Bibliotheca Polyglotta

źi (6)źid mdaṅs ldan mdzad pa kun nas brñes pa de | | gcig pur rab gśegs maṅ po daṅ ni thabs cig bźin | | lam na dge sloṅ chos ldan kha cig gis mthoṅ nas | | ya mtshan daṅ bcas thal mor bcas pas ’di skad gsol | |

dbaṅ po’i rta ni g-yo bar dbaṅ po’i rta thul źiṅ | | (7)sems can chags rnams ji ltar chags ma gyur | |
śin tu ro ldan gsar pa’i śes rab ro yis ni | | ri boṅ gis mtshon daṅ mtshuṅs chim par gyur pa rnams | |

brtan pa khyod kyi źal ni ji ltar rab rgyas śiṅ | | ’dir ni dbaṅ po rnams kyi dbaṅ phyug mdzad pa ste | |
khyu mchog chen (56a1)po’i spyan mṅa’ ṅes par don mdzad ciṅ | | khyod kyi bla ma su lags gaṅ las grub ba gsuṅs | |

de rnams la des smras pa bdag la ston ba med | | bdag la mchod bya med ciṅ smad bya su yaṅ med | |
mya ṅan ’das pa thob ciṅ gźan rnams daṅ mi (2)mñam | | bdag ni chos la raṅ byuṅ du ni śes par mdzod | |

gaṅ phyir gźan rnams kyis ma rtogs pa’i rtogs bya ni | | bdag gis mtha’ dag rtogs pa de phyir saṅs rgyas te | |
gad phyir bdag gi ñon moṅs rnams ni dgra bźin ’pham | | de phyir źi ba dag ni kun nas (3)śes bar mdzod | |

sdug bsṅal rnams kyis ñam thag grogs la phan don du | | źi ba kho bo ’di yaṅ b’a r’a na s’ir ’gro | |
der ni ’chi med chos kyi rṅa dag rduṅ ba ste | | sñan grags bde ba’i phyir min ṅa rgyal phyir ma yin | |

rgal bas ’gro ba rnams ni rgal bar ’gyur bgyi źiṅ | | (4)grol bas sems can rnams ni yoṅs su thar bar bgyi | |
de ltar gson pa’i ’jig rten ñam thag par mthoṅ nas | | sṅon du bdag gi dam bca’ ’di ni gyur pa’o | |

’di na kha cig nor ni thob nas bdag ñid ni | | gcig tu ñid kyaṅ ’dzin par byed pa ṅo mtshar ciṅ | |
skye po chen po ma (5)btsums mig la gaṅ gis kyaṅ | | khyad ’phags thob nas rnam par ’dzin pa de don yin | |

gaṅ źig skam la gnas pas mi ni chus khyer ba | | ’dren par ’dod min de ni legs pa’i gzugs ma yin | |
gaṅ źig gter ni thob nas skye bo dbul po la | | nor gyi sbyor (6)ba med pa de ni sbyaṅ po min | |

raṅ bźin gnas pas nad kyis mṅon par bcom pa la | | lag tu soṅ ba’i sman gyis gso bar rigs pa ste | |
de ltar lam ṅan soṅ ba’i ched du lam dag ni | | ṅes par byad ba’i lam gyis bśad par ’thad pa yin | |

ji ltar sgron ma rab tu gsal (7)bar byed pa ste | | de yi rgyu can dmar por ’gro ba ma yin ñid | |
de bźin saṅs rgyas ñid kyis ye śes rab gsal bar | | mdzad de de phyir chags par ’gro ba ma yin no | |

ji ltar śiṅ rnams la ni me dag ṅes pa daṅ | | mkha’ la rluṅ daṅ sa la chu ni ṅes pa ste | |
de bźin (56b1)gaṅ yaṅ rnams su thub pa rnams kyis ni | | byaṅ chub ṅes śiṅ k’a śi rnams daṅ chos smra des | |

de nas ñe bar ’oṅs nas aa la la źes pa | | rnam par brjod nas ji ltar ’dod bźin rab spaṅs nas | |
yaṅ daṅ yaṅ du ya mtshan mig ni g-yo ba yis | | re ’dod skyes śiṅ (2)saṅs rgyas la ni lta bźin soṅ | |

de nas thub pas rim gyis k’a si’i grod khyer ni | | nor gnas sñiṅ po daṅ ni rab mtshuṅs gzigs pa ste | |
grogs mo bźin du ’khyud nas yaṅ dag ’dus pa ni | | skal ldan śiṅ rta daṅ ni b’a r’a na s’i ñid | |

mthu daṅ gzi brjid dag gis mṅon par (3)mdzes pa des | | khu byug rnams kyis sgra sgrogs śiṅ gi tshogs ldan źiṅ | |
draṅ srod chen pos bsñen pa’i ri dags nags ñid du | | rnam par mdzes pas ñi ma bźin du rab ’thob po | |

