Bibliotheca Polyglotta

de nas bzaṅ pos yaṅ dag ñer ldan legs bzaṅ ni | | dbyu gu gsum ’dzin ’byuṅ po’i tshogs su mi mchod pa | | bde bar gśegs pa lta ’dod (89a1)dge sloṅ thar ’dod pas | | kun dga’ byed pa’i kun dga’ bo la smras pa’o | |

thub pa mya ṅan ’da’ ba’i dus ni bdag gis thos | | gaṅ gi ched du bdag gis lta ’dod skyes pa ste | |
’jig rten dag na mchog gi chos kyi rtogs pa po | | zla ba gnam stoṅ la bźin mthoṅ (2)bar zla ba min | |

sdug bsṅal mtha’ dag rnams kyi tha mar gśegs bźed pa | | khyod kyi ’dren pa de ni lta bar ’dod pa ste | |
sprin gyis mṅon par bkag pa’i mkha’ la ñi ma bźin | | bdag gis ma mthoṅ bar de nub par ’gro ma yin | |

de nas yoṅs su ’gro ba po ni ’oṅs pa ste | | smra (3)bar ’dod ciṅ chos ’dod pa ni des śes nas | |
ṅal ba daṅ ni ldan pa’i sems ldan kun dga’ bos | | dus ma yin źes mchi ma’i gdoṅ gis smras pa’o | |

de ni zla ba’i ’od mṅa’ bsam pa mkhyen pa po | | ’dab ma rgyas ba’i spyan yaṅs rnam par mkhyen nas su | |
gaṅ phyir kho bo ’jig (4)rten phan phyir skyes pa ste | | kun dga’ bo kye gñis skyes ma ’gogs źes gsuṅs so | |

de las legs bzaṅ mchog tu dga’ źiṅ yid ches śiṅ | | dpal stug dge legs mdzod la mṅon du soṅ ba ste | |
de nas dus kyi rjes su mthun pas źi ba yi | | gsuṅ ni mṅon par gsuṅs (5)nas slar yaṅ de gsol to | |

kho bo lta ba’i yoṅs su rtog pa po rnams las | | thar pa’i lam gźan lhag par khyed kyis lhag par thob ces grag | |
de phyir bdag la gsuṅ mdzod bdag la ’dzin ’dod yod | | bdag gis lta ’dod rtse bar ’dod pa’i phyir ma yin | |

de nas gñis (6)skyes mṅon par ’oṅs pa de la ni | | yan lag brgyad kyi lam ni saṅs rgyas kyis gsuṅs śiṅ | |
rab tu chud zos lam ni yaṅ dag dran pa bźin | | thos nas gaṅ ni gaṅ gis yaṅ dag rtogs | |

des ni sṅon du mthoṅ bar gyur pa’i lam gźan la | | des ni mthar thug dam pa ñe bar ma thob (7)ste | |
sṅon du ma mthoṅ lam ni lhag par thob nas su | | sñiṅ la mun pa daṅ bcas lam de dor bar gyur | |

rdul daṅ lhan cig mun pa rab tu ’phel ba ste | | de dag rnams kyi mi dge’i las ni sogs źes grags | |
sñiṅ stobs daṅ bcas rdul ni rab tu ’phel ba ste | | de dag rnams (89b1)kyi dge ba’i las ni rgyas źes grags | |

thos daṅ blo daṅ ’bad pas sñiṅ stobs ’phel ba na | | rdul daṅ mun pa nag ni rnam pa med pa’i phyir | |
las ñams pa las las ni zad par ’gro ba ste | | de dag rnams kyi las de ’thad pa yin źes grags | |

yid ni rmoṅs par byed (2)pa rdul daṅ mun pa dag | | raṅ bźin par ni ’jig rten dag na smra ba ste | |
de phyir de gñis zad pa yod min brtan ñid phyir | | raṅ bźin par ni brtan pa ñid du rab tu grub | |

sñiṅ stobs sbyor las de dag bde bar gyur na yaṅ | | dus kyi dbaṅ gis slar yaṅ ’byuṅ bar ’gyur ba (3)ste | |
bsil ba’i chu ni tshan mo bźin du rim gyis ni | | dus kyi rim las raṅ bźin du ni ’gro bar ’gyur | |

