Bibliotheca Polyglotta

saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ rab na bźugs so || tshe daṅ ldan pa ñe dga’i dge tshul tsher mdaṅ chen po pa gñis gcig la gcig gźogs stegs daṅ (3) phyar g-yeṅ daṅ | lus la rdeg par byed ciṅ ’di lta ste dper na bud med skyes pa daṅ lhan cig byed pa daṅ | skyes pa bud med daṅ lhan cig byed pa ltar byed pa’i skabs de bcom ldan ’das la dge sloṅ rnams kyis gsol ba daṅ | bcom ldan ’das kyis dgoṅs pa | ñes dmigs (4) gaṅ ci byuṅ ba de ni dge sloṅ dag dge tshul gñis ñe bar ’jog pa las gyur pa yin no sñam nas bka’ stsal pa | de lta bas na dge sloṅ gis dge tshul gñis ñe bar gźag par mi bya’o || ñe bar ’jog na ’gal tshabs can du ’gyur ro || bcom ldan ’das kyis dge sloṅ (5) gis dge tshul gñis ñe bar gźag par mi bya’o źas bka’ stsal nas | gźan spun gñis śig ’oṅs te | bdag cag gñis cig car lhan cig tu rab tu ’byuṅ bar bya’o źes ṅes par byas te lhags pa na | dge sloṅ dag de gñis rab tu ’byin zar mi byed pas de gñis rab tu (6) ’byuṅ ba mthob par doṅ ste | de ñid tshe daṅ ldan pa de gñis legs par gsuṅs pa’i chos ’dul ba la rab tu ’byuṅ ba daṅ bsñen par rdzogs pa dge sloṅ gi dṅos po’i bar chad du gyur pa’i skabs de bcom ldan ’das la dge sloṅ rnams kyis gsol pa daṅ | bcom ldan ’das (7) kyis bka’ stsal pa | gal te spu na gñis śig ’oṅs te bdag cag gñis cig car lhan cig tu rab tu ’byuṅ bar bya’o źes res par byas te lhags na rab tu dbyuṅ bar bya’o || rab tu phyun nas gal te lo ñi śu lon na bsñen par rdzogs par bya’o || gal te gcig lo ñi śu lon na de (76a1) bsñen par rdzogs par bya źiṅ cig śos dge tshul du ñe bar gźag par bya’o || gal te gñig lo ñi śu ma lon na gcig bdag ñid kyis ñe bar gźag par bya źiṅ | cig śos dge sloṅ grogs po ’ga’ la gtad par bya’o || gaṅ la gtad pa de ñid (2) kyis bsñen par rdzogs par byad nas bcom ldan ’das kyis bka’ stsal pa | de gaṅ gi yin pa des bsñen par rdzogs par bya’o || des mi ster nas bcom ldan ’das kyis bka’ stsal pa | mi ster pa las mthus dgug par bya’o || ||

. . . . . . . . . . . . . . . . . . . . . . .