koondi n+ya’i rigs daṅ de nas miṅ chen daṅ | | rlaṅs pa daṅ ni rta thul de bźin bzaṅ rgyal te | |
dge (4)sloṅ lṅa yis de ni rgyaṅ riṅ nas gzigs nas | | phan tshun du ni tshig ’di smras par gyur pa’o | |

bde ba’i bdag ñid dge sloṅ goo ta ma ’di | | dka’ thub de las phyir log mṅon par ’oṅs pa ste | |
mṅon du ’gro bya ma yin ṅes par phyag ’os min | | dam bca’ bcom pa mchod par (5)’os pa ma yin no | |

de ni brgya la gal te sṅod par ’dod gyur na | | de ñid la ni gtam ’di rab tu gsol mdzod da da | |
’gron po ñe bar ’oṅs pa gaṅ daṅ su la ni | | ’phags pa rnams kyis mi byed par ni ’os ma yin | |

de ltar bya ba byas nas dge sloṅ de rnams ni | | ñe bar (6)gnas pa’i ñe bar saṅs rgyas gśegs pa ste | |
ji lta ji ltar de rnams la ni ñe bar gśegs | | de lta de ltar de rnams dam bca’ ñams par gyur | |

de nas kha cig ’di yi na bza’ blaṅs pa ste | | de bźin gźan ni phyag ’tshal nas ni lhuṅ bzed bzuṅ | |
kha cig ’di la ’os (7)pa’i gdan ni phul ba ste | | de bźin gźan gñis źabs bsil ñe bar phul pa’o | |

de ltar rab byed mchod pa maṅ po ldan pa rnams | | ’di la thams cad kyis ni bla mar spyod pa byas | |
rigs su mṅon brjod de rnams kyis kyaṅ ma spaṅs śiṅ | | de rnams la rjes brtse bcas (57a1)bcom ldan gyis smras pa | |

mchod ’os dgra bcom la ni gus pa ma yin pas | | sṅar gyi spyod pas dge sloṅ rnams kye ma smra śig | |
bstod daṅ smad pa ṅes par bdag gis mñam pa ste | | khyed rnams bsod nams min las rnam par bzlog par bgyi | |

saṅs (2)rgyas ’jig rten phan pa’i ched du saṅs rgyas śiṅ | | ’byuṅ po kun la phan pas rab tu źugs pa la | |
bla ma ñe bar ’joms las miṅ gis gaṅ smras de | | ma ruṅs pa yi pha ma bźin du chos ’chad do | |

de ltar draṅ sroṅ chen po’i thugs rje’i bdag ñid can | | smra ba rnams kyi mchog gis (3)de skad gsuṅs pa ste | |
rmoṅs las sñiṅ po med pas chud zos de rnams kyis | | gdoṅ ni cuṅ zad bźad pa daṅ ldan rgol ba smras pa’o | |

goo ta me re źig dka’ thub mchog daṅ ni | | dam pa de yis de ñid rtogs pa ma yin te | |
don ni dga’ bas bsgrub bya bde bas gnas pa’o | | (4)khyed kyis mthoṅ źes bya ba ’dir ni gtan tshigs gaṅ | |

gaṅ tshe de ltar de bźin gśegs pa’i de ñid la | | de nas dge sloṅ de rnams daṅ par gyur min te | |
byaṅ chub pa yi lam ni de las gźan du śes | | de nas lam mkhyen pa yis lam ni bka’ stsal pa | |

byis pa’i skye bo (5)bdag ñid ṅal bar ldan pa daṅ | | dbaṅ po’i spyod yul rnams la de bźin chags pa ste | |
’chi ba med pa’i luṅ gis lam ma yin pa’i phyogs | | skyon daṅ ldan pa gñis po de la ltos mdzod cig | |

gduṅ bar mṅon par brjod pa’i lus kyi ṅal rnams kyis | | yoṅs su (6)’khrugs śiṅ rnam par gnod pa’i sems la ni | |
’jig rten tha sñad kyaṅ ni brgyal śes min na | | dbaṅ po las ’das de ñid lam ni kye ma ci | |

ji ltar sgron mas mtshan mo’i mun pa ñams pa ru | | ’dir ni mṅon par ñer ’gro chu rnams gtor bas min | |
de bźin ye (7)śes mi yis mi śes mun pa ni | | ñams par sṅon ’gro lus kyi ṅal ba rnams kyis min | |

ji ltar me ni ’dod pas śiṅ la ’bigs pa daṅ | | rnam par ’gems pas me ni thob pa ma yin la | |
de ñid mṅon pa’i thabs las bsrubs pas thob pa ste | | de bźin sbyor las ’chi (57b1)ba med thob ṅal bas min | |

