฺกุจฺจํ วิโนเทสฺสามิ วา วิโนทาเปสฺสามิ วา ธมฺมกถํ วาสฺสา กริสฺสามี”ติ. สตฺตาหํ สนฺนิวตฺโต กาตพฺโพ.

idha pana bhikkhave vassupagatānaṃ bhikkhūnaṃ gāmo udakena vuḷho hoti, bhikkhū piṇḍakena kilamanti. es’ eva ...vassacchedassa. idha pana bhikkhave vassupagatānaṃ bhikkhūnaṃ senāsanaṃ udakena vuḷhaṃ hoti, bhikkhū senāsanena kilamanti. es’ eva ...vassacchedassā ’ti. |4|

. . . .

อิธ ปน ภิกฺขเว ภิกฺขุนิยา ทิฏฺฐิคตํ อุปฺปนฺนํ โหติ. สา เจ ภิกฺขูนํ สนฺติเก ทูตํ ปหิเณยฺย “ทิฏฺฐิคตํ เม อุปฺปนฺนํ อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “ทิฏฺฐิคตํ วิเวเจสฺสามิ วา วิเวจาเปสฺสามิ วา ธมฺมกถํ วาสฺสา กริสฺสามี”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุนี ครุธมฺมํ อชฺฌาปนฺนา โหติ มานตฺตารหา.

||9||

สา เจ ภิกฺขูนํ สนฺติเก ทูตํ ปหิเณยฺย “อหญฺหิ ครุธมฺมํ อชฺฌาปนฺนา มานตฺตารหา อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “มานตฺตทานํ อุสฺสุกฺกํ กริสฺสามี”ติ.

tena kho pana samayena aññatarasmiṃ āvāse vassupagatānaṃ bhikkhūnaṃ gāmo corehi vuṭṭhāsi. bhagavato etam atthaṃ ārocesuṃ. anujānāmi bhikkhave yena gāmo tena gantun ti. gāmo dvedhā bhijjittha. bhagavato etam atthaṃ ārocesuṃ. anujānāmi bhikkhave yena bahutarā tena gantun ti. bahutarā assaddhā honti appasannā. bhagavato etam atthaṃ ārocesuṃ. anujānāmi bhikkhave yena saddhā pasannā tena gantun ti. |1|

. . . . . . . . .

สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุนี มูลาย ปฏิกสฺสนารหา โหติ. สา เจ ภิกฺขูนํ สนฺติเก ทูตํ ปหิเณยฺย “อหญฺหิ มูลาย ปฏิกสฺสนารหา อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “มูลาย ปฏิกสฺสนํ อุสฺสุกฺกํ กริสฺสามี”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุนี อพฺภานารหา โหติ. สา เจ ภิกฺขูนํ สนฺติเก ทูตํ ปหิเณยฺย “อหญฺหิ อพฺภานารหา อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “อพฺภานํ อุสฺสุกฺกํ กริสฺสามี”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุนิยา สงฺโฆ กมฺมํ กตฺตุกาโม โหติ ตชฺชนียํ วา นิยสฺสํ วา ปพฺพาชนียํ วา ปฏิสารณียํ วา อุกฺเขปนียํ วา. สา เจ ภิกฺขูนํ สนฺติเก ทูตํ ปหิเณยฺย “สงฺโฆ เม กมฺมํ กตฺตุกาโม อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “กินฺติ นุ โข สงฺโฆ กมฺมํ น กเรยฺย ลหุกาย วา ปริณาเมยฺยา”ติ.

||10||

สตฺตาหํ สนฺนิวตฺโต กาตพฺโพ.

tena kho pana samayena Kosalesu janapadesu aññatarasmiṃ āvāse vassupagatā bhikkhū na labhiṃsu lūkhassa vā pāṇītassa vā bhojanassa yāvadatthaṃ pāripūriṃ. bhagavato etam atthaṃ ārocesuṃ. idha pana bhikkhave vassupagatā bhikkhū na labhanti lūkhassa vā paṇītassa vā bhojanassa yāvadatthaṃ pāripūriṃ. es’ eva antarāyo ’ti pakkamitabbaṃ. anāpatti vassacchedassa. idha pana bhikkhave vassupagatā bhikkhū labhanti lūkhassa vā paṇītassa vā bhojanassa yāvadatthaṃ pāripūriṃ, na labhanti sappāyāni bhojanāni. es’ eva ...vassacchedassa. |1|

. . . . . . .

กตํ วา ปนสฺสา โหติ สงฺเฆน กมฺมํ ตชฺชนียํ วา นิยสฺสํ วา ปพฺพาชนียํ วา ปฏิสารณียํ วา อุกฺเขปนียํ วา. สา เจ ภิกฺขูนํ สนฺติเก ทูตํ ปหิเณยฺย “สงฺโฆ เม กมฺมํ อกาสิ อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “กินฺติ นุ โข สมฺมา วตฺเตยฺย โลมํ ปาเตยฺย เนตฺถารํ วตฺเตยฺย สงฺโฆ ตํ กมฺมํ ปฏิปฺปสฺสมฺเภยฺยา”ติ. สตฺตาหํ สนฺนิวตฺโต กาตพฺโพ. ๑๙๕. อิธ ปน ภิกฺขเว สิกฺขมานา คิลานา โหติ. สา เจ ภิกฺขูนํ สนฺติเก ทูตํ ปหิเณยฺย “อหญฺหิ คิลานา อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “คิลานภตฺตํ วา ปริเยสิสฺสามิ คิลานุปฏฺฐากภตฺตํ วา ปริเยสิสฺสามิ คิลานเภสชฺชํ วา ปริเยสิสฺสามิ ปุจฺฉิสฺสามิ วา อุปฏฺฐหิสฺสามิ วา”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว สิกฺขมานาย อนภิรติ อุปฺปนฺนา โหติฯเปฯ สิกฺขมานาย กุกฺกุจฺจํ อุปฺปนฺนํ โหติ… สิกฺขมานาย ทิฏฺฐิคตํ อุปฺปนฺนํ โหติ… สิกฺขมานาย สิกฺขา กุปิตา โหติ.

idha pana bhikkhave vassupagatā bhikkhū labhanti lūkhassa vā paṇītassa vā bhojanassa yāvadatthaṃ pāripūriṃ, labhanti sappāyāni (150) bhojanāni, na labhanti sappāyāni bhesajjāni. es’ eva ...vassacchedassa. idha pana bhikkhave vassupagatā bhikkhū labhanti lūkhassa vā paṇītassa vā bhojanassa yāvadatthaṃ pāripūriṃ, labhanti sappāyāni bhojanāni, labhanti sappāyāni bhesajjāni, na labhanti paṭirūpaṃ upaṭṭhākaṃ. es’ eva ...vassacchedassa. |2|

. . . .

