Bibliotheca Polyglotta

[Pāyantika 37]
saṅs rgyas bcom ldan ’das mñan yod na rgyal (4) byed kyi tshal mgon med zas sbyin gyi kun dga’ ra ba na bźugs so || gaṅ gi tshe tshe daṅ ldan pa maud gal gyi bu chen po ñe ba ’khor la sogs pa sar pa skyes phran gźon nu bcu bdun sde’i tshogs rab tu phyuṅ źiṅ rdzogs par bsñen par byas pa de’i tshe na | de dag sṅa dro śam thabs bgos | lhuṅ (5) bzed daṅ chos gos thogs te mñan yod du bsod sñoms la źugs so || bud med kyi yul ni sred pa spyad pa yin pas | bud med kyis de dag mthoṅ nas braṅ brduṅs te smras pa | ’di dag skyed pa gaṅ dag gis ’di dag skyes ma thag gi kha la na tshwas ’geṅs par ma nus pa dag | brla (6) phrag tu khron pa bcug ste ’bras par mi nus pa de dag gis ci thob | bcu bdun sde dag ñam ṅa bar gyur nas smras pa | bdag cag gis zan bcad par gyur pa ni bla’i tshig ṅan pa rnam pa ’di lta bu dag thos par gyur pa ni mi ruṅ ṅo źes de dag de ñid nas phyir log ste de dag gis zan bcad pa byasanasa | de (7) dag gis ji srid du lus la mdaṅs yod pa de srid du dge ba’i phyogs la tron byas nas | gaṅ gi tshe lus mdaṅs yal bar gyur pa de’i tshe na glos phab ste ñal ba daṅ | ñe dga’ sa de dag mthoṅ nas smras pa | e ma’o bcu bdun sde dag ci gal te zas gźan gyi yin źes te lto yaṅ gźan (151b1) gyi yin sñam mam | ci byas ji tsam gyi dge ba’i phyogs la tron byed kyaṅ mi nus pa de tsam gyi zas zos so || sus zos | khyod kyis so || kho bo cag gis ma zos so || ’o na ci’i phyir glos phab ste ñal | de dag gis skabs de rgyas par brjod do || groṅ khyer gyi sgabs mo can (2) dag ni skyed mos tshal la dga’ bas de dag bza’ bdaṅ | btuṅ ba khyer te mñan yod kyi phyir rol rgyal byed kyi tshal du doṅ nas ’cha’ bar byed | za bar byed | ’thuṅ bar byed pa na bcu bdun sde dag gis de dag mthoṅ nas lto ba ñug bar byed cig | tshigs su bcad pa dag smras pa |

mgon (3) po khyod kyi legs gsuṅs maṅ po dag ||
rgyu daṅ mi rgyu’i ’jig rten ’di na spyod ||
bkres mñam lus kyi tshor ba ma mchis pa ||
thub pa de ni khyod kyi legs gsuṅs mchog ||

