Bibliotheca Polyglotta

ldiṅ khaṅ la gnas bud med gźan rnams de la ni | | gtsaṅ źiṅ rin thaṅ chen po’i gos rnams kyis mchod ciṅ | |
gźan rnams gsar ba’i phreṅ ba (5)yon tan yid ’oṅ daṅ | | rgyan ni de daṅ de dag rnams kyis mṅon par ’thor | |

dus daṅ mtshuṅs pa’i glaṅ po dul bar gnas pa na | | skye bo dad pa med pa dbus nas soṅ ba ste | |
dbus gnas khyad par las ni daṅ bar rab soṅ źiṅ | | dad pa rnams kyaṅ gaṅ de bstan par ñe bar (6)soṅ | |

dad pa la gnas ma skyes dgra ni thub pa yis | | glaṅ chen dbaṅ po de ni brtul ba mthoṅ nas ni | |
ya mtshan gyur źiṅ de nas dga’ ba skyes pa ste | | saṅs rgyas la ni mchog tu dad pa byas pa’o | |

ñon moṅs rtsod ldan dus ni ṅes par log pa na | | rdzogs ldan (7)dus ni ’oṅs nas slar yaṅ chos don bźin | |
de ltar rdzu ’phrul daṅ ldan sñan grags mchog rnams kyis | | rab tu gnas pa’i dka’ ldan thub pa mchog ’phel to | |

mi dge ba daṅ yoṅs su ldan pa’i lha sbyin no | | ñon moṅs sdig pa’i las ni maṅ po byas nas ni | |
mi skyoṅ (78a1)ste na rgu ba gñis skyes draṅ sroṅ gi | | dmod pa las bźin sa yi ’og tu byiṅ bar gyur | |

saṅs rgyas kyi spyod pa źes bya ba’i sñan dṅags chen po las | las kyi rgyun gyi le’u ste ñi śu rtsa gcig pa’o ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=85777ff8-e7a7-102d-829a-001cc4df1abe

Choose languages

Choose images, etc.

Choose languages

Choose display