’od srung ’di lta ste dper na nor bu rin po che mi gtsang ba’i nang du lhung na smad par ’gyur zhing mkho bar mi ’gyur ro || ’od srung de bzhin du mang du thos pa rnyed pa dang bkur sti’i mi gtsang ba’i nang du lhung bar blta ste | ci yang med pa la ni lha dang mi rnams dga’ bar ’gyur ro || de la ’di skad ces bya ste | dper na rin chen mi gtsang lhung ba smad || ji ltar sngon bzhin du ni phyis ma yin | | dge slong mang du thos par gyur ba yang || bkur sti’i mi gtsang lhung ba de ’drar bshad ||