You are here: BP HOME > Aśvaghoṣa: Buddhacarita > fulltext
Aśvaghoṣa: Buddhacarita

Choose languages

Choose images, etc.

Choose languages
Choose display
  • Enable images
  • Enable footnotes
    • Show all footnotes
    • Minimize footnotes
Search-help
Choose specific texts..
Aśvaghoṣa: Buddhacarita
    Click to Expand/Collapse Option Complete text
Click to Expand/Collapse OptionTitle
Click to Expand/Collapse OptionPreface
Click to Expand/Collapse OptionChapter 1: Bhagavatprasūti
Click to Expand/Collapse OptionChapter 2: Antaḥpuravihāra
Click to Expand/Collapse OptionChapter 3: Saṃvegotpatti
Click to Expand/Collapse OptionChapter 4: Strīvighātana
Click to Expand/Collapse OptionChapter 5: Abhiniṣkramaṇa
Click to Expand/Collapse OptionChapter 6: Chandakanivartana
Click to Expand/Collapse OptionChapter 7: Tapovanapraveśa
Click to Expand/Collapse OptionChapter 8: Antaḥpuravilāpa
Click to Expand/Collapse OptionChapter 9: Kumārānveṣaṇa
Click to Expand/Collapse OptionChapter 10: Śreṇyābhigamana
Click to Expand/Collapse OptionChapter 11: Kāmavigarhaṇa
Click to Expand/Collapse OptionChapter 12: Arāḍadarśana
Click to Expand/Collapse OptionChapter 13: Māravijaya
Click to Expand/Collapse OptionChapter 14: Englightenment
Click to Expand/Collapse OptionChapter 15: Turning the Wheel of the Law
Click to Expand/Collapse OptionChapter 16: Many Conversions
Click to Expand/Collapse OptionChapter 17: Conversion (pravrajyā) of the Great Disciples
Click to Expand/Collapse OptionChapter 18: The Instruction of Anāthapiṇḍada
Click to Expand/Collapse OptionChapter 19: The Meeting of Father and Son
Click to Expand/Collapse OptionChapter 20: Acceptance of Jetavana
Click to Expand/Collapse OptionChapter 21: Progress (srotas) of the Mission
Click to Expand/Collapse OptionChapter 22: The Visit to Amrapāli's Grove
Click to Expand/Collapse OptionChapter 23: Fixing the Factors of Bodily Life
Click to Expand/Collapse OptionChapter 24: Compassion for the Licchavis
Click to Expand/Collapse OptionChapter 25: The Journey to Nirvāṇa
Click to Expand/Collapse OptionChapter 26: The Mahāparinirvāṇa
Click to Expand/Collapse OptionChapter 27: Eulogy of Nirvāṇa
Click to Expand/Collapse OptionChapter 28: The Division of the Relics
Click to Expand/Collapse OptionColophon
Back to library
 
 
 
 
 
 
 
de nas bskyod pa de mthoṅ nas | | kun dga’ bo ni spu laṅs śiṅ | | ci źig gyur źes śugs ’oṅs te | | ’dar bar gyur ciṅ dga’ ma gyur | | 
 
 
 
 
kun mkhyen gtan tshigs (4)mkhas pa la | | des der gtan tshigs dris pa ste | |
de nas de la thub pas ni | | khyu mchog myos pa’i dbyaṅs kyis gsuṅs | | 
 
 
 
 
rgyu mtshan gaṅ gis g-yos pa ’di | | bdag gi tshe ’di btaṅ ba la | |
zla ba gsum ni yoṅs bgraṅs par | | byin gyis brlabs nas de ni ’tsho | | 
 
 
 
 
de (5)ltar thos nas kun dga’ bo | | tsandan ljon pa’i thaṅ chu ni | |
glaṅ po che yis brabs pa bźin | | mchi ma phyuṅ źiṅ g-yos par gyur | | 
 
 
 
 
ṅes gñen ñid phyir bla ma’i phyir | | chags bral min phyir sdug bsṅal źiṅ | |
sñiṅ rje bar ni rnam zlos te | | yoṅs su dga’ ba med par (6)dus | | 
 
 
 
 
mgon gyi ṅes pa thos gyur nas | | bdag gi lus ni lhuṅ ba bźin | |
bdag gi phyogs rnams spobs pa med | | bdag gis chos rnams thos pa rmoṅs | | 
 
 
 
 
gaṅs kyis gtser rnams la me bźin | | rga ba rñiṅs pa’i chos rnams su | |
kyi hud mis bsṅags skyen par ni | | (7)de bźin gśegs pa mya ṅan ’da’ | | 
 
 
 