สา เจ ภิกฺขูนํ สนฺติเก ทูตํ ปหิเณยฺย “สิกฺขา เม กุปิตา อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “สิกฺขาสมาทานํ อุสฺสุกฺกํ กริสฺสามี”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว สิกฺขมานา อุปสมฺปชฺชิตุกามา โหติ. สา เจ ภิกฺขูนํ สนฺติเก ทูตํ ปหิเณยฺย “อหญฺหิ อุปสมฺปชฺชิตุกามา อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต อุปสมฺปทํ อุสฺสุกฺกํ กริสฺสามิ วา อนุสฺสาเวสฺสามิ วา คณปูรโก วา ภวิสฺสามีติ.

idha pana bhikkhave vassupagataṃ bhikkhuṃ itthi nimanteti: ehi bhante hiraññaṃ vā te demi, suvaṇṇaṃ vā te demi, khettaṃ vā t.d., vatthuṃ vā t.d., gāvuṃ vā t.d., gāviṃ vā t.d., dāsaṃ vā t.d., dāsiṃ vā t.d., dhītaraṃ vā t.d.bhariyatthāya, ahaṃ vā te bhariyā homi, aññaṃ vā te bhariyaṃ ānemīti. tatra ce bhikkhuno evaṃ hoti: lahuparivattaṃ kho cittaṃ vuttaṃ bhagavatā, siyāpi me brahmacariyassa antarāyo ’ti, pakkamitabbaṃ. anāpatti vassacchedassa. |3|

. . .

สตฺตาหํ สนฺนิวตฺโต กาตพฺโพ. ๑๙๖. อิธ ปน ภิกฺขเว สามเณโร คิลาโน โหติ. โส เจ ภิกฺขูนํ สนฺติเก ทูตํ ปหิเณยฺย “อหญฺหิ คิลาโน อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “คิลานภตฺตํ วา ปริเยสิสฺสามิ คิลานุปฏฺฐากภตฺตํ วา ปริเยสิสฺสามิ คิลานเภสชฺชํ วา ปริเยสิสฺสามิ ปุจฺฉิสฺสามิ วา อุปฏฺฐหิสฺสามิ วา”ติ.

idha pana bhikkhave vassupagataṃ bhikkhuṃ vesī nimanteti --la-- thullakumārī nimanteti, paṇḍako nimanteti, ñātakā nimantenti, rājāno nimantenti, corā nimantenti, dhuttā nimantenti: ehi bhante hiraññaṃ vā te dema ... dhītaraṃ vā te dema bhariyatthāya, aññaṃ vā te bhariyaṃ ānessāmā ’ti. tatra ce bhikkhuno evaṃ hoti: lahuparivattaṃ ...vassacchedassa. idha pana bhikkhave vassupagato bhikkhu asāmikaṃ nidhiṃ passati. tatra ce bhikkhuno evaṃ hoti: lahuparivattaṃ ...vassacchedassa. |4|

. . . . .

สตฺตาหํ สนฺนิวตฺโต กาตพฺโพ. อิธ ปน ภิกฺขเว สามเณรสฺส อนภิรติ อุปฺปนฺนา โหติฯเปฯ สามเณรสฺส กุกฺกุจฺจํ อุปฺปนฺนํ โหติ… สามเณรสฺส ทิฏฺฐิคตํ อุปฺปนฺนํ โหติ… สามเณโร วสฺสํ ปุจฺฉิตุกาโม โหติ. โส เจ ภิกฺขูนํ สนฺติเก ทูตํ ปหิเณยฺย “อหญฺหิ วสฺสํ ปุจฺฉิตุกาโม อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “ปุจฺฉิสฺสามิ วา อาจิกฺขิสฺสามิ วา”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว สามเณโร อุปสมฺปชฺชิตุกาโม โหติ. โส เจ ภิกฺขูนํ สนฺติเก ทูตํ ปหิเณยฺย “อหญฺหิ อุปสมฺปชฺชิตุกาโม อาคจฺฉนฺตุ ภิกฺขู อิจฺฉามิ ภิกฺขูนํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “อุปสมฺปทํ อุสฺสุกฺกํ กริสฺสามิ วา อนุสฺสาเวสฺสามิ วา คณปูรโก วา ภวิสฺสามี”ติ.

idha pana bhikkhave vassupagato bhikkhu passati sambahule bhikkhū saṃghabhedāya parakkamante. tatra ce bhikkhuno evaṃ hoti: garuko kho saṃghabhedo vutto bhagavatā, mā mayi sammukhībhūte saṃgho bhijjīti, pakkamitabbaṃ. anāpatti vassacchedassa. idha pana bhikkhave vassupagato bhikkhu suṇāti: sambahulā kira bhikkhū saṃghabhedāya parakkamantīti. tatra ce ...vassacchedassa. |5|

. . . . .

สตฺตาหํ สนฺนิวตฺโต กาตพฺโพ. ๑๙๗. อิธ ปน ภิกฺขเว สามเณรี คิลานา โหติ. สา เจ ภิกฺขูนํ สนฺติเก ทูตํ ปหิเณยฺย “อหญฺหิ คิลานา อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “คิลานภตฺตํ วา ปริเยสิสฺสามิ คิลานุปฏฺฐากภตฺตํ วา ปริเยสิสฺสามิ คิลานเภสชฺชํ วา ปริเยสิสฺสามิ ปุจฺฉิสฺสามิ วา อุปฏฺฐหิสฺสามิ วา”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว สามเณริยา อนภิรติ อุปฺปนฺนา โหติฯเปฯ สามเณริยา กุกฺกุจฺจํ อุปฺปนฺนํ โหติ… สามเณริยา ทิฏฺฐิคตํ อุปฺปนฺนํ โหติ… สามเณรี วสฺสํ ปุจฺฉิตุกามา โหติ.

idha pana bhikkhave vassupagato bhikkhu suṇāti: amukasmiṃ kira āvāse sambahulā bhikkhū saṃghabhedāya parakkamantīti. tatra ce bhikkhuno evaṃ hoti: te kho me bhikkhū mittā, ty āhaṃ vakkhāmi: garuko kho āvuso saṃghabhedo vutto bhagavatā, māyasmantānaṃ saṃghabhedo ruccitthā ’ti, karissanti me {vacanaṃ} sussūsissanti sotaṃ odahissantīti, pakkamitabbaṃ. anāpatti vassacchedassa. |6|

. . .

สา เจ ภิกฺขูนํ สนฺติเก ทูตํ ปหิเณยฺย “อหญฺหิ วสฺสํ ปุจฺฉิตุกามา อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “ปุจฺฉิสฺสามิ วา อาจิกฺขิสฺสามิ วา”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว สามเณรี สิกฺขํ สมาทิยิตุกามา โหติ.

idha pana bhikkhave vassupagato bhikkhu saṇāti: amukasmiṃ kira āvāse sambahulā bhikkhū saṃgha (151) bhedāya parakkamantīti. tatra ce bhikkhuno evaṃ hoti: te kho me bhikkhū na mittā, api ca ye tesaṃ mittā te me mittā, ty āhaṃ vakkhāmi, te vuttā te vakkhanti: garuko ...(= 6) ...vassacchedassa. |7|

. .

