Bibliotheca Polyglotta

de nas rgyal po des ni thub la rnam gnas phyir | | dpal ldan nags tshal ’od ma’i tshal ni rab phul nas | | de ñid khoṅ du chud phyir kun nas dmigs pa ni | | mṅon par rjes gnaṅ byas pa groṅ khyer la źugs so | |

de nas gtsug lag khaṅ der (3)’gro la phan pa’i phyir | | ye śes las gyur dge ba’i sgron ma bsnams pa ste | |
tshaṅs daṅ lha daṅ de bźin ’phags pa rnams kyi ni | | gnas pa de daṅ de yis saṅs rgyas rnam par gnas | |

de nas rta thul dbaṅ po’i rta ni kun bsdams śiṅ | | bsod sñoms ’dod pas rgyal po’i khab (4)ni rab thob ste | |
gzugs kyis daṅ ni źi ba yis daṅ rnam ’gyur gyis | | skye bo chen po rnams kyi mig rnams phrogs par gyur | |

ser skya’i rigs kyi dge sloṅ slob ma du ma can | | śa ra dwa ti’i bu źes rab tu grags pa yis | |
dbaṅ po źi bar ’oṅs pa de ni mthoṅ ba ste | | lam na rjes su gnas (5)nas tshig ni mṅon par smras | |

khyod kyi gsar pa’i rtags mtshan daṅ ni źi ba ñid | | mthoṅ nas kho bo’i blo gros ya mtshan mchog gyur te | |
de phyir re źig gal te de ñid rig pa daṅ | | khyod kyi ston pa’i mtshan ci smra ba gaṅ yin smros | |

de ltar mchod maṅ sṅon ’gro bram ze de yis ni | | de skad (6)brjod ciṅ rta thul gyis kyaṅ smras pa ste | |
bu ram śiṅ pa’i rigs su rab ’khruṅs thams cad mkhyen | | bdag gi ston pa bla na med pa śes par mdzod | |

byis pa gsar bu chos las skyes par gyur pa yis | | khyod la ston pa brjod par nus pa ma yin te | |
smras pa mkhyen pa’i mchog gyur thub pa (7)chen po’i gsuṅ | | ñuṅ du cuṅ zad tsam źig ṅes par rtogs par mdzod | |

gaṅ źig chos rnams mtshan ma las ni byuṅ ba ste | | de dag rnams kyi mtshan ma bcom ldan gyis gsuṅs śiṅ | |
gaṅ źig de dag rnams kyis ṅes par ’gog pa daṅ | | yaṅ dag ’gog pa de yi thabs gaṅ gsuṅs (63a1)ba’o | |

de ltar rta thul gyi ni tshig ’di thos nas ni | | gñis skyes ñer rgyal źes bya’i miṅ can de yi ni | |
skyen par chos la mig ni rdul daṅ bral ba ni | | dge źiṅ rnam par dag par ṅes par gyur pa’o | |

rgyu med pa daṅ bya ba med daṅ dbaṅ phyug ste | | źiṅ śes pa ni (2)ṅes par de yis sṅon rig ciṅ | |
rgyu las ’di rnams rab tu ’jug par thos nas ni | | bdag med gyur pa mthoṅ nas dam pa’i bden pa gzigs | |

sbom po’i ñon moṅs tshogs kyis rnam par ñams pa ni | | graṅs can lus las cha śas daṅ bcas mthoṅ ba ste | |
sbom po daṅ ni phra mo de yis ñams (3)pa ni | | saṅs rgyas pa yi bstan las ’gyur źes sñam par gyur | |

bdag tu ’du śes skyes pa ñe bar mkhyud nas ni | | dar ’dzin spoṅ ba ma yin de nas ṅa yi ñid | |
sgron ma daṅ ni ñin mor byed pa yod pa na | | ’od kyi rnam par ñams par gtan tshigs śes bya ci | |

ji ltar padma’i chu ba che bar gyur pa (4)yi | | snal ma phra mo ñid ni bźin daṅ ’brel pa ste | |
thar pa’i cho ga mthar thug min par de sñam źiṅ | | saṅs rgyas pa yis rdo ba phye daṅ mñam par rtogs | |

de nas bram zes rta thul de la mṅon mchod nas | | tshim źiṅ raṅ ñid kyi ni khaṅ par rnam soṅ źiṅ | |

bsod sñoms rim bźin rta thul gyis kyaṅ (5)rab thob nas | | raṅ bźin gnas śiṅ mkhas pa ’od ma’i tshal du soṅ | |