rtag pa’i bdag ñid sñiṅ stobs de ltar ’phel ba ru | | thos pa blo daṅ ’bad pa rnams kyis mi nus te | |
de ma ’phel na de dag ñams pa yod min źiṅ | | de dag ma (4)ñams pa las źi ba yod ma yin | |

sṅon du des ni raṅ bźin las ni skyes sñam ste | | des kyaṅ der ni thar pa mthoṅ ba ma yin źiṅ | |
me yi ’bar ba’i ’od kyi ñams pa ji lta bar | | raṅ bźin la ni gnas na mthar thug gaṅ las yin | |

saṅs rgyas pa yi lam gyis de ñid mthoṅ ba (5)ste | | srid pa la ni brten nas ’jig rten des rtogs śiṅ | |
de yi rnam par ñams pas źi ba rigs pa ste | | rgyu ni rab tu ñams phyir ’bras bu ñams pa’o | |

gsal ba ’di yin rnam par ’gyur ba med pa’i bdag | | lus las gźan ni de yis sṅon du rtogs pa ste | |
thub pa’i (6)gsuṅ ni yoṅs su thob nas ’jig rten ni | | bdag med pa daṅ bdag tu bya ba med par śes | |

chos ni du ma so sor brten nas skyes pa ste | | raṅ ñid dbaṅ med yoṅs su śes nas ni | |
des ni rab tu ’jug pa sdug bsṅal ñid du daṅ | | ṅes par ldog ste sdug bsṅal ñid du kye ma mthoṅ | |

(7)ji ltar ’jig rten dag ni skye ba rtogs nas su | | des ni chad pa’i lta ba rnam par spaṅs pa ste | |
’jig rten dag gi nub par ’gro ba śes nas su | | rtag pa’i lta ba brtan po skyen par spaṅs pa’o | |

draṅ sroṅ chen po’i gsuṅ ni thos nas bzuṅ ba ste | | de ltar ’di na des ni sṅon gyi lta ba daṅ | (90a1)de yis sṅon du yoṅs su las ni byas pas te | | gaṅ gis skyen par dam pa’i chos la rjes su soṅ | |

yid ni rab tu daṅ bas mchog daṅ ldan pa des | | źi źiṅ ’gyur med go ’phaṅ de ni rab thob nas | |
thub pa gzims pa la ni bsṅags pa byas pa ste | | lta bźin ’di (2)las blo ’di rnams ni byas pa’o | |

mchod ’os dam pa mya ṅan ’da’ bar ’os pa yi | | mgon po mthoṅ nas bdag ni gnas par ’os ma yin | |
ston pa thugs rje ldan pa mya ṅan ’da’ ba yi | | sṅon du re źig bdag ni mthar thug la ’gro’o | |

de nas des ni thub pa la ni phyag ’tshal nas | | (3)sbrul bźin g-yo ba med pa’i gdan ni bciṅs nas su | |
sprin rluṅ gis ni phra mo’i phra mor byed pa bźin | | de ma thag tu źi ba mya ṅan ’da’ bar gśegs | |

de nas de phyir gduṅ gi ’du byed cho ga ni | | cho ga mkhyen pa’i thub pas rnam par bka’ stsal pa | |
mthar gyur de ni skye (4)ba mthar mdzad draṅ sroṅ che | | rgya chen slob ma mṅa’ ba’i slob mar gyur pa’o | |

de nas nam gyi thun ni ’das pa na | | zla bas skar ma rnams kyi ’od ni phrogs pa na | |
nags rnams ñal ba bźin du sgra med gyur pa na | | dge sloṅ rnams la thugs rje chen po mṅa’ bas bstan | |

slob dpon (5)bźin du sgron ma bźin du don bźin du | | bdag ’das tshe na so sor thar pa bstan bya ste | |
khyed kyi ston pa de yin de’i dbaṅ gis ’gyur bya | | kho bo gnas pa na yaṅ de tsam ñid smra’o | |

lus daṅ ṅag gi las ni rnam par dag ’dod pas | | de bźin ’jig rten tha sñad thams cad ’dor (6)ba daṅ | |
sa daṅ srog chags sa bon rdzas la sogs rnams kyis | | rab tu ’dzin pa las ni me bźin ldog pa’o | |