de ltar don med ’dod pa rnams la chags pa ni | | rdul daṅ mun pa dag gis zil non sems ldan rnams | |
bstan bcos don la nus kyaṅ grub pa thob min na | | chags bral ’gog pa’i cho ga la ni sṅon ñid do | |

ji ltar nad kyis mṅon par bcom pa’i (2)srog chags kyis | | mi phan bza’ ba za ba’i gso ba ’dir yod min | |
de bźin mi śes nad kyis mṅon par bcom pa yi | | ’dod pa rnams la chags pa’i źi ba gaṅ las so | |

ji ltar skam pa’i rten la gnas pa’i rluṅ gis ni | | bus pa’i me yi źi ba yod pa ma yin no | |
(3)de bźin ’dod pa’i rten la gnas pa’i chags pa yis | | rjes su soṅ ba’i sems kyi źi ba yod ma yin | |

mtha’ ’di gñis po dag kyaṅ rnam par dor byas nas | | bdag gis lam gźan dbu mas lhag par rtogs pa ste | |
śin tu sdug bsṅal ñe bar źi ba’i ’dren pa po | | bde (4)ba daṅ ni dge ba ñid daṅ bral ba’o | |

yaṅ dag lta ba’i ñi mas rab tu gsal byas śiṅ | | rnam dag yaṅ dag rtogs pa’i śiṅ rtas draṅs pa ste | |
yaṅ dag brjod pa’i yaṅ dag dag ni gtsug lag khaṅ | | dge ba’i bya ba’i skyed tshal brgya phrag mṅon par dga’ | |

smad pa med pa’i (5)’tsho ba lo legs chen po ste | | yaṅ dag rtsol bas stobs rab rjes su ’gro ba can | |
kun du yaṅ dag dran pa’i sbas pas sbas pa ste | | tiṅ ’dzin gzims mal daṅ ni gdan daṅ khyab pa yis | |

de ltar mchog gi yan lag brgyad ’dir ’di lam ste | | ’chi daṅ rga daṅ na ba (6)rnams las ’dren pa po | |
gaṅ la draṅs nas bya ba thams cad byas pa ste | | ’di daṅ che ge mor ni slan chad ’gro ba med | |

’di ni sdug bsṅal mtha’ dag ’di ni mtshan ma ste | | ’di ni ’gog pa ’di yi lam ni ’di yin te | |
de ltar ma thos chos kyi cho ga sṅar med pa’i | | rnam par mthar phyin (7)bdag gi spyan mig skye ba’o | |

skye daṅ rga daṅ na daṅ de nas rgud pa daṅ | | sdug pa daṅ bral mi sdug pa la sbyor ba daṅ | |
’dod pa’i don ni rab tu ’thob pa med pa ste | | rnam pa sna tshogs sdug bsṅal ’di ni yoṅs su ’thob | |

’dod pa’i bdag can gyi ’am bdag rgyal can gyi ’am | | lus (58a1)can gyi ’am yaṅ na lus can ma yin pa’i | |
gaṅ źig yon tan med pa gaṅ la rab źugs kyaṅ | | mdor bsdus nas de sdug bsṅal du ni śes par mdzod | |

de ltar ’bar ba źi ba’i me ni chuṅ na yaṅ | | lhan cig skyes pa dro ba’i ṅo bo spoṅ min ñid | |
de bźin bdag tu (2)’du śes źi sogs kyis phra yaṅ | | sdug bsṅal bdag ñid can źes bdag gi śin tu ṅes | |

ji ltar sa chu sa bon dus rnams myu gu’i bźin | | ’dod chags la sogs rnam pa sna tshogs skyon rnams daṅ | |
skyon las rab tu skyes pa’i las rnams ñid dag ni | | sdug bsṅal dag gi rgyur ni (3)ṅes par śes par mdzod | |

mtho ris su ’am ’og tu srid pa’i rgyun las ni | | ’dod chags la sogs skyon gyi tshogs rnams rgyu yin źiṅ | |
dman daṅ ’briṅ daṅ mchog ste sna tshogs ñid kyi ni | | de daṅ der ni las rnams dag ni rtsa ba’o | |