 
ñon moṅs ’brog dgon chen po ru | | chud zos lus daṅ ldan rnams la | |
lam mkhyen śin tu skyen pa ru | | lam mkhan ṅes par ñams par ’gyur | | 
 
 
 
 
thag riṅ lam la rab źugs pa’i | | sred pa yoṅs ldan bdag rnams kyi | |
lam (83b1)na rdziṅ bu bsil ba’i chu | | śin tu myur bar bskam par gyur | | 
 
 
 
 
blo ni rdzi ma źi ba smin | | ’das daṅ ma ’oṅs da ltar gzigs | |
ye śes rnam spaṅs ’jig rten gyi | | mig ni ṅes par zum par ’gyur | | 
 
 
 
 
ṅes par lo thog skyed rnams su | | chu ni don gñer ṅal rnams la | |
char (2)bar gyur nas skyen pa ru | | chu sbyin sprin ni nub par ’gyur | | 
 
 
 
 
mi śes mun pas phrogs rnams su | | sems can lam gol ba rnams la | |
rab tu gsal ba’i sgron ma ni | | śin tu skyen par źi bar ’gyur | | 
 
 
 
 
de nas de ltar mya ṅan gyis | | sems gzir kun dga’ bo gzegs nas | |
(3)źi byed mgon pos de ñid ni | | de ñid rig pa’i mchog gis gsuṅs | | 
 
 
 
 
’gro ba’i raṅ bźin śes nas ni | | mya ṅan ma byed kun dga’ bo | |
’dus byas ṅo bo mi rtag ciṅ | | ’gro ba ’di kun ’dzad pa ñid | | 
 
 
 
 
lus can rtsod pa’i skyed tshal du | | sdug pa kun daṅ bral ba ste | |
brtse (4)ba kun nas thaṅ cig ces | | sṅon du bdag gis smras pa ñid | | 
 
 
 
 
’dus byas g-yo ba skyes pa gaṅ | | rten nas ’byuṅ ba dbaṅ med de | |
bdag gis rtag par gyur cig ces | | ’di ni rñed par mi nus so | | 
 
 
 
 
sa steṅs ’byuṅ po rtag gyur na | | ’jug pa g-yo ba ma yin źiṅ | |
thar (5)pas bya ba su yis ’gyur | | de phyir mthar thug ’dod pa’o | | 
 
 
 
 
ci ste khyod dam skye bo gźan | | bdag la khyod kyi sred pa ci | |
gaṅ phyir ṅal ba skyes pa ’di | | khyod kyis bdag daṅ bral bas byas | | 
 
 
 
 
lam ni mtha’ dag khyed cag la | | bdag gis bstan ciṅ bśad pa ste | |
saṅs (6)rgyas rnams daṅ slob dpon gyi | | dpe mkhyud med ces gzuṅ mdzod cig | | 
 
 
 
 
bdag gi gnas sam ñer źi na | | don ni de tsam ñid yin te | |
de bźin gśegs rnams chos kyi sku | | lus kyis khyed cag la don ci | | 
 
 
 
 
de phyir daṅ ṅam bdag ’das tshe | | skyo ba yis daṅ bag yod (7)daṅ | |
bdag gi sgron mas gsal byas te | | chos kyi sgron ma rtag par ro | | 
 
 
 
 
der źugs brtson ’grus brtan pa daṅ | | rtsod med bdag gi don la mkhas | |
blo ni gźan dbaṅ ma yin pa | | bdag gi sgron ma źes śes bya | | 
 
 
 
 
rig pa daṅ ldan mkhas pa ni | | gaṅ gi sgron mas (84a1)mun pa bźin | |
śes rab sgron mas ’joms pa ste | | chos kyi sgron mar śes par bya | | 
 
 
 
 
dge legs ñe bar thob bya’i phyir | | de dag rnams kyi spyod yul źi | |
lus daṅ tshor ba ñid daṅ ni | | sems daṅ bdag med pa ñid do | | 
 
 
 
 
dus lpags khrag daṅ rgyus (2)pa daṅ | | śa daṅ spu sogs rnams kyis dkris | |
mi gtsaṅ lus su mthoṅ bas ni | | lus la chags pa ma yin no | | 
 
 
 
 
de lta de ltar rkyen rnams kyis | | ’jug pa’i tshor ba rnams su ni | |
sdug bsṅal źes de ltar mthoṅ ba’i | | bde ba’i śes rab rab tu ’joms | | 
 
 
 
 
skye ba daṅ ni (3)gnas pa daṅ | | chos kyi ’god pa ñid dag ni | |
źi ba’i sems kyis mthoṅ ba yin | | rtag par ’dzin pa ldog pa’o | | 
 
 
 
 
rkyen rnams las ni skyes pa rnams | | phuṅ po rnams ni mthoṅ ba yi | |
ṅar ’dzin gyis ni skyed pa po | | bdag tu ’dzin pa ’jug ma yin | | 
 
