[*Vinayastotra] dul brgyal po rje yi rigs su ’khruṅs || slob ma ’dul mdzad ñes pa rab thul ba || saṅs rgyas ’dul ba’i gtso (2) la phyag ’tshal te || ’dul ba’i bsṅags pa cuṅ zad brjod par bya ||
.
pha rol ma mthoṅ gtiṅ rtogs ma gyur ciṅ || glags pa’i mun gnag slob dpon tshogs rnams kyi || dbye bas tha dad ’dul ba rgya mtsho la || yon tan kun bstod rtsol blo bdag la med ||
.
ji lta (3) ’di na śiṅ rtsa gtso bo ste || rnam par ’phel daṅ kun ’dzin gñis kyi gźi || de bźin dam chos chogs rnams kun gyi yaṅ || rgyu daṅ rtsa ba ’dul ba yin par gsuṅs ||
.
ji ltar sa ni skye dgu rnams kyi gźi || de las ’bru rnams skye bar ’gyur ba ltar || de bźin (4) ’dul ba’aṅ sdom brtson rnams kyi gźi || de bźin de las bsod nams rnams kyaṅ skye ||
.
tshul khrims yon tan rnams kyi gnas su dgoṅs || de yi gnas ni ’dul ba yin par gsuṅs || ’di la gnas par ’gyur na mthar phyin ’gyur || ’di la mi gnas (5) mthar phyin ga la ’gyur ||
.
ji ltar chu lon mi phyed sra ba yis || chu kluṅ che yaṅ zlog par ’gyur ba ltar || de bźin ’dul ba ’phags pa chu lon ’dis || tshul khrims ’chal ba’i chu kluṅ zlog par ’gyur ||
.
saṅs rgyas rnams daṅ raṅ rgyal rnams kyis kyaṅ || byaṅ chub (6) gaṅ brñes thub slob rnam dag pa’i || sems can dgra bcom yon tan ldan pa rnams || de la’aṅ rgyu ni ’dul ba yin par gsuṅs ||
.
ji srid ’gro ’dir rgyal ba thams cad kyi || mdzod mchog ’dul ba rdzogs pa ’di gnas pa || de srid chos sgron ’di ni gnas ’gyur źiṅ || (7) bzlog par gyur na źi ba thob par ’gyur ||
.
saṅs rgyas mi bźugs ’jig rten tshigs bcad daṅ || mdo sde’i yan lag de daṅ de dag sbyod || bslab ’jug med na ’dul ba’aṅ med ’gyur pas || de phyir rgyal ba dag pas ches ’di dkon ||
.
’jog bram sems glaṅ lcags kyo (21b1) ’di yin te || gdul bya ma dul ba yi srab ’di yin || ra ba’i mtshams kyi ’obs daṅ ’dra ba ste || zag pa kun gyi chu lon ’dul ba yin ||
.
rgyal bston pa de yi bstan bcos dag || mdo daṅ mṅon yin gsuṅs ’dul ba ni || ston daṅ bstan bcos dṅos yin de yi phyir || (2) gñis gyur phyag bya saṅs rgyas chos gcig gźan ||
.
gaṅ la brten te gnas pa’i saṅs rgyas rnams || de la gus bcas rjes ra bcas gyur ciṅ || de ni mgon pas mgon yin skyabs gnas yin || de phyir rab bsgribs ’dul la phyag tshol cig ||
.
gaṅ źig ston pa thugs (3) rje’i bstan pa la || yaṅ bar sems śiṅ cuṅ zad ’da’ byed pa || de ni de las sdug bsṅal gźan dbaṅ thob || smig tshal bregs pas a mra’i tshal ñams bźin ||
.
’din la las rgyal po’i tshig chen yaṅ || bzlas na lan ’ga’ chad po ’thob mi ’gyur || thub pa’i bka’ (4) luṅ tshul min bzla byas na || dud ’gror ’gro ’gyur e la’i ’dab klu bźin ||
.
so sor thar bya gaṅ yin pa || saṅs rgyas ’dul ba gaṅ chen mtsho || gtiṅ mtha’ med pa thams cad kyi || gnas pa’i sñiṅ daṅ sñiṅ po yin ||
.
’di ni dam chos rgyal po yi || chos rnams kun gyi (5) ’dren pa mchog || ’di ni dge sloṅ tshoṅ tshogs kyi || bslab zoṅ tshoṅ khaṅ chen po yin ||
.
tshul khrims ’chal pas zin rnams kyi || gdug pa rnam sel sman ’di yin || ’di ni laṅ tsho rnam ’khrul ba’i || rkaṅ gñis gźon nu’i lcags kyo yin ||
.
mtsho bas zab pa’i ’khor (6) ba las || sgrol ba’i rgal thabs ’di yin te || ’di ni bzaṅ ’gror ’gro ba yi || ṅes pa’i chu lon zam pa yin ||
.
’di ni ñon moṅs pham byed lam || rgyal po yi ni ’dren pa mchog || ’di ni thar pa’i groṅ ’jug pa’i || them skas gźi daṅ ’dra bar gnas ||
.
ṅa ni mya ṅan (7) ’das gyur || ’di ni khyed kyi ston pa’o źes || rab byuṅ ñid kyis gus bcas par || nan tan dge sloṅ tshogs mdun bstod ||
.
’dul ’di so sor thar pa de’i || rnam ’byed yin par dgoṅs pas na || thar ’dod rnams kyis gus byas te || ’di ni nan tan mñan par bya ||