สา เจ ภิกฺขูนํ สนฺติเก ทูตํ ปหิเณยฺย “อหญฺหิ สิกฺขํ สมาทิยิตุกามา อาคจฺฉนฺตุ อยฺยา อิจฺฉามิ อยฺยานํ อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “สิกฺขาสมาทานํ อุสฺสุกฺกํ กริสฺสามี”ติ. สตฺตาหํ สนฺนิวตฺโต กาตพฺโพติ. (ปญฺจนฺนํ อปฺปหิเตปิ อนุชานนา นิฏฺฐิตา.)

idha pana bhikkhave vassupagato bhikkhu suṇāti: amukasmiṃ kira āvāse sambahulehi bhikkhūhi saṃgho bhinno ’ti. tatra ce bhikkhuno evaṃ hoti: te kho me bhikkhū mittā, ty āhaṃ vakkhāmi: garuko ...(= 6) ...vassacchedassa. |8|

. .

idha pana bhikkhave vassupagato bhikkhu suṇāti: amukasmiṃ kira āvāse sambahulehi bhikkhūhi saṃgho bhinno ’ti. tatra ce bhikkhuno evaṃ hoti: te kho me bhikkhū na mittā, api ca ye tesaṃ mittā te me mittā, ty āhaṃ vakkhāmi, te vuttā te vakkhanti: garuko ...(= 6) ...vassacchedassa. |9|

. .

(๑๑๑. สตฺตนฺนํ อปฺปหิเตปิ อนุชานนา) ๑๙๘. เตน โข ปน สมเยน อญฺญตรสฺส ภิกฺขุโน มาตา คิลานา โหติ. สา ปุตฺตสฺส สนฺติเก ทูตํ ปาเหสิ “อหญฺหิ คิลานา อาคจฺฉตุ เม ปุตฺโต อิจฺฉามิ ปุตฺตสฺส อาคต”นฺติ.

idha pana bhikkhave vassupagato bhikkhu suṇāti: amukasmiṃ kira āvāse sambahulā bhikkhuniyo saṃghabhedāya parakkamantīti. tatra ce bhikkhuno evaṃ hoti: tā kho me bhikkhuniyo mittā, tāhaṃ vakkhāmi: garuko kho bhaginiyo saṃghabhedo vutto bhagavatā, mā bhaginīnaṃ saṃghabhedo ruccitthā ’ti, karissanti me vacanaṃ sussūsissanti sotaṃ odahissantīti, pakkamitabbaṃ. anāpatti vassacchedassa. |10|

. . .

อถ โข ตสฺส ภิกฺขุโน เอตทโหสิ “ภควตา ปญฺญตฺตํ สตฺตนฺนํ สตฺตาหกรณีเยน ปหิเต คนฺตุํ น ตฺเวว อปฺปหิเต ปญฺจนฺนํ สตฺตาหกรณีเยน อปฺปหิเตปิ คนฺตุํ ปเคว ปหิเตติ. อยญฺจ เม มาตา คิลานา สา จ อนุปาสิกา กถํ นุ โข มยา ปฏิปชฺชิตพฺพ”นฺติ? ภควโต เอตมตฺถํ อาโรเจสุํ.

idha pana bhikkhave vassupagato bhikkhu suṇāti: amukasmiṃ kira āvāse sambahulā bhikkhuniyo saṃghabhedāya parakkamantīti. tatra ce bhikkhuno evaṃ hoti: tā kho me bhikkhuniyo na mittā, api ca yā tāsaṃ mittā tā me mittā, tāhaṃ vakkhāmi, tā vuttā tā vakkhanti: garuko ...(= 10) ...vassacchedassa. |11|

. .

อนุชานามิ ภิกฺขเว สตฺตนฺนํ สตฺตาหกรณีเยน อปฺปหิเตปิ คนฺตุํ ปเคว ปหิเต. ภิกฺขุสฺส ภิกฺขุนิยา สิกฺขมานาย สามเณรสฺส สามเณริยา มาตุยา จ ปิตุสฺส จ อนุชานามิ ภิกฺขเว อิเมสํ สตฺตนฺนํ สตฺตาหกรณีเยน อปฺปหิเตปิ คนฺตุํ ปเคว ปหิเต.

idha pana bhikkhave vassupagato bhikkhu suṇāti: amukasmiṃ kira āvāse sambahulāhi bhikkhunīhi saṃgho bhinno ’ti. tatra ce {bhikkhuno} evaṃ hoti: tā kho me bhikkhuniyo mittā, tāhaṃ vakkhāmi: garuko ...(= 10) ...vassacchedassa. |12|

. .

สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุสฺส มาตา คิลานา โหติ.

idha pana bhikkhave vassupagato bhikkhu suṇāti: amukasmiṃ kira āvāse sambahulāhi bhikkhunīhi saṃgho bhinno ’ti. tatra ce bhikkhuno evaṃ hoti: tā kho me bhikkhuniyo na mittā, api ca yā tāsaṃ mittā tā me mittā, tāhaṃ vakkhāmi, tā vuttā tā vakkhanti: garuko ...(= 10) ...vassacchedassa. |13|

. .

สา เจ ปุตฺตสฺส สนฺติเก ทูตํ ปหิเณยฺย “อหญฺหิ คิลานา อาคจฺฉตุ เม ปุตฺโต อิจฺฉามิ ปุตฺตสฺส อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “คิลานภตฺตํ วา ปริเยสิสฺสามิ คิลานุปฏฺฐากภตฺตํ วา ปริเยสิสฺสามิ คิลานเภสชฺชํ วา ปริเยสิสฺสามิ ปุจฺฉิสฺสามิ วา อุปฏฺฐหิสฺสามิ วา”ติ. สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุสฺส ปิตา คิลาโน โหติ.

||11||

โส เจ ปุตฺตสฺส สนฺติเก ทูตํ ปหิเณยฺย “อหญฺหิ คิลาโน อาคจฺฉตุ เม ปุตฺโต อิจฺฉามิ ปุตฺตสฺส อาคต”นฺติ คนฺตพฺพํ ภิกฺขเว สตฺตาหกรณีเยน อปฺปหิเตปิ ปเคว ปหิเต “คิลานภตฺตํ วา ปริเยสิสฺสามิ คิลานุปฏฺฐากภตฺตํ วา ปริเยสิสฺสามิ คิลานเภสชฺชํ วา ปริเยสิสฺสามิ ปุจฺฉิสฺสามิ วา อุปฏฺฐหิสฺสามิ วา”ติ. สตฺตาหํ สนฺนิวตฺโต กาตพฺโพ. (สตฺตนฺนํ อปฺปหิเตปิ อนุชานนา นิฏฺฐิตา.)

tena kho pana samayena aññataro bhikkhu vaje vassaṃ (152) upagantukāmo hoti. bhagavato etam atthaṃ ārocesuṃ. anujānāmi bhikkhave vaje vassaṃ upagantun ti. vajo vuṭṭhāsi. bhagavato etam atthaṃ ārocesuṃ. anujānāmi bhikkhave yena vajo tena gantum ti. |1|

. . . . . .

