imamhi khandhake vatthūni chattiṃsānīti.
tassa uddānaṃ: Campāyaṃ bhagavā āsi, vatthu Vāsabhagāmake, āgantukānaṃ ussukkaṃ akāsi icchitabbake, |
pakataññuno ’ti ñatvā ussukkaṃ na kari tadā, ukkhitto na karotīti agamā jinasantike. |
(334) adhammena vaggakammaṃ samaggaṃ adhammena ca dhammena vaggakammaṃ ca paṭirūpakena vaggikaṃ |
paṭirūpakena samaggaṃ, eko ukkhipat’ ekakaṃ eko ca dve sambahule saṃghaṃ ukkhipat’ ekato, |
duve pi, sambahulāpi, saṃgho saṃghaṃ ca ukkhipi. sabbaññu pavaro sutvā adhamman ti paṭikkhipi. |
ñattivipannaṃ yaṃ kammaṃ sampannaṃ anussāvanaṃ anussāvanavipannaṃ sampannaṃ ñattiyā ca yaṃ |
ubhayena vipannaṃ ca aññatradhammam eva ca vinā satthu paṭikuṭṭhaṃ kuppaṃ aṭṭhānārahikaṃ. |
adhamma-vaggaṃ samaggaṃ paṭirūpāni ye duve, dhammen’ eva ca sāmaggiṃ anuññāsi tathāgato. |
catuvaggo pañcavaggo dasavaggo ca vīsati parovīsativaggo ca saṃgho pañcavidho tathā. |
ṭhapetvā upasampadaṃ yaṃ ca kammaṃ pavāraṇaṃ abbhānakammena saha catuvaggehi kammiko. |
duve kamme ṭhapetvāna majjhadesupasampadā abbhānaṃ pañcavaggiko sabbakammesu kammiko. |
abbhān’ ekaṃ ṭhapetvāna ye bhikkhū dasavaggikā. sabbakammakaro saṃgho vīso sabbatthakammiko. |
bhikkhunī sikkhamānā ca sāmaṇero sāmaṇerikā paccakkhāt’-antimavatthuṃ ukkhitt’ āpattādassane |
appaṭikamme diṭṭhiyā paṇḍaka-theyyasaṃvāsakaṃ titthiya-tiracchānagataṃ mātu pitu ca ghātakaṃ |
arahaṃ bhikkhunīdūsiṃ bhedakaṃ lohituppādaṃ vyañjanaṃ nānāsaṃvāsako c’ eva nānāsīmāya iddhiyā |
yassa saṃgho kare kammaṃ hont’ ete catuvīsati, sambuddhena paṭikkhittā na h’ ete gaṇapūrakā. |
pārivāsikacatuttho parivāsaṃ dadeyya vā mūlā-mānattaṃ abbheyya akammaṃ na ca karaṇaṃ. |
mūlā-araha-mānattā abbhānāraham eva ca na kammakārakā pañca sambuddhena pakāsitā. |
bhikkhunī sikkhamānā ca sāmaṇero sāmaṇerikā paccakkh’-antima-ummattā khitta-vedan’-adassane |
appaṭikamme diṭṭhiyā paṇḍakāpi ca vyañjanā nānāsaṃvāsakā sīmā vehāsaṃ yassa kamma ca |
(335) aṭṭhārasannaṃ etesaṃ paṭikkosa na rūhati, bhikkhussa pakatattassa rūhati paṭikkosanā. |
suddh’ assa dunnisārito, bālo hi sunissārito. paṇḍako theyyasaṃvāsaṃ pakkanto tiracchānagato |
mātu pitu arahanta-dūsako saṃghabhedako lohituppādako c’ eva ubhatovyañjano ca yo |
ekādasannaṃ etesaṃ osāraṇaṃ na yujjati. hattha-pādā tadubhayaṃ kaṇṇa-nāsā tadubhayā |
aṅguli aḷa-kaṇḍaraṃ phaṇaṃ khujjo ca vāmano gaṇḍi lakkhaṇa-kasā ca likhitako ca sīpadi |