sa la skye ba gcod daṅ ’byed pa dag las daṅ | | sa yi logs la rko daṅ rmo ba dag las daṅ | |
gso ba daṅ ni skar rtsis mtshan ñid rnams las ni | | des par (7)ldog pa bza’ ba’i cho ga dus yin no | |

pho ña’i rigs pa sman daṅ sṅags ni bsñen rnams la | | sbyor min ñid daṅ ’chab pa ñid ni med pa ñid | |
chos las ma bkag pa yi sgrub pa rnams la ni | | tshod śes ñid daṅ tshim daṅ sogs pa ma yin no | |

rnam pa de ltar tshul khrims (90b1)yaṅ dag bsdus pa ’di | | thar pa’i rtsa ba źes pa so sor thar pa ste | |
’di las tiṅ ṅe ’dzin rnams rab tu skye ba ste | | ye śes thams cad rnams daṅ mthar thug rnam ’da’o | |

de phyir ma ral ma ñams dbrog bya ma yin pa’i | | gaṅ gis tshul khrims gtsaṅ ma yoṅ pa de yi (2)chos | |
de med gal te ’di yi thams cad med pa ste | | tshul khrims yon tan dam pa rnams kyi rten yin no | |

tshul khrims ma ñams rnam par dag pa gnas pa na | | dbaṅ po spyod yul rnams la ’jug pa ma yin źiṅ | |
dbyug pas ba laṅ tshogs rnams lo thog la (3)bźin du | | brtan las dbaṅ po drug rnams bsgrib par bya ba’o | |

dbaṅ po’i rta rnams yul rnams la grol gaṅ źig gźan | | len źiṅ de rnams las ni de tsam ñid ma yin | |
g-yo ba’i rta rnams kyis phrogs lam ṅan la bźin du | | des ni de yi ched du don med thob par (4)’gyur | |

dgra bo chen po rnams kyi dbaṅ du soṅ ba rnams | | ’di na kha cig sdug bsṅal ’thob par ’gyur ba ste | |
rmoṅs pas yul rnams dag gi dbaṅ du soṅ nas ni | | soṅ nas deṅ ’dir dbaṅ med rnams ni sdug bsṅal ’os | |

de phyir dgra bo ma ruṅs dbaṅ po rnams kyi (5)bźin | | dbaṅ po rnams kyi ’gro ba ’gro bya ma yin źiṅ | |
dbaṅ po rnams kyi dga’ bo ’jig rten na byas nas | | dbaṅ po rnams kyi gśed ma ’jig rten na mthoṅ ṅo | |

raṅ gi g-yo ba’i sems las ’jigs pa ji lta bar | | stag rnams las daṅ sbrul daṅ ’bar ba’i me (6)las daṅ | |
dgra bo las ni de ltar ’jigs par mi bya ste | | gaṅ gis sbraṅ rtsi daṅ ni yaṅ dag rtog pa med | |

lcags kyu med pa’i gñis ’thuṅ myos pa lta bu daṅ | | yal ga’i ri dags śiṅ la rab tu ma źi ltar | |
sems ni ji ltar ’dod bźin phyogs su skor ba ste | | g-yo źiṅ (7)bskyod pa de la go skabs sbyin mi bya | |

de ni raṅ dbaṅ yin na źi ba yod min źiṅ | | de yi gnas pa yin na byed pa byas pa ñid | |
de phyir sems ’di ji ltar rnam par mi g-yo ba | | de ltar rab tu ’bad pa yis ni gyis mdzod cig | |

bza’ ba tsam ni sman bźin ṅes par bsten (91a1)bya ste | | ’dir ni khoṅ khro bya ba ma yin chags pa min | |
ji srid bkres pa ñid ni ldog pa’i ched du daṅ | | lus kyi ’khrul ’khor gyis ’dzin pa yi ched du’o | |

ji ltar nags su buṅ ba rnams kyis me tog ro | | ’thuṅ ste me tog rnams ni ñams par byed (2)ma yin | |
de bźin dus kyi dbaṅ las bsod sñoms rgyu ba ste | | pha rol dad pa rnams ni ñams par byed ma yin | |

drad pos rtag par khur bar byed ces khur bya daṅ | | skye bo sbyin pa po yaṅ yod pa ma yin te | |
’di na sbyor ba min las khur ba ltuṅ ba ste | | ji ltar khur bu de (3)ltar sbyin pa po yin no | |