de bźin rab tu daṅ bas mchog daṅ ldan pa yi | | ñe rgyal kyaṅ ni mṅon du źugs pa mthoṅ nas ni | |
thos pa daṅ ni bsam pas bya ba mñam pa yi | | mood gal rigs su rab tu skyes pas smras pa’o | |

dge sloṅ de ñid gaṅ (6)gis gźan bźin gyur pa ste | | brtan pa yin yaṅ yaṅ dag dga’ bźin ñe bar soṅ | |
khyed kyis ’chi med ci źig de riṅ thob pa ste | | bźin ni rab tu daṅ ’di gtan tshigs med ma yin | |

de nas ’di ltar bgyi źes ’di la ṅes bden smras | | de nas des ni bdag la smos pa śes des smras | |
de (7)nas tshig de ñid ni de yis smras pa ste | | thos nas ñid kyi yaṅ dag mig ni skyes par gyur | |

las daṅ bsam pa rnam dag blo ldan de gñis ni | | lag nas sgron ma bźin du de ñid mthoṅ ba ste | |
śes pas ston la rnam par g-yo min bsam ldan dag | | de ni lta ba’i don du da lta ñid du gśegs | |

slob (63b1)ma’i sder bcas de gñis rgyaṅ ma nas gzigs nas | | bcom ldan draṅ sroṅ chen pos dge sloṅ rnams la gsuṅs | |
śes rab can daṅ rdzu ’phrul ldan ba rnams kyi gtso | | kho bo’i mchog gi slob ma ’di gñis ’dir ’oṅs so | |

de nas zab daṅ brtan pa’i gsuṅ ni źi ba yis | | thub bas de (2)gñis la ni gtam dag mdzad pa ste | |
dge sloṅ ’dir ni mṅon par ñer ’oṅs rab źi’i phyir | | chos ’di ji lta ba bźin yaṅ dag thob par gyis | |

dbyu gu gsum lag gtsug phud daṅ ldan gñis skyes te | | gñis la de bźin gśegs pas ’di skad ces gsuṅs te | |
saṅs rgyas mthu (3)yis dur smrig gos daṅ ldan pa yi | | dge sloṅ ñid du skad cig gis ni gyur pa’o | |

slob ma’i sder bcas cha lugs de yis de gñis kyis | | mgo bo dag gis thams cad mkhyen la mchod pa ste | |
de nas saṅs rgyas kyis chos de gñis la gsuṅs śiṅ | | dus kyis de gñis kyis ni ṅes (4)legs thob par gyur | |

de nas ’od sruṅs rigs kyi sgron ma gñis skyes kyis | | kha dog daṅ ni gzugs daṅ nor daṅ ñer ldan las | |
rdzu ’phrul daṅ ni bdag ldan bzaṅ mo rnams spaṅs nas | | thar pa’i ched du ṅur smrig bzuṅ źiṅ gśegs pa’o | |

mdog bzaṅs gser gyi mchod sdoṅ daṅ (5)mtshuṅs ’bar ba ni | | bu maṅs miṅ bcas mchod rten du ni ṅes mthoṅ nas | |
dṅos po thams cad spaṅs śiṅ ya mtshan daṅ bcas pas | | thams cad mkhyen la thal mo rab sbyar mṅon par soṅ | |

thub pa la ni rgyaṅ nas mgo bos phyag ’tshal źiṅ | | phyag ’tshal nas ni ji lta ba bźin mthon (6)por gsol | |
bdag ni slob ma bcom ldan bdag gi ston pa lags | | mun pa rnams su bstan pa bdag gi sgron mar gyur | |

gñis skyes skom pa skyes śiṅ ñe bar ’oṅs par ni | | mkhyen nas bsam pa rnam dag thar ’dod de la ni | |
sems la gsuṅ gi chab kyis rab tu tshim mdzad pa | | de bźin (7)gśegs pas legs bar ’oṅs źes bka’ stsal to | |

gsuṅ ’di yis ni ṅal ba rnam par sos bźin te | | ṅes par legs par rtogs pa’i ched du gnas pa ste | |
de nas dag ba’i bdag ñid ’di la thugs rje can | | thub pas chos ni mdor bsdus pa yis gsuṅs pa’o | |

gaṅ phyir thub (64a1)pas chos ni phra mor gsuṅs tsam na | | de yis don ni mtha’ dag yaṅ dag thob gyur te | |
de phyir yaṅ dag rig daṅ na tshod che gñis las | | dgra bcom ’od sruṅs chen po ñid du mtshan gyur to | |