pāpa-parisa-kāṇo ca kuṇi khañjo hato pi ca iriyāpatha-dubbalo andho mūgo ca badhiro |
andhamūga-badhiro ca mūgabadhiram eva ca andhabadhiramūgo ca dvattiṃs’ ete anūnakā, |
tesaṃ osāraṇaṃ hoti sambuddhena pakāsitaṃ. daṭṭhabbā paṭikātabbā nissajjetaṃ na vijjati, |
tassa ukkhepanā kammā satta honti adhammikā, āpannaṃ anuvattantaṃ satta te pi adhammikā, |
āpannaṃ nānuvattantaṃ sattakammesu dhammikā. sammukhā paṭipucchā ca paṭiññāya ca kārakā |
sati-amūḷha-pāpikā tajjaniyavasena ca pabbājaniya-paṭisāro ukkhepa-parivāsa ca |
mūla-mānatta-abbhānā tath’ eva upasampadā: aññaṃ kareyya aññassa soḷas’ ete adhammikā, |
taṃ taṃ kareyya taṃ tassa soḷas’ ete sudhammikā, paccāropeyya aññañño soḷas’ ete adhammikā, |
dvedvetamūlakan tassa, te pi soḷasa dhammikā, ekekamūlakaṃ cakkaṃ adhamman ti jino ’bravi. |
akāsi tajjaniyakammaṃ saṃgho bhaṇḍanakārako adhammena vaggakammaṃ, aññaṃ āvāsa gacchi so, |
tattha dhammena samaggā tassa tajjaniyaṃ karuṃ, aññattha vaggadhammena tassa tajjaniyaṃ karuṃ, |
paṭirūpakena vaggāpi samaggāpi tathā karuṃ. adhammena samaggā ca, dhammena vaggam eva ca, |
paṭirūpakena vaggā ca, samaggā ca, ime padā, ekekamūlakaṃ katvā cakka bandhe vicakkhaṇo. |
bālāvyattassa nissayaṃ, pabbāje kuladūsakaṃ, paṭisāraṇiyakammaṃ kare akkosakassa ca, |
(336) adassanāpaṭikamme yo ca diṭṭhiṃ na nissaje tesaṃ ukkhepaniyakammaṃ satthavāhena bhāsitaṃ. |
ukkhepaniyakammānaṃ pañño tajjaniyaṃ naye. tesaṃ yeva anulomaṃ sammāvattantayācite |
passaddhi tesaṃ kammānaṃ heṭṭhākammanayena ca. tasmiṃ-tasmiṃ tu kammesu tatraṭṭho ca vivadati |
akataṃ dukkaṭaṃ c’ eva puna kātabbakan ti ca kamme passaddhiyā cāpi te bhikkhū dhammavādino. |
vipattivyādhite disvā kammappatte mahāmuni paṭippassaddhim akkhāsi sallakatto va osadhan ti.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
(๒๓๗. จตุวคฺคกรณาทิกถา) ๓๘๘. ปญฺจ สงฺฆา จตุวคฺโค ภิกฺขุสงฺโฆ ปญฺจวคฺโค ภิกฺขุสงฺโฆ ทสวคฺโค ภิกฺขุสงฺโฆ วีสติวคฺโค ภิกฺขุสงฺโฆ อติเรกวีสติวคฺโค ภิกฺขุสงฺโฆ.
ตตฺร ภิกฺขเว ยฺวายํ จตุวคฺโค ภิกฺขุสงฺโฆ ฐเปตฺวา ตีณิ กมฺมานิ อุปสมฺปทํ ปวารณํ อพฺภานํ ธมฺเมน สมคฺโค สพฺพกมฺเมสุ กมฺมปฺปตฺโต.
ตตฺร ภิกฺขเว ยฺวายํ ปญฺจวคฺโค ภิกฺขุสงฺโฆ ฐเปตฺวา ทฺเว กมฺมานิ มชฺฌิเมสุ ชนปเทสุ อุปสมฺปทํ อพฺภานํ ธมฺเมน สมคฺโค สพฺพกมฺเมสุ กมฺมปฺปตฺโต.
ตตฺร ภิกฺขเว ยฺวายํ ทสวคฺโค ภิกฺขุสงฺโฆ ฐเปตฺวา เอกํ กมฺมํ อพฺภานํ ธมฺเมน สมคฺโค สพฺพกมฺเมสุ กมฺมปฺปตฺโต.
