Bibliotheca Polyglotta

’jig rten dus su chu ’dzin sṅon po sgra sgrogs pa | | zla ba ’gog pa la ni mkha’ la rluṅ bźin du | |
de bźin gśegs pa la ni mṅon du gdoṅ phyogs par | | glaṅ po’i dbaṅ po rgyal po’i lam la gtad pa’o | |

lus kyis snun (3)pas yan lag mchog ni ñer blaṅs śiṅ | | mche bas phug pas rgyu ma’i dra ba rab bkram pa’i | |
lus po rnams kyis rgyal po’i khab kyi lam rnams ni | | rgyu bar dka’ bar byed la mṅon par rab tu źugs | |

śa ni ’dod pas mi yi brla la rmugs pa ste | | mche ba’i rtse mos reg ciṅ g-yo (4)ba’i rgyu ma’i phreṅ | |
khrag gis gśer ba’i mgo bo sna ljags drag po yis | | ’phen pa’i don du rdo rnams bźin du gyen du ’phen | |

gsum du rab dga’i chaṅ gis ’thor ma’i dri ldan źiṅ | | rul pa’i khrag daṅ źag gi dri yis bsgos rnams kyis | |
de tshe bskor źiṅ mtha’ med khro (5)ba daṅ ldan pa | | groṅ khyer skye bo de la skyo bas ’jigs par byed | |

gñis ’thuṅ myos pa dus kyi dbyug pa ’jigs ’dra ba | | kheṅs las gdoṅ ni bcos śiṅ sgra skad ’thon pa ste | |
khros pas rnam par log pa’i mig can de mthoṅ nas | | h’a h’a byed pa rgyal po’i khab nas byuṅ bar (6)gyur | |

kha cig yid mi bde bas phyogs su bros pa ste | | gźan ni mtho ba min pa’i yul rnams la thim źiṅ | |
de bźin ’jigs pa las gźan ’jigs pa ma bzuṅ nas | | gźan rnams gźan rnams dag gi khyim rnams la źugs so | |

kha cig rnam par ’dug pa’i seṅ ge’i (7)sgra rnams ni | | raṅ gi srog la the tshom yaṅ dag ma bsams śiṅ | |
saṅs rgyas la ni mṅon par ’tshe ba ma byed ces | | rab tu bzuṅ nas gñis ’thuṅ de la rgyab nas ’bod | |

de bźin gźan rnams glaṅ po skyoṅ la ’bod pa ste | | gźan rnams ’di la thal mo dag gis phyag ’tshal lo | |
de nas (77a1)de la gźan rnams bsdigs par byed pa ste | | kha cig nor gyis sred ciṅ ’dod par byed pa’o | |

rluṅ ’gro skar khuṅ dag nas rnam par lta bźin du | | laṅ tsho ma rnams lag pa g-yo źiṅ du ba ste | |
’jigs ma gźan rnams gser gyi gdu bu dag daṅ ldan pa yis | | (2)zaṅs mdog lag pa rnams kyis mig rnams ’gebs pa’o | |

yoṅs su ro myaṅ glaṅ pos ’joms par ’dod pa na | | gyen du lag bteg skye bo du bar gyur na yaṅ | |
gśegs pa ’byed pa med ciṅ gnod pa mi mṅa’ bar | | bde bar gśegs pa raṅ gnas rnam ’gyur med par gśegs | |

(3)byams pas ’byuṅ po rnams la rjes su brtse ba ni | | gus pas lha rnams kyis ni rjes su ’gro ba ste | |
de la dbaṅ po’i glaṅ po ches kyaṅ reg pa ru | | nus pa ma yin gaṅ phyir thub pa brtan par gśegs | |

gaṅ phyir saṅs rgyas la ni rjes ’gro dge sloṅ ste | | des ni rgyaṅ nas glaṅ chen mthoṅ nas (4)bros pa ste | |
sna tshogs bdag ñid ’jig rten raṅ bźin gyis bźin du | | kun dga’ bo gcig saṅs rgyas la ni rjes su soṅ | |

de nas glaṅ chen khros pa de ni ñer ’oṅs nas | | thub pa’i mthu las ’du śes ñe bar thob pa ste | |
mig sman ri bo rdo rjes phye mar bcom pa bźin | | lus po (5)rab tu zegs śiṅ spyi bos ’gyel bar gyur | |