rnal ’byor rim las ñin mo mtha’ dag phul nas daṅ | | mtshan mo’i daṅ po’i thun daṅ cig śos dag kyaṅ ste | |
dran pa daṅ bcas sṅa ma’i cig śos la ñol la | | gñid kyi tshe ni don med byed pa ma yin no | |

dus kyi me yis ’di na ’gro ba sreg pa na | | (4)mtshan mo mtha’ dag la ni gñid par ’os pa su | |
ñon moṅs dgra po daṅ mtshuṅs ’joms pa po rnams ni | | sñiṅ la gnas pa yin na su yi gñid log ’gyur | |

de phyir khyim na nag po’i sbrul rnams ñal ba ltar | | yid la ñes skyon sbrul rnams rab tu ñal ba rnams | |
rigs pa daṅ ni (5)rkaṅ pa sman gyis ston nas su | | gñid log par ’os ’di las gźan du ṅo tsha’o | |

ṅo tsha rgyan ñid daṅ ni mchog gi gos yin źiṅ | | ṅo tsha lam las ’khyog pa rnams kyi lcags kyus te | |
ṅo tsha ldan pas de ltar gyur na ’jug bya źiṅ | | ṅo tshas rnam par spaṅs ba’i yon tan (6)rnams kyis spaṅs | |

ji srid pa la skyes bu ṅo tsha daṅ bcas pa | | de srid de yi mi yi ṅo tsha ñid yin te | |
don daṅ don min rnams la rnam dbyod med pa ni | | ṅo tshas rnam par dman pa phyugs daṅ mñam pa’o | |

gaṅ yaṅ yan lag ñid lag rnams ni ral gris gcod | | der yaṅ (7)yid kyis ñes pa bya ba ma yin źiṅ | |
źi ba ma yin dag ni brjod par mi bya ste | | bdag gi de yis khyed cag rnams kyi bar chod yin | |

bzod pa daṅ mñam dka’ thub yod pa ma yin źiṅ | | gaṅ gi bzod pa de yis stobs daṅ brtan pa ste | |
gaṅ rnams pha rol rnams las (91b1)rtsub mo mi bzod pa | | de rnams chos byed rnams kyi lugs min grol ba min | |

chos kyi ’byed pa po daṅ grags pa’i ’joms pa po | | gzugs kyi dgra bo daṅ ni sñiṅ gi me yin te | |
khro ba de yis go skabs rab ’byam mi sbyin źiṅ | | yon tan rnams kyi dgra bo de ’dra gźan ma yin | |

(2)yoṅs su bsil ba’i chu las glog gi me bźin du | | ji ltar rab byuṅ las ni khro ba ’gal ba ste | |
de ltar khyim pa rnams kyi skyes pa mi ’gal te | | chags ldan de rnams de la dam bca’ ma yin no | |

mdzes pa’i skra ni rgyaṅ riṅ mgo la reg nas daṅ | | rnam par ’gyur ba’i gos daṅ (3)lhuṅ bzed mthoṅ nas daṅ | |
gźan las mthar gyur spyod pa rnam par bsams nas su | | sñiṅ la skyes pa’i ṅa rgyal rab tu spaṅ bar bya | |

khyim la brten pa kheṅs pa ldan pa rnams kyi yaṅ | | ṅa rgyal rnam par ’phel ba ’joms pa’i phyir yin na | |
sloṅ mo za bas bdag ñid (4)yoṅs su rtog pa po | | thar pa la dmigs skra bźar rnams kyi sṅon ñid do | |

ṅan g-yo daṅ ni chos kyi mtshams sbyor yod min te | | gaṅ phyir ’di las ’khyog po ñid ni bsñen mi bya | |
ṅan g-yo ñid daṅ sgyu ni slu ba’i don du ste | | chos kyi bdag ñid rnams kyi ba slu bya yod ma yin | |