 
 
 
sdug bsṅal ñe bar (4)źi ba’i phyir | | bgrod pa gcig pa’i lam ’di ni | |
lam ni bźi po de rnams su | | de ltar dran pa ñe bar gźag | | 
 
 
 
 
de ltar ram ni bdag ’das tshe | | gaṅ rnams ’di la gnas ’gyur ba | |
de rnams ’god med go ’phaṅ mchog | | ṅes par legs pa thob par ’gyur | | 
 
 
 
 
de ltar kun (5)dga’ bo la gtam | | de rnams rnam par ’dren pas mdzad | |
litstsha b’i rnams kyis thos nas | | de la gus phyir skyan par soṅ | | 
 
 
 
 
thub la brtse daṅ gus pa’i phyir | | gduṅ bas phrog pa’i sems can rnams | |
spyod mthas bkod pa’i don rnams kun | | myur las rdzu ’phrul don (6)rnams so | | 
 
 
 
 
ston pa la ni smra ’dod pa | | de rnams btud nas ñe bar gnas | |
smra bar ’dod rnams ston pa yis | | mkhyen nas thub pas tshig gsuṅs so | | 
 
 
 
 
gaṅ ’di bdag la soṅ ba’i sems | | khyed cag rnams kyis de kun śes | |
de ñid gźan bźin mya ṅan gyis | | de riṅ khyed (7)kyis spobs par gyur | | 
 
 
 
 
dpal gyi bde rnams la gnas kyaṅ | | khyed cag rnams kyis thams cad nas | |
mṅon par źugs pa ’di yis ni | | gsal ba ñid daṅ chos mkhan ñid | | 
 
 
 
 
gal te ye śes bdag las kyaṅ | | cuṅ źig thos śiṅ śes pa na | |
bdag gi źiṅ pa rab dmigs te | | (84b1)gduṅ ba ma byed brtan par soṅ | | 
 
 
 
 
mi rtag ’dus byas dṅos po rnams | | g-yo źiṅ yoṅs su gyur pa can | |
sñiṅ po daṅ bral blo gtad min | | cuṅ źig brtan par gnas pa med | | 
 
 
 
 
gnas ’jog rgyun śes la sogs daṅ | | gaṅ gźan thig le gźan rnams daṅ | |
dus kyi dbaṅ (2)du soṅ ba ste | | srid pa ’di ni ma ruṅs ñid | | 
 
 
 
 
sa ’dzin ṅa las nu daṅ ni | | brgya byin daṅ mtshuṅs dbyig nor daṅ | |
skal ba che daṅ skal med min | | ’byuṅ por mñes gśin ’byuṅ ba’o | | 
 
 
 
 
’gro mgyogs de nas ’gro byar ’gro | | skal ldan śiṅ rta śiṅ rta bzaṅ | |
sgra ṅan gyis smad sgra ṅan (3)rdzogs | | raṅs byed ri mo rdul ma skyes | | 
 
 
 
 
mi skyoṅ draṅ sroṅ bdag ñid che | | de rnams daṅ gźan maṅ po rnams | |
dbaṅ chen daṅ mtshuṅs ñams pa ste | | mi ñams pa ni yod ma yin | | 
 
 
 
 
ñi ma gnas las ’phos pa ste | | nor lha rnams ni sa la soṅ | |
dbaṅ po brgya (4)rnams ’das pa ste | | rtag pa ci yaṅ yod ma yin | | 
 
 
 
 
gaṅ gźan yaṅ dag saṅs rgyas rnams | | ’gro ba’i snaṅ ba mdzad nas su | |
mar me snum zad bźin du ni | | de rnams mya ṅan ’das par gyur | | 
 
 
 
 
gaṅ gźan bdag ñid chen po rnams | | ’byuṅ ’gyur de bźin gśegs rnams (5)kyaṅ | |
bud śiṅ tshig pa’i me bźin du | | de rnams mya ṅan ’da’ bar ’gyur | | 
 
 
 
 
thar ’dod dka’ thub nags su bźin | | de phyir bdag kyaṅ ’gro bar bgyi | |
bdag gi don med lus miṅ ni | | ’gran pa la ni rgyu mtshan med | | 
 
 
 
 
gaṅ du gdul bya ’ga’ źig yod | | gaṅ phyir ’di nas (6)’gro bar blo | |
ñams dga’ yaṅs pa can la ni | | khyed cag blo gźan ma gyur cig | | 
 
 
 
 
de phyir ’jig rten skyabs med ciṅ | | dbaṅ med g-yo bar śes nas su | |
chags bral la ni ’gro bar daṅ | | skyo ba thob par ’os ba’o | | 
 
