źes smras nas snod stoṅ bźin du (5) brdabs te soṅ ṅo || de nas gyad bu nor gnag lhas kyi bu kun tu rgyu gal ba der soṅ ste phyin nas gnag lhas kyi bu kun tu rgyu la ’di skad ces smras so || śes ldan khyod kyi chos kyi tshul ni gaṅ yin | slob ma la gdams pa ni gaṅ yin | tshaṅs par spyod pa’i ’bras bu ni gaṅ yin | phan (6) yon ni gaṅ yin | kun tu rgyus smras pa | gźon nu kho bo ni ’di ltar lta źiṅ ’di skad smra ste | sems can rnams kun nas ñon moṅs par gyur pa la rgyu med rkyen med do || sems can rnams rgyu med rkyen med par kun nas ñon moṅs par ’gyur ro || sems can rnams rnam par dag par (7) ’gyur ba la rgyu med rkyen med do || sems can rnams rgyu med rkyen med par rnam par dag par ’gyur ro || sems can rnams śes pa med par ’gyur pa daṅ | mthoṅ ba med par ’gyur ba la rgyu med rkyen med do || sems can rnams rgyu med rkyen med par śes pa med pa daṅ | mthoṅ ba (257b1) med par ’gyur ro || sems can rnams śes par ’gyur ba daṅ | mthoṅ bar ’gyur ba la rgyu med rkyen med do || sems can rnams rgyu med rkyen med par śes pa daṅ | mthoṅ bar ’gyur ro || stobs med do || brtson ’grus med do || stobs daṅ brtson ’grus med do || skyes (2) bu’i rtsal med do || pha rol gnon pa med do || skyes bu’i rtsal daṅ pha rol gnon pa med do || bdag gi rtsal med do || gźan gyi rtsal med do || bdag gi rtsal daṅ gźan gyi rtsal med do || sems can thams cad daṅ | srog chags thams cad daṅ | ’byuṅ po thams cad (3) mthu med | stobs med | dbaṅ med | brtson ’grus med | pha rol gnon pa med do || ’gro ba mtshams sbyor ba’i srid pa dag ṅes par gyur to || ’di ltar ’gro ba drug po dag tu bde ba daṅ | sdug bsṅal so sor myoṅ bar ’gyur ro || de nas gyad bu nor ’di sñam du sems te | (4) ston pa śes ldan ’di yaṅ lam gol bar źugs pa | lam ṅan pa legs par sgrub pa yin te | lam ’jigs pa daṅ bcas pa ji lta ba bźin du mkhas pa rnams kyis spaṅ bar bya ba yin no sñam du rig nas tshigs su bcad pa smras pa |