de dag gis smras pa | ’phags pa dag gsol na bźed dam | ’dod do || de dag gis bcu bdun sde (4) dag la bza’ ba daṅ | btuṅ ba byin pa daṅ | de dag gis loṅs spyad nas de dag gis zuṅ du bsdebs te ’chag ciṅ kha ton bya bar brtsams pa daṅ | ñe dga’ sa de dag bton byed pa mthoṅ nas smras pa | kye ma’o bcu bdun sde dag gis śin tu brtson ’grus brtsams so || btsun pa ñe (5) dga’ bcom ldan ’das kyis bden chos mṅon par rjod par byed do || sbyin pa po daṅ sbyin bdag gis len pa po la zas sbyin pa na gnas lṅa sbyin par byed de | tshe sbyin pa daṅ | kha dog sbyin pa daṅ | stobs sbyin pa daṅ | bde ba sbyin pa daṅ | bde ba sbyin pa daṅ | spobs pa sbyin pa ni bde bar ’gyur ro | (6) źes bka’ stsal pa ni legs par gsuṅs ba yin te | zos na spobs pa daṅ ldan par ’gyur gyi ma zos na mi ’gyur ro || khyed kyis zos sam | zos so || khyed dus ma yin par zar ruṅ ṅam | gal te dus sum rñed na kho bo cag gis ltogs te ’chi bar bya’am ci | dge (7) sloṅ don ñuṅ ṅu dag ci’i phyir dge sloṅ dag dus ma yin par bca’ ba daṅ | bza’ ba za bar byed ces smod par byed | kha zer bar byed pa’i skabs de dge sloṅ rnams kyis bcom ldan ’das la gsol to || de nas bcom ldan ’das kyis byuṅ ba ’di daṅ | gleṅ (152a1) gźi ’di daṅ | skabs ’di la dge sloṅ gi dge ’dun bsdu ba mdzad do źes bya ba la sogs pa sṅa ma bźin no || saṅs rgyas bcom ldan ’das rnams ni mkhyen bźin du rmed par mdzad pa ste źes bya ba la sogs pa yaṅ sṅa ma bźin te | saṅs rgyas bcom ldan ’das (2) kyis dge sloṅ bcu bdun sde dag la rmas pa | dge sloṅ dag khyed dusama yin par bca’ ba daṅ bza’ ba ’cha’ źiṅ za ba bden nam | btsun pa mad do || saṅs rgyas bcom ldas ’das kyis dge sbyoṅ gi tshul ma yin pa | rjes su mthun pa ma yin pa | ruṅ ba ma yin pa | tshul daṅ (3) mthun pa ma yin pa de ni rab tu byuṅ bas bya ba ma yin no źes rnam par smad pa mdzad do || de nas bcom ldan ’das kyis rnam graṅs du mas rnam par smad nas dge sloṅ rnams la bka’ stsal pa | dge sloṅ dag de lta bas na phan yon bcu yaṅ dag par gzigs pas ’dul ba la ñan thos (4) rnams kyi bslab pa’i gźi bca’ bar bya ste źes bya ba la sogs pa sṅa ma bźin no || ṅa’i ñan thos rnams kyis ’dul ba la bslab pa’i gźi ’di ltar gdon par bya ste | yaṅ dge sloṅ gad dus ma yin par bca’ ba’am | bza’ ba ’cha’ ’am za na ltuṅ byed do || yaṅ dge sloṅ (5) gaṅ źes bya ba ni bcu bdun sde ’am | gźan yaṅ de lta bu gaṅ yin pa’o || dus ma yin par źes bya ba ni dus ma yin pa gñis te | skya reṅs ma śar ba daṅ | phyed yol bar ro || bca’ ba’am bza’ ba źes bya ba ni | bca’ ba lṅa po daṅ bza’ ba lṅa po dag go || ’cha’ ’am (6) za na źes bya ba ni mgul du mid na’o || ltuṅ byed do źes bya ba ni sems can dmyal ba daṅ | dud ’gro daṅ | yi dgas ṅan soṅ daṅ | ṅan ’gro daṅ | log par ltuṅ pa dag tu sreg par byed | ’tshod par byed | ltuṅ bar byed pa’o || gźan yaṅ ji srid du ltuṅ ba de ma bśags (7) śiṅ so sor ma bśags na dge ba’i chos rnams la sgrib par byed pa ste | des na ltuṅ byed do źes gsuṅs so || da ya ltuṅ ji ltar ’gyur źe na | dge sloṅ gis dus ma yin pa la dus ma yin pa la dus ma yin par ’du śes pas bca’ ba daṅ | bza’ ba ’cha’ ’am za na ltuṅ byed du ’gyur ro || dge (152b1) sloṅ gis dus ma yin par yid gñis za bas bca’ ba daṅ | bca’ ba ’cha’ ’am za na ltuṅ byed du ’gyur ro || dge sloṅ gis dus ma yin par ’du śes pas bca’ ba daṅ | bza’ ba ’cha’ ’am za na ñes su ’gyur ro || dge sloṅ gis dus su yid gñis za bas bca’ (2) ba daṅ | bza’ ba ’cha’ ’am za na ñes byas su ’gyur ro || las daṅ po pa daṅ | smyos pa daṅ | sems ’khrugs pa daṅ | tshor bdag gis ñen pa la ltuṅ ba med do || dus ma yin par za ba’i ltuṅ byed de sum bcu rtsa bdun pa rdzogs s+ho || ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=00ff9c38-0039-11e4-a105-001cc4ddf0f4

ā	ī	ū	ṛ	ṝ	ḷ
ḹ	’	ṃ	ḥ	ṅ	ñ
ṭ	ḍ	ṇ	ṣ	ś	ź
š	č	ǰ	γ

Choose languages

Choose images, etc.

Choose languages

Choose display