Bibliotheca Polyglotta

Khuddakanikāya: Petavatthu

Complete text

(013) 12 Uragapetavatthu

Vv_I,12[=12].1 Urago va tacaṃ jiṇṇaṃ hitvā gacchati saṃ tanuṃ evaṃ sarīre nibbhoge pete kālakate sati, || 85 ||

Vv_I,12[=12].2 Ḍayhamāno na jānāti ñātīnaṃ paridevitaṃ tasmā etaṃ na rodāmi gato so tassa yā gatī ti. || 86 ||

Vv_I,12[=12].3 Anabbhito tato āgā nānuññāto ito gato yathāgato tathā gato tattha kā paridevanā. || 87 ||

Vv_I,12[=12].4 Ḍayhamāno na jānāti ñātīnaṃ paridevitaṃ tasmā etaṃ na rodāmi gato so tassa yā gatī ti. || 88 ||

Vv_I,12[=12].5 Sace rode kisā assaṃ tattha me kiṃ phalaṃ siyā ñātimittasuhajjānaṃ bhiyyo no aratī siyā. || 89 ||

Vv_I,12[=12].6 Ḍayhamāno na jānāti ñātīnaṃ paridevitaṃ tasmā etaṃ na rodāmi gato so tassa yā gatī ti. || 90 ||

Vv_I,12[=12].7 Yathā pi dārako candaṃ gacchantam anurodati evaṃ sampadam ev’ etaṃ yo petam anusocati. || 91 ||

Vv_I,12[=12].8 Ḍayhamāno na jānāti ñātīnaṃ paridevitaṃ tasmā etaṃ na rodāmi gato so tassa yā gatī ti. || 92 ||

Vv_I,12[=12].9 Yathā pi brahme udakumbho bhinno appaṭisandhiyo evaṃ sampadam ev’ etaṃ yo petam anusocati. || 93 ||

Vv_I,12[=12].10 Ḍayhamāno na jānāti ñātīnaṃ paridevitaṃ tasmā etaṃ na rodāmi gato so tassa yā gatī ti. || 94 ||

Uragapetavatthu dvādasamaṃ Tass’ uddānaṃ:

Khettañ ca sūkaraṃ pūti piṭṭhañ cā pi tirokuḍḍaṃ (014) pañcā pi sattaputtañ ca goṇaṃ pesakārakañ ca tathā khallāṭiyaṃ nāgaṃ dvādasaṃ uragañ c’ evā ti.

URAGAVAGGO PAṬHAMO

(015) II UBBARIVAGGA

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=e218c974-8d51-11e6-98cc-0050569f23b2

Go to Wiki Documentation
Enhet: Det humanistiske fakultet Utviklet av: IT-seksjonen ved HF

Choose languages

Choose images, etc.

Choose languages

Choose display