ตตฺร ภิกฺขเว ยฺวายํ วีสติวคฺโค ภิกฺขุสงฺโฆ ธมฺเมน สมคฺโค สพฺพกมฺเมสุ กมฺมปฺปตฺโต.
ตตฺร ภิกฺขเว ยฺวายํ อติเรกวีสติวคฺโค ภิกฺขุสงฺโฆ ธมฺเมน สมคฺโค สพฺพกมฺเมสุ กมฺมปฺปตฺโต.
๓๘๙. จตุวคฺคกรณญฺเจ ภิกฺขเว กมฺมํ ภิกฺขุนิจตุตฺโถ กมฺมํ กเรยฺย อกมฺมํ น จ กรณียํ.
จตุวคฺคกรณญฺเจ ภิกฺขเว กมฺมํ สิกฺขมานจตุตฺโถ กมฺมํ กเรยฺย… อกมฺมํ น จ กรณียํฯเปฯ. สามเณรจตุตฺโถ กมฺมํ กเรยฺย… อกมฺมํ น จ กรณียํ. สามเณริจตุตฺโถ กมฺมํ กเรยฺย… อกมฺมํ น จ กรณียํ. สิกฺขํ ปจฺจกฺขาตกจตุตฺโถ กมฺมํ กเรยฺย… อกมฺมํ น จ กรณียํ. อนฺติมวตฺถุํ อชฺฌาปนฺนกจตุตฺโถ กมฺมํ กเรยฺย… อกมฺมํ น จ กรณียํ. อาปตฺติยา อทสฺสเน อุกฺขิตฺตกจตุตฺโถ กมฺมํ กเรยฺย… อกมฺมํ น จ กรณียํ. อาปตฺติยา อปฺปฏิกมฺเม อุกฺขิตฺตกจตุตฺโถ กมฺมํ กเรยฺย… อกมฺมํ น จ กรณียํ. ปาปิกาย ทิฏฺฐิยา อปฺปฏินิสฺสคฺเค อุกฺขิตฺตกจตุตฺโถ กมฺมํ กเรยฺย… อกมฺมํ น จ กรณียํ. ปณฺฑกจตุตฺโถ กมฺมํ กเรยฺย… อกมฺมํ น จ กรณียํ. เถยฺยสํวาสกจตุตฺโถ กมฺมํ กเรยฺย… อกมฺมํ น จ กรณียํ. ติตฺถิยปกฺกนฺตกจตุตฺโถ กมฺมํ กเรยฺย… อกมฺมํ น จ กรณียํ. ติรจฺฉานคตจตุตฺโถ กมฺมํ กเรยฺย… อกมฺมํ น จ กรณียํ. มาตุฆาตกจตุตฺโถ กมฺมํ กเรยฺย… อกมฺมํ น จ กรณียํ. ปิตุฆาตกจตุตฺโถ กมฺมํ กเรยฺย… อกมฺมํ น จ กรณียํ. อรหนฺตฆาตกจตุตฺโถ กมฺมํ กเรยฺย… อกมฺมํ น จ กรณียํ. ภิกฺขุนิทูสกจตุตฺโถ กมฺมํ กเรยฺย… อกมฺมํ น จ กรณียํ. สงฺฆเภทกจตุตฺโถ กมฺมํ กเรยฺย… อกมฺมํ น จ กรณียํ. โลหิตุปฺปาทกจตุตฺโถ กมฺมํ กเรยฺย… อกมฺมํ น จ กรณียํ. อุภโตพฺยญฺชนกจตุตฺโถ กมฺมํ กเรยฺย… อกมฺมํ น จ กรณียํ. นานาสํวาสกจตุตฺโถ กมฺมํ กเรยฺย… อกมฺมํ น จ กรณียํ. นานาสีมาย ฐิตจตุตฺโถ กมฺมํ กเรยฺย… อกมฺมํ น จ กรณียํ. อิทฺธิยา เวหาเส ฐิตจตุตฺโถ กมฺมํ กเรยฺย… อกมฺมํ น จ กรณียํ. ยสฺส สงฺโฆ กมฺมํ กโรติ ตํจตุตฺโถ กมฺมํ กเรยฺย อกมฺมํ น จ กรณียํ.