 
 
 
de ltar gtam bcad nas dus su | | ltos med (7)de bźin gśegs pa ni | |
ston gyi zla ba snaṅ byed bźin | | lus ṅan phyogs su rab tu gśegs | | 
 
 
 
 
de la mchi mas yoṅs gaṅ mig | | li tstsha b’i rnams rjes soṅ źiṅ | |
rgyan bcas lag pa rgyas rnams kyis | | thal mo sbyar nas rnam par smras | | 
 
 
 
 
kyi hud ’o brgyal gser (85a1)mtshuṅs śiṅ | | sum cu rtsa gñis mtshan mda’ ba | |
ston pa’i sku lus dbye ’gyur źiṅ | | thugs rje mṅa’ ba mi rtag ñid | | 
 
 
 
 
srid ciṅ ’o ma med pa yi | | sems ma thob pa’i be’u ni | |
bkren rnams ye śes ’jo ba’i bas | | kye ma śin tu skyen par ’bor | | 
 
 
 
 
(2)’gro na mig ldan mi rnams kyis | | rmoṅs pa’i mun pa bcom mdzad nas | |
ye śes ’od zer skyen pa ru | | thub pa ñi ma nub par ’gyur | | 
 
 
 
 
mi śes rgyun gyis ’jig rten na | | de las de las khyer ba la | |
rnam yaṅs chos kyi zam pa ni | | śin tu myur bar chag par ’gyur | | 
 
 
 
 
brtse lan (3)sman pa chen po ni | | ye śes mchog gi sman mṅa’ bas | |
sems nad kyis na ’jig rten ni | | bor nas ṅes par gśegs par ’gyur | | 
 
 
 
 
sems kyis gzer bu’i yo byad daṅ | | śes rab rgyan gyis brgyan pa ste | |
ltad mo la ni skom rnams kyis | | dbaṅ po’i tog ni ’gyel bar ’gyur | | 
 
 
 
 
(4)’gro ba sdug bsṅal skal ba can | | ’khor ba’i ’chiṅ bas bciṅs pa la | |
gal te thar pa’i sgo ’di ni | | dus kyis sdom par ’gyur ba’o | | 
 
 
 
 
de ltar rnam zlog litstsha b’i | | mig rnams mchi mas rnams ’khrugs pa | |
rjes su ’oṅs pa de rnams ni | | thub pas slar la zlog (5)bar mdzad | | 
 
 
 
 
de nas thub pas bcad śes nas | | bstan pa rab tu bzuṅ nas su | |
phyir la ldog phyir ṅes pa ni | | sdug bsṅal sdug bsṅal gyis byas so | | 
 
 
 
 
rluṅ gis bskyod pa’i me tog rnams | | kar ni ka ra’i ljon śiṅ bźin | |
gser gyi ri ltar dkar de rnams | | (6)thub pa’i źabs la phyag ’tshal te | | 
 
 
 
 
de la sems rnams kyis chags śiṅ | | rkaṅ pa rnams kyaṅ ’khyar ba ste | |
gñen po’i rluṅ la chu gñer bźin | | ’gro ba med par de rnams log | | 
 
 
 
 
źe sa yin źiṅ dga’ ma yin | | dga’ ba yin źiṅ źe sa min | |
thub pa la ni de dag (7)gis | | dga’ daṅ źes g-yo ba med | | 
 
 
 
 
’brog mtha’ nas ’thon khyu mchog che | | khyu mchog chen po rnams kyis bźin | |
gnas na gnas kyaṅ de rnams kyis | | yaṅ yaṅ stobs bcu ldan la lta | | 
 
 
 
 
de bźin gśegs par sems soṅ ba | | lus daṅ ldan yaṅ ’od med (85b1)rnams | |
rkaṅ pas de nas mya ṅan ’das | | log pa’i ’khrus bźin rjes su ’oṅs | | 
 
 
 
 
rnam par ma ’khrugs mṅa’ gźu rnams kyi sgra rnams zil mnan nas | | de rnams ṅa rgyal ldan yaṅ stobs daṅ ldan yaṅ ’gugs ldan yaṅ | |
’gro na dpal ’dod li tstsha b’i ni ’dod pa chen po rnams | | mya ṅan (2)gyis ’khrugs gdoṅ rnams raṅ gi khaṅ pa rnams su ’oṅs | | 
 
 
 
 
saṅs rgyas kyi spyod pa źes bya ba’i sñan dṅags chen po las | litstsha b’i rnams la thugs brtse ba’i le’u ste ñi śu rtsa bźi pa’o || 
 
 
Permanent link
Go to Wiki Documentation
Enhet: Det humanistiske fakultet   Utviklet av: IT-seksjonen ved HF
Login