[Closing verses] bzod pa dka’ thub dam pa bzod pa yi || mya dan ’das pa mchog ces saṅs rgyas gsuṅ || (3) rab tu byuṅ ba gźan la gnod pa daṅ || gźan la ’cho ba dge sbyoṅ ma yin no ||
.
mig ldan ’gro ba yod pa yi || ñam ṅa ba dag ji bźin du || mkhas pa ’tsho ba’i ’jig rten ’dir || sdig pa dag ni yoṅs su spoṅ ||
.
skur pa mi gdab gnod mi bya || so sor thar pa’aṅ bsdam (4) par bya || zas kyi tshod kyaṅ rig par bya || bas mtha’i gnas su gnas par bya ||
.
lhag pa’i sems la yaṅ dag sbyor || ’di ni saṅs rgyas bstan pa yin || ji ltar bud ba me tog las || kha dog dri la mi gnod pa ||
.
khu bu bźi bas nas ’phud ba ltar || de bźin thub pa groṅ du rgyu || bdag (5) gi rigs daṅ mi rigs la || brtag par bya ste gźan rnams kyi ||
.
mi mthun pa daṅ gźan dag gi || byas daṅ ma byas rnams la mi na || lhag pa’i sems la bag byas te || thub pa’i thub gźi rnams la bslab ||
.
ñer źi rtag tu dran ldan pa’i || skyob pa mya ṅan med pa yin || sbyin pas bsod (6) nams rab tu ’phel || legs bsdams dgra sogs mi ’byud do ||
.
dge daṅ ldan pas sdig pa spoṅ || ñon moṅs zad pas mya ṅan ’da’ || sdig pa thams cad mi bya ste || dge ba phun sum tshogs par bya ||
.
raṅ gi sems ni yoṅs su gdul || ’di ni saṅs rgyas bstan pa yin || lus kyi (7) sdom pa legs pa ste || ṅag gi sdom pa’aṅ legs pa yin ||
.
yid kyi sdom pa’aṅ legs pa ste || thams cad du ni sdom pa legs || kun du bsdams pa’i dge sloṅ ni || sdug bsṅal kun las rab tu ’grol ||
.
ṅag rnams bsruṅ źiṅ yid kyis rab bsdams te || lus kyis mi (269a1) dge ba dag mi byed ciṅ || las lam gsum po ’di dag rab sbyaṅs na || draṅ sroṅ gsuṅs pa’i lam ni ’thob par ’gyur ||
.
saṅs rgyas rnam gzigs gtsug tor thams cad skyob || ’khor ba ’jig daṅ gser thub ’od sruṅ daṅ || (2) śākya thub pa gau tam lha yi lha || mi ’dul kha lo sgyur ba bla na med ||
.
’jig rten mgon po skyob pa mchog || saṅs rgyas dpa’ bo bdun po dag || grags ldan rnams kyis so sor thar || ’di ni rab tu rgyas par bstan ||
.
’di la saṅs rgyas rnams (3) daṅ gaṅ || saṅs rgyas ñan thos rnams kyaṅ gus || ’di la gus daṅ bcas gyur pas || ’dus ma byas pa thob par gyis ||
.
brtsam par bya źiṅ dbyuṅ bar bya || saṅs rgyas bstan la ’jug par bya || ’dam bu’i khyim la glaṅ chen (4) bźin || ’chi bdag sde ni gźom par bya ||
.
gaṅ źig rab tu bag yod par || chos ’dul ’di la spyod ’gyur ba || skye ba’i ’khor ba rab spaṅs nas || sdug bsṅal tha mar byed par ’gyur ||