จตุวรณํ.
๓๙๐. ปญฺจวคฺคกรณญฺเจ ภิกฺขเว กมฺมํ ภิกฺขุนิปญฺจโม กมฺมํ กเรยฺย… อกมฺมํ น จ กรณียํ. ปญฺจวคฺคกรณญฺเจ ภิกฺขเว กมฺมํ สิกฺขมานปญฺจโม กมฺมํ กเรยฺยฯเปฯ. สามเณรปญฺจโม กมฺมํ กเรยฺย… สามเณริปญฺจโม กมฺมํ กเรยฺย สิกฺขํ ปจฺจกฺขาตกปญฺจโม กมฺมํ กเรยฺย… อนฺติมวตฺถุํ อชฺฌาปนฺนกปญฺจโม กมฺมํ กเรยฺย… อาปตฺติยา อทสฺสเน อุกฺขิตฺตกปญฺจโม กมฺมํ กเรยฺย… อาปตฺติยา อปฺปฏิกมฺเม อุกฺขิตฺตกปญฺจโม กมฺมํ กเรยฺย… ปาปิกาย ทิฏฺฐิยา อปฺปฏินิสฺสคฺเค อุกฺขิตฺตกปญฺจโม กมฺมํ กเรยฺย… ปณฺฑกปญฺจโม กมฺมํ กเรยฺย… เถยฺยสํวาสกปญฺจโม กมฺมํ กเรยฺย… ติตฺถิยปกฺกนฺตกปญฺจโม กมฺมํ กเรยฺย… ติรจฺฉานคตปญฺจโม กมฺมํ กเรยฺย… มาตุฆาตกปญฺจโม กมฺมํ กเรยฺย… ปิตุฆาตกปญฺจโม กมฺมํ กเรยฺย… อรหนฺตฆาตกปญฺจโม กมฺมํ กเรยฺย… ภิกฺขุนิทูสกปญฺจโม กมฺมํ กเรยฺย… สงฺฆเภทกปญฺจโม กมฺมํ กเรยฺย… โลหิตุปฺปาทกปญฺจโม กมฺมํ กเรยฺย… อุภโตพฺยญฺชนกปญฺจโม กมฺมํ กเรยฺย… นานาสํวาสกปญฺจโม กมฺมํ กเรยฺย… นานาสีมาย ฐิตปญฺจโม กมฺมํ กเรยฺย… อิทฺธิยา เวหาเส ฐิตปญฺจโม กมฺมํ กเรยฺย… ยสฺส สงฺโฆ กมฺมํ กโรติ ตํปญฺจโม กมฺมํ กเรยฺย อกมฺมํ น จ กรณียํ.
ปญฺจวคฺคกรณํ.
๓๙๑. ทสวคฺคกรณญฺเจ ภิกฺขเว กมฺมํ ภิกฺขุนิทสโม กมฺมํ กเรยฺย อกมฺมํ น จ กรณียํ. ทสวคฺคกรณญฺเจ ภิกฺขเว กมฺมํ สิกฺขมานทสโม กมฺมํ กเรยฺย อกมฺมํ น จ กรณียํฯเปฯ ทสวคฺคกรณญฺเจ ภิกฺขเว กมฺมํ ยสฺส สงฺโฆ กมฺมํ กโรติ ตํทสโม กมฺมํ กเรยฺย อกมฺมํ น จ กรณียํ.
ทสวคฺคกรณํ.