gaṅ gis lus las gźan daṅ yaṅ na lus su ni | | bdag daṅ bdag gi (2)ba źes bdag tu rtogs pa ste | |
de yis bdag tu lta ba de ni ṅes spaṅs śiṅ | | ñi tshe ba min sdug bsṅal ’di ni mthoṅ bar gyur | |

tshul khrims brtul źugs dag gis dag par byed ces gaṅ | | rgyu med pa daṅ rgyu las de yis rtogs pa ste | |
sdug bsṅal ñid daṅ lam ni yaṅ dag thob nas te | | tshul (3)khrims daṅ ni brtul źugs mchog tu ma bzuṅ ṅo | |

phyin ci log tu gyur par soṅ ba gaṅ gis ni | | mṅon du bskor źiṅ mchog ni rab tu thob ma yin | |
bden pa bźi po’i go ’phaṅ rnams ni mthod gyur nas | | the tshom som ñir gyur te yaṅ dag mchod par gyur | |

’dod pa gaṅ rnams su ni yaṅ dag (4)rgyar ñid daṅ | | brgyal bar gyur daṅ brgyal bar ’gyur ñid ’jig rten pa | |
mi gtsaṅ bden pa ma yin de rnams des śes nas | | ’dod chags śes bya’i yul de spaṅs par gyur pa’o | |

de bźin du ni byams par gyur ba’i sems kyis des | | bśes daṅ bśes min rnams su khyad par med pa ste | |
(5)’byuṅ po kun la rjes su brtse ba byas pa yis | | nad du soṅ ba’i gnod sems spaṅs par gyur pa’o | |

gzugs la brten pa rnams daṅ groṅ khyer brten pa rnams | | sna tshogs ñid daṅ ldan pa’i ’du śes rnams spaṅs nas | |
des ni gzugs kyis khams su chags pa rnam bcom ste | | gzugs la (6)’jug pa’i ñes pa rnams ni rtogs nas so | |

rmoṅs las sñoms ’jug rnams su thar pa’i ’du śes daṅ | | gzugs med lha rnams mdzad pa can du rtogs nas ni | |
źi źiṅ mtshan ma med pa’i sems ni gzuṅ nas su | | gzugs med sred pa las ni chags daṅ bral bar soṅ | |

chu bo sin dhu’i śugs (7)chen rab tu ’jug pa bźin | | sems kyis g-yo źiṅ skyod par byed pa śes nas ni | |
brtan pa’i brten las rgod pa rnam par spaṅs pa ste | | źi źiṅ rdziṅ bu gaṅ ba bźin du gnas par gyur | |

sñiṅ po med pa’i phyir daṅ ’god ba’i chos ñid phyir | | bdag med ñid phyir dṅos rnams yaṅ dag rab mthoṅ nas | |
(64b1)khyad ’phags ñid daṅ mñam daṅ mchog ñid mthoṅ ba ste | | ṅa rgyal rnam par spaṅs nas yod ma yin źes rtogs | |

ye śes me yis mi śes mun pa rnams bcom nas | | zad pa can daṅ zad pa med par sna tshogs mthoṅ | |
rnal ’byor gyis ni rig pa ñid ni yoṅs bsgoms nas | | ma rig pa ni (2)mtha’ dag ji lta ba bźin spaṅs | |

mthod daṅ bsgom pa dag gis kun du sbyor ba ni | | bcu po ’di dag mtha’ dag rnams kyis rnam par grol gyur ciṅ | |
thal mo sbyar byas saṅs rgyas ñid la lta bźin du | | bya ba kun byas raṅ bźin gnas te gnas par gyur | |

skar ma gsum gyis gnas skabs (3)gsum skyoṅ rjes skyes lha daṅ ni | | ldan pa’i lṅa gsum tshes kyi dus su skar ma’i rgyal po bźin | |
gsum ni chud zos gyur ciṅ gsum ni lhag par thob pa yi | | gsum rig slob ma gsum gyis bde bar gśegs pa rnam par mdzes | |

saṅs rgyas kyi spyod pa źes bya ba’i sñan dṅags chen po las | (4)ñan thos chen po rab tu gśegs par mdzad pa’i le’u ste bcu bdun pa’o ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=84d549cc-e7a7-102d-829a-001cc4df1abe

Choose languages

Choose images, etc.

Choose languages

Choose display