(๑๑๒. ปหิเตเยว อนุชานนา) ๑๙๙. อิธ ปน ภิกฺขเว ภิกฺขุสฺส ภาตา คิลาโน โหติ. โส เจ ภาตุโน สนฺติเก ทูตํ ปหิเณยฺย “อหญฺหิ คิลาโน อาคจฺฉตุ เม ภาตา อิจฺฉามิ ภาตุโน อาคต”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต. สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุสฺส ภคินี คิลานา โหติ. สา เจ ภาตุโน สนฺติเก ทูตํ ปหิเณยฺย “อหญฺหิ คิลานา อาคจฺฉตุ เม ภาตา อิจฺฉามิ ภาตุโน อาคต”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต. สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุสฺส ญาตโก คิลาโน โหติ.

tena kho pana samayena aññataro bhikkhu upakaṭṭhāya vassupanāyikāya satthena gantukāmo hoti. bhagavato etam atthaṃ ārocesuṃ. anujānāmi bhikkhave satthe vassaṃ upagantun ti. tena kho pana samayena aññataro bhikkhu upakaṭṭhāya vassupanāyikāya nāvāya gantukāmo hoti. bhagavato etam atthaṃ ārocesuṃ. anujānāmi bhikkhave nāvāya vassaṃ upagantun ti. |2|

. . . . . .

โส เจ ภิกฺขุสฺส สนฺติเก ทูตํ ปหิเณยฺย “อหญฺหิ คิลาโน อาคจฺฉตุ ภทนฺโต อิจฺฉามิ ภทนฺตสฺส อาคต”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต. สตฺตาหํ สนฺนิวตฺโต กาตพฺโพ. อิธ ปน ภิกฺขเว ภิกฺขุคติโก คิลาโน โหติ. โส เจ ภิกฺขูนํ สนฺติเก ทูตํ ปหิเณยฺย “อหญฺหิ คิลาโน อาคจฺฉนฺตุ ภทนฺตา อิจฺฉามิ ภทนฺตานํ อาคต”นฺติ คนฺตพฺพํ ภิกฺขเว สตฺตาหกรณีเยน ปหิเต น ตฺเวว อปฺปหิเต. สตฺตาหํ สนฺนิวตฺโต กาตพฺโพ.

tena kho pana samayena bhikkhū rukkhasusire vassaṃ upagacchanti. manussā ujjhāyanti khīyanti vipācenti, seyyathāpi pisācillikā ’ti. bhagavato etam atthaṃ ārocesuṃ. na bhikkhave rukkhasusire vassaṃ upagantabbaṃ. yo upagaccheyya, āpatti dukkaṭassā ’ti. |3|

. . . . .

เตน โข ปน สมเยน สงฺฆสฺส วิหาโร อุนฺทฺริยติ. อญฺญตเรน อุปาสเกน อรญฺเญ ภณฺฑํ เฉทาปิตํ โหติ. โส ภิกฺขูนํ สนฺติเก ทูตํ ปาเหสิ “สเจ ภทนฺตา ตํ ภณฺฑํ อาวหาเปยฺยุํ ทชฺชาหํ ตํ ภณฺฑ”นฺติ. ภควโต เอตมตฺถํ อาโรเจสุํ.

tena kho pana samayena bhikkhū rukkhaviṭabhiyā vassaṃ upagacchanti. manussā ujjhāyanti khīyanti vipācenti, seyyathāpi migaluddakā ’ti. bhagavato etam atthaṃ ārocesuṃ. na bhikkhave rukkhaviṭabhiyā vassaṃ upagantabbaṃ. yo upagaccheyya, āpatti dukkaṭassā ’ti. |4|

. . . . .

อนุชานามิ ภิกฺขเว สงฺฆกรณีเยน คนฺตุํ. สตฺตาหํ สนฺนิวตฺโต กาตพฺโพติ. (ปหิเตเยว อนุชานนา นิฏฺฐิตา.) วสฺสาวาสภาณวาโร นิฏฺฐิโต.

tena kho pana samayena bhikkhū ajjhokāse vassaṃ upagacchanti, deve vassante rukkhamūlam pi nimbakosam pi upadhāvanti. bhagavato etam atthaṃ ārocesuṃ. na bhikkhave ajjhokāse vassaṃ upagantabbaṃ. yo upagaccheyya, āpatti dukkaṭassā ’ti. |5|

. . . .

(๑๑๓. อนฺตราเย อนาปตฺติวสฺสจฺเฉทวาโร) ๒๐๐. เตน โข ปน สมเยน โกสเลสุ ชนปเท อญฺญตรสฺมึ อาวาเส วสฺสูปคตา ภิกฺขู วาเฬหิ อุพฺพาฬฺหา โหนฺติ. คณฺหึสุปิ ปริปาตึสุปิ. ภควโต เอตมตฺถํ อาโรเจสุํ. อิธ ปน ภิกฺขเว วสฺสูปคตา ภิกฺขู วาเฬหิ อุพฺพาฬฺหา โหนฺติ. คณฺหนฺติปิ ปริปาเตนฺติปิ. เอเสว อนฺตราโยติ ปกฺกมิตพฺพํ.

tena kho pana samayena bhikkhū asenāsanakā vassaṃ upagacchanti, sītena pi kilamanti uṇhena pi kilamanti. bhagavato etam atthaṃ ārocesuṃ. na bhikkhave asenāsanakena vassaṃ upagantabbaṃ. yo upagaccheyya, āpatti dukkaṭassā ’ti. |6|

. . . .

อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคตา ภิกฺขู สรีสเปหิ อุพฺพาฬฺหา โหนฺติ. ฑํสนฺติปิ ปริปาเตนฺติปิ. เอเสว อนฺตราโยติ ปกฺกมิตพฺพํ. อนาปตฺติ วสฺสจฺเฉทสฺส อิธ ปน ภิกฺขเว วสฺสูปคตา ภิกฺขู โจเรหิ อุพฺพาฬฺหา โหนฺติ. วิลุมฺปนฺติปิ อาโกเฏนฺติปิ.

tena kho pana samayena bhikkhū chavakuṭikāya vassaṃ upagacchanti. manussā ujjhāyanti khīyanti vipācenti, seyyathāpi chavaḍāhakā ’ti. bhagavato etam atthaṃ ārocesuṃ. na bhikkhave chavakuṭikāya vassaṃ upagantabbaṃ. yo upagaccheyya, āpatti dukkaṭassā ’ti. |7|

. . . . .

เอเสว อนฺตราโยติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคตา ภิกฺขู ปิสาเจหิ อุพฺพาฬฺหา โหนฺติ. อาวิสนฺติปิ หนนฺติปิ . เอเสว อนฺตราโยติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคตานํ ภิกฺขูนํ คาโม อคฺคินา ทฑฺโฒ โหติ. ภิกฺขู ปิณฺฑเกน กิลมนฺติ. เอเสว อนฺตราโยติ ปกฺกมิตพฺพํ. อนาปตฺติ วสฺสจฺเฉทสฺส.

tena kho pana samayena bhikkhū chatte vassaṃ upagacchanti. manussā ujjhāyanti khīyanti vipācenti, seyyathāpi gopālakā ’ti. bhagavato etam atthaṃ ārocesuṃ. na bhikkhave chatte vassaṃ upagantabbaṃ. yo upagaccheyya, āpatti dukkaṭassā ’ti. (153) |8|

. . . . .