๓๙๒. วีสติวคฺคกรณญฺเจ ภิกฺขเว กมฺมํ ภิกฺขุนิวีโส กมฺมํ กเรยฺย อกมฺมํ น จ กรณียํ. วีสติวคฺคกรณญฺเจ ภิกฺขเว กมฺมํ สิกฺขมานวีโส กมฺมํ กเรยฺย ฯเปฯ สามเณรวีโส กมฺมํ กเรยฺย… สามเณริวีโส กมฺมํ กเรยฺย… สิกฺขํ ปจฺจกฺขาตกวีโส กมฺมํ กเรยฺย… อนฺติมวตฺถุํ อชฺฌาปนฺนกวีโส กมฺมํ กเรยฺย… อาปตฺติยา อทสฺสเน อุกฺขิตฺตกวีโส กมฺมํ กเรยฺย… อาปตฺติยา อปฺปฏิกมฺเม อุกฺขิตฺตกวีโส กมฺมํ กเรยฺย… ปาปิกาย ทิฏฺฐิยา อปฺปฏินิสฺสคฺเค อุกฺขิตฺตกวีโส กมฺมํ กเรยฺย… ปณฺฑกวีโส กมฺมํ กเรยฺย… เถยฺยสํวาสกวีโส กมฺมํ กเรยฺย… ติตฺถิยปกฺกนฺตกวีโส กมฺมํ กเรยฺย… ติรจฺฉานคตวีโส กมฺมํ กเรยฺย… มาตุฆาตกวีโส กมฺมํ กเรยฺย… ปิตุฆาตกวีโส กมฺมํ กเรยฺย… อรหนฺตฆาตกวีโส กมฺมํ กเรยฺย… ภิกฺขุนิทูสกวีโส กมฺมํ กเรยฺย… สงฺฆเภทกวีโส กมฺมํ กเรยฺย… โลหิตุปฺปาทกวีโส กมฺมํ กเรยฺย… อุภโตพฺยญฺชนกวีโส กมฺมํ กเรยฺย… นานาสํวาสกวีโส กมฺมํ กเรยฺย… นานาสีมาย ฐิตวีโส กมฺมํ กเรยฺย… อิทฺธิยา เวหาเส ฐิตวีโส กมฺมํ กเรยฺย… ยสฺส สงฺโฆ กมฺมํ กโรติ ตํวีโส กมฺมํ กเรยฺย อกมฺมํ น จ กรณียํ.
วีสติวคฺคกรณํ. (จตุวคฺคกรณาทิกถา นิฏฺฐิตา.)
(๒๓๘. ปาริวาสิกาทิกถา) ๓๙๓. ปาริวาสิกจตุตฺโถ เจ ภิกฺขเว ปริวาสํ ทเทยฺย มูลาย ปฏิกสฺเสยฺย มานตฺตํ ทเทยฺย ตํวีโส อพฺเภยฺย อกมฺมํ น จ กรณียํ.
มูลาย ปฏิกสฺสนารหจตุตฺโถ เจ ภิกฺขเว ปริวาสํ ทเทยฺย มูลาย ปฏิกสฺเสยฺย มานตฺตํ ทเทยฺย ตํวีโส อพฺเภยฺย อกมฺมํ น จ กรณียํ.
มานตฺตารหจตุตฺโถ เจ ภิกฺขเว ปริวาสํ ทเทยฺย มูลาย ปฏิกสฺเสยฺย มานตฺตํ ทเทยฺย ตํวีโส อพฺเภยฺย อกมฺมํ น จ กรณียํ.
มานตฺตจาริกจตุตฺโถ เจ ภิกฺขเว ปริวาสํ ทเทยฺย มูลาย ปฏิกสฺเสยฺย มานตฺตํ ทเทยฺย ตํวีโส อพฺเภยฺย อกมฺมํ น จ กรณียํ.
อพฺภานารหจตุตฺโถ เจ ภิกฺขเว ปริวาสํ ทเทยฺย มูลาย ปฏิกสฺเสยฺย มานตฺตํ ทเทยฺย ตํวีโส อพฺเภยฺย อกมฺมํ น จ กรณียํ.
๓๙๔. เอกจฺจสฺส ภิกฺขเว สงฺฆมชฺเฌ ปฏิกฺโกสนา รุหติ เอกจฺจสฺส น รุหติ.
กสฺส จ ภิกฺขเว สงฺฆมชฺเฌ ปฏิกฺโกสนา น รุหติ?
