’od srung bzhi po ’di dag ni byang chub sems dpa’i ’khrul pa ste | bzhi gang zhe na | ’di lta ste | sems can yongs su smin par ma byas pa rnams la yid rton pa byang chub sems dpa’i ’khrul pa dang | sems can snod du ma gyur pa rnams la sangs rgyas kyi chos rgya chen po ston pa byang chub sems dpa’i ’khrul pa dang | rgya chen po la mos pa’i sems can rnams la theg pa dman pa ston pa dang | byang chub sems dpa’i ’khrul pa dang | sems can yang dag pa la rab tu gnas pa tshul khrims dang ldan pa dge ba’i chos can rnams la brnyas shing tshul khrims ’chal ba sdig pa’i chos can kun du sdud pa byang chub sems dpa’i ’khrul pa ste | ’od srung bzhi po ’di dag ni byang chub sems dpa’i ’khrul pa’o || de la ’di skad ces bya ste | yongs smin ma byas rnams la yid mi brtan || snod min rnams la rgya chen chos mi bshad | | rgya chen sems can rnams la theg pa dman || byang chub sems dpa’ mchog gis bshad mi bya | | yang dag gnas shing tshul khrims yon tan ldan || dge ba’i chos can rnams la brnyas mi bya | | tshul khrims ’chal pa’i sems can yongs mi bsdu || sdig pa’i chos rnams yongs su spang bar bya | | ’khrul pa’i chos bzhi ’di dag shes gyur nas || byang chub sems dpas rgyang bsring rnam par spong | | ’di dag bstan na byang chub ’tshang mi rgya || de lta bas na mkhas pas chos ’di spong ||