(5)gaṅ źig rgya chen rnams las sdug bsṅal ’oṅs pa ste | | ñuṅ du ’dod la ’oṅ ba ma yin de daṅ bral | |
de yi phyir yaṅ ñuṅ du ’dod ñid bsñen bya ste | | gaṅ źig yon tan rnams kyis rdzogs byed kye ma ci | |

de ni bkren pa’i lta ba rnams la mi ’jigs śiṅ | | dbaṅ po (6)rnams las gaṅ źig cuṅ zad ’jigs min la | |
gaṅ źig thos nas med ces mya ṅan med pa ste | | gaṅ gis ñuṅ ṅu ’dod de de yi thar pa min | |

gal te grol bar ’dod na tshim pa bsñen mdzod daṅ | | tshim pa na ni ’dir bde de ’di chos yin źiṅ | |
tshim pa rnams ni sar yaṅ bde bar (7)gñid log ste | | chim med rnams ni mtho ris na yaṅ rnam par sreg | |

phyug kyaṅ chim pa med pa rtag tu dbul po ste | | dbul yaṅ tshim pa daṅ ldan rtag tu phyug po ñid | |
tshim pa med pa sdug pa’i yul rnams daṅ ’bye źiṅ | | tshim pas ’gro ba ṅal ba ldan la mya ṅan byed | |

źi (92a1)ba’i bde ba dam pa thob par ’dod rnams kyis | | de ltar tshogs la dga’ ba rnams su ’gyur mi bya | |
źi ba’i bdag ñid gcig tu rgyu phyir ’jig rten na | | brgya byin la sogs lha rnams kyis kyaṅ re ’dod byed | |

chags po sdug bsṅal gyi ni gnas pa’i śiṅ yin (2)te | | raṅ gi skye bo la ’am skye la chags pa spaṅs | |
chags pa rnam rgyas sdug bsṅal la ni ’jig rten na | | gñis ’thuṅ ’khogs pa ’dam la bźin du chags par ’gyur | |

rtag par rab źugs chu yi rgyun ni mñen na yaṅ | | rdo yi logs la dus su rnam par ’bigs pa ste | |
brtson (3)’grus kyis ni rñed par dka’ ba ci yaṅ med | | de phyir khur rnams mi ’bor bar ni bzod bgyis daṅ | |

gaṅ źig yaṅ yaṅ ṅal bso nas ni srub byed pa | | de yi śiṅ la me ni rñed par sla min źiṅ | |
brtson ’grus brtsams pas rñed par sla bar ’gyur ba ste | | de phyir sbyor ba yod na bya ba (4)’grub pa ñid | |

dran pa yod na skyon rnams ’jug pa ma yin te | | dran pa daṅ mñam mdza’ bo med ciṅ bsruṅ ba med | |
dran pa ñams las des par thams cad ñams pa ste | | de phyir lus la soṅ ba’i dran pa spaṅ mi bya | |

ji ltar dpa’ bo rnams ni go cha bzuṅ nas su | | dgra bo’i (5)sde la ’jigs pa med rnams ’jug pa ste | |
de bźin lus la dran pa’i go cha bgos nas su | | brtan pa rnams ni yul gyi g-yul rnams la spyod do | |

mñam par gźag pa’i blo daṅ sems ni yoṅs bsdams śiṅ | | ’jig rten dag gi skye daṅ ’god pa śes pa ste | |
de phyir tiṅ ṅe (6)’dzin la yoṅs su ’jug bya ste | | tiṅ ’dzin rab tu thob pa’i sems nad yod ma yin | |

rnam par ’thor ba’i chu ni rnam par ’dzin don du | | ji ltar ’bad pas doṅ daṅ ’bos ni byed pa ste | |
ye śes chu ni gnas pa’i don du tiṅ ṅe ’dzin | | de ltar doṅ dad ’obs daṅ mtshuṅs par rab (7)tu bstan | |

śes rab ldan pa yoṅs su ’dzin pa btaṅ ba yi | | chos ’di naṅ la mchog tu gźol ba dag gis te | |
de ltar gnas pa’i grol ba yod ciṅ ’di yi ni | | phyin ci log ni khyim pa ma yin dge sloṅ min | |