saṅs rgyas bcom (3) ldan ’das mñan yod na rgyal byed kyi tshal mgon med zas sbyin gyi kun dga’ rab na bźugs so || mñan yod na khyim bdag cig ’dug pa de la bran mkhas pa | le lo med pa | sgrub phod pa | ’phral gyi bra ba thams cad la sṅon du ’gro ba źig yod de || dus gźan (4) źig na des bran de spyos pa daṅ bran des bsams pa | khyim bdag ’de mgu dka’ bar gyur pas bdag gis ’di’i sems sruṅ bar byed mi nus kyis ’bros su ’gro sñam mo || des bsams pa | yul gtoṅ ba ni dka’ ba byed pa yin gyis śākya ’i sras kyi dge spyod ’di (5) dag gis rgyal po las gźon nu’i yoṅs su spaṅ ba thob pas ’di dag gi naṅ du rab tu ’byuṅ bar bya’o sñam nas | de rgyal byed kyi tshal du soṅ ste | dge sloṅ gi gan du soṅ nas smras pa | ’phags pa bdag rab tu ’byuṅ bar ’tshal lo || des de rab tu phyuṅ źiṅ bsñen par (6) rdzogs par byas te | gdams ṅag byin nas des brtson pa daṅ | ’bad pa daṅ | brtsal ba byas pas ñon moṅs pa thams cad spaṅs pas dgra bcom pa ñid mṅon du byas te | dgra bcom pa khams gsum pa las ’dod chags daṅ bral ba | bod pa daṅ gser du mñam (7) pa | nam mkha’ daṅ lag mthil du mtshuṅs pa’i sems daṅ ldan pa | tsan dan daṅ ste’ur mñam pa lta bu | rig pas sgro ṅa’i sbubs dral bar gyur ciṅ | rig pa daṅ mṅon par śes pa daṅ | so so yaṅ dag par rig pa thob pa | srid pa daṅ | ’dod pa’i rñed pa (76b1) daṅ | bkur sti la rgyab kyis phyogs pa | dbaṅ po daṅ ñe dbaṅ daṅ bcas pa’i lha rnams kyis mchod par bya ba daṅ | rjed par bya ba daṅ | mṅon du smra bar bya bar gyur to || khyim bdag de ’gyod pa skyes nas des bsams pa | de bdag gi ’phral gyi bya ba thams cad (2) la sṅon du ’gro ba yin na | bdag gis ci’i phyir sbyos sñam mo || des bsams pa | gal te da mthoṅ na bzod pa gsol lo sñam nas des mñan yod kyi sgor bsdad do || dge sloṅ de yaṅ sṅa dro śam thabs bgos lhuṅ bzed daṅ chos gos thogs te | mñan yod du (3) bsod sñoms la źugs pa daṅ khyim bdag des de mthoṅ nas des smras pa | bźin bzaṅs khyod rab tu byuṅ na kho bo’i rim gro sus byed par ’gyur | tshur śog ’doṅ źes des lag pa brkyaṅ ste de’i lag pa gñis nas gzuṅ bar pa rtsams pa daṅ | des daṅ pa’i rgyal po (4) ’dab ma brkyaṅ ba ltar steṅ gi nam mkha’ la mṅon par ’phags nas ’bar ba daṅ | gsal ba daṅ | char ’bebs pa daṅ | glog ’byin pa’i cho ’phrul dag bya bar brtsams so || so so’i skye bo ni rdzu ’phrul la myur du sems gtod par byed yin pas khyim bdag de (5) śiṅ ljon pa rtsa pa nas bcaṅ pa bźin du dge sloṅ de’i rkaṅ pa gñis la gtugs nas smras pa | ’phags pa khyod kyis yon tan gyi tshogs ’di lta bu brñes sam | thob bo || des de la yo byaṅ thams cad kyis bstabs pa daṅ | thams cad du khyim bdag che go mo źig gi bran (6) rab tu byuṅ nas yon tan gyi tshogs de lta bu thob bo źes sgra grags so || kos la’i rgyal po gsal rgyal gyis khyim bdag che ge mo’i bran rab tu phyuṅ nas yon tan gyi tshogs de lta bu thob bo źes thos nas des blon po rnams la bsgo pa | śes ldan dag ṅa ni rgyal po rgyal rigs sbyi bor (7) dbaṅ bskur ba bya ba thams cad kyi mṅa’ bdag yin pas deṅ phyin chad ’ga’ źig gi bran rab tu ’byuṅ bar ’dod na des mi bzlog par bya’o || mñan yod na khyim bdag cig ’dug pa de la bran mkhas pa | le lo med pa | sgrub phor pa | ’phral gyi bya ba thams cad la sṅon du (77a1) ’gro ba źig yod do || dus gźan źig na des bran de spyos pa daṅ bran des bsams pa | khyim bdag ’di mgu dka’ bar gyur pas bdag gis ’di’i sems sruṅ bar byed mi nus kyis ’gros su ’gro’o sñam mo || des bsams pa | yul gtoṅ ba ni dka’ (2) ba byed pa yin gyis śākya ’i sras kyi dge sbyoṅ ’di dag na rgyal po las gźon nu’i yoṅs su spaṅ ba thob pas ’di dag gi naṅ du rab tu ’byuṅ bar bya’o sñam nas de rgyal byed kyi tshal du soṅ ste | dge sloṅ gi gan du soṅ nas smras pa | ’phags pa bdag rab tu ’byuṅ bar ’tshal lo || (3) des de rab tu dbyuṅ źiṅ bsñen par rdzogs par byas nas de’i ’og tu ñi ma gñis sam gsum du kun du spyad pa’i chos dge sloṅ tu bcug nas smras pa | bźin ba zaṅs ri dgas kyis ri dgas mi sos || mñan yod rgya che la raṅ gi sbyod yul daṅ yaṅ kyi yul yin gyis bsod (4) sñoms sgrubs la ’tsho bar gyis śig | khyim bdag de ’gyod pa skyes nas des bsams pa | de bdag gi ’phral gyi bya ba thams cad la sṅon du ’gro ba yin na | bdag gis ci’i phyir spyos sñam mo || des bsams pa | gal te da mthoṅ na bzod pa gsol lo sñam (5) nas des mñan yod kyi sgor bsṅad do || dge sloṅ de laṅ sṅa dro śam thabs bgos lhuṅ bzed daṅ chos gos thogs te mñan yod du bsod sñoms la źugs pa daṅ | khyim bdag des de mthoṅ nas des smras pa | bźin bzaṅs khyod rab tu byuṅ na kho bo’i rim gro sus byed par (6) ’gyur | tshur śog ’doṅ źes des lag pa brkyaṅ ste de’i lag pa gñis nas gsul bar brtsams pa daṅ | des smras pa | kho bo cag la rgyal pos gźon nu’i yoṅs su spaṅ ba byin nas gal te reg par byed na khyod kyi lag pa mkhrig mnas gcod du gźug go || de śākya ’i bu’i (7) dge sbyod rnams kyi dge sbyoṅ gi chul ni tshig pa yin no || bram ze’i tshul ni tshig pa yin te | ’di ltar bran yaṅ dag tu dbyin par byed do źes smod par byed | phyar ka gñod par byed | kha zer bar byed pa’i skabs de bcom ldan ’das la dge sloṅ rnams kyi gsol ba daṅ | (77b1) bcom ldan ’das kyis dgoṅs pa | ñes dmigs gaṅ ci byuṅ ba de ni dge sloṅ dag bran rab tu ’byin pa las gyur pa yin no sñam nas bka’ stsal pa | de lta bas na dge sloṅ gis bran rab tu dbyuṅ bar mi bya’o || ’ga’ źag gi gan du rab tu ’byuṅ bar ’dod pa ’oṅs na (2) des de la bran ma yin nam źes dri bar bya’o || ma dris par rab tu ’byin par byed na ’ga’ tshabs can du ’gyur ro || ||

. . . . . . . . . . . . . . . . . . . . . .