อิธ ปน ภิกฺขเว วสฺสูปคตานํ ภิกฺขูนํ เสนาสนํ อคฺคินา ทฑฺฒํ โหติ. ภิกฺขู เสนาสเนน กิลมนฺติ. เอเสว อนฺตราโยติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคตานํ ภิกฺขูนํ คาโม อุทเกน วูฬฺโห โหติ. ภิกฺขู ปิณฺฑเกน กิลมนฺติ. เอเสว อนฺตราโยติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคตานํ ภิกฺขูนํ เสนาสนํ อุทเกน วูฬฺหํ โหติ. ภิกฺขู เสนาสเนน กิลมนฺติ.

tena kho pana samayena bhikkhū cāṭiyā vassaṃ upagacchanti. manussā ujjhāyanti khīyanti vipācenti, seyyathāpi titthiyā ’ti. bhagavato etam atthaṃ ārocesuṃ. na bhikkhave cāṭiyā vassaṃ upagantabbaṃ. yo upagaccheyya, āpatti dukkaṭassā ’ti. |9|

. . . . .

เอเสว อนฺตราโยติ ปกฺกมิตพฺพํ. อนาปตฺติ วสฺสจฺเฉทสฺสาติ. ๒๐๑. เตน โข ปน สมเยน อญฺญตรสฺมึ อาวาเส วสฺสูปคตานํ ภิกฺขูนํ คาโม โจเรหิ วุฏฺฐาสิ. ภควโต เอตมตฺถํ อาโรเจสุํ.

||12||

อนุชานามิ ภิกฺขเว เยน คาโม เตน คนฺตุนฺติ.

tena kho pana samayena Sāvatthiyā saṃghena katikā katā hoti antarā vassaṃ na pabbājetabban ti. Visākhāya Migāramātuyā nattā bhikkhū upasaṃkamitvā pabbajjaṃ yāci. bhikkhū evaṃ āhaṃsu: saṃghena kho āvuso kātikā katā antarā vassaṃ na pabbājetabban ti, āgamehi āvuso yāva bhikkhū vassaṃ vasanti, vassaṃ vutthā pabbājessantīti. atha kho te bhikkhū vassaṃ vutthā Visākhāya Migāramātuyā nattāraṃ etad avocuṃ: ehi dāni āvuso pabbajāhīti. so evaṃ āha: sac’ āhaṃ bhante pabbajito assaṃ, abhirameyyām’ āhaṃ, na dān’ āhaṃ bhante pabbajissāmīti. |1|

. . . . .

คาโม ทฺเวธา ภิชฺชิตฺถ. ภควโต เอตมตฺถํ อาโรเจสุํ. อนุชานามิ ภิกฺขเว เยน พหุตรา เตน คนฺตุนฺติ. พหุตรา อสฺสทฺธา โหนฺติ อปฺปสนฺนา. ภควโต เอตมตฺถํ อาโรเจสุํ.

Visākhā Migāramātā ujjhāyati khīyati vipāceti: kathañ hi nāma ayyā evarūpaṃ katikaṃ karissanti na antarā vassaṃ pabbājetabban ti, kaṃ kālaṃ dhammo na caritabbo ’ti. assosuṃ kho bhikkhū Visākhāya Migāramātuyā ujjhāyantiyā khīyantiyā vipācentiyā. atha kho te bhikkhū bhagavato etam atthaṃ ārocesuṃ. na bhikkhave evarūpā katikā kātabbā antarā vassaṃ na pabbājetabban ti. yo kareyya, āpatti dukkaṭassā ’ti. |2|

. . . . .

อนุชานามิ ภิกฺขเว เยน สทฺธา ปสนฺนา เตน คนฺตุนฺติ. เตน โข ปน สมเยน โกสเลสุ ชนปเท อญฺญตรสฺมึ อาวาเส วสฺสูปคตา ภิกฺขู น ลภิ๎สุ ลูขสฺส วา ปณีตสฺส วา โภชนสฺส ยาวทตฺถํ ปาริปูรึ. ภควโต เอตมตฺถํ อาโรเจสุํ.

||13||

อิธ ปน ภิกฺขเว วสฺสูปคตา ภิกฺขู น ลภนฺติ ลูขสฺส วา ปณีตสฺส วา โภชนสฺส ยาวทตฺถํ ปาริปูรึ.

tena kho pana samayena āyasmatā Upanandena Sakyaputtena rañño Pasenadissa Kosalassa vassāvāso paṭissuto hoti purimikāya. so taṃ āvāsaṃ gacchanto addasa antarā magge dve āvāse bahucīvarake, tassa etad ahosi: yaṃ nūnāhaṃ imesu dvīsu āvāsesu vassaṃ vaseyyaṃ, evaṃ me bahu cīvaraṃ uppajjissatīti. so tesu dvīsu āvāsesu vassaṃ vasi. rājā Pasenadi Kosalo ujjhāyati khīyati vipāceti: kathañ hi nāma ayyo Upanando Sakyaputto amhākaṃ vassāvāsaṃ paṭisuṇitvā visaṃvādessati. nanu bhagavatā anekapariyāyena musāvādo garahito, musāvādā veramaṇī pasatthā ’ti. |1|

. . . . .

เอเสว อนฺตราโยติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคตา ภิกฺขู ลภนฺติ ลูขสฺส วา ปณีตสฺส วา โภชนสฺส ยาวทตฺถํ ปาริปูรึ น ลภนฺติ สปฺปายานิ โภชนานิ. เอเสว อนฺตราโยติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคตา ภิกฺขู ลภนฺติ ลูขสฺส วา ปณีตสฺส วา โภชนสฺส ยาวทตฺถํ ปาริปูรึ ลภนฺติ สปฺปายานิ โภชนานิ น ลภนฺติ สปฺปายานิ เภสชฺชานิ.

assosuṃ kho bhikkhū rañño Pasenadissa Kosalassa ujjhāyantassa khīyantassa vipācentassa. ye te bhikkhū appicchā, te ujjhāyanti khīyanti vipācenti: kathaṃ hi nāma (154) āyasmā Upanando Sakyaputto rañño Pasenadissa Kosalassa vassāvāsaṃ paṭisuṇitvā visaṃvādessati. nanu bhagavatā anekapariyāyena musāvādo garahito, musāvādā veramaṇī pasatthā ’ti. |2|

. . .

เอเสว อนฺตราโยติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคตา ภิกฺขู ลภนฺติ ลูขสฺส วา ปณีตสฺส วา โภชนสฺส ยาวทตฺถํ ปาริปูรึ ลภนฺติ สปฺปายานิ โภชนานิ ลภนฺติ สปฺปายานิ เภสชฺชานิ น ลภนฺติ ปติรูปํ อุปฏฺฐากํ. เอเสว อนฺตราโยติ ปกฺกมิตพฺพํ. อนาปตฺติ วสฺสจฺเฉทสฺส.

atha kho te bhikkhū bhagavato etam atthaṃ ārocesuṃ. atha kho bhagavā etasmiṃ nidāne bhikkhusaṃghaṃ sannipātāpetvā āyasmantaṃ Upanandaṃ Sakyaputtaṃ paṭipucchi: saccaṃ kira tvaṃ Upananda rañño Pasenadissa Kosalassa vassāvāsaṃ paṭisuṇitvā visaṃvādesīti. saccaṃ bhagavā. vigarahi buddho bhagavā: kathaṃ hi nāma tvaṃ moghapurisa rañño Pasenadissa Kosalassa vassāvāsaṃ paṭisuṇitvā visaṃvādessasi. nanu mayā moghapurisa anekapariyāyena musāvādo garahito musāvādā veramaṇī pasatthā. n’ etaṃ moghapurisa appasannānaṃ vā pasādāya --la-- vigarahitvā dhammiṃ kathaṃ katvā bhikkhū āmantesi: |3|

. . . . . .