śes rab dga’ daṅ ’chi ba’i mtsho chen dag la gru | | rmoṅs (92b1)pa’i mun pa rnams la ji ltar sgron ma ste | |
naṅ rnams thams cad ’joms pa dag gi sman yin źiṅ | | ñon moṅs ljon śiṅ ’joms byed mtshon cha rnon po yin | |

de phyir thos pa bsam pa bsgom pa rnams kyi ni | | śes rab rnam par ’phel la rab tu ’jug par bya | |
gaṅ gi śes (2)rab raṅ bźin lta byed mig yod pa | | de ni mig daṅ bral yaṅ mig daṅ ldan pa ñid | |

sems la rgyu ba’i spros pa de daṅ de rnams kyis | | khyim na gnas pa spaṅs nas kyaṅ ni grol min ñid | |
mchog tu źi ba thob par ’dod pa rnams kyis ’di | | śes nas spros pa med pa rnams su (3)’gyur bar bya | |

de phyir bag yod bla ma bźin du bsñen mdzod la | | bag med dgra bo bźin du rnam par spoṅs mdzod daṅ | |
bag yod pa las brgya byin gyi na dpal thob ciṅ | | bag med pa las lha min kheṅs rnams rnam par ñams | |

phan pa daṅ ldan rjes su brtse ba mṅa’ ba yi | | (4)sten pa thugs rje mṅa’ bas mdzad bya gaṅ yin pa | |
de ni bdag gis byas śiṅ daṅ ni rab bsdams pa | | khyed cag rnams kyi sems ni źi bas byas pa’o | |

ci ste ri rnams daṅ ni khaṅ pa stoṅ pa daṅ | | dgon pa de rnams gaṅ daṅ der ni yod pa na | |
rab tu sbyor la rtag tu ’bad pa bya ba ste | | (5)phyi nas yoṅs su gduṅ ba ldan par ma gyur cig | |

sman pa raṅ bźin yaṅ dag legs par śes nas ni | | nad pa rnams la dam pa’i sman ni brjod bya ste | |
de yi dus kyis sbyar bar ṅes par bsten pa la | | nad pa gaṅ de bdag po yin te sman pa min | |

dpal ldan draṅ źiṅ mñam la ’jigs (6)pa med pa yi | | lam ni lam mkhan gyis ni rnam par bstan pa na | |
thos nas gaṅ źig mi ’gro de yi ñams pa ste | | bstan pas ’dren pa po ni bu lon yod ma yin | |

sdug bsṅal la sogs bden pa bźi po kho bo yis | | bstan pa rnams la ’di ni gaṅ gi ’dod pa yod | |
de ni myur źiṅ (7)spobs par pa dag la smros śig daṅ | | the tshom śin tu rnam par dpyad bya bcad par bgyi | |

de ltar mthon por gsuṅs pa’i draṅ sroṅ chen po la | | the tshom med pa de rnams ci yaṅ ma gsol to | |
sems kyis de dag rnams kyi sems kyi gtiṅ dpags nas | | byed ldan ma ’gags pas (93a1)kyaṅ tshig ’di smras pa’o | |

rluṅ ni g-yo ba ma yin ñi ma bsil ba daṅ | | ri boṅ mtshan ma can ni dro ba ñid na yaṅ | |
’jig rten dag na rkaṅ pa bźi po de rnams ni | | bden pa min par byed par nus pa ma yin no | |

gaṅ źig sdug bsṅal brjod pa de ni bde ba min | | (2)’di yi rgyu gaṅ rab tu skye bo de gźan min | |
rgyu ni ’gags pa las ni ṅes par thar pa ste | | gaṅ źig ’di yi lam ni thabs ma yin pa min | |

de phyir bdag ñid chen po bden pa bźi rnams la | | dge sloṅ skye bo ṅes ’di gtam ci yod ma yin | |
ston pa mya ṅan ’da’ ba rñed par ’gyur (3)źes te | | gaṅ źig don ni rdzogs pa ma yin sdug bsṅal te | |

gaṅ źig tshogs pa ’di ni brtul źugs gźon ñid las | | sṅon du don ni mthoṅ bar gyur pa ma yin pa | |
de yaṅ khyed kyi gsuṅ ’dis da ni de ma thag | | glog gi ’od kyis lam bźin yaṅ dag mthoṅ bar gyur | |

gaṅ (4)gi don gyi lhag ma yod pa ma yin źiṅ | | gaṅ yaṅ srid pa’i mtsho yi pha rol phyin pa ste | |
mgon po śin tu skyen par ṅes par gśegs thos te | | de dag gi yaṅ sñiṅ la bsams par gyur pa ñid | |