ภิกฺขุนิยา ภิกฺขเว สงฺฆมชฺเฌ ปฏิกฺโกสนา น รุหติ. สิกฺขมานาย ภิกฺขเวฯเปฯ สามเณรสฺส ภิกฺขเว… สามเณริยา ภิกฺขเว… สิกฺขาปจฺจกฺขาตกสฺส ภิกฺขเว… อนฺติมวตฺถุํ อชฺฌาปนฺนกสฺส ภิกฺขเว … อุมฺมตฺตกสฺส ภิกฺขเว… ขิตฺตจิตฺตสฺส ภิกฺขเว… เวทนาฏฺฏสฺส ภิกฺขเว… อาปตฺติยา อทสฺสเน อุกฺขิตฺตกสฺส ภิกฺขเว… อาปตฺติยา อปฺปฏิกมฺเม อุกฺขิตฺตกสฺส ภิกฺขเว… ปาปิกาย ทิฏฺฐิยา อปฺปฏินิสฺสคฺเค อุกฺขิตฺตกสฺส ภิกฺขเว… ปณฺฑกสฺส ภิกฺขเว… เถยฺยสํวาสกสฺส ภิกฺขเว… ติตฺถิยปกฺกนฺตกสฺส ภิกฺขเว ติรจฺฉานคตสฺส ภิกฺขเว… มาตุฆาตกสฺส ภิกฺขเว… ปิตุฆาตกสฺส ภิกฺขเว… อรหนฺตฆาตกสฺส ภิกฺขเว… ภิกฺขุนิทูสกสฺส ภิกฺขเว… สงฺฆเภทกสฺส ภิกฺขเว… โลหิตุปฺปาทกสฺส ภิกฺขเว… อุภโตพฺยญฺชนกสฺส ภิกฺขเว… นานาสํวาสกสฺส ภิกฺขเว… นานาสีมาย ฐิตสฺส ภิกฺขเว… อิทฺธิยา เวหาเส ฐิตสฺส ภิกฺขเว ยสฺส สงฺโฆ กมฺมํ กโรติ ตสฺส จ ภิกฺขเว สงฺฆมชฺเฌ ปฏิกฺโกสนา น รุหติ.
อิเมสํ โข ภิกฺขเว สงฺฆมชฺเฌ ปฏิกฺโกสนา น รุหติ.
กสฺส จ ภิกฺขเว สงฺฆมชฺเฌ ปฏิกฺโกสนา รุหติ?
ภิกฺขุสฺส ภิกฺขเว ปกตตฺตสฺส สมานสํวาสกสฺส สมานสีมาย ฐิตสฺส อนฺตมโส อานนฺตริกสฺสาปิ ภิกฺขุโน วิญฺญาเปนฺตสฺส สงฺฆมชฺเฌ ปฏิกฺโกสนา รุหติ.
อิมสฺส โข ภิกฺขเว สงฺฆมชฺเฌ ปฏิกฺโกสนา รุหติ. (ปาริวาสิกาทิกถา นิฏฺฐิตา.)
(๒๓๙. ทฺเวนิสฺสารณาทิกถา) ๓๙๕. ทฺเวมา ภิกฺขเว นิสฺสารณา.
อตฺถิ ภิกฺขเว ปุคฺคโล อปฺปตฺโต นิสฺสารณํ. ตญฺเจ สงฺโฆ นิสฺสาเรติ เอกจฺโจ สุนิสฺสาริโต เอกจฺโจ ทุนฺนิสฺสาริโต.
กตโม จ ภิกฺขเว ปุคฺคโล อปฺปตฺโต นิสฺสารณํ ตญฺเจ สงฺโฆ นิสฺสาเรติ ทุนฺนิสฺสาริโต?
อิธ ปน ภิกฺขเว ภิกฺขุ สุทฺโธ โหติ อนาปตฺติโก. ตญฺเจ สงฺโฆ นิสฺสาเรติ ทุนฺนิสฺสาริโต.
อยํ วุจฺจติ ภิกฺขเว ปุคฺคโล อปฺปตฺโต นิสฺสารณํ ตญฺเจ สงฺโฆ นิสฺสาเรติ ทุนฺนิสฺสาริโต.
กตโม จ ภิกฺขเว ปุคฺคโล อปฺปตฺโต นิสฺสารณํ ตญฺเจ สงฺโฆ นิสฺสาเรติ สุนิสฺสาริโต?
อิธ ปน ภิกฺขเว ภิกฺขุ พาโล โหติ อพฺยตฺโต อาปตฺติพหุโล อนปทาโน คิหิสํสฏฺโฐ วิหรติ อนนุโลมิเกหิ คิหิสํสคฺเคหิ ตญฺเจ สงฺโฆ นิสฺสาเรติ สุนิสฺสาริโต.