saṅs rgyas bcom ldan ’das mñan yod na rgyal byed kyi tshal mgon med zas sbyin gyi kun dga’ ra ba na bźugs so || mñan yod na khyim bdag cig ’dug (3) pa de la bu lon chags pa źig gis dus raṅ dus su dṅos daṅ skyed ’jal bar byed do || dus gźan źig na khyil bdag des bu lon chags pa de ma tshor ba kho na ra bzuṅ nas smras pa | dṅos daṅ skyed cig car phul cig ces des de dus cuṅ zad cig tu bzuṅ ste btaṅ pa daṅ des (4) bsams pa | khyim pa dag ’di mgu dka’ bar gyur pas bdag gis dṅos daṅ skyed cig car ’jal mi nus kyis ’bros su ’gro’o sñam mo || des bsams pa yul gtoṅ ba ni dka’ ba byed pa yin gyis śākya ’i sras kya dge sbyoṅ ’di dag gis rgyal po las gźon nu’i yoṅs su spaṅ ba (5) thob pas ’di dag gi naṅ du rab tu ’byuṅ bar bya’o sñam nas | de rgyal byed kyi tshal du soṅ ste dge sloṅ gi gaṅ du soṅ nas smras pa | ’phags pa bdag rab tu ’byuṅ bar ’tshal lo || des de rab tu phyuṅ źiṅ bsñen par rdzogs par byas te gaṅamasa ṅag khyin nas | des (6) brtson pa daṅ | ’bad pa daṅ | brtsal par byas pas ñon moṅs pa thams cad spaṅs pas dgra bcom pa ñid mṅon du byas te | dgra bcom pa khams gsum pa las ’dod chags daṅ bral ba | boṅ ba daṅ gser du mñam pa | nam mkha’ daṅ lag mthil du mtshuṅs (7) pa’i sems daṅ ldan pa | tsan dan źag lon par bźag pa lta bu rig pas sgo ṅa’i sgrubs dral bar gyur ciṅ rig pa daṅ | mṅon par śes pa daṅ | so so yaṅ dag par rig pa thob pa | srid pa daṅ | ’dod pa’i rñed pa daṅ | bkur sti la rgyab kyis phyogs pa | dbaṅ po daṅ ñe (78a1) dbaṅ daṅ bcas pa’i lha rnams kyis mchod par bya ba daṅ | rjed par bya ba daṅ | mṅon du smra bar bya bar gyur to || khyim bdag de ’gyod pa skyes nas des bsams pa | de bdag la sus daṅ dus su dṅos daṅ skyed ’bul ba yin na bdag gis ci’i phyir bzuṅ (2) sñam mo || des bsams pa | gal te da mthoṅ na bzod pa gsol lo sñam nas des mñan yod kyi sgor bsdad do || dge sloṅ de yaṅ dro śam thabs bgos lhuṅ bzod daṅ chos gos thogs te mñan yod du bsod sñoms la źugs pa daṅ | khyim bdag des de mthoṅ nas (3) des smras pa | bźin bzaṅs khyod rab tu byuṅ na kho bo la dus daṅ dus su dṅos daṅ skyed sus ’bul bar ’gyur | tshur śog ’doṅ źes des lag pa brkyaṅ ste de’i lag pa gñis nas gzuṅ ba ra brtsams pa daṅ | des daṅ pa’i rgyal po ’dab ma brkyaṅ ba ltar steṅ gi nam mkha’ (4) la mṅon par ’phags nas ’bar ba daṅ | gsal ba daṅ | chaRa ’bebs pa daṅ | glog ’byin pa’i cho ’phrul dag bya bar brtsams so || so so’i skye bo ni rdzu ’phrul la myur du sems gtod par byed pa yin pas khyim bdag de śiṅ ljon pa rtsa ba nas bcar pa bźin du dge (5) sloṅ de’i rkaṅ pa gñis la gtugs nas smras pa | ’phags pa khyod kyis yon tan gyi tshogs ’di lta bu brñes sam | thob bo || des de la yo byad thams cad kyis bstabs pa daṅ | thams cad du khyim bdag che ge mo źig gi du lon chags pa rab tu byuṅ nas yon tan gyi (6) tshogs de lta bu thob bo źes sgra grags so || ko sa la’i rgyal po gsal rgyal gyis khyim bdag che ge mo źig gi bu lon chags pa rab tu byuṅ nas yon tan gyi tshogs de lta bu thob bo źes thos nas | des blon po rnams la bsgo pa śes ldan dag ṅa ni rgyal po rgyal rigs spyi bor dbaṅ (7) bskur ba bya ba thams cad kyi mṅa’ bdag yin pas deṅ phyin chad ’ga’ źig gi bu lon chags pa rab tu ’byuṅ bar ’dod na des de mi bzlog par bya’o || || mñan yod na khyim bdag cig ’dug pa de la bu lon chags pa źig gis dus daṅ dus su dṅos daṅ skyed ’jal (78b1) bar byed do || dus gźan źig na khyim bdag des bu lon chags pa de mtshor ba kho nar bzuṅ nas smras pa | dṅos daṅ skyed cig car phul cig ces des de dus cuṅ zad cig bzuṅ nas btaṅ ba daṅ | des bsams pa | khyim bdag ’di mgu dka’ bar gyur pas bdag gis (2) dṅos daṅ skyed cig car ’jal mi nus kyis ’bros su ’gro’o sñam mo || des bsams pa | yul gtoṅ ba ni dga’ ba byed pa yin gyis śākya ’i sras kyi dge sbyoṅ ’di dag gis rgyal po las gźon nu’i yoṅs su spaṅ ba thob pas ’di dag gi naṅ du rab tu ’byuṅ bar bya’o sñam nas | de (3) rgyal byed kyi tshal du soṅ ste dge sloṅ gi gan du soṅ nas smras pa | ’phags pa bdag rab tu ’byuṅ bar ’tshal lo || des de rab tu phyuṅ źiṅ bsñen par rdzogs par byas nas de’i ’og tu ñi ma gñis sam gsum du kun du spyad pa’i chos dag slob tu bcug nas smras pa | bźin pa zaṅs (4) ri dgas kyis ri dgas mi sos | mñan yod rgya che la raṅ gi spyod yul daṅ lab kyi yul yin gyis bsod sñoms smubs la ’tsho bar gyis śig khyim bdag de ’gyod pa skyes nas des bsams pa | de bdag la dus daṅ dus su dṅos daṅ skyed ’bul ba yin na | bdag gis (5) ci’i phyir gzuṅ sñam mo des bsams pa | gal teṅ mthoṅ na bzod pa gsol lo sñam nas des mñan yod kyi sgor bsdad do || dge sloṅ de yaṅ sṅa dro śam thabs bgos lhuṅ bzed daṅ chos gos thogs te mñan yod du bsod sñoms la źugs pa daṅ | khyim bdag des de (6) mthoṅ nas des smras pa | bźin bzaṅs khyod rab tu byuṅ na kho bo la dus daṅ dus su dṅos daṅ skyed su ’bul bar ’gyur || tshur śog ’doṅ źes des lag pa brkyaṅ ste | de’i lag pa gñis nas gzuṅ bar brtsams pa daṅ des smras pa | kho bo cag la rgyal pos gźon nu’i (7) yoṅs su spaṅ ba byin pas gal te reg par byed na khyod kyi lag pa mkhrig ma nas gcod du gźug go || de śākya ’i bu’i dge sbyoṅ rnams kyi dge sbyoṅ gi tshul ni tshig pa yin no || bram ze’i tshul ni tshig pa yin te | ’di ltar bu lon chags pa yaṅ rab tu ’byin par byed do źes smod par (79a1) byed | phyar ka gtoṅ par byed | kha zer bar phyed pa’i skabs de bcom ldan ’das la dge sloṅ rnams kyis gsol ba daṅ | bcom ldan ’das kyis dgoṅs pa | ñes dmigs gaṅ ci byuṅ ba de ni dge sloṅ dgu bu lon chags pa rab tu ’byin pa las (2) gyur pa yin no sñam nas bka’ stsal ba | de lta pas na dge sloṅ gis bu lon chags pa rab tu dbyuṅ bar mi bya’o || ’ga’ źig gi gan du rab tu dbyuṅ bar ’dod pa ’oṅs na des de la bu lon chags pa ma yin nam źes dri bar bya’o || ma dris par rab tu ’byin par byed na ’gal (3) tshabs can du ’gyur ro || ||