de ltar ’phags pa ma ’gags pa yi tshig de yis | | don ni rnam par śes kyaṅ (5)śes nas slar yaṅ ni | |
gus ldan rnams kyi blo gros brtan po mdzad bźed pa | | byams pas slar yaṅ saṅs rgyas kyis ni bka’ stsal to | |

gaṅ phyir skal bar gnas kyaṅ de ni ñams pa ste | | phan tshun du ni ’du ba ṅes par yod ma yin | |
bdag ñid kyi daṅ gźan gyi don ni byas nas (6)ni | | kho bo gnas pa la ni dgos pa yod ma yin | |

gaṅ rnams mkhar daṅ sa na bdag gi gdul bya rnams | | de rnams thar par byas śiṅ rgyun la bcug pa ste | |
’di las gźan du slob ma rim daṅ rim rnams kyis | | ṅa yi chos ’di skye dgu rnams la gnas par ’gyur | |

de (7)phyir ’gro ba’i raṅ bźin rnam par śes byas nas | | bsam mno ma byed ṅes par rnam par ’bral ba ste | |
rnam pa de ltar ’gro ba śes nas su | | ji ltar ’di ltar ma yin de ltar gyis mdzod cig | |

ye śes sgron mas mun pa rnam par bsal byas nas | | srid pa rnams la sñiṅ po (93b1)med par mthoṅ nas su | |
ji ltar nad ni ñe bar źi ba de ltar ni | | tshe ni rnam par ’gags na tshim pa ñid yin no | |

dor bar bya źiṅ rtsod ldan lus źes bya ba ni | | srid pa’i mtsho yi rgyun ni rnam par ’gags pa na | |
don med byed pa’i dgra bo’i rnam par ñams las bźin | | tshe ni ñe bar (2)źi bas tshim pa ma yin su | |

rgyu daṅ mi rgyu thams cad rnam par ’god pa ste | | de phyir khyed cag rnams ni legs par bag yod gyis | |
mya ṅan ’da’ ba’i dus ni yoṅs su gyur pa ste | | khyed cag ma smra ’di ni bdag gi phyi ma’i chig | |

da nas bsam gtan rig pa rnams kyi mchog (3)gis ni | | yud tsam de la bsam gtan daṅ po thob mdzad nas | |
de las rnam par bźeṅs nas gñis par gśegs pa ste | | rim gyis ma tshaṅ med par thams cad la gśegs so | |

de nas rjes su rim pas rab tu byed pa dgu | | sñoms par ’jug pa’i tshogs ni mtha’ dag (4)bsam gtan mdzad | |
de nas draṅ sroṅ chen pos slar yaṅ rim gyis ni | | bsam gtan daṅ po de ñid la ni bab pa’o | |

de las rnam par bźeṅs nas kyaṅ ni rim gyis ni | | bsam gtan bźi pa la ni slar yaṅ ’dzegs pa ste | |
bsam gtan bźi pa’i cho ga las de rnams (5)bźeṅs śiṅ | | mṅon sum ñid du ñe bar źi ba la gśegs so | |

de nas thub pa mya ṅan ’da’ bar gśegs pa na | | char gyis snun pa’i ba laṅ bźin du sa g-yos śiṅ | |
phyogs kyi glaṅ po rnams kyis sbyaṅs pa bźin du ni | | nam mkha’ las kyaṅ sgron ma rnams ni lhuṅ bar gyur | |

(6)lha yi nags tshal sna tshogs śiṅ rta sreg ’dod pa’i | | nags kyi me ni bar snaṅ dag la byuṅ ba bźin | |
bud śiṅ med ciṅ rluṅ med du ba med pa’i me | | phyogs ni sreg par byed pa byuṅ bar gyur pa ñid | |

lha min ’joms par ’dod pa g-yul du ’jug pa na | | khro ba brgya bas khro ba (7)rnam par gtoṅ ba bźin | |
de bźin me stag brgya pa’i me ni skyug pa yi | | dbaṅ po’i rdo rje mi bzad pa rnams lhuṅ bar gyur | |

