Bibliotheca Polyglotta

dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa (4) dge tshul ’di gñis kyis las ci źig bgyis na las de’i rnam par smin pas lo bdun kho na lags na rab tu byuṅ ste | bcom ldan ’das kyis ’dul ba la ñan thos rnams kyi bslab pa’i gźi bca’ ba mdzad pa gaṅ lags pa de ’di gñis kho na la brton nas bag yaṅs su mdzad (5) ciṅ ñon moṅs pa thams cad spaṅs pas dgra bcom pa ñid mṅon du bgyis | bcom ldan ’das kyis bka’ stsal pa | dge sloṅ dag ’di gñis ñid kyis las tshogs rñed pa | rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur (6) ba dag byas śiṅ basagaṅa pas ’di gñis ñid kyis las byas śiṅ bsags pa dag gźan su źig gis so sor myoṅ bar ’gyur | dge sloṅ dag las byas śiṅ bsags pa dag ni phyi rol gyi sa’i khams la rnam par smin par mi ’gyur | chu’i khams la mi ’gyur | me’i khams (7) la mi ’gyur | rluṅ gi khams la mi ’gyur gyi | ’di ltar las dge ba daṅ mi dge ba byas śiṅ bsags pa dag ni zin pa’i phuṅ po daṅ khams daṅ | skye mched dag la rnam par smin par ’gyur te |

las rnams bskal pa brgyad yaṅ ni || chud mi za ba’aṅ tshogs daṅ dus ||
(90b1) rñed na lus can rnams la ni || ’bras bu dag tu ’gyur ba ñid ||

. . . . .

dge sloṅ dag sṅon byuṅ ba bskal pa bzaṅ po ’di ñid la skye dgu’i tshe lo ñi khri thub pa na ston pa de bźin gśegs pa dgra bcom pa yaṅ dag par rdzogs pa’i saṅs rgyas rig pa daṅ | źabs su ldan pa | bde bar (2) gśegs pa | ’jig rten mkhyen pa | skyes bu gdul ba’i kha lo sgyur ba bla na med pa | lha daṅ mi rnams kyi ston pa | saṅs rgyas bcom ldan ’das ’od sruṅ ’jig rten du byuṅ ste | de dge sloṅ gi ’khor ñi khri daṅ bā rā ṇa sī na draṅ sroṅ smra ba ri dgas kyi gnas na ñe bar rten ciṅ (3) bźugs so || bā rā ṇa sī na khyim bdag phan tshun bśes pa gñis śig gźon nu’i gnas skabs su rab tu ’byuṅ bar ’dod na de gñis kyis ñe du dag las rab tu ’byuṅ ba mthob nas | gaṅ gi tshe laṅ cho yol par gyur pa de’i tshe na de gñis kyis ñe du dag la bltas te yaṅ dag (4) par rdzogs pa’i saṅs rgyas ’od sruṅ gi bstan pa la rab tu byuṅ ṅo || ’di ni chos ñid de rtag tu gźon rim gyis las bya ba yin pas dge sloṅ rnams kyis rgan źugs ’di gñis deṅ śig | rgan źugs ’di gñis khyed cig ces bsgo’o || de na gcig ni spyo riṅ ba’i raṅ (5) bźin can yin | cig śos ni spro thuṅ ba’i raṅ bźin can yin pas de khro bar byed pa daṅ cig śos kyis smras pa | rgan źugs gźon pa’i gnas skabs su rab tu ma byuṅ nad ci’i phyir khro | de na ’di gñis kyi tshe ji srid par tshaṅs par spyod pa spyad na yon tan gyi tshogs ’ga’ (6) yaṅ ma thob nas de’i ’og tu ’chi ba’i tshe smon lam ’di skad ces | bdag cag gis bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas yon gnas bla na med pa ’od sruṅ la tshe ji srid par tshaṅs par spyod pa spyad na yon tan gyi chogs ’ga’ yaṅ (7) mthob ste | bdag cig gis tshe ji srid par tshaṅs par spyod pa spyad pa’i dge ba’i rtsa ba ’dis bcom ldan ’das de bźin gśegs pa dgra bcom pa yaṅ dag par rdzos pa’i saṅs rgyas ’od sruṅ gis bram ze’i khye’u bla ma la bram ze’i khye’u khyod ma ’oṅs pa’i dus na skye dgu’i tshe lo brgya (91a1) thub pa na de bźin gśegs pa dgra bcom pa yaṅ dag par rdzogs pa’i saṅs rgyas | rig pa daṅ źabs su ldan pa | bde bar gśegs pa | ’jig rten mkhyen pa | skyes bu ’dul ba’i kha lo sgyur ba bla na med pa | lha daṅ mi rnams kyi ston pa | saṅs (2) rgyas bcom ldan ’das śākya thub pa źes bya bar ’gyur ro źes luṅ bstan pa de’i bstan pa la bdag cag lo bdun kho na lon nas rab tu byuṅ ste | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas mkhyen ciṅ gzigs pa des ’dul (3) ba la ñan thos rnams kyi bslab pa’i gźi bca’ ba mdzad pa gaṅ yin pa de bdag cag gñis kho na la brten nas bag yaṅs su mdzad ciṅ ñon moṅs pa thams cad spaṅs pas dgra bcom pa ñid mṅon du gyur cig ces gdab par brtsams so || dge sloṅ dag de la de’i tshe (4) de’i dus na khyim bdag gñis gaṅ dag yin pa de dag ni dge tshul ’di gñis yin te | de gñis kyis der smyon la ma btab pa gaṅ yin pa des da ltar lo bdun kho na lon nas rab tu byuṅ ste | ṅas ’dul ba la ñan thos rnams kyi bslab pa’i gźi bcas pa gaṅ yin pa ’di (5) gñis kho na la brten nas bag yaṅs su byas śiṅ ñon moṅs pa thams cad spaṅs pas dgra bcom pa ñid mṅan du byas so ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=0afe6f62-d14c-11e4-bbf3-001cc4ddf0f4

Choose languages

Choose images, etc.

Choose languages

Choose display

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