. . . . . . . . . . . . . . . . .

saṅs rgyas bcom ldan ’das mñan yod na rgyal byod kyi tshal mgon med zas sbyin gyi kun dga’ rab na bźugs so || mñan yod na khyim bdag cig ’dug pa des rigs mñam pa las chuṅ ma blaṅs nas | de de daṅ lhan (4) cig rtse par byed | dga’ bar byed | dga’ mgur spyod par byed do || rtse par byed | dga’ bar byed | dga’ mgur spyod pa de’i du byuṅ nas bsriṅs śiṅ bskyed de chen por gyur to || dus gźan źig na des bu de spyos pa daṅ | bu des bsams pa | pha ’di mgu (5) dka’ bar gyur pas bdag gis ’di’i sems sruṅ bar byed mi nus kyis ’bros su ’gro’o sñam mo || des bsams pa | yul gtoṅ pa ni dka’ ba byed pa yin kyis śākya ’i sras kyi dge skyoṅ ’di dag ni rgyal po las gźon nu’i yoṅs su spaṅ ba thob pas ’di dag gi naṅ du rab tu ’byuṅ (6) bar bya’o sñam nas | de rgyal byed kyi tshal du soṅ ste dge sloṅ gi gan du soṅ nas smras pa || ’phags pa bdag rab tu ’byuṅ bar ’tshal lo || des skyabs su ’gro ba daṅ bslab pa’i gźi dag byin nas gaṅ gis de źu bar byed pa’i dge sloṅ la yaṅ gsol ba btab | gaṅ (7) gis de’i skra daṅ kha spu dag ’dreg bar byed pa’i dge sloṅ la yaṅ gsol ba btab gaṅ gis de’i khrus byed pa’i dge sloṅ la yaṅ gsol ba btab | gaṅ gis de dge tshul ñid du ñe bar sgrub par byed pa’i dge sloṅ la yaṅ gsol ba btab ste | de rab tu phyuṅ nas gaṅ gis de’i las (79b1) byed pa’i dge sloṅ la yaṅ gsol ba btab | gaṅ gis de la gsaṅ ste ston pa’i dge sloṅ la yaṅ gsol ba btab | gaṅ dag de’i las kyi gnas su ’jug par ’gyur pa’i dge sloṅ dag la yaṅ gsol ba btab nas de bsñen par rdzogs par byed pa na | khyim bdag de ’oṅs (2) nas dris pa | ’phags pa khye’u ’di ’dra ba źig mchis pa gzigs sam | des smras pa | de źu bar byed | de skra daṅ kha sbu dag ’breg par byed | de khrus byed de | dge tshul ñid du ñe bar sgrub par byed | de bsñen par rdzogs par byed do źes de dag gis de bsñen (3) par rdzogs par byas nas grib tshod gźal źiṅ ñin mtshan gyi cha daṅ | dus tshigs brjod de | gnas rnams daṅ | ltuṅ bar ’gyur ba’i chos rnams daṅ | dge sbyoṅ byed pa’i chos rnams daṅ | mchog tu ’dod par bya ba yaṅ dag pa ñid kyis rdzogs pa ñid daṅ | (4) tshul khrims kyis mñam par gyur pa ñid bsgrub pa la ṅes par sbyaṅ bar bya ba daṅ | tshul daṅ ’brel pa’i gzugs brñan la ṅes par sbyar bar bya ba daṅ | dul bar gnas pa ñid la ṅes par sbyar bar bya ba daṅ | dgos pa rjes su bsgrub pa la ṅes par sbyar bar bya ba daṅ | (5) ma brjod pa yaṅ dag par blaṅs pa yoṅs su śes pa’i bsgrub par ’gyur ba ñid daṅ | gus pa la ṅes par sbyar ba | śes rab mchog gi bstan pa la || khyod ni bsñen par rdzogs par gyur || dal daṅ ’byor pa rñed dka’ pas || ’di dag ji lta bźin du sgrubs | (6) mdzes pa rab tu dbyuṅ ba daṅ || yoṅs su dag pa bsñen rdzogs par || rdzogs saṅs rgyas kyis rab mkhyen te || bden pa’i mtshan gyis bka’ stsal to || źes bya ba daṅ | bsgrub par bya ba thabs brjod pa daṅ bcas pa la ṅes par sbyar bar byas te | dge sloṅ de (7) dag laṅs pa daṅ khyim bdag de ’oṅs te smras pa | ’phags pa dag ci khyed cag spu gri thogs pa ’ba’ źig gis sṅod dam | gal te bdag la daṅ pa ma mchis par gyur du lags na ’di’i tshaṅs par spyod pa’i bar chad du ’gyur ro || kye ma khyod kyis źag bdun nam brgyad (80a1) cig bsrel na ci noṅs źes zer ba’i skabs de bcom ldan ’das la dge sloṅ rnams kyis gsol ba daṅ | bcom ldan ’das kyis dgoṅs pa | ñes dmigs gaṅ ci byuṅ ba de ni dge sloṅ dag rab tu ’byuṅ bar ’dod pa pha mas ma gnaṅ ba źag bdun mi (2) bsrel ba las gyur pa yin no sñam nas bka’ stsal pa | de lta bas na ’ga’ źig gi gan du rab tu ’byuṅ bar ’dod pa pha ma gson źiṅ de gñis kyis ma gnaṅ bar ’oṅs na źag bdun nam brgyad bsrel bar bya’o || bcom ldan ’das kyis rab tu ’byuṅ bar ’dod pa ’oṅs na (3) źag bdun nam brgyad bsrel bar bya’o źes bka’ stsal nas | rab tu ’byuṅ bar ’dod pa pha mas gnaṅ ba gźan dag ’oṅs śiṅ yul thag riṅ ba pha mas gtam yaṅ mi thos pa dag kyaṅ ’oṅs pa na | dge sloṅ rnams kyis de dag kyaṅ źag bdun nam brgyad srel bar byed (4) pas de dag rab tu byuṅ ba ma thob par doṅ ste | de ñid tshe daṅ ldan pa de dag legs par gsuṅs pa’i chos ’dul ba la rab tu ’byuṅ ba daṅ bsñen par rdzogs pa dge sloṅ gi dṅos po’i bar chad du gyur pa’i sgabs de bcom ldan ’das la dge sloṅ rnams kyis gsol pa daṅ | bcom (5) ldan ’das kyis bka’ stsal pa | pha mas gnaṅ ba gaṅ dag ’oṅs pa daṅ | yul thag riṅ po pha mas gtam yaṅ mi thos pa gaṅ dag ’oṅs pa de dag ni rab tu dbyuṅ bar bya ste | ’di la bgyod par mi bya’o || ||