’jig pa’i rluṅ rnams dag gis btags pa rnams kyi bźin | | ’dzin pa ’dzin pa rnams kyi rtse mo rnams lhuṅ źiṅ | |
’khri śiṅ śiṅ rnams dag ni (94a1)zug rdu byed pa yi | | phyag dar khur ba’i rluṅ ni drag tu g-yos par gyur | |

’dam gyi chus bsgos sdoṅ du gźon nu rnams kyis ni | | lus ni yoṅs su dkris pa’i ṅaṅ pa’i rgyal po bźin | |
cuṅ źig ’od zer kha dog ṅan pa de rnams kyis | | ’od ni bcom ste zla (2)ba mṅon par gsal bar gyur | |

sprin daṅ bral yaṅ mkha’ la zla ba gnas na yaṅ | | mun pa mi bzad rnams kyis phyogs rnams rgyas pa ste | |
yud tsam de la mya ṅan gyis ni zil non bźin | | chu bo rnams ni de ma thag tu chu dron ’bab | |

de nas ñe sar skyes pa’i śa la’i śiṅ dag gis | | (3)raṅ gis me tog mdzes pa ’jug pa dus min la | |
rnam par btud nas draṅ sroṅ chen po’i sku lus ni | | gser gyi stegs bu’i gzugs brñan la ni yaṅ dag gtor | |

mkha’ la mgo bo lda rnams mi g-yo’i klu rnams ni | | mya ṅan gyis slar so sor dmar ba’i mig can rnams | |
rab (4)tu gñid log gdeṅs ka stod pa’i lus rnams kyis | | thub pa la ni gus pas lta bźin gnas par gyur | |

naṅ du soṅ ba’i kun nas gduṅ ba rnams | | de rnams śin tu dron po’i dbugs ni brgyus pa ste | |
’gro ba’i raṅ bźi mi rtag pa ni rtogs nas su | | mya ṅan ’oṅs pa min rnams (5)mya ṅan smod par gyur | |

ṅes par legs pa’i chos kyis cho gar rab źugs pa | | rgyal po rnam thos sras kyi ’dus pa dam pa de | |
chos la mṅon par chags pas mya ṅan ma byas śiṅ | | lha yi rten la mchi ma phyuṅ bar ma gyur to | |

gtsaṅ mar lhag par gnas pa’i byed ldan lha rnams (6)kyaṅ | | draṅ sroṅ chen po’i yaṅ dag śin tu gus ldan rnams | |
raṅ gnas gyur źiṅ rnam par ’gyur ba ma soṅ ste | | ’jig rten dag ni raṅ bźin rnam par smad pa’o | |

dri za’i rgyal po rnams daṅ de nas klu yi rgyal po rnams | | gnod sbyin rnams daṅ dam chos la dga’ lha rnams ni | |
mya (7)ṅan byed ciṅ mya ṅan mchog la gźol rnams kyis | | rigs chen po yi ñam thag bźin du kha la gyur | |

yid la re ba thob pa’i bdud kyi sde rnams ni | | rab tu dga’ bas skad ni ’thon źiṅ dgod pa ste | |
’phyo źiṅ glu dbyaṅs gar byas dga’ bar gyur pa rnams | | rṅa bo che daṅ rdza rṅa pa ta (94b1)ha rnams brduṅs | |

de nas rdo rje rtse mo bcom pa’i ri bo bźin | | chaṅ daṅ bral ba’i gñis ’thuṅ dga’ ba med pa bźin | |
nog gis rnam par dman pa’i dbyibs can khyu mchog bźin | | thub pa’i khyu mchog nub ba na ni ’jig rten gyur | |

ñin mor byed pas rab tu dman pa’i nam mkha’ (2)bźin | | ba mos bsregs pa’i padma daṅ ldan rdziṅ bu bźin | |
nor daṅ bral źiṅ bya ba med pa’i rigs bźin du | | srid pa ñams mdzad rab tu ñams las ’gro bar gyur | |

saṅs rgyas kyi spyod pa źes bya ba’i sñan dṅags chen po las | yoṅs su mya ṅan las ’da’ ba chen po’i le’u ste ñi (3)śu rtsa drug pa’o ||

Permanent link

http://www2.hf.uio.no/common/apps/permlink/permlink.php?app=polyglotta&context=ctext&uid=8667436c-e7a7-102d-829a-001cc4df1abe

Choose languages

Choose images, etc.

Choose languages

Choose display