อิธ ปน ภิกฺขเว วสฺสูปคตํ ภิกฺขุํ อิตฺถี นิมนฺเตติ “เอหิ ภนฺเต หิรญฺญํ วา เต เทมิ สุวณฺณํ วา เต เทมิ เขตฺตํ วา เต เทมิ วตฺถุํ วา เต เทมิ คาวุํ วา เต เทมิ คาวึ วา เต เทมิ ทาสํ วา เต เทมิ ทาสึ วา เต เทมิ ธีตรํ วา เต เทมิ ภริยตฺถาย อหํ วา เต ภริยา โหมิ อญฺญํ วา เต ภริยํ อาเนมี”ติ. ตตฺร เจ ภิกฺขุโน เอวํ โหติ ‘ลหุปริวตฺตํ โข จิตฺตํ วุตฺตํ ภควตา สิยาปิ เม พฺรหฺมจริยสฺส อนฺตราโย’ติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคตํ ภิกฺขุํ เวสี นิมนฺเตติฯเปฯ ถุลฺลกุมารี นิมนฺเตติ… ปณฺฑโก นิมนฺเตติ… ญาตกา นิมนฺเตนฺติ… ราชาโน นิมนฺเตนฺติ… โจรา นิมนฺเตนฺติ… ธุตฺตา นิมนฺเตนฺติ “เอหิ ภนฺเต หิรญฺญํ วา เต เทม สุวณฺณํ วา เต เทม เขตฺตํ วา เต เทม วตฺถุํ วา เต เทม คาวุํ วา เต เทม คาวึ วา เต เทม ทาสํ วา เต เทม ทาสึ วา เต เทม ธีตรํ วา เต เทม ภริยตฺถาย อญฺญํ วา เต ภริยํ อาเนมา”ติ. ตตฺร เจ ภิกฺขุโน เอวํ โหติ ‘ลหุปริวตฺตํ โข จิตฺตํ วุตฺตํ ภควตา สิยาปิ เม พฺรหฺมจริยสฺส อนฺตราโย’ติ ปกฺกมิตพฺพํ. อนาปตฺติ วสฺสจฺเฉทสฺส.

idha pana bhikkhave bhikkhunā vassāvāso paṭissuto hoti purimikāyā. so taṃ āvāsaṃ gacchanto passati antarā magge dve āvāse bahucīvarake, tassa evaṃ hoti: yaṃ nūnāhaṃ imesu dvīsu āvāsesu vassaṃ vaseyyaṃ, evaṃ me bahuṃ cīvaraṃ uppajjissatīti. so tesu dvīsu āvāsesu vassaṃ vasati. tassa bhikkhave bhikkhuno purimikā ca na paññāyati paṭissave ca āpatti dukkaṭassa. |4|

. . . .

อิธ ปน ภิกฺขเว วสฺสูปคโต ภิกฺขุ อสฺสามิกํ นิธึ ปสฺสติ. ตตฺร เจ ภิกฺขุโน เอวํ โหติ ‘ลหุปริวตฺตํ โข จิตฺตํ วุตฺตํ ภควตา สิยาปิ เม พฺรหฺมจริยสฺส อนฺตราโย’ติ ปกฺกมิตพฺพํ. อนาปตฺติ วสฺสจฺเฉทสฺส. (อนฺตราเย อนาปตฺติวสฺสจฺเฉทวาโร นิฏฺฐิโต.) (๑๑๔. สงฺฆเภเท อนาปตฺติวสฺสจฺเฉทวาโร) ๒๐๒. อิธ ปน ภิกฺขเว วสฺสูปคโต ภิกฺขุ ปสฺสติ สมฺพหุเล ภิกฺขู สงฺฆเภทาย ปรกฺกมนฺเต. ตตฺร เจ ภิกฺขุโน เอวํ โหติ ‘ครุโก โข สงฺฆเภโท วุตฺโต ภควตา มา มยิ สมฺมุขีภูเต สงฺโฆ ภิชฺชี’ติ ปกฺกมิตพฺพํ.

idha pana bhikkhave bhikkhunā vassāvāso paṭissuto hoti purimikāya. so taṃ āvāsaṃ gacchanto bahiddhā uposathaṃ karoti, pāṭipadena vihāraṃ upeti senāsanaṃ paññāpeti pāniyaṃ paribhojaniyaṃ upaṭṭhāpeti pariveṇaṃ sammajjati, so tadah’ eva akaraṇīyo pakkamati. tassa bhikkhave bhikkhuno purimikā ca na paññāyati paṭissave ca āpatti dukkaṭassa. idha pana ...(= 5) ...so tadah’ eva sakaraṇīyo pakkamati. tassa bhikkhave bhikkhuno purimikā ca na paññāyati paṭissave ca āpatti dukkaṭassa. |5|

. . . . .

อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคโต ภิกฺขุ สุณาติ “อสุกสฺมึ กิร อาวาเส สมฺพหุลา ภิกฺขู สงฺฆเภทาย ปรกฺกมนฺตี”ติ. ตตฺร เจ ภิกฺขุโน เอวํ โหติ ‘ครุโก โข สงฺฆเภโท วุตฺโต ภควตา มา มยิ สมฺมุขีภูเต สงฺโฆ ภิชฺชี’ติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคโต ภิกฺขุ สุณาติ “อสุกสฺมึ กิร อาวาเส สมฺพหุลา ภิกฺขู สงฺฆเภทาย ปรกฺกมนฺตี”ติ. ตตฺร เจ ภิกฺขุโน เอวํ โหติ “เต โข เม ภิกฺขู มิตฺตา. ตฺยาหํ วกฺขามิ ‘ครุโก โข อาวุโส สงฺฆเภโท วุตฺโต ภควตา มายสฺมนฺตานํ สงฺฆเภโท รุจฺจิตฺถา’ติ. กริสฺสนฺติ เม วจนํ สุสฺสูสิสฺสนฺติ โสตํ โอทหิสฺสนฺตี”ติ ปกฺกมิตพฺพํ.

idha pana ...so dvīhatīhaṃ vasitvā akaraṇīyo pakkamati. tassa bhikkhave bhikkhuno purimikā ca na {paññāyati} paṭissave ca āpatti dukkaṭassa. idhapana ...so dvīhatīhaṃ vasitvā sakaraṇīyo pakkamati. tassa bhikkhave bhikkhuno purimikā ca na paññāyati paṭissave ca āpatti dukkaṭassa. idha pana ...so dvīhatīhaṃ vasitvā sattāhakaraṇīyena pakkamati. so taṃ sattāhaṃ bahiddhā vītināmeti. tassa bhikkhave bhikkhuno purimikā ca na paññāyati paṭissave ca āpatti dukkaṭassa. idha pana ...so dvīhatīhaṃ vasitvā sattāhakaraṇīyena pakka-(155)mati. so taṃ sattāhaṃ anto sannivaṭṭaṃ karoti. tassa bhikkhave bhikkhuno purimikā ca paññāyati paṭissave ca anāpatti. |6|

. . . . . . . . . .

อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคโต ภิกฺขุ สุณาติ “อสุกสฺมึ กิร อาวาเส สมฺพหุลา ภิกฺขู สงฺฆเภทาย ปรกฺกมนฺตี”ติ. ตตฺร เจ ภิกฺขุโน เอวํ โหติ “เต โข เม ภิกฺขู น มิตฺตา อปิ จ เย เตสํ มิตฺตา เต เม มิตฺตา. ตฺยาหํ วกฺขามิ. เต วุตฺตา เต วกฺขนฺติ ‘ครุโก โข อาวุโส สงฺฆเภโท วุตฺโต ภควตา มายสฺมนฺตานํ สงฺฆเภโท รุจฺจิตฺถา’ติ. กริสฺสนฺติ เตสํ วจนํ สุสฺสูสิสฺสนฺติ โสตํ โอทหิสฺสนฺตี”ติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคโต ภิกฺขุ สุณาติ “อสุกสฺมึ กิร อาวาเส สมฺพหุเลหิ ภิกฺขูหิ สงฺโฆ ภินฺโน”ติ. ตตฺร เจ ภิกฺขุโน เอวํ โหติ “เต โข เม ภิกฺขู มิตฺตา. ตฺยาหํ วกฺขามิ ‘ครุโก โข อาวุโส สงฺฆเภโท วุตฺโต ภควตา มายสฺมนฺตานํ สงฺฆเภโท รุจฺจิตฺถา’ติ. กริสฺสนฺติ เม วจนํ สุสฺสูสิสฺสนฺติ โสตํ โอทหิสฺสนฺตี”ติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคโต ภิกฺขุ สุณาติ “อสุกสฺมึ กิร อาวาเส สมฺพหุเลหิ ภิกฺขูหิ สงฺโฆ ภินฺโน”ติ. ตตฺร เจ ภิกฺขุโน เอวํ โหติ “เต โข เม ภิกฺขู น มิตฺตา อปิ จ เย เตสํ มิตฺตา เต เม มิตฺตา. ตฺยาหํ วกฺขามิ. เต วุตฺตา เต วกฺขนฺติ ‘ครุโก โข อาวุโส สงฺฆเภโท วุตฺโต ภควตา มายสฺมนฺตานํ สงฺฆเภโท รุจฺจิตฺถา’ติ. กริสฺสนฺติ เตสํ วจนํ สุสฺสูสิสฺสนฺติ โสตํ โอทหิสฺสนฺตี”ติ ปกฺกมิตพฺพํ. อนาปตฺติ วสฺสจฺเฉทสฺส. อิธ ปน ภิกฺขเว วสฺสูปคโต ภิกฺขุ สุณาติ “อมุกสฺมึ กิร อาวาเส สมฺพหุลา ภิกฺขุนิโย สงฺฆเภทาย ปรกฺกมนฺตี”ติ. ตตฺร เจ ภิกฺขุโน เอวํ โหติ “ตา โข เม ภิกฺขุนิโย มิตฺตา. ตาหํ วกฺขามิ ‘ครุโก โข ภคินิโย สงฺฆเภโท วุตฺโต ภควตา มา ภคินีนํ สงฺฆเภโท รุจฺจิตฺถา’ติ. กริสฺสนฺติ เม วจนํ สุสฺสูสิสฺสนฺติ โสตํ โอทหิสฺสนฺตี”ติ ปกฺกมิตพฺพํ. อนาปตฺติ วสฺสจฺเฉทสฺส.

idha pana ...so sattāhaṃ anāgatāya pavāraṇāya sakaraṇīyo pakkamati. āgaccheyya vā so bhikkhave bhikkhu taṃ āvāsaṃ na vā āgaccheyya, tassa bhikkhave bhikkhuno purimikā ca paññāyati paṭissave ca anāpatti. |7|

. .

อิธ ปน ภิกฺขเว วสฺสูปคโต ภิกฺขุ สุณาติ “อมุกสฺมึ กิร อาวาเส สมฺพหุลา ภิกฺขุนิโย สงฺฆเภทาย ปรกฺกมนฺตี”ติ. ตตฺร เจ ภิกฺขุโน เอวํ โหติ “ตา โข เม ภิกฺขุนิโย น มิตฺตา. อปิ จ ยา ตาสํ มิตฺตา ตา เม มิตฺตา. ตาหํ วกฺขามิ. ตา วุตฺตา ตา วกฺขนฺติ ‘ครุโก โข ภคินิโย สงฺฆเภโท วุตฺโต ภควตา. มา ภคินีนํ สงฺฆเภโท รุจฺจิตฺถา’ติ. กริสฺสนฺติ ตาสํ วจนํ สุสฺสูสิสฺสนฺติ โสตํ โอทหิสฺสนฺตี”ติ ปกฺกมิตพฺพํ. อนาปตฺติ วสฺสจฺเฉทสฺสติ.

idha pana bhikkhave bhikkhunā vassāvāso paṭissuto hoti purimikāya. so taṃ āvāsaṃ gantvā uposathaṃ karoti, pāṭipadena vihāraṃ upeti senāsanaṃ paññāpeti pāniyaṃ paribhojaniyaṃ upaṭṭhāpeti pariveṇaṃ sammajjati. so tadah’ eva akaraṇīyo pakkamati. tassa bhikkhave bhikkhuno purimikā ca na paññāyati paṭissave ca āpatti dukkaṭassa. |8|

. . . .

อิธ ปน ภิกฺขเว วสฺสูปคโต ภิกฺขุ สุณาติ “อมุกสฺมึ กิร อาวาเส สมฺพหุลาหิ ภิกฺขุนีหิ สงฺโฆ ภินฺโน”ติ. ตตฺร เจ ภิกฺขุโน เอวํ โหติ “ตา โข เม ภิกฺขุนิโย มิตฺตา. ตาหํ วกฺขามิ ‘ครุโก โข ภคินิโย สงฺฆเภโท วุตฺโต ภควตา. มา ภคินีนํ สงฺฆเภโท รุจฺจิตฺถา’ติ. กริสฺสนฺติ เม วจนํ สุสฺสูสิสฺสนฺติ โสตํ โอทหิสฺสนฺตี”ติ ปกฺกมิตพฺพํ. อนาปตฺติ วสฺสจฺเฉทสฺสติ. อิธ ปน ภิกฺขเว วสฺสูปคโต ภิกฺขุ สุณาติ “อมุกสฺมึ กิร อาวาเส สมฺพหุลาหิ ภิกฺขุนีหิ สงฺโฆ ภินฺโน”ติ. ตตฺร เจ ภิกฺขุโน เอวํ โหติ “ตา โข เม ภิกฺขุนิโย น มิตฺตา. อปิ จ ยา ตาสํ มิตฺตา ตา เม มิตฺตา. ตาหํ วกฺขามิ. ตา วุตฺตา ตา วกฺขนฺติ ‘ครุโก โข ภคินิโย สงฺฆเภโท วุตฺโต ภควตา มา ภคินีนํ สงฺฆเภโท รุจฺจิตฺถา’ติ. กริสฺสนฺติ ตาสํ วจนํ สุสฺสูสิสฺสนฺติ โสตํ โอทหิสฺสนฺตี”ติ ปกฺกมิตพฺพํ. อนาปตฺติ วสฺสจฺเฉทสฺสาติ. (สงฺฆเภเท อนาปตฺติวสฺสจฺเฉทวาโร นิฏฺฐิโต.)