. . . . . . . . . . . . . . . . . . . . . . . . . . . . . . . . . . . . . . . . . . . . . . .

saṅs rgyas bcom ldan ’das mñan yod na rgyal byed kyi tshal (6) mgon med zas sbyin gyi kun dga’ ra ba na bźugs so || mñan yod na khyim bdag cig ’dug pa des rigs mñam pa las chuṅ ma blaṅs nas de de daṅ lhan cig rtse bar byed | dga’ bar byed | dga’ mgur spyod par byed do || rtse bar byed | dga’ bar byed | (7) dga’ mgur spyod par byed pa de’i bu byuṅ nas des chuṅ ma la smras pa | bzaṅ po yu bu cag gi bu lon ’jal bar byed pa daṅ | nor spyod pa skyes kyis | kho bo zoṅ thogs te yul gźan du ’gro’o || rje’i sras de bźin mdzod cig | de zoṅ thogs te yul gźan du soṅ (80b1) ba daṅ | de de ñid du tshul ma yin pas sdug bsṅal bar gyur to || mas khye’u de ñe du’i mthu daṅ lag mthus bsñon ciṅ gsos te bskyed nas | des khye’u de yig dpon la bcol ba daṅ | khye’u de’i na zla rnams kyis ni yig ’bru’i yi ge dag lobs nas phyi rol gyi bstan (2) bcom dag bklag paṅ brtsams so || de ni yig ’bru’i yi ge de dag ñid la slob par byed pa daṅ | de’i ma yig dpon gyi gan du soṅ ste phyin nas smras pa | jo bo khye’u ’di’i na zla khye’u dag gis khyod la ci ’bul ba de bdag kyaṅ khyod la ’bul na | khye’u ’di’i na zla (3) khye’u dag gis ni yi ge’i yig ’bru dag loṅs nas phyi rol gyi bstan bcos dag bklag par brtsams na | khye’u ’di ni da duṅ yig ’bru’i yi ge dag slob par bgyid do || des smras pa | rgyu gñis kyis rig kha lobs par ’gyur te | gaṅ la bdag ñid las (4) byuṅ ba’i ṅo tsha śes pa yod pa daṅ | gaṅ la phyi rol las byuṅ ba’i khrel yod pa yod pas so || khye’u ’di la ni ṅo tsha śes pa yaṅ med la | khril yod pa yaṅ med do || ’di ltar khyod la yaṅ ñes pa yod de || kho bos ’di gźus pa na khyod kyis śed bskyed do || (5) des smras pa | de de bźin no || bdag la noṅs pa de mchis te | khyod kyis gźus pa bdag gis śed bskyed do || dus gźan źig na des de gźum pa daṅ | de du źiṅ ma’i gan du soṅ ṅo || mas de la smras pa | du khyod ci’i phyir du | ma bdag yig dpon gyis (6) gźus so || mas kyaṅ de gźus pa daṅ khye’u des bsams pa | gñi gar ñes dmigs byuṅ ste | sṅon ni bdag gnas gcig tu gźus na | de ni gnas gñi gar gźus pas bdag gis gnas gñi gar gnod pa mi bzod pas ’bros so sñam nas de rgyal byed kyi tshal (7) du soṅ ba daṅ | de na dge tshul źig me tog thu ba de des mthoṅ nas khye’u des smras pa | ’phags pa khyod re ba de | ci’i phyir | gaṅ gi phyir khyod rab tu byuṅ bas so || khyod ci’i phyir rab tu mi ’byuṅ | ’phags pa bdag sus rab tu ’byin par ’gyur | des smras gatshura (81a1) śom mkhan po’i gan du ’dod źes des de khrid de mkhan po’i gan du soṅ nas smras pa | mkhan po rigs kyi bu ’di rab tu ’byuṅ bar ’tshal gyis ’di rab tu ’byuṅ du gsol | des de rab tu phyuṅ ’o || de’i ma yig dpon gyi gan du soṅ ste smras pa | khye’u (2) de da gar mchis | de de riṅ kho bos gźus so || des kyaṅ smras pa | bdag gis kyar de de riṅ gźus so || yig dpon gyis smras pa | do bros kyis tshol du soṅ śig | des dga’ thuṅ kyi tshal daṅ mu stegs kyi gnas de daṅ de dag tu bu ’dri źiṅ soṅ ste dris na de’i (3) gtam thos pa yaṅ su yaṅ med do || de mñan yod du soṅ ste sgor bsdad pa daṅ | dge tshul de yaṅ sṅa dro śam thabs bgos lhuṅ bzod daṅ chos gos thogs te | phyi bźin ’braṅ pa’i dge sbyoṅ dge tshul de ñid daṅ mñan yod du bsod sñoms la źugs pa daṅ des de (4) mthoṅ nas des braṅ brduṅs te smras pa | bu dka’ thub kyi tshal daṅ mu stegs kyi gnas de daṅ de dag tu kho mos khyod kyi phyir ma btsal ba de dag gaṅ yod de || khyod kyi gtam thos pa yaṅ su yaṅ med na | khyod śākya ’i bu’i rkun ma rnams kyi naṅ du ci’i phyir rab tu ’byuṅ | (5) tshur śog ’doṅ źes des de’i lag pa gñis nas bzuṅ nas khyim du khrid do || de ñid tshe dag ldan pa de legs par gsuṅs pa’i chos ’dul ba la rab tu ’byuṅ ba daṅ bsñen par rdzogs pa dge sloṅ gi dṅos po’i bar chad du gyur pa’i skabs de bcom ldan ’das la dge sloṅ (6) rnams kyis gsol pa daṅ | bcom ldan ’das kyis dgoṅs pa | ñes dmigs gaṅ ci byuṅ ba de ni dge sloṅ dag dge ’dun la ma źus par rab tu ’byin pa las gyur pa yin no sñan nas bka’ stsal pa | de lta bas na dge sloṅ gis dge ’dun la maźusa par rab tu dbyuṅ bar mi bya’o || (7) ’ga’ źig gi gan du rab tu ’byuṅ bar ’dod pa ’oṅs na des de de ’dun la źur gźugs par bye’o || ma źus par rab tu ’byin par byed na ’gal tshabs can du ’gyur ro || || saṅs rgyas bcom ldan ’das rgyal po’i khab na ’od ma’i tshal ka la na dka’i gnas na bźugs (81b1) so | |rgyal po’i khab na bram ze źig ’dug pa des rigs mñam pa las chuṅ ma blaṅs nas de de daṅ lhan cig rtse par byed | dga’ bar byed | dga’ mgur spyod par byed do || rtse bar byed | dga’ bar