de la śin tu mdzes śiṅ ’dam skyes ’jam po yis | | legs skyes sor mo’i dra ba’i phyag gis mgo bo la | |
zla ba chu ’dzin la ni ’od zer gyis bźin du | | gñis ’thuṅ dbaṅ po la ni thub pas reg par gyur | |

chu yi śin tu khur las (6)dus kyi sprin bźin du | | źabs kyi rtsa bar gñis ’thuṅ de ni bsdad pa ste | |
thub pas rna ba’i ta la g-yo med la gzigs śiṅ | | de la sems can ma ’os źi bas bstan pa’o | |

sdig med daṅ bcas rnam par ’joms pa sdug bsṅal te | | sdig med ñid la glaṅ chen gnod pa (7)ma byed cig | |
srid pa srid par sdig med bcom pa’i srog chags kyis | | bde ’gro brgyad la glaṅ chen ’gyur ba ma yin no | |

’dod chags daṅ ni źe sdaṅ de bźin gti mug ste | | glaṅ chen gsum bo bzod par dka’ ba’i chaṅ yin la | |
chaṅ gsum rnams daṅ thub pa rnams ni bral ba ste | | (77b1)rims nad med ciṅ mya ṅan ’das pa mṅon bar brñes | |

de phyir mun par ’dod pa ’di ni spoṅs ’dod pa | | chaṅ ni spaṅs la raṅ bźan ’du śes thob par gyis | |
’khor ba’i rgya mtsho’i ’dam ni rgyas par chags pa ste | | slar yaṅ de ltar gñis ’thuṅ dbaṅ po ma ltuṅ cig | |

de nas (2)glaṅ po des ni gsuṅ ’di thos nas su | | chaṅ ni spaṅs śiṅ yaṅ dag rig par soṅ ba ste | |
bdud rtsi ’thuṅs nas nad rnams dag las grol ba bźin | | naṅ du soṅ ba’i bde ba dam pa thob par gyur | |

slob ma bźin du thub la rab btud de ma thag | | chaṅ ni yoṅs (3)spaṅs glaṅ po’i dbaṅ po de mthoṅ nas | |
kha cig chos rnams bskor źiṅ g-yug par gyur pa ste | | gźan rnams lag pa rnams ni rdebs śiṅ skad ’don to | |

gźan rnams kyis ni mgo bos thub la phyag ’tshal źiṅ | | de nas de la gźan rnams bskor ba byas pa ste | |
gźan (4)rnams ’phags pa ñid las glaṅ chen la bstod ciṅ | | ya mtshan daṅ bcas gźan rnams reg par gyur pa’o | |

ldiṅ khaṅ la gnas bud med gźan rnams de la ni | | gtsaṅ źiṅ rin thaṅ chen po’i gos rnams kyis mchod ciṅ | |
gźan rnams gsar ba’i phreṅ ba (5)yon tan yid ’oṅ daṅ | | rgyan ni de daṅ de dag rnams kyis mṅon par ’thor | |

dus daṅ mtshuṅs pa’i glaṅ po dul bar gnas pa na | | skye bo dad pa med pa dbus nas soṅ ba ste | |
dbus gnas khyad par las ni daṅ bar rab soṅ źiṅ | | dad pa rnams kyaṅ gaṅ de bstan par ñe bar (6)soṅ | |

dad pa la gnas ma skyes dgra ni thub pa yis | | glaṅ chen dbaṅ po de ni brtul ba mthoṅ nas ni | |
ya mtshan gyur źiṅ de nas dga’ ba skyes pa ste | | saṅs rgyas la ni mchog tu dad pa byas pa’o | |

ñon moṅs rtsod ldan dus ni ṅes par log pa na | | rdzogs ldan (7)dus ni ’oṅs nas slar yaṅ chos don bźin | |
de ltar rdzu ’phrul daṅ ldan sñan grags mchog rnams kyis | | rab tu gnas pa’i dka’ ldan thub pa mchog ’phel to | |

mi dge ba daṅ yoṅs su ldan pa’i lha sbyin no | | ñon moṅs sdig pa’i las ni maṅ po byas nas ni | |
mi skyoṅ (78a1)ste na rgu ba gñis skyes draṅ sroṅ gi | | dmod pa las bźin sa yi ’og tu byiṅ bar gyur | |

saṅs rgyas kyi spyod pa źes bya ba’i sñan dṅags chen po las | las kyi rgyun gyi le’u ste ñi śu rtsa gcig pa’o ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=8576eb06-e7a7-102d-829a-001cc4df1abe

Choose languages

Choose images, etc.

Choose languages

Choose display