ñes pa zad las ’khor ba’i rgyun ni yod min te | | las (4)zad pa las sdug bsṅal de ni yod ma yin | |
gaṅ phyir don gaṅ yoṅ pa las ni kun ’byuṅ ste | | de phyir med pa las te slar yaṅ ’byuṅ ba med | |

gaṅ du skye ba med ciṅ rga med ’chi ba med | | me med sa med chu med mkha’ med rluṅ med la | |
thog ma bar daṅ mtha’ med ’phags pa dbrog bya min | | (5)dge źiṅ ’gyur med ’gog pa de ni śes par mdzod | |

yan lag brgyad ldan gaṅ źig mṅon brjod de lam ste | | lhag par rtogs phyir ’di yi thabs de’i gźan ma yin | |
lam ’di yin na ma mthoṅ ba las ’jig rten rnams | | de ñid daṅ ni ñe du rnams ni yoṅs su ’khor | |

sdug bsṅal (6)yoṅs su śes par bya źiṅ rgyu ’di ni | | spad bya ’gog pa yaṅ ni dbaṅ du bya ba’o | |
de bźin lam ’di yaṅ ni bsgom par bya ba ste | | de ltar ’di ni bdag gi blo gros rab źugs so | |

sdug bsṅal ’di ni yoṅs śes rgyu ni spaṅs pa ste | | de bźin du ni ’gog pa mṅon du byas pa’o | |
de bźin du ni (7)’di yi lam ’di bsgoms pa ste | | de ltar ’dir ni bdag gi spyan mig rab źugs so | |

ji srid du ni yaṅ dag ’phags pa’i bden pa ni | | bźi ba’i rkaṅ pa ’di rnams mthoṅ ba ma yin pa | |
de srid bdag ’dir grol ba med pa źes brjod ciṅ | | bdag ñid la ni don byas ñid du yaṅ ma (58b1)mthoṅ | |

gaṅ tshe ’phags pa’i bden pa rnams ni rtogs pa ste | | rtogs byas kyaṅ ni dor byar ’os pa byas pa’o | |
de tshe bdag ’dir rnam par grol źes brjod pa ste | | bdag ñid la ni don byas ñid du yaṅ mthoṅ ṅo | |

de ltar draṅ sroṅ chen po thugs rje mṅa’ ba yis | | ’dir (2)ni chos dag de skad mṅon par gsuṅs pa na | |
koondi n+ya’i rigs daṅ lha ni brgya phrag rnams | | gtsaṅ źiṅ rdul daṅ bral ba’i mig ni thob par gyur | |

bya ba thams cad ṅes par byas śiṅ źi ba de la ni | | thams cad mkhyen pas khyu mchog bźin du mthoṅ po’i dbyaṅs kyis gsuṅs | |
(3)khyod kyis śes śes bdag ñid chen po des ni tshig gsol pa | | legs so khyod kyi blo gros mchog ni bdag gis śes pa’o | |

legs so bdag gis śes śes de nas des ni ’jig rten ni | | koondi n+yas de yi go ’phaṅ rigs ni bzuṅ ba ste | |
bla ma dam pa de bźin gśegs (4)pa’i slob ma rnams kyis ni | | gtso bo ñid du chos la yaṅ dag lhag par gśegs pa’o | |

sgra de sa la rgyu ba’i gnod sbyin rnams kyis thos nas ni | | rnam par rgyas pa’i dbyaṅs ’di rab tu gsol bar gyur pa ste | |
’byuṅ po rnams kyi ’chi med źi ba’i ched du ṅes par ni | | (5)dam pa gzigs pas chos kyi ’khor lo bskor ba de legs so | |

tshul khrims rtsibs daṅ źi daṅ dul ba’i mu khyud blo rnams yaṅs | | dran pas blo gros brtan pa brtson ’grus lta ba ṅo tsha’i gzer | |
zab pa’i phyir daṅ brdzun med phyir daṅ legs par bstan ñid phyir | | (6)’jig rten gsum na brtan źiṅ bstan bcos gźan rnams kyis mi ldog | |

sa ’dzin gnod sbyin rnams las sgra ni ñe bar thob byas nas | | mkha’ la lha yi tshogs rnams kyis ni dbyaṅs byas śiṅ | |
de ltar thos nas mtho ris rim daṅ rim rnams kyis mthon por | | tshaṅs (7)pa’i ’jig rten bar du sgra yis ñe bar ’dzegs pa’o | |

mtho ris dag na gnas pa’i bdag ñid ldan pa kha cig gis | | draṅ sroṅ che las ’jig rten gsum ni g-yo źes thos nas ni | |
sna tshogs yul rnams la ni chags par gśegs pa ma yin źiṅ | | yaṅ dag skyo las (59a1)srid pa gsum na źi ba ñid du gśegs | |

de ltar ’jig rten rnams kyi mchog tu źi ba’i ched du ni | | mtho ris daṅ ni sa na chos kyi ’khor lo bskor tsam na | |
sprin bral mkha’ las me tog daṅ bcas chu yi char bab ciṅ | | srid gsum gnas pa (2)rnams kyis rṅa po che rnams mṅon par brduṅs | |

saṅs rgyas kyi spyod pa źes bya ba’i sñan dṅags chen po las | chos kyi ’khor lo bskor ba’i le’u ste bco lṅa pa’o ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=8481eade-e7a7-102d-829a-001cc4df1abe

Choose languages

Choose images, etc.

Choose languages

Choose display