byed | dga’ mgur spyod par byed pa de’i bu byuṅ nas bsriṅs śiṅ bskyed (2) de chen por gyur to || de dus gźan źig na na bar gyur nas sman pa thams cad kyis por ba daṅ mas de la smras pa | bu ’tsho byed gźon nus gsos ’di ni sman pa’i rgyal po blan med pa yin gyis ’di’i gan du soṅ śig | de ’tsho byed kyi gan du soṅ ste smras pa | ’tsho byed bdag (3) la gsos mdzod cig | des smras pa | bźin bzaṅs khyod ni gso dka’ la ’di ltar kho bo yaṅ gźan su’i gsos kyaṅ mi byed de | kho bo ni saṅs rgyas bcom ldan ’das ñan thos kyi dge ’dun daṅ bcas pa daṅ | rgyal po btsun mo’i ’khor daṅ bcas pa gñis kyi (4) gsos byed do || de ma’i gan du soṅ ba daṅ mas smras pa | bu khyod ’tsho byed kyi gan du son tam | ma bdag gis ’tsho byed kyi gan du son na de na re khyod ni gso dka’ la | ’di ltar kho bo yaṅ gźan su’i gsos kyaṅ mi byed de || kho bo ni saṅs rgyas bcom ldan ’das (5) ñan thos kyi dge ’dun daṅ bcas pa daṅ | rgyal po btsun mo’i ’khor daṅ bcas pa gñis kyi gsos byed do źes zer ro || bu gal te de lta na rab tu byuṅ śiṅ || ma bdag rigs kyi mchog tu gyur nas ji ltar śākya ’i bu’i dge sbyoṅ rigs sna tshogs can rnams kyi naṅ du (6) rab tu ’byuṅ bar bya | des smras pa | bu khyod kyi glaṅ par rtswa ga śa daṅ gu śa skye bar ’gyur ram ci babs so cog | de ’oṅ ma’i tshal du soṅ ste dge sloṅ gi gan du soṅ nas smras pa | ’phags pa bdag rab tu ’byuṅ bar ’tshal lo || des de rab tu phyuṅ ba ṅaṅ de ’khun (7) źeṅ ’dug go || des smras pa | ci’i phyir ’khun ciṅ ’dug | mkhan po bdag bro ’tshal to || des smras pa | bźin bzaṅs ci khyod rab tu byuṅ nas ’di ltar na bar gyur tam | mkhan po bdag rab tu byuṅ nas ’di ltar bro ’tshal bar ma gyur gyi | bdag bro ’tshal (82a1) | bźin du rab tu byuṅ ṅo || ci’i phyir khyod kyis kho bo la ma smras | des smras pa | mkhan po khyod kyis bdag la smras sam ci | de mi dga’ bar gyur ciṅ ’dug pa daṅ | de’i lhan cig gnas pa daṅ ñe gnas rnams lhags te smras pa | mkhan po khyod ci’i (2) slad du mi dgyes śiṅ bźugs | bu dag rigs kyi bu ’di na bźin du rab tu phyuṅ bas kho bos nad braṅ ñe bar gźag go || de dag gis smras pa | mkhan po bcom ldan ’das kyis skyes bu dam pa ni gñis te | khuṅ ma blaṅs pa len par mi byed pa daṅ | gaṅ khur (3) blaṅs pa mthar phyin par byed pa’o źes bka’ stsal pas khur blaṅs pa ’di mthar phyin par mdzod cig | de dag phan tshun smra źiṅ ’khod pa na ’tsho byed kyaṅ phyogs der ’oṅs nas de dag gis de la smras pa | ’tsho byed gźon nu ’di’i nad ci yin ltos śig | des smras pa | bro (4) lci ste | ’di ltar rgyal pos ’di’i yo byad thams cad sbyar ciṅ bdag gis ’di’i gsos bgyis la | ’phags pa dag gis bro g-yog mdzad na riṅ po mi thogs pa kho nar sos par ’gyur ro źes des de’i gsos byas pa daṅ de sos par gyur to || des smras pa | mkhan (5) po bdag gaṅ gi don du rab tu ’byuṅ ba’i don de bdag gis thob kyis mchi’o || des smras pa | bu khyod kyes dgra bcom pa ñid mṅon du byas sam | mkhan po ma bgyis so || ’o na ci khyod kyis phyir mi ’oṅ pa’i ’bras bu’am | lan gcig phyir ’oṅ ba’i ’bras bu’am | (6) rgyun du źugs pa’i ’bras bu mṅon du byas sam | mkhan po ma bgyis te | bdag bro ’tshal bas rab tu byuṅ na de bdag sos par gyur to || des smras pa | bu gaṅ du ’gro || mkhan po sdum par ’chi’o || des smras pa | bźin bzaṅs gaṅ gi phyir khyod kyis legs par (7) gsuṅs pa’i chos ’dul ba la rab tu byuṅ nas dge sbyoṅ gi ’bras bu bźi po dag las dge sbyoṅ gi ’bras bu gaṅ yaṅ ruṅ ba thob par bya ba yin na | khyod daṅ pas sbyin par bya ba chuṅ gzan nas tshul bźin ma yin pas sdug bsṅal skyed par byed dam | des de’i tshig tshig ma yin par (82b1) byas te soṅ nas | de byas pa śes pas ’tsho byed la lo ma dag daṅ | me tog dag daṅ | ’bras bu dag daṅ | so śes dag stobs par byed do || ’tsho byed kyis smras pa | bźin bzaṅs khyod lo po las ci źig ’dod || des smras pa ci yaṅ mi ’tshal te | ’di ltar bdag (2) bgyis pa ’tshal bas khyod la lo ma dag daṅ | me tog dag daṅ | ’bras bu dag daṅ | so śiṅ dag stobs par bgyid do || des smras pa | bźin bzaṅs khyod la kho bos ci źig byas | bdag bro ’tshal pa la khyod kyis gsos bgyis so || des smras pa | kho (3) bos mi dran no || bdag gis khyod dgoṅs par bgyi’o źes des de dran par byas pa daṅ ’tsho byed kyis smras pa | bźin bzaṅs gaṅ gi phyir khyod kyis logs par gsuṅs pa’i chos ’dul ba la rab tu byuṅ nas de sbyoṅ gi ’bras bu bźi bo dag las dge sbyoṅ gi ’bras bu gaṅ (4) yaṅ ruṅ ba thob par bya ba yin na | khyod dad pas sbyin par byaṅ chud gzan nas tshul ma yin pas sdug bsṅal skyed par gyur tam | ’tsho byed kyis bsams pa | ’di ni bdag gi bya ba kho na yin gyis | bcom ldan ’das kyi spyan sṅar ’gro sñam mo ||