idha pana ...(= 8) ...so tadah’ eva sakaraṇīyo pakkamati --la-- so dvīhatīhaṃ vasitvā akaraṇīyo pakkamati --la-- so dvīhatīhaṃ vasitvā sakaraṇīyo pakkamati -- la -so dvīhatīhaṃ vasitvā sattāhakaraṇīyena pakkamati. so taṃ sattāham bahiddhā vītināmeti. tassa bhikkhave bhikkhuno purimikā ca na paññāyati paṭissave ca āpatti dukkaṭassa. |9|

. . .

(๑๑๕. วชาทีสุ วสฺสูปคมนํ) ๒๐๓. เตน โข ปน สมเยน อญฺญตโร ภิกฺขุ วเช วสฺสํ อุปคนฺตุกาโม โหติ.

so dvīhatīhaṃ vasitvā sattāhakaraṇīyena pakkamati. so taṃ sattāhaṃ anto sannivaṭṭaṃ karoti. tassa bhikkhave bhikkhuno purimikā ca paññāyati paṭissave ca anāpatti. so sattāhaṃ anāgatāya ...(= 7) ...anāpatti. |10|

. . . .

ภควโต เอตมตฺถํ อาโรเจสุํ. อนุชานามิ ภิกฺขเว วเช วสฺสํ อุปคนฺตุนฺติ. วโช วุฏฺฐาสิ. ภควโต เอตมตฺถํ อาโรเจสุํ.

idha pana bhikkhave bhikkhunā vassāvāso paṭissuto hoti pacchimikāya. so taṃ āvāsaṃ gacchanto bahiddhā uposathaṃ karoti, pāṭipadena vihāraṃ upeti senāsanaṃ paññāpeti pāniyaṃ paribhojaniyaṃ upaṭṭhāpeti pariveṇaṃ sammajjati. so tadah’ eva akaraṇīyo pakkamati. tassa bhikkhave bhikkhuno pacchimikā ca na paññāyati paṭissave ca āpatti dukkaṭassa. idha pana ...(the whole passage is identical with 5-10; read instead of purimikā and purimikāya: pacchimikā and pacchimikāya, instead of anāgatāya pavāraṇāya: anāgatāya komudiyā cātumāsiniyā) ...paṭissave ca anāpattīti. |11|

. . . . .

อนุชานามิ ภิกฺขเว เยน วโช เตน คนฺตุนฺติ. เตน โข ปน สมเยน อญฺญตโร ภิกฺขุ อุปกฏฺฐาย วสฺสูปนายิกาย สตฺเถน คนฺตุกาโม โหติ. ภควโต เอตมตฺถํ อาโรเจสุํ. อนุชานามิ ภิกฺขเว สตฺเถ วสฺสํ อุปคนฺตุนฺติ. เตน โข ปน สมเยน อญฺญตโร ภิกฺขุ อุปกฏฺฐาย วสฺสูปนายิกาย นาวาย คนฺตุกาโม โหติ.

||14||

ภควโต เอตมตฺถํ อาโรเจสุํ.

vassupanāyikakkhandhako tatiyo. tassa uddānaṃ: upagantuṃ, kadā c’ eva, kati, antarā vassa ca, na icchanti ca, sañcicca, ukkaḍḍhituṃ, upāsako, | (156) gilāno, mātā ca, pitā, bhātā ca, atha ñātako, bhikkhugatiko, vihāro, vāḷā cāpi, siriṃsapā, | corā c’ eva, pisācā ca, daḍḍho, tadubhayena ca, vuḷho dakena, vuṭṭhāsi, bahutarā ca, dāyakā, | lūkhapaṇītasappāya-bhesajj’-upaṭṭhakena ca, itthi, vesī, kumārī ca, paṇḍako, ñātakena ca, | rājā, corā, dhuttā, nidhi, bhedā, aṭṭhavidhena ca, 5 vajā, satthā ca, nāvā ca, susire, viṭabhāya ca, | ajjhokāse vassāvāso, asenāsanakena ca, chavakuṭikā, chatte ca, cāṭiyā ca upenti te, | katikā, paṭisuṇitvā, bahiddhā ca uposathā, purimikā, pacchimikā, yathānayena yojaye, | akaraṇīyo pakkamati, sakaraṇīyo tath’ eva ca, dvīhatīhā ca puna, sattāhakaraṇīyena ca, | sattāhanāgatā c’ eva, āgaccheyya na eyya vā, vatthuddāne antarikā tantimaggaṃ nisāmaye ’ti. | imamhi khandhake vatthu dvepaṇṇāsa.

. . . . . . . . . . .

อนุชานามิ ภิกฺขเว นาวาย วสฺสํ อุปคนฺตุนฺติ. (วชาทีสุ วสฺสูปคมนํ นิฏฺฐิตํ.) (๑๑๖. วสฺสํ อนุปคนฺตพฺพฏฺฐานานิ) ๒๐๔. เตน โข ปน สมเยน ภิกฺขู รุกฺขสุสิเร วสฺสํ อุปคจฺฉนฺติ. มนุสฺสา อุชฺฌายนฺติ ขิยฺยนฺติ วิปาเจนฺติ “เสยฺยถาปิ ปิสาจิลฺลิกา”ติ. ภควโต เอตมตฺถํ อาโรเจสุํ. น ภิกฺขเว รุกฺขสุสิเร วสฺสํ อุปคนฺตพฺพํ. โย อุปคจฺเฉยฺย อาปตฺติ ทุกฺกฏสฺสาติ. เตน โข ปน สมเยน ภิกฺขู รุกฺขวิฏภิยา วสฺสํ อุปคจฺฉนฺติ. มนุสฺสา อุชฺฌายนฺติ ขิยฺยนฺติ วิปาเจนฺติ “เสยฺยถาปิ มิคลุทฺทกา”ติ. ภควโต เอตมตฺถํ อาโรเจสุํ. น ภิกฺขเว รุกฺขวิฏภิยา วสฺสํ อุปคนฺตพฺพํ. โย อุปคจฺเฉยฺย อาปตฺติ ทุกฺกฏสฺสาติ.

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=95d13357-7982-11e6-98cc-0050569f23b2

Choose languages

Choose images, etc.

Choose languages

Choose display