อยํ วุจฺจติ ภิกฺขเว ปุคฺคโล อปฺปตฺโต นิสฺสารณํ ตญฺเจ สงฺโฆ นิสฺสาเรติ สุนิสฺสาริโต.
๓๙๖. ทฺเวมา ภิกฺขเว โอสารณา.
อตฺถิ ภิกฺขเว ปุคฺคโล อปฺปตฺโต โอสารณํ ตญฺเจ สงฺโฆ โอสาเรติ เอกจฺโจ โสสาริโต เอกจฺโจ โทสาริโต.
กตโม จ ภิกฺขเว ปุคฺคโล อปฺปตฺโต โอสารณํ ตญฺเจ สงฺโฆ โอสาเรติ โทสาริโต?
ปณฺฑโก ภิกฺขเว อปฺปตฺโต โอสารณํ ตญฺเจ สงฺโฆ โอสาเรติ โทสาริโต.
เถยฺยสํวาสโก ภิกฺขเว อปฺปตฺโต โอสารณํ ตญฺเจ สงฺโฆ โอสาเรติ โทสาริโต. ติตฺถิยปกฺกนฺตโก ภิกฺขเวฯเปฯ ติรจฺฉานคโต ภิกฺขเว… มาตุฆาตโก ภิกฺขเว… ปิตุฆาตโก ภิกฺขเว… อรหนฺตฆาตโก ภิกฺขเว… ภิกฺขุนิทูสโก ภิกฺขเว… สงฺฆเภทโก ภิกฺขเว… โลหิตุปฺปาทโก ภิกฺขเว… อุภโตพฺยญฺชนโก ภิกฺขเว อปฺปตฺโต โอสารณํ ตญฺเจ สงฺโฆ โอสาเรติ โทสาริโต.
อยํ วุจฺจติ ภิกฺขเว ปุคฺคโล อปฺปตฺโต โอสารณํ ตญฺเจ สงฺโฆ โอสาเรติ โทสาริโต.
อิเม วุจฺจนฺติ ภิกฺขเว ปุคฺคลา อปฺปตฺตา โอสารณํ เต เจ สงฺโฆ โอสาเรติ โทสาริตา.
กตโม จ ภิกฺขเว ปุคฺคโล อปฺปตฺโต โอสารณํ ตญฺเจ สงฺโฆ โอสาเรติ โสสาริโต?
หตฺถจฺฉินฺโน ภิกฺขเว อปฺปตฺโต โอสารณํ ตญฺเจ สงฺโฆ โอสาเรติ โสสาริโต.
ปาทจฺฉินฺโน ภิกฺขเวฯเปฯ หตฺถปาทจฺฉินฺโน ภิกฺขเว… กณฺณจฺฉินฺโน ภิกฺขเว… นาสจฺฉินฺโน ภิกฺขเว… กณฺณนาสจฺฉินฺโน ภิกฺขเว… องฺคุลิจฺฉินฺโน ภิกฺขเว… อฬจฺฉินฺโน ภิกฺขเว… กณฺฑรจฺฉินฺโน ภิกฺขเว… ผณหตฺถโก ภิกฺขเว… ขุชฺโช ภิกฺขเว… วามโน ภิกฺขเว… คลคณฺฑี ภิกฺขเว… ลกฺขณาหโต ภิกฺขเว… กสาหโต ภิกฺขเว… ลิขิตโก ภิกฺขเว… สีปทิโก ภิกฺขเว… ปาปโรคี ภิกฺขเว… ปริสทูสโก ภิกฺขเว… กาโณ ภิกฺขเว… กุณี ภิกฺขเว… ขญฺโช ภิกฺขเว… ปกฺขหโต ภิกฺขเว… ฉินฺนิริยาปโถ ภิกฺขเว… ชราทุพฺพโล ภิกฺขเว… อนฺโธ ภิกฺขเว… มูโค ภิกฺขเว… พธิโร ภิกฺขเว… อนฺธมูโค ภิกฺขเว… อนฺธพธิโร ภิกฺขเว… มูคพธิโร ภิกฺขเว… อนฺธมูคพธิโร ภิกฺขเว อปฺปตฺโต โอสารณํ ตญฺเจ สงฺโฆ โอสาเรติ โสสาริโต.