. . . .

de nas ’tsho byed (5) gźon nus gsos bcom ldan ’das ga la bder soṅ ste phyin nas | bcom ldan ’das kyi źabs gñis la mgo bos phyag ’tshal te mtha’ gcig tu ’dug go || mtha’ gcig tu ’dug nas bcom ldan ’das la ’tsho byed gźon nus gsos kyis ’di skad ces (6) gsol to || btsun pa ’phags pa ’di dag rigs kyi bu bro ’tshal ba rab tu ’byin par bgyid | bsñen par rdzogs par bgyid pas btsun pa re źig rgyal po’i mdzod daṅ baṅ bdag kyaṅ bsrabs pa daṅ | yoṅs su bas pa daṅ | yoṅs su gtugs par ’gyur la | (7) bdag gi lus kyaṅ dal źiṅ ’phags pa dag gi dge ba’i phyogs kyaṅ yoṅs su ñams par ’gyur bas | kye ma bcom ldan ’das kyis thugs brtse ba’i slad du gaṅ gis ’phags pa dag rigs kyi bu bro ’tshal ba rab tu ’byin pa daṅ | bsñen par rdzogs par mi bgyid pa dran par (83a1) bgyi ba cuṅ źig bca’ ba mdzad na legs so || bcom ldan ’das kyis ’tsho byed gźon nus gsos la caṅ mi gsuṅ pas gnaṅ ṅo ||

. . . . .

de nas ’tsho byed gźon nus gsos kyis bcom ldan ’das kyis caṅ mi gsuṅ pas gnaṅ bar rig nas | bcom (2) ldan ’das kyi źabs gñis la mgo bos phyag ’tshal te | bcom ldan ’das kyi spyan sṅa nas soṅ ṅo || bcom ldan ’das kyis dgoṅs pa | ñes dmigs gaṅ ci byuṅ ba de ni dge sloṅ dag nad pa rab tu ’byin par byed pa las gyur pa yin no sñam nas bka’ stsal pa || de lta (3) pas na dge sloṅ gis nad pa rab tu dbyuṅ bar mi bya’o || ’ga’ źig gi gan du rab tu ’byuṅ bar ’dod ba ’oṅs na des de lan da pa ma yin nam źes dri bar bya’o || ma dris par rab tu ’byin par byed na ’gal tshabs can du ’gyur ro || ||

. . . . . . . . . .

saṅs rgyas bcom ldan (4) ’das ser skye’i gnas na nya gro dha’i kun dga’ ra ba na bźugs so || gaṅ gi tshe bcom ldan ’das kyis ser skye’i gnas kyi śākya rnams kyi khyim dag nas re re rab tu phyuṅ ba de’i tshe na de dag gi gan du ñe du dag lhags nas | de dag ñer lhags pa de dag la chos ston par byed (5) do || de dag chos thos nas de ñid du rab tu phyuṅ ba na śākya mo la la’i ni pha rab tu phyuṅ | la la’i ni miṅ po || la la’i ni khyi ma thab | la la’i na skud po || la la’i ni bu rab tu byuṅ ba daṅ de dag mya ṅan gyis non nas mtshan mo’i tho raṅs kyi dus kyi tshe sñiṅ rje rje skaṅ ṅu ṅu’o || rgyal (6) po zas gtsaṅ gis mtshan mo’i thor ṅas kyi dus gyi tshe na śākya mo rab tu maṅ po dag sñiṅ rje rje skad ṅu ṅu pa’i sgra thos so || thos nas kyaṅ śākya rnams la smras pa | śes ldan dag ci’i phyir mtshan mo’i tho raṅs kyi tshe śākya mo rab tu maṅ po dag sñiṅ rje rje skad ṅu ṅu | de dag gis (7) smras pa | lha ’phags pa ’di dag gis rigs kyi bu pha ma sa ma gnaṅ ba rab tu ’byin par bgyid | bsñen par rdzogs par bgyid de || śākya mo la la’i ni pha rab tu phyuṅ | la la’i ni miṅ po | la la’i ni khyim thab | la la’i ni skud po || la la’i ni bu rab tu byuṅ ba daṅ de dag mya ṅan (83b1) gyis non nas mtshan mo’i tho raṅs kyi dus kyi tshe sñiṅ rje rje skad ṅu ṅu’o || rgyal po zas gcaṅ gis bsams pa | ’di ni bdag gi bya ba kho na yin gyis | bcom ldan ’das kyi spyan sṅar ’gro’o sñam mo ||

. . . . . . .

de nas rgyal po thas gtsaṅ bcom ldan ’das ga la ba der soṅ ste (2) phyin nas | bcom ldan ’das kyi źabs gñis la mgo pos phyag ’tshal te phyogs gcig tu ’dug go || phyogs gcig tu ’dug nas bcom ldan ’das la rgyal po thas gtsaṅ gis ’di skad ces gsol to || bcom ldan ’das bdag la dam pa ’os so || bde bar (3) gśegs pa bdag la dam pa ’os so || rgyal po chen po de bźin gśegs pa dgra bcom pa yaṅ dag par rdzogs pa’i saṅs rgyas rnams ni dam pa las ’das ’kho na yin na | khyod la dam pa ci źig sbyin smros śig | ’phags pa rnams kyis brñes sla ba gaṅ lags (4) pa’o || gal te rñed sla ba yin na sbyin no || btsun pa gaṅ gi tshe bcom ldan ’das ’khruṅs pa de’i tshe na bcom ldan ’das ’khor los sgyur ba’i rgyal por ’gyur la | bdag kyaṅ nam mkha’i ṅos la rgya źiṅ gliṅ bźi dag tu rjes su mchi’o sñam pas bde ba daṅ yid bde pa mi chuṅ (5) ba daṅ ldan pa las | btsun pa gaṅ gi tshe bcom ldan ’das rab tu byuṅ ba de’i tshe na bdag gi ’khor los sgyur bar re ba gaṅ lags pa de ma mchis par gyur to ||

gźan yaṅ gźon nu mdzes dga’ ’di stobs kyis ’khor los sgyur pa’i rgyal por ’gyur ro sñam du re ba tsam (6) du gyur pa las gaṅ gi tshe gźon nu mdzes dga’ rab tu byuṅ ba de’i tshen bdag gi stobs kyi ’khor los sgyur bar re ba gaṅ lags pa de yaṅ ma mchis par gyur to ||

. . .

gźan yaṅ gźon nu sgyu can zin bzaṅ po ’di dṅos btsan pa’i rgyal por ’gyur ro sñam du re ba tsam du gyur (7) pa las | gaṅ gi tshe gźon nu sgra can zin bzaṅ po rab tu byuṅ ba de’i tshe na bdag gi rgyal po dṅos btsan par re ba gaṅ lags pa de yaṅ thams cad kyi thams cad du ma mchis par gyur to || btsun pa gźan yaṅ pha ma dag ni bu la bag bro bar gyur pa lags na | btsun pa (84a1) ’phags pa ’di dag rigs kyi bu pha mas ma gnaṅ ba rab tu ’byin par bgyid | bsñen par rdzogs par bgyid pas | kye ma bcom ldan ’das kyis thugs brtse ba’i slad du gaṅ gis ’phags pa dag rigs kyi bu pha mas ma gnaṅ ba rab tu ’byin pa daṅ bsñen (2) bar rdzogs par mi bgyid par dran par bgyi ba cuṅ źig bca’ ba mdzad na legs so || bcom ldan ’das kyis rgyal po zas gtsaṅ la caṅ mi gsuṅ pas gnaṅ ṅo ||

de nas rgyal po zas gtsaṅ la caṅ mi gsuṅ bas gnaṅ ṅo ||

. . . . . .

de nas rgyal po zas gtsaṅ gis bcom ldan ’das kyis caṅ mi gsuṅ pas gnaṅ bar rig nas | bcom ldan (3) ’das kyi źabs gñis la mgo bos phyag ’tshal te || bcom ldan ’das kyi spyan sṅa nas soṅ ṅo || bcom ldan ’das kyis dgoṅs pa | ñes dmigs gaṅ ci byuṅ ba de ni dge sloṅ dag rigs kyi ba phams ma gnaṅ ba rab tu ’byin par byed | bsñen par rdzogs par byed (4) pa las gyur pa yin no sñam nas bka’ stsal pa | de lta bas na dge sloṅ gis rigs kyi bu pha mas ma gnaṅ ba rab tu dbyuṅ bar mi bya | bsñen par rdzogs par mi bya’o || ’ga’ źig gi gan du rab tu ’byuṅ bar ’dod pa ’oṅs na des de la pha mas gnaṅ ṅam | źes dri bar bya’o || (5) ma dris par rab tu ’byin par byed na ’gal tshabs can du ’gyur ro || bcom ldan ’das kyis dge sloṅ gis rigs kyi bu pha mas ma gnaṅ ba rab tu dbyuṅ bar mi bya | bsñen par rdzogs par mi bya’o źes bka’ stsal nas | pha mas ma gnaṅ ba yul thag riṅ ba pha mas gtam (6) yaṅ mi thos pa gźan dag ’oṅs na | dge sloṅ rnams kyis de dag kyaṅ rab tu ’byin par mi byed pas de dag rab tu ’byuṅ ba ma thob par doṅ ste | de ñid tshe daṅ ldan pa de dag legs par gsuṅs pa’i chos ’dul ba la rab tu ’byuṅ ba daṅ | bsñen par rdzogs pa dge sloṅ gi (7) dṅos po’i bar chad du gyur pa’i skabs de bcom ldan ’das la dge sloṅ rnams kyis gsol pa daṅ | bcom ldan ’das kyis bka’ stsal pa | pha mas ma gnaṅ ba yul thag riṅ po pha mas gtam yaṅ mi thos ba gaṅ dag ’oṅs na de dag ni rab tu dbyuṅ bar bya ste | ’di la (84b1) ’gyod par mi bya’o || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=0acce183-d14c-11e4-bbf3-001cc4ddf0f4

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